رواية عشقني فعشقت اخاه الفصل الثالث 3 - بقلم غير معروف

للكاتبه: ذكريات العزوف💔💔
علي: ارجوان شبيج حياتي معقولة تبجين وانتي طالعة من غرفة ابوية شكو ولج بس لا مسوية مصيبه
ارجوان: ركضت لغرفتي ابجي كلش خفت على ابوية ليش هيج حجه
امير وعلي: يمه شبيهة ارجوان بس لا عرفت بابا مريض
ام ارجوان: لا ولحد يجيب طاري تدرون هي شكد متعلقة بي بس رافد اخو سامر خطبهة وابوك قبل وكلهلة فكري لان اريد اامن عليج قبل ما اموت
علي: بس احنه نعرف بشنو مر رافد وتعقد من هلموضوع وهو ضعف عمرهة شلون ابويه يقبل لو يموت رافد ما اخلي يشوف اضفرهة يريد وحده بكد بنته
ام ارجوان: ما اريد اي مشاكل علي ابوك ميتحمل
امير: ليش ابوية يريد ينطي ارجوان هسة قبل يكول تخلص كليه وما انطيهة يعني واذا تمرض ما عنده ثقه بينه شنو احنه زلم لو نعل استغفر الله
ابو ارجوان: شوكت كبرت ولك امور معقولة هذا الكلام منك هسة لو متت اموت مرتاح عايف 2 سباع ويه امهم بس ارجوان لازم تستقر وتتزوج لان هي ما اتعدت مرحلة المراهقة واليوم من شفت ملابسة وشلون متغيرة تاكدت بدت تتأثر بالي دتشوفه وانتو صح اخوتهة بس عدكم شغل واكيد راح تتزوجون وكلمن يحير بهمه وارجوان عنيده اريدهة تتعلم ع رافد وهو يعلمهة عليه ولا تناقشون اكثر اني متاكد رافد راح يسعدها
واني سمعتوا الدكتور شكال ما اطول اريد اامن على بنتي
ارجوان: توني اريد انزل اكول لابويه ميحتاج افكر ما اريد اتزوج وسمعت حجيهم ضليت صافنه بابا شبي شنو مريض وليش ما كالولي ليش ضموا عليه هيج شي ورافد شنو مر عليه وليش تعقد سودت الدنيا بوجهي ضليت بس ابجي بس لازم اصير قويه ومن اتذكر حجي امير حبيبي احس بقوه ما حاستهة قبل عندي ضهر وسند بهاي الدنيا ضليت افكر لازم ادرس وانجح حتى اصير دكتوره واعالج مرض ابويه مهما كان ومراح اكول لبابا اني عرفت حتى لا يحس ان هو سبب حزني وخوفي طلعت كل الكتب وكعدت ادرس وكل ما اتعب ابجي واتذكر كل المواقف ويه ابويه من مره تمرضت وهو نيمني بحضنه طول الليل ولمن كسرت مرايه امي وجذب ع امي وكلهة اني وكعتها حتى متزعل عليه ومن جان عندي امتحان وضلينه نقره ونعسنه شبكني وشبك الكتاب ونمنه شكد كرهت روحي هو مريض بس ميبين كبالي حتى ميضوجني شكد تحمل علمودي معقولة ابويه ابو صوت الحلو راح يفاركني يا ربي لا تخليني اشوف هذا اليوم من عمري على عمره لا تلوع كلبي عليه ما اتحمل فراكة واحفظ اخوتي من كل مكروه قبل كم ساعة جنت اخاف احسد نفسي على حياتنه الحلوه طلعت بس حياتي الحلوه وهمه يعانون حتى يفرحوني رجعت اقره واقره للصبح ما نمت صليت ونزلت فتحت النت وسويت ريوك للكل ومنتضره يكعدون صح ما اعرف اطبخ بس من تسوي شي من كلبك صدوك يطلع احسن ما يكون كعدت ماما وراهة علي وامير وابويه
ام ارجوان: شعجب ماما كاعده ومسويه ريوك معقولة هاي شمسويه الريحة تصطر
ارجوان: هاي كيكه ولفه خميره وصمون فرنسي ومخلمه وبيض سلك واكو بيض بلطاوه وجبن وزيتون
ام ارجوان: شوكت لحكتي ومنين تعلمتي انتي بيض بلكوه تكلين
ارجوان: صليت وطلعت بالنت وتعلمت بس امير وعلي يسون مفاجاءت اني هم سويتلج مفاجئة
ام ارجوان:يمه حبيبتي عاشت ايدج
علي:خاف تعلمتي حتى تسوين لرجلج بعدج مانخطبتي ست ارجوان وطلعت ربه المنزل الي بداخلج
امير: لا تخيل تدلع رافد تكوله رفودي تعال صار الريوك بس لا تعوجين حلكج يروح يشرد
ارجوان: مو صوجكم جيبوا الاكل هاك اكل جبن انته وامير كوم كلي بيض بيدك
علي: شنو انت احترمي انطيتج مجال هواي
ارجوان: اسفه بس ليش هيج تحجون😢😢
علي: دكافي تدرين ما اكدر اقاوم ذني العيون
ابو ارجوان: صباح الخير يابه شو كاعدين من وقت شسالفه وشنو هاي الريحة الطيبه
ام ارجوان: هاي جوجو سوت الريوك اليوم
امير:يمكن سممت الاكل حتى تخلص منه ومتتزوج
ارجوان: لا بلعكس فكرت بكلام بابا اكيد هو يريد مصلحتي واني موافقه
ابو ارجوان: عفيه بابا زينب اذا اتصلت ام رافد كولهة خل يجون
ام ارجوان: اكيد من اتصلت كالت احنه نجي الخميس يعني باجر بس نريد نعرف اذا ناوين تزوجون ارجوان
ارجوان: اكلنه وخلصنه وكلمن راح لشغله
ابو ارجوان: علي لحضه تعال
علي: نعم بابا
ابو ارجوان: رقم رافد عندك مو
علي:اي بس شسوي بي
ابو ارجوان: انطينياه بابا وروح لشغلك و عيب تسال ابوك هيج سوال وبهيج طريقة انت رجال شكبرك قابل ارجوان واعلمك
علي: لا بابا العفو والله مو قصدي تفضل هذا الرقم انطيته الرقم وطلعت اني ساكت لان ابويه مريض والدكتور كال اهم شي الحالة النفسية لازم يرتاح ويبتعد عن الضغوط بانواعها واعرف ابويه بشنو يفكر رافد صح معقد بس حنين كلش ورجال يعتمد عليه وكلمته متصير ثنين
ارجوان ضليت طول الوقت بالي يم ابويه حتى المدرسات لاحظوا هذا الشي ومن يسالون اكلهم خوف من البكلوريا لازم ارجع واطلع كل تحاليل ابويه واصورهن لازم اعرف شنو بي جنه بنهاية سنه انطوني النتيجة داخلة بكلوريا وكالوا نص الدوام ونطلعكم
ابو ارجوان: سلام عليكم
رافد: عليكم السلام منو ويايه
ابو ارجوان: عمو اني ابوا ارجوان صديق ابوك
رافد اهلا عمي تفضل
ابو ارجوان: زاد فضلك بس عمو تكدر تمرلي عندي شغله وياك
رافد: اتصور العنده شغله يم واحد هو يروحله بس لان انت اكبر مني راح احاول اجي بس وين وشوكت
ابو ارجوان: هذا الشي يدل على اخلاقك بعد ساعة اذا تكدر مرلي للبيت
رافد: احاول
ابو ارجوان: يلا ما اعطلك في امان الله ابني
رافد: الله وياك
رافد: كعدت من نومي على صوت الموبايل من كلي ابو ا جوان صفت هذا شيريد من كال تعال حبيت احقر وياه بس اسلوبه كلش محترم يجبرك تحترمة اول شي كلت ما اروح بعدين قررت اروح ازهكة هو وبنته وارجع