رواية عشقني فعشقت اخاه الفصل الثامن 8 - بقلم غير معروف

ارجوان: من عمي اخذ رافد ضليت ابجي واللطم ردت اتخبل خفت على رافد اتصلت على اخوية يجي ياخذني اريد اشوف رافد بدلت ردت انزل سمعت صوت ونين شفت سامر بلكاع يون ويصيح ود رحت يمه اسمعه يكول ود شبيهم ذولة فكيت عيني هذا طافي فد مرة اجت ود وعمتي شافوني يحجون اني مو يمهم تمنيت اوكع اموت انجلط بس ما بيه شي ود شافت سامر ركضتله فرغت مي على راسة هو نايم ماكو فاصل بغير عالم اصلا شكد حاولوا يصحوا ماكو احساس مامعقولة من شرب هيج يصير بي اخر شي عمتي طلعت سطل مي بارد ذبت عليه فتح عيونه اتقيئ ورجع نام اجه اخويه يسال ما اجاوب رحنه للمستشفى
الدكتور: انهيار عصبي والضغط مرتفع ديروا بالكم عليه
ابو سامر: دكتور اكو خطر لو شنو شبي ابني
الدكتور: لا عمي ماكو شي باجر يطلع اهم شي الحالة النفسية لازم يرتاح
ارجوان: سمعنه الدكتور شنو كال اخوية كلي ارجعي للبيت ما قبل ضليت ابجي خابر امير اجه اخذني وبقه ويه عمي ابو سامر
رافد: صحيت الصبح عبالي هذا حلم وصحيت بس من شفت ابويه مدنك اختنكت لزمتني عبره لو اطلعهة تهد جبال واني كاتم بصدري شنو احجي اخوية ابن امي وابويه اعتده على مرتي هنا المسألة مو مسأله حب صح اليحب يغار على حبيبته هنا شغله عرض ينهتك من اقرب شخص الك تنزل دموعي وبس صافن كمت اضحك اجه ابويه والدكتور يشوفون دموع وضحك يحجون اني مو يمهم
رافد: تذكرت شكل هدوم ارجوان شلون مشكوك البدي واثار الحمار باوعت لابوية جنت من اوكع اصيح ااااخ هسة شصيح ها ليش جبتني على هيج دنيا ليش بويه بس انطيني جواب ريح كلبي كضيتهة ضيم بضيم لعد مو اني سيد وينه جدي ما مر عاشر مالطمت وبجيت وين اشو لا ضل عرض ولا شرررف وينهم ليش ربي اول درس بحياتي تعلمته الله يحبنه اكثر من امنة وابونه مو دتشوف عذابي ليش ترضى بلظلم لو ميت ومشايف هاي الشوفه
ابو ارجوان:حسبي الله ونعم الوكيل يا ابني الصار صار وامك تكول اصلا هو فاصل كعد يصيح شبيكم والبارحة ذابين عليه سطل مي وما كاعد
علي: عمي شكو شنو السالفة اني ما اريد ادخل بحياتكم ومشاكلكم بس شنو صاير
ابو ارجوان: ماكو شي ابني
علي: احجي ويه رافد حتى ميباوع لوجهي حسبالك ماخذ موقف مني للعصر طلعوا
ارجوان: متت بليل جسمي يختظ كلش من اتذكر الصار بيه اريد اموت بس طلعت الشمس رحت لبيت عمي ورافد بعده مجاي
ود: ارجوان شنو صار البارحة
عمتي: الليل كله نلوب بنتي فهمينه السالفة
ارجوان: حجيت كلشي لعمتي ضلوا يلطمن ويبجن اني مو يمهن كتلهة عمه روحي لحلا انتي اني وود نبقه
عمتي: لج يا حلا هاي مصيبة ولدي راح يضيعون
رافد: من رجعت اني شفتهم تخبلت ضليت اضرب بسامر بكل قوتي وجريت ارجوان من شعرهة كتله لاخوهة اخذها ما اريدها
علي: لك انت شلون تمد ايدك عليهة ترى اراويك النبي عربي ارجوان لمي هدومج وتعاي
سامر: كرهت روحي اني دمرت حياتي وخسرت اخويه وكلشي صار بسببي