رواية عشقت ابنه عدوي(جاري التعديل) الفصل الاول 1 - بقلم salma naser

في فيلا الفيومي

*********
تفتح خضراويتها المليئه بالحيويه والنشاط وتنهض بنعاس وهي تتثائب واصابعها تتخلل بين خصلاتها الذهبيه الطويله تفرده بنعومه خلف ظهرها ثم تدخل

الخادمة بابتسامه:صباح الخير يا كارما هانم حضرتلك الحمام

كارما بابتسامه:صباح النور يا داده خديجه منا قولتلك بلاش هانم دي انا زي بنتك ولا ايه

خديجة:طبعا يا بنتي دي انتي تربيتي بس برضه الناس مقامات

كارما وهي تنهض:ولا مقامات ولا بتاع انا محبش حد يقولي يا هانم وبالذات انتي وبعدين يا جميل انت ازي تقولي يا هانم ...قوليلي بابي صحي

خديجه:اه من بدري ومستنيكي علي الفطار تحت
كارما بمرح:يا خبر بابي صحي ومستنيني دا زمانه هيقاوم القيامه عن اذنك بقا يا داده اما ادخل اجهز لحسن يقلب الدنيا تحت انتي عارفه مش بيحب حد يتاخر

خديجة:اتفضلي يا بنتي

خرجت الخادمه ودخلت كارما الحمام اخذت شوار سريع وبعدها صلت فرضها وتجهزت للعمل وكانت في كامل اناقتها كالمعتاد حيث ارتدت

انتهت من ارتدء ملابسها وصففت شعرها وتركته منسدل علي ظهرها ولم تضع اي مساحيق تجميل فهي جميله وبريئة بشكلها الطبيعي نزلت كارما الدرج برشاقه وهي تدندن بمرح

وصلت الي مائده الطعام وقبلت ابيها وقالت:صباح الخير يا احلا بابي في الدنيا

والدها:صباح النور ياروح بابي كل دا

كارما وهي ترتشف القهوه:عقبال مجهزت بقا يا بابي ولا عايزني اروح الشركة معفنه

والدها بابتسامه:انتي جميله في كل حالاتك حتي لو روحتي ببيجامه النوم

ضحكت كارمه ثم قالت بجديه:شكرا يا بابي...صحيح عملت ايه في الشحنه الي رايحة تركيا

والدها:خلاص خلصنا موضوعها

كارما:كويس اوي..

وبعد دقائق سمعت رنين هاتفها ووجدت زينه اجابت بسعاده:الو ايوه يا زينه صباح النور يا قلبي

زينه:الصباح الفل والياسمين بتعملي ايه

كارما:بفطر مع بابي حبيبي وهروح الشركة بعد كدا انتي لسه مجهزتيش ولا مش ناويه تروحي الشغل

زينه ببعض الحزن:لا هروح بس بابي ناوي يسافر انهارده في شغل وهيسبني تاني

كارما والتمعت عينها بحماس:ياا وانتي زعلانه انكل سامي هيقعد اسبوع وهيرجع نقضي احنا بقا خروجات وفسح وسهر لحد الصبح يلا خلصي شغل وتعالي وهاتي حاجتك عشان تباتي معايا

زينه وقد تذكرت شيآ: اه صحيح كنت هنسا عارفه ماري

كارما:اه مالها

زينه:عامله بارتي انهارده عشان فسخت خطوبتها ثم ضحكت هي وكارما وقالت كارما: ههههه بارتي مره واحده والله هتخسر دا غلبان وبيحبها

زينه:احنا مش فغلبان دلوقتي ...احنا عاوزين نحضر البارتي هي عزمتني وبعدين انا الكام يوم الي فاتوا قاعده مضايقه فهااا هتيجي

كارما:طبعا جايه رجلي علي رجلك

زينه بفرحة:تمام بعد متخروجي من الشركه هعدي عليكي ونروح يلا باي

اغلقت كارما الخط وانهت فطورها ونهضت هي ووالدها مستعدين الذهاب الي الشركة
&&&&&&&&&&&&&&&&

*في مركز الشرطة*

جالس علي المكتب يتذكر شيئا ويبدو انه غاضب دخل

عليه سيف بمرح:ايه ياعم السرحان مال وشك كدا قرفان من نفسك

ادم:انت جيت امتي؟

سيف:من شويه وسئلت عليك قالولي انك قاعد في مكتبها مش هتنساها بقا يا ادم

ادم بغضب ووعيد:ايه انساها!! انت واعي للانت بتقولوا دا انا عمري مهنساها انا وعدتها وهي بين ايديا اني هجبلها حقها من ابن الكلب الي عايش بحريه ولا كانه عمل حاجه ولا قلبي هيدق لحد غيرها قولي عملتوا
سيف بتنهد:ادي الملف بتاعه اهو هتقبض عليه امتي بقا الادله كلها هنا

ادم:اقبض عليه انا مش هقبض عليه دلوقتي انا عايز الملف بتاعه عشان اذله بيه

سيف:بس انت عارف ان الي بتعمله ده غلط

ادم بغير اهتمام:عارف...انا اهم حاجة عندي اعذب الكلب دا واعيشه في عذاب وانتقم لفرح

سيف:عارفك يا ادم لما تحط حاجة في دماغك لازم تعملها وانا تعبت منك بصراحه ويلا قوم علي مكتبك عشان تشوف شغلك يا حضره الظابط

اؤمي له براسه وذهب سيف بينما نظر ادم لمكتبها نظره حب واشتاق وتلمس بيده كل شيي موجود علي المكتب

بحزن ونزلت منه دمعه هاربه مسحها وقال بتوعد:ورحمه امي ابويا مهسيبك يا ابن ال****** هوريك يعني ايه عذاب وبكره تندم ..

وخرح من مكتبها واغلق بابه ببطء ..

&&&&&&&&&&&&&
*في احد الاحياء الشعبيه*

تاتي فتاه غاضبه وتلقي قطعه الملابس باهمال

مياده:في ايه يا مليكة بترمي هدومك كده ليه

مليكة بغضب:انا طهئت هدومي بقت قديمه وفيها حفر مقطوعه من كل ناحيه شبه الشحاتين انا بقيت عره وسط صحابي

مياده بتنهد:حاضر يا مليكة لما اقبض ابقي انزلي هاتيلك هدوم جديده

مليكة بسخريه:وهو الملاليم الي بتاخديها دي بتسميها قبض دي متجبش طرحه عدلة

مياده بغضب:وبعدين معاكي يا مليكة منا قولتلك لما اقبض انزلي اشتري هو ولا دا عاجب ولا دا عاجب وبعدين احمدي ربنا غيرنا مش لاقي ياكل

وتركتها وذهبت الي غرفتها وقالت في نفسها بحزن:عمرك ما هتتغيري يا مليكة مهما عملت عشانك

اما مليكة قالت بغضب:دي مبقتش عيشة الواحد نفسه يقب علي وش الدنيا شويه واحنا عايمين في الفقر والحته النتنه دي فينيك ياما تيجي تشوفي الذل الي بنتك عيشاه وبتلبس هدوم اي كلام دي حاجه بقت تقرف
&&&&&&&&&&&&&&&&
*في كليه الطب*

تجلس فتاه في قمة الجمال والبراء وتقرأ كتاب ليدخل لها شاب بابتسامة وقال:مساء الخير علي العيون الحلوه دي

رفعت جوري نظرها ونظرت له نظره مشبعه بحبها وخجل:ازيك يا زياد انت جيت ازاي مش قولتيلي امبارح انك مش جاي

زياد وهو يطالعها بنفس نظراتها المتبادله :مقدرتش استحمل بصراحه وكنت لازم اجي عشان اشوفك اقصد عشان اشوف صحابي يعني قعده البيت دي ملل

جوري:وانا كنت زعلانه ومضايقه انك مجتش كويس انك جيت

زياد وقال:يعني انتي كنتي مضايقه اني مكنتش جيت دا بجد!!

جوري وتدارجت ما قالت وقالت بتلعثم:ايه لا ...مش بالظبط ...اصل ..انت بتسليني يعني وبتفهمني حاجات في المذاكره

زياد:ااه تمام في حاجة واقفه معاكي وانا اشرحهالك

جوري في نفسها:نفسي يازياد تحس بحبي ليك مش لازم انا اقولك يعني انا تعبت بجد

جوري:ااه في حاجة واقفه معايا

زياد في نفسه:امتي اقدر اقولك يا جوري اني بحبك واحضنك وامسك ايدك بس خايف ترفضي عشان انا مش من مستواكي وابقي خسرت اني اشوفك بجد مش عارف اعمل ايه

زياد:طيب ياستي وريني
&&&&&&&&&&&&&&&

بعد ان انتهت كارما من العمل ذهبت الي زينه التي تنتظرها في الكافيه ووجدتها تنظر لصوره ما وعينها تدمع تنهدت كارما بحزن علي حاله صديقتها وقالت لها وتربت علي ظهرها:وبعدين يازينه هتفضلي كده مش قولتي انك هتنسيها

زينه ومسحت دموعها:اعمل ايه بس يا كارما بتوحشني

كارما:مهي كل لما بتجيلك بتطروديها

زينه:لما بشوف وشها بفتكر الي عملته فيا زمان ووببقي عاوزه اطلع فيها غل السنين دي كلها واول لما بمشي قلبي بيحن وبتوحشني وببقي عاوزه اترمي في حضنها واعيط بس كرامتي مش بتسمح

كارما:حبيبتي مش تضغطي علي نفسك لو مش عايزه تكلميها وتسامحيها خلاص متضغطيش علي نفسك كدا انا بحبك ومستحملش اشوف قهرتك دي

زينه بابتسامة:ربنا ميحرمني منك ابدا يا كارما انتي وبابي وانكل ادهم اهلي وعيلتي والبت دانا بردو

ثم مسحت دموعها وقالت بمرح محاوله تغير الموضوع:هنقضيها كدا عبله كامل وامينه رزق يلا يا بت قومي ورانا بارتي بليل

ابتسمت كارما:تمام يلا هي هتبقي الساعه كام؟

زينه وهي تضع الصوره في حقيبتها:الساعه تمانيه والساعه دلوقتي سته لازم نجهز بسرعه قومي يلا نروح
امأت لها كارما وركبوا في سيارتها وذهبوا عائدين الي الفيلا
&&&&&&&&&&&&&&
*في فيلا في المهندسين*

تدخل جوري متاففه وتقول:مش بيحس مش هيفهم اني بحبه الغبي دا ياربي بقا ارحمني انا تعبت يا ابييييه انت جيت

خرج ادم من غرفته وقبل اخته بحنان وقال له:جيت يا حبيبتي يلا غيري هدومك عشان نتغدا انا مستنكي بالعافيه عشان كمان ساعتين وهنزل اروح مشورا

جوري:حاضر يا ابيه

ذهبت جوري لتغير ملابسها بينما اتصل ادم بسيف وقال له:ايوه يا سيف جبتلي عنونا المكان

سيف:اه اهو ******)

ادم:تمام ...الساعه كام

سيف:9 بالظبط تكون هناك

ادم:تمام..يلا سلام
&&&&&&&&&&&&&&
في المساء ارتدت كارما فستانها الاسود الرقيق وكانت جميله جدا وارتدت جزمتها الكعب وصففت شعرها وتركت له العنان علي ظهرها ووضعت مساحيق التجميل حيث برز شكلها الجميل وكانت فاتنه

حيث كانت زينه ايضا جميله وفاتنه وارتدت فستانها الابيض الرقيق وارتدت الجزمه الكعب البيضاء وصففت شعرها ورفعته لاعلي ووضعت القليل من مساحيق التجمل وكانت ساحره

قالت كارما بقلق: بقولك ايه يا زينه مبلاش نروح البارتي دي قلبي مقبوض معرفش ليه

زينه بملل من كلام كارما:يووووه يا كارما لازم كل مانروح حته تطلعي فيها ميت عفريت

كارما:خلاص انتي حره بس بقولك الي حساه بس

تنهدت زينه وقالت لها:اهدي يا حبيبتي دا من الحماس مش اكتر دي بارتي عاديه بين البنات هو انتي شيفانا لابسين فساتين سهره دي عاديه جدا وهنروح نقعد شويه وهنمشي متخافيش

كارما بشعور قلق:طيب يلا ربنا يستر
&&&&&&&&&&&&&&&&

ذهبت كارما وزينه الحفل وجلسوا عده ساعات وذهبوا وهم بتبادلون اطراف الحديث المرح

زينه:البت دي مجنونه ولله شوفتي عملت ايه هههههه

كارما بضحك:فعلا حطتت صورته علي التورته وقعدت تقطع فيها بالسكينه كانه مثلا كان بيمسيها بعلقه وينيمها بعلقه دا كان طيب اووي معاها

زينه بتقليد لصديقتهم:اصله ناتي اووي وانا مش بحب الولاد الي من النوع دول بيبقوا اووفر ههههه خليها تتوكس وبكره يجيلها الي هينفخها بجد

كارما: بقولك ايه انا همشي من طريق مختصر عشان الطرق دي زحمة اووي وبابي هيضايق من تاخيري

زينه برهبه:مابلاش يا كارما تمشي في طرق انتي مش جربتيها قبل كدا دا ليلل وضلمه ..

كارما:متخافيش دي مختصره وبعدين انتي شايفه الزحمه دي

زينه:الي تشوفيه

ذهبو من طريق وكان مظلم ولا يوجد به احد وانارت كارما كشاف السياره وبدات تتوتر من الطريق

زينه بخوف:كارما انا خايفه من المكان دا وشكله وحش يلا نرجع وقبل ان تتكلم كارما توقف محرك السياره مما دب الخوف والقلق في قلبيهما

كارمت وهي تحاول تحريك السياره:مالها ام الزفته دي مش بتدور ليه

زينه:هو مش انا قولتلك بلاش تدخلي طريق انتي مجبربتهوش ينفع كدا كنا ناقصين يعني اهي العربيه عطلت ومفيش مخلوق بيعدي

كارما بتوتر وهي تحاول تلطيف الجو المتوتر:يوووووه يا زينه اسكتي بقا انا هتصرف دلوقتي  ..

وعندما كانوا يتحدثون لمحوا خيال شخص قريب من سيارتهم لتهتف كارما بسرعه:في حد معدي اهو استني بقا لما انزل اقوله يساعدنا

زينه:انتي اتجننتي ازي تنزلي انتي وتكلميه وانتي متعرفهوش

كارما : يعني اعمل ايه هو اصلا بيقرب علينا ..
وقبل ان تهبط من سيارتها سمعوا صوت اطلاق رصاصه مفزعه من ضائقه الطريق الجانبي ثم ...............

&&&&&&&&&&&&
استووووب دا اول بارت ليا اتمني يعجبكوا وياريت اعرف رائيكوا في التعليقات وتخمنكوا للشخصيات واولا بشكر كل الي بيدعموني وواقفين جمبي انا بتشجع بكلامكوا الحلو شكرا حبايبي ومتنسوش الفوت والتفاعل بقا

دمتم سالمين.....