رواية عشقت ابنه عدوي(جاري التعديل) الفصل الثاني 2 - بقلم salma naser

=اعاااااااااااااااااا

صرخه اطلقوها كارما وزينه بزعر ورعب بسبب صوت تلك الرصاصه اطفأت زينه نور السياره ونزلت الي اسفل كرسيها برعب وجذبت كارما من يداها واجلستها اسفل

كرسيها ايضا وقالت زينه برعب:كارما كلمي انكل يبعتلنا عربيه بسرعه في حرب بره

كارما وهي ترفع راسها لفوق:زينه الشاب الي كان واقف بره شوفته بيقع شكله اتصاب انا هطلع اشوفه

زينه بصدمه وانفعال: وااات !!!

كارما انا مش عايزه عبط انتي شايفه بيحصل ايه بره.في رصاص وانتي عاوزه تطلعي !!

كارما بهدوء مزيف:يا حبيبتي اهدي انا هشوف بس لو ملقتش حاجة هتصل علي بابي يبعتلنا عم عمرو السواق الخاص بيه تمام ..

زينه بنفي وهي تتشبث في زراعها:لا لا انا اخاف عليكي الله يخليكي يا كارما مش وقته شجاعه ومغامرات يلا بينا من هنا عشان خاطري انا مش هضحي بيكي

كارما وهي تمسك يدها بأطمئنان:متخافيش يا زينه انا مش هنتحر انا هروح ابص من بعيد هيبقي حرام عليا لو في حد اتصاب وانا شوفته ومساعدتش وربنا الحافظ بقي..متافوريش

زينه بتردد:ماشي يا كارما لما نشوف اخره جنانك دا ايه وربنا يستر .. انا هبص عليكي من هنا

نزلت كارما من باب السياره ووقفت امامها ولكنها لم تري شيي بسبب الظلام التفتت الي زينه وقالت:زينه افتحي فلاش العربيه

تاففت زينه بضيق من افعال صديقتها المجنونه وفتحت ضوء السياره ونزلت هي الاخري بجانبها واتسعت حدقيتهما بصدمه عندما رأو شاب ضخم الجثه ملقي علي الارض وغارق بدمائه من منطقه صدره وغالباً هي مكان استقرار الرصاصه وملامحه تعطي انعاكساً قليل بسبب ضوء السياره .. ومعالمه توحي بانه يتألم اقتربت كارما منه وجلست بجانبه ووضعت راسه علي قدميها بحذر

وقالت لزينه:اتصلي بالاسعاف بسرعه دا بيموت !!!

امأت لها زينه وقالت:طب شوفي عايش ولا ميت

وضعت كارما اصبعها بجانب رقبته لتقيس نبضه وجدت نبض ثم مالت براسها قليلا علي صدره لتراه تنفسه ضعيف

:بت يا زينه لسه عايش بس نفسه ضعيف كلمي الاسعاف بسرعه

فتح عينه ببطء وتالم ونظر لها بعنيه الزرقاء
كارما بقلق:يااستاذ حضرتك سامعني متقلقش الاسعاف زمانها جايه زينه افتحي العربي هتلاقي Band aid (اسعافات اوليه) هاتيها وتعالي

جلبت لها زينه علبه الاسعافات والتقطتها منها لتمزق قميصه الابيض المليء بدمائه بحذر ثم وضعت حول الجرح الكثير من القطن والصقته بالشاش الطبي ووضعت المزيد من القطن وضغطتت بيدها بقوه المته لمحاوله

توقيف النزيف ونظرت له وقالت بتوتر:يا استاذ حاول تاخد نفس عشان تنفسك ضعيف وحاول متستسلمش للاغماء خليك واعي معايا اسم حضرتك ايه ؟؟

قال بتألم وتقطع:...ا...ا..ا..د..د...

كارمه:اسمك ادم ؟ طب حاول يا استاذ ادم تاخد نفس وتفوق معايا ومتقلقش الاسعاف زمانها جايه ..

وبعد عشر دقائق وصلت الاسعاف واخذو ادم وذهبت معهم كارما وزينه
......................................................
في مكان اخر
يتكلم في الهاتف

شخص١:الو ايوه يا باشا خدامك فتحي

شخص٢بصرامه:عملت ايه؟

فتحي بثقه:لا كله تمام اديته رصاصه رشقت في قلبه وزمانه في المشرحه دلوقتي

الشخص بابتسامه رضا:حلو اووي اختفي انت دلوقتي ولما اعوزك هجيبك

فتحي بخبث:وطب يا كبير وبالنسبه لل50 باكوا الباقين ولا رجعت في كلاامك

الشخص:فلوسك هتوصلك لحد عندك واتكلم عدل متنساش نفسك مين دا الي يرجع في كلامه

فتحي بتوتر:مقصدش ياباشا انا بس...

قاطعه بصرامه:خلاص اسكت وزي مقولتلك تختفي ومتظهرش فاهم

فتحي:فاهم يا كبير

...................................................

في احد المستشفيات وصل ادم وكارما وزينه وادخلوه الي غرفة العمليات بينما كارما ذهبت لتغسل يداها من اثار دمائه بأرتعاشه .. وخرجت وجلست بجانب زينه
وبعد قليل خرجت الممرضه وبيدها بعض الاشياء وقالت

لكارما:اتفضلي يا مدام دي متعلقات المصاب

نظرت لها كارما باستغراب لاعتقادها انها زوجته:لا حضرتك انسه انا الي اتصلت بالاسعاف

الممرضه:انا اسفه , طب يا ريت حضرتك تستلمي المتعلقات مفيش غيرك .. وياريت تتصلي بحد من اهله

كارما وهي تلتقط الاشياء:حاضر

اخذت كارما المتعلقات وكانت عباره عن مفاتيح منزل وسياره وهاتف ومحفظة نقود وساعه ثمينه وقع شيء من محفظة النقود اخذته زينه لتقرا محتواه لتقول بدهشة

:الحقي دا طلع رائد ؟؟

كارما وهي تقراها وقالت:انا اصلا كنت حسا انه ظابط شكله بيقول كدا واكيد حد من المجرمين الي عمل فيه كدا

زينه:اكيد طب افتحي موبيله وكلمي حد من اهله
فتحت كارما الهاتف وكل ماكان يوجد لاسماء ظباط تاففت وقالت:دا مفيش حد من اهله مثلا مامته باباه ايه دا كل دول رائد .. مقدم .. مقدم

زينه:كلمي حد من دول وخلاص هنعمل ايه اكيد صحابه
توقفت كارما عن اسم (جوري) وقالت:انا هتصل بالبنت دي وخلاص شكلها خطيبته او حد من اهله

ضغطتت كارما علي الاسم وبعد دقائق اتاها صوتها القلق الرقيق:ايوه ياابيه انت فين كل دا عماله ارن وانت مش بترد انت فين قلقتني ؟؟""

كارما بتردد:احم ..مساء الخير انا كارما

نظرت جوري لهاتفها في استغراب ثم وضعته علي اذنيها ثانيا وقالت:مساء النور كارما مين مش دا رقم ادم عز الدين الحديدي

كارما بهدوء:ايوه هو بس ..بس هو عمل حادثة وجبناه المستشفي وهو دلوقتي في العمليات ومحتاجين حد من اهله يعني عشان...

قطعت كلامها وقالت بصراخ وصدمة
جوري:انتي بتقولي ايه اخويا انا اازي طب..طب هو عامل ايه

كارما:هو لسة في العمليات منعرفش حاجة بس متقلقيش ان شاء الله هيبقي كويس

جوري ببكاء:طب ممكن تقوليلي مكان المستشفي بسرعه

كارما:حاضر هبعتلك اللوكيشن

جوري:تمام شكرا

قفلت كارما الخط وتنهدت بحزن علي تلك الفتاه التي لا تعلم كيف حالها الان

زينه:ايه في ايه

كارما:البنت صوتها صغير شكلها شابه صغيرة وعيطت جامد اول مسمعت واتخضت زعلت عليها

زيته:يقلبي معلش ربنا معاهم بقااا ويقومه ليها باالسلامة ده شاب صغير لسه .. مش هنمشي احنا ؟

كارما:اه فعلا ربنا معاهم ..يا زينه لو تعبتي روحي يا حبيبتي كفايه الخضه الي اتخضتيها وكفايه ان جرجرتك معايا انا مش هروح الا لما اخته تيجي ممكن تكون لوحدها

زينه بمرح:انتي هبله يا بت انا مستحيل اسيبك لوحدك انا بسئلك .. وبعدين يستي انا هقعد وهلزق فيكي ومش همشي غير لما تمشي

كارما وهي تعانقها: ربنا يخليكي ليا يارب .

......................................................................

بعد قليل اتت جوري وهي تبكي واقتربت من كارما:انتي الي كلمتني من موبيل ابيه

وقفت كارما وقالت بابتسامه:ايوه يا حبيبتي

جوري ببكاء: طب هو خرج ولا لسه

كارمه محاوله تهدئتها:لا لسه مخرجش بس متقلقيش الدكاتره قالوا ان الرصاصه مش خطيره

جوري بزعر:رصاصه !!هو اضرب بالنار ..

وظلت تبكي بصدمه وجسدها يرتعش بخوف ..

زينة:اهدي بس هما لسة مخرجوش ان شاء الله هيبقي كويس متخافيش انتي عندك كام سنة شكلك صغيره

جوري:19

كارمه:صغيره جدا دا انتي قد اختي دانا فين باباكي ومامتك مجاشو معاكي ليه

جوري بحزن ودموع متلألأه: ماتوا من وانا صغيرة اووي حتي مش فاكرهم غير بالصور وادم هو الي رباني ومليش حد غيره وبعتبره كل اهلي عشان كدة لو حصله حاجة ممكن اموت

كارمه بشفقة:ربنا يرحمهم يا قلبي متقوليش كدة ان شاء الله هيبقي كويس متقلقيش

وبعد دقائق خرج الاطباء وهما يحملون ادم علي الترولي وكان فاقد الوعي جرت جوري وهي تبكي بخوف:ابيه ابيه ارجوك متسبنيش اصحا يا ابيه هو بقا عامل ايه

الطبيب:هو بقا كويس الرصاصه مجتش ناحيه القلب الحمدلله مع ان كان فضلها خطوه صغيره بس قدر ولطف وعلي الصبح ان شاء الله هيفوق

جوري تنهدت بارتياح:الحمدلله شكرا ليك اووي

الطبيب:دا واجبي

كارما:شوفتي بقا هو كويس اهو متخافيش بقا

جوري بخجل:شكرا ليكوا اووي مش عارفه اقولكوا ايه مع وقفتكوا مع اخويا

زينة:متقوليش كده اي حد مكانا كان عمل كده

نظرت لها بامتنان ثم ذهبت وجلست علي احدي الكراسي وهي تدعي لاخيها

تذكرت كارما شيي وامسكت هاتفها وتأففت واتسعت عيناها وهي تنظر في شاشة هاتفها

كارما :اوووف الموبيل فصل شحن وبابي زمانه قلقان عليا اووي

زينه وهي تعطيها هاتفها:خدي موبيلي اتصلي بيه عشان فعلا شكله قلقان احنا نسينا نتصل نطمنه انتي اتاخرتي اووي الساعه بقت1 بعد نص اليل

كارماوهي تاخذ منها الهاتف:شكرا يا حبيبتي فعلا شكله اتأخرت ربنا يستر

اتصلت كارما وبعد عدة ثواني اتاها صوت ادهم الغاضب وهو يقول:الو يا زينه انتوا فين عمال اتصل بكارما تلفونها مقفول

كارما بهدوء:دي انا يا بابي اهدي بس الموبيل فصل شحن

والدها بغضب:انا نفسي افهم حاجه انتي بتعملي ايه كل دا بره انتي عارفه الساعه بقت كاام مش الحفله خلصت برضو

كارما:خلصت معلش يا بابي والله اصلك متعرفش حصل ايه انا في المستشفي

والدها بفزع وهب واقفاً :ايييه مستشفي ليه انتي تعبانه فيكي حاجه اسمها ايه المستشفي دي

كارما محاوله تهدئته:اهدي يا بابا مش انا .. هحكيلك كل حاجه ..

وسردت عليه كل شئ حدث معاهم

والدها بانفعال:وانتي مالك مالي ينضرب ينضرب بتتدخلي ليه اكيد الناس كانوا هيتصرفوا

كارما:يابابي مينفعش ده اضرب قدامي وبعدين انا معملتش حاجه انا اتصلت بالاسعاف وهما جم خدوه

والدها:وممشتيش ليه مش حد من اهله جه ولا كان من بقيت اهلك

كارما:بقول لحضرتك اخته صغيرة اووي وملهاش حد غيره وخايفه جدا مينفعش اسيبها لوحدها اول ميفوق ان شاء الله همشي انا وزينه

والدها ببرود:لما يفوق افرضي ماات هتفضلي لحد الجنازه عشان متسبيش اخته لوحدها

كارما بضيق من كلام والدها:ليه يا بابي بتقول كدا دا شاب صغير واخته صغيره وملهاش حد غيره ادعيله ربنا يشفيه وخلاص

والدها بتصميم:كااارما هي كلمه مفيش غيرها هبعتلك السواق يجي يخدك انتي وزينه وحسابنا لما ترجعي

كارما:بابي هو ليه حضرتك مكبر الموضوع اووي كدا دا بدل متفخر بيا اني قدرت انقذ انسان

ادهم:مكبر الموضوع انتي يا هانم عرضتي نفسك للخطر وجايه تقولي مكبر الموضوع انا قولت الي عندي السواق ربع ساعه ويبقي عندك وتروحي

تنهدت كارما من اصرار ابيها وقالت له محاوله مره اخري

كارما:طب بص يا بابي يا حبيبي هي ساعتين بس وهمشي علطول اعتبر اني بايته عند زينه ساعتين وهاخد زينه وامشي بليييز اخته صعبانه عليا اوي متزعلنيش بقاا عشان خاطر مامي الله يرحمها

عند ذكر كارما لولدتها لان قليلا وقال ولكن وهو علي نفس الصرامه: طيب عشان خاطرك انتي بس لكن ساعتين وتمشي وهبعتلك السواق عشان متمشيش لوحدك بليل وهاتي زينه معاكي عشان باباها مسافر ومأمني عليها بس ساعتين بس فااهمة

كارما بفرحة:فاهمه ربنا يخليك ليا يا احلي بابي اوك يلا بااي

تنهدت كارما بارتياح وقالت لها زينه:مكنش موافق صح

كارما: اه بس الحمدلله اقنعته وهنقعد ساعتين وهنمشي انا بس صعبان عليا جوري شكلها خايفه ولوحدها ثم

نظرت الي جوري الجالسه هناك وقالت لزينه بطيبه:

بقولك ايه انا هروح اجبلها حاجه تاكلها من الكافتريا وانتي اقعدي معها ومتسبهاش لوحدها

زينه:اوك .. وذهبت وجلست بجانب جوري وبدات تكلمها
...................................................

في لندن وخاصا في ذالك الوقت

تدخل امراة في اواخر الاربعينات بشعر اسود طويل وعينان زيتونيه مثل ابنتها وترتدي ملابس فاضحه تفضح اكثر مما تستر وتضع الكثير من مساحيق التجميل بشكل مبالغ فيه وتتعلق في يد رجل معها وتضحك ضحكات خليعه

استيقظت دانا علي صوتهم وخرجت ونظرت لهم نظره احتقار ودهشة وقالت

*الحوار مترجم من الانجليزي الي العربي*

دانا:امي ما هذه الرائحه هل اكتسيتي الخمر مجددا ومن هذا الابله؟؟

امها بترنح من اسر الخمر:دانا عزيزتي اعرفك علي زوجي الجديد مارك .. قالتها وهي تنظر له بنظرات رغبه

دانا بصدمه:مااااااذا كيف الم تتطلقي منذ عددة اشهر ووعدتني بانك سوف تهتمين بي وكفي عن افعالك ولن تتزوجي مره اخره !!!

امها وهي ترجع خصله شعرها وتقول بدلال:نعم قولت هذا ولكن انا امراه وجميله وشابه ويجب ان اتزوج حتي اشعر بأنوثتي وذالك الاحمق الذي تتطلقت منه كان لصًا اما هذا فهو غيره تماما وسيكون زوجي الي الابد  ..

قالتها وهي تقبله امام ابنتها بدون حياء

نظرت لها دانا نظرات احتقار والدموع تتحجر في عينها وقالت بغضب:يالك من ام واقحه انتي لست امًا حتي لقد مللت منك ومن ازواجك القذرين هؤلاء ومن الغد سوف اخذ طائره واذهب واعيش مع ابي واختي ولن تري وجهي مرة اخري

قالت امها بفرحه ووقاحه:حقااااا احسنتي اختيارك يا صغيرتي فانا اريد انا ابقي مع زوجي الجديد معًا بدون ازعاج احدهم احملني يا مارك وهي لنذهب الي غرفتنا لا تدع احد يزعجنا

حملها ذالك الخمور الذي تزوجته وذهب الي غرفتها وسط ضحكاتها الرقيعه 

ثم نظرت لها دانا بتقزز ودخلت الي غرفتها وصفعت الباب بعنف واغلقت علي نفسها جيدا وجلست علي الفراش تضم ركبتيها الي صدرها وتبكي فهي منذ ان اتت الي هنا وامها لا تهتم الا بشهواتها ورغابتها فقط وتتزوج من السكرين فتتيح لهم الفرصه بأزعاج دانا ويحاولون التحرش بها امسكت هاتفها وهي تتصل بكارما ولكن هاتفها مغلق القته بعنف ثم استسلمت للنوم ودموعها تتساقط علي وجنتيها
...................................................

في المستشفي
ذهبت كارما الي جوري التي تجلس بخجل وقالت بحنان:خدي يا حبيبتي كلي دول انتي تعبتي من العياط

جوري بخجل:مرسي ليكي مش عاوزه

كارما:لا لا كدا هزعل انتي لازم تاكلي والله لو مكلتي لهزعل منك اوي خدي عشان خاطري انا

نظرت لها جوري وقالت:بجد مش قادره

كارما وهي تربت عليها:لازم تاكلي يا حبيبتي دي حاجات خفيفه يعني عصير وتوست جبنه طب ايه رائك ناكل انا وزينه معاكي نفتح نفسك

نظرت مترددة وقالت باستسلام:اوك ماشي بس هاخد حاجة صغيره اووي

زينة:تمام ماشي هاتي يا كارما

اعطتها كارمه الكيس واخذت منه علبه عصير وتوست:خدي ياحبيبتي كلي

نظرت لهم بأمتنان لا تعلم بدونهم ماذا كانت لتفعل في مصيبتها بدونهم؟ كادت لتجن تماماً وقالت:بجد مش عارفه اقولكوا ايه وكمان الممرضه جات قالتلي انك دفعتي فلوس المستشفي ده هيفضل دين وهسددهولك اتفقنا

كارما نافيه:دي حاجة بسيطه وبعدين انتي زي اختي دانا ..مينفعش تقولي كده هي بردو في سنك كده

جوري برفض:لا طبعا انا وابيه متعودناش ناخد دين من حد الحمدلله معانا فلوس وكل حاجه اول ميفوق هخليه يردلك الفلوس

كارما محاولة تغير الموضوع:الي انتي عاوزه بس يلا كلي

بدات بارتشاف العصير وكذالك زينه وكارما كي يشجعوها علي تناول الطعام

مرت ساعتين ودخل رجل طويل القامه ضخم الجثه يرتدي بدله الظباط

وعندما راته جوري ركضت ترتمي باحضانه باكيه: ابيه سيف شوفت حصل ايه لابيه

سيف وهو يرتب عليها :اهدي بس يا جوري الي حصل دة مش هيعدي كده والي عمل كدا هيدفع التمن غالي ..

ثم نظر لكارما وزينه وقال بحده:انتوا مين ؟

قالت جوري:دول الي طلبوا الاسعاف لابيه ووقفوا جنبه لحد مجيت

سيف بأمتنان شديد:متشكر جدا ليكوا مش عارف اقولكوا ايه

كارما:احنا معملناش حاجه بس حضرتك تقربله

سيف:انا الرائد سيف الشناوي صديق ادم من زمان وبعد مكلمتني جوري جيت جري هو حضرتك مشوفتيش وش الي ضربه

كارما:لا اصلا الدنيا كانت ضلمة ومشوفناش حد بيعدي من هناك انا اتفاجئت بضرب النار

سيف:متشكر ليكو كمان مره والحمدلله انكم متأذتوش

وبعدها جاء احدهم وقال لكارما: يلا يا انسة كارما عشان اوصلك للبيت انتي وانسة زينة

كارما: ايه ده عم عمرو انت جيت برضو بابي مصمم اني امشي طيب اديني دقيقة بس يا عم عمرو

عمرو:حاضر يا هانم

كارما لجوري:حمدلله علي سلامه اخوكي يا جوري خدي ده الرقم بتاعي ياريت تكلميني انا حبيتك اووي وكمان عشان اعرفك علي اختي

جوري بسعاده:طبعا وشكرا جدا انك كنتي معايا ومسبتنيش

التفتت كارما الي زينه التي كانت مبهمه في ملامح سيف بهيام منذ ان جاء

وقالت:يلا يازينه

زينه شارده فقط ولا تسمع نداء كارما
كارما:زييييه يلا

زينه وقد افاقت:ايه بتزعقي ليه جايه اهو

اتت الممرضه لتوقفها جوري وهي تقول :لو سمحتي ممكن اشوف ابيه هما قاله انهم هينقلوا غرفه عاديه

الممرضة:اه اتفضلوا بس هما خمس دقائق بس مش عايزين نتعبه

جوري بفرحه:حاضر والله ما هتعبه تعالي يا ابيه سيف مع السلامه يا كارما شكرا جدا

ابتسمت لها كارما وذهبت هي وسيف الذي يتعجب من نظرات زينه له

كارما وهي تنظر لزينه بخبث: بخبث:صحيح يا زينه عينك متشلتش من عليه حتي كنتي متنحه فيه كده

زينه بتوتر:ايهه..لا..ابدا ا..انتي بتتهيئي

كارما:انا بردو دانتي كنتي ناقص تقوليلوا تعالي نتجوز من كتر منظراتك فضحاكي

تصنعت زينه انها ذاهبه بحرج وضحكت كارما ورافقتها هي والسائق لتتوقف لبرهه عند غرفته وتبتسم لجوري  وتأملت ذالك النائم للحظات ثم ذهبت

.............................................
في فيلا الفيومي دخلت كارما وزينه لتاتي خديجه

بحنيه:حمدلله علي السلامه يبنتي احضرلك العشا؟

:قولي الفطار !!!

قاطعها والدها بسخريه وهو ينزل الدرج كالاعصار الغاضب ثم.....

......................................................
خلص البارت وياريت تقولولي في التعليقات عن تقيمها وتوقعتكوا للي هيحصل والي حصل وشكراً لكل الي بيدعموني 💜

في رعايه الله حبايبي ..

#عشقت ابنه عدوي

#salm_naser