رواية عشقت ابنه عدوي(جاري التعديل) الفصل الحادي عشر 11 - بقلم salma naser

كانت لمي تنام في السرير وتنتفض بشدة ووجهها متعرق ويبدو انها تواجه كابوس مزعج من كوابيسها لتنهض بفزع ودموع وهي تستعيز بالله وتقول

ااكيد كابوس ااكيد اعوزو بالله من الشيطان الرجيم ارحمني بقا وسيبني في حالي مكفكش الي عملته جايلي في كوابسي...

وقبل ان تكمل لتجد نافذة غرفتها تفتح ويخرج منها شخص ما ملثم لتحدق بفزع وقبل ان تصرخ قبض بعنف علي عنقها بقبضته يده محاولة خنقها وهي تتنفس بصعوبة شديدة واقتربت من قطع النفس

ثم......!!

نظرت له لمي باعين مفزوعة ومختنقة وكانت تحاول ازاحة يده عن عنقها الا انها فشلت وهو كان يقبض بقسوة علي عن عنقها شعرت لمي بانها علي خط النهاية وانها لم تعد قادرة علي التنفس ليوقفها صراخ الممرضة وهي تقول...

يالهووووي انت مين فين الامن حد يجي بسرررعة دا بيموت البنت الحقوووني ...""

ترك ذالك الشخص عنق لمي بتوتر وبسرعة ليركض هربا من النافذة مجددا ويختفي في لمح البصر بينما لمي اصبحت تسعل بشدة وتتنفس بعنف وواجها اصبح شديد الاحمرار من ضيق التنفس لياتي علي اثر صراخ الممرضة العديد من الامن والطبيب الخاص بحالة لمي ليجد الممرضة تحاول وضع الابرة في زراعها ولمي تقول ببكاء واختناق...

هه..ه..كح..كح..ههو...ججا..ي...تتاني..كح..ممش..هيسبني..اانا..ععا..رفة.كح. كح...""

وبعدها فقدت لمي الوعي لتضع لها الممرضة التنفس الصناعي علي وجهها ويعاينها الطبيب ليتاكد بانها بخير وبعد بعض الفحوصات خرجا الطبيب بتوتر وهو يوبخ الممرضة ...

انتي كنتي في اني داهية ازاي تسيبيها لواحدها دا ادم باشا لو شم خبر من الي حصل مش بعيد يرفدنا كلنا وهيتعامل معانا بطريقة تانية البنت كانت هتموت..

الممرضة بتنتحح وخوف:وولهي يا دكتور انا روحت اجيب حقنة مهدية وبرشام الدواء بتاع لمي عشان اكتشفت اني نسيته في البريك في الكافيتريا وهي دقيقة ورجعت فورا لقيت دا بيحاول يقتلها...""

الطبيب بتوتر:مشفي كبيرة زي دا ومتخصصة ويحصل فيها حالات محولة قتل فين الامن ازاي يدخل اوضتها كدا انا الي خايف منه ردة فعل ادم باشا دي تبعه وتهمه وقال ناخد بالنا منها كويس اسمعي تقعدي انتي وممرضة تانية طول الليل جنبها وهبعت امن من الاغبية الي تحت يقف عند اوضتها وانا هضطر اقول لادم باشا وربنا يستر بقا...!!

ذهبت الممرضة الي غرفة لمي الغارقة في النوم وتتنفس بالصطناعي ومعالم وجهها توحي بالفزع والرعب لتجلس بجانبها ممرضة اخري تقول بخوف

هو دكتور غنيم هيقول للرائد علي الي حصل....!؟

الممرضة بتوتر:اه هيقوله وكله بسببي مش عارفة هيعمل فيا ايه انا مش قده ربنا يسترها عليا دا هيطربق المشفي علينا واحد واحد...""

نظرت لها بخوف لتقول:نهار اسود روحنا في داهية انا معرفش دخل من اني داهية دا وكمان هي تهمه في ايه ولا قريبته ولا اخته ولا اي حاجة عامل كل دا عليها ليه...

الممرضة بنفاذ صبر:بقولك ايه مش وقت نميمة خالص اكتمي بقا لحد منشوف هيحصل فينا ايه ربنا يستر بقا دا رائد ممكن يشاور بصباعه بس نبقي ولا خلينا ساكتة احسن....""

&&&&&&&&&&&&&&&&&&&&&&

*في الحي الشعبي*

دخلت ميادة الي شقتها وخلعت حجابها وفردت شعرها الاسود القصير بجانب اذنها ثم اتجهت لغرفة مليكة لتجدها تجلس وتمسك هاتفهها...

ميادة:اتعشيتي يا مليكة...""

مليكة:اه جبتي حاجة.."

ميادة بضجر:جبت يختي يكش تشبعي بس بقولك صحيح وانا جاية كان في صوان في الحارة وناس واقفة مين مات...؟؟

مليكة بدون اهتمام:ام احسن ماتت انهاردة في المستشفي...""

شهقت ميادة بصدمة وحزن:يالهوي ماتت ان لله وان اليه راجعون ربنا يرحمها كانت اطيب خلق الله طب مش تقوليلي من بدري عشان نروح نعمل الواجب قومي البسي يلا...""

مليكة:لا مهي امل جات وقالتيلي وانا قولتلها مش هروح...""

رفعت ميادة احدي حاجبيها باستنكار...

نعم يا اختي يعني ايه مش هتروحي هو دا الي تعرفيه عن الواجب قولت قومي هتروحي يعني هتروحي الست دي كانت طيبة وبتعاملنا زي عيالها تقومي متحضريش عزاها ....""

مليكة:اه انا كدة متروحي انتي ياام الواجب وسبيني انا في حالي هو بالعافية ايه دا...""

جذبتها ميادة من علي السرير وقالت:قومي يا مليكة احسنلك لامي وربي احرمك من المصروف وتروحي الجامعة زي الشحاتين اجهزي عقبال ملبس عباية سودة بدل ام نقوش دي....""

نفخت مليكة بحنق لتفتح خزانتها لتنظر بتافف ثم تذهب لغرفة اختها وتقول بتهكم وهي تستند بكتفيها علي الباب....

معنديش هدوم سودة كلها ملونة...""

ميادة وهي تغلق ازرار عبائتها ...

خلاص خودي عباية من عندي وطرحة ويلا ...""

مليكة بضيق:انا مش بحب البس عبايات انا ببقي شكلي مقرف فيها يا حاجة سيبني وريحي دماغك.....""

ميادة بتصميم:انا قولت هتيجي يلا عايزنهم يقولوا عليكي ايه وروحي البسي بنطلون اسود من عندك علي اي حاجة فوق ولا مش عندك....""

مليكة بضجر:عندي بس دا طقم ودا طقم وبعدين انا مش بحب العيلة دي اوووف
...""

تجاهلتها ميادة وخرجت وهي تقول بصرامة....

خمس دقايق والقيكي جهزتي هنتاخر كفاية اننا رايحين العزاء من اخره...""

نظرت لها مليكة بسخط وذهبت لترتدي مجبورة وهي تتذمر بضيق ....

&&&&&&&&&&&&&&&&&&&&&

*في غرفة جوري *

تجلس وتراسل زياد وهي تضحك بشده عندما كان يخبرها عن ضيقه عندما خرجت دانا معهم....

جوري:نفسي اعرف انت اضيقت ليه دي كانت خروجة حلوة وغير كل مرة دي دمها خفيف خالص....

زياد:عارف بس بردو متعودين اننا نخرج لوحدنا ايه لازمتها تيجي معانا ومتهيئلي كدا انها محبتش المكان او كانت بتمشي بملل كدا بتشبط في اي حاجة وخلاص ....""

جوري:ههههه معلش خليها عليك انا كنت هموت من الضحك وهي مش عارفة تنطق اسامي الملوك القدماء وفي الاخر سبتنا وخرجت تتمشي برة....""

زياد:عشان تعرفي بس انها لازقة ولا فاهمة حاجة....""

جوري:طب خلاص متنساش انها صحبتي وكمان كفاية نميمة انا ورايا مذاكرة وابعتلي الملخصات الي معاك عشان بتنفعني...""

زياد:حاضر...احم..جوري انا ممكن اسئلك سؤال...""

جوري:اسئل...؟؟

زياد:لو حد مش من المستوي الي اتربيتي عليه والغني الي انتي فيه يعني علي قد حاله اتقدملك هتوافقي...؟؟"

جوري:وايه لازمته السؤال دة...؟؟""

زياد بارتباك:عادي ..بندردش..؟""

جوري بتنهد:عمتا انا مش بفكر في جواز وكلام من دا دلوقتي انا كل الي يهمني اخلص كليه وابقي دكتورة وبعديها ابقي افكر في الكلاام دا...""

زياد بخزي:يعني لو حد اتقدملك دلوقتي او صارحك بحاجة هترفضي...؟؟

جوري بشك:زياد انت بتلمح لايه ايه الي جاب سيرة الجواز دلوقتي...؟؟

زياد بتوتر:لا ابدا بندردش عادي هقفل انا بقي عشان تذاكري هقابلك في الكلية سلاام ...؟""

اغلق زياد لتقول جوري في بالها ...

يارب يا زياد يكون الي في بالي صح وتكون فعلا بتحبني وحسيت بيا...""!

&&&&&&&&&&&&&&&&&&&&&&

تمشي بجانب اختها مجبورة وهي تافف بضيق لتصل ميادة منزل فيروز وحسن لتجد فيروز تجلس في المنتصف وعلي يمينها سيدة تواسيها ويسارها سيدة اخري تواسيها وفيروز منهارة والمنزل مليئ بالسيدات وتتعالي اصوات القران الكريم .....

اقتربت منها ميادة وهي تربت علي ظهرها باسي....

شدي حيلك يا فيروز ربنا يرحمها يا حبيبتي متعمليش في نفسك كدا....

فيروز وهي تمسح دموعها:الشدة علي الله يا ميادة بس فراقها صعب اووي انا من شوية متخيلها قاعدة هنا وبتقرا قران زي كل يوم واصحي علي صوتها...""

ميادة وجلست قبالها:معلش يا فيروز هي برضو حاسا بيكي ومش عاجبها حالك امسكي نفسك علي الاقل عشان اختك...""

فيروز:تشكري يختي علي مجيتك وربنا مايجيب احزان...""

ميادة:متقوليش كدا دي ياما عملتني علي اني بنتها ودا الواجب ...""

ثم نظرت لمليكة التي تقف بضيق وضجر وتهز قدميها بعنف....

ميادة:مليكة تعالي عزي فيروز...

اقتربت مليكة وقالت ببرود:البقية في حياتك ..."

فير.ز:حياتك البقية يا مليكة تعبتي نفسك يعني وجيتي .."

مليكة بحنق:قولي للست ميادة خدتني و....""

قاطعتها ميادة بحذر وغضب:لا ابدا تعب ايه دا الواجب وهي نفسها الي كانت عوزانا نيجي ولا ايه يا مليكة...""

هزت مليكة راسها بدون اهتمام...

لتلمحها امل لتنهض وذهبت وقالت بهمس وسخرية لمليكة...

ايه دا جاية يعني مش البيت دا بيجبلك كائبة ولا ضميرك انبك غريبة...""

مليكة:اسكتي يا امل ميادة جبتني بالعافية لاما مش هتديني القروش الي بتقول عليها مصروف وانا بمشي نفسي بيهم ونفسي نخلص ونمشي اووف...""

جذبتها امل ليجلسوا علي احدي الكراسي الخشبية القديمة لتقول بحنق..

يابت دا الواجب وكان لازم تيجي كانت الناس كلت وشك وكويس ان ميادة عملت كدا مبتجيش غير بالعين الحمرة ...""

نظرت لها مليكة بغيظ:يعني انا غلطانة يعني اني حكتلك طب غوري بقا من وشي ومتمشيش معايا الصبح واحنا رايحين الجامعة بت رخمة...""

امل:مش قصدي بس دي كانت ست طيبة وزمان كانت بتجبنا انا وانتي نلعب مع فيروز وحسن وتعملنا سندوتشات كاننا بناتها بالظبط ولما ابويا كان بيضربني كانت بتحميلي يبقي لازم تيجي وتقفي جنب بنتها يا عبيطة...""

نظرت له مليكة بسخط وتهكم ولم تعقب...

وبعد مدة ليست بكثيرة وقغت ميادة وقبلت فيروز في راسها وقالت..

فيروز انتي اختي يا حبيبتي مش عاوزاكي تقهري نفسك عشان خاطر اختك...""

فيروز:ربنا ميحرمني منكوا منتوا عيلتي التانية...""

وبعد السلامات ذهبت وهي تقول لمليكة
يلا عشان نمشي...""

نهضت مليكة بتنهد:اخيييرا دي الستات الي هنا كلهم روحوا انتي قاعدة تعملي ايه مش واخدة منك غير المرمطة...""

ميادة:اسكتي خالص متفتحيش بؤقك لسه حسابي معاكي مخلصش...امل انتي مروحة..""

امل:اه عبدلله هيطلع يعزي فيروز وهيخدني ونروح...""

ميادة:ماشي تصبحي علي خير سلاام..."

خرجوا من البناء وميادة توبخ مليكة علي تصرفها والثانية لا تبالي وتمشي عاقدة زراعيها وتنظر في الاتجاه الثاني... ليقابلهم حسن وعبدلله الذي كانوا يدلفون للتو الي الداخل لتقول مليكة في بالها بحنق...

يييي حسن اهو دا الي كان ناقص بيطلعلي منين دا...""

ميادة:البقاء الله يا حسن ربنا يصبركوا خد بالك من اخواتك يا حسن...

حسن:اكيد دول وصية امي الله يرحمها تسلمي يا ميادة...

كان يحاول ان يتحاشي النظر لمليكة التي تتابعهم ولم تتكلم لتلكز ميادة مليكة في زراعها لتنظر لها بغضب وتقول لحسن مجبورة...

شيد حيلك ربنا يرحمها ...""

رفع حسن انظاره ونظر لها بعتاب ثم تذكر ما قالته له في اخر حوار بينهم ليعود لكبرياءه ودخل البناء بدون مبالاه واضعا يده في جيب بنطاله وتجاهلها وهو يصعد للداخل قائلا ببرود..

الشدة عالله...""

ليتبعه عبدلله لتنظر له مليكة بحنق واحراج من تجاهله لها وغضب وقالت لميادة...

شايفة بيكلمني ازااي جيبالي الكلاام انتي يا ميادة وانا الي اتجنب اني ابصله...""

رفعت ميادة حاجبها بتعجب:بتتجنبي تبصليه ليه...""

مليكة:مفيش يلا بقا عايزة انام ايه العزء دا لحد الساعة 1 بليل دا ولا عزا رئيس الجمهورية...."

&&&&&&&&&&&&&&&&&&&&&&

صعد عبدلله لياخذ امل ويذهبوا وقال لفيروز...

ربنا يجعل مثواها الجنة يا فيروز اوعي تزعلي...""

فيروز بدموع:حاضر تسلم يا عبدلله ..

عبدلله كان ينظر لها بحزن وقلبه يتمزق لاجلها فهو يعشقها منذ الصغر ويحزن عندما يراها حزينة...!!

عبدلله وهو يلتفت لامل:يلا يا امل عشان منتاخرش امك مشيت من بدري...""

امل:ماشي سلام يا فيروز...""

عبدلله لحسن بهمس:اسمع يا حسن لو احتجت اياتها حاجة قولي انا اخوك فاهم ...""

حسن بابتسامة وهو يربت علي كتفه:ربنا يخليك يا عبدلله مدا العشم برضوا...""

لينظر لفيروز مرة اخيرة ثم يصطحب امل ويذهبون ليقول حسن لفيروز...

فين قمر..؟؟

فيروز وهي تخلع طرحتها:نامت من بدري يعني بهدلت نفسها عياط دي حتي مدقتش طعم الاكل...""

حسن:طيب يا فيروز حضري الاكل وانا هصحيها عشان هتكلي انتي كمان....""

&&&&&&&&&&&&&&&&&&&&&&

*في الصباح في فيلا الفيومي*

تجهزت كارما للذهاب االي الشركة ثم الذهاب الي لمي وكانت تضع لمساتها الاخيرة وتركت شعرها منسدل ووضعت بعض مساحيق التجميل لتنهي ارتدئها....

ثم جلست تنتظر دانا لتوصلها الي الجامعة...وهبطط الدرج لتجلس علي مائدة الطعام وادهم يجلس بجانبها

ادهم بابتسامة:صباح النور علي اجمل عيون....""

كارما بابتسامة:صباح الخير يا بابي شكلك رايق علي الاخر...""

ادهم:اه خلاص وصلنا الشحنات وسلمنا كل حاجة...""

كارما:بجد طب تمام ...هي فين دانا كل دا هتتاخر كدا ...""

ادهم:منتي عارفة انها تفضل تعيد وتزيد في شكلها وشعرها ...""

بعض قليل اتت دانا وقد تجهزت ورفعت شعرها القصير علي شكل كعكة وجلست بجانب ابيها لتتناول طعام الافطار...

good morneg يا بابي

ادهم:صباح النور يا حبيبتي يلا مين هيوصلك انهاردة السواق بتاعي ولا اختك..."

دانا وهي ترتشف العصير:لا كارما هتوصلني انهاردة ...""

وبعد الانتهاء قبلت كارما والدها

يلا باي يا بابي انا هوصل دانا وبعديها هروح علي الشركة عشان زينة جيالي...

ادهم وهو يرتدي نظارته:مع السلامة يا حبايبي خدوا بالكوا من نفسكوا ...

صعدت دانا بجانب كارما وبدات في القيادة لتقول دانا بزهق...

متشغلي حاجة يا كارما...

=حاجة ايه. ...؟؟

_موسيقي مثلا اي حاجة بدل الزهق دا..."

شغلي الي انتي عوزاه الكاست عندك صحيح ليه مش هتروحي مع جوري انهاردة زي كل يوم...""

دانا:اخوها الي هيوصلها مش السواق...""

نظرت لها كارما وقالت بتفاجاء:بجد ادم الي هيوصلها...

دانا:اه فرحتي ليه كدا ...""

كارما:مفرحتش ولا حاجة بس ليه صممتي اني انا الي اوصلك...""

دانا:عشان ابقي زي جوري وبعدين بابي امتي هيجبلي عربية ...""

كارما:هو انتي بتعرفي تسوقي اصلا...

دانا:انتي علميني انا نفسي يبقي عندي عربية اووي زي باقي البنات الي في الجامعة...""

كارنا:خلاص يا حبيبتي فاتحيه في الموضوع دا وشوفي هيقولك ايه بس هو بيخاف عليكي ممكن يعارض..."

دانا:لا مش هيعارض ان شاء الله.. متجيش تاخديني بقا عشان معزومة برة علي الغداء..""

كارما:معزومة!! عند مين...؟

دانا:زميل ليا وخلاص...""

كارما:ماشي يا دانا بس مش اي حد متعرفهوش تخرجي معاه وتتفسحي عادي هنا غير برة ...""

دانا بابتسامة:لا عارفاه كويس متقلقيش ...""

&&&&&&&&&&&&&&&&&&&&&&

تجلس ماجدة واضعة قدم علي قدم وشاردة وتضيق عينها لتلتمع بفكرة في ذهنها ثم تجذب هاتفها وتتصل بابنتها زينة وبعد عدة محاولات من الاتصال اجابت بغضب ونفور...

عايزة ايه بتتصلي ليه...؟!

تصنعت ماجدة البكاء والتاثر

:زينة انا تعبت امبارح وروحت للدكتور...

زينة باستفهام:وعايزاني اعملك ايه يعني...""

ماجدة بانهيار مصتنتع:قالي..قالي انه جالي المرض الوحش وهموت قريب من فضلك يا زينة خليني اقضي بقية ايامي الاخيرة معاكي...""

حدقت زينة لبرهة بصدمة ثم قالت بغضب مصتنع....

في ستين داهية ولا تهميني...!!"

اغلقت لزينة لتنظر ماجدة في شاشة هاتفها بدهشة وغضب ثم تلقيه بعنف وتنهض وهي غير مصدقة.....

للدرجادي مش فارقة معاكي يا زينة ومش همك بس طيب انا لازام اتصرف لازام اخد فلوس باي طريقة ممكنة يا بنت سامي حربوئة ومغلولة زي ابوكي هففف...

لتلقط هاتها وتهاتف صديقاتها

الو ايوة يا شيري كنت عاوزة اقابلك ضروري .....

&&&&&&&&&&&&&&&&&&&&&&

في ميدان الجامعة...

تستقل كارما سيارتها لتهبط منها دانا لتقول كارما من زجاج ااسيارة...

دانا اوعي تعملي حاجة مجنونة وخدي حظرك انتي مش في لندن انتي في مصر ....

دانا بملل:حاضر يا مامي في نصايح تاني...

كارما:اتريقي اتريقي بس ابقي تعالي قوليلي اقفي جنبي لما اقول لبابي علي العربية...""

دانا مسرعة وهي تقبلها:قلبك ابيض يا كوكي هتخدي علي كلامي برضو يلا باي...""

نزلت كارما من السيارة وهي ترفع نظارتها لتظهر عيناها الساحرة ..كارما بابتسامة:اوك عايزة فلوس...

دانا:مرسي يا كوكي بابي اداني انهاردة كتير ولما اعوز هقولك..."

لياتي كريم في ذالك الوقت وهو يطالع كارما باعجاب وقال بداخل عقله...

اوووبا هما كلهم كدا ولا ايه She has high beauty (تمتاز بجمال عالي)...امال الي كنت اعرفهم ايه بلاعات مصدية ....؟!

نظرت له دانا قائلة بسعادة:كيمو صباح الخير اعرفك اختي كارما ...

كريم وهو ينظر لها باعجاب شديد لجمالها....

اهلا اهلا اتشرفت باين انها اختك كلها شبهك بس فرقت في لون الشعر والعيون الا العيون الصراحة خطيرة...

نظرت له كارما بقرف وضيق وتجاهلته لتقول لدانا....

اوك يا حبيبتي خدي بالك من نفسك ولو احتجتي لحاجة كلميني..""

دانا:اوك..

في تلك الاثناء دخلت سيارة ادم الضخمة والفخمة الي بوابة الجامعة ليتخرج جوري ثم يفتح زجاج السيارة وينزع نظارته وهو يقول لجوري بحنان. .

وصلتك زي منتي عاوزة اهو يستي خودي بالك من نفسك ومحاضراتك وانا هاجي عشان اخدك....

جوري:لا يا ابيه ملوش داعي مش هعطلك اكتر من كدا عن شغلك انا هرجع مع السواق ذي كل مرة انا بس كنت عوزاك توصلني عشان اتمنظر بيك قدام صحابي وانت لابس بدلة الظباط كدة ...""

ابتسم ادم ابتسامة كبيرة ليقول:تتمنظري ماشي يا جوري مكله عارف انتي اخت مين...؟؟

جوري:لااا تفرق لما يشفوك علي الحقيقة غير اسمك بص البنات بتبصلك ازاي ولا امن الجامعة دخلك من غير ميفتح بؤه يلا بقا بااي يا ابيه عشان متاخرش...

ادم:ماشي يا حبيبتي مع السلامة...؟

كانت بعض الفتيات عندما يمرون من جانب ادم كانوا يحدقون به باعجاب كبير ويتهامسون علي وسامته الشديدة وطالته الساحرة للفتيات لتمشي جوري بغرور وهي تبتسم وتسمع همساتهم من الاعجاب بشقيقها وانه رائد ايضا لتري دانا لتذهب اليها وتعانقها ....

صباح الخير يا دودو ايه دا كارما مش معقول عاملة ايه بتعملي ايه هنا...

كارما:كويسة الحمدلله انا كنت بوصل دانا ...!:

جوري:وانا كمان ابيه وصلني قلودة انتي بتقلديني في كل حاجة ....""

ابتسمت لهم كارما بينما رمقت كريم بنظرات غير مريحة ووضعت نظارتها الشمسية لتصعد ولن تعيره اهتمام بينما نظراته تجهاها بجراء واعجاب ...لتقود سيارتها وتذهب بتاففف وهي تقول

ايه البجح الي دانا بتكلمه دا ماشي يا دانا لما ترجعي بس اووف اشكال تخنق...""

وعندما كانت عابرة بسيارتها للخروج وجدت سيارة ادم ...

لتتوقف وتتوتر ليهيبط ادم من السيارة وهو يبتسم لها...

صباح الخير يا انسة ....

كارما وخرجت هي الاخري...

صباح النور يا ادم بيه لسة مسلمة علي جوري وقالتيلي انك هنا....

ادم:اه اصلها كانت عايزاني اوصلها انهاردة....هتروحي للمي انهاردة...

كارما:طبعا هروحلها بس هروح الشركة الاول وبعديها هروحلها وحضرتك هتيجي...

ادم:اه جاي خلاص هكلم المستشفي واقولهم ....

كارما:تمام عن اذنك...""

لتصعد مجددا وضربات قلبها تعلو بشدة وتذهب ويذهب ادم هو الاخر تحت نظرات الفتيات المعجبة به وتتمني ان يحادث احد منهم....

كارما بتوبيخ:يا خراابي ايه الي بيحصلي لما اقابله كذا مرة ياخد باله من توتري وكسوفي اوووف وكمان قلبي ماله عمال يدق بسرعة كدا يخربيت الاحراج.....

&&&&&&&&&&&&&&&&&&&&&&

*في الحياء الشعبية*

كانت مليكة تستعد للذهاب للجامعة وتجلس منتظرة امل ...لتخرج ميادة وهي تعد طعام الافطار...

قومي يا مليكة عشان تفطري....

نهضت مليكة وقالت بضيق:هو كل يوم فول وجنبة وطعمية فول وجبنة .طعميه.خلاص انا زهقت...

وضعت ميادة يداها في وسط خصراها وقالت بنفخ وسخرية:جناب السفيرة عزيزة عاوزة تفطر ايه دا الي عندنا مش عاجبك متكليش ....!!

تذمرت مليكة كالمعتاد لتبدء في تناول الطعام وبعد دقائق دقت امل المنزل لتنهض ميادة وتفتح لها وقالت بترحاب....

اهلا وسهلا يا امل تعالي اقعدي افطري...

امل بابتسامة:تسلمي يا ميادة بالهنا والشفا انتوا انا سبقتكوا ....

ميادة:خلاص هعمل الشاي اشربيه بسرعة وانزلوا مش لسة بدري علي المحاضرة بتاعتكوا....

امل:ماشي اه لسة ساعتين...

لتذهب وتجلس بجانب مليكة التي تلعب في هاتفها وقالت دون النظر لها...

اتاخرتي كدا ليه يابت دا انتي كل يوم بتيجي تصحيني وتدوشيني من النوم...

امل:اصل امي اديتني فطار اروح اوصله لحسن قصدي لفيروز عشان اختها الصغيرة....""

رمقتها مليكة بخبث وقالت:بت انتي بتحبي الولا حسن صح...؟؟

امل ووجها اصبح يكسوه حمرة الخجل:اايه يختي ببتحبي دي هو انتي اتخبلتي في مخك ولا ايه..

مليكة بخبث:انا اعرفك قبل اي حد دا انتي متربية معايا و.شك باين مشوفتيش نفسك في العزاء امبارح ولا ايه...؟؟

اخفضت امل بصرها بتوتر الي الاسفل ولم تتكلم....

لتترقع مليكة باصبعها بانتصار وقالت:شوفتي مش انا قولت دا انتي دايبة لشوشتك معرفش بتحبيه علي ايه دا قفل ومحلتوش ميت جنيه علي بعض جتك وكسة في فقرك....

امل بغضب:بس يا مليكة عيب تقولي كدا عليه هو مكافح وشايل حمل كل حاجة علي كتافه وكمان اخر سنة ليه السنادي وبكرة يبقي مهندس كبير...""

مليكة بسخرية:ابقي قابليني لو نفع ويلا عشان هنتاخر شكل ميادة نامت وهي بتعمل الشاي....""

لتاتي ميادة بصنيه الاكواب:متقوليش كلمة عدله في حقي خودي يختي الشاي اهو...""

&&&&&&&&&&&&&&&&&&&&&&

*في شركة الفيومي*

تجلس كارما وتتابع اعمالها وهي تفكر في ادم لتاتي لها زينة وتجلس ولكن ليس بمرحها المعتاد فكانت عينها حمراء من البكاء لتنهض كارما وتجلس بجانبها بقلق قائلة....

زينة مالك انتي عيطي حصل ايه هي مامتك جاتلك تاني...""

زينة بدموع:لا بس كلمتني وقالتلي ...قالتلي...

لم تكمل لتنهار من البكاء

كارما:قالتلك ايه يا حبيبتي متقولي ...""

زينة:قالتلي انها تعبت امبارح وراحت للدكتور وقالها انه جالها المرض الوحش ومش هتعيش اكتر من كدا....""

كارما بدهشة:ااايه مرض يالهوي طب ملوش علاج اي حاجة...

زينة:معرفش يا كارما انا زعقتلها وقفلت في وشها السكة وكل دا من ورا قلبي ومن ساعتها وانا هموت من العياط عليها...""

كارما بحزن:الله يشفيها اسمعي يا زينة علي ما اعتقد دي علامة من ربنا عشان تسامحيها انا عارفة انها اذتك كتير ومقصرة علي نفسيتك لحد دلوقتي بالي عملته بس دي مهما كان مامتك كفاية انها شلتك في بطنها تسع شهور كفاية انها رضعتك ولو مرة واحدة عارفة انها مغرورة وبتعشق الفلوس وخانت اونكل سامي زمان بس دي بردو امك اديها فرصة تانية دا ربنا بيسامح انتي بتتعذبي اكتر منها وبداري...""

زينة بخيبة امل:نفسي يا كارما بس مش قادرة اسامح انا بسببها قعدت اربع سنين مشلولة علي كرسي متحرك ومش بس كدا دي كانت.....""

قاطعتها كارما:انا عارفة ملوش داعي نقلب في الماضي ربنا بيغفر وهتقعدللك ثواب هي دلوقتي بتددفع تمن اخطائها زمان احنا مش بنشمت بس ربنا بيجبلك حقك اديها فرصة وان شاء الله تنسي الي حصل...""

زينة بتردد:انا بفكر في كدا بس كل شوية ارجع في قراري وممكن بابي ميوفقش دا بيكرها اووي علي الي عملته فيا وفيه...'"

كارما:هو بيحبني زي بنته هتكلم معاه ولو منفعش هخلي بابي يكلمه هو برضوا صاحب عمره...""

زينة:ماشي يا كوكي ربنا ميحرمني منك مش عارفة من غيرك كنت عملت ايه انتي اختي الي مش من دمي ...قوليلي بقا هتروحي للمي انهاردة...""

كارما:هروحلها بس اسكتي مش وصلت دانا انهاردة الجامعة وقابلت جوري و.....

وقصت لها كل شيي لمقابلتها لادم وتوترها عند رؤيتها له وخجلها الدائم منه لتقول زينة بمكر....

طب علي فكرة الي بتوصفيه دا انك بتحبيه او معجبة بيه...؟؟

نظرت لها بغضب وخجل:تصدقي ان انا غلطانة عشان حكتلك معجبة بمين يا ماما لا انا بتكسف من خيالي وعشان هو قمور يعني ووسيم وبيلفت نظري ضحكته وعيونه الزرقاء و.....

قاطعتها زينة بهستيريا ضحك..

:هههههههههه كل دا ومش معجبة بيه دا انتي طلعتي كل حاجة فيه وبتوصفي بهيام كدا هههههه مش معجبة بيه هموت بجد امال ايه الوصف العجيب دا دا ناقص تقوليلي سرق قلبي معاه ههههه...""

كارما بخجل:يانهار اسود انا قولت كدا ازاي قومي يابت روحي خلتيني اهبل في الكلام مش ممكن انا قولت كدا انا قصدي يعني اني بتكسف من خيالي بس انتي وقعتني بالساني....""

زينة:هههه ماشي ماشي بس انا مش بقول حاجة غير لما بتطلع صح خودي بالك بكرة تيجي تقوليلي اني عشقاه ...يخربيتك طلعتيني من مود الحزن والكائبة الي كنت فيه...."

كارما:كويس يلا تعالي عشان عاوزة اوريكي الترجمات دي تاخدي عنها فكرة...

زينة:اوك

&&&&&&&&&&&&&&&&&&&&&&

في الجامعة....

كانت دانا تجلس مع كريم في الكفاتريا..لياتي علي وينظر لهم ثم ينهض كريم...

بقولك ايه يا دودي انا رايح اجيب جدول من واحد زميلي وراجعلك...

دانا:ماشي بس بسرعة....

ذهب كريم لتمسك دانا هاتفها وتقلب به ليجلس علي علي الكرسي الطاولة امامها وهو يقول...

دانا ممكن اخود من وقتك دقيقة...""

تركت دانا هاتفها وقالت:اكيد اتفضل..""

علي:بوصي يا دانا انا صديق كريم من زمان وعرفه اكتر من نفسي والي هقولهولك دا نصيحة لوجه الله عشان متقعيش في شر اعماله زي الباقي وانتي شكلك مش كدا...""

نظرت له دانا باستغراب ليكمل متابعا ..

بصي يا دانا كريم دا واد شمال ومش سلك وبيضحك علي البنات و...ثم تنهد ليكمل ...وياريت تقطعي علاقتك بيه دا احسن ليكي عشان متتاذيش منه ...""

قالت دانا بسخرية:وللهي صاحبك وبتقول عليه كدا شكلك غيران منه ...""

نظر لها علي بدهشة ليكمل بغضب حاول مدراته:انا اغير منه!! ياريت يا دانا تحسني كلامك معايا انا ربنا يعلم اني بحاول اغيره بس الماضي مأثر عليه ومخليه شخص بارد وحيوان انتي متعرفيش عمل ايه مع الي قبلك دا كان بياخد البنات ويوديهم ال....""

قاطعته دانا بغضب:ياريت يا علي متدخلش في حاجة متخصكش دي حياتي الشخصية ومش هسمحلك تقولي اعمل ايه ومعملش ايه انا واثقة في كريم وهو قالي انك بتكرهة وبتغير منه بس انا مصدقتش واهو واضح اهو بتحاول تفرق بيني وبينه بكلام trifle (تافه) فاكر اني هصدقه....""

نظر لها علي بصدمة وغضب:هو قالك اني بكرهه وبغير منه اكيد لازم يقولك كدا مش خايف لاقولك الي بيعمله في البنات وعلي فكرة انا مش بدخل في حياتك الشخصية انا حسيت انك مش زي الي يعرفهم عشان كدا نصحتك وانتي حرة في اختيارك ونفسك ولو مش مصدائني اسئلي بنات وشباب الجامعه عنه وهتعرفي اني صح هو لقاكي جديدة هنا ومش فاهمة حاجة عشان كدا بيستغفلك وبيضحك عليكي باسم الحب عشان ينول الي هو عاوزه بس انتي موهمة بيه ومش مصدقاني براحتك بس افتكري اني حظرتك...""

قالت دانا بغضب:ملكش دعوة بيا وبيه ويستحسن تبعد عنه عشان انت مش صاحب بجد انت بني ادم اناني وحقود وبتحقد عليه وانا عمري مهصدق التخاريف دي لان هو الانسان الوحيد الي سمعني وهون عليا الي فات ...""

قال علي بسخرية وغضب:دا ملي دماغك علي الاخر بس ليه حق يضحك عليكي ويوهمك عشان انتي فعلا غبية وسهل يضحك عليكي وعايز اقولك حاجة انا عمري ماغير منه اغير منه بمناسبة ايه انا ناجح ومن عيلة محترمة ومتربي وهو فاشل وبياخد السنة في سنتين وصايع وعمره ماحد قله عيب وحرام وبيسكر في الكباريه لحد الصبح ومدمر حياته عرفتي ليه عمري ماغير منه وهو الي يغير مني بس بقولهالك تاني انه مش سهل وشمال وهيضيع حياتك وانا غلطان عشان جيت نصحتك ونبهتك وانتي ونفسك بقا ....""

قالها ليتركها ويذهب وهي تنظر له بحنق واحساس تجاهها يقول بانه محق وروادها شعور الشك تجاه كريم ولكن نفته بسرعة وجمعت اشيائها وذهبت تبحث عن كريم متجاهلة تنبيه علي لها ومتجاهلة احساسها....""

&&&&&&&&&&&&&&&&&&&&&&

في مستشفي الامراض العصبية والنفسية.....

كانت كارما وادم يذهبون في الرواق باتجاه غرفة لمي ليتوقف الطبيب امامهم قائلا بتوتر...

المستشفي نورت يا سيادة الرائد بس في حاجة كنت عاوز اكامك فيها...

ادم باستفهام وجمود:حاجة ايه...؟؟

الطبيب بتوتر:ممكن نتكلم في مكتبي حاجة بخصوص لمي...""

ادم:طيب روح انت وانا هحصلك ..اتفضلي انتي ادخليلها وانا هستناكي هنا...""

اؤمنت له كارما ثم طرقت عدة مرات ودخلت ليتجه ادم الي مكتب الطبيب...

دخلت كارما لتجد لمي جالسة ودموعها تنهمر علي وجنتيها بحزن ورعب...لتاتي وتجلس بجانبها قائلة بمرح...

ازي لولو انهاردة جيتلك اهو يستي زي موعدتك...""

نظرت لها لمي لتقول بفرحة:كارما جيتي في وقتك انا كنت محتجاكي اووي كلامك بيهون عليا ....""

كارما بحنان:واديني جتلك اهو يستي ومال الجميل زعلان ليه...؟""

لمي:انا ارتحتلك وحسيت فعلا انك مش زي الي جم عشان كدا هفتحلك قلبي واحكيلك علي كل حاجة بس بشرط يفضل سر مابينا...""

كارما بفرحة بانها اخيرا اقنعت لمي وقالت...

حاضر يا حبيبتي مش هيطلع لحد بس احكي انتي وفضفضي...

تنهدت لمي بحزن ثم بدأت تقص عليها حكايتها المأسوية قائلة بدموع...

انا بنت غلبانة ومعرفش حاجة في الدنيا غير امي عايشين في حتة بسيطة بابا مات واتا في 4 ابتدائي ودي كانت صدمة. كبيرة ليا تخيلي السند والامان وضهرك راحوا في ظرف يوم واحد كل حاجة حلوة اختفت من قدامي مع اني كنت في الوقت دا صغيرة اوي بس كنت فاكرة حنانه معايا لما كان بيجي بليل من الشغل واستني بفارغ الصبر وهو داخل بيضحك وجايبلي حجات من الي بحبها ولعب بحس وقتها ان الدنيا بتضحكلي بس مدمتش كتير عمل حادثة بالموتسيكل وهو بيودي دليفري في الشغل ومات حياتي من بعدها اتدمرت وماما بدأت تدور علي شغل..عشان تصرف عليا...عشان ضاق بينا الحال وفضلت تشتغل في سوبر ماركت بتكنس تمسح تبيع حجات لحد مببقي عندي 15 سنة ابتدت تتعب ومتقدرش تشتغل قولتلها سيبي الشغل وانا هشتغل واصرف علي البيت.  ...و....""

لتصمت بحزن وبكاء لتربت عليها كارما بحب...

خلاص يا حبيبتي متضغطيش علي نفسك لو مش قادرة تكملي خلاص الايام جاية كتير....

لمي وهي تمسح دموعها:لا يا كارما لازام اتكلم عشان ارتاح انا تعبت من كتر ما بكتم في قلبي ....ثم تنهدت لتكمل باقي حكايتها ....

_______________________________
________________________________

كان ادم جالس في مكتب الطبيب واضعا قدم علي قدم بشموخ ويرمقه بعينه الزرقاء الحادة ليقول بتهجم...

سامعك...""

الطبيب بتوتر وهو يبحث من مقدمة:اانا ععارف ان لمي تخص ححضرتك يعني وقايل اننا لازم نهتم بيها كويس و.....""

ادم بصرامة:ياريت تدخل في الموضوع علي طول وبلاش مقدمات كتير عشان بحب الناس الدوغري...""

تنهد الطبيب بقلة حيلة ثم يقص عليه كل ما حدث للني ومحاولة قتلها من قبل ذالك الشخص الغريب وبعد ان انهي ظل يراقب ردة فعل ادم بخوف

لينهض الاخر بغضب شديد ويمسكه من تلابيب سترته الطبية ويقول بوجه محتقن من الغضب....

ااازاي دا يحصل والزفت الامن كانوا فين لما دخل والاغبية الممرضين ازااي يسبوها لوحدها انتوا بهايم هو انا مش مواصيك عليها وقولتلك تاخد بالك منها كويس وااازي متوقليش في ساعتها عشان اخد البصمات واجيبه افهم دا....""

ابتلع الطبيب ريقه بخوف وقال بخوف:ووولهي..يياسيادة الرائد  احنا كنا واخدين بالنا منها بس هو دخل من الشباك اثناء نومها وكمان لما الممرضة شافته كان ملثم ومفيش حاجة فيه ظاهرة ولا حتي ايده...""

تركه ادم بغضب ليقول بوعيد وصرامة:ماااشي انا هعرف اتصرف معاكو علي الاهمال دا لو مكنتش الممرضة دخلت كان قتلها كان هيبقي فيها قطع رقبيكوا طقم الممرضين كله يتغير مع طقم الامن فاهم ومن هنا ورايح متخليش حد يسيبها ولو لحظة واحدة والا مش هتقعد دقيقة واحدة هنا الممرضة الي كانت لتشرف عليها عايز اشوفها....ولسة حسابك معايا مخلصش...""

ليذهب ويتنهد الطبيب بارتياح لنجاته من يده  وانه مازال في عمله ولم يرفده.....

&&&&&&&&&&&&&&&&&&

في الاحياء الشعبية.....

قالت ميادة بتردد ودموع:يعني اعمل ايه يا مليكة بس هو اصلا مش بيطقني ....""

مليكة وهي تتابع التلفاز وتاكل المسليات وقالت بحنق

انا قولتلك وانتي مسمعتيش الكلاام ممكن لما تعترفيله يكنلك المشاعر ويحبك بس انتي بومة كل الي بتعمليه تيجي تعيطي زي العيال وهو رايح جاي مع بنات اشكال والوان...""

ميادة:مليكة احترمي نفسك هو مش بيبص في وشي اساسا خالد اتغير اووي من ساعة مبقا معاه فلوس...

مليكة:طبعا لازم يتغير وهو الي يشم ريحة الفلوس يبقي طبيعي وانا لو مكانه كنت هتغير اكتر من كدا ومش ههوب ناحية الحارة القذرة دي تاني معرفش متمسك بيها علي خيبة ايه بلا ذكريات بلا هم....

ميادة بقهرة:انا لما شوفت البنت الي راكبة معاه في العربية وعماله تدلع معاه قلبي اتحرق اووي وكان نفسي اجري اشدها وارميها برة العربية بس مش هقدر هعمل كدا بصفتي ايه ...!!

مليكة:جربي واعترفيله وممكن يحبك ومتصدعنيش بقااا الله قولتلك خليكي جريئة شوية وثقي بنفسك اووف...""

ميادة:ماشي انا هعمل كدا لاني مبقتش قادرة استحمل الي بشوفه قلبي بيتحرق....

&&&&&&&&&&&&&&&&&&&&&&

في منزل امل البسيط والهادئ

تنادي تلك السيدة بغضب...

يا ااااامل متيجي بقا يابت هقعد انادي كتيير ايه اصله دا مكله من الزفت الي مسكاه ليل ونهار جتك نيلة مش نافعة في حاجة...""

اتت امل بملل:نعم يا ماما كل شوية توبخني وتزعقيلي ...""

والدتها:خلي ليكي لازمة وروحي اعملي لابوكي كوباية شااي وتعالي ساعديني في المطبخ عشان اسامة جاي...""

امل بتعجب:هو انتوا كل شوية تعزموا اسامة كان من بقيت عليتنا...""

والدتها بخنقة:نفسي تعملي حاجة من غير متبرطمي مالك انتي جاي ولا لا اخلصي واعملي الشاي لابوكي لحسن يفتحلي حسه علي الاخر ويسمع الجيران ...""

اؤمنت امل لتذهب وتعد الشاي وبعد قليل اخذت الكوب وذهبت باتجاه الغرفة المخصصة للصلاة في منزلهم ووضعت الكوب وانتظرت ابيها لانهاء صلاته وبعد دقائق انهي ليذهب ويجلس علي الاريكة المنهدمة ويضع عصايته الخشبية التي يستند عليها بجانبه...

امل بادب:حراما يا بابا...""

والدها:جمعا ان شاء الله كنت سامع امك بتزعق في ايه تاني..."".

امل: مفيش وللهي هي كل لما تلقيني قاعدة فاضية تزعق فيا مهي بعد ما اميرة اتجوزت مش لاقية حد تزعق فيه غيري....""

والدها بصرامة:اتكلمي عدل عن امك يا امل متنسيش انها امك تزعق وتبهدل فيكي براحتها وتقوللها حاضر ونعم الدين قال كدا فاهمة...وروحي يلا ساعديها وبعديها اجهزي عشان اسامة جاي لاخوكي...""

امل:حاضر يابابا ...""

ثم تمتمت في بالها بحنق...

انا معرفش ليه كل شوية يعزموه مش بينزلي من زور اوووف....

&&&&&&&&&&&&&&&&&&&&&&

ذهبت وهي عازمة علي ان تصارحه بدلا من تعذبها ليلا ونهار وهو لا يشعر بها واخر شيي تركب معه فتاة ما في سيارته انتظرته حتي خرج لييتقل سيارته ذاهبا الي الشركة كالمعتاد وكانت رائحة عطره الرجولي تخترق انفاسها لتستتشقها وهي تحاول جمع الجمل في عقلها واتي بطالته المغرورة ليستعد للذهاب لتستوقف قائلة...

خالد ممكن دقيقة من فضلك...؟""

خالد وخلع نظرته الشمسية لتظهر فيروتيه التي تعشقها وقال:

نعم في حاجة...""

ميادة بارتباك وخجل:ككنت عاوزة اقولك حاجة بس يعني..."

خالد:بس ايه متقولي...""

ميادة بتوتر:خالد اانا...اانا...اننا..

خالد بضيق:ميادة اخلصي هتقعدي تننئي كتير ورايا شغل مش فاضي قولي عاوزة ايه...""

استجمعت شجاعتها وقالت بخجل شديد وهي تخفض راسها غي الارض...

خالد هي مين البنت الي كانت معاك في العربية دي...""

رفع خالد احدي حاجبيه باستنكار:معلش يعني هو انتي معطلني عن شغلي وموقفني كدا عشان تسائلني مين البنت الي كانت معايا في العربية ثم دا يخصك في ايه هو دا الموضوع..!!؟

ميادة وحسمت امرها: لا مش هو الموضوع ..خالد انا عاوزة اصارحك بحاجة انا ...بحبك ومش بس كدا انا بعشقك ومن زمان اووي ايام لما كنا في المدرسة وكنت معنديش الجراء اعترفلك بدا بس لما شوفت البنت الي معاك قولت لازام اقولك لاني مستحملتش....""

قالتها ووجها شديد الاحمرار من ااخجل وتتمني لو تنشق بها الارض من نظراته وخجلها الكبير ..."".

نظر لها خالد بصدمة ودهشة ثم قال....

:..........؟؟

&&&&&&&&&&&&&&&&&&&&&&

استوووووووب....

وحشتوني يا حيلوين ومعادنا يوم الاثنين ان شاء الله زي معادنا وتخمنكم بقا وتوقعتكم في التعليقات البارت المراضي طويل اتمني يعجبكم وبجد مبسوطة ان الرواية بتعجبكم وقولولي رائيكم برضوا علي البارت دا وفوت بقاااا

#عشقت- ابنة- عدوي

بقلم:سلمي ناصر....

دمتم سالمين يا اجمل متابعين....