رواية عشقت ابنه عدوي(جاري التعديل) الفصل الخامس 5 - بقلم salma naser

الخادمة :حضرتك مين....؟

جوري بارتباك:انا كونت ع.عاوزه كارمه هي عارفه اني جاية.....

الخادمة:اتفضلي جوه عقبال ماديها خبر
دخلت جوري وهي تتفحص القصر فهو مثل قصور الملوك وكبير جدا وجميل جدا ومن الطراز الحديث

الخادم بابتسامه:تشربي ايه..؟

جوري:اي حاجه ممكن عصير ...

اؤمنت لها الخادمه وذهبت وبعدها بدقائق جائت كارمه وهي تبتسم وتعانق جوري:وحشتني اوي يا جوري عامله ايه اقعدي ...

جلست جوري وقالت:انا الحمدلله كويسة انتي كمان وحشتيني اوي وكفايه وقفتك جمبي وجمب اخويا ..

كارمه:متقوليش كدا انتي زي اختي دقيقه ودانا هتيجي وهعرفك عليها...

جوري:وانا كمان عايزه اتعرف عليها اصل انا مليش اصحاب كتير ...

كارمه:لا انا حسا انك هتبقي انتي ودانا زي اخوات اصلها بتحب تكون صدقات هي مكنتش عايشة هنا بس هتقعد علي طول وهتنقل في جامعة هنا وطيبه اوي...

وهتحبيها خالص
ابتسمت لها جوري واخرجت من حقيبتها ظرف به نقود وقالت لها بحرج:دا حساب المستشفي الي دفعتي انا عارفه انك معتبراني اختك بس ابيه مش قابل بيه وبيشكرك جدا علي الي عملتي معاه وهيجيلك لما في اقرب وقت عشان يشكرك....

كارمه وهي ترفض:اولا حمدالله علي سلامته ثانيا انتوا محسسني اني عملت حاجه كبيره دا واجبي وكل واحد مكاني كان هيعمل اكتر من كدا ثالثا انا مش هقبل الفلوس دي انا عملت خير وكملته للاخر ومش هينفع اخودها....

جوري:انا عارفه دا بس اصلك متعرفيش ابيه مش هيقبل بدا عشان خاطري خودي الفلوس انا لو روحت منغير متاخديهم ابيه هيضايق جدا بليييز انتي معتبراني اختك والاخوات بياخدو فلوس من بعض.....

كارمه بحيرة:اصل مش هينفع اخودها انا دفعتها خلاص ليه مصممين وبعدين الاخوات بياخدو فلوس من بعض اه بس مش بيرجعوها تاني...

جوري:معلش يا كارمه لو فعلا بتحبيني خودي الفلوس وخيرك هيكمل متخافيش انتي عملتي كتير بجد اخويا هيزعل جامد لو مخدتيهاش...

كارمه باستسلام:خلاص يا جوري هخودها بس خودي بالك اني زعلانه...

جوري بارتياح:ربنا ميجيب زعل وجميلك علي راسنا من فوق...

كارمه:ولا جميل ولا حاجه انا عملت الي كل الناس كانت هتعمله....

جوري:مش كلها وللهي ممكن يخافوا ويسبوا كدا ويقولوا مش هدبس نفسي ويمشوا وخاصه ان الشارع الي كان فيه كان فاضي ومحدش بيعدي منه كتير ربنا بعتك ليه عشان تلحقيه...

بعدها قطع عليهم دخول دانا التي كانت تضع الهاند فري في اذنها ولا تنتبه لجوري وجلست ووضعت قدمها علي الطاوله التي امامها ولا تبالي..

كارمه:دانا جوري الي حكيتلك عليها وقولتلك هعرفكوا علي بعض....

خلعت دانا الهاند فري ونظرت لجوري بتفحص حيث كانت ترتدي الحجاب والملابس المحتشمة ولكنها انيقه وراقيه

قالت دانا:هاااي...

جوري بخجل:اهلا بيكي...

دانا:انتي مكسوفة كدا ليه احنا شكلنا هنبقي صحاب خاصا اني معنديش صحاب في مصر كلهم في لندن...

جوري:انا هبقي سعيده اني اتعرف عليكي انتي في كلية ايه...

دانا:علوم وعاوزه احول هنا في الجامعة...

جوري:انتي ممكن تقدمي في جامعتي واهو تبقي معايا واعرفك الناس هنا وطبعيتهم وكدا...

دانا بتفكير:فكره حلوة هخلي بابي بنقلني فيها انتي في كليه ايه..

جوري بفخر:طب..

دانا باعجاب:واووو شكلك مجتهدة ..

جوري:انا من صغيري وانا نفسي ابقي دكتوره...

دانا:هاتي نمرتك عشان ابقي اكلمك...

اعطتها جوري رقمها لتسعد دانا كثيرا بتكوين صداقة مع احد مختلف

لتنهض جوري وتقول لكارما:هضطر امشي بقا عشان لو اتاخرت ابيه هيضايق..

كارما:اوك يا حبيبتي لو عوزتي اي حاجة كلميني...

في تلك الاثناء جاء ادهم من عمله ليرمق جوري بنظرات متفحصه لتقول كارما

:بابي انت جيت جوري الي كنت مكلماك عنها...

ادهم بدون اهتمام:اهلا..
وتركهم وصعد الي غرفته

قالت دانا:هبقي اكلمك عشان ملحقتش اتعرف عليكي اكتر....

جوري وهي تهم بالذهاب :اكيد عن اذنكوا...
&&&&&&&&&&&&&&&&&&&&&
(في الجامعة)

ياتي زياد لمجموعه البنات الذين يجلسون في الكافتيريا وهو يقول لاحد منهم..

:ليان ممكن دقيقه...

نهضت ليان وقالت:نعم يا زياد...

زياد بتنحنح:ك..كنت ..عاوز اسئلك عن جوري مش بتيجي ليه بقالها كام يوم...

ليان بخبث:وانت بتسال عنها ليه.....؟

زياد بتوتر:عا.دي يعني اصل كل يوم بشوفها بتيجي والي اعرفه انها مبتحبش تفوت محاضرة...

ليان بعدم تصديق:وللهي...عمتا يا سيدي هي مش بيجي عشان اخوها كان تعبان وفي المستشفي الايام الي فاتت دي وهي كانت بتقعد عشان تساعده واحنا بنكتبلها المحاضرات....

زياد بارتياح:يعني هي كويسة الحمدلله اهم حاجة هي...

رمقته ليان بخبث ليلاحظ نظراتها له ثم يقول..

:ايه بتبصلي كدا ليه...!؟

ليان بتلميح:لا ابدا اصل في ناس بتحب هنا وبداري...!!

زياد وتاافف:امشي يا ليان انا غلطان اني سائلتك ....؟!

ذهب زياد بينما عادت ليان الي البنات لتجمعهم وتقول بضحك وخبث...

ليان:يا بنات مش زياد الي سنه خامسه طلع بيحب البت جوري ومش مصارحها...؟؟

قالت احدي الفتيات:ياسلااام وانتي بقا عرفتي منين ...؟!

ليان بثقه:انا اعرف اي حد من نظرته وبعدين كان هيموت من القلق عليها وهو انا يعني مبفهمش...!!

اجابت فتاة اخري:وطالما يا ست الفهيمة بيحبها مش بيصارحها ليه دي شباب الجامعة كلها بيحبوها...؟؟

ليان:انتي غبيه يا لارا اكيد محرج انتي ناسية هي اخت مين وكمان مستواهم المادي يختلف عنه بكتيير...!!

لارا بهيام: وهو حد ينسي اخوها... دا ولا توم كروز دا لما بيجي يجبها بعد سعات من الجامعه بالعربيه وهو نازل منها كدا بيبقي ولا ملك زمانه...؟؟

ضحكت ليان واكملوا الفتيات حديثهم حول جوري وزياد ...

&&&&&&&&&&&&&&&&&
(في الاحياء الشعبيه)

تمشي وهي تمسك بيدها طبق من الطعام مغطي بورق الفويل حتي وصلت الي ورشته وتتامله ليقول لها بابتسامة

:ازيك يا امل

امل بابتسامة خجل:كويسه الحمدلله تسلم ..ا..انا ...امي عملت طاجن لحمة وبتوزع يعني علي حتتنا واديتني اجيبلك تدوق عمايل ايديها بقاا.....

حسن وهو يلتقط منها الطبق:لا طالما عمايل ست ام عبدلله يبقي مفيش كلام تسلم ايدها...؟؟

امل:لا الحكم لما تدوق ....

حسن:وهي اول مره اكل الست ام عبدلله معروف بجماله وطعامته...ثم قال بتنحنح

معلش يا امل كان نفسي اجبلك كرسي تقعدي واقدملك حاجة بس انتي عارفه دا مكان الشغل والرجاله يعني....

قاطعته امل بتفهم:انا عارفة يا حسن ربنا يخليك ويوفقك في شغلك انا كدا كدا مشا عشان عندي محضرات ....!!

حسن بابتسامه:ربنا معاكي لو في حاجة واقفه معاكي قوليلي وانا اشرحهالك...

امل:تسلم يا خويا مهو دا العشم بردك سلملي بقا علي اخواتك فيروز وقمر لحسن دول وحشني اوي

حسن وهو يعود لعمله:حاضر ...تسلمي

ذهبت امل وهي تقول:اطيعة تقطعك يا مليكة بقا دا يترفض يا عبيطة... دا حتي بلبس الورشة قمر ربنا يجعلك من نصيبي يا حسن.....

&&&&&&&&&&&&&&&&&&&&&
(في مصنع الحياكة)

تلتفت يمين ويسار من تاكد عدم مراقبه احد لها ثم تدخل مكتبه وتغلقه بحذر لتجلس ويقول لها بتافف

:عملتي ايه...؟؟

مطتت شفتيها في انزعاج وضيق وقالت

:البت راكبة دماغها وبردك موفقتش علي الشغلانه دي ....؟؟

قال بغضب وهو يضرب المكتب بقبضة يده افزعتها:

يعني ايه راكبة دماغها امال انا بعتك ليه يا وليه انتي...؟؟

قالت بخوف:

وو..لهي يا سي ..مكرم انا ..ححاولت لكن تقول ايه هي الي مش راضية وبتقول انه شغل حرام يعني ومش هتوافق...؟؟

مكرم:ودي مرضيتش بيها والي قبلها مرضيتش امال هترضي بايه يا زينات....؟؟

زينات:ونبي منا عارفة يا سي مكرم الي تقول عليه انا من ايدك دي لايدك دي...!؟؟

مكرم بتوعد:لا طالما الذوق مش نافع معاها نتعامل بالعافيه لازم اتمتع بالجمال دا لازم ميادة تبقي معايا مااااشي يا مياده انتي الي عوزتي تشوفي وشي التاني....

زينات بخبث:هتعمل ايه ياسي مكرم بتفكر في ايه....؟؟

مكرم:اسمعي يا زينات الي فاات حاجة والي جاي حاجة فلوسك هتضعف زياده وشغلك مش هيبقي غير اربع سعات بس مش ثمانيه زي باقي العاملات ولو عجبتيني هخليكي نقيبه عليهم ومتشتغليش خالص....؟؟!

التمعت زينات عينها بمكر وفرح:

عيني دي قبل دي يا سي مكرم انا تحت ايدك قولي هنعمل ايه...؟؟

نظر لها مكرم ليبدا بقص خطتته الشيطانيه علي زينات التي تتابعه بحماس وشماتة....

&&&&&&&&&&&&&&&&&&&

(في فيلا الفيومي)

كانت ترتدي حذائها مستعده للذهاب مع اختها للنادي ليقاطعها اهتزاز هاتفها علي السرير لتري الرقم وتتافف ولكن ياتي بصيص امل ان امها قد تطلقت وتريد ان تراها

(الحورار مترجم)

اجابت دانا

:الو ماذا تريدين يا امي هل اشتقتي لي قالتها بسخرية..

:اشتاق بالطبع لا لقد ارتحت اساسا عند ذهابك واتمني ان لا تعودي مجددا لقد اضعت شبابي وحياتي لاجلك ولتربيتك ويجب انا التفت لحياتي ومستقبلي.....

قالتها لتشعر دانا بان قلبها يتمزق واصبح وجهها شديد الاحمرار من الغضب لتقول بصوت عالي

:ماااذا تردين يا ايتها الساقطة عن اي تربيه تتحدثين لقد كنتي تتزوجين كل شهر ولا تراعي انك لديك ابنه صغيرة لقد كانوا ازواجك المنحرفين يتحرشون بي في طفولتي وكنت اخاف ان اخبرك اذهبي الي الحجيم الان واتركني وشاني لماذا تتصلين....؟؟

امها بوقاحة

:تكلمي جيدا ولا تنسي اني امك وثانيا انتي تكذبين لكي تجعليني اجلس بجانبك ولا اهتم بشبابي وسبب اتصالي بك هو ان هناك بعض من اشياءك هنا واريد التخلص منها حتي لا تعودي هل تحتاجيها...؟؟

دانا بغضب ودموع

:احرقيها ارمي بها الي القمامة لا اريد اي شيي يذكرني بك واياك بان تتصلي بي هل سمعتي يا هذه اذهبي من حياتي اذهبي.....!!

قالتها ثم القت الهاتف بعنف لينكسر الي قطع صغيرة وظلت تبكي ليدخل علي صوتها كارما التي الي ما رات اختها حتي اخذتها في بين احضانها وهي تقول

:
دانا مالك يا حبيبتي حصل ايه ....؟

دانا ببكاء:انا بكرها اووي الست دي بكرها خليها تطلع من حياتي انا تعبت بتتصل تستفزني دي مش ام ....!!

ابعدتها كارما عن احضانها وقالت بغضب

:ايه دا هي اتصلت تاني لا بقي دي جابت اخرها معانا انا هكلم بابي واخليه يتصرف مع الست دي متعيطيش يا حبيبتي.....!!!

.......................................

كان في غرفته ويقراء بعض الصفاقات ليرن هاتفه ويتحول وجه للجدية والصرامة ويجيب:

ايوه يا اوس عاوز اية...؟

اوس:خدامك يا باشا انا كنت بكلمك عشان مش لاقي الولا فتحي غطسان فين بدور عليه ومش لقيه.....؟؟

ضحك ضحكة شيطانية وهو يقول ببرود

:فتحي الله يرحمه...

صدم عباس الملقب باوس وابتلع ريقه بخوف وقال بتوتر

:ا..الله..ي.يرحمه يا باشا...بب.بس ازاي عمل ايه ....؟؟

ادهم ببرود وحده:ميخصكش..!!

اوس بارتباك وتوتر:حاضر يا باشا ..الشغل متوقف والزبون عاوز البضاعة عشان عايز يسافر ...

ادهم بغضب:انت متخلف ازاي يا غبي بضاعه وشغل دلوقتي انت مش عارف ان العين علينا جري ايه يا اوس هو انا الي هقولك كدا خليهم يصبرو شوية ومتصدروش بضاعة دلوقتي...

اوس بارتباك:لا مقصدش يا باشا اصل الزبون مضايق وعايز يخلص...

ادهم:يولع ولا يفرق معايا اهم حاجة سمعتي انا قولت تستنوا يعني تستنوا هي كلمة بدل معرفك شغلك يا اوس...!!

اوس بخوف وتوتر:لا يا باشا حاضر الشغل هيوقف دلوقتي اهم حاجة جناب سعتك ....؟؟

قطع كلامه طرق علي باب غرفته ليقول

غور انت دلوقتي ولما هعوزك هكلمك

اقفل الخط ليقول:ادخل...!

دخلت كارما وبيدها دانا المنهارة ليقول ادهم بقلق وهو يرتب علي ظهر دانا بحنان

مالك يا حبيبتي بتعيطي ليه مالها يا كارما

كارما بضيق:امها اتصلت تاني وضيقتها بالكلام ...

ادهم وتحول عينه لجمرتين من الغضب

:تاااني هي مبتحرمش وحياة دموعها دي مباقش ادهم الفيومي لو مخلتها تركع ادمي ندمانة...

كارما بستغراب:هتعملها ايه يعني يا بابي...؟؟

ادهم بتوتر وكدب:لا ولا حاجة انا بس هخليها متتكلمش تاني معاها...

كارما خوديها ورحي انتي وزينة النادي او اي حته عشان تغير جو ...

كارما:حاضر يا بابي يلا يا دانا...

خرجوا بينما ادهم متوعد:انتي جبتي اخرك معايا ماااشي استحملي بقا الي هيجرالك ..ثم اجري هاتفا وقال

الو عايزك تنفذ الي هقوله بالحرف فاهم
....
&&&&&&&&&&&&&&&&&&

(في مركز الشرطة)

دخل سيف علي ادم الذي يجلس ويتابع عمله..وقال مازحا

:بردو جيت عشان تشتغل ايه يابن انت طالع من عمليه من اربع ايام بس غيرك كان قاعد في البيت ...

ادم:اه عندك مانع ...

سيف مازح:معنديش يا عم انا بس عوزك تستريح وانت متبسطر كدا بالجبس...!!

ادم:متبسطر !!طب اسكت احسنلك وهاتلي الملف...

اعطا سيف الملف...

ليقول ادم:فين عنوانه..

سيف:وانت عاوزه ليه...

ادم:ملكش فيه اخلص وفي ظرف خمس دقايق عايز تحريات عنه وعن كل حاجة بيعملها فاهم...؟

سيف:حاضر يا عم المنتقم بس لو تريح دماغك وتقبض عليه وخلاص..

ادم بصرامة:سيييف مش هعيد كلامي..

سيف:طيب متتحولش علينا بس..!!

رن هاتفه ليجيب

ايوه يا جوري

جوري بثقة:اديتها الفلوس وكمان اتعرفت علي اختها بنت امورة خالص

ادم بارتياح:كويس ...اديني عنوان المكان الي بتروحه..

جوري:هتروحلها..

ادم:اه هاتي العنوان...

جوري:اوك هبعتلك في مسدج
&&&&&&&&&&&&&&&&&&&

(في فيلا الفيومي)

جالس شارد في شيي

منذ سبع سنوات
...........................

يرن هاتفه ويجيب بقوة

:عايز اية..؟؟

:فتحي بخوف:الحق ياباشا البت الظابطة عرفت عننا كل حاجة وناوية تفضحنا وتودينا في داهية...!!

هب وقفا بصدمه وقال بغضب شديد

انت بتقول ايه يا حيوان ازي دا...

قبضت علي مليجي واعترف علي كل حاجة وكمان معاها ادلة ضددنا...!!

ادهم:يابن ال**** وانتوا فين ..!

فتحي احنا متجمعين في بيت اوس بيه

ادهم بغضب:طب اقفل دلوقتي يا غبي بقا .. حتته بت مفعوصه زي دي تكشفكوا انتوا ضيعتوا كل حاجه يا شويه بقر بعد ساعه تجمع كل الرجاله في المكان بتاعنا....!

افاق من شروده علي صوت اهتزاز هاتفه
ليجيب ويقول الطرف لاخر

:كل حاجة اتعملت زي محضرتك امرت...

ليبتسم ابتسامة انتصار
&&&&&&&&&&&&&&&&&&&&
(في النادي)

تجلس زينة وكارما ودانا الشاردة

لتقول زينة بمرح:ايه يا سرحانة جاين نسرح هنا حضرتك احنا جاين نشوف اشكال جديده...

دانا بابتسامة:لا ابدا مش سرحانة..

كارما:طب تشربي ايه انا جيباكي عشان تغيري جو ...

دانا:اي حاجه كافيه لاتيه...

كارما:اوك..وقبل ان تكلم زينة تتوقف خضرويتيها علي الذي يقترب منها ويبتسم

وقف امامها وقال:مساء الخير يا انسه كارما...

كارما ومازالت علي نفس الدهشة

لتقول زينة بمرح:لا بقا كدا كتير انت كمان يا حضره الظابط بتيجي هنا النادي محظوظين احنا بقا...

ابتسم لها ادم علي خفة دمها...

دانا تنظر له باستغراب فقط......!

افاقت كارما من دهشاتها وقالت:مساء النور يا سيادة الرائد حضرتك جاي هنا ليه جاي لسيف...

ادم:هو انا كنت هتاقبل انا وسيف هنا بس عرفت من جوري انك بتيجي هنا ولقيتها فرصه عشان اشكرك...

كارما بابتسامة:علي ايه انتوا محسسني اني عملت حاجة كبيرة انا عملت الي كله الناس كانت هتعمله اتفضل واقف ليه...؟

كان شارد في ابتسامتها الرقيقه والجميلة وعينها الخضراء تحت اشعة الشمس التي تجعلها مثل ملاك
&&&&&&&&&&&&&&&&&&

(في الاحياء الشعبية)

تقف امام المراءه وتتزين لتدخل ميادة وهي تقول لها بغضب

انتي قاعده في مزبله مشلتيش ليه مطرح متفحطي...!!

مليكة:عندي جامعه ومش فاضية الم واكنس...

مياده بسخرية:مش فاضية تلمي وتكنسي وفاضية تطفحي هو انا كنت الخدامة الفلبنية بتاعتك وبعدين من امتي الاهتمام بتاعك للجامعة دا....؟؟

مليكة بغضب:يوووووه هو ولا دا عاجب ولا دا عاجب عايزاني اعملك ايه يعني دي مبقتش عيشة دي ...!!

ميادة:متعمليش حاجة وبعدين مش هتغيري طريقة لبسك دي ايه الي انتي لابساه دا مش لبس محجبين دا لبس صيع...!!

مليكة ببرود:ماله الي البس الي لابساه عاجبني..خليكي انتي بس في سي خالد بتاعك...!!

مياده بحرج:مليكة احترمي نفسك ايه خالد بتاعك دي..

مليكة:ايه هو الحقيقة بتوجع منتي هتموتي عليه وهو مش معبرك وكل متكلميه يصدك مهو مش هيبص لبنت حارة زيك يتكسف...!

ميادة بدموع لانه حقا لا يعرها اهتمام
واكملت بغضب ايضا:اخرسي خالص ومالها بنت حارة ... انا بشتغل وبتعب عشان اصرف علي بغله زيك وياريته بيطمر الا انك بتزيدي في دا انا بس بعمل كدا عشان وصية ماما وبابا الله يرحمهم ..ولازم تحترمي الحجاب الي علي راسك مطلعه نص شعرك برة ايه دا مش حجاب دا لتحترميه لمتلبسهوش خالص اوعي غوري من وشي....!

نظرت مليكة بتافف واكملت ارتدادء ملابسها وخرجت وظان اختها لم تفل شيئا......

&&&&&&&&&&&&&&&&&&&&
(في النادي)

بعد دقائق من الشرود في ملامحها افاق وقال لها بابتسامة:انا متشكر كمان مره وسعيد اني اتعرف علي بنت زي حضرتك...!

كارما وهي تتابعه: انا الي اتشرف..اتمني اشوف حضرتك تاني وجوري بنت مؤدبة وعسل اووي انا حبيتها اوووي وعرفتها علي اختي دانا....
قالها وهي تشير لدانا لتبتسم له دانا مجاملة..

نظر ادم لدنا ثم نظر لكارما وقال:وهي كمان فرحانة عشان اتعرفت علي ناس زيكوا ومتبطلش كلام عليكي...؟؟

كارما:ربنا يخليهالك...

ادم:يارب عن اذنكم...

كارما:اتمني نشوف حضرتك تاني...

ادم:اكيد هتشوفوني...

نهض ادم وذهب لتتابعه كارما وتتذكر ملامحه لتقاطع شوردها زينة:زوق اووي هو واخته مش كدا

كارما وهي مازلت شارده وقالت دون وعي:فعلا وقمر اوي...

نظروا زينة ودانا لبعض وضحكوا عاليا لتفيق كارما وتخجل بشدا ويصبح وجهها شديد الاحمرار من الخجل وقالت بغضب:بس اسكتوا كلمه وطلعت مني ايه...!!

زينة وهي تغمز لها ومازالت تضحك:ايه السنارة غمزت ولا ايه...!!

كاوما باحراج:زينة بس علي اساس انك اتكلمتي بكل جديه مع صاحبه...

زينه بضحك عالي:ههههههه انا وقعه يا بنتي اعمل ايه بحب بسرعة ...

لتضحك كارما معهم وظلوا يتكلمون في عده اموار....
&&&&&&&&&&&&&&&&&

(في صباح اليوم الثاني في فيلا الفيومي)

تستعد كارما للذهاب الي الشركة وارتدت ملابسها وكانت في كامل اناقاتها مثل المعتاد وتركت شعرها منسدل كما تفعل

اخذت الهاتف وقالت:الوو ايوه يازينة بقولك ايه متاخدي اجازة من الشركة وتعالي عشان محتجاكي في الشغل وانتي الي هتعرفي تساعديني

زينه:اوك يا قلبي هاستئذن من بابي وهاجيلك ....

كارما:اوك بس بسرعة ها ...

.............................................

في الاسفل رن جرس المنزل لتذهب الخادمة وتفتح لتجده يقف بهيبته وشموخه ووضعا يده في جيب بنطاله

الخادمه:عايز مين يا فندم ...؟

قال بثقه وقوة:انا ادم عز الدين الحديدي...!!

سقط فنجان القهوة من يده الذي كان يرتشفه ما ان سمع اسمه ليقف ويستدير وينظره له بصدمه ويبادله نظرات غضب وفزع
ويبادله ادم نظرات حقد وشر وثقه وسخريه في ان واحد....ثم

&&&&&&&&&&&&&&&&&&&&

استوووووب خلص البارت اتمني يعجبكم وعايزة رائيكم علي الرواية بكل صراحة ...والبارت المرادي طويل وتعلقتكوا بجد بتفصلني وبتشجعني اكمل شكرا يا حبايبي انتوا احلا متابعين انا هنزلكوا بارت بكره وبعده ويوم السبت لاني مش هنزل في العيد عشان هبقي مشغوله...وعايزة تخمنكوا للشخصيات وتقولولي استنتجكوا

معادنا بكره ان شاء الله

#عشقت ابنة عدوي

بقلم:سلمي

دمتم سالمين....