رواية عشقت ابنه عدوي(جاري التعديل) الفصل الرابع 4 - بقلم salma naser

(في احد المخازن)

ابتلع فتحي ريقه بصعوبه وخوف:

ا....ا..ا..د..هم..باشا...الفيومي !!!!!

ابتسم ادهم ابتسامة تهكم بجانب فمه وقال باستفزاز

:ازيك يا فتحي ..فينك ياراجل مختفي الايام دي كلها ليه وكمان رايح تاجر شقة بعيد عن شقتك خير انت بتهرب ولا حاجة...؟؟

فتحي وهو يتظاهر بالشجاعة

:و..و..ودي ..م..معقولة ..بردو يا باشا ..ا..ا..انا ...ب..بس ...زهقت من الشقة وربنا كرمها عليا وجبت شقه عدلة..!؟

ضحك ادهم ضحكة عاليه ثم نظر له وقال بسخرية:

لا يا راجل زهقت من الشقة الي خمس اوض وفي عمارة ورايح تسكن في حتة في منطقة زبالة وفيها اوضة.. وفاتح كمان بيجبلك الاكل والشرب طب قول كدبة عدلة...؟؟

نظر فتحي له برعب وارتعاش ولم يعقب!!

قال ادهم بحدة:انت حسابك معايا كبيير اووي يا فتحي ثم وقف واقترب منه وقال بهمس كافحيح الافعي

:عشان مش انا الي يتلوي دراعي ومش انا الي يضحك عليه..؟!

فتحي بخوف ورجاء:وولله مالي ذنب يا باشا انا عملت زي مقولت لحضرتك هو الي عاش اعمل ايه بقا..

ادهم بغضب:اخرس خالص انت جيت وقولتلي انه مات وكل شويه عايز 50 باكوا عايز 50 باكوا وقولتيلي انه مات وانت عارف انه لسة عايش وكمان مشوفتش شغلك كويس ونشنت غلط يا فتحي..وقبل مسلمك المهمة دي قولتلك انه لو ممامتش انت هتموت بداله وانا مش برجع في الي بقوله صح ولا ايه…؟

فتحي بخوف واستطعاف وهو يمسك قدميه:..ا..انا ..اسف ...يا باشا سماح اديني ف..فرصة انا عارف اني غلط بس ..ونبي اديني فرصه انا معاك بقالي سنين وحياة عيالك…؟

دفعه ادهم بعنف وغضب:اخرس يا حيوان متجبش سيره عيالي علي لسانك ومتلزقش فيا زي المره.. انت عارف بغبائك عملت ايه اكدتله ان احنا الي عملنا كدا والورق الي يوديني في داهية معاه ومش بعيد نلاقيه جيلنا وسمعتي كلها تروح في داهية هي اول مره منتا عملتها قبل كدا مروحتش تتاكد ليه انه مااات يا كلب …؟

فتحي:.خخوفت يا باشا ..حد يكون موجود ويشوفني ..والي عرفته يعني ان بنت سعتك كانت موجودة وهي الي اسعفته وودته المستشفي هي وصاحبتها الي كانت معاها ..يعني مليش ذنب اصلا المكان مفهوش حد ومحدش بيعدي فيه اساسا يعني لو سبته كان مات...!!

رمقه ادهم بغيظ وغضب واشار باصبعه لاحده رجاله الذين يقفون خلفه ويحملون الاسلحة الاليه فؤمي له براسه لياتي احد ويلقي فاتح امام فتحي وهو غارق في دماءه من اثار الضرب المبرح الذي تلقاا من رجال ادهم

حدق فتحي بفاتح باعين مذهولة ومصدومة وبكي برعب وقال لادهم:باشا ونبي يا باشا ارحمني اديني فرصة اصلح غلطي ....

ادهم بابتسامة شيطانية:انا معنديش حد يضحك عليا ويخلف امري يا فتحي والكلب دا خد قرصه ودن بس عشان يبقي يستغفلني هو كمان وانا سبق وقولتهالك يا فتحي الي يخلف امري ملهوش عندي غير دا قالها وهو يشير الي احد الاسلحة....

بكي فتحي وهو يتوسله ثم قال ادهم:بس دا هيرحمك انا لازم اخليك تتعذب شوية عشان حكاية البيعة الي بتصدرها من ورايا وفكرني مش واخد بالي......!!

حدق فتحي بنظرات مصدومة ومرعوبة:
..باشا سماح يا باشا ..ا..انا غلط

ادهم:مفيش عندي سماح والي هيحصلك دلوقتي مش عشان المهمة الي فشلت بس لا عشان البضاعة الي كنت بتاخدها من واريا..فااااااااارس

قالها بصوت جهوري وهو ينده لاحد رجاله لياتي له احد الرجال الضخمة من رجاله وقال بصوت خشن:اوامرك يا باشا...

ادهم وهو ينظر لفتحي بابتسامه:هاتهم وبعدها وضبوا وارموا في اي داهية هو والكلب التاني وصورهم هما الاتنين بمنظرهم دا عشان يكونوا عبرة لاي  ***** يفكر بس يستغفلني...

اؤمي له بطاعة وذهب وبعد دقائق عاد ومعه كلبين الحراسة البولسيه الشرسة كانه اشكالهم مرعبه بشكل مخيف وكانوا يصدرون صوت مرعب وشرس وكانوا عباره عن ذئبين وليس كلبين

ادهم وهو يهمس في اذن فتحي:الكلاب دي جعانه وبقالها يومين يعيني مكلتش وانا قررت انها لازم تاكل..

تركوا الكلاب لتذهب وتبدء بالنواح وهي  تهنش في فتحي وهو يصرخ متألما ويقول بتقطع وتالم

:اااااااااه ...يا باشا ....اديني..فرصة ....ااااه.....اااااه.....ارحموني.....اااه…!!

ظل ادهم يتابعه وهو يضحك بهستيريا مجنونة وكانه سعيد لما يحصل...؟؟

وبعدها بعددة دقائق خرج من المخزن واستقل سيارته وذهب وكان شيي لم يحدث………؟!
&&&&&&&&&&&&&&&&&&&&&&

(في النادي)

تمشي زينة فجاة اصتدمت بشيي ضخم في راسها ...

امسكت راسها بتالم وقالت بغضب

:اه يا دماغي ..يا غبي يا متخلف مش تحا.....لتسكت من الدهشة وهي تري سيف امامها وقالت بدهشة

زينه: ايه دا سيادة الرائد  ؟ انا بحلم ؟..

سيف:ازيك يا انسة زينة ايه الصدفة دي ..انا باجي هنا علطول ..

زينة:لا مش ممكن بتيجي هنا علطول انا مش بشوفك ...

سيف:صدف بقا...

زينة بابتسامة:صدفة غريبة يعني هو انت جاي لحد هنا..

سيف:اه جاي لواحد زميلي بس هو لسة.مجاش

زينة:وانا مستنية كارما تخرج من الشركة عشان نروح تعالي اقعد معايا عقبال مصحبك يجي ...

سيف بتردد:مش هتتضايقي يعني..؟

زينه بابتسامة:لا خالص اهو تسليني عشان كارما بتتاخر ..واهو فرصة نتعرف
ذهب سيف وجلس مع زينة وظلوا يتحدثون وكانت زينه تضع يداها علي خدها بابتسامه وهيام وتنظر لسيف الذي يتحدث  وقالت بدون وعي

:تعرف ان عيونك حلوة اووي…؟!

ضحك سيف من ما قالته....

وقالت:اللهم صلي علي النبي ضحكتك كمان تجنن……؟!

ثم اتسعت حديقتيها بعدما ادرجت ما تفوهت به ووضعت يداها علي فمها من الخجل وكادت تبكي

وقالت ووجها يكسوه الخجل: يا نهار اسود انا قولت ايه..سوري جدا انا بعد سعات بخرف ومعرفش بقول ايه...؟!

سيف وهو يبتسم من حركاتها الطفولية وقال بغرور مصتنتع:لا وبتخرفي ليه منا فعلا حلو والبنات هتموت عليا....!؟

رفعت زينة احدي حاجبيها وقالت:دا غرور بقا ....

ضحك وقال:ولا غرور ولا حاجة تعرفي انك عينك انتي كمان حلوه اووي...!؟

ابتسمت بخجل ووطت راسها الي الاسفل ثم قالت:احكيلي بقا انت مرتبط ولا لا عندك اخوات بابك ومامتك فين…؟

سيف:انا مش مرتبط ومعنديش اخوات وابويا وامي سافروا من وانا في ثانوي وكانوا بيبعتولي فلوس كل شهر لحد مدخلت كليه الشرطة اصلهم بيعتبروا شغلهم كل حاجة عشان كدا معتبر جوري وادم عيلتي...

زينة:ماانا لاحظت خوفك علي صاحبك لما كنا في المستشفي...

سيف:انا وادم بتربطنا صداقة كبيرة عشان كدا كنت هتجنن لما كان في المستشفي...

ابتسمت زينة وقالت:ربنا يخليكوا لبعض....

سيف:يارب ..وكمان الجميل الي عملتي انتي وانسة كارما معروف انساني كبير...

زينة:عادي علي فكرة اي حد مكنا كان عمل كدا ...

رجع سيف بظهره الي الوراء وقال:مش كله في كتير بيخافوا علي نفسهم ومعاهم حق اكيد....

ظلوا يتكلمون ..وبعد عدة دقائق اتت كارما وقالت:انا جيت يا زينه يلا..ثم نظرت لسيف وقالت:ايه دا سياده الرائد سيف حضرتك بتعمل ايه هنا …؟؟

زينة:اسكتي يا كارمة مش استاذ سيف بيجي هنا علطول

كارما:دا بجد شرف لينا ان احنا نتعرف علي حضرتك..

سيف:الشرف ليا يا انسة كارمة...

كارما بتنحنح:احم..ويا تري استاذ ادم عامل ايه دلوقتي ...

سيف:الحمدلله بقا كويس وفي اقرب فرصة هيجيلك عشان يشكرك بنفسه...

كارما بابسامة:انا معملتش غير الي لازم اعمله وياريت تسلملي علي جوري انا حبيتها قوي...

سيف وهو يهم بالمغادرة:اكيد عن اذنكوا عشان زميلي جه...

زينة:مع السلامه يا استاذ سيف نتمني نشوف حضرتك في اقرب فرصه...

سيف:ان شاء الله...

ذهب سيف وظلت زينة تتابعه ونظرت كارما لها ثم قالت بخبث:ايه يا زينة ايه الحب الي نازل من عينك دا...

زينه بتنحنح:نعم حب ايه انا قبلته صدفة وقلتله يجي يقعد يستني صاحبه لحد ما يجي واهو يسليني بدل التاخير بتاعك دا ...

كارما:واللهي متعرفهوش كويس وقولتيله تعالي اقعد دا انتي تلاقيك مسدائتي....

زينة بحرج:يووه بس يا كارما انا بتكسف معرفش اصلا انا قولتله يجي يقعد ليه انا خرفت بالكلام وربنا يستر وميقولش عليا مسهوكة ومدلوقة...؟

ابتسمت كارما وقالت:منتي فعلا مسهوكة هههه

رمقتها زينة بغضب لتقول هي: خلاص خلاص يلا بينا نقوم..

زينة:انا هروح الفيلا اجيب اوراق وهدوم وهجيلك بليل...

كارمة:متبعتي حد يجبهملك...

زينة:لا هروح انا عشان في حجات خاصة ليا عايزاها...

كارما:اوك يلا...

&&&&&&&&&&&&&&&&&&&&

(في الاحياء الشعبية)

تقف ميادة امام المراء وهي تعدل ملابسها وتضع الماسكارا لتاتي مليكة وتقول بخبث

:اش اش اش ايه الشياكة دي كلها طبعا مهو خالد جيه وعشان كدا وقفه تتزوقي...!!

ميادة بغضب وحرج:بس يا مليكة احسنلك...

مليكة :ولله يا بت يا ميادة لو عرفتي تشقطيه ويحبك ويطلعنا من الفقر والحتة النتنة دي تبقي عملتي فيا خير...!!

ميادة وهي تلتفت لها:مالها الحتة الي احنا عايشين فيها رضا غيرنا عايز سقف بس عشان يدارا فيه من البرد والحر وبعدين ايه تشقطيه دي انتي اتجننتي يابت ....!!

مليكة بغرور:انا مالي ومال غيري انا في نفسي الوقتي لو خالد حبك هياخدنا من هنا ونعيش في فيلا من فيلاله وانا عارفه انك بتحبيه من زمان...؟؟

مياد بخزي:ايه الي بتقوليه دا وحتي لو بحبه هو عمره مهيحس بيا ...!!

ابتسمت مليكة بخبث وقالت:من النحيا دي اطمني وسبيلي الموضوع دا وانا هتصرف وهخليه زي الخاتم في صباعك....؟؟

رفعت ميادة اصباعها وقالت لها بتحذير:اياكي يا مليكة تعملي حاجة من الي بتقولي عليها دي اسكتي انتي وخليكي في حالك ومستقبلك وملكيش دعوه بيا...!!

مليكة بتافف:مهو دا مستقبلي بردك وهو الواحد لما يعيش في حته زي دي نفسه تتفتح...!!

ميادة بغضب:مليييكة خليكي في حالك وقولتلك ملكيش دعوة وهيحصل الي ربنا كتبه اسكتي بقا وغوري ذاكري..؟

تاففت مليكة وذهبت بنفور وبعد قليل قرع جرس المنزل لتذهب وتفتح ميادة لتري فتاه في اوائل العشرينات بيضاء البشرة وعيون بني فاتح وترتدي بنطلون جينز ازرق ودريل اخضر طويل وكنزه صفراء وفوقها الحجاب كانت تبتسم…

قالت ميادة بترحاب:ازيك يا امل عاملة ايه....

قالت امل بابتسامة:نحمده ...امال فين مليكة....؟

اشارت ميادة بيداها وقالت:تعالي اهي قاعده في اوضتها ادخلي....؟!

دخلت امل بينما قالت ميادة:تشربي ايه..؟

امل:ولا اي حاجه وهو انا غريبة...!!

ميادة:ولا غريبه ولا حاجة دا انتي زي اختي انا عاملة كركديه هسبلك وهروح المصنع عشان عندي شغل اضافي...؟

امل:ماشي…

دخلت امل غرفة ميادة والقت عليها السلام وجلست بجانبها وبعدها بدقائق دخلت ميادة ووضعت المشروبات ثم انصرفت الي عملها....!

امل:الا قوليلي يا بت يا مليكة مش بتذاكري ليه...امال انا جاية ليه…؟

مليكة:بلا قرف مذاكرة ايه ياست الدحيحة انا قولتلها مش غاوية علام بس نعمل ايه راسها والف جزمة اتعلم وقالت تقليد شقيقتها بسخرية انا ضحيت عشان تبقي حاجة كويسه وانتي لازم متفكريش غير في دراستك وبس...مبتفهمش اني مش اعوزه اتعلم وبالفلوس الي عماله تبعترها شمال ويمين في الجامعة نسكن في حتة عدلة...

مطتت امل شفتيها بانزعاج:مهو معاها حق بردك عاوزكي تبقي حاجة نضيفة تقومي تعملي كدا مفيش حاجة بتعجبك....!!

مليكة بملل:سيبك من دا دلوقتي ثم تابعت بحماس شوفتي عملت ايه مع الولا حسن

دق قلب امل بسرعة وقالت:عملتي ايه وافقتي..؟؟

ضحكت مليكة ضحكة سخريه وقالت:اوافق ايه انتي هبلة يا بت…؟

شعرت امل ببعض الارتياح لان مليكة لم توافق ثم قالت:طب عملتي ايه...؟؟

قصت لها مليكة كل شيي واهانتها له وكسر قلبه بتلك الطريقة

شهقت امل بزهول وقالت:يخربيتك بت انتي قولتيلو كده...!؟

مليكه وهي ترجع خصلة شعرها للوراء بكبرياء:ومقولوش ليه ....؟؟

امل:دا انتي حتته بت يتفاتلك بلااد...

مليكة بغرور وثقة:امال دانا مليكة برضه...؟؟

امل بانزعاج وحزن:بس حراام عليكي الطريقه الي كلمتيه بيها الاصول والاحترام بتقول انك لازم تقوليلو بطريقة ذوق واحترام طالما انتي مش عاوزاه مش تكسري قلبه كدا……؟؟

مليكة:جري ايه يا امل انتي معايا ولا معاه...!!

امل:انا مش معا حد انا معاه الاصول مش بالطريقه دي انا لو منو وربنا افرمك...انتي يابت مش اهنتيه بس انتي كسرتيه...؟؟

مليكة:احسن يستاهل انا ارتحت كدا مش انا الي احب صبي ميكانيكا……؟

وضعت امل يداها وسط خسرها وقالت:وماله بقا الميكانيكا الشغل مش عيب ولا حراام وهو بيتعب عشان يساعد امه يخريبتك انتي خسرتيه دا بنات الحارة كلها هتموت عليه...

مليكة بعدم اهتمام:ياخدوه انا مش عاوزاه وبعدين فضي سيرته بقا عشان بتقلب معدتي وخلينا احكيلك علي الي حصل لكيم كاردشين الممثلة الاجنبيه..؟؟

امل بغضب منها:مش عاوزة اعرف يختي انا كنت جايه عشان فاكرة انك هتذاكري لاسمح الله بس مفيش فايده اروح اجيب لامي الطلبات واروح اذاكر انا وخليكي انتي في كيم كاردشين يكش تنفعك……؟

وهمت امل بالمغادرة لتقول مليكة وهي تشرب العصير:احسن بت نحس جتيك نيله دا ايه يختي الصحاب دول..!!

&&&&&&&&&&&&&&&&&&&
خرجت ميادة من المنزل وعندما كانت تمشي وجدت خالد يستقل سيارته بغرور وهيبة سعدت كثير عندما راته وذهبت اليه وقالت

:خالد ...عامل ايه ؟؟

خالد من زجاج السياره وبدون اهتمام:

كويس...؟؟

مياده بخجل وارتباك:احنا جيران لو عايز حاجه اطلبها ....؟؟

نظر لها باستعلاء واستغراب وقال:وهو انا هعوز منك ايه...؟؟

ميادة:قصدي يعني لو عايز ....!!
قاطعها وهو يدور محرك السيارة:طيب طيب يلا عشان عندي شغل قالها وانصرف ولم يعيرها اهتمام

تنهدت مياده باسي وذهبت هي الاخرة الي عملها...!!
&&&&&&&&&&&&&&&&&&
(في فيلا الفيومي)

نزلت كارما الدرج وذهبت الي ادهم وقالت

:بابي انا رايحة لزينه..

ترك ادهم صحيفة الجرنال وقال لها:
تروحيلها لية مش هي جايالك بعد متجيب حاجتها...؟؟

كارما:انا عارفة بس هروحلها عشان هاخدها وهاخد دانا وافسحها انت عارف نفسيه دانا بسبب امها الله يسامحها

ادهم وهو يقول لنفسه بصوت هامس:امها دي ليها حساب معايا علي الي عيشته لبنتي بس لما اخلص من الي انا فيه………؟

كارما:باابي سرحت في ايه ...!؟

ادهم بابتسامه:طيب يا حبيبتي روحوا بس حذاري تتاخروا انا مش عايز يحصل مصيبة تاني...؟

كارما:حاضر يابابي يلا باي..

&&&&&&&&&&&&&&&&&
(في فيلا زينه)

رنت كارما جرس المنزل لتاتي الخادمة

كارما بابتسامه:مرحبا هل زينة هنا
(الخادمة كورية والحوار مترجم)

الخادمة:نعم انستي تفصلي انها في غرفتها...؟؟

كارما:شكرا لك...؟
تعالي يلا يا دانا ذهبت دانا التي تبتسم نصف ابتسامه

وصعدو الي الاعلي ودخلت كاوما ودانا

ووجدت كارما زينة تجلس وتمسك تلك الصورة وتنظر لها بدموع وغضب

ذهبت كارما وجلست بجانبها وقالت:زينة مالك......هي جاتلك تاني

زينة بغضب:جاات

كارما بحذر:وطردتيها...؟؟

زينه بقوة:طردتها...

تنهدت كارما بياس وقالت ببعض الحده: مينفعش كدا الي بتعملي في نفسك يا زينة طالما مش عايزة تشوفيها بتعملي في نفسك كدا ليه انتي هتتعبي نفسك كدا...!!

زينة بقوه وبكاء:اعمل ايه يعني يا كارما كل لما اشوفها اضايق ولما بتمشي بتوحشني...؟

كارما وهي تربت عليها:طب اديها فرصة يا حبيبتي يمكن تكون اتغيرت فعلا...

وقفت زينه وقالت ببعض من الحده والغضب:اتغيرت!!ههههة تعالي شوفيها عاملة ازاي علي سنجة عشرة ولا كانها عملت حاجة انا قرفت منها نفسي تطلع من حياتي بقا عشان اعرف انساها..

ظلت كارما تواسيها في حب

&&&&&&&&&&&&&&&&&&&
(في مركز الشرطة)

يجلس ادم ويتذكر شيي ويعتصر قبضته بغضب
فلاش باك
********************
منذ 7 سنوات
دخل ادم مكتب وهو يقول بمرح

:حبيبة قلبي قاعده لوحدها ليه ..؟

كانت فرح تنظر لشيي بتركيز

اقترب منها ادم وجلس بجانبها وقال

:مالك يا فرح سرحانة في ايه وايه الي في ايدك دا...؟

رفعت فرح نظرها وقالت له بحماس……

:حظر فظر جبت كل ادله ادهم وهوديه في داهية اخيييرا……؟

نظر لها ادم وقال بغضب:

تاني يا فرح تاني مش قولتلك ملكيش دعوة بالموضوع دا وسيبهولي انا انتي عارفة انه راجل خطير وممكن ياذيكي...!!

فرح بهدوء:اهدي يا حبيبي انت متعصب ليه انا هدخله السجن وقولتلك ميقدرش يعملي حاجة ...؟؟؟

ادم ومازال علي الغضب:يعني ايه مش هيقدر يعملك حاجة دا كبير مافيا فرح بوصي لو عايزة علاقتنا تستمر سيبي الموضوع دا……؟!!

شهقت فرح ونظرت له بصدمة وغضب:انت بتساومني علي القضية وعليك بتحط علاقتنا في موضوع زي دا مكنتش اعرف اني مفرقش معاك اوي كدا يا ادم....!؟

هدا ادم وندم علي ما قاله فهو يعشق فرح ومن رابع المستحيلات ان يتركها:

ربت عليها واخذها في احضانة…

:فرح انا اسف يا حبيبتي انا مش قصدي اقولك كدا انتي عارفة انا بحبك قد ايه بس انا خايف عليكي دا راجل خطير ومينفعش تتحديه انا مش مستعد اخسرك...؟؟

ابتعدت عنه فرح وقالت بحب:متخافش يا حبيبي قولتلك مش هيقدر يعملي حاجة انا بس عايزاك توعدني متدخلش في القضيه وسيبهالي ممكن..!!

ادهم بتردد وقلق:ماااشي يا فرح بس دا مش معناه اني هسيبك تحت اي ظرف

تنهدت فرح وقالت:حاااضر يا ادم بطل خوف عليا بقا ...

بااااااك
******************************
قطع شروده رنين هاتف جوري

ادم:ايوه يا جوري...

جوري:ابيه كلمت كارمة زي مقولتيلي عشان اديها الفلوس الدين وهاقبلها انهاردة الساعة 7

ادم بحزم:مااشي يا حبيبتي اهم حاجة متتاخريش ..

جوري: متقلقش مش هتاخر هي نص ساعة هديها فلوسها وهمشي...بس انت قولتيلي انك هتقبلها عشان تشكرها...؟؟

ادم:انا فعلا هقابلها يا جوري متقلقيش بس مش دلوقتي اهم حاجة بس ترجعلها الفلوس ...

جوري:حاضر يا ابيه يلا باي..

قفلت جوري ليخرج ادم صوره فرح ويقبلها باشتياق ويقول بتوعد

:وحياه كل نقطة دم نزلت منك بسببه لهخليه يتحصر علي اغلي حاجة عنده وقدام عنيه...!!

&&&&&&&&&&&&&&&&&&&&&
(في فيلا الفيومي)

تقرع الجرس لتاتي الخادمة وتفتح لتري فتاه في قمة الجمال والبراء

قالت الخادمة:عايزة مين حضرتك...

قاطعتها كارمه وزينة الذين ينزلون الدرج لتقول كارمة بسعادة

:جووري....؟؟!!

&&&&&&&&&&&&&&&&&

خلص البارت اتمني يكون عجبكم ومتنسوش الفوت بقا انا بتعب جدا في الكتابة وياريت تخمنوا ايه الي هيحصل ورائيكوا في البارت وتعلقتكوا بجد بتضحكني انتوا احلي متابعين وبعتذر لو في اخطاء املائية سوري يا جماعه ولله عشان بكتب بسرعة بس ..ومعادنا يوم الاربعاء باذن الله

#عشقت ابنة عدوي

دمتم سالمين....!!

بقلم:سلمي ناصر