#عشقت_قاسي (مكتمله) بقلمي نورهان رضا الفصل العاشر 10 - بقلم نورهان رضا

اول حاجه صباح الخير علي اجمل بنات في الدنياا

ثاني حاجه عارفه أن تأخيري للوقت ده كلو ملوش اي تبرير بس انا كنت بمر مشاكل كتير الفتره الي فاتت مكنش عندي حتي وقت اني اكتب ونفسيتي كانت تعبانه حتي اني قررت امسح الروايه بسبب المشاكل الي انا فيها ورجعت قولت لأ ده ملوش دعوه بده عايزه اقولكو أن الحلقه دي بكتب فيها من قبل العيد بس للأسف كل يوم بكتب كلمتين وارجع اوقف مفيش اي شغف اني اكمل مش منكم انتو مش مأثرين معايا في حاجه والتكوين كل يوم بيزيد الحمدلله مش عايزكو تكونو زعلانين مني تأثيري معاكو غصب عني والي متابعني من الاول خالص هيعرف اني اول مره أتأخر للوقت ده كلو واسفه علي كل تأخير حصل مني اتمني الحلقه تعجبكو وتقولو رئيكو بكل صراحه علي الروايه واكمل ولا لأ
بحبگم يا اجمل بنات في الدنيا اسيبكو مع الحلقه❤️❤️❤️❤️❤️❤️❤️❤️❤️❤️❤️❤️
#عشقت_قاسي #الحلقه_التاسعه
____________________________________
دلفت الي منزلها بوجهه شارد تفكر هل توافق بطلبه وان تهاتفه ام لأ دلفت داخل المصعد وبعد دقايق كانت تقف امام باب منزلها

فتح قاسم الباب عندما سمع صوت الجرز ليري ابنته تقف امامه وعلي ثغرها ابتسامه حنونه ولاكن يظهر علي ملامحها التعب

_كارما حبيبتي ياا بنتي كنتي فين طمنيني عليكي ياقلبي وشك وشك اصغر ليه كده

كان يأخذها داخل أحضانه بقوه وابتعد عنها ظل يقبلها بوجنتيها وجبينها لتهتف بحنان

_بابا انا كويسه مفيش حاجه خلينا بس ندخل

أومأ قاسم بسعاده ليهتف بسرعه وصوت عالي

_قمررر يا قمرر منال كارما جت

جريت منال بسعاده تجاه ابنتها لتأخذها داخل أحضانها بقوه وهي تقبل كل انش بوجهها بأشتياق وترجع تعانقها مره اخري

_, حبيبتي يابنتي كنتي فين ياضنايا قلبي كان وكلني عليكي كنت هموت من قلقي وخوفي يابنتي

ابتسمت كارما وهي تقبل يد ولدتها بحب

_حبيبتي يا ماما بعد الشر عليكي وكمان انا كويسه قدامك اهو

قمر ببكاء وهي تعانقها هي الأخري

_كده يا كارما تقلقينا عليكي البيت كان وحش من غيرگ كنتي فين كل ده حرام عليكي وقعتي قلوبنا كلنا

قاسم بضيق منهم

_ابعدو عنها بق خليها تاخد نفسها وتحكلنا كل حاجه

كارما بتعب

_بغبغ معاه حق ماما انا هموت وأكل انا دايخه وبقلبي يومين مكلتش اصلٱ

_يا حبيبتي يابنتي ادخلي خدي دش ونا خمس دقايق و هكون عملالك الاكل الي بتحبيه يا قلبي

اومأت كارما لتدلف الي غرفتها حتي تأخذ قست من الراحه أما ولدها فحمد ربه علي رجوع ابنته سالمه

___________________________________

_ها يا كارما احكيلي اي الي حصل وكنتي مختفيه فين كل ده

نظرت كارما لعيلتها بتوجس

_بابا انا كنت كنت عند بدر الشيمي

توسعت عيون قاسم بخوف علي ابنته فقد تأكدت ظنونه

_كان خطفك صح صح انا كنت عارف والهي كنت عارف

كارما بهدوء

_بابا ممكن تهدي هو مكنش خاطفني ولا حاجه

قاسم بعصبيه وصوت عالي

_اومال تقصدي اي ازاي كنتي عندو عايزه تفهميني انك روحتيلو بمزاجك يعني هااا متتكلمي

منال بتوتر من عصبيه زوجها

_اهدي يا قاسم مش كده

_اهدي اي وزفت اي انا كنت عارف ان شغلها ده هيودينا كلنا في داهيه انا لازم اعرف كل حاجه ومن غير كدب يا كارما انتي فاهمه انا مربتكيش علي الكدب

ابتلعت كارما ريقها بتوتر وهتفت

_هحكيلك يا بابا كل حاجه بس اوعدني انك تساعديني لاني مش عارفه اعمل اي ومحتاره

.........................................................
قصت كارما كل شئ لوالدها الذي توسعت عيونه بخوف علي ابنته وتحولت ملامحه الي العصبيه ليهتف

_ولهي لحبسو ابن ***

_بابا ممكن تهدي انا حكتلك كل حاجه بس هو معاه حق في حد بيكرهني وعايز يأذيني عشان كده حط اسمي صورتي وكأنه انا الي نشرت الخبر بس انا فعلٱ ولهي مليش يد في الي حصل ده عشان كده انا لازم اكلمو عشان اعرف مين الي حاول يعمل كده وكمان انا عرفتك انو مأذنيش

قاسم بسخريه

_لا ونا لسه هستني لما يأذيكي خلص الكلام يا كارما ونا مش هحاسبك علي خرجوك من ورايا

_بعني افهم من كلامك اي يابابا

_يعني مفيش بدر ده تاني ومفيش شغل تاني انتي فاهمه انا قولت الي عندي وخلاص

وقف قاسم حتي يخرج من الغرفه لتهتف كارما بحزن

_بابا انت عارف أن شغلي ده اكتر حاجه انا بحبها ومش بالساهل عليا دنتا الوحيد الي عارف انا تعبت قد اي وكمان انا واثقه في الي اسمو بدر ده مش عارفه ليه بس حاسه انو فعلٱ هيساعدني اعرف مين الي عمل كده وخصوصي أن الموضوع يخصني انا وهو

قاسم بقلق وخوف علي ابنته

_وليه يابنتي ليه لازم يحصل كل ده محنا كنا في حالنا لا بينا ولا عليناا وازاي تثقي في واحد انتي اذتيه قبل كده اكيد هو مش ناسي الي انتي عملتيه في اخوه ومش بعيد يكون هو بيعمل كل ده ويكون متفق مع عدوك عليكي محدش يعرف بكره في ايه

_اديك قولت محدش عارف بكره في اي ارجوك يا بابا ساعدني انا لازم اعرف مين الي عمل معايا كده وليه

قاسم بضيق من تحيلات ابنته

_اعملي الي انتي عايزاه يا كارما مليش دعوه بس متجيش بعد كده وتعيطي

كارما بسعاده

_ربنا يخليگ لياا يا احلي بابا وديمٱ واقف جمبي

_روحي يلا يا كارما ارتاحي في اوضتك شويه انتي اكيد لسه تعبانه

اومأت بهدوء لتدلف الي غرفتها أمسكت ذلك الكرت الصغير الذي يوجد عليه رقم وإسم بدر الشيمي لتهتف

_للأسف هكلمك عشان اعرف مين الي عمل معاياا كده

____________________________________
صاح مراد بغضب بعد أن استمع لكلام خالو اسلام

_يعني اي مش موافقه دي وصيه ولازم تتنفذ مش بمزاجي ولا بمزاجها وهتجوزها يعني هتجوزها

هتف يوسف ابن اسلام الاكبر بسخريه

_مالك يا مراد ماسك فيها كده يعني الي يشوفك زمان ميشوفكش دلوقتي يا جدع وكمان من امتي وهو الجواز بالغصب مش ده كان كلامك ولا نسيت

مراد بغضب من تدخل ذلك البغيض فهو يعلم انه يحب حياه بالخفي ولا احد يعلم مشاعرو سوا مراد وحياه الذي اعترف لها يوسف بهذا الشئ

_ونت مالك انت بتدخل في الي ملكش فيه ليه

استشاط يوسف من الغضب ليهتف اسلام بسرعه قبل أن يصل اشتباك بينهم

_بص يا مراد يابني زي ما يوسف قال مفيش جواز بالغصب وطالما حياه مش موافقه يبق ملوش لازم ك

قاطعه مراد بغضب وهو يقف

_هو اي الي ملوش لازمه يخالو الجوازه دي وصيه يعني هتم

هتف ابراهيم الذي دلف للتو

_يعني اي يا مراد عايز تتجوز بنتي بالعافيه ولا اي نسيت انك سيتها زمان

التفت مراد للجهه الأخري يخبئ وجهه عن خاله ليهتف بتوتر

_خالو زمان خلاص راح لحالو وكنا صغيرين واظن اني دلوقتي انا قد كلامي وكمان جدتي الله يرحمها هي الي كانت موصياني بده ازاي عايزين تكسرو الوصيه وكمان لو انا وحياه متجوزناش الورث كلو هيروح زي مقولتلكو

_بس انا مش موافقه وميهمنيش فلوس ولا اي حاجه تانيه انا مش مجبوره اني اتجوز واحد ذيك انت سامع...

هتفت بها حياه وهي غاضبه وانفاسها تتسارع بشده فحديثه عن الاجبار قد أغضبها بشده

مراد بعيون تطاير بها الشرار

_موافقتك متهمنيش اهم حاجه عندي موافقه خالي ابراهيم

اسلام بهدوء

_الموضوع في أيديكم انتو الاتنين اقعدو تاني مع بعض واتكلمو بهدوء ونتي يا حياه بلاش تنشيف الدماغ دي مش كده يا بنتي وكمان مراد مننا وعلينا ومهواش حد غريب صح ولا اي

هتف يوسف الذي لم يعجبه كلام والده اطلاقا

_وهي اي الي يجبرها علي كده طالما هي مش موافقه يبق فيها اي دي حريه شخصيه

اسلام بنظرات حاده لأبنه

_ملناش دعوه احنا يا يوسف وياريت متدخلش بينهم ..

مراد

_بعد اذنكو انا عايز اتكلم انا وحياه شويه لوحدنا

_بس انا مش

قاطعها نظراتو الغاضبه بكلامه الحازم

_انا ونتي لازم تتكلم يا حياه والموضوع ده لازم بتحل وحالٱ

أومأ كل من ابراهيم واسلام ليهتف

_ادخلو انتو الاتنبن البراندا واتكلمو علي منا و ابراهيم نشرب كوبيتين قهوه

دلفت حياه داخل البراندا وخلفها مراد الذي قفل خلفه الباب بهدوء حتي لا يزعجهم احد
جلست علي أحدي الكراسي ليجلس امامها وينظر إليها بشئ من الحب ولاكن ذلك الماكر كان يعلم كيف يخفي نظراتو العاشقه لها ليهتف بشئ من الخبث

_مالك متوتره ليه ايديكي بتفركيهم ليه؟!

نظرت إليه بشئ من الحده لعله يخفي ذلك التوتر

_ممكن تقول اانت عايز اي بالظبط انا مش فاهماك واحده ومش عايزاك هو بالعافيه؟.

_مش بمزاجك يا حياه انتي من يوم متولدي ونتي بتاعتي كلك كده ملكي ملك مراد عباس

نظرت إليه بغضب علي نعته لها بصفه التملك

_انا مش ملك حد ومش بتاعت حد انا مش عربيه ولا تيشرت عشان تقول بتعتك وملكك انت سامع ولا لأ جواز منك علي جثتي مش موافقه يعني مش موافقه

اغتاظ بشده من رفضها له فمن تلك الذي ترفض مراد عباس ذلك الرجل الجذاب والمتميز بكل شئ
تلك الفتاه تغيظه بشده عنادها وكبريئها هذاا يستفزوه بشده لدرجه انه يريد أن يصفعها بقوه حتي تمنع ذلك الكلام

_قولتلك يا حياه صوتك ميعلاش علياا ده اولٱ ثانيٱ قولتلك مش بمزاجك انتي بتاعتي يعني بتاعتي اعتبريه حكم وتحكم عليكي ..

_ونا ذنبي اي اتسجن في جحيمك الاسود ده احنا مش في مسلسل ولا في محكمه عشان اعتبرو حكم

مراد بمكر

_لا اعتبري من انهارده أن اتحكم عليكي بالمؤبد هتفضلي في سجني لآخر نفس فيا يا حياه حضري نفسك الاربعين بتاع جدتي فاضلو اسبوع بعديها بأسبوع واحد هتكوني في بيتي وملكي بحق وحقيقي مع سلامه يا زوجتي المستقبليه واقسم بالله اي كلام تاني في الموضوع ده مهيحصل كويس انتي ساامعه

____________________________________

اتجهه سيف بعيون ذابله ومن حولها سوداء وقط نحف جسده بقوه ليتجه تجاه اصدقائه يهتف بتعب

_عاملين اي وحشتوني

سامر بسخريه

_يجدع واضح اوي اننا وحشينك

سيف بخجل

_غصب عني يا سامر بدر ماسك عليا اوي انا خايف خايف لحسن يعرف اني لسه مدمن ا اان انا ال الحاجه الي معايا خلصت ومش مش عارف اعمل اي عشان كده جتلكو وهربت بالعافيه من الحراسه الي محوطاني في كل مكان دي

ايمن بسخريه

_والمطلوب مننا اي ياسي سيف

_محتاج محتاج الحقنه و البرشام بس بس انا مش معايا فلوس

سامر بخبث

_اومال عايز الحاجه ازاي لما انت مش معاك فلوس؟

_ارجوك يا سامر انا مش قادر خالص جسمي كلو قايد ناار حاسس اني هموت مش قادر ارجوك اديني اي حاجه

سامر بمكر وهو ينظر إليه ساعه يديه

_اهدي يا سيف اهدي يا حبيبي دنت حتي صحبنا يجدع واكيد مش هنسيبك في الحاله دي صح ولا اي يا ايمن

ايمن بمكر

_ده صح الصح يشق

سامر
_الا صحيح يا سيف الساعه الي في ايدك دي دي شكلها جميل ااوي بس اكيد غاليه

نظر سيف بتوتر الي ساعه يديه الباهظه الثمن الذي اعطاه بدر كهديه له بعيد مولده بعد أن راها بيد أحد الممثلين افلام الاكشن الذي يحبها ليتفاجئ بعيد مولده بهذيه الساعه الجميله

ابتلع ريقه بتوتر وحزن بسبب ذلك الشئ الذي وصل له

_مش فاهم انتو عايزين اي بردو

_من الاخر كده يحبيب اخوك عايز الحاجه الي انت قولت عليها يبق تدينا الساعه يا اما مفيش اي حاجه وتروح لخوك زي الشاطر يتصرف هو معاك

نظر إليهم سيف بحزن ليخلع تلك الساعه بحزن شديد ليعطيها الي سامر صديقه الذي ابتسم بمكر وهو يأخذها منه

_ممكم بس تديني الحاجه الي انا عايزها

_طبعا طبعٱ روح يا ايمن اديهملو في حته مدرايه شويه

أومأ ايمن بخبث ليأخذ سيف الذي يذهب معه بخمول يظهر علي وجهه ليبتسم سامر بمكر ويمسك هاتفه

_ايوه يا ادهم بيه كل الي حضرتك طلبتو مني حصلل والواد بق مدمن رسمي دحتي

_هششش كفايا انا سمعت الي انا عايز اسمعو شغلك خلص ونت وابمن تختفو تمامٱ وعدي علي البنك خد حسابك واقسم بالله لو لمحتك بس في القاهره لكون دفنك ونت صاحي فاهم

_فاهم فاهم يا باشا وتشكر علي الفلوس يمعلم

قبل ادهم بوجهه الخط ليبتسم بخبث يهتف

_اما نشوف بق يا استاذ بدر هتنقذ اخوك ازاي ونت شايفو بيموت قدامك ولسه لسه الي جااي كتير

____________________________________
_كنت متأكد انك هتتصلي

رفعت حاجبيها بتعجب تتسأئل

_انت ازاي عرفت أن اناا

نظر إلي الهاتف بمكر بذلك الاسم الذي يوجد علي الهاتف بأسم "القطه المتمرده"

_مش مهم عرفت ازاي انك انتي المهم انك الي بتتصلي مش كده ولا اي يا قطه وده يدل علي انك وافقتي انك تتعاوني معايا

_اسمع يا بدر بيه كوني اني هتعاون مع واحد ذيك ده مش مساعده ليك أو حبٱ فيك كل الحكايه اني عايزه اعرف مين الي بيحاول يأذيني بالطريقه دي

اعجب بطريقه كلامها القويه والذي لا تحمل اي خوف بها

_تمام يا كارما احنا هنتعامل عادي خالص وكأنه انا ونتي لسه أعداء والتحقيق شغال في الي حصلل وانا هقفله بطريقتيي الخاصه في مؤتمر وحفله يوم الثلاث الجي اكيد انتي هتبقي موجوده بما انك اعلاميه وكده

_اايوه هكون موجوده هناك

_يبق كلامنا هيبقي هناك ومحدش هياخد بالو إن أنا ونتي بنتكلم طبيعي وخصوصي أن الكل عارف المشاكل الي بناا عشان كده ممكن العين متبقاش عليناا كتيرر

هتفت بسخريه لاذاعه

_هو انت بتهزر ولا بتضحك علي نفسك ازاي العين مش هتكون عليناا ده الكل اول ميشوفنا بنتكلم مش بعيد نلقيهم بقو حوليناا

هتف هو بمكر

_وده الي انا عاايزو الكل مش هيشفل دماغو بصحافيه ورجل أعمال بنهم حده وخلافات لاكن شخص معين الي هيشغلل بالو بيناا وهو الشخص الي بيحاول يأذيكي سعتها هيكون هو الهدف وهيكون هو القريب مننا عشاان يعرف احنا بنتعامل ازاي بعد الي حصلل

_لا فعلٱ ذكي احيكك علي ذكائك يا بدر بيهه

هتف بغرور

_طبعا انا مش اي حد انا بدر الشيمي خلي في دماغك الاسم ده ديمٱ

_متقلقش عارفه الاسم ده كويس الاسم الي قلمي فضحه بكل دقه

تقوس فمه بسخريه

_طب خافي علي قلمك ياا قطه احسن يتكسر

_قلمي قوي مش بيتكسر بسهوله يا بدر بيه

_اما نشوف يا قطه اعتبريه تحدي بيني وبينك

_وانا قبلت بتحدي يا بدر بيه

____________________________________

نظرت إلي ذلك الفستان الذي بلون الزهري الذي ترتديه وشعرها الذي رفعته بشكل بسيط ليظهر عنقها بطوله المتميز وتلك الشامه الذي تظهر اسفل عنقها لتضع اللمسات الأخيرة على وجهها

_بردو مصمهه تروحي الحفله دي يا كارما

_طبعا يا قمر لازم اكمل الطريق الي انا مشيت فيه الي عمل كده كان عايز يجيب اجلي ويخلي بدر يقتلني

قمر بخوف علي شقيقتها

_بس انا خايفه عليكي يا كارما

_بقولك اي تيجي معايا واهو بالمره بابا يبق مطمن

قطبت قمر حاجبيها بضيق لتهتف

_لا ياختي مليش انا في الخفلات والجو الفاكس ده

_اخلصي يا قمر متبقيش بارده و تسبيني لوحدي

_ يووه بق ااوف وراايا بكره شغل التدريب في المستشفي ومش معقول هروحلهم متأخر عشان سيادتك

_يا ساتر علي ام وشك ألبومه ده قومي يابت البسي وخلصيني مش عايزه أتأخر وكمان انا مش طايقه نفسي بأم الفستان الي انا لابسه ده هو يوم اسود من اولو انا عارفه متقومي يابت اخلصي هتفضلي متنحه كده فيا كتير صورتيني كام صوره حضرتك

_لا بق ده كده كتيرر اوي يا ساتر اعوذ بالله منك يا يشيخه ونتي شبه كلي البحر يعني كمان هتخديني معاكي غصب وبتزعقي دي عيشه تطق والهي يارب بابا يزعقلك

ركضت قمر بسرعه داخل المرحاض خوفٱ من شقيقتها الذي أمسكت أحدي الاحذيه لتقذفها عليها نظرت إليها كارما بغضب لتخرج هواء طويل من صدرها عله يهدئ من توترها الزائد بهذا اليوم

_____________________________________

قمر وهي تنظر ببلاهه لذلك المكان الذي ملئ بالاحشاد

_اي الناس دي كلها ده ولا تبونه العيش يبت يا كارما

نظرت إليها كارما بتقزز لتهتف

_عارفه يا قمر لو حد سمعك يا حبيبتي هيقول عليكي بيئه

قمر بمزاح

_لا هيقولو كده احنا سألنا عليكي وعرفنا انك اسمك قمرر وكمان فلااحه ياا كداابه هههه يربي علي ضحك في هنا ضحك للركب

_اوف بت انتي صداع ابو تقل دمك يا شيخه اسكتي خالص مش كنتي مش طايفه نفسك اي الارف ده

قمر بملل

_بحاول اضيع شويه وقت بدل الارف و الريحه الي تقرف دي دي ريحه برفاني احلا

نظرت إليها كارما ييأس لتنظر بذلك المكان تحاول أن تراه حتي لمحته ينظر إليها بخبث للتحمر وجنتيها من نظراتو اليها تبتلع ريقها بتوتر اول مره يحدث معاها لماذا تتوتر بتلك الطريقه

_خليكي وقفه هنا يقمر هروح اشوف حاجه وارجع

_استني استني يبت انتي يبت يحيوانه يبتاعت مصلحتك ازاي تسبني وقفه كده اه يا كارما الكلب ماشي ماشي يا كارما طب اروح فين ولا اعمل دلوقتي

نظرت حولها لتري مكان خالي من الأشخاص لتتجه إليه لعلها تشم رئحه هواء نقيه عن تلك الذي تشمها

_الله علي الجو هادي وجميل ازاي ولا ريحه اممم ولهي مفيش اجمل من الطبيعه لحظه وسمعت قمر صوت انين خافض يأتي من خلفها لتهتف بخوف

_ياساتر يارب هي الجنينه دي ملبوسه ولا اي اي الصوت ده بس ربنا يسامحك يا كارما

اتجهت نحو الصوت ببعض الخوف فهي كانت سترحل ولاكن فضولها اجبرها تتجه نحو ذلك الصوت

شهقت بذعر عندما رئتو يجلس علي الارض يضع يديه علي صدره يأخذ أنفاسه ببطئ ووجه المتعرق بشده وشفتيه الذي ازرقت اللون ليهتف
بضعف وصوت خافض بعد أن لمحها بصعوبه

_س س ساعديني ا ارجوكي

ليقع بعد تلك الكلمات مغشي عليه

وضعت يديها علي فمها بصدمه فلا تعلم ماذا تفعل بتلك الحاله وصدمتها الاكبر بالذي امامها فلم يكن سوي

"سيف الشيمي"

#يتبع

وارجع مره تانيه اقول اسفه للتأخير ومتنسوش تعملو فوت نجمه وتقولو رئيكو في الروايه ومين اكتر شخص حبتوه ❤️❤️🌻