#عشقت_قاسي (مكتمله) بقلمي نورهان رضا الفصل الثاني عشر 12 - بقلم نورهان رضا

#عشقت_قاسي #الحلقه_الحادي عشر
____________________________________
واخيرٱ اتي ذلك اليوم الذي كان ينتظره الجميع بفارغ الصبر واكثرهم مراد الذي كان يتشوق أن تكون له ومن ينتظر اليوم حتي ينظر المفاجئات للشماته.

_شوفتي يا ما شوفتي الفندق عامل ازاي فضلتي تقولي مش هيتجوزها مش هيتحوزها وادي انهارده فرحهم

ادمعت عيونها بحزن لتهتف ولدتها بحقد وغموض

_قولتلك انو مش هيتجوزها وهتشوفي

_ازاي بس انتي بتحاولي تضحكي عليا وتقوليلي كده دي خلاص حياه زمانها نازله

قالت ولدتها بخبث ومكر يشعان من عيونها

_هتشوفي يبنت بطني

______________________________________
وضعت تلك الفتاه اللمسات الأخيرة بوجهه حيااه الشاحب وعيونها الذي يبان عليها التورم من كثره بكائها لتهتف ولدتها بسعاده

_يخرابي علي القمر اي الجمال ده الله اكبر الله اكبر عليكي يا حبيبتي خمسه في عين اي واحد يشوفك ميصليش علي النبي

هتفت سهيله بأمتعاض

_اي يا مرات عمي الي بتقوليه ده بق قديم ااوي والهي مش كده ولا اي يا حياه

ابتسمت حياه بحزن لتهتف ولدتها بحنق وهي تنظر لسهيله بحنق

_ولا قديم ولا حاجه الله واعلم ممكن حد كده ولا كده يدي لبنتي عين لازم احميها من كل عين ومن كل شر

ابتسمت سهيله ابتسامه بسيطه ولاكن بداخلها تفهم ما تعني زوجه عمها فهي تقصد بهذا الكلام اختها اسراء وولدتها

لتهتف حياه بعد أن رأت شرود سهيله وملامحها الذي يبدو عليها الحزن

_عقبالك يا سهيله وافرح بيكي يا حبيبتي

ابتسمت سهيله بسعاده لأبتسامه حياه لتعاف بحب

_حبيبه قلبي يا حياه ربناا يخليكي لياا

اقتربت قدمتها تهمس بحب ونبه صافيه

_علي فكره يا حياه مراد بيحبك بجد انتي مش بتشوفي نظراتو ليكي الي كلها عشق وحب انا بتمنالكو حياه سعيده يا حبيبتي ويبعد عنكو اي عين وحشه ياارب هههه انا قلبت علي مرات عمي وبقيت قديمه زيها

ضحكت حياه بقوه لتنفجر سهيله هي الاخر من الضحك تهتف بسعاده

_طب ولهي ضحكتك جميله فكي التكشيره دي بق شويه اشطا

اومأت حياه بأبتسامه ليدق باب الغرفه
اتجهت سهيله لتفتح الباب لتري ابرايهم والد حياه ينظر إليها بأبتسامه

_عقبالك يا بنتي وافرح بيكي قريب

ابتسمت سهيله بخجل لتهتف

_ربنا يخليك ياا عمو ويخليگ ليناا ديما يارب ويطولنا في عمرك

ضحكت حياه لتهتف

_بقيتي قديمه اوي يا سهيله

ابتسم ابراهيم بسعاده لرؤيه ابنته تضحك بهذا الشكل ليتجها اليها يعنقها بمحبه اب لابنته يضمها بشوق إليه
لتبادله العناق بحب لتبتعد عنه وتهتف بأبتسامه

_انا قررت يا بابا هدي لمراد فرصه يمكن يكون هو نصيبي ويمكن اقدر احبه تاني

ابتسم ولدها بمحبه لها يهتف بصدق

_وانا متأكد أن مراد هيشلك جوه عنيه هو بيحبك وده شئ انا متأكد منه يا حبيبتي

قبلها من جبينها بتبتسم ابتسامه هادئه لينظر الي فستان زفافها الذي شكلو أكثر من روعه

ليمسك يديها داخل يديه لينظر الي ولدتها الذي تنظر إليهم والدموع تنهمر من عيونها فصغيرتها بهذا اليوم ستتزوج وترحل من بيتهم ومثل اي ام مصريه اصليه بهذا اليوم تبكي علي فراق ابنتها الوحيده لتعنقها هي الأخري بقوه تدعي لها ولمراد

_هو فين مراد يا ابراهيم

_انا اتصلت بيه وقالي انزل ب حياه وهو خلاص عشر دقايق وهيكون في القاعه تحت

اومأت ولدتها ليمسك ابراهيم بيد ابنته بحب ويهبطو الي الاسفل حتي يقدم حياه الي عريسها "مراد عباس"
_____________________________________
هبط بدر الي الاسفل وهو يرتدي أحدي حلاته السوداء ليري سيف يقف ينتظره وهو يرتديزبدله بلون الرمادي وقميص من اللون الابيض

_اي يا بدر كل ده ده زمانهم كاتبه الكتاب وخلصو الفرح كمان

نظر إليه بدر بملل يهتف

_متقلقش متأخرناش اصلٱ

_اش اش اش الآخين متجمعين ورايحين علي فين كده اي ناوين تتجوزو

بدر ببرود

_مش طالبه صداع يا نيره عايزه اي

_انا عايزه اسافر انا اتخنقت من هناا و زهقت ومش طايقه المكان هناا

بدر ببرود

_مش بمزاجك يا نيره متنسيش اني اخوكي الكبير وانا الي اقرر تسافري ولا تفضلي هنا ندانتي فاهمه

نيره بغضب وصوت عالي

_لا مش فاهمه وهسافر يعني هسافر ايه هو بالعافيه

_اعتبريه كده وسفر مفيش وده اخر كلام

_استني يا بدر

التفت بدر علي صوت ولدته الحاد الذي هتفت بصوت يملؤهو الغضب

_اي يا بدر نسيت انك عندك ام ولا اي ولا مش عايز توريني وشك من ساعت الي حصل

بدر بهدوء

_مش كده يا امي انا بس مشغول شويه وكمان انا معملتش حاجه عشان استخبي منها أو اداري زي منتي ما بتقولي

امينه بغضب
_يعني انت مسمي القرف الي انت عملتو ده امك معملتش حاجه غلط انك معصتش ربنا ده مش حاجه غلط يا بدر مش مصدقه الي انت بتعملو ده عيالي الاتنين واحد مدمن والتاني

قطعها بدر سريعا

_طب بصي انا حاليٱ مستعجل فرح مراد انهارده فلما ابق ارجع ابقي كملي ااه انتي وقفتي عند كلمه واحد مدمن والتاني... انا هنا قطعتك بق لما اجي كملي تمام يلا يا سيف

ذهب سيف خلفه وهو ينظر إلي ولدته بحزن

لتنظر اليهم ولدتهم بألم تجلس علي الامريكيه بتعب لتتجه اليها نيره ببعض القلق بعد أن رئت شحوب وجهها

_انتي كويسه؟!

نظرت إليها امينه بعيون تلتمع بالدموع تهتف

_اتا كويسه يا بنتي انا عايزه بس اطلع اوضتي

اومأت نيره بشفقه لاول مره تحاه تلك المرأه

_طب تحبي اسعدك

ابتسمت لها امينه بحنان وقالت

_ربنا يخليكي ليا يا حبيبتي انا كويسه

تركتها وصعدت الي غرفتها لتهتف نيره بضيق

_اي الي انا عملتو ده لا وكمان عايزه اسعدها وهي بكل بجاحه بتقولي بنتي معرفش ازاي بيقدرو يخبو كل الكره ده جواهم
_____________________________________
_انا مش فاهم مراد فين كل ده ده عدي ساعتين مش معقول...

هتف بها اسلام شقيق ابراهيم بتعجب إسعاف ابراهيم بقلق

_هو اخر مره لما كلمني قالي انو فضلو عشر دقايق ويكون هنا انا خايف يكون حصلو حاجه..

بالناحيه الاخره تجاه بدر كان يحاول أن يهاتفه ولاكن كما هو الأمر هاتف مراد مغلق منذ ساعتين

سيف بتوتر

_هو مراد كل ده فين يا بدر لحسن يكون

بدر بتوتر هو الآخر

_لالا اكيد في حاجه تانيه وتمكن يكون في مكان مفيهوش شبكه

_بدر معقول يكون مراد

قطعه بدر بحده

_مراد مش عيل يا سيف عشان يعمل الي في دماغك ده انا متأكد انو بيحبها ومش هينراجع عن ده انا هروح دلوقتي لحياه البنت أصلا متوتره جظٱ و ده غلط عليها

أومأ سيف بخوف علي مراد ليتجه بدر نحو حياه الشارده تحبث الدموع بداخل عيونها تحاول أن تبين لهما انها قويه وليست بضعيفه

_زمانو جي يا حياه ممكن بس تكون العربيه عطلت ولا حاجه والمكان الي هو فيه مفيهوش شبكه متقلقيش

نظرت إليه حياه بحزن وظلت صامته كما هي

أمسك بدر هاتفه ييأس مره اخري حتي يهاتف مراد لحظه وفتح مراد الخط ليهتف بدر بغضب وصوت عالي

_انت فين ياا مرااد انت يعني مش عارف ان الكل هنا مستنيك وحياه حياه يا مراد مستنياك من بدري انت فين يا زفت

مراد ببرود

_انا خلاص بركن العربيه وداخل

قفل بدر بوجهه الخط يفكر لماذا تأخر مراد كل هذاا الوقت

_انا متأكد أن في حاجه ااكيد في حاجه وهتأكد من ده بس لما اليله تخلص

دلف مراد اخيرٱ داخل القاعه ينظرون إليه الجميع بصدمه

وقفت حياه بذهول فهي لم تتوقع أنه سيحضر بهذا المنظر

كان مراد يرتدي تيشرت اسود وشورت چينز

ليقترب منه بدر يهتف بحده

_اي الي انت لابسه ده انت ناسي أن انهارده فرحك؟!

تهامس جميع من بالقاعه منهم من يضحك بقوه ومنهم من يسخر من هذا الزفاف الذي لا يوجد له اي اهميه

ابراهيم بغضب

_اي يا مراد كل ده كنت فين واي الي انت لابسه ده

تجاهلم مراد ليذهب تجاه حياه الذي تنظر إليه بألم يظهر علي وجهه

ظل ينظر إليها لبعض دقايق بدون أن يهتف بشئ
فرد يديه امامها وأخرج تلك الدبله الذي كان يرتديها منذ أن اعلن علي زواجه منها ليفرد كف يديها يضع لها تلك الدبله

_مبقتش تلزمني خلاص الي انا كنت عايزو عملتو وكسىرتگ يا حيااه فكره لما جيتي ورميتي الدبله في وشي فاكره اديني اهو عملتها بس المره دي قدام الناس كلها وغير كده ونتي لابسه فستان كل بنت بتتمني تلبسو

نظر اليها من الاسفل للأعلي وهتف

_لا وانا كمان الي نقتهولك وجبتهولك عشان يفضل قدام عيونك تتحسري عليه طول عمرك يا حياه....

انسابت دموعها علي وجهه من هذا الكلام المجرح لها فهو قد حقق هدفه وكسر قلبها بدون اي رحمه
هتفت بصوت حزين

_خلصت

ضحگ بسخريه

_ههههههه ايوه يا حلوه خلصت ااه صحيح احنا اسفين يا جماعه عزمناكو علي الفاضي بس فعلٱ نورتوني والشو كان تحفه بجد مش كده ولا اي يا حياتي ...

نظرت إليه حياه بألم ليتجه ابراهيم نحوه يصفعه بقوه علي وجهه

_انت ازاي تعمل كده في بنتي انا انت شكلك اتجننت انا غلطان انا غلطان اني كنت هسلمها لواحد حقير وزباله وكداب زيك انسان خداع وأناني

مراد بملل

_طب بص احترام ليگ هعديلك الي انت عملتو معايه ده لاكن اقسم بالله لو كان حد غيرك كنت قطعت ايديه معاش ولاكان الي يمد ايدو علي مراد عباس وكمان مالك محموق اوي كده اي يعني بنتك نكديه اصلٱ ومحدش يقدر يتسحملهاولو علي الوصيه انا اتفقت خلاص مع المحامي وكل حاجه تمام ودلوقتي عن اذنكو عشان وراياا حفله اصلي رايح احتفل باليوم العظيم ده

نظر إليه الكل بصدمه واولهم يدر وسيف

اتجهه بدر نحو يجذبه بغضب

_انت اي الي هببتو ده ازاي ده كده في حياه مش دي الي انت بتحبها هااا اتكلم ورد مش دي الي كنت عايزها تسامحك علي كل حاجه عملتها فيها يأخي ده بسببك هي جت ورمت الدبله في وشك ليه ليه تعمل فيها ه ونت عارف انها بتحبك

مراد بغضب

_محدش ليه دعوه انا اعمل الي انا عايزو وابعد عني دلوقتي يا بدر عشان أنا مش طايق نفسي

أوقفه بدر بغضب لحظه ليلكمه بقوه علي وجهه

توحشت عيون مراد بقوه من تلك تلك اللكمه ليلكمه بدر مره اخري بقوه في انفه لتسيل منها الدماء

مراد بعيون حمرا مثل الدم

_بتضربني ياا بدر

_اضربك واموتك كمان الي انت عملتو ده ميعديش بالساهل قولتلك ان حياه اختي واكتر كمان والي يقربلها هكون أنا الحامي ليها بجد انا مش مصدقك واحد غيرگ كان المفروض يبق مبسوط عشان هيتجوز واحده زي حيااه بس انت متستهلهاش اصلٱ ياا مراد وبكره هتندم

مراد بسخريه

_بكره بق نبق نتقابل

ذهب مراد لينظر اليه بدر ييأس يشعر أن يوجد شئ اخر

_مستحيل انا متأكد أن مراد بيعشقها مش بيحبها وبس

اتي سيف من خلفه يهتف

_ولما هو بيعشقها عمل فيها كده ليه؟!

_مش عارف يا سيف بس اكيد في حاجه تانيه

سيف بحزن

_حياه صعبانه علياا اوي ده مش اول مره يعمل معاها كده ربنا يسامحه

_انا لازم ادخل واكون مع حياه دلوقتي

أومأ سيف بحزن ليدلف هو الآخر خلف شقيقه ليرو حياه

أما بالداخل كانت تبتسم بسعاده عيونها تتراقص فرحٱ بعد إلغاء زفاف مراد وحياه لتهتف الي ولدتها بسعاده

_بجد انا فرحانه ااوي يا ما انتي طلعتي معاكي حق ومراد ساب حياه وللأبد الحمدلله اعتقد انها عمرها مهترجع بعد الكسره وااكسفه الكبير دي قدام الناس

هتفت ولدتها بخبث ماكر

_مش قولتلك ياا حبيبتي متقلقيش بكره يكون مراد قاعد جمبك في الكوشه

اسراء بحقد

_وهكون احلي منهاا وسعتها هغيظها بيه بنت ابراهيم دي

نظرت إليهم سهيله بحزن لتنظر الي تلك المسكينه الذي كانت هي تجلس صامته بدون اي حركه
اتجهت اليها ببكاء تهتف بقلق

_حيااه.. انتي كويسه ؟!

ظلت حياه شارده كما هي لتهتف ولدتها ببكاء

_منه لله منه لله حسب الله ونعمه الوكيل فيه نظرت إلي ولدته والي مريم شقيقته بكره تهتف

_خلاص ابنكو بق مستريح بعد معمل كده في بنتي ربنا ينتقم منكم ونتو كسرتو بنتي بالطريقه دي حسب الله ونعمه الوكيل فيه ربنا مايسامحه ابدٱ روحو منكو لله

اتجهه ابراهيم بحزن تجاه ابنته ينظر إليها بحزن يهتف بصوت مليئ بالحزن

_حياه يبنتي انتي كويسه؟!حياه حيااه

وقعت حياه مغشي عليها بين يدين والدها لتصرخ ولدتها بخوف

_بنتييي

_____________________________________
شهقت قمر بصدمه بعد أن رئت ذلك الخبر المنشور بترك عريس لعروسته يوم زفافه ولم يكن سوا مراد عباس

_الحقي ياا كارما مش ده مراد صاحب بدر باين

اومأت كراما بشققه علي تلك الفتاه الذي تدعي حياه

_ايوخ هو بعينو ابن ال**** واحد صديقي هو الي نشر للموضوع ده غبي ولهي مكنش لازم ينشر حاجه زي كده ويفضح البنت بالطريقه دي

قمر بذهول

_شوف مين الي بيتكلم مش معقول مش مصدقه بجد....

كارما بهدوء

_قمر يا حبيبتي انا لما بنشر حاجه زي كده ده شغل مش بكون قاصده اني اعمل كده ولو علي بدر أو اخوه أو علي اي حد تاني انا متبلتش عليهم هما فعلٱ عملو كده ويستحقو الفضبحه عشان يتعلموو ويرتهم اتعلمو لاكن البنت دي صعبانه عليا بجد عارفه يعني اي تتكسر في يوم زي ده في يوم كل بنت بتحلم بيه كل بنت بتستني فرحها علي الشخص الي هي بتحبو عارفه يعني اي لما تكون لابسه فستان وعريسها يسبها بطريقه دي وهي عملت اي عشان كل ده .....حبته ؟!هو ده الحب الحب مش بيجيب غير الكسره ووجع القلب علي الفاضي انا للحظه حطيت نفسي مكانها عارفه كم الحزن الي حسيت بيه والخنقه الي حسيت انها هتكتم نفسي لمجرد اني بس اتخيلت المنظر مبالك هي بق ربنا يكون في عونها بجد زعلانه عليها جدٱ

شردت قمر بكلام شقيقتها بحزن

_معاكي حق فعلٱ يا كارما الي حصل ده ميتمنوش اي حد انو يحصلو ابدٱ وخصوصاً في يوم زي ده بس تعرفي ربنا بيحبها عشان خلصها من واحد زي ده قبل ميحصل بنهم جواز بس للأسف الي انا عرفتو أنها كانت بتحبه من زمان

اومأت كارما بهدوء

_دي حقيقه كانت بتحبه وسابتو لظروف احنا كأعلامين منعرفهاش طبعٱ هو عشان شخصيه معروفه انو صاحب اكبر مطاعم في القاهره واسكندريه المفروض أن كل أخباره تبق عندنا بس اسرارو الشخصيه محتفظ بيها لنفسو

هتفت قمر بحزن

_ربتا يصبرها ويكون معاها ويبعدو عنها

_امين ياارب

_____________________________________

خرج الطبيب من تلك الغرفه القابعه بها تلك المسكينه"حياه"

_عندها انهيار عصبي شكلها اتعرضت لصدمه عصبيه شديده

هتف ولدها بحزن شديد بادي علي وجهه

_طب هي عامله اي دلوقتي

_انا اديتها حقنه مهدئه وانشاء الله بعد ساعتين هتفوق بس حاولو تخلو الجو احسن من كده شكلها بتمر بحاله نفسيه كبيره ياريت تعرضوها علي دكتور نفسي

بكت ولدتها بحزن تهتف

_يحبيتي يابنتي ربنا يسامح الي كان السبب حسب الله ونعمه الوكيل

_خلاص يا عايده بق انتي مسمعتيش الدكتور قال اي لازم نلحق بنتنا قبل متروح منا

هتفت سعاد بحزن

_لا الله الا الله انا مش فاهمه مراد ليه عمل كده بس يارب ربنا يسامحه مطرح مراح المهم دلوقتي حياه لازم تعملو زي ما الدكتور مقال

هتف اسلام هو الآخر

_ايوه يا ابراهيم لو حتي هتاخدهم و تسافرو تغيرو جو أو حاجه يمكن تنسي الي حصل

يوسف بغضب جحيمي

_تنسي تنسي اي يا بابا هي كانت بتلعب ومراد جيه ضربها ووقعها ده كسرها ولعب بيها يوم فرحها وفضحها قدام الناس كلها انا قولتلكو انو مينفعهاش اصلٱ من ساعت ما

قطعه والده الذي هتف بحزم وصرامه

_بس يا يوسف بلاش نفتح في القديم وميت مره اقولك ملكش انت دعوه بأي حاجه تخص حياه او مراد انت سامع

تركهم يوسف ليخرج من المشفي بغضب شديد وهو يتوعد لمراد

نظرت سهيله إليه بحزن فهي تعلم أنه يحب حياه ولاكن ماذا تفعل بقلبها الذي يعشقه...

___________________________________
_خلاص عملتي الي كان نفسك فيه..

ابتسمت بخبث تهتف بمرح

_طبعٱ والخطوه الي جايه هتبقي احلي بكتيرر من الخطوه الأولانيه اصلي بصراحه عايزه اشوفها وهي بتتكسر كده تاني

_المطلوب

_تتجوز بنتي اسراء
____________________________
#يتبع
حلقه طويله ويارب تكون ممتعه عايزه اعرف رئيكو في شخصيه مراد وحياه ومين الصح ومين الغلط التعليقات دي مهمه جدٱ عندي حابه اعرف رئيكو بكل صراحه ومين اكتر. حبتو في الروايه❤️❤️❤️❤️❤️
متنسوش بق تفاعل بفوت حلو زيكو 😚♥️♥️♥️

في طلب صغير خالص ممكن تتابعوني علي الانيستا صفحتي بتاعت الرويات

واللينگ اهو في صفحتي علي الواتباد
Norhan_Reda