رواية عشقت مساعدتى الشخصيه الفصل الأول 1 - بقلم هاجر على بشرى

اللهم صلِّ وسلم وبارك علىك يا حبيبي يارسول الله ________________________

في قصر راقي جداً....

قصر من شدة جمالو كانو بيفكروه قصر ملكي!!

في أوضة شديدة الجمال والرقي....

كان نايم بطلنا بهدوء، مستمرش كثير، بسبب المجنونة اللي دخلت من الباب، وهي بتقول: قوم يا باااارق حريييق!!

إنتفض برق من نومه وهو بينهج...

ضحكت البنت بمرح: هههه تعيش وتاخد غيرها يا سيدي الرئيس....

بصلها برق بغيظ وقال: أستغفر الله العظيم.... منك له يا إيلين يا بنت أم إيلين، أنا مش عارف كانت دماغي فين لما شغلتك عندي مساعدة شخصية؟!

ضحكت إيلين: مالك بس يا برق؟ أنا غلطانة يعني علشان بصحيك!!

برق: في فرق يا إيلين يا حبيبتي بين إنك تصحيني وبين إنك تقطعيلي الخلف!!

قالت إيلين ببرائة، وهي متجاهلة نبضات قلبها: طيب ما أنا كنت بصحيك!!

مسح برق علي وشه بغيظ وقال: لأ أنتي كده عاوزه تقطعيلي الخلف!!

إيلين بمشاكسة: خلاص بقي يا بيبو، يلا علشان هنتأخر علي الإجتماع.

وقف برق...

إتصدمت إيلين لما شافته نايم من غير تيشيرت، وقالت وهي بتغطي عيونها: أستر نفسك ياخويا!!

برق وهو بيمسكها من قفاها: أنا مش أخوكي يا بت ده أولا، ثانيا أنا بحب أنام كده إذا كان عاجبك!!

إيلين: هو إنت تطول!! وبعدين لأ مش عاجبني.

برق: خلاص متصحنيش.

دبدبت إيلين في الأرض بغيظ طفولي: خلاص سيب لياقة التيشيرت طه!!

برق برفعة حاجب: طه!! لوكل أوي يا لي لي.

كانت إيلين لسة مغمضة عيونها، وقلبها بيدق بعنف من قربه: ط... طيب يلا ه... هنتأخر....

إبتسم برق من إرتباكها، وسابها ودخل الحمام علشان ياخد شاور....

بعد شوية....

كان برق جهز، ولبس بدلة شيك جدا خلته زي القمر، وصفف شعره بأناقة....

وبعدين نزل يفطر....

قال برق وهو قاعد علي سفرة الفطار: أنتي اللي عامله الفطار صح؟!

إيلين بإبتسامة حنينة: أيوة يا بيبو متقلقش.

بدأ برق ياكل....

إيلين قالت وهي واقفة جنبه: عندك إجتماع مع الشركة الإيطالية بعد ساعتين، وعشاء عمل مع عميل تركي الساعة 8.

وقف برق أكل لما لاحظ إنها مش بتاكل وقال: مش هتاكلي؟؟

إيلين: لأ فطرت مع ياسر.

إتعصب برق: هو كل يوم تقوليلي فطرت مع ياسر؟! أنتي مساعدتي الشخصية، والمفروض تفطري معايا!!

أتنهدت إيلين من رفض برق وجود حد غيره في حياتها: يا برق ده خطيبي، ومين اللي قال بس أني علشان مساعدتك الشخصية لازم أني أفطر معاك؟!

برق بعصبية: ماتقوليش زفت خطيبي!! وأنا اللي قولت إنك لازم تفطري معايا....

إيلين بتنهيدة: يا برق لو سمحت إفطر إحنا هنتأخر علي الإجتماع!!

رمي برق المعلقة وقام: مش فاطر يلا نمشي!!

إيلين بقلة حيلة: خلاص هفطر معاك أقعد!!

قعد برق وهو متضايق، وشد أديها وقعدها جنبه....

بدأت إيلين تقلب في الطبق....

أما هو كان بيراقبها وقال: كلي أنتي مبتفطريش كويس وأنتي مع الزفت ياسر!!

إتصدمت إيلين هو إزاي عارف الموضوع ده؟؟ بس بدأت تاكل بصمت....

«برق صالح الجندي» «بطل روايتنا» شاب وسيم جداً جداً.... هادي ذكي ومرح.... بس عصبي في نفس الوقت.... عنده 25 سنة.... مهندس معماري؛ متخرج من كلية الهندسة بتقدير إمتياز..... ليه ماضي قاسي هنعرفه مع الأحداث..... عيونه زي السما الصافية، وشعره أسود فحمي، وبشرته قمحية شوية.... طويل جداً بالنسبة لطول إيلين....

«إيلين سالم نصار» «بطلة روايتنا» بنت فائقة الجمال والرقة.... صديقة برق الوحيدة من الطفولة، وهي الوحيدة اللي تعرف ماضيه..... مهندسة معمارية؛ متخرجة من كلية الهندسة بتقدير إمتياز.... بس قررت تشتغل مع برق.... عيونها عسلي براقة، وشعرها بني طويل واصل لأخر ضهرها، وبشرتها بيضا.... جسمها شبه عارضات الأزياء.... بس قصيرة شوية، أقصد شويتين ثلاثة!!

بعد وقت....

كانو الأثنين متجهين للشركة....

في الشركة.....

قال واحد من الوفد الإيطالي بعد إنتهاء الإجتماع: كم تبدين جميلة يا أنستي!! هل يمكنني التعرف عليكي خارج نطاق العمل؟!

إتضايقت إيلين من كلامه بس قالت بغيظ مكبوت: أشكرك يا....

في لحظة من غير ما حد يدرك اللي حصل.... كان الراجل واقع علي الأرض بسبب بوكس قوي خاده من برق....

برق بعيون شبه الجمر: أقسم بعزة وجلالة الله لو بس فكرت تبصلها هخليك أعمي فاهم!! والصفقة دي ملغية يلا برااا!!

كان بيقول كده بصراخ أرعب كل الموجودين، وتنفسه كان عالي جداً؛ كأن كان حد بيخنقه!!

خرج الكل بسرعة من أوضة الإجتماعات....

قربت إيلين من برق وهي مرعوبة عليه: برق مالك إهدي محصلش حاجة لكل ده؟!

كان برق بينهج وعيونه حمرا وعروق وشه بارزة وقال: ما.... ماحصلش حاجة؟ أنتي.... أنتي مجنونة صح؟

قربت إيلين أكثر منه وحضنته بقوة: خلاص يا بيبو صدقني محصلش حاجة!!

حاول برق يهدي وقال: كنت.... كنت هقتله يا لي لي هقتله!!

همستله إيلين بحنان وهو بتمشي أديها علي خصلات شعره الناعم برفق كإنه إبنها: هششش خلاص أنا أسفة الموقف ده مش هيتكرر تاني!!

برق بتعب: مش هياخدوكي مني صح؟!

إيلين: عمرهم ما هيقدرو يفرقونا!! مفيش حاجة هتفرقنا غير الموت.

برق: بلاش السيرة دي يا لي لي!!

كانت إيلين لسة هبتعد عن برق.... بس دخل ياسر في الوقت ده وبصلهم بصدمه....

ياسر بعصبية: إيلين إيه ده؟؟

إترعش جسم إيلين، وقالت وهي بتبعد عن برق: ده ده ي....

ياسر بعصبية: هي حصلت أدخل ألاقيكي في حضنه!!

دمعت إيلين.... الموقف كان مهين ليها بطريقة بشعة....

برق قال بعصبية وهو بيلفله: وإنت مالك!!

ضربه ياسر وقال: دي خطيبتي!! فاهم يعني إيه خطيبتي؟!

وبعدين مسك إيد إيلين وقال: يلا ومش هتشتغلي تاني؛ أنا اللي غلطان علشان سبتك تشتغلي من الأول....

كانت إيلين بتحاول تبررله؛ بس هو مسمعهاش وكان بيشدها بقسوة....

بس فجأة....

ضرب برق ياسر بعصبية، وشدها وراه بحماية، وقال بصوت مرعب: والله ثم والله يا ياسر تحاول بس تقرب منها أو تلمسها معنديش مانع أني أقتلك ومش هاخد فيك ساعة واحدة سجن!!

وقف ياسر وكان هيردله الضربة؛ بس وقفت إيلين في النص وهي بتصرخ فيهم وبتعيط: كفاية.... كفاية بقا حرام عليكم!!

وقف الأثنين....

قالت إيلين بإنهيار: كفاية إنت وهو كفاية!! أنا مش ألة أو لعبة تتحكمو فيها وقت ما أنتو عاوزين!! كفاية أذي فيا بقا، أنتو إيه مش بتحسو؟؟

وبعدين قلعت الدبلة وقالت: دي دبلتك يا ياسر أنا مش هكمل معاك.

وبصت لبرق اللي إنقبض قلبه، وقالت بقسوة متعمدة علشان تفوقه: وإنت بطل تبقي همجي وإيدك سابقة عقلك؛ إنت خسرت الشركة صفقة بملايين بسبب موقف كان هيعدي عادي، وكل لما تشوف أي راجل قريب مني تتجنن؛ ليه كل ده؟؟ إنت مجرد مديري وصديقي مش أكثر أو أقل يا برق.

برق: بس يا إيلين....

إيلين: أنا مستقيلة يا برق؛ أنا تعبت!! نفسي أعيش حياتي اللي دمرتها ودفنتها تحت الأنقاد لما قررت أنفذ طلبك وأشتغل معاك.

برق بكسرة: صح.... صح يا إيلين أنتي ليكي كل الحق في ده أنا.... أنا أسف.

مشيت إيلين....

بليل كان برق قاعد في أوضته بحزن، وماسك صورة ليه هو وإيلين وقال: أنا مش مريض أو همجي!! أنا بس بغير.... بغير عليكي يا غبية!!

وبعدين إتنفس بصعوبة، ونام علي السرير، وراح في نوم عميق، ومحسش بنفسه....

وعند إيلين كانت بتجهز شنطتها دخلتلها أختها الكبيرة وقالت: أنا نفسي أفهم إيه الخلاف الكبير اللي حصل بينك ومابين برق وياسر؟!

إيلين بتعب: مفيش حاجة حصلت، أنا عاوزه أرتاح فترة يا سارة....

سارة: تمام خلي بالك من نفسك.

إتجهت إيلين للمطار، وسافرت لباريس.....

في الطيارة كانت إيلين قاعدة، وبتفتكر كل اللي عاشته مع برق، وعيونها دمعت....

إيلين بوجع: أنا أسفة يا برق بس لازم أبعد!!

”ما بين عشقي لكي ونيران إشتياقي، ما بين كبريائي ونيران عذابي.... يقبع عشقك في قلبي؛ فلا مكان لسواكي.... فهل أنتي تدركين كم الألم في فراقك؟! أم أن الجهل أصبح هو ملجئكي‟؟!

يتبع

الفصل الثاني اضغط هنا