رواية عشقت مساعدتى الشخصيه الفصل الثالث 3 - بقلم هاجر على بشرى

اللهم صلِّ وسلم وبارك علي ياحبيبي يارسول الله ♥

_________________________

فاق برق من شروده علي صوت راجح: يا برق إنت سامعني!!

برق بشرود: هااا!!

راجح بحزن: لأ ده أنت مش معايا خالص لا حول ولا قوة إلا بالله.

مر يومين وراجح بيحاول يوصل لإيلين بكل الطرق بس معرفش....

نزل راجح علشان يفطر.... بس إتفاجئ ببرق قاعد علي سفرة الفطار....

راجح: برق؟!

برق: متستغربش من النهاردة إعتبر إيلين إختفت من حياتي!! هي فعلا إختفت بإرادتها؛ بس أنا همحيها من حياتي بإرادتي أنا.

راجح: بس إنت مبتعرفش تاكل من أكل حد تاني من ساعة الحادثة!!

برق: هي نسيتني لمدة أسبوع، ونسيت أني مبعرفش أكل غير من أكلها؛ علشان كده أنا لازم أنساها....

ماكانش راجح عارف يقولو إزاي إنها كانت بتتصل بيه ليل نهار علشان تتطمن عليه؟! بس فضل إنه يسكت، وفكر بكده إنه بيريح صاحبه، ميعرفش إنه بينهيه....

حاول برق ياكل وضغط علي نفسه..... بس مقدرش يستحمل، وجري علي الحمام، وجاب كل اللي في معدته.... مقدرش يستحمل ياكل أكل هي مش طبخاه...

برق بدموع: ليه غدرتي بيا زيهم؟ ليه سبتيني؟

وفي هذه الأثناء....

في إحدي المستشفيات في فرنسا كانت إيلين في غيبوبة وتحت الأجهزة....

مر علي الموقف ده 4 سنين....

برق حاول يأقلم نفسه علي عدم وجودها رغم وجعه....

أما هي كانت لسة مفاقتش من الغيبوبة....

في يوم هتتغير فيه كل الموازين....

في شركة الحوت ”برق الجندي‟

كان قاعد برق علي مكتبه بهدوء، وبيشتغل بتركيز كالعادة....

دخل راجح وقال: عندي ليك خبر بمليون جنيه.

رفع برق عيونه من علي أوراق الصفقة وقال: خبر إيه ده؟؟

راجح: سالي راجعة من السفر النهاردة.

برق ببرود: وأنا أعملها إيه؟

راجح: يا بني تعملها إيه إزاي دي خطيبتك؟!!

برق: أه برضو عاوز إيه؟!

أتنهد راجح وقال في سره: إنت مهما مرت السنين مش هتقدر تنساها؛ ربنا يصبر قلبك يا صاحبي.

برق: سرحت في إيه يا راجح؟!

راجح: ها لأ مفيش حاجة؟!

بليل....

في أوضة برق....

كان برق بيصلي وقال وهو ساجد بدموع: يارب إيلين ترجعلي!! أنا تعبت يارب!! حتي لو هراقبها من بعيد بس ترجعلي يارب!!

في نفس اللحظة....

في مستشفي باريس....

فتحت إيلين عيونها بعد غيبوبة دامت 4 سنين....

إيلين بضعف: برق يا برق.

كأن برق سمع صوتها؛ حط إيدو علي قلبه بعد ما خلص صلاته وقال: إيلين أنتي فين؟؟

في فرنسا دخلت الممرضة وقالت: يا دكتور لقد أفاقت المريضة!!

دخل الدكتور وفحص إيلين....

الدكتور: إنها بخير فقط تحتاج بعض الراحة....

مر يومين....

إتحسنت إيلين، وأصرت تخرج من المستشفي.... بس ماكانتش تعرف أي حاجة عن العالم الخارجي....

في بيت إيلين...

إيلين قالت وهي بتكلم راجح في التليفون: أيوة يا راجح أنا حجزت تذكرة سفر من يومين؛ بس عملت حادثة، ولسة فايقة النهاردة.... برق عامل إيه؟؟

أتنهد راجح: أنتي كنتي فين طول الأربع سنين يا إيلين؟!

إيلين بصدمه: أربع سنين إزاي يا راجح؟؟ هو إحنا مش في سنة 2021؟!!

إتصدم راجح: إزاي إحنا في سنة 2025؟!

حطت إيلين أديها علي راسها بصدمه ودموعها نزلت: يعني أنا بعدت عن برق لمدة أربع سنين؟؟ طيب هو كويس؟ طمني عليه يا راجح!!

راجح: سيبك دلوقتي من برق!! المهم قوليلي الأول حصل إيه علشان تختفي أربع سنين؟!

إيلين بتنهيدة وجع: اليوم اللي سمعتك بتصرخ فيه بإسم برق طلعت علي المطار علشان أحجز طيارة.... بس ملقتش حجز في نفس اليوم، طلع الحجز بعد يومين.... ماكانش في إيدي حاجة أعملها فحجزت وخلاص، وخرجت من المطار وأنا هموت من القلق علشان مش عارفة أتواصل معاك، وأعرف حصل إيه لبرق.... علشان كده سوقت العربية وأنا مش منتبهة للطريق، وعملت حادثة، وفضلت في غيبوبة 4 سنين لسة فايقة من يومين....

راجح: طيب أنتي لازم تيجي في أسرع وقت!!

إيلين: طيب كلمني عن برق حصله إيه طول الأربع سنين؟!

راجح: برق تعب أوي لما إختفيتي، وقرر يمحيكي من حياته، وأجبر نفسه ياكل.... بس كل مره ماكانش بيقدر يستحمل الأكل؛ لدرجة إن معدته إتضررت و....

وقف كلماته لما سمع صوت شهقاتها العالي ماكانش هيكمل بس هي قالت بعياط: ك... كمل!!

إتنهد راجح بحزن: وراح المستشفي، وفضل فترة يتغذي علي المحاليل؛ جسمه الرياضي نزل، وبقي شاحب.... كلنا حاولنا نخرجه ونخفف عنه.... بس مهما عملنا هتفضلي أنتي الفراغ اللي محدش فينا يقدر يملاه يا إيلين....

إيلين بشهقات: أب... أبعتلي طيارة خاصة ح... حالا!!

راجح: حاضر ساعات وتكون عندك.

قفل راجح معاها، وبعتلها فعلاً طيارة خاصة....

بدأت إيلين تجمع حاجاتها في الشنط، ونزلت إشترت كام حاجة، وبعدين إتجهت للمطار....

بعد ساعة.....

وصلت الطيارة الخاصة وركبتها إيلين، ورجعت لمصر....

بعد 3 ساعات....

وصلت إيلين لمطار القاهرة، وبعدين إتجهت لبيتها.....

الصبح....

صحي برق، ونزل يفطر.... بس إستغرب إن معدته موجعتهوش من الأكل علي غير العادة؛ فكر إنه إتعود.... بس سمع صوت خطوات وراه....

لف برق وإتصدم لما شافها بعد 4 سنين فراق؛ كان مفكر إنه بيحلم وقال: أنتي حقيقة؟!

إيلين بإبتسامة هادية: أه حقيقة، مر 4 سنين علي فراقنا صح؟!

غمض برق عيونه بقوة وهو بيقاوم نفسه إنه يقوم وياخدها في حضنه....

قال برق بقسوة اللي يشوفها ويشوفه إمبارح وهو بيدعي من كل قلبه إنها ترجع يستغرب: إيه اللي رجعك؟

إيلين بنفس الإبتسامة فهي كان متوقعة ردة فعله: رجعت علشان أكون مساعدتك الشخصية من تاني.

برق: أنا مش محتاجلك!!

إيلين: بس أنا محتجالك!!

وقف برق وكان هيمشي بس هي قالت: كمل فطارك!!

برق بعصبية: مش عاوز منك حاجة!!

وبعدين سابها ومشي....

أول لما خرج برا القصر إترسمت إبتسامة مشرقة علي وشه وقال: الحمدلله يارب إنك رجعتهالي.

وبعدين إتجه للشركة....

لحقته إيلين بعربيتها....

في الشركة.....

دخل برق المكتب.... بس شاف سالي قدامه؛ فأتنهد وقال بملل: أهلا يا سالي خير جاية الشركة ليه؟!

سالي قعدت علي المكتب قدامه وقالت بدلع: وفيها إيه يا بيبي مش أنا خطيبتك؟!

سمعتها إيلين اللي دخلت للمكتب وقالت بردح: خطيبة مين يدالعادي؟! هو أنتي مش شايفة نفسك يا بت؟!

سالي بقرف: ياي سوفاج أوي!!

إيلين بردح: سوفاج مين يا إيحا يا تلقيحة ياللي الشيطان يقولك يا أبيحه؟!!

كان برق كاتم ضحكته وقال في نفسه بعشق: شرسة بس مزه بنت الإيه!!

سالي: شفت يا بيبي البت البيئة دي بتكلمني إزاي؟!

برق إتصنع بغضب: أنسة إيلين ميصحش تهيني خطيبتي لأ وكمان قدامي!!

إيلين بسخرية: هو لو هنتها من وراك عادي يعني؟!

برق: ولا من ورايا ولا من قدامي أحترميها علشان هتبقي مراتي!!

حست إيلين بنغزة في قلبها بس قالت بغيظ: مش هيحصل يا أبن سماح!!

رفع برق حاجبه وقال بعصبية: برا أطلعي برا!!

فضلت إيلين واقفة؛ فهي فكرته بيطرد سالي.... بس أمالها إتحطمت لما قال بصوت أعلي: قولتلك برااا يا إيلين!!

خرجت إيلين من المكتب وهي حابسه دموعها بالعافية....

حس برق بوجع عليها بس مبينش....

مر أسبوع....

وبرق بيتعامل مع إيلين بجفاء....

دخلت إيلين لمكتب برق في الشركة، وحطت قدامه علبة أكل وقالت: ده الغدا علشان أنا مش هكون موجودة النهاردة.

مرفعش برق عيونه من علي الورق؛ رغم إن الفضول هيقتله ويعرف هي هتروح فين: أنا مش هاكل!!

إيلين بهدوء: براحتك الأكل عندك علشان متتعبش تاني.

وكانت هتخرج.... بس برق وقفها بصوت حاد: والهانم رايحة فين؟!

إيلين: دي أمور شخصية.

كان برق نفسه يقولها: ومن إمتي وفي بينا أمور شخصية يا إيلين؟!

بس سكت....

إتجهت إيلين لكافيه معين....

أما برق مقدرش يستحمل فكرة إنها معرفتهوش هي رايحة فين، وقام وراها بسرعة....

وصل الأثنين في نفس الوقت.....

دخلت إيلين، وقابلت صديق ليها من أيام الجامعة وقالت: إزيك يا سيف وإزي لمار؟!

سيف بإبتسامة: الحمدلله أهي قربت تولد.

إيلين بسعادة: بجد ألف مبروك.

سيف بجدية: ها إتصلتي بيا وقولتيلي عوزاك في حاجة ضرورية!! في حاجة ولا إيه؟؟

إيلين: أه برق عنده مشاكل صحية كبيرة وكنت حابة أساعده، وأعرف إزاي يتخلص منها.

سيف: هي إيه؟

إيلين: برق من وهو صغير كان مدلع جداً من أبوه وأمه، وكان بيحبهم جداً ومتعلق بيهم..... بس للأسف قبل تخرجنا من كلية الهندسة بسنة أبوه وأمه حد من الخدم حطلهم سم في الأكل بالإتفاق مع عمه علشان ياخد الورث، ومن اليوم ده وأنا اللي بقيت بهتم ببرق؛ لدرجة إنه مبقاش ياكل أكل حد غيري عامله، وده سببله مشاكل في معدته أعمل؛ إيه علشان أساعده؟!

قالها سيف علي كذا طريقة تقدر تساعده بيها....

أما بطلنا الغيور كان غيران عليها جداً من سيف.... بس إتمالك أعصابه، وساب المكان ومشي.....

الصبح في الڤيلا صحيت إيلين وأدت فرضها، وبعدين نزلت تحضر الفطار....

كانت واقفة في المطبخ بتحضر الفطار، فدخل برق للمطبخ، وبدأ يعمل قهوة لنفسه وقال: أنا مش هاكل متتعبيش نفسك.

إيلين: زي ما إنت عاوزه بس أنا وراجح هنفطر.

إتغاظ برق من ردها، وخلص القهوة، وأخدها وخرج.....

حضرت إيلين مشروب عشبي علشان يريح برق شوية وخرجت...

رصت إيلين الأكل علي السفرة، وقعدت تستني راجح وبرق....

نزل راجح وقال: يا جمالو يا جمالو يا ست إيلين إيه الأكل الجامد ده؟!

ضحكت إيلين برقة: أقعد يا بكاش.

خرج برق من مكتبه اللي في قصر لما سمع صوتهم بغيرة واضحة علي ملامحه....

برق بغيظ: مش يلا علشان الشغل يا راجح؟؟!!

راجح بإستمتاع بغيرته: لأ أنا لسة هفطر مع لي لي.

برق بعصبية: راجح!!

راجح: أقعد إفطر يا برق لسة بدري علي الشغل.

ماصدق برق وقعد....

مدتله إيلين أديها بالأعشاب وقالت: خد أشرب دي هتريح معدتك.

برق بعند: مش عاوز!!

راجح أخد منها الكوباية بخبث: خلاص هاتيها أشربها أنا.

خطف برق الكوباية من إيده وقال: هي عملاها ليا يبقي أنا اللي أشربها....

وشربها بسرعة، وقام: يلا علشان نمشي علي الشركة علشان منتأخرش.

إبتسمت إيلين برضا....

في الشركة بعد الضهر....

كانت إيلين واقفة مع زميل ليها بيسألها علي حاجة....

شافهم برق والدم غلي في عروقه، وقال في نفسه بغيرة: هو في إيه؟؟ هو مفيش إلا هي في الدنيا دي؟؟ كل من هب ودب يقف معاها!! وهي مبتقصرش!! إيه ده؟ إيه ده؟ إيه ضحكت الرقاصين دي؟! أه يا بنت ال وربي لوريكي!!

وإنتفض من علي مكتبه بسرعة، وإتجه ليها زي الطور الهايج....

برق بعصبية: هو في إيه؟؟ هو ده مكان ضحك وهزار ولا شغل يا أستاذة منك ليه؟!

الموظف: أسف يا فندم بس كنت بسأل أنسة إيلين علي حاجة مش فاهمها!!

إيلين: في إيه يا برق عادي يعني محصلش حاجة؟!!

سحبها برق وراه علي المكتب، وقفل الباب بعنف....

إيلين بعصبية: بتعمل إيه يا برق الشركة كلها بتتفرج علينا؟!

برق بعصبية، وصوت سمع الشركة كلها: محصلش حاجة!! وضحكت اللي سمعت الشركة كلها دي كانت إيه هااا؟! ولا هزارك ووقوفك مع اللي رايح واللي جاي ده تسميه إيه؟؟

خافت إيلين منه ورجعت خطوتين لورا وقالت: يا.... يا برق.... يا برق ده.... ده مجرد زز.... زميل!!

برق مسك أديها بقسوة: وده يديكي الحق في إنك تقفي وتضحكي معاه؟!

إيلين بدموع: برق سيب إيدي إنت بتوجعني!!

برق بوجع: طيب ووجعي أنا إيه؟ تعبي في بعدك كان إيه؟ كسرتي لما سبتيني 4 سنين كانت إيه ردي علياااا؟!

إيلين بعياط: مش بإيدي!!

دخل راجح، وبعد برق عنها بصعوبة وقال: خلاص يا برق هي كانت في غيبوبة طول الأربع سنين اللي فاتو!!

بعد برق خطوتين لورا بصدمه: غي... غيبوبة؟!

أتنهد راجح وحكاله كل حاجة....

كان برق بيبصلهم بصدمه، وأخد مفاتيح عربيته، ومشي من غير كلام....

لحقته إيلين وهي بتعيط....

ركب برق العربية، وساقها بسرعة جنونية، وهو بيفتكر كل حاجة حصلت، وإنه ظلمها....

برق بدموع: أنا أسف أسف!!

وقف برق العربية عند الكرنيش....

ونزل منها وهو تايه، ووقف قدام النيل....

بعد شوية....

حطت إيلين أديها علي كتفه وقالت: برق إنت كويس؟!

برق بشرود: لأ مش كويس أنا ظلمتك أوي يا لي لي!!

إيلين بإبتسامة مخطلتة بالدموع: وأنا مسمحاك يا بيبو.

إلتفتلها برق، وبص في عيونها وقال بعشق: بحبك يا لي لي.

إيلين بسعادة: وأخيرا قولتها يا برق!! أنا كمان بحبك أوى.

إترسمت إبتسامة هادية علي وش برق....

بعد أسبوع....

كان برق فسخ خطوبته من سالي، وجهز لمعاد فرحه هو وإيلين....

يوم الفرح....

دخل برق للقاعة وهو ماسك إيد إيلين....

قعد برق وإيلين علشان يتم كتب الكتاب....

قال راجح بمرح: من 11 سنة وإحنا مع بعض؛ مين كان يتخيل أني هكون شاهد علي كتب كتابكم؟؟ أودنا يارب!!

ضحك الكل عليه....

تمم المأذون كتب الكتاب بجملته الشهيرة: بارك الله لكما وبارك عليكما وجمع بينكما في خير وعلي خير.

إتملت القاعة بصوت الظغاريط....

قام برق وشال إيلين وقال بعلو صوتو وهو بيلف بيها: بعشاااق.

إيلين بعشق: وأنا كمان بعشقك يا قرة عيني.

بعد 9 شهور....

صحي برق بفزغ علي صوت صراخ إيلين....

إيلين بوجع وهي ماسكة بطنها: ألحقني يا باااارق ألحقني بولااااد!!

برق وهو لسة هيكمل نوم: تهيؤات يا حبيبتي تهيؤات....

إيلين وهي بتصرخ في ودن برق: قوووم بولااااد يا غبييي!!

إتخض برق وقام: منك له يا إيلين يا بنت أم إيلين!! أعمل إيه أنا دلوقتي؟؟

إيلين بعياط ووجع: وديني المستشفي أاااه!!

شالها برق ونزل بيها لتحت، وطلب من راجح يجيب الشنطة هو وجميلة، وبعدين إتجه الأربعة للمستشفي.... أصلي نسيت أقولكم راجح إتجوز جميلة أخت إيلين الصغيرة بعد شهرين من جواز إيلين وبرق....

إيلين وهي بتعض كتف برق: كله منك!! منك لله إنت السبب!!

برق بوجع: أه يا بنت العضاضة، وهو أنا جبته لوحدي ما كله كان بريضاكي!!

فضلت إيلين تصرخ، وتشد شعر برق وتعضه....

لحد ما وصلو للمستشفي....

دخلت إيلين أوضة العمليات....

كان برق خايف عليها، وكان عمال يدعي ربنا إنها تقوم بالسلامة....

بعد ساعة من القلق والتوتر....

سمع برق صوت مولود؛ فحس بقلبه بيدق بعنف....

خرج الدكتور ومعاه ولد زي القمر...

الدكتور بإبتسامة: ألف مبروك يا أستاذ برق ولد زي القمر.

أخد برق منه الولد وإيده بتترعش، وكبر في ودنه وقال: ”أسر برق الجندي‟ نورت عيلتنا يا أسر.

بص برق للدكتور وقال بلهفة: طيب إيلين عامله إيه؟!

الدكتور: متقلقش مدام إيلين زي الفل، وهتتنقل لأوضة عادية.... بس بعد ساعة تكون فاقت.

أخد راجح أسر من برق وإبتسمله بحنان

سجد برق شكر لربنا: الحمدلله يارب الحمدلله.

لابعت جميلة أسر بسعادة وهي بتقول: إنت هتبقي جوز بنتي يا أسور.

بصلها راجح بكل سعادة العالم وقال: أنتي حامل؟!

جميلة بحب: أه الحمدلله حامل في أسبوع؛ لسة عارفة إمبارح، وقولت أعملهالك مفاجئة بس اللي حصل.

باس راجح راسها بحنان وقال: أنتي أحلي هدية جاتلي في حياتي؛ أنتي العوض اللي ربنا عوضني بيه.

إبتسمت جميلة بخجل....

بعد ساعة.....

دخل برق وهو شايل أسر لإيلين وقال: ألف مبروك علينا يا لي لي أسر الجندي.

لي لي بإبتسامة متعبة: الحمدلله يارب، هاته يا برق عاوزه أشوفه.

حطه برق في حضنها، وحضنها هي وهو....

إيلين بدموع: أنا فرحانة أوي يا برق ربنا رزقني بنسخة منك.

باس برق جبينها بحنان، وقال بعشق: بعشقك فوق ما تتخيلي يا لي لي.

إيلين بصتله بإبتسامة: أنا محظوظة بيك يا بيبو ربنا يباركلي فيك يارب.

سند برق جبينه علي جبينها براحة، وهما بيبصو لإبنهم: ويباركلي فيكي يا قلب برق.

دخلو راجح وجميلة للأوضة، وعرفوهم بخبر حمل جميلة.....

فرح الأثنين علشانهم....

وكل واحد من الشباب حضن اللي تخصه بتملك، وكان كل ثنائي منهم بيبصو لبعض بعشق دام لسنين وسنين....

🌹🌹🌹🌹🌹🌹🌹🌹🌹🌹🌹🌹🌹🌹