رواية عشقت طيفك الفصل الرابع عشر 14 - بقلم الحساب مغلق

ماشي شكرا

هاله- هذا منين اجاني اللخ صفنت على وضعيتي لازم اوكف على حيلي كافي عاد حتخبل

الخميس رولا ومحمد يكطعونً مهر

لازم نعزل البيت نتهيا لان الاسبوع الوراه ريم ومثنى هم يمطعون مهر خوش حتروح وحده وتجي وحده بلكن ماحس فرق

مشت الايام وكمت مادير بال بس اتكطع من ميباوعلي

رافد- دااموت ميت موته من اشوفها وادير وجهي  مشتاق لعيونها بس هي قوت وكامت متباوعني ولا تديرلي بال بس نوبات تصفن عليه كامت مترسم وكامت تمر ايام ماشوفها تكون بشغلها واني بالمكتب بس اليوم مهر محمد وهي طلعت من وكت واني هم حرجع وصلت لفرعنا وشفتها تنزل باوعتها ودرت وجهي اباوعها بالمرايه نضرتها تاذيني اه ياكلبي

هاله- كملنا التحضيرات وبدلنا وجتي رولا من الصالون خبيبتي تخبل حسيت روحي حبجي حضنتها ولج انتي احلى عروس

مهنا _يووم عزه بعينج رولا طالعه تخبلين

رولا- هناوي اسكت اخجل

مهنا- ولج والله راح اشتاق لعراكنا

مثنى- رولا جوي اهل الولد

رولا- يمه كلبي

مثنى/ تعاي بابا كعدي هنا والله يابه الزعاطيط تزوجو خرب باوعت لهاله خاف تنقهر شفتها تباوعها مبتسمه ادري ماعدها غيره بس اخاف عليها

هاله- عقدت رولا وكملنا الحفل ومحمد خطيه من طب وشافها بفستانها راد يعثر تخبل عليها

رولا _من فات كلش خجلت بس هو صار رجلي منصدكه اروح فدوه لطولك

محمد- فدوه للغمازه حبيبتي شاورتها

مبروك عمري الا اخليك اسعد بنيه

رولا- نصيت مبتسمه خجلانه

هاله- ام ماجد مكعده هاي البنيه بصفها هاجر اكيد هاي اللي يحبها الله يهنيهم ربي شيله من كلبي تعبت تونسو رولا ومحمد واني طايره بيهم وبليل مكالمات اني الولد الجان مجلب نطيته بلوك

اريد ابقى وحدي التزمت بصلاتي وقراني ومنسيت ماجد من القران ريم ومثنى هالخميس عقدهم والشركه كلها جتي لبيت ريم وسوينالهم احلى مهر حبيبي مثنى طاير بيها رافد اصلا ميباوع عليه

رافد- بكل حفله تطلع احلى وحده هي رغم بساطه مكياجها الاحد نلبس الحلقات اني وهاجر لان والدتي اختارت هاليوم كالت زواج امير المومنين وفاطمه الزهراء

رافد- يوم اني حسمع كلمتج اتزوجها مشتري عافيتج بس خليها ببالج خطيتي بركبتج

امي/ يجي يوم تكولي يمه الله ينطيج خليتني اخذ بت خالتي ومني وبيه ومراح تطلع من طورنا لان تربيتنا

هاله- داومت ثاني يوم شويه بديت اوكف على رجلي وماابجي بليل مشتاقتله

كاعده بالمكتب فات رافد

رافد- صباح الخير مردتها تشوف الحلقه ومباوعت بوجهه

هاله- صباح النور

رافد- ياسمين الكهوه

هاله- نصيت ياسمين غائبه

رافد- اذا ممكن تسويها انتي احاول ماشوف عيونها بس التقت عيوننا دمعت بسرعه واني هم دمعت عيني تنهدت وطبيت للمكتب كعدت لزمت راسي شون حتكمل ال3سنين حموتهازالبنيه واموت وراها

رافد- اذا ممكن تسويها انتي احاول ماشوف عيونها بس التقت عيوننا دمعت بسرعه واني هم دمعت عيني تنهدت وطبيت للمكتب كعدت لزمت راسي شون حتكمل ال3سنين حموتهازالبنيه واموت وراها

هاله- سويت الكهوه ودزيتها بايد طارق فات وداها وره شويه صاحوني واجه ابو حمزه وريم

ومهندس الحفر

فتنا كلنا للمكتب

رافد- اذا ممكن ست هاله رتبي هذني بسري للغايه من دون ماباوعلها

يله شباب تعالو انجمعنا اخنا نوقع وندقق والمهندس ياخذ القياسات وندزها بيد ابو البريد

هاله- ناطيه ضهري الهم واشتغل شغلت روحي بالعمل

ريم- هاي شنو هاي شنو منو ورانا

رافد- شكو شبيج

ابوحمزه- يابه عالخير شو لا حس لاخبر

طارق- لاياناقص ومتحجي

ضلو يباركوله

هاله- التفتت شو ذوله كلهم ضلو يباركوله وبوسو عالخير كلبي حسيته حيوكف باوعت ايده بيها حلقه مستحيل مستحيل

طلعت من الغرفه ركض حسيت روحي حبجي ومخازي بس هم انتبهو عليه للاسف مكدرت الزم روحي ركضت للمخزن شافني المهندس فتت بس منصيه مشافني ابجي

رافد- من طلعت من المكتب روحي طلعت وراها

هاله هاله مدرت بالديسمعون ميسمعون المهم هي ركضت سالت عليها وين راحت كالو للمخزن

فتت جان اضلم المخزن مطفي الضوه اسمع ونينها وبجيها الله لايوفقني شسويت بالبنيه لو مخليها تحب واخد ميت هم احسن دورت عليه وجسمي مدااحس بيه شفتها كاعده بزاويه خاتله ومنصيه منهاره بس تبجي وتشهك متحملت بعد ركضت عليها حضنتها

هاله من حضني معرفت منو خفت بس شميت ريحته زدت من البجي طلعت البكلبي

ليش عفتني ششفت مني ليش خليتني احبك

رافد- ابتعدت عنها اباوع عيونها ووجها درت وجهي متحملت تتوسل بيه تسالني عن السبب اذا تحبها ليش جيت كتلي احبج

متحملت ضربت الحايط الوراها بايدي ببوكس بس ردت شي ياذيني وراها مسحت دموعها وانسحبت

هاله- من شفته لبس الحلقه معناه ماكو امل انتهى اعيش يومي بيومي واشيله من راسي كافي مذله واي شي اسوي ياثر على رولا ومحمد شيكولون اختها ذبت روحها عليه

كمت اني مادير بال والبجي ابجي بغرفتي شوي شوي صارت عدي قساوه بكلبي عليه وحقد

رولا بعد اسبوع عرسهم حيسوو سوه هم ومثنى فد قاعه جنت طالعه ملكه جمال

مكياج شوي طوخته ولبست ثوب طويل حصر ستن وردي فاتح ويه الحجاب وين ماروح يباوعولي ام محمد اخذت بيت بصف بيت اهلها ببيتين دخلت القاعه وي ام محمد وامي ومهنا

العيون كلها عليه سلمت عالعرايس وكعدت يم ام محمد وامي خطيه ام محمد كلش فرحانه اجه رافد وره شوي وياه خطيبته هاجر سلمنا عليهم اني سلمت ببرود ومباوعت عليه بعد

رافد- طالعه تجنن خبلتني تقاسيم جسمها ولون الثوب وي خدودها تخبل مكدرت ماباوعلها اصلا كمت اتخيلها ويايه بفد غرفه وبحضني

هاجر خطيبتي بعيده كل البعد ابد مويمي حتى متتصل او تحاول تسحبني او تخليني احبها ابد  من لبسنا الحلقات قبل شهر ليهسه كلشي ماكو واني هم مكيف عالوضعيه خلصان منها هاله لابستني كلش وتبتسم وكانه اني لاشي

كمل العرس

اختي ام محمد - هاله عفيه عود تعاي نفرش الفرشه ببيتنا بالغرفه وي امج لان هم حيروحون فتدق

هاله- اي خاله بعيني

رحنا وره العرس وديناهم فندق ومناك رحت لبيتهم همزين رولا حتكعد نفس الفرع يعني مااشتاقلها وصلت ابت ام محمد جان رافد هناك من طبيت باوعلي

هاله- وين ام محمد

رافد- ببيت اهلي هسه تجي فوتي اخذي راحتج

هاله- فتت وبديت افرش الفرشه

رافد- متحملت بعد انتي شلابسه

هاله- شكو

رافد- كلش مكسم عليج اخوتج وينهم عنج

هاله- وانت شعليك خزرته شويه وخر يله نترت بي

رافد- هاي عليكن تصيحين

هاله- لعد لتتدخل فهمت كملت فرش وطلعت من البيت

رافد- تنهدت شجاني وحجيت ترزلت هيج زين النوبه اني ابو الراهي وكاعد اتحكم كبر اي والله كبر اووف

محمد- طالعه كمر لو تدرين شكد احبج يعني مكالمات التلفون مجانت تكفيني

رولا- نصيت مستحيه راح اعيشك ملك وحشيعك حنان

محمد- يمه يمه اروح فدوه للغمازه الله يخليج الي

رولا- ويحفضك اليه محمد عود ساعدنيزالخميس اللاخ عديداماحان رياضيات شامل

محمد- خرب حضي اني وين وهي بيش حايره عمي اقريج والله وتاخذين 100 على تدريسي بس خل اشبع تعاي ------

هاله-رجعت للبيت وجسمي يرجف من الشوطه فوك الحكه دكه كلعد يحاسبني وره 3ايام عزمنا رولا واهل محمد وطبعا ام ماجد ورافد هم اجه وخطيبته

اجوي يسموها صبحه البنيه فاتو وسلمو وعيون رافد تلحكني لان صار 3ايام ممداومه بالشركه بلكن يفصلوني

تعبت من شوفته المهم صبينا الاكل وكعدت يمه هاجر واني روحي تلوب كمت احاول مابين ضوجتي اغلس قدر الامكان

مثنى وريم احلى صنين تصنيف خربونه ضحك وكلما اضحك ادير وجهي الكاه يباوعلي  ادير وجهي ماعبره وداخلي اتكطع واشوفها بصفه

بس هي جانت حايره بالتلفون ومهدته شعليه الله يهنيهم

ثاني يوم داومت وبدخلتي عثرت ولزمني شاب طويل وعيونه ملونه الله الله خومبيج شي

هاله- لا شكرا لزمتني جان وكعت شكرا وعفته ورحت

رافد- يابه شفتها عثرت وولد لزمها نار وصارت بكلبي النوبه بطبتي شفته سال عليها منو هاي

وانت شلك غرض موضفه عدي انت المنو

انى ياسين المنهدس الجديد

رافد- ها العفو تقدمت اعتذر معرفتك تصافحت ويا وهو كلسا يرفع راسه يباوع على هاله الجانت دتروح للمكتب

تفضل للمكتب دخلته دااتفاهم ويا شاف هاله ضل صافن ابتسم سلامات

هاله- شفت رافد ويا وكفت ابتسمتله الله يسلمك

رافد- دزينا على كهوتين بيد ياسمين خزرتها

هاله- صار استاذ باوعتله بغرور

رحت جبت الكهوه ودزيتها بيد الفراشه اله احرك كلبك

طلع المهندس تقرب مني ممكن رقمج ست هاله

هاله- قطبت حاجبي ليش همست ونصيت هذا اخذها صدك

ياسين- اخاف تردين توكعين مره ثانيه حتى تخابرين اخابرج

هاله- خزرته استاذ تفضل اوصلك لاستاذ طارق

ياسين - شفتها صارت عصبيه اعتذر اسف دااشاقه طلعت كدامها ورحت لطارق

رافد- طلعت ملكيتها وينها هاي لمحتها وي ياسين هذا الجديد مشيت وراهم

ياسين- هذا مكتبه اني اشكرج ممنون من حضرتج واسف عالازعاج

هاله- التفتت شفت رافد قريب

ههه لا يمعود تتدلل

رافد- تخبلت كاعده تتمضحك وياه نار وشبت بكلبي سكتت محجيت شي

ياسين - حولتني مره تضحك ومره لا

هاله- جنت فرحانه بانتقامي عفته ورحت للمكتب

نصيت على تلفوني اكلب بي

رافد- رجعت وره شويه باوعتلها بغضب وفتت للمكتب

هاله- ولا يهمني المهم يشفى غليلي

وره يومين سمعت من رولا انه عقد مال سيد هم تخبلت والليل منمته ثاني يوم من رحت للدوام لبست ضيق التنوره والستره ومكياجي شوي طوخته فتت للشركه عيون المهندسين عليه شوي واجه ياسين كعد كدامي كالكرسي يباوعني ويضحكً

هاله- اكو شي استاذ

ياسين- انتي كلش حلوه

هاله-وبعدين باوعته ببرود

ياسين - وعاجبتني بس ردت اعرف مرتبطه

هاله- لا ممرتبطه اذا ممكن فوت انتضر المدير بالمكتب

اجه رافد شافني ضل صافن

رافد- هاي شلابسه شنو الكصف جسمها ذاك مبين شنو سالفتها تخبلت

شونك ياسين تفضل للمكتب ننهي الشغل

وعيوني عليها اريد املخها

كملت عملي وي ياسين وصحتها

هاله - نعم استاذ

رافد- هاي شلابسه

هاله-شنو لابسه كااعتقد تكدر تتحكم بلبس موضفيك صح عدي عقد بس ممكتوب عالعقد شالبسً

رافد- تقربت منها استفزتني وعيوني تطلع منها نار اريد املخها شنو تستعرضين بجسمج صيحت

هاله- مااسمحلك ومالك دخل بيه

رافد- تقربت منها لزمتها من زندها انتي وحده متستحين اهلك مشافرج من طلعتي بعد لتجين للشركه

هاله- اتمنى حتى ماشوفك بس العقد شون احاجيها ببرود

رافد- رافد هاللللللله لتستفزين لزمتها من حنكها قوي دمعت عينها ماريد تجين للشركه الموضفين اكلوج بعينهم

وهذا العقد ركضت للجرار طلعت العقود وجريت عقدها وشككته تنفست سريع عيونها الدامعه بعيني

هاله- كله من وراك طلعتني من طوري همست وعيوني غرغرت للاسف ضعفت كدامه وبجيت طلعت اخذت جنطتي وطلعت من الغرفه ومن الشركه للبيت كبل وفتت نمت

امي لحكتني لج ماما شبيج

هاله- تعبت ماما ماريد اشتغل بعد تعبانه

امي- ليش ياماما مو مرتاحين وحلو تغيرين جو

هاله- ماريد عوفيني

رولا- جنت اكضي اليوم كلله بيت ام ماجد بيبيه محمد وي ام محمد اساعدها وانضف وياهم وهاجر كاعده ومكابله التلفون

واشوفها هواي تطلع لاحديقه تبشبش بالتلفون

رافد- ارجع للبيت الكه هاجر يمنا بس ابد مويمي اصعد لغرفتي انام

امي- يمه هاجر صعدي يم رجلج شوفي شيريد ميريد

هاجر- اي خاله دكيت الباب

رافد- تفضل

هاجر- رافد تكول خالتي تريد شي

رافد- باوعتلها لا ماريد ضليت اباوع اريد الامان الالكاه  بعين هاله ماالكاه بهاجر شون حعيش وياها وبعد اسبوعين عرسي

نزلت وجانت هاجر بالحمام وي امي يغسلون الحمام مخليه تلفونها بالصاله فتت ادخن حتى متشوفني امي واكلب بصور هاله شون صيحت عليها هيج اليوم شون قساوه صارت عدي وحجايتها تدك باذني طلعتني من طوري شحيصير بيه بعدين من وره حوبتها تنهدت سمعت ونه مال تلفون دورت شفت تلفون وردي بالمجر باوعت بالشاشه رساله لتخاي يلزمج اموووت باوعت المرسل مكتوب بيبي ومحطوط رمزالللللللله جتي من يمج بت خالتي

هاجر هاجرر تعاي تعاي

هاجر- نعم

رافد- منو هذا

هاجر- هيج هيج طيني التلفووون منو سمحلك تلعب بي

رافد- اضحك من كل كلبي بابا اني المصخم رجلج ههههه  منو هذا كوليلي واعوفج والله

كامت تبجي وفاتت امي

شكو شبيكم شكووو ليش تبجين هاجر

رافد- شوفي ربج يمه ماريد افضحج بس عذريني لازم اخلص منج

يمه هاجر عدها حبيب هههههههاي انتي طالق

امي- لتكول هيج اششش اسكت طايح الحظ

رافد- والله شوفي يكولها لتخلي يلزمج اموت

امي- هاجر احجي شنو هاي منو

رافد- منصيه ومترد سحبت التلفون فتحي بابا بعد طلكتج اني فتحي خل تسوف خالتك المصون الخلتني اعوف حبيبتي وموتتها

قهر

هاجر- خاله اني احب واحدومااكدر انساه واي تواصل بيني وبين ابنج ماكو لااحبه ولا يحبني امي لحت عليه مثل ماانتي لحيتي عليه اني تعبت ماريده بجيت

رافد- لتبجين عيني لتبجين ثنيناتنا مجبورين باوعت لامي حسبي الله عليكم

امي- احنا علمود مصلحتكم منريد فلوسنا تروح للغريب وانتو تربايتنا حرامات ترحون للغربه

هاجر- اني احب واحد صار خمس سنين 4مرات طلبني وامي تكول لامخطوبه لابن هالتها وميت مره انكتلت من وراه ونو مااييس خطيه

رافد- والله بت خالتي اني هم احب وحده واموت عليها وامي حرمتني منها من تمرضت خفت على كلا نزعت الحلقه هاج يوم وهلي كلمن يمضي لحال سبيله بستها من راسها يمه لتبجين موكلشي تردولازم يصير الوكت تغير تره تخشون بخطيتنا

امي- روحو يمه الله يوفقكم شسوي بعد

رافد- الحمد لله بس كون حبيبتي تقبل ترجعلي جنت فرحان نفس الوكت خايف من رده فعلها شحتسوي اكيد عزه نفسها متقبل ترجع