رواية عشقت طيفك الفصل الثالث عشر 13 - بقلم الحساب مغلق

مراح الح عليكم واضل احجي وي اهلي شصار مصار عادي يوم عادي

ثاني يوم داومت وجان كاعد بمكتبه مطلع 

ولا سال عليه

مشتاقتله شون يعني ماشوفه متحملت دكيت الباب عليه رد ادخل جان ديوقع الاوراق مباوع بوجهي

هاله- هلو شونك

رافد- اهلا مباوعت بوجهه لازم تشيلني اوف ياكلبي شون حكلب عليها شون حتحمل اوف ياامي شسوي كلشي ولا اخسرج يوم

هاله/ ااا تريد كهوه

رافد- اي والله كولي لياسمين

هاله- ياسمين !! رافد شبيك همست

رافد- مبيه رجاءا ست هاله بس دزيلي ابو حمزه واستاذ طارق

هاله- كلبي حسيته راح يطلع من جسمي شبي ويايه ليش هيج حبيتك اني ليش هيج تسوي بيه

ليش كالب عليه البارحه جنت غير شي شبيه ويايه احاجي بداخلي باوعت عليه ماكو منصي يوقع مو يمي اببد

رافد- من طلعت من الغرفه روحي طلعت وياها شصار بيها ياعمري مو بيدي امي اهم منج لو شكد مااحبج شون حرتبط بغيرج واني حبيتج لازم اشيلج من راسي وكلبي واخليج تعيشين حياتج

كملنا شغل وكمل الدوام وابد محاجيته واني ضايعه ومسطوره ليش هيج تغير عليه وصلت للبيت وشفته فات من يم بابنا وراح مباوع عليه ابد

هذا صحه وندم اكيد   --- بيت ام ماجد

ام محمد- يمه محمد المن حاب انت ذاك اليوم دتحجي تكول احب وحده

محمد- شوكت تخطبيالي يوم حموت عليها وخاف يجيها واحد ياخذها مني

ام محمد- اذا خوش بنيه وبت ناس ما خليها تروح من ايدك

محمد- يمه احب ام غمازات

ام محمد- منو

محمد- حزري منو

ام محمد- اوكف خل اصفن منو عدها غمازات

هاا هاي الحلوه شسمها بله رولا صدقه تجنن

محمد- يمه حموت عليها هسه زمن واتزوجت زوجيني سنه التجي اتخرج

اممحمد/ها خاف تعوف الدراسه

محمد- لا بالعكس حزيد لان عدي مسووليه تلمست وجه امي يوم زوجينياها احبها

ام محمد- يمه وروح ابوك ازوجكياها ماعدي غيرك اني

زين هي تحبك مثل متحبها

محمد- هي فطيره بس اباوعلها تضحك فدوه لغمازتها اوف كلبي

ام محمد- اسم الله على كلبك باجر اروح واحاجيهم شوف ينطون ولو هي صغيره بس نشوف

هاله- تعبت من رجعت كلش تعبانه نمت بدون اكل وضليت ابجي لحد مغفيت حلمت بماجد يكولي انسي رافد ميفيدج عيشي حياتج

فزيت اخذت التلفون واتصلت بيه

وره شوي رد

الو

-الوًرافد شبيك ويايه احاجي وابجي

-مبيه شي اكو شي محتاجه شي

-رافد حلمت بماجد يكولي عوفي ميفيدج ماريد اعوفك احبك واشهك وابجي

-شتردين هسه اني راح اخطب بت خالتي احبها من زمان اني مجنت احبج ضحكت عليج صراحه

-ليش هيج سويت خليتني احبك ريحتك ريحتك هيانها بعدها بهدومي لتعوفيني

-هاله انتي بت عالم وناس مو مال العب بيج اني ابو علاقات واحنا جيران ميصير

-متحملت سديت التلفون بقيت ابجي ساعه ورجعت نمت

رافد-سدته بوجهي من صدك بجيت ولاول مره ارجع للتدخين من بعد 5سنين تاركها حركت روحي بالتدخين وحتى شرب شربت نزلت جوه لاكتني امي

امي- اففف شنهالريحه البيك شنو رجعت تدخن

رافد- يووووووم عوفيييييني جانت ساعه 3بليل واحس صوتي وصل لغرفتها وهم بيتهم براس الفرع

امي- يمه شبيك تصيح خومبيك شي

رافد- مابيه مابيه عوفيني بس عوفيني

امي- اسنغفر الله يارب هاي مسويتلك عمل الحابها الله لاينطيها

رافد- اسكتي يوم لتدعين كعدت عالدرج سديت اذني ابجي متحملت

امي- اني متاكده باجر رايحه لام مصطفى ام الخيره اخليها تكشفلك

رافد- باوعتها تحسفت انتي شتريدين وعيوني مليانه دمع مخنووووك مو تردين اتزوج قنادر عتيكه هاجر اي باجر اخطبها تتدللين بلكن اصبح ميت باجر

امي- يمه اسم الله يمه لتحجي هيج

رافد- لا لا كون اني ميت ولا ماجد كون الله باجر ياخذ روحي يارب اخذ روحيييي وخلصني

امي- بس اسكت اخ كلبي

رافد- وكعت واني حسيت على روحي ركضت شلتها ونيمتها بالفراش وغطيتها محاس على روحي بس ابجي صعدت نمت سمعت صوت الاذان نمت وثاني يوم مداومت مكدرت تعبان

هاله- مكدرت انام ومكدرت الصبح اروح للشغل

بقيت نايمه لل12كعدتني امي وي الصلاه صليت ومبي حيل امشي  اكلت ورجعت نمت

وكعدت العصر امي كعدتني كالت ام محمد جتي بت ام ماجد كلت معقوله عليه غسلت وبدلت

وطلعت سلمت عليها بوستها وجهه يضحك جان عدي امل جايه عليه كعدنا وفتحت الموضوع اني رايده اخطب لمحمد وكلش حبيت رولا وداشوف رايكم اني ماعدي غيره وعدي بيتين بيت كاعده بي وبيت ماجرته وهو يشتغل ويدرس سنه التجي يتخرج

ام مثنى- والله يمه انتو احسن ناس بس خل اشوف ابوها توها 16سنه خاف ميقبل

ام محمد- حبيبتي ام مثنى اني اخليها تكمل دراستها واني ادرسها ومحمد هم يساعدها ببطن عيني اني احب البنيه مكمله دراسه بس طونياها وشوفو شون اخليها بنص عيني

ام مثنى- شكو بيها يجي ابوها ونشوف شيكول باوعت لرولا منصيه تبتسم

رولا شتكولين

رولا- كمت من الهول اضحك وفتت لغرفتي متت خجل فدوه متحمل ينتضر يتخرج وطلبني قبل ليتخرج صدقه لحبك

ام مثنى\يابه البنيه شكلها موافقه

هاله- جنت فرحانه برولا لان ام محمد ذهب ومحمد هم عاقل حبابين وخوش ناس اجه والدي وكلوله كلهم بعدها صغيره امي كلتله انه هي بعمرها تزوجت وكالت المره تخليها تكمل دراستها فماكو مانع الوالد وافق لان كلها تحمد بمحمد مهنا كيف ومثنى معترض صارت الخطبه اني كطعت الدوام صار3ايام بس ذبلت حيل اكلي جدا قليل وبس انام بس التهيت وي رولا ونوعا ما بديت اتعود بس مشتاقتله

رافد- صارله 3ايام منداومه حموت واشوفها واليوم المشيه مال ابوجاسم على اختها العشيره انلمت ورحنا لبيتهم جنت اتمنى تكون مشيتنا تنهدت الله مارايد هالشي محمد جان طاير اباوع عليه حبيبي فرحان ابوجاسم دخلنا وعمومتهم جانو جايين وادور على وجهه بالوجوجه مال اختها للن يشبهوها حاجب مثنى نفس حاجبها اتفقنا على كلشي وصارت الموافقه واختي وامي هلهلوا ومحمد طاير يضحك ومهنا كاعد بصفه حضنه ولك حتصير نسيبي حكابلك واكعد اني حيل تعبان محتاجها ودااكره روحي لان غدرت بيها وادري بيها مريضه خاف ترجع لحب ماجد وتتاذه اكثر شسوي ياربي قررت احاجيها من غير خط على اني شخص غريب اساعدها على اني دكتور نفساني وبالفعل وهم نفس الوكت اعرف اخبارها

رجعنا للبيت شتريت سيم كرت جديد واتصلت بيها مردت كمت اراسلها على كل برنامج فايبر واتس مسنجر مراسلات نكات مضحكه

هاله- هذا منو صار يومين يتصل ويراسلزبس والله يضحك ههه

انت منو راسلته

اني دكتور علي

تفضل رايد شي

لا هيج ردت اتعرف

اسفه روح تعرف على غيري

زين مرايد شي بس ردت اسولف واروح

لا شكرا

زين بس اني اسولف انتي بس اقري

كيفك

كمت اسولف وياها سوالف تضحك وهي تضحك بس مراسله

شفتها مدتداوم ومدااتحمل مشتاق اشوف عيونها خليت طارق يدكلها

الو شونج هاله شو مدتداومين

هاله- ماداوم بعد ماريد

طارق- تره موكيفج عدج عقد انتي3سنين

هاله- تذكرت وعبالك واحد ركعني براسي اي صح ماشي باجر اداوم الله وياك

شون يربي شون حشوفه اني داانهزم منه يارب عينني

رجعت اراسل علي

هلو

هلو شونج

الحمد لله

انتي موضفه لو وبه بيت

اني موضفه

ها اني دكتور هه نفس

صدددك

اي وليش مستغربه

منين جبت رقمي

اني  شسمهً بالدردشه مال فايبر طلع رقمج وي الاناس من حولك

هاا مااعرف شون هاي المهم ليش تحاجيني رايد شي

لا هيج بس لغوه عادي

تنهدت هو عادي بس مراح تشوف مني شي

لا ماريد شي بس كانما تسىلفين وي روحج

ماشي

هاله- بقيت اسولف وياه جدا سوالف عاديه عالحياه مجبت اسم اي شي يخصني ابد

ثاني يوم داومت للشركه من دخلت صار كبالي رافد نصه ودار وجهه علو ابو حمزه

رافد- من شفتها تفاجات ضعفانه خدودها رايحه ووجهه تعبان راسن درت وجهي مااتحمل اباوع العتب بعيونها

ابوحمزه جني هاله دزها عالاضابير يله هاله روحي على شغلج صارلج كم يوم غايبه

هاله_ هزيت راسي واحس روحي راح اوكع رحت كعدت اول وبعدين كمت ارتب جان المكتب فارغ رجعت كلشي بمكانه ورحت لابو حمزه استاذ كملت رايد شي بعد

ابوحمز- لا هاهيخلي يجي رافد ونشوف

رافد- اجيت ها شككو سالتو عني ماباوع بوجهه من احجي

طارق- ياه تعال نكمل وين ريم   هاله فدوه اريد نومي بصره من ايدج

هاله- اي صار باوعت لرافد ميباوعني مشتاقتله كلش انتبهت ديدخن اول مره اشوفه يدخن 

ًنصيت

رحت جبت جاي نومي بصره 3حسبت حسابه

رافد- بدون ماباوعلها اني ماريد

هاله- حموت ليش هيج ديعاملني عفته وطلعت بعد مااسوي اي شي اله هو يطلب واعامله مثل ميعاملني

رافد- فتت للمكتب من كملنا شغل راسلتها

هلو

هلو بيك

شونج

الحمد لله

شو عبالك ضايجه

لا هيج

احجيلي اني مااعرفج كانما تحجين وي روحج

ماريد

كيفج من تحتاجين تحجين طبي خرطي وطلعي

ماشي شكرا

هاله- هذا منين اجاني اللخ صفنت على وضعيتي لازم اوكف