رواية عذاب رعد الفصل العاشر 10 - بقلم دي دي فتحي

١٩و٢٠

البارت التاسع عشر😍 من روايه عذاب رعد

👐اللهم إنى أعلم إنى أعصيك ولكن أحب من يطيعك فأجعل اللهم حبى لمن أطاعك شفاعه تقبل لمن عصاك أمين يارب العالمين 👐

                               😘 قراءه ممتعه 😘

رعد إستجابت لدعوه قلبها ولدعوه يامن وبحاله حب وإشتياق لاول مره من عشر سنين من ساعه ماسابت مؤمن تتدى لقلبها فرصه تانيه وتفتحه من جديد

يامن قرب منها وهى مازالت على حالتها والتهم شفايفها تانى بحب وشغف اكبر ورعد معدتش قادره تسيطر على مشاعرها أبدا وبعدم سيطره على مشاعرها بادلت يامن بوسته لها وهو مكمل اللى همافيه بدا يمشى إيده على منحنيات جسمها و جسمها ارتعش وبعدته عنها بهدؤء

يامن بنفاس متقطعه وصوت خافت ...أنا أسف لو كنت ضايقتك غصب عنى مش بأيدى

رعد بتوهان وهما لسه قريبين من بعض ..لامضايقتنيش ولاحاجه وبهروب من الموقف يله بقا نمشى قبل ماحد من الفريق يصحه ...يامن بتفهم لهروبها يله بينا

يامن ورعد وصلوا عند الخيم قبل ما أى حد يصحه
يامن بحب و يببص لعيون رعد طول ماأنا جنبك اوعى تخافى من حد ولا حتى من جاسر ده

رعد بأان على وشها الخوف اول ماذكر إسم جاسر ...يامن قرب منها ومسك وشها وبحب قولتلك طول ماانا جنبك أوعى تخافى وهيكون أخر يوم فى عمره ولو قربلك تانى

رعد بحب وهدوء ...ممكن بقا تروح ترتاح شويه عشان هنسافر النهارده ...يامن بحب حاضر يارعد قلبى ويله إدخلى خيمتك عشان أمشى

رعد إمشى انت وانا هدخل ...يامن بزعل...تانى يارعد تانى
رعد خلاص متزعلش ولسه هتمشى بصت ليامن بحب أنا متشكره أوى على اللى انت عملته النهارده

يامن بحب ظاهر..أنا اللى متشكر عشان عايشتينى أجمل مشاعر النهارده عمرى ماعشتها قبل كدا ويله بقا ادخلى قبل ماحد يصحا

رعد  ماشى خلى بالك من نفسك ودخلت خيمتها
يامن بعد ماأطمن ان رعد دخلت خيمتها دخل هو كمان خيمته وفضل يفتكر رعد وهى فى حضنه وكمان وهما بيبادلوا بعض بوستهم ...التفكير لوحده خلاه فى حاله عشق وهيام تانى ...ولنفسه أه يارعد قلبى لو انتى معايه دلوقتى ...أه والله نفسى تبقى ملكى وأتجوزك ...وأول ماذكر كلمه الجواز دى

أتغيرت ملامحه من حب وعشق لى خوف و قلق على رعد ...هو إفتكر إتفاقه مع سرايه مامته ومهمته لانتقام منها وتعذيبها ...وغمض عنيه وبوجع وحزن أنا ازاى إتفقت مع إمى على حاجه زى دى ...وازاى رعد هى السبب فى موت ابويه وأخويه...وأنا بحبها وعايز اتجوزها إزاى وليه سبت قلبى على حريته وحبيتها ...ليه مافكرتش انها اللى موتت ابويه واخويه وخلتها هى بس اللى تحبنى وانا اعذبها فى حبى ليه

بس لازم أدوس على قلبى وأعذبها انا فى حبى وأخليها تدفع تمن موت ابويه واخويه غالى اوى واحقق رغبت امى فى الانتقام منها

بعد ساعات ...رعد وفريقها جهزوا نفسهم للسفر والرجوع تانى ...ركبوا الطياره ووصلوا للمطار

رعد للكل ...حمد لله على السلامه وتقدروا تمشوا دلوقتى ترتاحوا ونتقابلوا بكره ان شاء الله فى الجهاز عشان أعلن الخمسه اللى هيطلعوا معايه فى المهمات والعمليات ...أنا والرائد عدى والنقيب كرم ومؤمن ودينا ...ودلوقتى أتفضلوا يله عشان ترتاحوا عذاب رعد بقلم دى دى فتحى...اللهم اسالك الفردوس لوالدى

الكل مشى حتى يامن ومن غير مايودع رعد ...وهى كمان مشت عشان ترتاح وقررت أنها تاخد اجازه النهارده وتبدا شغل من بكره..هى عيزه تفضل عيشه فى حاله الحب والعشق اللى كانت فيها الصبح...بس اللى هى استغربت منه ان مفيش حد فى استقبالها من اصحابها ...بس قالت لنفسها ممكن ميكونيش يعرفوا بمجيى النهارده وبكره ان شاء الله هشفهم فى الجهاز

رعد وهى على سريرها ...فضلت تفتكر يامن واللى حصل بينهم الصبح ..ولنفسها ياااه لو أقدر اشوفه دلوقت أو حتى اسمع صوته ...أنا ايه اللى بقوله ده ...انا ازاى انسي مؤمن واللى هو عمله فيه وجاسر وعذابه ليه ازاى ...ولنفسها لالا  يامن مش زيهم ابدا ...هو هيعوضنى عن اللى انا شوفته  ...هيحبنى اكتر من مؤمن..وهيحمينى من جاسر

ولنفسها طب انا نفسى اشوفه دلوقتى طب اشوفه ازاى ...وبشرود افتكرت انا ممكن اطلع عنوانه ممكن اجيبه من cv  بتاعه وفعلن طلعته منه ...ولبست عشان تروح تشوف يامن فى بيته

وصلت بيته ولنفسها ...لازم ادخل من غير ماحد يحس بيه ...وطبعا اللى زى رعد وبشخصيتها ممكن تفتح اى مكان بسهوله جدا ...وفعلن نططت من على السور ونزلت فى الجنيه وطلعت عن طريق البلكونات ووقفت فى بلكونه وبحيره طب انا هعرف اوضه يامن ازى ...طب ادخل الاوضه دى يمكن تكون بتاعته ..ولو مش بتاعته اخرج منها من غير اللى فيها مايحسوا بيه

فتحت باب البلكونه بحرافيه شديده ودخلت ولاسف كانت اوضه جى جى اللى اول ماشفتها نايمه فى الاوضه اتصدمت وبسؤال لنفسها طب ايه اللى جاب جى جى هى ممكن تكون مراته وبسرعه لنفسها...لالا هى اكيد مش مراته هو كان هيتجنن لما جاسر قال انى مراته لو انا متجوزه هفرق معاه ليه ...أنا لازم اروح أدور على اوضته وبعدين أساله ..خرجت بهدوء شديد وفتحت أوضه تانيه وكانت بتاعت سرايه مامته ورعد لنفسها انا حاسه انى شوفتها قبل كدا بس فين مش فاكره ابدا المهم ماعلينا اروح اشوف اوضه يامن وفعلن فضلت تدور لغيت لما لقيتها ودخلت عنده كان نايم  ...دخلت واقعده جنبه على السرير ...وبحب ظاهر وبتملس على شعره ووشه يامن فتح عنيه وأتفاجا بيها قام واقعد نص اقعده وبشبه نوم إنتى جايتى هنا إزاى

رعد ...رجعته تانى لوراء عشان ينام ووطتت عليه وبحب وهمس أنا حلم يعنى عادى أجى وقت مااحب وامشى وقت مااحب لان الاحلام مش بتستأذن صاحبها ...وبعدين كنت هموت وأشوفك تانى وجيت عشان اشوفك ممكن بقا تنام عشان أمشى

يامن بحب وتوهان ...مش انتى قولتى انك حلم يبقا هتمشى ليه خليكى معايه أناعيزك هنا جنبى وبحزن أنا قلبى وجعنى أوى ومحتاجلك جنبى

رعد بهمس وحب...سلامه قلبك من الوجع يامينو
يامن ..أنا مينو
رعد بحب وعشق...إنت موونا قلبى وعمرى ..وقربت منه بزياده وهو نام وباسته فى خده ..وبهمس ممكن تغمض عيونك عشان أمشى

يامن بشغف وشوق ولسه هيقوم..رعد باعتراض بقولك نام عشان أمشى مش قوم

يامن بحب ظاهر...طب تعالى فى حضنى وأنا أنام
رعد بحب وبدلع...ده مش هيكون نوم ده هيكون عذاب لينا احنا الاتنين

يامن بارجاء....أرجوكى تعالى فى حضنى أنا تعبان اوى ومحتاجلك اوى اوى أرجوكى تعالى فى حضنى

رعد مع شكله وكلامه واحساسها اللى بيدفعها لكدا..نامت جنبه وبدل مارعد اللى تكون فى حضنه يامن اللى أستخباء فى حضنها زى الطفل التايه من مامته واول ماشفها جرى عليها واستخبى فى حضنها رعد لفت ايديها عليه بحذر وهدوء ويامن ضمها بعنف ..رعد من نومته كدا فى حضنها جسمها بدأ يرتعش بشده...يامن ضمها اكتر ..وبهمس متخافيش أنا عمرى مهأذيكى إطمنى أنتى فى مع حبيبك ...رعد شددت على ضمتها ليه ومسكت فى هدومه بحب واطمنان

وهو أستخباء فى حضنها وذهب فى ثبات عميق ..وهى فضلت تتامل فيه عشان تشبع منه..وقلبها فيه واخذه ومش عارفه سببها أيه بس هى عايزه تفضل نايمه كدا هى مش عارفه حبيته امته ولا عشقت كل تفاصيله ازاى..بس هى عايزه تفضل فى حضنه كدا على طول

وبعد وقت ويامن نايم فى حضن رعد ..الفجر أذان وهى كانت لسه صاحيه ...ولنفسها يله رعد لازم تمشى دلوقتى قبل ماحد يصحا وتتكشفى وساعتها مش تقدرى تفسرى وجودك هنا ابدا ...وبدائت تسحب نفسها واحده واحده وتبعد يامن عن حضنها بس هو كان ماسك فيها جامد وبتحاول اكتر عشان تبعده عنها ...يامن فاق وبتوهان ليه عيزه تسبينى أرجوكى خليكى معايه ...

رعد بحب ظاهر...أناعمرى ماهسيبك غير لو انتى سبتنى زى ما أى حد حبيته فى حياتى سابنى

يامن بحب وتوهان ...أنا مش عايز أسيبك واالله بس غصب عنى والله غصب عنى وغمض عنيه تانى

رعد بخوف وهدوء ...يامن يعنى ايه غصب عنك أرجوك قولى وكلمنى ...بس يامن كان  نام وهى كانت لازم تمشى قبل ماحد يصحا

رعد خرجت زى مادخلت وروحت بيتها بس خايفه وقلقانه من جمله يامن الاخيره ولنفسها...وهى نايمه على السرير أكيد ميقصدش حاجه هو كان نايم ومش عارف بيقول ايه وفضلت تفكر لغيت لما ذهبت فى ثبات عميق

@@@@@@@@@@@@@@

عند جاسر

رجع ووشه يغنى عن السؤال وعفاريت الدنيا كلها بتنتط قدامه ومش مصدق ان رعد للمره التانيه قدرت تهرب منه حتى اللى مفروض معاه بقا ضده وهو اللى حماها منه

فلاش باااااك

جاسر ...إنتى واثقه ان يامن هيقدر يوقعها فى حبه ويجبهالنا لغيت عندنا نعمل فيها اللى احنا عايزينه

سرايه مامت يامن بشر ...أيوا ياباشا واثقه جدا كمان ده ابنى وانا عارفاه

جاسر بضحك وسخريه ...مش لما يكون ابنك اصلا انتى هتكدبى الكدبه وتصدقيها ولا ايه ...انتى عارفه وانا عارف انه مش ابنك وهو ابن ؟؟؟

سرايه بمقاطعه ...هو صحيح مش ابنى بس انا اللى ربيته وعلمته وكبرته يبقا ابنى

جاسر باستهزاء...ابنك اللى عملاه كبش فداء ...عشان ينتقم من رعد ..وعارفه انه كدا كدا ميت ولو رعد كشفته هتنقم منه شر انتقام ولا منانجحش فى مهمته أنا اللى هنتقم منه واقتله

سرايه بثقه...بس ده ابنى وأنا عارفه انه ميقدرش يخلف وعده ليه وهينتقم منها عشان موت ابوه واخوه اللى فى اعتقاده انهم كدا عذاب رعد بقلم دى دى فتحى...اللهم اسالك الفردوس لوالدى

جاسر بعنف وقوه...ماشى هستناء وهشوف هيقدر ولا لا ...بس خلى بالك أى حد يقرب منها ويعملها حاجه انا اللى هقتله أنا عايز انا اللى أنتقم منها انا معملتش ده كله ولا ساعدتك بعض جوزك ماتقتل عشان فى الاخر انتى ولا الغبى ابنك يعمل اى غلطه وبعنف فاهمه ولا افهمك بطريقتى

سرايه بخوف ورهبه ..فاهمه ياباشا بس بلاش تأذى يامن انا عارفه انه هينفذ وعده ليه

جاسر بعنف وتهديد ...لو منفذش المطلوب منه هيبقا هو اللى أختار موته

باااااك

جاسر بغضب ولنفسه...أنا لازم اتصل على الزفته سرايه واعرف ايه اللى خلاه يعمل كدا ولو ماسالمنيش رعد انا هقتله وهعرف ازاى اجبها تانى ...لو مش الغبى ده النهارده كان زمنها فى حضنى دلوقتى وانتقم منها وهى بين ايديه واشفى غاليلى...وخبط الحائطه بايديه بعنف ...وبشر وحيات العشر سنين اللى قضتهم فى السجن بسببك انتى واللواء الزفت صبرى لازم أدفعك التمن غالى أوى

@@@@@@@@@@@@

تانى يوم رعد راحت الجهاز والكل كان فى استقبالها وكرم كمان كان فى استقبالها

رعد بحب..وجهت تحيه شكرا للكل ...ودخلت المكتب هى وكرم وبحب اخوه لكرم طمنى عليك انت وملك عاملين ايه...وفين اللواء صبرى ودينا وعدى ومؤمن ليه مكنوش فى استقبالى ..هما لسه موصلوش ولا ايه بس هما عارفين انى جايه النهارده ليه محدش منهم موجود

كرم بهروب...خلينا نتكلم بعد ماتشوفى فريقك مين اللى هينضم لينا وبعدين نتكلم

رعد باستغراب من هروب كرم وبقوه...كرم قولى الحقيقه ومتخبيش عليه اتكلم وعرفنى فيه ايه

كرم بهروب اكتر...خلينا نتكلم بعد مانرجع ويله انا كمان جاى معاكى

رعد بتفهم ماشى هستناء يله بينا

@@@@@@@@@@@@@@

رعد وكرم راحوا للمتدربين عشان تختار منهم الخمسه اللى هينضموا للفريقها

رعدبصوت قوى للكل ...انا النهارده هختار منكم خمسه اللى هيكونوا معايه فى المهمات ويضموا لفريقى ومش معنى كدا ان الباقين اقل منهم فى المستوى ..بالعكس الكل فى التدريب اثبت كفائته وجدراته انه يكون فى مكان زى ده حتى الاربع شباب اللى كنت حطلهم الشرط بتاعى خلفوا توقعاتى وبتبص ليامن نظره كلها حب بتحاول تداريها عشان مشاعرها متتكشفشى قدام الباقين ..هما كمان أجتازوا الاختبارات وعشان كدا هيفضلوا معانا...الكل فرح جدا بقرارها ..ماعدا يامن اللى واقف وحوالين وشه هاله كبيره من الغموض رعد مش عارفه سببها ايه

رعد للكل...ودلوقتى هختار منكم الخمسه اللى هيكونوا معايه اناو الرائد عدى والنقيب كرم والنقيب مؤمن والنقيب دينا والخمسه هم...1/ أدهم اللى طاير من الفرحه عشان هيكون قريب من رعد...2/ سيف ...3/ فادي...4/ يامن ...5/ كان واحد من بقيه الفريق ...رعد بقوه اتمناء انكم تكونوا دايما اقوياء واد الثقه اللى انا اديتهالكم و دلوقتى تقدور تتفضلوا على مكاتبكم لغيت لما ابعتلكم المهمات اللى هتقوموا بيها

وقبل الكل مايمشى

يامن باعتراض وعنف ...بس انا مش عايز أبقا من ضمن فريقك أنا عايز أشتغل مع حد تانى

رعد باستغراب وصدمه ...إنت بتقول أيه

يامن بعنف اكتر ... أيه حضرتك ماسمعتنيش ...بقولك مش عايز أبقا معاكى فى الفريق...أظن حضرتك سمعتينى كدا !!!
@@@@@@@@@@@@@@@

👈البارت انتهاء ✋نكمل بكره ان شاء الله👐

💓توقعاتكم👇👇👇

👈رعد هتعمل ايه لما كرم يحكيلها اللى حصل فى غيابها؟

👈جاسر هيقدر يوصل لرعد عن طريق يامن ولا حب يامن لها هيحميها؟؟؟

👈ايه رد فعل رعد لليامن على اللى قاله ؟؟؟والحكايه بينهم انتهت قبل ماتبدا ولا القدر هيكون ليه راى تانى؟؟؟

🌹🌹🌹🌹🌹🌹🌹🌹🌹🌹🌹

💞تفاعلكم وتشجعيكم ليه هو اللى هينجح روايتى وياريت القاري الصامت ميقراش ويجرى💞

💗دومتم سالمين 💗
😘 بحبكم كلكم ياأحلى فانز 😘
البارت العشرين 😘 من روايه عذاب رعد

🌷كلنا حاملون للعيوب ولولا رداء من الله اسمه الستر لأنحنت اعناقنا من شده الخجل فلا تعيب والعيب فيك🌷

                            🌹 قراءه ممتعه 🌹

رعد بصدمه... انت بتقول ايه
يامن بعنف ..بقول مش عايز اكون فى الفريق معاكى وعايز اكون مع حد تانى
رعد...الصدمه لجمتها أكتر

كرم قرب عليه وبغضب وصوت عالى ...انت مين عشان تقول للمقدم رعد انك مش عايز تبقا معاها دا الكل بيتمناء يسمع كدا بس انت انسان غبى ...بغبائك بترفض اكبر عرض ممكن يجيلك فى حياتك

يامن بعنف اكتر..وانا مش عايز العرض ده أفضل أكون غبى ولا انى اكون معاها ولسه هيمشى ويسبهم

رعد بحزن وشبه قوه...ملازم يامن انت رايح فين انا مخلصتش كلامى وانت ازاى تمشى من غير ما أذنلك

يامن وقف مكانه وبصوت كله عنف تمام انا واقف مكانى اهوا بس ده مش هغير حاجه فى الموضوع

كرم هجم عليه ومسكه من لياقه قميصه ..انت ازاى تتكلم كدا مع المقدم رعد انت اتجننت ولا ايه ولسه هيضربه..رعد فصلت مابينهم وبقوه وتحذير لكرم...خلاص ابعد ياكرم...وانت ياملازم يامن ..اعتبر نفسك مش فى الفريق معايه.وهااخد اى حد تانى مكانك ...وبصوت عالى للكل ...تقدورا تمشو دلوقتى وهيوصل لكل واحد تفاصيل عن شغله ...الكل خرج وهى كمان خرجت ومعاها كرم اللى هيتجنن من سكوت رعد عشان مااخدتشى موقف من يامن وسابته يطاول عليها كدا

رعد دخلت مكتبها وهى فى قمه الحزن للى حصل من شويه وكرم دخل وراها ...وبسؤال وتعنيف ممكن اعرف مااخدتيش رد فعل ليه على اللى هو عمله وليه خلتيه يتجرا عليكى فى الكلام كدا

رعد بحزن ...ممكن تسبنى دلوقتى لو سمحت عايزه افضل لوحدى شويه ممكن

كرم من منظرها زعل عشانها وبحب ..طب خلينى معاكى وانا مش هتكلم بس افضل معاكى

رعد ...معلشى سبنى مع نفسى شويه محتاجه ل ده
كرم بتفهم...ممكن بس شويه صغيرين وهرجعلك

بعد خروج كرم... رعد فضلت تفتكر فى اللى حصل بينها وبين يامن من اول ماعرفته لغيت موقف النهارده ...ولنفسها معقوله يكون كل اللى فى دماغى ده وهم وانا عادى بالنسباله وانا اللى فكره انه بيحبنى ..بس هو قالى امبارح ...لو بعدت هيبقا غصب عنى ...أنا لازم اعرف ايه اللى حصل عشان يرفض انه يكون معايه فى الفريق دا كان بيتمنى يكون معايه فى اي مكان اكون انا فيه ...انا لازم اروحله دلوقتى وافهم منه كل حاجه

وفعلا راحتله ولقت معاه شويه من الفريق ..الكل اول ماشفها قام وعملها التحيه حتى يامن ...وبأمر للكل ..الكل يخرج ماعدا يامن ..

بعد خروج الكل ...
رعد بسؤال ليامن ...ممكن اعرف رفضت تكون معايه فى الفريق ليه

يامن بعنف وغضب..عشان انا مش عايز اكون معاكى فى الفريق ولا انتى أخدتى ان الكل يكون تحت امرك وان مفيش حد يرفض أوامرك ...بس انا بقولك اهوا انا مش عايز اكون معاكى فى اى مكان لانى مش حابب ده ابدا ..وادلها ضهره

رعد قربت منه وهو مديها ضهره وبحب ظاهر وهدوء...ممكن اعرف مالك وايه اللى مضايقك كدا قولى وشاركنى فى اللى عندك  انا هساعدك مهما يكون صدقنى هساعدك

يامن ضربات قلبه زاده بشده من قربها وكلامها بشكل ده ...بص وراه مره واحده ولقاها قريبه منه ...وباين على وشها الحب والصدق

رعد بصتله و برجاء ...أرجوك احكيلى وانا اساعدك انا مش قادره اشوفك مضايق كدا و بترفع ايدها الاتنين عشان تمسك دراعه ...يامن ذق ايد رعد بعنف عشان يحمى نفسه من قربها منه وميضعفش من كلامها...ولاسف رعد متوقعتشى ابدا انه يزق ايدها بشكل ده فوقعت نص واقعه على الارض...ويامن وطى عليها بسرعه هو متوقعش ابدا أنها توقع ومكنش عايز كدا هو كان بيبعدها عنه بس...وبأسف انا اسف مقصدتش ...

رعد مصدومه منه والدموع لمعت فى عنيها وبحزن  لدرجادى قربى منك مضايقك وعايز تبعد عنى بس انا اللى اسفه انى جيتلك أسفه اوى وقامت وهتخرج ..وقفت للحظه كانت فاكره يامن هيوقفها ويمنعها تخرج ويصالحها ...بس هو وقف مكانه ...وهى بصتله قبل ماتخرج ودموعها نزلت على خدها ..وبصوت خافت وحزين...أوعدك ان ده مش هيحصل تانى ابدا...سابته وخرجت من الجهاز كله لانها مش عايزه حد يشوفها كدا وراحت لمكانها اللى لما بتكون مضايقه بتقعد فيه عذاب رعد بقلمى دى دى فتحى...اللهم اسالك الفردوس لوالدى
@@@@@@@@@@@@@

عند جاسر
جاسر اتصل على سرايه ..عشان تجيله ..وبعد وصولها

جاسر بعنف وغضب ..انا عايز اعرف احنا اتفقنا على ايه وايه اللى بين يامن ورعد اتكلمى واياكى تكدبى عليه فاهمه اياكى تكدبى

سرايه بخوف...مفيش حاجه ابدا بينها وبينه
جاسر بشر ...واحنا اتفقنا على ايه تقدرى تقوليلى

سرايه ..اسلمك رعد عن طريق يامن عشان تنتقم منها وتدينى عشره مليون مقابل كدا

جاسر بشر وغضب مسكها من رقبتها...واضح انك هتسلمهالى وبشر اكتر امال نونوس عين امه حماها منى ليه النهارده لما روحت اخدها تقدرى تفهمينى ليه

سرايه بتحاول تخلص رقبتها من ايد جاسر ...وبصوت مكتوم ارجوك سبنى وانا هوصل للحقيقه ..ارجوك سبنى ...جاسر زقها بعنف وقعت على الارض ..وبكره لها قدامك 48 ساعه لو رعد مكنتش تحت ايدى قولى على نفسك يارحمان يارحيم فاهمه

سرايه بخوف..طب ادينى وقت اكتر من كدا يامن عمره ماهيخلف وعده معايه ابدا بس ادينى فرصه بس

جاسر انا قولت 48 ساعه يعنى 48 ساعه ويله غورى من وشى الساعه دى غورى

بعد ماسرايه خرجت ...جاسر بشر والله لازم أندمك يارعد على اليوم اللى فكرتى تنتقمى منى فيه وانت يايامن الكلب لازم اربيك على اللى انت عملته النهارده

@@@@@@@@@@@@@@@

يامن ...خرج وراها عشان يعتذر منها على اللى حصل ولنفسه لازم اعتذر منها وافضل ثابت على موقفى...خرج وراها بعربيته ...لقاها اقعده وسانده على عربيتها وبتعيط بصمت ..وهو شايفها وقلبه بيتقطع عليها وعلى دموعها اللى هو السبب فيها ...هو انا صحيح عايز أنتقم منها ...بس ليه دموعها دى وجعانى اوى كدا ...

رعد فضلت تعيط وتعيط لغيت لما نامت وهى سانده على عربيتها كل ده تحت انظار يامن اللى هيموت ويخدها فى حضنه وبيفتكر فى احداث امبارح بالليل...اللى عاشها بكل تفاصيلها ورعد كانت مفكرها ان هو نايم بس هو كان صاحى وحاسس بيها جدا واتعمد يقولها لو سايبتك يبقى غصب عنى وبعدها عمل نفسه نايم عشان مش هيقدر يواجهها ابدا ...وغمض عنيه بكل بوجع على حبه لحبيبته وعلى اللى هما فيه ...بس ازاى يتجمعوا سوا وأمه بتكرها وعيزه تنتقم منها وازاى يتجوزها وهى قتلت ابوه واخوه ازاى..دا مش ممكن دا مستحيل ..كل ده ورعد نايمه مكانها...

يامن ...خلاص معدتش قادر يستحمل نومها فى البرد كدا انا لازم ي
اروحلها وأصحيها ...قرب منها وبهمس رعد رعد ...فتحت عنيها ببط شديد كانت فاكره نفسها بتحلم بس فتحت عنيها اكتر وعرفت انه حقيقه ...ولنفسها اكيد يامن جاى يعتذر منى ويقولى سبب رفضه انه ميكونش معايه فى الفريق ...رعد مستنياه يتكلم ويقولها انا اسف ياحبيبتى كان غصب عنى وانا مقدرش استغنى عنك ابدا

يامن كان رايح وراها عشان يعتذر منها فعلا ...بس لسانه قال غير اللى فى قلبه وبصوت هادى...ممكن تقومى عشان مينفعشى تنامى كدا

رعد اترسم جواها امل ...وبهدوء وعتاب لو انت خايف عليه مكنتش اختارت تكون فى مكان غير اللى انا فيه ...ومكنتش زقتنى لما حاولت اقرب منك

يامن بهروب من مشاعره ...انا اسف مكنتش اقصد ازقك بس انا لسه عندى موقفى ومش هكون ضمن فريقك

رعد بهدوء...طب ممكن اعرف ليه

يامن بدون تفكير...عشان جى جى خطيبتى مش عيزانى اكون معاكى فى مكان واحد وانا بصراحه بحبها ومقدرش ازعلها

رعد بصدمه ووجع... خطيبتك ازاى وبتحبها ازاى ...طب وكلامك ليه وخوفك عليه ده ايه واللى حصل بينا فى البيت المهجور ده ايه

يامن بهروب ..اعتبريه رغبه مش اكتر حاجه كنت محروم منها لان خطيبتى مش معايه

رعد بوجع ودموع ...وانا كنت مصدر لتشبيع رغبتك دى يعنى كل اللى حصل بينا عشان تشبع رغبتك

يامن بوحع بيحاول يداريه...ايوا مش اكتر من كدا وانا مش عارف انتى فهمتى ايه

رعد بتحاول تقوم عشان تمشى بس مش قادره حاسه ان رجليها مش شيلاها واعصابه سايبه ...بس لازم تقوم لانها مش هستحمل كلام تانى اكتر من كدا ...قامت بالعافيه وايديها بيترتعش من شدده المها وسرحانه وبتفكر يعنى كل ده كان رغبه معقوله وانا اللى وهمت نفسى انه بيحبنى يعنى لتانى مره أنخدع فى الشخص اللى انا بحبه معقوله زمان مؤمن ودلوقتى يامن ...وانا اللى كنت فكراها بيحبنى وهيحمينى من الدنيا كلها ..وانا كمان محرمتش وسلمتله قلبى بعد ماقفلته عشر سنين...عشان منجرحش تانى ...حتى عدى وكل محاولاته مقدرش يفتحه وده اللى فتحه وكنت انا رغبه بالنسباله

كل ده رعد بتفكر فيه وهى واقفه وبتبص ليامن اللى واقف ومديها ضهره هروب من عيونها وموجهتها

رعد بتحاول تفتح باب العربيه عشان تمشى وايديها وجسمها فيهم رعشه بسيطه من الخوف وحاسه انها هترجع للحاله اللى كانت بتجلها من عشر سنين بسبب خوفها من ابوها وجاسر...بتحاول تفتح الباب ومش قادره حتى تفتحه

يامن كان عايز يعيط ويصرخ ويقولها ...انتى حبيبتى انتى كل حياتى انتى عمرى كله انا من غيرك هموت...و جى جى دى بالنسبالى ولا شئ..بس لاسف مقدرش يقول حاجه من دى ابدا ...وقرب من رعد وبصوت حزين..تعالى اركبى معايه انا هوصلك ...رعد زقت ايده بعنف وبصوت مميت...ابعد عنى ابعد وفتحت الباب وركبت ..عذاب رعد بقلمى دى دى فتحى...اللهم اسالك الفردوس لوالدى

يامن بخوف حقيقى عليها ...مش هسيبك تسوقى وانتى كدا انا هركب معاكى ولسه بيلف عشان يركب معاها رعد طارت بعربيتها بحاله شبه الاموات

يامن بصريخ استنى يامجنونه استنى ...بس رعد كانت مشت بعربيتها وهو ركب عربيته وساق بسرعه عشان يلحقها ويوقفها

رعد سايقه عربيتها...وبتفتكر... احداث حياتها ...شريط حياتها شغال قدام عنيها من أول حرمنها من امها وأقسوه ابوها عليها ...ومؤمن اللى أتخلى عنها ...وجاسر اللى أتجوزها بالعافيه وعذبها ...وفتره اقعدتها فى المستشفى 

..واقعدها من اللواء صبرى وكره دينا لها بسبب حب مؤمن لرعد اللى دينا اكتشفته بعد كدا...واقعدتها لوحدها وعذبها فى وحداتها...وضحياتها فى شغلها عشان اصحابهاوكل اللى تعرفهم...هى صحيح محدش يقدر يكسر كلامها والكل بيخاف منها ...بس هى انسانه اتحرمت من الحنان والحب عايزه حد يحبها بجد ..وكانت فكره يامن...تفكيرها وقف عند كدا...وصوت جواها بيكلمها ...كنتى فاكراه ايه بيحبك ..لا فوقى انتى كنتى عنده رغبه مش اكتر من كدا...زيه زى جاسر بالظبط...فاهمه زيه زى جاسر بالظبط..وهتفضلى وحيده كدا محدش هيحبك حتى عدى لو كان ارتبط بيكى كان هيسيبك كمان...انتى محدش بيحبك فاهمه محدش بيحبك...

كل ده ورعد سايقه عربيتها وخلاص معدتشى شايفه قدامها من كتر العياط ...يامن كان وصلها وبصريخ وهو فى عربيته ... حاااسبى يااارعد حاااسبى 😓

@@@@@@@@@@@@@@

💞البارت انتهاء✋ نكمل بكره ان شاء الله👐

👌توقعاتكم👇

👈لالا مش هقدره اسال اتوقعوا انتم اللى هيحصل لرعد؟😭😭😭😭😭

                        🌹🌹🌹🌹🌹🌹🌹
عذاب رعد بقلمى دى دى فتحى ...اللهم اسالك الفردوس لوالدى
💓دومتم سالمين 💓
💋بحبكم كلكم 💋

😘ياريت يااحلى فانز تناقشونى وعيزه تحليلكم وبلاش تقروا فى صمت لانى بتعب فى الحلقه كتير يعنى اقل حاجه تقدرونى وتتحللوا الاحداث وتناقشونى فيها 😘

😓اسيبكم بقا تتوقعوا ايه اللى هيحصل😓