٢١و٢٢
البارت الحادى والعشرون 😍 من روايه عذاب رعد
👐لا اله الا الله الحليم الكريم لا اله الا الله العلى العظيم لا اله الا الله رب السموات السبع رب العرش العظيم 👐
💞 قراءه ممتعه 💞
رعد خلاص معدتشى شايفه قدامها من كتر العياط ..يامن كان وصلها وبصريخ وهو فى العربيه حاسبى يارعد حاسبى...لاسف رعد مكنتشى مركزه ولا سامعه صريخ يامن كل اللى هى سمعاه..الهاتف اللى جوايه محدش بيحبك ...ولاسف ظهرت عربيه قدامها فجاه وهى معرفتش تعمل ايه فرملت جامد بعربيتها ودخلت فى شجره كبيره ...ودمغها اتخبطت جامد
يامن نزل من عربيته بسرعه وجرى عليها...والناس كمان اتلمت عليها...يامن فتح باب عربيتها ورعد كانت سانده دمغها اللى بتنزف بشده على دريكسون العربيه ...يامن شدها وضمها جامد لحضنه ..وبخوف ودموع ..رعد رعد افتحى عنيك يارعد افتحى عينك
رعد بتفتح عنيها بين الدم اللى نازل وبصوت كل تعب ووجع سبنى اموت انا محدش بيحبنى سبنى اموت وغمضت عنيها...يامن بصريخ فوقى يارعد فوقى انتى حبيبتى وامى وابويه وكل دنيتى فوقى ياقلب يامن ودنيته فوقى بس لاسف رعد مافقتشى
يامن الناس سعدتته وودو رعد المستشفى ...والدكتور خيطلها دماغها وكمان جزء صغير من جبينها ودخلها فى غرفه عاديه...رعد كانت نايمه ويامن كان جنبها وماسك ايدها وبدموع أنا اسف يارعد انا اسف والله غصب عنى ارجوك سامحينى انا السبب فى اللى حصلك
بعد وقت...الدكتور جه عشان يطمن عليها وقال ليامن ان الجرح اللى فى دماغها كبير ولزمها راحه تامه فخلى بالك منها ولازم تتغذا كويس لانها نزفت كتير وبجديه ليامن ...لواهملت فى تغذيتها او عملت مجهود ممكن يحصلها مضاعفات ..فلازم التغذيه الكويسه والراحه التامه
يامن بخوف ظاهر ..ان شاء الله مش هيحصلها حاجه ابدا
وبعد خروج الدكتور...يامن بدموع انا اللى عملت فيكى كدا انا جرحتك اوى ..وانتى اكيد شوفتى كتير فى حياتك عشان كدا مستحملتيش جرحى ليكى ...بس اوعدك ومسك ايدها انى مش هسمح لحد ياذيكى تانى حتى لو كنت انا او امى وامى لازم تسمحك وتغفرلك وتشيل فكره الانتقام دى من دماغها انتى اكيد كنتى مجبوره على كدا بحكم شغلك..وبعد وقت وهو بيكلمها وبيعاتب نفسه نام على الكرسى جنبها
رعد فاقت الفجر ولقيته جنبها بصتله بعتاب وحزن وبوجع لنفسها وهى باصه ليامن لو تعرف كلامك وجعنى وجرحنى اد ايه مكنتش قولته ابدا...بس انا لازم امشى قبل ماتصحا...وفعلا مشت ودخلت بيتها بكل وجع وحزن هى تعبانه ومحدش حاسس بيها ابدا وفكرت تروح عند كرم...بس فى الاخر رجعت فى كلامها بحجه انها مش عايزه تزيد عليه ...كفايه المشاكل اللى عنده ...طلعت لاوضتها ونامت ودموعها مغرقه وشها ولنفسها...ليه الكل بيعذبنى كدا ليه محدش بيحبنى ليه وفضلت تفكر لغيت لما ذهبت فى ثبات عميق
صحت من نومها بتعب والم وقررت تروح شغلها برغم تعبها والمها بس هى لازم تروح عشان تعرف سر اختفاء اللواء صبرى واصحابها ..هى صحيح دمغها مجروحه وبتوجعها...بس مش اكتر من وجع قلبها..هى كانت عيزه تاخد اجازه عشان ميبانش عليها تعبها ..بس فكره ان اللواء صبرى واصحابها مختفين كفيله انها تلغى فكره الاجازه دى عذاب رعد بقلمى دى دى فتحى ...اللهم اسالك الفردوس لوالدى
وفعلا رعد اخدت مسكن عشان جرح دماغها واخدته من غير ماتاكل اى حاجه وراحت الجهاز وهى بتحاول تدارى تعبها على اد ماتقدر
يامن فاق ملقاش رعد على سريرها خاف عليها..وخرج يدور عليها وسأل الممرضه عليها فقالتله انها بعد اصرار منها صممت تمشى بعد الفجر ...مع انى والله يافندم حظرتها كتير ان كدا غلط على صحتها بس هى صممت تمشى ومشت
يامن انصدم لما عرف انها خرجت وهى تعبانه كدا ولنفسه اكيد راحت بيتها عشان ترتاح فيه ..لازم اروحلها عشان افضل جنبها واهتم بيها
يامن راح بيت رعد وخبطت كتير محدش رد فخاف عليها يكون مغمى عليها وتعبانه...فكسر الزجاج بتاع الريسبش اللى بيطل على الجنيه عن طريق شباك زجاج ضد الرصاص والكسر ويامن فضلت يحاول فيه كتير لغيت لما كسره وطلع يجرى يدور فوق دخل اوضه وكانت اوضه الرياضه بتاعت رعد ...ودخل الاوضه التانيه اللى هى اوضه النوم بتاعت رعد...وانبهر من جمال الاوضه وراحتها اللى خطفت نفسه واتمناء يعيش هما الاتنين فيها طول العمر ...وهو بيدور بعنيه فى الاوضه لفت نظره هدوم رعد اللى كلها دم ..فكرها فى الحمام ..خبطت عليها و اما مردتشى فتحه واتاكد ان مفيش حد جواه
وبصدمه لنفسه استحاله تكون راحت الجهاز هى تعبانه جدا واكيد مرحتشى بس انا لازم اتاكد من كدا قبل ماادور عليها...بس لازم اغير هدومى دى بسرعه الاول ومش لازم اروح البيت عشان امى وجى جى انا هروح اغير عند ادهم ولا سالنى هقوله واحد صحبى عمل حادثه ...يامن فعلا عمل كدا وراح الجهاز
رعد فى مكتبها استدعيت كرم ..اللى اول ماشفها اتخض عليها وخاف عليها جدا .وجرى عليها..ومسك وشها وبحب اخوى... رعد مالك ووشك اصفر كدا ليه وايه اللى فى جبينك ده ..ومشفش طبعا جرح دمغها لارعد كانت مخبيها بشعرها
رعد وهى بتدارى تعبها ..ده ولاحاجه انا بس اتخبطت
كرم بخوف ظاهر وعدم تصديقك ارجوكى عرفينى ايه اللى...رعد بمقاطعه بطل قلقك ده انا كويسه ممكن تقولى ايه اللى حصل وانت مخبى عليه ايه ...واللواء صبرى ومومن وعدى فين عذاب رعد بقلم دى دى فتحى
كرم بحزن لاسف ...مش موجودين
رعد ..اه انا عارفه انهم مش موجودين بس هما فين
كرم بحزن اكتر ...جاسر حاجزهم عنده
رعد بصدمه ...ايه جاسر طب ازاى اكيد عشان معرفش يخطفنى فأخدتهم عشان اسلمه نفسى مش كدا
كرم بخوف ..ايه يخطفك ازاى يعنى
رعد حكاتله على كل حاجه وان يامن ساعدها بس طبعا من غير ذكر تفاصيل كتير
كرم بحزن ..انا اسف يارعد انى مكنتش معاكى وانقذتك منه
رعد بحب وتعب بتداريه ...ولايهمك المهم تكون انت وملك كويسين...كرم بحزن وهى فين ملك ...رعد بسؤال ..يعنى ايه امال هى فين دلوقتى
كرم حكلها عن كل اللى حصل والرساله اللى ملك حكتله فيها ان عدنان هو االلى كان السبب فى كدا
رعد بحزن...ياااه كل ده حصل معاها واحنا ظلمناها بس وحيات حبكم اللى ادمر بسبب كلب زى ده لازم يشوف العذاب اشكال والوان
كرم بحزن ...لاسف يارعد المعلمه وعدنان هربوا ...رعد قامت واقفت مره واحده وكانت هتقع كرم سندها ...وبعنف يعنى ايه هربوا انتوا بتهزروا صح
كرم ..اهدى بس يارعد اهدى
رعد انا عيزه اعرف كل حاجه ...كرم حكالها عن كل اللى يعرفه وان عدى ومؤمن كانوا راحين يقبضوا على المعلمه وعدنان وكانوا مستخبين عند جاسر وجاسر غدر ب عدى ومومن
رعد بقوه مخلوطه بتعب...روح بلغ اكبر الضباط وهاتلى الخمسه اللى انا اختارتهم ...وبلغهم انى عيزاهم فى قاعه الاجتماعات حالا
كرم بس انا شايفك تعبانه ارتاحى النهارده ونأجلها لبكره
رعد بتصميم ...لا انا بقيت كويسه ويله نفذ الاوامر حالا
بعد خروج كرم...رعد لنفسها ياااه كل ده يحصل وانا مش موجوده ...اللى حصل مع ملك وهروب المعلمه وعدنان وكمان اختفاء اللواء صبرى ومومن وعدى..كل ده ل...قاطع تفكيرها خبط الباب ...وكان يامن...اللى الصدمه لجمته ..انها فعلن فى مكتبها ..وبصدمه مش ممكن!!! ممكن اعرف انتى بتعملى ايه
رعد بتعب بتداريه...أعتقد انك اخر شخص ليه الحق يسالنى عن حاجه
يامن ...بحزن أرجوكى انتى تعبانه انتى لازم ترتاحى عشان جرحك وكمان تتغذي كويس الدكتور قال ...انك لو متغذتيش كويس وعرضتى نفسك لمجهود ممكن يحصلك مضاعفات
رعد باستهزاء...وانت خايف عليه مش كدا...بس انا احب اطمنك ان الوجع اللى انت سببته فى قلبى اكبر بكتير من الجرح اللى فى دماغى ويله امشى دلوقتى عشان ورايه شغل كتير
يامن بتصميم ..مش همشى وانتى لازم تيجى معايه وترتاحى
رعد بشبه قوه...انا فعلا همشى واروح قاعه الاجتماعات عشان ورايه اجتماع ...وسابته ومشت...ودينا قابلت رعد فى الطرقه ..وبهجوم وغضب ...شوفى بيحصلى ايه بسببك.. يعنى أبويه وجوزى متخفين بسببك... انتى اساسا سبب كل حاجه وحشه فى حياتنا
رعد بهدوء عكس اللى جواها ...ممكن تهدى عشان انا لسه عارفه بالموضوع ده دلوقتى ...وان شاء الله هعمل خطه وهنقذهم ...دينا بغضب اكتر ...انتى ايه ياشيخه جوزى وابويه بيضحوا عشانك ليه ...انتى اساسا أنانيه وخساره اى حد يضحى عشانك ...وبعنف ممكن تعرفينى انتى ناويه على ايه.بالضبط..رعد بقوه وعنف لاول مره مع دينا...اتفضلى روحى على مكتبك دلوقتى وابعدى عن وشى الساعه دى وبصوت عالى ابعدى يله عن وشى...دينا خافت من شكلها وهى متعصبه كدا...ومشت من قدامها من غير كلام تانى
يامن بحزن بعد مارعد خرجت ..انا اللى عملت فيكى كدا انا السبب بس مش هسمحلك تأذى نفسك اكتر من كدا ولا حد يأذيكى
رعد دخلت قاعه الاجتماعات وبتحاول تدارى تعبها والمها...والكل اول ماشفها قلق عليها وبخوف وسؤال من الكل...خير يافندم ايه اللى حصلك
رعد بشكر...انا متشكره على اهتمامك وانا كويسه اطمنوا...المهم احنا عايزين نحط خطه لتنفيذ عمليه الهجوم على المعلمه واللى معاها ونخلص اللواء صبرى والرائد عدى والنقيب مومن من تحت ايدهم وانا اخدت المعلمومات اللى النقيب كرم مجمعها وقدرت اوصل لمكانهم
رعد فضلت تشرحلهم خطه الهجوم واتفقت معاهم ان خطه الهجوم تكون النهارده برغم من اعتراض الكل عشان تعبها بس هى رفضت واخدت قرارها واطروا يوافقها الراى
رعد خلصت شغلها وكانت خلاص معدتشى قادره من التعب والم دماغها بس لازم تقاوم عشان تنفذ خطه الهجوم حتى لو كان على حسابها المهم اصحابها تنقذهم من تحت ايد جاسر اللى مرعوبه من مواجهته بس كون اصحابها جنبها فا دى حاجه مطمناه ...مع ان كان فى نفسها يامن يكون موجود معاها عشان تحس بالامان اكتر فى وجوده...بس خلاص هو اختار يجرحها ويبعد عنها
روحت بيتها بتعب عشان تجهز نفسها لتنفيذ العمليه ...وهى بتجهز نفسها الباب خبط وكان يامن وجايب معاه اكل لرعد اللى عارف ومتاكد انها مااكلتشى حاجه طول اليوم ...
يامن بسؤال...ممكن اعرف انتى بتعملى فى نفسك كدا ليه
رعد وقفه وسانده على الباب بتعب ظاهر ..أظن ده ميخصكاش ويله امشى عشان مش فاضيه ليك
يامن تجاهل كلامها ودخل قعد...رعد على فكره انا مقولتش ادخل ...يامن ..على فكره انا عارف بس لو انتى اكلتى هخرج واسيبك براحتك
رعد باستغراب وهجوم ...انت ايه بالضبط عايز منى ايه شويه تقرب وشويه تبعد ...بس انا اكتفيت وتعبت ولوسمحت اخرج بره يله ...يامن لسه هيرد تليفون رعد رن وكان كرم.. رعد لكرم ..قولتلك انا كويسه واقدر انفذ المهمه...جاسر ده لازم يقف عند حدوده ويعرف هو حاجز مين عنده ..المهم انتوا تكونوا جاهزين فى الميعاد... وقفلت الخط عذاب رعد بقلمى دى دى فتحى ...اللهم اسالك الفردوس لوالدى
يامن بصدمه...مش ممكن انتى عايزه تطلعى عمليه وانتى كدا استحاله يحصل على جثتى انتى فاهمه... وتقدرى تقوليلى ازاى هتواجهى جاسر
رعد بعنف ...اكيد هواجه وبتبصله زيه زى اي خاين وغشاش وجه الوقت عشان انتقم منه
يامن بخوف عليها وقرب منها..ارجوكى انتى تعبانه ارتاحى النهارده وانا هطلع معاكم
رعد بعنف بعددته عنها ..هوانت فاكر انك هتحمينى انا هحمى نفسى كويس منه لانه خاين زيك بالظبط
يامن قرب منها تانى..بس انا مش خاين ابدا انا غصب عنى انا...رعد بمقاطعه ..انا مش عايزه اعرف حاجه واللى غصبك انك تسمع كلامه وتلعب مع المقدم رعد انا هعرف اوصله كويس ..عشان يواجهنى بدل ما بيحارب من بعيد ومخليك انت فى النص...وراحت عند الباب وفتحهوله بمعنى اخرج ...ويامن تجاهل فتحها للباب وقعد تانى...قولتلك مش همشى ...غير لما تاكلى وترتاحى فى سريرك وبدا يطلع فى الاكل ورعد تجاهلت ده..وطلعت لاوضتها تكمل تجهيز نفسها عشان تطلع المهمه لانقاذ اصحابها خلصت واخدت سلاحها ولسه هتخرج...لقت يامن واقف وساند ايديه على الباب ...وبهدوء قولتلك على جثتى لو خرجتى فاهمه
رعد بتجاهل وبتزقه..قولتلك ابعد عنى ومش انتى اللى هتمنعنى من حاجه انا عيزه اعملها
يامن بارجاء وخوف..ارجوكى يارعد متعذبنيش اكتر من كدا ارجوكى انتى لو خرجتى وانتى تعبانه كدا مش هتقدرى تقاومى ابدا وممكن يحصلك حاجه ارجوكى بلاش تخرجى وبعنف ولو صممتى يبقا على جثتى فاهمه ...رعد زقته عشان تخرج
ويامن من غير تفكير...شد سلاحها منها ومسكه ووجهه على صدره ...يبقا انتى اللى اختارتى...وفى لحظه كان ضارب نفسه طلقه وجت فى صدره ...رعد بخوف وصريخ عملت فى نفسك يامجنون عملت ايه....يامن بتعب وهو بينزف ...ووجه المسدس تانى على دماغه ...يا اما تلغى العمليه يااما الطلقه الجايه هتكون فى دماغى
@@@@@@@@@@@@@@
👏البارت انتهاء✋
انتظروا منى يا أحلى فانز حلقه تانيه بالليل هديه منى ليكم وهتكون كلها رومانسيه💗💗 وهيييبببح بقا 💓💓💓والله هروقكم 😂😂😂فى حلقه بالليل ...يله بقا تفاعل حلو كدا وكومنتات كتيييير شجعونى عشان اخلصها بسرعه وانزلها
🌹🌹🌹🌹🌹🌹🌹🌹🌹🌹🌹
👸دومتم سالمين👸
💋بحبكم كلكم💋
🌷🌷🌷البارت الهديه اللى انا وعدتكم بيه🌷🌷🌷
البارت الثانى والعشرون 😍 من روايه عذاب رعد
الللهم أجعلنا عند النعماء من الشاكرين وعند البلاء من الصابرين ولك فى جميع أمورنا ذاكرين 👐
🌲 قراءه ممتعه 🌲
يامن من غير تفكير شد سلاحها ووجهه على صدره ...وقالها يبقا انتى اللى اختارتى ....وفى لحظه كان ضارب نفسه برصاص وجت فى صدره
رعد بصريخ عملت ايه يامجنون عملت ايه
يامن بوجع وجرحه بينزف ..قولتلك على جثتى لو خرجتى وتضحى بنفسك وتروحى لجاسر برجليكى وانتى تعبانه كدا... وانتى اللى اختارتى
رعد جرت وجابت علبه الاسعافات عشان توقفله النزيف وبدموع تعاله اقعد عشان اوقفلك النزيف واطلعلك الرصاصه ...يامن زقها وهو مازال على وضعه ...مش هتعملى حاجه غير لما تلغى العمليه وتأكلى وترتاحى
رعد ...خلينى اشوفلك جرحك الاول ..يامن وجهه المسدس تانى على دماغه الغى العمليه والا المره دى هتكون فى دماغى على الاقل ارتاح من اللى انا فيه
رعد بذهول من تفكيره وبدموع ...انت مجنون ابعد البتاع ده وبتحاول تشد المسدس من ايده ..يامن زقها وبتحذير ...قدامك دقيقه واحده يااما تلغى العمليه ..يااما الطلقه الجايه هتكون فى دماغى...رعد بخوف عليه ماشى ماشى انا موافقه بس خلينى اربطلك جرحك الاول..يامن باصرار..لا اتصلى الاول وكولى وبعدين اربطيه
رعد بخوف اكتر ...مسكت التليفون وهى عنيها على يامن...كلمت كرم وبلغته بتاجيل العمليه عشان حاسه انها تعبانه
كرم بخوف عليها...طيب انا هجيلك حالا أوديكى المستشفى...رعد بسرعه لالا خليك أنا هاخد حبوب مسكنه وهنام ...بس انت بلغ الفريق اللى كان هيطلع معانا بتاجيل
كرم...ماشى هبلغهم بس خلى بالك من نفسك ..ولو احتاجتى اى حاجه اتصلى عليه على طول...رعد اكيد بس انت متقلقش
رعد بعد ماقفلت مع كرم...وبدموع ممكن اربطلك بقا جرحك...يامن بتعب ظاهر ..لا مش اقبل ماتأكلى...رعد بدموع اكتر...والله هاكل بس خلينى أطلعلك الرصاصه واوقفلك النزيف ارجوك...وقربت منه واقعدته على الكنبه اللى فى اوضه النوم بتاعتها...وبوجع ودموع ممكن تغمض عينك واستحمل شويه عشان اطلعلك الرصاصه لان مش هينفع اوديك المستشفى...
يامن بحب وتعب...تعرفى أنا مبسوط عشان ضربت نفسى الرصاصه دى ..رعد بدموع..انت مجنون ازاى تقول كدا وانت موجوع بشكل ده...يامن ..عشان انا وجعتك وجرحتك خلينى أتوجعك انا كمان
رعد هشش ممكن تغمض عنيك بقا..يامن بوجع ..ومن غير كلام تانى غمض عنيه...ورعد سخنت سكينه وبتحاول تطلع الرصاصه من كتفه واول ماغرست السكينه فى الجرح ..يامن صرخ بصوته كله وأغمى عليه...رعد بوجع ودموع ..كملت اللى هى بدأته وطلعت الرصاصه وعقمتله الجرح وربطتهوله...وعدلتله ووضعه عشان يعرف ينام كويس...وفضلت تبصله كتير وهو نايم على الكنبه لغيت لما ذهبت فى ثبات عميق على الكرسى اللى جنبه
وصحيت بعد وقت على صوت يامن وهو بيخترف من ارتفاع سخونيته...والله بحبك يارعد وهبعد غصب عنى ..رعد لنفسها طب مين اللى غصبه وعيزين يبعدوه عنى ليه وهو لوبيحبنى بجد ليه مايدافعش عن حبه..قامت ولامت نفسها عشان نامت وسبته بس غصب عنها هى كمان تعبانه ومااكلتش حاجه من امبارح وفضلت تعمله فى كمدات لغيت الصبح
وكرم اتصل عشان يطمن عليها وقالها انه هياخدلها اجازه النهارده من الشغل عشان ترتاح وهى طبعا وافقت عشان تفضل جنب يامن وبلغته بميعاد العمليه بكره بالليل عشان تنقذ اللواء صبرى واصحابها ....كرم اعترض بس مع اصرار رعد اطرا يوافق عذاب رعد بقلمى دى دى فتحى...اللهم اسالك الفردوس لوالدى
رعد فضلت جنب يامن تعمله كمدات لغيت لما صحى ولقاها صاحيه وباين عليها التعب اللى بتحاول تداريه ووشها الشاحب من قله الاكل والنوم
يامن بيحاول يقوم وهى بتحاول تثبته مكانه بايديها..وبتعب ارجوك اخليك مرتاح وقولى عايز ايه وانا اعملهولك
يامن بعنف ...انا مش عايز منك حاجه ابدا عايزك تبعدى عنى وبس ابعد عنى ...هو مضايق من نفسه عشان كان جيلها عشان يهتم بيها فهى اللى بتهتم بيه وهى تعبانه
رعد الدموع لمعت فى عنيها ...ولسه هتقوم ..يامن شدها وقعدها جنبه ورمى نفسه فى حضنها..وبدموع ارجوكى سامحينى ومتبعديش عنى ارجوكى خليكى جنبى أنا بحبك اوى اوى ارجوكى خليكى جنبى
رعد بدموع ...وهو فى حضنها..انا اللى كل اما اقرب منك انت بتبعدنى عنك
يامن ...بدموع اكتر والله غصب عنى ارجوكى خليكى معايه ارجوكى
رعد بحب وخوف عليه..طب احكيلى وانا هساعدك وخلينى اواجه اللى غصبك على كدا وبلاش انت تبقا فى الموضوع...ورفعت وشه ومسكته بايديها...وبحب ظاهر..انا ليه اعداء كتير بسبب شغلى وعيزين ينتقموا منى ..فخليك انت بره دائره الانتقام دى ..لانى مش عايزه اخسرك ..فاهم مش عايزه اخسرك ابدا ولاهستحمل حد يأذيك بسببى
يامن بحب ودموع...انا مستهلكيش يارعد انا عملت كل حاجه غلط فى حياتى ..انتى تستاهلى حد احسن منى بكتير واقوى منى على الاقل يقدر يحميكى
رعد بحب بس انت عندى احسن حد فى الدنيا كلها ومش عايزه حد تانى وان كان على الحمايه انت حامتنى قبل كدا...وبحب ارتاح انتى وانا هعملك حاجه تاكلها وقامت ولسه هتمشى يامن شدها واقعدها على رجليه...رعد بتحاول تقوم بس يامن مثبتها على رجله ...رعد بحرج ممكن تسبنى عشان اقوم...يامن ممكن اسيبك بس فى حاله واحده ...رعد بحرج من اقعدتها على رجله..ايه هى ...يامن بحب ظاهر..انك تدينى بوسه...رعد بذهول من طلبه انت انت ...يامن بمقاطعه..انا بحبك وبعشقك وعايزك تدينى بوسه اكيييد مش كتير عليه
رعد بحزن ووجع ..وبعدين تقولى رغبه..وبحزن اكتر وبعدين خلى جى جى خطيبتك اللى انت بتحبها خليها تديلك البوسه دى على الاقل هتكون منها احلى ومش هتكون رغبه ..وشددت نفسها منه ونزلت المطبخ
يامن نزل وراها..ممكن اعرف انتى بتعملى ايه وانتى تعبانه
رعد بحزن...لا انا مش تعبانه وبعدين هعملك فطار عشان تفطر...واديته ضهرها..يامن لفها ليه وبحب ممكن اعرف بتهربى منى ليه...رعد والدموع بتلمع فى عنيها عشان قربك ده مش من حقى انا...يامن وهو بيلف وشها ليه امال من حق مين ...رعد بحزن من حق خطيبتك وحبيبتك
جى جى ...يامن بحب اكتر...بس مفيش جى جى فيه رعد قلبى اللى سرقت قلبى من اول ماشفتها هى اللى اتمنتها تبقا خطيبتى وحبيبتى وكل حاجه ليه فى الدنيا
رعد بحزن...ارجوك سبنى وبلاش تلعب بمشاعرى اكتر من كدا ...يامن بحزن والله اللى حصل كان غصب عنى...رعد باعتراض وسؤال..قولتلك احكيلى وانا هساعدك وخليك انت بعيد ...يامن بحب ..هحكيلك كل حاجه بس بلاش دلوقتى عيزك بس تعرفى انى بحبك جدا ومقدرش استغناء عنك ...وبيقرب منها اكتر ..وحشتينى اوى اوى..وبهمس انا موحشتكيش...رعد بهروب لالا ولسه بتبعده عنها...يامن شدها ليه اكتر..امال جتيلى البيت ليه وفضلتى فى حضنى طوال الليل...رعد وشها بقا زى الفراوله من الحرج يعنى انت كنت صاحى..يامن بحب ظاهر..ايوه كنت صاحى..رعد ..طب ليه مقولتليش وعرفتنى..يامن بشوق ...عشان محرمشى نفسى من وجودك جنبى ...
رعد لسه هتمشى من قدامه...يامن شدها جامد والتهم شفايفها بحب وشغف وحرمان والاهم من ده بخوف من بعده عنها تانى ...رعد دابت بين ايديه ..ولفت ايديها حوالين رقبته وبتشده لها بزياده ..ويامن رفعها لمستواها وهو على نفس شراسته ....وبعد وقت رعد بعددته عنها لما حست انه عايز اكتر من البوسه ...وبنفاس متقطعه ممكن تطلع ترتاح عشان اعملك فطار ...يامن باعتراض وبصوت مبحوح ومش عايز يسبها لامش همشى خلينى معاكى انتى كمان تعبانه ...حضروا الفطار سوا وفطروا
يامن بسؤال ..انتى هتروحى الشغل النهارده
رعد بتلقائيه...لا اخدت اجازه عشانك
يامن ..بحب اخدتى اجازه عشانى انا
رعد اخدت بالها من كلامها...قصدى يعنى عشان انا تعبانه
يامن بفرحه ..انا مبسوط اوى انى هقضى اليوم معاكى النهارده ..ايه رايك لو نقضى اليوم بره النهارده ...رعد باعتراض لالا مش هينفع انا بوضعى ده مش هينفع ابدا
يامن بزعل ...قصدك انك تقولى انك المقدم رعد ازاى هتخرج مع واحد زيى صح
رعد قربت منه وهما قاعدين...وبجديه.على فكره انا مش قصدى كدا ابدا...يامن وهو مازال على زعله...امال قصدك ايه...رعد قصدى انى مبخرجشى فى اماكن عامه كتير فصعب انى...يامن بمقاطعه وفهم..انا هوديكى مكان مفهوش حد ابدا غيرنا وهيعجبك جدا...رعد بشرود وحزن ...اكيد كنت بتروحه مع جى جى ...يامن بتفهم وحب...مسك وشها وبهمس جى جى دى تطلعيها من حسابك خالص وبعدين حاسبينى من يوم ماعرفتك ماشى ياقلب مينو..رعد بحب ماشى...يامن بزعل مصتنع ماشى يا ايه ..رعد بكسوف ...يا ايه ...يامن بمكر وحب...يامينو..رعد بكسوف وحب ..ماشى يامينو...يامن بمكر اكتر...لالا كدا مش كامله ...رعد باستغراب امال عايز ايه تانى...يامن عايز ...يامينو ياحبيبي...رعد بكسوف..لالا مش ينفع ابدا...يامن بيقرب منها وبهمس ...مش هينفع ايه ...رعد اقصدى اقصدى...يامن بيقرب منها وبهمس وعايز يلتهم شفايفها تانى اقصدك ايه ولسه بيقرب زياده..رعد زقته وطلعت تجرى منه وبهزار وهى بتجرى على فكره انت قليل الادب.اوى...
يامن طلع يجرى وراها ...ووقعها فى البسين ورعد صرخت وبمكر المايه ساقعه اوى ارجوك شدنى وطلعنى ولسه بيشدها هى اللى شددته فى المايه معاها...وعامت بعيد عنه وهو راح وراها ...رعد شعرها اتفك واتفرد على وشها وضهرها ويامن قرب منها وبيشيل شعرها من على وشها وبيتامل فى ملامحها واكتشف انه بيعشقها مش بيحبها بس ...رعد لسه هتبعد عنه يامن شدها...وثبتها قدامه وسند جبينه على جبينها ...وبحب وعشق جارف..انتى رايحه فين ...رعد بتوتر من قربه ..ابعد عنى يايامن ...يامن بصوت مبحوح لالا متقوليش يامن دى قولى الاسم التانى...رعد بكسوف وحب ...خلاص بقا يامينو ..يامن تؤ تؤ كملى هفضل هعلمهالك لغيت لسانك ماياخد عليها ...رعد بكسوف اكتر وبعشق..يامينو ياحبيب..وقبل ماتكملها ..خطف شفايفها فى بوسه اعنف من اللى قبلها ورعد لفت ايديها حوالين رقبته بحب وتملك وبادلته بوسته بشغف وعشق ليه وبعد وقت بعدوا عن بعض عشان يتنفسوا ...
رعد بصوت مبحوح وهمس..انا بحبك اوى ارجوك اوعى تجرحنى تانى .او تبعد عنى...يامن ..شدها لحضنه جامد...وانا بحبك وبعشقك ياقلبى انتى وعمرى ماهجرحك تانى ولا هبعد عنك..وبمكر..هو انتى قولتى ايه قبل تجرحنى دى اصل انا مسمعتش كويس....رعد بهزار وضحك..لالا مقولتش حاجه قبلها ابدا..يامن بزعل مصطنع...لا قولتى ويارب اموت لو ماقوليتها تانى...رعد .حطت ايديها بسرعه على بوقه بعد الشر عليك ...يامن بحب ..طب قويلى يله كنت بتقولى ايه...رعد بهمس وقربت من ودانه...مكنتش بقول حاجه وضحت وهربت منه تحت المايه...ويامن غطس وراها وفضلوا يطاردوا بعض لغيت لما مسكها وهما الاتنين بينهاجوا من مطاردتهم لبعض ...يامن هتقولى يله ولا اغطسك تانى فى المايه...رعد بضحك مكنتش بقول حاجه وابعد عشان اطلع من المايه لان الجو بارد والجرح بيشد عليه اوى وكمان انت جرحك زمانه التهب ...يامن برده مش هسيبك غير لما تقوليلى كنت بتقولى ايه
رعد قربت منه اكتر بحب وعشق...وبهمس عند ودانه قولت انى بحبك اوى...وبعشقك اوى اوى...ومقدرشى استغنى عنك ابدا...يامن مسك وشها وانا كمان بحبك وبعشقك ومقدرشى استغناء عنك...رعد بحب طب ممكن تطلع بقا عشان جرحك ...يامن بحب ممكن ..رعد طيب اطلع انت الاول وبعدين هطلع وراك...يامن باستغراب وليه منطلعش مع بعض....رعد بكسوف عشان هدومى مبلوله ومينفعشى اطلع قدامك كدا...يامن بحب وعشق مسك وشها تانى لدرجه دى ياقلبى بتتكسفى منى بس انا هضيعلك الكسوف ده..وفى لحظه كان شايلها وطلع بيها من المايه..ورعد باعتراض سبنى يايامن مينفعشى تشوفنى وانا كدا ارجوك سبنى عذاب رعد بقلك دى دى فتحى...اللهم اسالك الفردوس لوالدى
يامن تجاهل كلامها...وهى اول ماطلعوا من البسين..خبت وشها من الكسوف فى حضنه وهو ضمها ليه اكتر وطلع بيها لفوق ودخلها الحمام..يامن بحب هنا ممكن انزلك ..وبضحك مع انى نفسى افضل معاكى..رعد ضربته فى صدره بهزار قليل الادب انت...يامن ..بحب انا قليل الادب جدا جدا معاكى انتى وبس فاهمه ...رعد بتوهان وحب ممكن تطلع بقا يا...يامن بمقاطعه يا ..ايه قولها كامله..رعد بحب وبحرج يامينو ياحبيبي...وانزل بقا خد شور فى الحمام التانى وشوف اى حاجه تنفع تلبسها عندى
يامن بضحك ..يعنى البس ايه من عندك ياعينى عليك يايامن جه اليوم اللى هتلبس فيه هدوم واحده ست...رعد قربت منه ...وبهزار بس انا مش ست ...يامن بخبث اه اه عارف انتى المقدم رعد ارجل واحده فى الجهاز...رعد ضربته على صدره وبزعل مصتنع...انت غتت انا قصدى انى مش ست انا حبيبتك وبعدت عنه وشبكت ايدها حوالها...يامن قرب منها وضمها وهى مشبكه ايدها وانتى حبيبتى وامى واختى وصحبتى وكل حاجه ليه فى الدنيا...رعد بجد يامينو..يامن ..بجد الجد ياروح وقلب مينو...يله خدى شور وانا كمان هروح اشوف حاجه البسها واخد شور
رعد بضحك 😂😂😂صدق لبسى هيطلع عليك تحفه واتخيلته وهو لابس لبسها وضحكت بزياده...يامن ..دى تانى مره يشوفها بتضحك كدا اد ايه ابتسامتها جميله وجذابه..ورعد مازالت تضحك ومابين ضحكها وياسلام بقا لو لبست بجامه هطلع عليك روعه...يامن قرب منها وبحب...تعرفى دى تانى مره اشوفك بتضحكى كدا ..وبهمس انا بعشقك ضحكتك وبعشقك كل حاجه فيكى ...رعد بحرج انا مبضحكشى كدا غير لما اكون مبسوطه والمره الاولى فعلن كنت مبسوطه عشان شوفتك تانى وهتكون معايه فى الجهاز لانك خطفت قلبى من ساعه ماشوفتك ...يامن مسك وشها ربنا يقدرنى ياحبيبتى ومخليش الابتسامه تفارق وشك ابدا..رعد بحب ...ربنا يخليك ليه ياحبيبي...يامن..ويخليكى ليه ياقلب حبيبك...وباس جبينها وخرج
يامن خرج عشان يشوف اى حاجه ينفع يلبسها من هدومها واتفاجا ان لبس رعد كله عادى ومش زى لبس البنات ابدا ..اخد تيشرت وبنطلون عادين ونزل ياخد شور
رعد اخدت شور وافتكرت ان معهاش لبس ..لبست البرنس وبتنادى على يامن عشان تتاكد انه هو لسه تحت واما مردش اطمنت وخرجت ...ولسه رايحه عند الدولاب تجيب لبس ...يامن فتح الباب ودخل ..وهى اتوترت جدا ..وهو قرب منها بكل جراه وهى بترجع لوارء لغيت لما لزقت فى الحائطه
يامن بيملس ..على وشها بحب وعشق ماتيجى نروح للماذون عشان معدتش قادر على بعدك اكتر من كدا( يامن خايف من اى حاجه تبعدهم تانى عن بعد وخصوصا امه لانه من ساعت مارجع من السفر ماروحش البيت خوفا من مقابلتها فهو عايز يتجوزها ويحميها من اى اذى حتى من نفسه )
رعد ضربته فى صدره وبضحك ..يامن بطل هزار بقا
يامن بجديه...بس انا مش بهزر...انا بتكلم جد انا عايز اتجوزك ودلوقتى حالا...رعد بصدمه انت قصدك انا وانت نتجوز بس ازاى
يامن...ايوه هنتجوز دلوقتى ويله البسى عشان نروح للمأذون
رعد ..بس بس...يامن بجديه موافقه تتجوزينى دلوقتى ولا لا...رعد أنا -------...يامن أنا اسف...انتى اكيد عايزه حد فى مركزك ويليق بيكى عن اذنك
ولسه هيمشى رعد شددته ...بس انا مش عايزه حد فى مركزى انا عيزاك انت..وموافقه اتجوزك
يامن ...بحب وجديه...نتجوز دلوقت
رعد...بحب اكتر منه...دلوقت
يامن بحب وعشق...طيب يله البسى عشان نروح للمأذون حالا
@@@@@@@@@@@@@@@
👏البارت انتهاء ✋نكمل بكره ان شاء الله👐
👌توقعاتكم👇👇👇
👈رعد ويامن هيتجوزا فعلن ولا هيحصل حاجه توقفهم؟
👈يامن هيفضل على حبه وعشقه لرعد كدا ولا مع الضغوط والظروف هيرجع تانى لقسوته معها ؟؟؟
👈ايه اللى هيحصل فى مواجهه جاسر ويامن ورعد فى العمليه لانقاذ اصحابها بكره ؟؟؟
🌹🌹🌹🌹🌹🌹🌹🌹🌹🌹🌹
💞كل ده واكتر هنعرفه👈 بكره ان شاء الله👐
💓دومتم سالمين💓
💋بحبكم كلكم💋
🙈حلقه كلها رومانسيه💋 اهيه 🙈
🌹يارب تكونى هديتى ليكم عجبتكم 🌹
😘وتكون راويتى فعلا عجباكم 😘
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!