رواية عذاب رعد الفصل التاسع عشر 19 - بقلم دي دي فتحي

٣٦و٣٧

البارت السادس والثلاثون😓 من روايتكم عذاب رعد

👐دعاء خاص لابراهيم اخو صحبتى المتوفى امبارح 😓😓😓😓😓😓😓😓😓😓😓😓😓😓😓😓
اللهم ارحمه واغفرله و سامحه...اللهم اجعل قبره روضه من رياض الجنه ...اللهم تجاوزت عن سيئاته وعن أخطائه ...اللهم اسكنه فسيح جناتك وارزقه الفردوس الاعلى من الجنه...اللهم أجمعه بامه وأبيه ولا تفرقه عن اهله وأحبابه فى جناتك يارب العالمين👐

رعد بعد ما اطمنت على كرم سابته وروحت بيتها وعملت نشاطها اليومى وراحت على الجهاز...ونادت على الشويش...وبعد دخوله الشويش ...الشويش تحت امرك يافندم ...رعد بجديه ..عيزاك تبعت حد للنقيب كرم و الملازم يامن يبلغهم ان النهارده اجازه ومن بكره يبدوا فى المهمات اللى انا مكلفاهم بيها ...الشويش ...تحت امرك يافندم

وبعد خروج الشويش ...رعد فضلت تشتغل على الﻻب بتاعها لغيت لما خلصت شغلها وروحت

تانى يوم  ...رعد استدعت فريقها كله فى قاعه الاجتماعات ...عشان تعرف وصلوا لغيت فين ...ماعدا كرم ويامن لانهم كانوا تعبانين ...اتناقشت معاهم فى اللى جمعوه... وفى اخر اليوم رعد روحت بيتها عشان ترتاح

وعدا الاسبوع على كدا ...رعد تجتمع بيهم وتناقش معاهم ...وجمعوا كل المعلومات الازمه ...وحددو ميعاد العمليه ...وطول الاسبوع ...رعد بتتجاهل الكل بما فيهم يامن ...بتكلم الكل فى الشغل وبس ...ومش بتسمح لحد يقرب منها ابدا واقنعت نفسها ان كدا احسن ليها

*************************

وجه ميعاد العمليه ...والعمليه كانت عباره عن تصفيه خارجيه وكانت فى ايطاليا ...بالاتفاق مع المخابرات بتاعت ايطاليا ...عشان يصفوا المافيا

رعد وفريقها ...كل واحد حجز على ميعاد مختلف عشان شخصيتهم مش تنكشف بسهوله ...بس اتقابلوا كلهم فى فندق واحد (( اللواء صبرى ...رعد...عدى...مؤمن...دينا...كرم ...6 اللى اخدتهم من الفريق...ومن ضمنهم يامن وادهم ))

رعد كانت معرفه الكل انهم يريحوا يوم السفر وتانى يوم بالليل هيكون ميعاد العمليه عشان يكونوا مركزين

يوم ماوصلوا من السفر ..رعد بالليل حست انها مخنوقه ومضايقه ...راحت اقعده على البحر وكان قريب من الفندق ...ويامن كان رايح بالصدفه واقعد هو كمان قدام البحر ورعد شافته واتجاهلته وهو كمان سابها براحتها ...ومش حب يضايقها عشان مش يكون مصدر ضغط عليها

وبعد وقت رعد قامت وراحت الفندق ويامن كانت وحشاه وكان نفسه ياخدها فى حضنه ويشوفها باى طريقه ...وكمان اخد نزله برد جامده من تغير الجو

يامن قرر يروح يشوفها من غير هى ماتاخد بالها لانه مش ضامن رده فعلها ...طلعت لوضتها عن طريق البلكونات لان اوضتها كانت جنب اوضته ...وفتح باب البلكونه ودخل لقاها نايمه زى الملاك ...نايم جنبها واخدها فى حضنه ...بهدوء ونام وهى محستش باللى عمله ده

وبعد وقت ورعد فى حضنه ...بدا يخترف وكان جسمه سخن ...وبتعب ارجوكى ياامى ارجوكى انا بحبها ...اهربى يارعد جاسر هيقتلك ...ارجوكى سامحينى يارعد

رعد صحت مخضوضه وبتحاول تبعده عنها بس هو كان حضنها بخوف وبتملك ...رعد باستغراب ازاى جه هنا وازاى نايم كدا ازاى ...رعد انتبهت لوش يامن اللى كله عرق وجسمه اللى سخن وخلا جسمها كمان سخن ...وبعد محاولات قدرت تبعده عنها ...ومردتش تستدعى دكتور الفندق عشان شخصيته مش تنكشف وكمان يامن فى اوضتها شئ يسير الشك

رعد فضلت تعمله كمدات لغيت الصبح ...وحرارته كانت بدات تنزل ...وبدا يفوق وبصوت خافت  مايه عايز مايه ...رعد جبتله المايه ...وبهدوء وبتحاول تقومه شويه عشان يعرف يشرب ...المايه اهيه قوم اشرب

يامن قام شرب بتوهان ونام تانى ...وبعد وقت الباب خبط وكان اللواء صبرى ...رعد فتحتله و شاف يامن وببتسامه اكيد اتصالحتوا انا قولت انكم بتحبوا بعد وعمركم ماتقدروا تبعدوا عن بعض ابدا

رعد بعنف ...لا مش اللى فى بالك لانى طلقت نفسى منه ...هو كان تعبان وانا كنت بعمله الازم مش اكتر من كدا .زيه زى اى واحد فى الفريق

صبرى بحزن ليه كدا يابنتى ليه طلقتى نفسك منه انتى بتحبيه وهو بيحبك

رعد بعنف ...كنت بحبه اما دلوقت مفيش اى حاجه تربطنى بيه ..صبرى ...طيب انا كنت جاى عشان نتغدا سوا ...وبمكر بس خلاص مش هينفع لانك مش هتسيبى يامن كدا وتيجى معايه

رعد بعنف وغضب ...لا هو بقا كويس وانا هنزل معاك وهو لما يصحا هيبقا يروح اوضته ..صبرى بمكر اكتر ...يعنى افهم من كلامك انك هتنزلى معايه وتسيبه مرمى كدا لاحولا ليه ولا قوه ...رعد بشبه عنف ...انا هبقا ابعتله اكل ...صبرى بخبث...يعنى شويه هو يصحا ويروح اوضته وشويه هتبعتيله اكل خلاص احنا هناكل هنا كلنا وكمان محدش يعرفنا على الاقل

رعد لا محدش هيعرفنا عشان مش هنبقا كلنا سوا  وغير كدا انا ما اكده على الفريق محدش يفضل مع التانى غير مؤمن ودينا

اللواء صبرى بحب...لا خلاص خلينا نطلب اكل هنا ...وفعلا طلبوا الاكل

رعد للواء صبري لو حابب تصحيه صحيه لو مش حابب خلاص سيبوه

يامن فى الوقت ده كان صحا وكان نفسه هى اللى تروح تصحيه ...وبصوت كله تعب من اثر نزله البرد ...وبيحاول يقوم لا انا هروح اوضتى ارتاح لغيت ميعاد العمليه واسف على الازعاج ...ولسه هينزل كان دايخ واللواء صبرى لحقه بسرعه وبحب تعاله ياابنى تعاله شكل البرد مدوخك وكمان انت دايخ من قله الاكل

يامن لا انا كويس يافندم انا هروح ارتاح لغيت ميعاد العمليه ..صبري بصدق ...استبعد نفسك عن العمليه وبلاش انت

يامن بجديه ...لالا يافندم مش شويه برد اللى هيقعدونى
صبرى ...طب يله يابنى كل معانا وبعد اصرار من اللواء صبرى يامن قعد عشان ياكل وكل ده ورعد ماتكلمتش

وبدوا ياكلوا بس يامن مدروخ ومش قادر ياكل ...واللواء صبرى اول ماشافه كدا ...عمل نفسه كان ناسى حاجه واتاخر عنها وهيروح عشان يشوفها وسابهم ومشى وهو هدفه الاساسى يسيبهم مع بعض ورعد تاكله لانه مش قادر ياكله وكمان عشان مش تتكسف من اللواء صبرى

يامن بدا ياكل بس مش قادر يمسك الشوكه والسكينه وياكل نفسه ...رعد مسكتهم منه وبدات تاكله ويامن كان مبسوط عشان بتاكله وقلبها حن ليه واكل كتير فوق طاقته هو مش عايز يحرم نفسه من انها تاكل ويكون قريب منه كدا ...بعد ما اكل رعد بدات تاكل وهو قاعد يبصلها نظرات كلهاحب وعشق والاهم نظرات كلها اشتياق لحبيبته وروحه الغائبه اللى اخيرا وبقا قريب منها

رعد قامت  وقعدت بعيد عنه ومسكت الﻻب بتاعها ...وبهدوء تقدر تفضل تروح اوضتك ترتاح فيها لغيت ميعاد العمليه ولو مش قادر ممكن تستبعد نفسك من العمليه النهارده

يامن راح اقعد جنبها وبحب وعشق لا خلينى انام هنا لغيت ميعاد العمليه لان انا عمرى م هستبعد نفسى من العمليه حتى لو هموت المهم انى اقدر احميكى ...رعد بصتله وبهدوء اللى انت عيزه اعمله بس ياريت كفايه كدا عشان عطلتنى وانا ورايه شغل مهم ولازم اخلصه قبل العمليه..يامن بحب طب انا ممكن اساعدك واشاركك..رعد بهدؤء قولتلك كفايه عشان عيزه اخلص

يامن قام من جنبها وراح نام على سريرها كون انها تسيبه ينام على سريرها دى حاجه بسطاه جدا فضل يبوسلها لغيت لما ذهب فى ثبات عميق...ورعد بعد ما خلصت شغلها نامت زى ماهى على الكنبه

وبعد وقت رعد صحت على يامن وهو بيكلم نفسه وهو نايم ...راحتله وبتحاول تفوقه ...يامن فاق ورما نفسه فى حضنها بخوف شديد وبعيط بهستريه ...رعد ضربات قلبها زادت بشده ...وبخوف وسؤال ...فيه ايه وايه اللى حصل لده كله ...يامن مش بيتكلم هو خايف وبعيط وبس ...رعد كان رد فعلها الطبيعى...انها تلف ايديها حواليه عشان تهديه ...وفضلت تقريله قران لغيت لما نام ومستغربه من منظره وايه اللى وصله للحاله دى

وبعد وقت يامن فاق ولقاء نفسه فى حضن رعد ولنفسه معنى كدا انها سامحته ...وحب يتاكد قرب منها وبيحاول يبوسها ...رعد زقته بعنف بعيد عنها ...وبغضب اتعقد انك بقيت كويس تقدر تتفضل تروح اوضتك وتجهز للعمليه

يامن بعنف ...ومسكها من دراعها ليه بتعملى كدا معايه ...انتى بتحبينى وانا بحبك ...ليه بتعذبينى كدا ...رعد شددت دراعها بعنف وغضب...لا انا معدتش بحبك ..انت موهوم انى لسه بحبك..بس انا خلاص كرهتك

يامن بعنف وغضب ...يعنى عيزه تفهمينى ان كل اللى بينا انتهى ..رعد بعنف اكتر منه ..ايوا انتهى ومفيش حاجه تربطنا ببعض ابدا وتفضل يله روح اجهز للعمليه وابقا خدلك حاجه للبرد وبتريقه بدل ماتفرفر مننا هناك

يامن بغضب ماشى يارعد بس خليكى فاكره بى اللى انتى بتعمليه ده احنا الاتنين خسارنين وسابها وخرج وقفل الباب وراه بعنف...وهى غمضه عنيها بوجع ...بس هى خلاص قررت بعد العمليه تبعد عن الدنيا كلها

لبست وجهزت للعمليه ...والفريق كله استعد...كلهم وراحو للمكان وكمان فريق من المخابرات بتاعت ايطاليا راحت معاهم

والعمليه كانت عباره عن اكبر عصابه للمخدرات والاسلحه والذخيره... وبدوا يهجموا عليهم والعصابه كانوا عددهم كبير جدا ...وبعدين دى مش اى عصابه دوال مافيا يعنى مفيش عندهم هزار ...بدات الاشبكات بضرب النار وبعد كدا بالاتنين ...ورعد وفريقها وفريق المخابرات لايطاليا ...صفوا كتير منهم ...بس فاضل اكتر ..ورئيس المافيا كان لازم ياخد الكرت الكسبان فيهم ...ويلعب بيه ..وطبعا الكرت ده كان ...رعد...كثفوا الضرب عليها وحاوطوها لان كان كل واحد بيضرب فى ناحيه

يامن صحيح كان قريب منها بس مشفهمش وهما بيحاوطوها ...رئيس العصابه بعنف ...الكل يرمى سلاحه والا هطيرلكم دماغها الحلوه دى ...الكل اتصدم ...رعد بقوه وعنف اوعوا حد يرمى سلاحه ...انا القائد بتاعكم وبامركم اوعوا حد يرمى سلاحه

رئيس العصابه بلغه الايطاليه للواء صبرى ...مستر صبرى ...انت عاقل ولازم ترمى سلاحك عشان باقى الفريق يرمى سلاحه

رعد بقوه وعنف ...اوعى يابابا اوعى ...لو سيبتم سلاحكم هيموتوكم كلكم ...ارجوك يابابا ارجوك انا مش مهم ...بس انتم لا ارجوك بلاش

اللواء صبري..اول مارعد قالتله بابا الكلمه دى كانت كفيلها انه يرمى سلاحه من غير مايتردد لحظه واحده..وباقى الفريف نزل هو كمان سلاحه

رعد بصريخ ..انا القائد بتاعكم وبامركم كل واحد يشيل سلاحه ..بس محدش شاله لانه خايفين عليها

رئيس العصابه ...ايوا كدا برافو عليكم شطار ...وبعنف لرجالته خلصوا عليهم ...رعد فى لحظه كانت مستعمله قوه الشبح اللى عندها ..واللى مش بتظهر غير فى الاوقات الصعبه ...وضربه رئيس العصابه بكل غل وكره ..وبدات الاشبكات العنيفه بينهم تانى وعصابه المافيا كانت قويه جدا

اللواء صبرى كان بيشتك بس بدا يفقد قوته ومش قادر يقاوم اللى قدامه ..رعد جرت وضربت اللى قدامه بعنف وغضب وبرجاء للواء صبري ارجوك يابابا ارجوك روح استناء فى العربيه ارجوك...صبرى ...بشبه قوه لا ياحبيبه ابوكى انا عمرى ماهسيبك لوحدك روحى يله وشوفى باقى الفريق

رعد لمحت كذا واحد بيضربوا فى عدى ..وهو مستلم ليهم اكنه بيقولهم موتونى عشان ارتاح ...رعد جرت عليه بسرعه وضربت اللى كانوا بيضربوه ..وضربته هو كمان بالبوكس فى وشه ...وبعنف وقوه ...فوق ياعدى فوق انت اقوى من كدا

عدى بصريخ ودموع لا انا مش قوى انا خاين وجبان انا استاهل الموت سبيهم يموتونى عشان ارتاح من العذاب اللى انا فيه

رعد بصدق ..لا انت مش جبان ولا خاين ...انت انسان حب بصدق ...ارجوك مش تستسلم ارجوك  عشان ماما سميرو اختك ارجوك عشان خطرى بلاش تستسلم

عدى بحزن..انا ضعيتك منى خلاص حتى صداقتنا خسرتها ...رعد بجديه لا ياعدى انت هتفضل طول عمرك اخويه وصديقى ..بس ارجوك بلاش تستسلم ارجوك يله...ولسه هتكمل ..لقت واحد جاى من خلف عدى وكان هيضربه بنار ...وفى لحظه كانت لفاها واخدت الطلقه بداله وجتلها فى كتفها الشمال

عدى بصريخ ...ليه كدا يارعد ليه كدا انا مستهلش انك تضحى عشانى ...رعد بوجع بتداريه ...لو انت مش تستاهل امال مين اللى يستاهل ارجوك دافع عن نفسك وعن الفريق وبلاش تستسلم وبلاش تعرف حد ...عدى بحزن وبخوف عليها انا عمرى ماهسيبك كدا انتى لازم ترتاحى

رعد بجديه انا القائد يعنى انا روح الفريق مينفعش استسلم ارجوك ساعدنى نخلص المهمه ...عدى باس جبينها بحب ..اوعدك ان احنا هنقضى عليهم كلهم ..وراحوا عند الاشتباكات تانى ..ورعد دارت المها واشتبكت بكل قوتها

رئيس العصابه اخد باله من اصابتها ...وهجم عليها وركز فى الضرب عليها وهى بتقاوم الضرب يامن شافها وجرى عليها بسرعه ينقذها منه ...واحد كان هيضربه بالنار وعدى كان شايفه ...طلع يجرى عليه وبصريخ ...حاسب يايامن حاسب ...ولاسف عدى اضرب بنار طلقتين وراء بعض

يامن كان رايح لرعد واما لقا عدى اخد الطلقتين بداله طلع يجرى عليه ...يامن بدموع ليه عملت كدا ان مستهلش انك تضحى عشانى

عدى بدموع وتعب ...بس هى تستاهل انى اضحى عشانها وانقذلها حبيبها ..وبصدق تعرف لو انا كنت سيبتك تموت عمرى ماكنت هقدر اسامح نفسى ابدا ...لان رعد عمرها ماحبت ولا هتحب حد اد ماحبيتك ...هى اتعذبت كتير ارجوك بلاش تسيبها ارجوك هى محتاجلك اوعى تصدق ... عنفها وغضبها ده ..هى بتعمله عشان مجروحه ...وبيبص عليها ارجوك روح الحقها بسرعه ارجوك ..قبل فوات الاوان ...هى مضروبه بنار وبتدارى ارجوك الحقها وغمض عنيها

يامن بصريخ عدى فوق ياعدى فوق ..وبيبص لرعد اللى كانت من كتر الضرب خلاص بدات تفقد قواتها ..جرى عليهاوضرب رئيس العصابه بنار فى دماغه

يامن بجديه روحى ارتاحى يارعد روحى ...رعد بصتله بتعب وجرت تكمل اشتباك مع باقى الفريق

ادهم كان بيشتبك مع واحد بس كان قوى عنه ورعد بحالتها دى مكنتش هتعرف تغلبه وبصوتها كله لكرم
...الحق ادهم ياكرم الحقه..كرم بصلها وجرى على ادهم وضرب اللى قدامه

الكل بان عليه الارهاق والتعب من قوه المافيا بس كانوا قضوا على عدد كبير منهم ...رعد وهى بتشتبك مع واحد من افراد العصابه ...لمحت واحد كان بيوجه سلاحه ولسه هيضرب اللواء صبرى فى دماغه ...رعد بصريخ وبصوتها كله ...حااااااسب يابابا حااااسب ...وجرت عليه بسرعه ولاسف اخدت الطلقه فى ضهرها بداله ..وقعت على الارض ...الفريق شافها وبدوا يضربوا اللى قدامهم بكل قوتهم وبعد وقت قضوا عليهم كلهم

واتفضت الاشتباكات ...بس لاسف عدى كان انضرب طلقتيت ورعد طلقتين...اللواء صبرى جرى عليه وباقى الفريق ...واخدها فى حضنه وبصريخ ...ليه كدا ياحبيبه ابوكى ليه تعملى فى نفسك كدا

رعد بتعب وبصوت مقطع ...عشان مقدرش اشوف حد منكم هيتاذى ومدافعش عنه حتى لو التمن حياتى...وبحزن انا مليش حد ابدا وبتبص ليامن اللى دموعه نزله بحرقه على حبيبته اللى هيموت ويخدها فى حضنه ويحميها من الدنيا كلها...انا مليش حد ابدا بس انت ليك دينا وكمان ابنها .. كلكم ليكم اللى تخافوا عليه بس انا مليش حد ابدا وبصت ليامن وغمضه عنيها ...يامن بصريخ وقرب منها وبيهزها وهى فى حضن اللواء صبري فوقى يارعد فوقى انا مش هسمحلك تروحى منى فوقى وبصريخ ليه دايما بتضحى بنفسك ليه

اللواء صبري بصريخ ودموع...شيلها ووديها العربيه حالا ..يامن شالها وجرى بيها ...وكرم بيدور فى اللى واقفين على عدى بس مش لقيه ...جرى بخوف وبيدور عليه فى اللى مرمين على الارض ولقاه غرقان فى دمه

جرى عليه وبصريخ عدى عدى فووق ياعدى فوق ...شاله بسرعه ووداه العربيه ...وصلوا المستشفى والكل مرعوب عليهم

دخلوا العمليات والاتنين حالتهم حرجه ومش اقل خطوره من بعض ...الكل واقف وحاله من الصمت ميسطره على الجميع ودعوات ليهم ...وبعد وقت كبير خرجوا من العمليات ...ودخلوهم العنايه المركزه...الكل جرى على الدكاتره ...الدكتور ...احنا منقدرش نقيم حالتهم غير بعد 24 ساعه من دلوقت

وبعد ماعدا 24 والكل على اعصابه وبيدعولهم دعوات مستمره...اللواء صبري قرب من... الدكاتره وبيكلهم...بلغتهم الايطاليه  ...ارجوك اوعى تقولى ان بنتى ...الدكتور بمقاطعه ..الرائد عدى مع الوقت هيفوق من الغيبوبه وممكن يتحسن ...لكن المقدم رعد ...لاسف جسمها رافض العلاج ...وده دافع نفسى من عندها انها مش عيزه تعيش احنا ملناش اى تدخل فى الحاله دى ...ولاسف تعتبر كدا شبه ميته ...ياريت نشيل من عليها الاجهزه وبلاش تعذبوها اكتر من كدا ...وسابه ومشى ...يامن جرى على غرفه العنايه عشان يدخل لرعد و الدكاتره منعوه...وبصريخ ودموع بهستريا ...هى هتعيش لازم  هتعيش ...لازم اقولها انى هموت من بعدها لازم تعيش ...الدكتور...لاسف ملهوش لازمه الكلام ده لانها هى اللى رافضه تعيش وجسمها مش قابل للعلاج ...وسابه ومش ..ويامن انهار على الارض

االواء صبري ...حاسس ان هو اللى هيموت وشبه مغيب ..ولحظه وتليفونه رن ...صبرى بدموع وحزن...ايوا مين
اعتماد بفرحه ...ايوا ياصبرى انا اعتماد انا مقدرتش استناء لغيت لما ترجعوا عشان اكلمكم ...وبفرحه اكتر وحب ...انا عيزه اقولك ان بنتنا عايشه و بنتنا تبقا رعد ...صبرى بتوهان رعد مين...اعتماد وهو مازالت على فرحتها المقدم رعد اللى معاك فى الجهاز ...هى مش بنت احمد الويدى هى بنتنا احنا هو مووتهاش هو كان بينتقم منى

اللواء صبري بصدمه ايه اللى انتى بتقوليه ده ...اعتماد بفرحه اكتر ...بقولك ان رعد بنتنا عايشه وهى نفسها المقدم رعد اللى معاك فى الجهاز

اللواء صبرى بصدمه اكتر مين اللى قالك الكلام ده انطقى
اعتماد انا هبقا احكيلك على كل حاجه بس دلوقتى ادينى رعد عشان نفسى اسمع صوتها

اللواء صبرى بصدمه ودموع بهستريا...يعنى انتى عيزه تفهمينى ان البنت اللى اتعذبت طول السنين ده كلها تبقا بنتى ...عيزه تفهمينى ان البنت اللى احمد الوديدى عذبها وباع واشترى فيها دى تبقا بنتى ...عيزه تفهمينى ان البنت اللى اتحرمت من الحب والحنان دى تبقا بنتى ...عيزه تفهمينى انى فضلت اربى فى بنت غيرى ...فى الوقت اللى بنتى كانت فى عز احتياجها ليه

وبصريخ وهستريا ...عيزه تفهمينى ان البنت اللى فى العنايه وبتموت جوه دى تبقا بنتى ...وبصريخ اكتر...انتى كدابه كدابه ...وبقهر وبنكسار ...يارتنى كنت فضلت فاكران بنتى ميته ...ولا عرفت انها عايشه واتعذبت العذاب ده كله ...وأغمى عليه

@@@@@@@@@@@@@@@

البارت انتهى ...اسفه على التاخير

بس والله والله انا مكنتش هكتبه انهارده وكنت هعتذر عن نزوله لان أخو صحبتى أتوفى امبارح بالليل  ...وهى ملهاش غيره لان مامتها وبابها متوفين ...يعنى كان هو سندها وكل دنيتها ...وكمان لسه شباب وكان فرحه فى الصيف الجاى ... والله حالها يبكى الحجر ...هى خلاص معدتش لها حد فى الدنيا ابدا غير ربنا

انا كتبت البارت النهارده ومكنتش مركزه وانا بكتبه بس كتبته مخصوص عشانه والله العظيم والله العظيم انا بعيط علي عياطها وعليه من امبارح من ساعه ماعرفت الخبر وبرغم ان الضغط عندى عالى جدا من امبارح بس قولت اكتبلكم البارت النهارده وانا فى قمه تعبى وحزنى ....كتبته بهدف واحد بس ...انى عارفه انه هيوصل لاكبر عدد من الناس ...فعشان كدا كتبته

وبترجاكم رجاء خاص منى

انا مش عيزه منكم توقعاتكم ولا عيزه ريكم فى البارت ولا اى حاجه منكم ابدا غير ان احنا كلنا

👐👐ندعيله ان ربنا يرحمه ويصبر اخته ... ويغفرله ويسكنه فسيح جناته ...ويسكنه الفردوس الفردوس الاعلى من الجنه 👐👐 رجاء خاص منى ...عيزين ندعيله كلنا عشان الدعاء يوصله وكمان اورى لخته كميه اللى اترحم عليه ودعاله ...واستغفرله

👐يارب يرحمك ياابراهيم و يصبر اختك ويرزقك الفردوس الاعلى من الجنه ويغفرلك ويجعل قبرك روضه من رياض الجنه 👐

ارجوكم عيزه كل كومنتاتكم ...برحمه والدعاء لابراهيم
مش عيزه ولا كومنت عن البارت عشان محسش انى مذنبه والله العظيم انا نزلتها مخصوص عشان عارفه انه هيوصل لاكبر عدد...وعدد كبير هيدعيله ويترحم عليه لانى واثقه من قلوبكم الرحيمه ...يله كلنا ندعيله ونترحم عليه ونستغفرله😓

البارت السابع والثلاثون😟 من روايتكم عذاب رعد

👌قبل ماابدا البارت انا بشكر جدا كل اللى اترحم على اخو صحبتى ودعاله واستغفر ليه ربنا يباركلكم فى احبابكم يارب ومش يحرمكم من حد غالى عليكم ابدا 👐

👐اللهم رضنى بما قضيت لى ...وعافينى فيما ابقيت ...حتى لا احب تعجيل مااخرت ولا تاخير ماعجلت ...اللهم إنا نسألك عملآ بارآ...ورزقآ دارآ...وعيشآ قارا ...ياحى ياقيوم برحمتك أستغيث ...فلا تاكيلنى لنفسى طرفه عين ...ياارحم الراحمين 👐

                 😟 قراءه ممتعه 😟

اللواء صبري أغمى عليه

وإعتماد بصريخ ...مين اللى بتموت ياصبرى مين وهى اللى حصلها ارجوك رد عليه ارجوك ...بس اللواء صبرى كان فى عالم تانى  الكل جرى عليه ودخلوه اوضه والدكتور كشف عليه ...وقال انه عنده صدمه قلبيه ولازم يرتاح لان قلبه تعبان ومش هستحمل اى حاجه تانى

وبعد وقت اللواء صبرى بدا يفوق وبصريخ ...لااااا دى مش بنتى اللى شافت العذاب ده كله مش بنتى وبيشد فى الاجهزه اللى متوصلاله...كرم ومؤمن منعوه والدكتور جرى عليه واداله حقنه مهدئه والكل فى حاله حزن للى بيحصل

يامن كان لسه داخل لرعد ...كرم مسك ايده بعنف وبغضب ...انت ايه يااخى ايه مش مكفيك كل اللى حصلها بسببك انت عايز تعمل فيها ايه تانى ..وبدموع....بس تعرف انا عايزها تموت عشان ترتاح من العذاب اللى هى فيه هى تعبت كتير فى حياتها واتعذبت اكتر انتم دمرتوها وحطمتوموها هى كانت كل دنيتى وانتوا اخدتها منى وضيعتوها وانهار على الارض

يامن بعد ماكان داخلها يطمن عليه رجع تانى بعد كلام  كرم ليه وخرج من المستشفى كلها وراح الفندق لبس ونزل يشرب ويسكر عشان ينسئ منظر رعد وهى مرميه على الارض وهى غرقانه فى دمها وينسئ فكره انها تموت هو خلاص ممكن يستحمل انه يبعد عنها بس مش هيستحمل انها تموت لانه ممكن يموت وراها مش ممكن ده اكيد ...فضل يشرب ويشرب لغيت لما اغمى عليه من كتر الشرب ودخلوه اوضته فى الفندق

وبعد وقت اللواء صبري فاق ..وعايز يشوف رعد مع ان الدكاتره منعوه من الحركه بس مقدرش يمنع نفسه من انه يشوفها...راح واتعقم ودخلها فضل يبصلها كتير ودموعه نزله فى صمت ووجع على بنته اللى عرف بيها متاخر وياريته ماعرف انها بنته اللى اتعذبت سنين وسنين ...كان نفسه يقولها كلام كتير بس مقدرش يقولها حاجه ابدا ...وبعد وقت خرج من عندها ودموعه مغرقه وشه

عدى بدا يفوق ويخترف باسمهاومؤمن كان جنبه ...وبيخترف رعد رعد سامحينى ارجوكى سامحينى وغمض عنيه تانى

عند اعتماد

بعد اللواء صبرى مافصل معاها ...فضلت ترن عليه كتير عشان يرد عليها عشان تعرف ايه اللى حصلها بس لاسف مقدرتش توصله ...وراحت الجهاز ودخلت لرئيس الجهاز وبدموع ورجاء ...ارجوك انا عيزه اعرف مكان اللواء صبرى والمقدم رعد ارجوك قولي هما فين

رئيس الجهاز ..لاسف دى خصوصيات شغل ومقدرش اطلعها لاى حد ...اعتماد بدموع ورجاء...ارجوك انا لازم اوصلهم واشوفهم ارجوك انا لازم اشوف بنتى رعد واطمن عليها

رئيس الجهاز بصلها بذهول ...وبصدمه انتى عيزه تقوليلى ان المقدم رعد تبقا بنتك ...اعتماد ايوا بنتى اللى اتحرمت منها سنين ...الرئيس...بس رعد مامتها ميته من زمان وملهاش ام ...اعتماد بدموع وصريخ ...والله انا امها ارجوك قولى مكانهم ...رئيس الجهاز ...من غير مااعرف تفاصيل انا هقولك مكانهم لانى حاسس بصدق كلامك وغير كدا ياتلحقيها يامتلحقهاش ...اعتماد بصدمه ملحقهاش ليه هى مالها ارجوك متخبيش عليه

رئيس الجهاز بحزن واسف ...لاسف المقدم رعد اتصابت فى المهمه اللى كانوا طلعينها واصابتها جامده وممكن تمو...اعتماد بصريخ ومقاطعه لا ارجوك متكملش بنتى مش هتموت مش هتموت ...انا اتحرمت منها كل السنين دى ...ولما اعرف انى بنتى عايشه تموت ارجوك قولى مكانهم بسرعه..وبعد مارئيس الجهاز قالها مكانهم

اعتماد حجزت طياره خاصه وراحتلهم ووصلت المكان ولقت الكل فى المستشفى وشكله يغنى عن السؤال ...جرت على اللواء صبرى وبدموع وصريخ .مسكته من لياقته ...بنتى فين انطق عملت فيها ايه وليه محفظتش عليها ليه

صبرى نزل ايديها بعنف وغضب انتى اللى محفظتيش عليها انتى اللى وصلتيها لده ...انتى اللى حرمتيها من كل حاجه وخسرتينى بنتى وبدموع بس خلاص هى بتموت ...والكلام معدتش ليه لازمه ابدا

اعتماد بدموع وصريخ...هى مش هتموت وهتفضل عايشه ...ادهم كان واقف وسامع الكلام وقرب من اعتماد وبحزن يعنى كان احساسى من ناحيتها صح وهى اختى وانتى جايه دلوقتى وهى بتموت تعرفينى انتى حرام عليكى حرام عليكى  انا عمرى مهاسمحك ابدا وخرج يجرى من المستشفى كلها

اعتماد جرت على الدكتور ارجوك عيزه ادخل لبنتى ارجوك ...وبعد مااتعقمت دخلت لرعد اللى نايمه لاحولا لها ولا قوه ...واجهزه كتير متوصلاها ...اعتماد بدموع وقربت منها وبتملس على شعرها بحب وحنان ...فوقى يابنتى فوقى ياحبيبتى وبلاش تستسلمى للموت ..انتى بنتى واختى وحبيبتى وصحبتى وكل حاجه ليه فى الدنيا سامحينى ياحبيبتى وفوقى وقولى ياامى ارجوكى قلب امك فوقى كفايه اتحرمت منك السنين دى كلها بلاش تحرمينى منك اللى بقيلى  من عمرى...وفضلت تتكلم معاها كتير بس لاحياه لمن تنادى

****************************
واستمر الحال 10 ايام...ورعد مفيش اى استجابه منها ابدا ...وعدى بدا يتحسن وكان بيروحلها يشوفها ...واللواء صبر واعتماد كانوا كل يوم يدخلوا لرعد ويشوفها ويفضلوا يتكلموا معاها كتير بس مفيش استجابه من رعد .

ويامن اللى حاله بقا حال من كتر الشرب ...كرم لاحظ غيابه 10 ايام وسكت

الدكتور جه وبيوجه كلامه للواء صبرى ...احنا لازم نشيل الاجهزه من عليها بقا ونسيبها ترتاح كفايه انتم كدا بتعذبوها ...اللواء صبري بصريخ ودموع لا بنتى مش هتموت هى قويه وشافت يامه ورجعت اقوى من الاول وبدموع اكتر والله هى قويه ارجوك سيبها وهى هترجع تانى

اعتماد بصريخ للدكتور انتوا ليه عيزين تموتوها هى هتعيش عشان خطرى وعشان خطرنا كلنا

الدكتور باسف انا اسف بس بنتكم كدا تعتبر شبه ميته لان جسمها رافض يستجيب للعلاج ..فياريت تخلونا نشيل الاجهزه وسبوها ترتاح وكفايه عليها عذاب وسابهم ومشى

كرم فى الوقت ده حس انه لازم يجيب يامن على الاقل هى بتحبه وهتتمسك بالحياه عشانه ...كرم راح دور عليه لغيت لما لقاه ووصله ولقاه سكران ...قرب منه وضربه كذا بوكس فى وشه ...وبصريخ فوق يايامن فوق ...رعد بتموت انت لازم تفوق وتروحلها

يامن بدموع وبصوت زى صوت السكرانين ...خليها تموت عشان ترتاح من العذاب اللى هى فيه كفايه عليها كدا كفايه

كرم شده من دراعه بعنف ...ويامن بيقاومه ودخله الحمام وفتحت على دماغه المايه ...انت لازم تفوق عشان رعد وتيجى معايه...يامن بعده عنه بعنف ...لا انا مش هاجى معاك انا كنت هدخلها وانت بعدتنى عنها ودلوقتى بعد 10 جاى تقولى روحلها لا مش هروح خليها تموت وترتاح وانا كمان ارتاح

كرم بعنف ودموع ...انت حيوان وغبى هى راحتها معاك انت مش فى الموت ...لما تعرف ان اللواء صبرى ابوها واعتماد امها ...هى هتتمسك بالحياه زياده ...بس هى تفوق ....هى لازم تعيش حياتها بقا ارجوك رجعلنا رعد  ارجوك

يامن بدموع اكتر صدقنى هى بتكرهنى هى مش عيزانى يعنى كدا كدا مش هتصحا ...كرم بصدق وبدموع انا كنت غبى انا كمان لما منعتك تدخلها بس هى بتحبك جدا واللى عملته ده عشان مجروحه مش اكتر انت حاجه غاليه عندها صدقنى انا اكتر واحد عارف رعد انت كل حياتها صدقنى يله نروحلها قبل فوات الاوان يله

وفعلا راحوا هما الاتنين المستشفى ...والكل كان بيروحلها وبيروحوا على النوم ماعدا اللواء صبرى واعتماد مكنوش بيمشوا ابدا

كرم ويامن وصلوا ...واللواء صبري زعلان من يامن لان طول العشر ايام مش شافه ولو مره جه يطمن على رعد وفكر انه اتخلا عنها وفعلا مش بيحبها ...وقرب منه وبعنف مسكه من لياقه قميصه ...انت مش هتدخلها طول العشر ايام اللى فاتوا انت كنت فين وجاى دلوقتى عشان تشمت فيها وهى بتموت

يامن دموعه نزله وبس ...كرم بدفاع عنه والله يافندم انا اللى منعته قبل كدا وعنفته ارجوك سيبه يدخلها رعد روحها فيه ارجوك يافندم سيبه...اللواء صبرى ساب هدومه ودموعه نزلت هو كمان على حال بنته

يامن دخل وشاف منظرها لانه من ساعت مارعد دخلت العنايه وهو مش دخلها يعنى دى اول مره يدخلها...قلبه اتكسر من الحزن عشانها وكره نفسه انه سمع كلام كرم وبعد عنها الايام دى كلها ...جرى عليها واخدها فى حضنه بعنف وقوه مش هامه الاجهزه اللى متوصلها..مش هامه اى حاجه هو عايز يدخلها جواه وبس...ضمها بعنف وقوه وبدموع ...تعرفى انتى وحشتينى اد ايه ووحشنى كل حاجه فيكى ...تعرفى انتى عوضتينى عن كل حاجه اتحرمت منها فى حياتى ...وبدموع وانكسار ...تعرفى انا كل اللى عملته فيكى كان خوف عليكى وكنت عايز احميكى ...بس حميتك بغباء ...والله انتى حبيبتى وامى وابويه وكل دنيتى ...

تعرفى انا سبت الدنيا كلها عشانك تعرفى انا سبت البيت عشانك ...اوعى تفكرى اللى فى بطن جى جى ده ابنى ...وبدموع اكتر انتى اللى هيكون ليه منها اولاد وهنخلف دسته ...وبدموع وشهقات  تعرفى انا مليش ام ولا اب  ...اللى كنت فكرهم امى وابويه واخويه ...مطلعوش كدا ...وانا طلعت مش منهم ...وبيضمها جامد ..بس انتى امى وابويه واخويه واختى وصحبتى ...ارجوكى بلاش تحرمينى من كل حاجه ...بلاش تحرمينى منك انتى كمان ...ارجوكى يارعد ارجوكى انا محتاجلك اوى ارجوكى ...هموت من غيرك  والله هموت انتى وعدتينى انك عمرك ماهتاذينى وبدموع اكتر ليه دلوقتى عيزه تاذينى وتسبينى ليه ...رعد دموعها نزلت على كلام حبيبها ...ويامن حس بيها ومسحلها دموعها وبدموع وبرجاء..ارجوكى يارعد بلاش تستسلمى للموت ارجوكى فوقى  والله هموت من غيرك ...بس هى مش استجيبت لنداه ...لانها قررت خلاص انها تبعد وترتاح

يامن كل يوم يدخلها بالليل ويفضل يتكلم معاها كتير وهى لاحياه لمن تنادى والكل بيدخلها خمس دقايق ويخرج

واستمر الحال ده كمان 10 ايام تانين ...وخلاص الدكاتره قرروا يشيلوا الاجهزه من عليها ...اعتماد اخدتها فى حضنها وبصريخ لا يارعد الموت مش هياخدك منى مش هسمح لحد ياخدك منى ابدا ...وحضنتها بعنف وحب ...اللواء صبرى ..بصريخ فوقى يارعد فوقى ...يامن بعنف وصوت عالى انا عارف انك سمعانى وانتى بايديكى اللى عيزه تموتى ومستسلمه للموت ...بس انا كمان هموت نفسى عشان ارتاح انا كمان ...ومسك سكينه فاكهه ..وفى لحظه كان قاطع شراين ايده ...والدم نازل على وشها وهى فى حضن اعتماد ...اللواء صبرى بيحاول يوقفله الدم...ويامن بصريخ ابعد عنى ابعد محدش هيوقفه يااما تفوق ...يااما احنا الاتنين نهايتنا تكون سواء ...هى اختارت الموت لنا احنا الاتنين وانا هحققلها رغبتها .

رعد وشها اتغرق دم من ايد يامن ...اللواء صبرى بصريخ..هتموت يامجنون هتموت ...يامن بصريخ اكتر منه وبتعب ...خلينى اموت وارتاح ..اعتماد بصريخ وحب ارجوك يا بنتى فوقى بقا ارجوكى

يامن بدا يفقد وعيه واغمى عليه ...ورعد ده كله بتصارع مع نفسها والصارع ده انتهى بصريخ اللواء صبري ...يااامن ياااامن فوق يايامن فوق ...رعد فتحت عنيها ببط وبصوت خااافت ..حاسب يابابا حاسب ...اللواء صبرى جرى عليها واعتماد كانت لسه واخدها فى حضنها ..شدها منها وحضنها بقوه وحب ...ياقلب ابوكى ...ياروح ابوكى ...ياكل حياه ابوكى

رعد بتبص بضعف وتعب ليامن ...اللواء صبري بحب هيبقا كويس ياحبيبتى ...هو غبى فى كل حاجه حتى وهو بيحاول ينقذك ...بينقذك ونسئ ينقذ نفسه ...رعد غمضه عيونها وهى فى حضن اللواء صبرى وهو نايمها وعدلها وضعها...وبيبص لاعتماد خليكى جنبها عما اشوف الغبى ده

اللواء صبري فتح الباب ..ونده على كرم تعال شيل الغبى ده بسرعه وخليهم يخيطوله جرحه...كرم بسؤال ايه اللى حصل ...اللواء صبري هبقا احكيلك بس المهم خده ووديه للدكتور ...كرم طيب رعد فاقت ولا لسه...اللواء صبرى بفرحه الحمد لله هى فاقت بس شوف يامن الاول

كرم شاله ووداه للدكتور وخيطله جرحه وبعد شويه صحا ...يامن بيبص بعيون دامعه للكرم ..كرم بتاكيد فاقت والله فاقت

الكل كان فرحان لانها فاقت ودعواتهم مازالت لرعد انها تكمل شفاها على خير
**************************
تانى يوم...رعد فاقت...واللواء صبري اكد على اعتماد انها متقولش لرعد الحقيقه غير لما تخف عشان هما مش ضامنين رد فعلها هيكون ايه

الكل مجتمع فى اوضه رعد حتى عدى اللى كان لسه تعبان هو كمان معاهم ...يامن كان واقف معاهم بس واقف بعيد شويه بس عنيه على رعد...وادهم كان واقف مبسوط وحزين فى نفس الوقت وخايف من رده فعل رعد انها متقبلهوش يكون اخوها

الكل اطمن عليها ...واللواء صبرى للكل ياربت نسيبها ترتاح شويه عشان هى لسه تعبانه ..الكل خرج ويامن كان نفسه ياخدها فى حضنه ...اللواء صبرى قرب منه وبحب اصبر ياابنى اصبر وكل حاجه هتتصلح ...كفايه انها رجعت من الموت عشانك ...يامن بصلها وهى كمان بصتله ونظراتهم كانت ابلغ من اى كلام وسابهم وخرج ورعد ذهبت فى ثبات عميق

اعتماد واللواء صبري كانوا دايما معاها ...ويامن كان كل يوم يروح بالليل عشان يشوفها يدخل يطمن عليها بهدوء ويخرج تانى لان اللواء صبري واعتماد كانوا نايمين معاها

وفى يوم راح عشان يشوفها ودخل بهدوء وصبرى واعتماد كانوا نايمين ...قرب من رعد وقعد جنبها على السرير وبهمس واشتياق وهى كانت نايمه ...وحشتينى اوى اوى يارعد قلبى ...وحشتنى ومش قادر ابعد عنك اكتر من كدا ...ارجوكى سامحينى وقرب من شفايفها ولمسها واللمسه دى كانت كفيله انها تصحى رعد ..فتحت عنيها وبعدته عنها وبتعب وشبه عنف ابعد عنى واياااك تلمسنى او تقرب عليه تانى

يامن بحب ارجوكى كفايه بقا ارجوكى كفايه والله تعبت كفايه بقا ...رعد بشبه عنف وصريخ ...لا مش كفايه ابدا انت ضحكت عليه ووجعتنى ...مؤمن عشان خاين زيك لغيت دلوقت وبعد عشر سنين مش سامحته وانت كمان لو باقى فى عمرى عشر سنين تانين عمرى مهاسمحك ابدا

صبري واعتماد فاقوا على صريخ رعد واعتماد جرت عليها بسرعه وبتحاول تخدها فى حضنها ...رعد بعدتها عنها وبصريخ ابعدى عنى ابعدى ...اعتماد انا عمرى ماهبعد عنك عمرى مها سيبك عشان انا امك وانتى بنتى وانا لازم اعوضك عن كل اللى انتى شوفتيه

اللواء صبرى بعنف وقوه...اسكتى يااعتماد اسكتى دلوقت ...اعتماد لا مش هسكت هى لازم تعرف الحقيفه لازم...رعد بصريخ ..لا انا مش عايزه اعرف حاجه ابدا لانى اكتفيت منكم ...اعتماد لا انتى لازم تعرفى انى انا امك والداده فاطمه هى اللى لسه قايلالى على كل حاجه ...لانها هى اللى ربيتك وانتى عمرك سنتين ...وبعد كدا شافتك مع احمد الوديدى وعرفت انك لسه عايشه ..رحتله وعرضت عليه تشتغل عنده وهو عشان مكنش شافها غير مره واحده وهى معايه ...وافق عليها وفضلت جنبك وربيتك حتى انا كنت جبتلك عقد وانتى صغيره عشان لما تكبرى ادهولك ويفضل معاكى لاسف انا ملحقتش ادهولك بس هو كان مع الداده ولاسف هى دورت عليه كتير عشان تعرفنى انك لسه عايشه بس معرفتش توصلى

رعد بصدمه وذهول ...يعنى انا بنتك ...وبسؤال طيب مين ابويه  ...واوعى تقوليلى انه احمد الوديدى لانى عمرى ماحسيت منه بحبه ولابحنيته وكمان هو قالى انى انا مش بنته يبقامين بقا ابويه

اعتماد بتبص للواء صبرى ...هو ده ابوكى الحقيقى ...رعد بذهول ودهشه ...يعنى ايه هو ده ابوكى قوليلى ازاى ده ابويه

اعتماد بدموع وحزن... حكتلها عن كل حاجه من اول اللواء صبرى ماسافر وساب اعتماد وهى حامل فيها لغيت لما اتقابلت بيه فى الجهاز لما كانت عند رعد ..واتقابلت هى والداده فاطمه بالصدفه لما اعتماد كانت رايحه تشوف بيت اهلها ...وكل ده واللواء صبرى واقف ودموعه نزله وكمان يامن اللى واقف ودموعه مغرقه وشه على حبيبته اللى دموعها نزله ومصدومه من اللى بتسمعه

رعد بصدمه ودموع ...يعنى انتى امى انتى اللى حرمتينى منك طول السنين دى ..اعتماد بدموع انا محرمتكيش منى انا...رعد بمقاطعه وانت ابويه اللى كنت بتمناء كل اما اشوفك اجرى عليك وارمى نفسى فى حضنك بس كنت ببقا عامله حساب لنظرات دينا...انت اللى كل اما اشوف دينا اتمنى اكون زيها بس اقول لا مش من حقى انا ...انا كدا معدتش مستغربه ليه احمد الوديدى باعنى لجاسر اللى ورانى العذاب اشكال والوان ...معدتش مستغربه من اقسوته عليه ...معدتش مستغربه من قله حنيته ليه

وبدموع وشهقات بس اللى مستغربه منه انتوا ازاى تبقوا ابويه وامى وتكونوا بالاقسوه دى ...اللواء صبري بدموع والله يابنتى ماكنت اعرف انها هى خلفت اصلا ...انا كنت عارف انها حامل وبحسب نزلت الحمل ...رعد بقهر بس انت رجعت ولقتها اتجوزت وقولت عليها خانت حبك وسبتها وروحت اتجوزت غيرها مش كدا ...اللواء صبري بعنف وصريخ ...ايوا هى خانتنى بس انا متجوزتش غيرها ...وفى الوقت ده كانت دينا جايه عشان تقول للواء صبرى انها عيزه تنزل مصر هى ومؤمن عشان ابنها اللى من ساعه ماسافرت وهى سيباها مع الداده بتاعته ...ولسه هتخبط سمعت اللواء صبرى وهو بيقول كدا وفضلت واقفه تسمع باقى الكلام ...اللواء صبرى .. لا انا متجوزتتش...رعد باستغراب ازاى متجوزتش امال دينا دى جت من الهواء ولا ايه

اللواء صبرى بدموع...دينا مش بنتى ومعرفش بنت مين انا لقيتها كانت عندها حوالى 3 سنين مرميه جنب الرصيف اخدتها وربيتها وكتبتها باسمى وربتها على اساس انها بنتى بس انا معرفش هى بنت مين ولا اعرف عنها حاجه ابدا

اعتماد البنت دى تبقا بنت احمد الوديدى انا خطفتها منه على اساس انها بنتى واما مالقتهاش بنتى حبيت اموتها احرق قلبه عليها زى ماهو حرق قلبى على بنتى بس مش هان عليه اموتها وحطتها جنب الرصيف وسبتها ...صبري بذهول وصدمه ...يعنى البنت اللى انا ربتها دى تبقا بنت احمد الوديدى اللى عذب بنتى فى الوقت اللى انا كنت برابى بنته واديها كل الحب والحنان ..وبعنف انتى ازاى تعملى كدا ازاى ...اعتماد بدموع والله انا كنت عيزه انتقم منه واحرق قلبه على بينته زى ماهو عمل معايه...صبري بحزن ..وانتى كدا انتقمتى اهو هو اللى انتقم من بنتك شر انتقام

دينا سمعت الكلام والصدمه لجمتها ودموعها نزلت بصمت ووجع ومشت بخطوات سريعه وخرجت من المستشفى كلها

رعد بعنف وغضب ...اطلعوا بره اطلعوا مش عايزه اشوف حد فيكم اطلعوا بره ...اعتماد يابنتى انا...رعد بصريخ ومقاطعه اوعى تقوليلى الكلمه دى تانى فاهمه ...اعتماد بدموع وعنف..لا انا امك سوا رضيتى او ابيتى ...رعد بصريخ اكتر وغضب...لا انتى مش امى انتى مجرد واحده انانيه حبت تاخد كل حاجه وفى الاخر خسرت كل حاجه ...انتى السبب فى كل اللى انا فيه انتى سبب العذاب اللى عشته فى حياتى كلها لو كنتى واجهتى اهلك واستحملتى اى حاجه يعملوها فيكى ومتجوزتيش احمد الوديدى كنت زمانى عايشه معاكم ومتعذبتش العذاب اللى شفته ده كله ...انتى سبب كل حاجه وحشه فى حياتى ...اعتماد بحب  ارجوكى سامحينى يابنتى ارجوكى وبتقرب عليها...رعد قامت من على السرير بعنف ...وبصريخ اوعى تقربى عليه اوعى ...وفى لحظه كانت مسكه سكينه وعيزه تضرب نفسها بيها ...وبصريخ وبهستريا اطلعوا بره كلكم اطلعوا بره ...اللواء صبري بحزن ودموع وخوف عليها...هنطلع يابنتى هنطلع بس ارمى السكينه دى من ايديكى

رعد بصريه اكتر لا مش هرميها وانا مش بينتك ...يامن بيقرب عليها عشان ياخد منها السكينه وهى بصريخ ابعد عنى ابعد انت كمان خاين زيهم وانا بكرهكم كلكم ...ويامن قرب اكتر وضمها جامد... وبيشد منها السكينه وهى بتحاول تفك نفسها منه وبصريخ ابعد عنى ياحيوان ابعد عنى ...يامن بدموع لا مش هبعد عنك يارعد واسيبك تاذى نفسك ...وبصريخ للواء صبري ارجوك يافندم استدعى الدكتور ارجوك ...ولسه صبري رايح ينده الدكتور ...كان الدكتور دخل على صريخ رعد وبسؤال ...ايه اللى حصلها ووصلها للحاله دى هى كانت بقت كويسه ...صبرى بدموع ارجوك شوفها الاول ارجوك

الدكتور ادلها حقنه مهداه ويامن مسكها جامد ومحاوطها بدراعه وبتوهان بعد مااخدت الحقنه سبنى ياحيوان سبنى كلكم خاينين ...كلكم عذبتونى وغمضه عيونها ...ويامن نايمها على السرير ونام جنبها واخدها فى حضنه ...واعتماد وصبرى كانوا واقفين ...صبرى بدموع انا قولتلك بلاش عجبك اللى حصلها ده عجبك انا عمرى مها سمحك ابدا ...لا على اللى انتى عملتيه زمان ولا على اللى انتى عملتيه دلوقتى وسابها وخرج

اعتماد بدموع والله كنت عيزاها تعرف انى امها واعوضها عن العذاب اللى شافته ...وطلعت وسابتهم ويامن واخدها فى حضنه وضممها جامد بقوه وعنف ...وبعد وقت ذهب فى ثبات عميق

رعد فاقت بعد الفجر لقت يامن واخدها فى حضنه دموعها نزلت بصمت وبعدته عنها وغيرت هدومها فى الحمام وقررت تسافر ...وتختفى ومحدش يعرف هى فين ...وراحت على المطار واخدت طياره خاصه وسافرت

يامن فاق على خبط الباب وكان اللواء صبرى واعتماد ...فتح عيونه وبيبص حواليه على رعد وبصوت واطى رعد رعد ...نزل بسرعه من على السرير عشان يشوفها وخبط على الحمام بس ملكهاش وفتح الباب بسرعه وبسؤال للواء صبري واعتماد فين رعد هى راحت فين

اللواء صبرى واعتماد بصدمه ...انت بتقول ايه انت اتجننت هى مش كانت معاك راحت فيه ...يامن بدموع مش عارف انا صحيت ملكتهاش ...صبرى لازم نسأل الامن بتاع المستشفى هما اكيد شافوها ...راحوا سالوا الامن وقالهم انها فعلا سابت المستشفى بعد الفجر ...صبري باستغراب ...طب راحت فين انا لازم اروح المطار واسالهم هى اكيد سافرت مصر احنا لازم نروح بسرعه

راحوا المطار وسالوا عليها ولاسف محدش قدر يوصلهم لاى حاجه لان رعد كانت عمله حسابها ان محدش يعرف مكان سافرها

نزلوا كلهم على مصر على امل انهم يلقوها فى الشغل او فى فيلتها بس مكنتش فيهم

فضلوا يدورا عليها كتير فى كل الاماكن اللى محتمل تروحها وسالوا عليها الكل وكانت اجابتهم واحده انهم ميعرفوش عنها حاجه بعد ما طلعت للمهمه ...اللواء صبرى بدموع وحزن لاعتماد ...منك لله منك لله ضعيتها لتانى مره منك لله ...اعتماد مقدرتش تتحمل ان بنتها لتانى مره وبسببها تضيع ...وقعت على الارض مغمى عليها ولاسف جالها حاله من الشلل المؤقت

عدى كمان وكرم وكلهم دور عليها كتير بس لاسف محدش قدر يوصل لحاجه عنها ابدا

يامن وآااااااه من يامن ...كان بيدور عليها ليل ونهار زى المجنون فضل يدور عليها لغيت لما عدا ...سنه ... على غيابها وكان بيروح كل يوم... بيتها وينام فى اوضتها على امل انها ترجع ..

وفى يوم حلم بيها انها جت ...قام فرحان من الحلم وبيبص حواليه بس مش لاقى حد ...ونزل يدور عليها فى الفيلا تحت ...ولاسف مش لاقى حد ابدا...وبيصريخ وهو بيدور انتى فييييين ياراااااعد انتى فييييين ارجوكى ارجعيييي ارجوكى كفااااايه وبيصريخ اكتر والله همووووت من غييييرك ...وانهار على الارض

@@@@@@@@@@@@@@@@@

👌انتهاء البارت ✋نكمل بكره ان شاء الله 👐

👈بصوا هى الراويه المفروض انها فضلها 3 بارتات والخاتمه ...هى كانت فضلها اكتر من كدا بس انا خليت البارت طويل عشان عيزه اخلصها لان الكتابه فون بصراحه ضغطه وقتى جدا جدا وتعبه عيونى بس انا معدتش حاجه من الاحداث بس طولت البارتات عشان اخلصها يارب تكون عجباكم وان شاء الله انا عملالكم مفاجاه فى اخر الخاتمه يارب تعجبكم 👉

👈ومع ان الراويه فى اواخرها بس انا بنهايه البارت ده وبسفر رعد انا قلبت الاحداث 360 درجه اتمنى الاحداث الجايه تعجبكم 👉

👈توقعاتكم ...وارائكم ...وتحليلكم للبارت يهمنى جدا ...يله كله يتوقع ايه اللى انا هعمله يغير مجرى الراويه 360 درجه ...مستنيه ...ورائكم وتحليكم للبارت وتوقعاتكم فى تغير مجرى الاحداث 👉

💗دومتم سالمين 💗
💋بحبكم كلكم💋