٣٤و٣٥
البارت الرابع والثلاثون 😘 من راويتكم عذاب رعد
👐 يامن سجدت لك وأنا لم أراك ...ودعوتك وأنالم أراك ..وأستعنت بك وأنا لم أراك...أحسن لقائى حينما ترانى وأراك 👐
🌷 قراءه ممتعه 🌷
اللواء صبري بصدمه انتى !!!
إعتماد بدموع وشهقات ...ايوا انا ياصبرى انا اعتماد
اللواء صبري ومازال على صدمته ياااه بعد السنين دى كلها نتقابل تانى
اعتماد ...بدموع انت لسه عايش طيب ازاى...اللواء صبري لسه هيتكلم الباب خبط وكان الشويش على
الشويش على ...تمام يافندم الكل موجود ومستنين حضرتك...رعد بقوه ..تمام روح انت وانا جايه وراك
بعد خروج الشويش ...رعد لسه هتمشى
اللواء صبري بحزن ...استنى يابنتى استنى
رعد بعنف لو سمحتى بلاش تقول الكلمه دى تانى لانى خلاص قرفت منها ومعدتش عيزه اسمعها
اعتماد بدموع حقك عليه يابنتى حقك عليه
رعد تجاهلت كلامهم وخرجت وسابتهم
اللواء صبرى يااااه بعد السنين دى كلها اشوفك بس مشكله المهم انك كويسه وانك بخير وبتريقه...وياترى جوزك عامل ايه اتمنى يكون كويس وعندك اولاد ايه خمسه ولا سته ولا كدا ايه انتى كنتى عيزه تجيب اولاد كتير ويكونوا كلهم بنات
اعتماد بدموع وشهقات ...خلفت بنت واحده واحمد الوديدى موتها ...صبرى بصدمه وهو هيموتها ليه وهى بنته...اعتماد بقهر ودموع وشهقات...لا هى مش بنته وشهقاتها بدات تعلا هى بنتك انت اللى انت سافرت وانا حامل فيها
اللواء صبرى ...بصدمه ايه بنتى طيب ازاى وهو يموتها ليه ومسكها من دراعها بعنف وقوه انطقى موتها ليه
اعتماد بدموع وشهقات اكتر...حكيتله عن كل حاجه من ساعه ماسابها وسافر وقولها ان هو مات وسفرها لغيت لما ولددت ورجوعها وجوزها من الويددى وبنتها اللى ادتها للداده فاطمه وقتل احمد الويددى لها و وطلقها منه وجوازها من ابو ادهم اللى هو الدكتور اللى كان بيعالجها من الانهيار العصبى
اللواء صبرى بدموع وصدمه ...يعنى انتى جايه بعد السنين دى كلها تقولى انى كان عندى بنت وطليقك كمان هو اللى موتها وبدموع بس مش هو اللى موتها انتى بانينتك اللى موتيها انتى اللى رجعتى عشان عيزه كل حاجه
اعتماد بدموع حرام عليك متظلمنيش كنت عيزنى اعمل ايه وانت سبتنى وانا حامل وفكرتك انك موت واهلى مكنوش هيرحمونى
اللواء صبرى...بعنف وعصبيه انتى اللى ظلمتى نفسك لما حبيتى تاخدى كل حاجه عيزه اهلك وعيزه جوزك وعيزه بينتك مكنش ينفع اعتماد هانم تضحى بحاجه لانها انانيه وعيزه كل حاجه بس ادى انتى خسرتى كل حاجه وبدموع وخسرتينى بنتى انا كمان ...وخنتى ثقتى فيكى ...اعتماد والله قوليلى انك موت وانا مكنتش عارفه اعمل ايه واوجه الناس ازاى وانا حامل كدا من غير جواز رسمى
اللواء صبري...اللى بتحب انسان بجد تفضل مخلصه ليه حتى لو الدنيا كلها قالتلها انه مات المفروض ياست ياهانم بدل ماتروحى تتجوزى وجوزك يقتل بنتنا كنتى عشتى على ذكرى حبك ليه بس انتى هتفضلى طول عمرك انانيه
اعتماد بدموع ...ارجوك كفايه ارجوك
اللواء صبرى بحزن ووجع ...فعلا كفايه لان الكلام بقا زى قلته...ولسه هيمشى...اعتماد شددته من ايديه أرجوكى سامحنى ارجوكى كان غصب عنى
اللواء صبرى ...شد ايديه منها بعنف وتجاهل كلامها وخرج وراح قاعه الاجتماعات عند رعد اللى اتحولت لرعد فعلا وعواصف
**************************
رعد دخلت قاعه الاجتماعات وشكلها يغنى عن السؤال ...دخلت بكل قوتها وقعدت واحتلت الكرسى الرئيسى لطربيزه الاجتماعات والكل كان موجود...ادهم اللى نظراته كلها حب لرعد بس معدتش فارق معاها...ويامن اللى قاعد وباين على وشه التعب والارهاق الشديد بس تجاهلته هو كمان ...وعدى اللى قاعد والحزن والزعل مالى وشه للى هو عمله مع رعد وهى بصتله نظرات كلها عنف وشراسه ...ودينا اللى نظراتها كلها غل وحقد ومؤمن اللى نظراته كلها حب ...قاطع النظرات دى دخول اللواء صبرى قاعه الاجتماعات ...عذاب رعد بقلمى دى دى فتحى ...اللهم اسالك الفردوس لوالدى
الكل قام وعمله التحيه ورعد سابت الكرسى بتاعها للواء صبرى ومكنش راضى يقعد عليه بس مع اصرار رعد وافق
رعد راحت شغلت الفلاشه وشافوا الاسماء اللى عليها اللى كل اسم وله وزنه وميعاد العمليات اللى كانوا عيزين يعملوها ...فضلوا يشتغلوا على المعلومات وكمان الاوراق حوالى 3 سعات كان يامن جاب اخره من التعب بس بيحاول يداريه ...ورعد كمان شافته وتجاهلته وكملت ...وبقوه وعنف كل واحد هكلفه بمهمه هيعملها عشان يبقا معانا كل الادله والمعلومات الازمه ...ومعاكم اسبوع من دلوقت عشان كل واحد يخلص المهمه اللى انا مكلفاها بيها وبعد كدا نعمل المهمه الكبيره
اللواء صبرى بجديه...بس انتى مش شايفه اسبوع شويه على مهمه كبيره زى دى
رعد بقوه ...لا مش شويه ولاهما فاكرين جاين هنا يلعبوا ...وبعنف وبتبص ليامن والناس اللى بتسهر وماشيه على مزاجها تنسى كل ده وتقوم بالمهمتها كامله والا هيكون مصيرهم السجن...يامن بصلها بتعب ظاهر وسكت
رعد بقوه ...ياريت لوفيه اى حد ليه استفسار يتفضل يقوله عشان مش مسموح لحد يسأل عن اى حاجه بعد مايخلص الاجتماع
رعد بقوه وصوت زى اسمها افهم من كدا ان محدش ليه اسئله ودلوقتى كل واحد يروح على مكتبه ...الكل بدا يمشى ويامن بيحاول يقوم بس مش قادر ابدا ...رعد عيونها عليه واللواء صبرى واخد باله وبهمس لها...روحيله ياحبيبه ابوكى روحيله هو محتاجلك سامحيه وروحيله رعد بصتله بنظره وجع وسابتهم ومشت ...اللواء صبرى بحزن لحالتها ...نقيب كرم خد ملازم يامن ووديه عن الدكتور خليه يشوفه
بعد خروج الكل ...اللواء صبرى قعد على الكرس وبيعيد كلام اعتماد تانى ولنفسه لاهى عمرها ماهتكون مظلومه ابدا هى خانت حبى لها وخانت ثقتى فيها...هى تستاهل كل اللى هى فيه ..بس دلوقتى لازم انتقم من احمد الويددى لقتله لبنتى ...بس الاول لازم اخلص المهمه دى مع رعد لانها كبيره وخطيره ولازم اطلع معاها عشان احميها من نفسها ومن كل اللى حواليها
رعد دخلت مكتبها وهى فى قمه غضبها من كل اللى حواليها وزعلانه من نفسها عشان قلبها وجعها على منظر يامن برغم كل اللى هو عمله فيها ...قاطع تفيكرها خبط الباب وكان عدى وبعد السماح له بالدخول
عدى بدموع انا اسف يارعد انا اسف
رعد وهى بتشتغل على الﻻب بتاعها ومن غير ماتبصله إسمى المقدم رعد وانا قولت مفيش اسئله بعد الاجتماع يعنى مفيش اسئله بعد الاجتماع
عدى بحزن ودموع ...انا مش جاي اسالك عن حاجه انا جاى اعتذرلك عشان تسامحينى انا مش عارف عملت كدا ازاى والله
رعد قامت بعنف وغضب ورمت الﻻب والﻻب اتكسر نصين وبعنف وغضب قولى بقا عايزنى اسمحلك على ايه بالظبط ...قولى على ايه على تعديك عليه...ولا على خيانتك لصداقتنا ...ولا على الوحش الثأثر اللى جواك وانت طلعته عليه ...وبعنف وغضب اوعى تفكر انى مكنتش اقدر اقتلك ساعتها ...لا انا كنت اقدر وذياده بس انا عملت خاطر عشان مامتك واختك وكمان خاطر لصداقتنا اللى انت معملتش خاطر لها ...وبصوت عالى ...ودلوقتى اطلع بره واياك تجيلى هنا تانى غير لما اكون عيزاك ولسه هيطلع بره
دخل كرم وبسؤال فيه ايه يارعد وصوتك عالى ليه وبيبص لعدى وايه الدموع دى فيه ايه وايه اللى بيحصل بالضبط
رعد بعنف وغضب ...فيه انى قرفت منكم كلكم فيه انى معدتش عيزه اعرف فيكم بعد النهارده ودلوقتى يله اطلعوا بره يله
كرم بصدمه ..طب انا ذنبى ايه عملت فيكى ايه
رعد بعنف ...ذنبك انكم عجينه واحده كل الرجاله خاينين وغدارين ...البنت مننا تحب الشاب وتخلص ليه ويبقا كل حياتها وهو بيكون بيلعب بيها وبيعرف بنات كتير عليها ذنبك ان مفيش حد فيكم مخلص ..الا من رحم ربه...ودلوقتى انا مش عايزه حد فيكم فى حياتى ...كل اللى هيبقا بينا هى علاقه الشغل وبس عما انقل نفسى فى مكان تانى او انقلكم انتم ...نخلص المهمه بس
كرم بدموع ...ارجوكى يارعد ارجوكى متعمليش فيه كدا ارجوكى
رعد بقوه وعنف لاول مره معاه ...اسمى المقدم رعد ودلوقتى اطلعوا بره انتم الاتنين وخدوا الباب معاكم
كرم ارجو...ولسه مكملش رعد قاطعته بعنف ...نقيب كرم رائد عدى اطلعوا بره حالا والا هتصرف معاكم تصرف مش هيعجبكم ابدا
بعد خروجهم مكسورين القلب والخاطر من عند اهم شخص فى حياتهم وهى صديقتهم وحبيبتهم رعد
رعد قاعده هى مش عارفه ناويه على ايه ولا هتعمل ايه ايه بس لازم تبعد عن الكل لازم مايكونش لاى حد مكان فى حياتها عشان محدش يوجعها تانى ولا يكسرها تانى
كرم دخل مكتبه بكل وجع والم من تعنيف رعد له وافتكر لما راح عند ملك
فلاش باااك
ملك طلعت بعنف وغضب...انا هقولك يابابا هو فيه ايه والنقيب كرم جاى ليه ...وبنكسار النقيب كرم المحترم اغتصب بنتكم وخلها زيها زى بنات الليل ...فيه انه كسرنى وذلنى وضيع كرامتى فى الارض فيه انه حيوان زى كل الحيوانات اللى زيه
باباها قام وقف ومسك كرم من لياقه قميصه وبعنف الكلام ده حصل ياسياده النقيب ...كرم بدموع وحزن ...ايوا حصل بس والله غصب عنى والله انا ولسه هيكمل ابو ملك ضرب كرم كذا بوكس فى وشه وبعنف وغضب وانت بقا تصلح غلطك والمطلوب مننا ان احنا نسكت مش كدا
كرم بدموع والله كان غصب عنى ...ابوملك بغضب هو الشرف عندكم لعبه ولا ايه...ملك للحظه ندمت انها قالت لبابها بس رجعت قالت كدا احسن لانه كسرها وعمرها ما هترجع زى الاول
كرم بدموع ارجوكم سامحونى وا
إدونى فرصه اصلح اللى انا عملته
ابوها بعنف وغضب ...واحنا مش عيزينك تصلح اللى انت عملته لان اللى انت عملته ميتصلحش غير بالدم ..وشده من لياقه قميصه وطلعه بره انا هعرف اجيب حق بنتى ازاى منك ياسياده النقيب ودخل وقفل الباب...وملك جرت على اوضتها تعيط وكرم روح بيته بعد الحزن ماكسر قلبه
بااااااك
كرم فتحت عيونه ودموعه نزله على حب عمره وحبيبته ملك...وعلى صديقه عمره واخته وامه وابويه وكل دنيته واللى عوضتته عن اى حرمان فى الدنيا ...قرر يروحلها تانى مكتبها ويترجاها عشان تسمحه هو مش ليه ذنب ابدا ...راح ولاسف لقاها مشت
************************
عنديامن
دخل الفيلا وهو موجوع والحزن مالى قلبه وشكله يغنى عن السؤال
سرايه بهجوم ...برده روحت الشغل وانت تعبانه وسمعت كلامها أنا لازم اع ...ولسه هتكمل...يامن بقوه مخلوطه بتعب كفايه بقا كفايه اللى انتى عملتيه فيها ولو باقى ليه عمر انا اللى هحميها من الدنيا كلها حتى لو كنتى انتى
سرايه بصدمه ايه اللى انت بتقوله ده
يامن بتعب وقوه ...بقول اللى انتى سمعتيه ولسه هيمشى جت جى جى وبتدلع عليها ...يامن مسكها من رقبتها بعنف وغضب انتى ايه مبتتهديش انتى ايه وعيزه منى ايه ...جى جى بتضربه بايديها على ايديه عشان تخلص نفسها وسريه جت تجرى عشان تنقذها منه ...وبعنف وغضب سبها يايامن سبها انت اتجننت ولا ايه...عذاب رعد بقلمى دى دى فتحى ...اللهم اسالك الفردوس لوالدى
يامن زق جى جى بعنف وغضب ووقعت على الارض ..وبصوت عالى وغضب ايوا اتجننت وعمايلكم هى اللى جننتنى واللى فى بطتها ده مش ابنى انا ميشرفنيش ان يكون ليه اولاد منها ...لان انا متجوز رعد وبحب مراتى وهى اللى هيكون ليه منها اولاد وبعنف فاهمين ولا اعيد تانى هى اللى هيكون ليه منها اولاد
سرايه بصدمه وعنف متجوز انت عارف بتقول ايه ولا الضربه اثرت عليك وجننتك
يامن بعنف وصوت عالى ...لا انا متجننتش انتى اللى اتجننتى انك تفكرى انى اتجوز بنت اختك واقبل اللى فى بطنها ده ...سرايه ضربته بالقلم وبعنف وغضب اصرخ انت ازاى تتكلم معايه كدا ازاى ...انت فعلا ابن حرام ومطمرش فيكى تربيتى ليكى
يامن بدموع وهستريا...ومسك دراعتها الاتنين ..انا مش ابن حرام ولو انا مطمرش فيه تربيتك مكنتش أذيت مراتى وحبيبتى عشان خطرك مكنتش ضعفت قدامك انت والحيوان جاسر وخليتكم تدوسوا عليها وتكسروا قلبها ...وبدموع وقهر ..مش انا اللى ابن حرام ..انتم اللى حرمين انتم اللى سرقتوا منى أنا وحبيبتى الفرحه ...سرقتوا مننا احلامنا ودمرتونا...وبدموع اكتر خلتوها تبعد عنى وتكرهنى ..خلتونى وبيرفع ايديه قدام عنيه خلتونى اضربها وأاذيها ...وبدموع وحزن وببيص لمامته ...أرجوكى رجعهالى ارجوكى انا عمرى ما اذيتك طول عمرى الابن المطيع ليكى حتى لما طلبتى ان ااذي اقرب الناس ليه أذيتها وهانت عليه وانهار على الارض
سرايه قعدت جنبه على الارض ...وبجديه انساها ياابنى انساها هى متستهلش حبك ابدا ولا دموعك دى خلى الدموع دى لحد يستاهل
يامن بصلها بحزن ووجع ...وبنت اخت اللى تستاهل مش كدا ...اللى كل يوم فى حضن واحد شكل هى اللى تستاهل مش كدا ...سرايه هى بنت خ...يامن قاطعها وبحب تعرفى لما كنت المس جسم رعد كان جسمها بيرتعش كانت هاشه وجميله كانت كل شئ ونقيده ...وبحزن بس انا حولتها لوحش يمحى كل اللى قدامه انا بايدى دمرتلها حياتها وثقتها فى الناس ...وبعنف وبيبص لجى جى على فكره اللى فى بطنك ده تروحى تنزليه لانى مش معترف بيه او روحى دورى على ابوه بعيد عنى ...وقام وسابهم طلع اوضته ..وقرر انه هيمشى ويسيبهم وبعد ماكان هياخد هدومه ...افتكر ان حتى الهدوم دى مش من حقه ومفيش اى حاجه بقت من حقه ...نزل عشان يمشى
سرايه بسؤال انت رايح فين وانت تعبان كدا انت لسه طالع ...يامن بحزن انا ماشى وسايبلكم الفيلا والفلوس والعربيات ليكى انتى وبنت اختك
سرايه بدموع وحزن ومسكته من لياقه قميصه انت عمرك ماهتسبنى ابدا فاهم انا خسرت واحد معنديش استعداد اخسر التانى ...يامن بحزن بس انا مش ابنك انتى ابنك مات وانا اخدتلك حقه وكسرت قلبها
سرايه بعنف كل ده عشان خاطرها
يامن بدموع وحزن ...اه كل ده عشانها ...عشان هى الوحيده اللى حسستنى بقيمه نفسى وانا معاها كنت بحس انى مالك الدنيا بما فيها بس انتى اخدتى منى دنيتى وياعالم ان كنت هعرف ارجعها ولا لا
سرايه بعنف وغضب ...وانا مش هسمحلك تمشى وتسبنى فاهم مش هسمحلك...عذاب رعد بقلمى دى دى فتحى ...اللهم اسالك الفردوس لوالدى
يامن تجاهل كلامها وبيحاول يخلص نفسه من ايديها اللى مسكاه
سرايه بعنف وغضب ...لو خرجت من هنا وسبتنى ...هبعتلها ناس تقتلها فاهم هقتلها
يامن نزل ايديها بعنف وبغضب يبقا لازم اللى انتى تبعتيه يموتها ده يموتنى انا الاول عشان يوصلها...طول ماانا عايش محدش هيقدر يلمس شعره واحده منها حتى لو كان التمن حياتى وسابها وخرج
سرايه بعنف وغضب انا هموتهالك يايامن والله هموتهالك وبصريخ استنى هنا انا بكلمك استنى انت متقدرش تبعد عنى وانهارات على الارض....وبدموع ارجوك يايامن استنى وخليك معايه ...طب مين اللى هيصرف الملاين دى ومين اللى هيعيش فى الفيلا دى ومين اللى هيركب كل العربيات دى....ولحظه ومسحت دموعها وقامت وبعنف وغضب مسكت التليفون ورنت على واحد من رجالتها
وبعنف انا عيزاك تاخد رجالتنا كلها وتطلع على المكان ؟ ده وهتلاقى فيه واحده هناك عيزاكى تخلصلى عليها لو حصلت تفجر بيها الفيلا فجرها المهم ان بعد ساعه من دلوقت عايزه الناس تترحم عليها وعيزاها تموت ابشع موته فاهم ..واى غلطه حصلت فى الموضوع هيكون نهايتكم كلكم على ايدى فاهم ولا اجى وافهمكم بطريقتى
الشخص ...بس ياريسه انتى مش شايفه ان غلط لما نطلع الرجاله كلها عشان خاطر واحده انا ممكن اقوم انا بالمهمه دى لوحدى
سرايه بغضب انا قولت الرجاله كلها يعنى الرجاله كلها لازم تخلصولى عليها النهارده وكل واحد فيكم ليه ربع مليون جنيه
الشخص بصدمه ايه ربع ايه...سرايه بتاكيد ...ربع مليون جنيه ومش كدا وبس وكل واحد شقه يقعد فيها هو واهله
الشخص بذهول ...بس هوانتى عارفه عددنا كام
سرايه ايوا عارفه ان عددكم كتير وبرده انا عند كلامى
الشخص بجديه ...اعتبريها ماتت من دلوقتى يافندم
سرايه فهم الرجاله اللى انا قولتهولك ولازم تموت فاهم لازم تموت باى طريقه وباى تمن
الشخص فاهم يافندم فاهم
سرايه قفلت التليفون ..وبشر وكره ...خلاص ياسياده المقدم كلها ساعه زمن و نترحم عليكى والرحمه كمان هتكون خساره فيكى لازم ابنى يرجعلى تانى وانتى تغور فى ستين داهيه
جى جى كانت واقفه فوق وسمعت المكالمه كلها..وبخبث ومكر دا كدا احلوت اوى وجه الوقت اللى هدفعك فيه تمن اللى انت قولته ليه غالى اوى وبتريقه ياابن خالتى ياغالى ...وجه وقت انتقامى منك
ومسكت التليفون ...ايوا يابيبي عيزه اقولك احنا مش هنلاقى وقت احسن من ده عشان نضرب ضربتنا
الشخص ..يعنى ايه
جى جى وهى دى محتاجه سؤال يعنى ابعت ناس تروحله على الفيلا بتاعت وبتريقه حبيبه قلبه
الشخص وايه ضمنك انه هيروح هناك
جى جى بمكر وخبث ...انا يابيبي الضامن متركز معايه بقا انا اللى هتصل عليه واعمل نفسى خايفه على حبيبه قلبه من اذيه مامته ...ويله عشان تلحق تبعت الرجاله اللى هيخلصوا عليه ونعرف ناخد الاملاك بتاعت خالتوه كلها
الشخص هو انا بحبك من شويه ماهو من دماغك الحلوه دى ...وبوقاحه بس ايه انا موحشتكيش ولا ايه
جى جى بدلع ...لا طبعا وحشتنى وجدا كمان هو انا مستحمله غتاتت يامن عشان ايه ...مش عشان ابننا اللى جاى ويله بقا عشان تلحق تعمل اللى احنا اتفقنا عليه
وبعد ماقفلت مع حبيبها ...اتصلت على يامن وبعد كذا رنه ...يامن فتح قولتلك اللى فى بطنك ده ما يخصنيش
جى جى بمكر وخبث ...بس اكيد حبيبه قلبك تخصك
يامن بفزع ...ايه اللى حصلها وانتى مالك بيها اصلا
جى جى بمكر وخبث ...حكيتله عن مكالمه سرايه
يامن بفزع وخوف ...والكلام ده من امته
جى جى بمكر اكتر ...من شويه يعنى يدوبك تلحق حبيبه قلبك واللى هت...ولسه هتكمل ...يامن كان قفل الخط وطلع بسرعه على فيلا رعد
@@@@@@@@@@@@@@@@@
👌البارت خلص ✋نكمل بكره ان شاء الله👐
👌توقعاتكم 👇👇👇👇
👈اللواء صبري هيسامح اعتماد وهيعمل ايه مع احمد الويددى ؟؟؟
👈اللواء صبري واعتماد هيعرفوا ان رعد بنتهم عايشه عن طريق مين ؟؟؟
👈ملك بمعرفت ابوها الحقيقه حكايتهم انتهت ولا ايه ؟؟
👈اصحاب رعد فعلا كدا خسروها ولا ايه ؟؟؟
👈أايه اللى هيحصل فى فيلا رعد وياترى مع كل الرجاله دى هيقدروا يعيشوا ولا دى هتكون نهايه حد فيهم ؟؟؟
🌸🌸🌸🌸🌸🌸🌸🌸🌸🌸🌸🌸
💞كل ده واكتر هنعرفه بكره ان شاء الله 💞
💗دومتم سالمين 💗
💓بحبكم كلكم💓
🌹🌹🌹🌹🌹🌹🌹🌹🌹🌹🌹🌹
😘ياريت الفانز يتفاعل مع البارت ويحلله وتتناقشوا معايه وتقولولى ريكم لانه يهمنى جدا...وبعدين خلاص هترتاحوا منى قريب لان الراويه خلاص فى أواخرها...والله كتبت البارت ده وعيونى تعبانى جدا ...وكنت عيزه اعتذر عن البارت النهارده عما عيونى تخف شويه بس والله مش هونتوا عليه انكم تكونوا مستنين البارت واخره عنكم حتى لو هاجى على نفسى بس عشان خاطركم وحبكم ليه كتبته 😘
😘فياريت انا كمان مش أهون عليكم وتتفاعلوا مع البارت وتقولولى ريكم وتعوضونى عن التعب اللى انا بشوفه فى كتابه البارت ورق وفون 😘
البارت الخامس والثلاثون😘 من راويتكم عذاب رعد
👐اللهم إنى أسالك فهم النبيين ...وحفظ المرسلين ...والملائكه المقربين ...اللهم اجعل السنتنا ...عامره بذكرك ...وقلوبنا بخشيتك واسرارنا بطاعتك ...انك على كل شئ قدير ...وحسبنا الله ونعم الوكيل👐
💗 قراءه ممتعه 💗
سرايه اتفقت على رعد ...وجى جى اتفقت على يامن
كرم كان رايح يشوف رعد ليه قالتله كدا ...وهو مستحيل يستحمل خسارتها ابدا لان خسارتها بالنسباله خسارته لدنيا كلها...ضرب الجرس كتير ورعد مكنتش راضيه ترد ...بس فى الاخر اطرت ترد وكلمته من السماعه الخارجيه ...امشى ياكرم امشى انا مش هفتح
كرم بدموع ارجوكى يارعد ارجوكى افتحى واسمعينى ..ارجوكى ...رعد بعنف قولتلك مش هفتح مش هفتح وابعدوا عنى انا مش عيزه اعرف حد فيكم كفايه اللى حصلى بسببكم عايزين تعملوا فيه ايه تانى
كرم بدموع وصوت عالى ...ارجوكى يارعد ارجوكى افتحى انتى امى وابويه واختى وصحبتى وحبيبتى وكل دنيتى ...ارجوكى افتحى وبلاش تحرمنى منك ...انا اقدر اتحمل كل حاجه الا بعدك عنك ارجوكى يارعد انا اهون عليه الموت ولانك تبعدنى عنك ...وفى لحظه رعد سمعت ضرب نار خافت وفكرت كرم ضرب نفسه بنار ونزلت تجرى وفتحت الباب ولقت كرم مضروب رصاصه فى كفته من وراء ...رعد بصريخ عملت ايه فى نفسك يامجنون عملت ايه
كرم بالم وصوت متقطع مش انا اللى ضربت نفسى يارعد انا عمرى ماهسيبك فى الدنيا لوحدك ابدا وغمض عيونه
رعد بدموع انا مش هسيبك انا كمان كرم مش هسيبك ...رعد انتبهت لضرب النار اللى محاوطها من كل الجهات .. شددت كرم ودخلته جوه بسرعه وربطتله جرحه عشان توقف النزيف ...وطلعت اوضتها بسرعه لبست واقى الرصاص وجابت سلاحها وشويه حاجات تساعدها فى الدفاع عن نفسها
ونزلت عشان تشوف فيه ايه ولا ضرب النار ده ليه
لقت يامن كذا واحد بيضربوه ...جرت عليه وبتحاول تتفادى ضرب النار اللى محاوط الفيلا من كل مكان ..واحت لى يامن اللى من جرح صدره مش قادر يقاوم ضربهم ليه ..بس مكنش يقدر يسيب مراته وحبيبته تموت حتى لو التمن حياته
رعد ضربت اللى كانوا بيضربوه ويامن كمان كان بيضرب بس بيضرب بالم
رعد شددته وجرت لى جوا ...وبسؤال ممكن اعرف مين دوال وليه بتشتبك معاهم وعيزين ايه
يامن مش عارف يقولها ايه دوال امى بعتاهم عشان يموتوكى ولا يقول لها ايه هو مش عارف مجرد انه مش عارف دموعه نزلت بصمت
رعد بفهم ...اه اه انا كدا فهمت مامتك اللى بعتاهم مش كدا وانت جاى تمثل عليه انك مش معاهم
يامن بصدق انا فعلا مش معاهم لانى انا معاكى انتى
رعد بعنف ...وانا قولتلك ابعد عنى وزقته عشان تخرج يامن شدها جامد ليه انتى مش هتخرجى لوحدك عشان انا معاكى ومش هسيبك حتى لو انتى ضربتينى بنار تانى ..ولسه هيطلعوا ...دخل الناس اللى كانت جايه تموت يامن دخلوا واتلاشوا رعد ...وبيضربوا فى يامن ورعد هجمت على رئيسهم انت مين وجاين هنا ليه وليه بتضربوه المفروض انكم جاين ليه انا
رئيسهم بعنف وبتحذير ...احنا هدفنا يامن العمرى مش انتى ...وبامر لرجالته موتوه ...وفى لحظه كان واحد منهم ضربه رصاصه..ولسه هيضربوه تانى ...رعد ضربته رئيسهم بعنف وقوه وبصوت عالى قولهم يسبوه قولهم ...رئيسهم بصوت مكتوم ورعد خناقه من رقبته سبوه يابهائم سبوه ...فعلا سبوه بس رعد كانت لفت رقبته كسرتهاله وقع جثه هامده ورجالته طلعوا يجروا يهربوا
رعد راحت بسرعه ليامن اللى جرحه اتفتح وكمان الرصاصه التانيه... ومعدتش قادر يقاوم ابدا كان هيوقع بس رعد لحقته وسندته ...يامن بتعب سبينى وامشى يارعد سبينى وامشى ماما بعته الناس دوال عشان يموتوكى والناس كتير بره ارجوكى اهربى انتى لازم تعيشى حياتك كفايه كدا كفايه وبيغمض عيونه
رعد بدموع وبتهز فيه ...فوق يايامن فوق عشان مامتك وعشان ابنك لازم تعيش عشانهم وبلاش تستسلم للموت
يامن بتعب وشبه ابتسامه ...مامتى هى فين مامتى دى ...وابنى مش لو كان ابنى وغمض عيونه...رعد سمعت ناس تانيه داخله ...خبت يامن بسرعه وربطلته جرحه ...وبتبص لعددهم من غير هما مايخدوا بالهم ولقيتهم عددهم كبير
ولنفسها انا مش هقدر عليهم كلهم هماعددهم كبير انا لو عليه مش مشكله بس كرم ويامن لو انا مت طيب مين اللى هيلحقهم انا لازم اتصرف ...واتصل على بابا صبرى وهو هيجى بسرعه وبتدور على تليفونها ..افتكرت انها سيباها فى اوضتها واستحاله تعرف تعدى منهم
وسمعت صوت رئيسهم انا عيزكم تلقوهالى باى تمن دى غاليه اوى عند الرئيسه عيزين نقرى عليها الفاتحه وناخد المكافاه ..ولسه هتمشى يامن حس بيها وشدها من ايدها وبضعف ارجوكى ياحبيبتى ارجوكى اهربى وبلاش تضحى بنفسك عشان حد ...وابقى افتكرينى وبلاش تنسينى وافتكرى اللحظات الحلوه اللى احنا عشناها سوا ..وبدموع والله كان نفسى اعوضك بس انا ضعيت كل حاجه وغمض عنيه ورعد بصتله بحزن ووجع ...وبتحاول تطلع تجيب التليفون بس رجاله سرايه كانوا مالوا الفيلا جوا...ولاول مره فى تاريخها المهنى تحس بالعجز ده ...هى لو عليها مش مهم بس كرم ويامن هتعمل فيهم ايه ..بس جتلها فكره وقررت تنفذها خلاص وهى ونصيبها ياتصيب ياتخيب
طلعت بخطوات ثابته وبثقه وهى مش معاها اى سلاحها ...وبتصقف بايدها للرجاله اللى مالين الصاله بتاعتها ...وبمكر وخبث ...تعرفوا برافوا عليكم انكم قدرتوا تدخلوا فيلا المقدم رعد اللى محدش بيقدر يدخلها ابدا ...بس انتم ماشاء الله عددكم كبير وتقدروا تدخلوا اى مكان بعددكم ده ...وبصراحه فضلت افكر اعمل ايييه ...اعمل ايييه ..تعملى ايييه يامقدم رعد ...ومش هكدب عليكم قولت انا كدا كدا ميته ...فقولت خلاص نموت كلنا سوا
رئيسهم ...كلنا مين انتى اللى هتموتى انتى لوحدك انتى متعرفيش هنكسب اد ايه من وراكى
رعد بس لاسف مش هتعرفوا تكسبوا من موتى حاجه لان احنا هنموت كلنا ..وبصراحه انا كهربت اسوار الفيلا كلها ...ده غير القنابل اللى انا زرعتها فى كل مكان .يعنى كلها 5 دقايق ونموت كلنا...يعنى كدا ميتين وكدا ميتين
الكل اتصدم ونزل سلاحه وسهم ...وبصدمه ايه مش ممكن احنا اللى معانا القنابل وهنفجر بيكى الفيلا انتى كدابه انتى متعرفيش تعملى كل ده لوحدك
رعد فى لحظه سهو منهم كانت هاجمه على رئيسهم ..واخدت سلاحه وحطته على دماغه...وبمكر وخبث ...هو من ناحيه اقدر اعمل كدا اقدر اعمل ....واه انا كدابه مع ان ده مش من طبعى بس الاغبيه اللى زيكم مش ينفع معاهم غير كدا ...وبعدين ياغبى انت وهو انا كنت اعرف بمعاد هجومك عليه عشان اعمل كدا بس انتم اغبيه ...وبعنف وغضب...ويله اديلهم الامر عشان يرموا سلاحهم بدل ما افجر دماغك المتكلفه دى
رئيسهم بسرعه ...ارموا سلاحكم بسرعه ارموه...كلهم نزلوا سلاحهم ..ورعد فى لحظه كانت ضرباهم وكومتهم مكانهم... وفيه منهم خاف وهرب
ده كله ولسه مسكه رئيسهم وهى محاوطه رقبته بايدها ...وبمكر ...هااا قولى بقا مين اللى اتجرا وبعتك عشان تقتل المقدم رعد...وبمكر على فكره انا عارفه بس عيزه اسمعها منك ...هااا هتقول ولا افرتكلك دماغك الحلوه دى
رئيسهم بخوف ..سرايه هانم هى اللى بعتانى ..وبمكر انا مكدبتش عليكى اهوا سبينى بقا ...رعد بمكر اكتر منه ده على اساس انا لو سبتك انتى هتسبنى وضربته بنار كومته جنب رجالته
ولحظات وتليفونه كان بيرن وكانت سريه
رعد اخدت التليفون وفتحت ..سرايه بعنف وغضب ايوا يازفت انا برن عليك مش بترد ليه
رعد بكره وغضب ...الزفت مش بيرد عشان مات وشبع موت
سريه بغضب وصدمه ...انتى لسه عايشه
رعد باستفزاز ..اه انا لسه عايشه ...وابقى خلى بالك المره الجايه اما تبعتى حد يقتل المقدم رعد ..ابقى ابعتى بدل 10 عشرين وبدل 20 تلاتين ...لان انا اقوى من الرعد نفسه
سرايه انا هدفعك التمن غالى يارعد والله هدفعك التمن غالى
رعد باستفزاز اكتر ...اه اه نسيت اقولك ان ابنك الغبى موجود عندى ومتصاب ...بس صدقى صعبان عليه...كان جاى ينقذنى بس معرفش حتى ينقذ نفسه ... عشان غبى ...ومامته أغبى منه ...على العموم انا مش غبيه زيكم ...وهوديه المستشفى ...وبمكر ابقى روحيله لو لحقته
سرايه بغضب وجنون ...هقتل يارعد هقتل والله
رعد بمكر واستفزاز اكتر...بس حاسبى تيجى تقتلينى اقتلك انا وقفلت فى وشها الخط
سرايه اتجننت بزياده وكسرت كل اللى قابلها
جى جى نزلت على التكسير ...وبسؤال ومكر فيه ايه ياخالتوه ايه اللى حصل
سرايه بصريخ وغضب ...فيه ...انها لسه عايشه وابنى اللى اتصاب ...جى جى فرحت جواها بس دارت فرحتها
سرايه بجنون ...طيب ازاى اكيد كان بيدافع عنها واخد الطلقه بدالها ...جى جى بمكر...خلاص ياخالتوه متزعليش يعنى هو مات...سرايه بغضب انتى بتقولى ايه..جى جى لحقت نفسها بسرعه قصدى يله نلحقه قبل مايموت
*************************
عند رعد ...رعد اتصلت على المستشفى وبعتتلها الاسعاف ...واخدوا كرم ويامن وركبت معاهم ووصلوا المستشفى ودخلوا العمليات وبعد وقت خرجوا وكل واحد دخل اوضه
وبعد وقت...رعد دخلت اوضه كرم عشان تطمن عليه ...كرم اول ماشافها دموعه نزلت وبيحاول يقوم ...رعد منعته ...بلاش تقوم انت لسه تعبان
كرم بدموع ...ارجوكى يارعد ارجوكى بلاش تسبينى زى كلهم ماسبونى ارجوكى خليكى انتى معايه
رعد بحب وبحنان ...انا عمرى ماهسيبك انا هفضل معاك
كرم بدموع بس انتى قو...رعد بمقاطعه انسئ الكلام اللى انا قولته وارتاح ...كرم بدموع ...ارجوكى خليكى جنبى وبدا يغمض عيونه وينام
رعد فضلت جنبه لغيت لما نامت هى كمان على الكرسى جنبه...وبعد وقت فاقت وكرم كان لسه نايم ...وفكرها وذهنها راح ليامن ..قلبها لازم تروحى تطمنى عليه هو كمان متصاب ...عقلها اوعى تعملى كدا اوعى هترجعى تندمى تانى بلاش تأذي نفسك تانى ...وقدرت انها متروحش تشوف يامن مع انه نايم فى الاوضه اللى جنب كرم
عند يامن ...سرايه وجى جى راحوا عشان يطمنوا عليه وسرايه كانت فى قمه غضبها ...وبعنف وغضب ليامن روحت ليه انت عايز تحرق قلبى عليك
يامن بحزن وتعب ...وانتى ليه عيزه تحرقى قلبى عليها وببص على الباب ..وعنده امل ان رعد تيجى وتشوفه
سرايه اخدت بالها من عيون يامن وهى على الباب ..وبعنف ايه مستنيها عشان تيجى وتستعطفها وتتحايل عليها وتذل نفسك ليها
يامن بحب ...ده مش ذل ده حب ده عشق وانا بحبها وبعشقها..سرايه بغضب ...انا مش عارفه هى عملاك ايه مش عارفه
جى جى بمكر ...حمد لله على سلامتك يايامن كناء فكرينك انا وخالتى انك موت ..سرايه بصتلها بغضب ايه اللى انتى بتقوليه ده ...جى جى بمكر ...انا مش بقول حاجه ياخالتوه
يامن بحزن وهو بيبص على الباب ...يارتنى موت يارتنى موت ولا حسيت بالعذاب ده ارجوكم سبونى لوحدى عايز ارتاح وغمض عيونه
سرايه لا انا هبات معاك ...يامن بحزن ارجوكم سبونى لوحدى ارجوكم وذهب فى ثبات عميق ...وهما كمان بعد شويه مشوا على اساس انهم هيرجعوله الصبح
يامن فاق بعد الفجر بتعب والم ...بس اشتياقه لرعد كان اكبر من الالم والتعب ده شد المحلول من ايده ...هو متاكد انها مع كرم وخرج من اوضته بتعب...الممرضه حاولت توقفه ...بس هو بنظره منه سكتها وبتعب فين اوضه النقيب كرم انطقى ...الممرضه شاورت على الاوضه اللى جنبه ..خبط على اوضه كرم واما محدش رد دخل ولاقا كرم نايم على سريره ...ورعد نايمه على كرسى جنبه ...قعد على ركبته جنبها ..وبيملس على وشها بحب وعشق ...هى وحشها كل حاجه فيها عيونها وشفايفها وخدوها حتى كلمه مينو منها وحشاه جدا ...قرب منها زياده ولسه هيلمس شفايفها رعد فاقت وزقيته بعيد عنها ...وبعنف قولتلك قبل كدا متحاولش تقرب منى تانى فاهم ...كرم فاق من الصوت بس عمل نفسه نايم ..على امل انهم يتصالحوا
يامن بدموع وتعب والله انا بحبك ومقدرش استغنى عنك
رعد بعنف وغضب وانا بكرهك ولو بايدى اموتك بدل المره مييت مره مش هتردد ...يامن قرب منها ...وبتعب ومين قالك انى عايش انا بغيابك عنى فعلا ميت ارجوكى سامحينى والله وحشتينى اوى ومش قادر على بعدك اكتر من كدا
رعد بعنف وانا عمرى ماهسمحك ويله اطلع بره
يامن بعنف وتعب ...يعنى انتى بتكرهنى وعيزه تموتنى بدل المره ميييت مره ...طيب خلى انتى عنك وانا هقوم بالمهمه دى ...وفى لحظه كان ماسك سكينه من طبق الفاكهه اللى جنبه ولسه هيضرب نفسه بيها رعد صرخت بصوتها كل وكرم معدتش ينفع يعمل نفسه نايم اكتر من كدا شد المحلول من ايده ونزل بسرعه
رعد بقوه وبتقرب منه ابعد السكينه دى ابعد...يامن بتهديد متقربيش اكتر لان كدا كدا هموتلك نفسك انتى بس استمتعى بالمشهد ...كرم بخوف ...ابعد يايامن السكينه دى ده مش حل ابدا ابعدها
يامن بدموع وحزن لا هو ده الحل الوحيد عشان ارتاح من الدنيا كلها انا تعبت والله تعبت...رعد كانت قربت منه زياده وبتشد السكينه منه اتعورت وهو اول ماشاف ايدها رما السكينه من ايده...كرم سحب نفسه وطلع بره عشان يسيبهم سوا
رعد بعنف انت ليه بتعمل كدا انت ليك مامتك ومراتك وابنك عايز منى انا ايه ابعد عنى وعيش حياتك
يامن بصريخ ودموع ...انا مليش بيت ومليش ام وكمان ده مش ابنى ...انا مليش حد غيرك فى الدنيا...وانتى كمان استكترتى نفسك عليه ...ارجوكى بلاش تسبينى...ورما نفسه فى حضنها ...ورعد واقفه ثابته مش عارفه تعمل ايه ...فيه حرب بين قلبها وعقلها ولاسف عقلها هو اللى انتصر لتانى مره...بعدته عنها بهدوء ...ويامن مسكها من وسطها ارجوكى انا محتاجلك اوى ...وبهمس وعشق وحشتينى اوى اوى وبيقرب من شفايفها ...رعد حطتت ايديها حاجز بين شفايفه وشفايفها ...وبهدوء اللى انت عيزه ده معدتش ينفع ابدا
يامن بسؤال وهو مازال على وضعه يعنى ايه معدتش ينفع
رعد على نفس هدوئها ...يعنى انا طلقت نفسى منك
يامن بصدمه وذهول ...ايه طلقتى نفسك منى طيب ازاى وحبك ليه والوعود اللى بينا
رعد بحزن ...خلاص معدتش لها مكان عندى وانت كمان معدتش ليك مكان فى قلبى لان انا عمرى ماهسمحك على اللى انت عملته معايه
يامن متكلمش تانى ...خرج من اوضه كرم عشان يروح اوضته...وماشى بخطوات مميته ..كرم جرى عليه وبسؤال فيه ايه يايامن وايه اللى حصل ومالك ماشى كدا ليه
يامن بتوهان ودموع ...رعد طلقت نفسها منى ...رعد طلقت نفسها منى ...واغمى عليه وهو قدام اوضته...كرم بصريخ يامن يامن ...رعد طلعت تجرى لقيته مغمى عليه ...دموعها نزلت بصمت على حالها وحال حبيبها
الممرضين دخلوه اوضته ...الدكتور بتعنيف للمرضه ازاى مريض بحاله دى يخرج من الاوضه وهو تعبان كدا ...انا هحملك المسؤليه لو حصله حاجه...الممرضه بدموع والله يادكتور انا حاولت امنعه وهو مش سمع كلامى ...الدكتور بعنف كان لازم تمنعيه بالقوه او تنادى حد مننا ...وعلقوله المحاليل تانى وسبوه وخرجوا
كرم بصدق انا مش عايز اعرف ايه اللى حصل بينكم بس خليكى جنبه يارعد خليكى جنبه هو محتاجلك اعتبريه حد زيه زى اى حد من الفريق ومحتاج مساعدتك ...وانا هروح اوضتى ...بعد خروج كرم رعد قعدت جنبه وفضلت تبصله بحزن ووجع... لغيت لما ذهبت فى ثبات عميق
فاقوا الاتنين على صوت الممرضه اللى جايه تغيرله على الجرح وهى عيونها هتاكل يامن وفيه عيون تانيه هتاكلها وعيزه تولع فيها...الممرضه بدلع وبتوطى على يامن ...اللى كان صاحى بس ثابت وسرحان فى دنيا غير الدنيا
الممرضه بدلع واغراء...لو عايز حاجه اى حاجه ولا محتاج انى ابات معاك انا تحت امرك فى اى حاجه ...رعد فهمت كلامها من حركه شفايفها ...قربت منها ومسكتها من رقبتها ...وهى موطيه عليه...الممرضه بصوت مكتوم سبينى ارجوكى سبينى هموت ...
رعد بهمس للممرضه قوليلى بقا ..اى حاجه زى ايه انا عيزه اعرف انا كمان ...الممرضه بنفس نبره صوتها ...مفيش حاجه ارجوكى سبينى ...رعد زقتها بعنف ووقعتها على الارض وبتحذير تعرفى لو شوفتك فى الاوضه دى تانى هعمل فيكى ايه...مش عيزه اقولك انه هيكون اخر يوم فى عمرك ...ويله اخفى من وشى الساعه دى
الممرضه اترعبت من منظر رعد وطارت من قدامها
ده كله ويامن سرحانه فى دنيا غير الدنيا ...ومخدش باله من غيره رعد عليه من الممرضه ...رعد قربت منه عشان تكمل اللى الممرضه بداته ..لانها مكنتش كملت تغير لجرحه ...قربت من يامن وهو سرحان تمام ودموعه نزله بصمت ...هو متخيلش ابدا انها تطلق نفسها منه ...ولنفسه هى اكيييد عرفت انك من الملجا وعشان هو ميشرفهاش انها تكون مراته طلقت نفسها منه ...رعد غيرتله على جرحه وحس بيها وبيبصلها ودموعه نزله ...وهى عمله نفسها متجاهلها ...بس هى فى الحقيقه قلبها بيتقطع من جوه على دموعه دى...خلصت تغير جرحه...ويامن نفسه تقوله ان الكلام اللى هى قالتوله من شويه كدب وانها لسه مراته وحبيبته ...بس رعد اتكلمت غير اللى هو نفسه يسمعه منها
رعد بجديه لو عوزت حاجه انا عند كرم او ممكن تطلب اللى انت عيزه من اى حد من الدكاتره وسابته وخرجت
يامن غمض عيونه بحزن ووجع ...ودموعه نزله ولنفسه فوق يايامن فوق هى ممكن تكون بتحبك بس لما عرفت بحكايه الملجا طلقت نفسها منك وخافت على مركزها ووضعها الاجتماعى وهى عندها حق ...ابعد عنها وخليها تعيش حياتها مع اللى يستاهلها...انت لازم تعرف انك ملكاش الحق فى اى حاجه ...والحقيقه ان حياتك كلها عباره عن كذبه ...فضلت تكبر يوم عن يوم لغيت لما اتحولت لجحيم وانت لوحدك اللى اتحطيت فيه
رعد دخلت عند كرم ...وعرف من شكلها انهم مش اتصالحوا ولا هى هتسامح بساهل ...نفس اللى حصل بينه وبين ملك
*************************
👈👈👈عيزه اقول لكل راجل
👈المرآه كائن ضعيف ...خلقت انت لتكون سندها ومصدر قوتها ...وتكون لها مصدر للحب والاحتواء والحنان والاهتمام ....فجميع النساء ...عندما يهمس لها الرجل بكلمات غزل وحب 👈 تهيم معه وتطير فوق السحاب وتكون اسعد النساء ...وعندما يقول لها 👈
👈بحبك ...وانتى كل حياتى و انا السند ليكى عندما يميل عليكى الزمن 👈 تحس انها امتلكت الدنيا وما عليها
👈وعندما يعنفها ويقول لها كلام جارح او كلمات مؤلمه او يستهين بمشاعرها ...او يخون ثقتها وحبها ....👈 يحولها لكائن ضعيف هاش ...اقل شئ يوثر فيه وتكون عرضه للذئاب البشريه من البشر...او تتحول الى كائن يفقد الثقه فى كل اللى حواليه حتى اقرب الناس ليه
👈وتكون المراه فى الحالتين ...تكون مجروحه ومكسوره القلب وغائبه الروح
👈فقال الرسول * عليه الصلاه والسلام * رفقا بالقوارير ويقصد بالقوارير ( النساء )
👈ويقول *عليه افضل الصلاه والسلام * فى حديث غيره
( استوصوا بالنساء خير )
👈أفلا يجدر بكم أيه الرجال بعد كل هذا ...ان تكون لها مصدر ...للحب والعطف والاحتواء وتكون رمزا للوقار والاخلاص....ان تحتوى مشاعرها ...واحساسيها الفياضه وان تشعرها بالدفء والامان ...وان تهمس فى اذنيها 💗بجبك💗 ...ان تاخدها الى صدرك الحنون
👈فما أحوج نسائكم الى تلك الكلمات ...وما أحوجهم الى صدرك الدفيء الحنون والى تلك نظره الحب هذا
👈والمراه ليست سوا ...امك او زوجتك او اختك او بنتك ...وكلهن بحاجه الى العطف والدفء والامان والحنان
👈فان انت لم تمنحهن ذالك الشعور وترعاهن حق الرعايه ...فلا تلمهن فى انخراف سلوكهم فى غياب الوازع الدينى ..
👈فاما ان تتخطفهن الطير ...او تهوى بهن الريح فى مكان سحيق
فارفقا بالقوارير ايها الرجال
فارفقا بالقوارير ايها الرجال
فارفقا بالقوارير ايها الرجال
@@@@@@@@@@@@@@@@
👌البارت انتهاء ✋نكمل بكره ان شاء الله👐
🌹لان بصراحه بعد ماكتبت الكلمات دى مش عيزه اكتب حاجه تانى🌹
👈توقعاتكم👇👇👇
👈سرايه هتعلم ايه تانى فى رعد؟؟؟
👈هيعملوا بكره ايه فى العمليه الكبيره اللى هيقوموا بيها كلهم ؟؟؟
👈ايه ريكم فى قذف الجبهه اللى رعد قذفته لسرايه؟؟؟
👈رعد بطلاقها من يامن كدا نهت حكايتهم ولا ايه؟؟؟
🌹🌹🌹🌹🌹🌹🌹🌹🌹🌹🌹🌹
🌷الراويه فى اواخرها يله بقا تفاعل حلو و تحليلكم وريكم فى الاحداث 🌷
💓 دومتم بخير يااحلى فانز 💓
💗 بحبكم كلكم 💗
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!