رواية #عيناك_واللحن_القديم الفصل التاسع 9 - بقلم Frdos El Sined

#عيناك_واللحن_القديم
بقلمي : فردوس عبد اللطيف
تاسع
يا غايبة وشلون بعدي قويتيه
وشلون قلبك طاوعك تهجريني
الله وأكبر وين عهدٍ خذيتيه
وين الوعود وين ذاك اليميني
كم مرتٍ دمعي بكفك مسحتيه
واليوم وينك غايبه ماتجيني
مشتاقلك والشوق يصرخ ظلمتيه
حسي بشوقي يالغلا وأرحميني
عودي لقلبٍ من حنانك حرمتيه
لاتقطعين الوصل بينك وبيني
قلبي يحبك هايمٍ لو جرحتيه
أنتي أمل عمري وفرحة سنيني
شجاع : امي ماتت بجيت وبجيت وحظنت اخوي لؤي
    ماعندي بهالدنيا غيرك لاتتخلى عني لؤي
وهو بس يبجي مجلب بي حاضني ويبجي لان هو كان الصغير المدلل وانحرم من ابوي وامي صارت هي الام والاب وبقت عيونه علي طول فتره الفاتحه كاعد يمي معافني
مثل ابني الصغير وعباله اني قوي ويستند علي صح كنت اظهر القوه لكن بداخلي تعبان من فراك نور عيوني والي محد يكولي وين بس احساسي يكول عمي يعرف بيها وين
بعد مرور شهرين اجانا كتاب للتطوع لتحرير الانبار
شجاع : شكيب راح اتطوع بلكي اموت شهيد بعد شنو حياتي
شكيب : احنا صدك تعبنا وكوله بسبب درب الحرام الي مشينا بي اني راح اتزوج
شجاع : صدك شكيب الف مبروووك ربي يسعدك تستاهل كل خير
فراس : شباب اني زوجتي حامل وبهالفتره قلت المشاكل بينا
وشكد يعجبني ارجع للبيت واشوفها تنتظرني وتتلكاني وابتسامتها منوره وجهه
شجاع : لعد وين جنت قبل ؟
فراس : ترى مو سهله اول زواجي جنت من اتقربلهه اتذكر اخوي الشهيد بيناتنا
بس رحت لكبره وطلبت منه يسامحني واني تزوجتها لارضاء اهلي وحتى لاينظلم ابنه
وراها جاني بالحلم وكالي مبروووك زواجك خوي واشكرك حافظت على ابني
من يومها ضميري ارتاح
شجاع : الا اني الماس عافتني وكانما تعاقبني لان ماكدرت احميها واني كل الي سويته لاجلها محد مسوي
شوكت اشوفها والتقي بيها

[ينبغي أن يكون هناك GIF أو فيديو هنا. قم بتحديث التطبيق الآن لتشاهد المحتوى.]

مشتاقلج الماس يابعد عمري راح التحق بالجبهه ويمكن استشهد واذا سمعتي بخبر موتي لا تبجين فدوه ولاتنسيني
********
التحقت بالجبهه لتحرير الانبار
هناك المقاتل العراقي ينسى نفسه وينسى اهله بس يريد يحمي
حدود وارض الوطن
ايام التحرير مشت بطيئة  ومحد يتوقع الدقيقه شيصيربيها زملائي واصدقائي  ينقتلون كبالي واحد وره الثاني واني متمسك  بندقيتي  واقاتل  رغم وجعنا وجروحنه ماتوقفنا  كل يوم  نزف عشره عشره شهداء ربي يرحمهم  جنت اتمنى الشهاده وارتاح لان من ارجع للواقع وافكر حياتي بدون الماس واهلي الي مابقى منهم غير اخوي تمنيت الشهاده
لحضات تمر على الانسان يكون بيها صادق المشاعر ومأيس من الحياة والحمد لله تبت لرب العالمين وتركت طريق الزنا والشرب والي يتوب يتمنى الموت بس للاسف  قدر الله وما شاء فعل مشت يوم عن يوم تزيد ضحايانا و كلما تزيد  نقوه ونريد ناخذ بثارهم ونريد ننتقم من الي قتلوهم بدون ذنب
والي اهلهم ينتظروهم يرجعون الي عنده اطفال والي زوجته حامل والي عنده ام تدعيله يرجعلهه وندزه الهه بتابوت وملفوف بعلم
نشوف الموت يوميه بالشهداء الي نزفهم للمقبره واحد بعد الاخر كاعدين سويه نتريك وره ساعه ينقتل لو ندخل معركه
وينقتل صديق كدامي وما اكدر انقذه ويوصيني باهله وناسه
حتى لما تجي الاجازه وانزل للببت بس تفكيري  يم اخواني اريد ارجع التحق ويه اخوتي
ذولي ولد العراق  الي افنوا حياتهم فداء للوطن
بالمعسكر ايد وحده
ايام الانبار تعرفت على ضابط اسمه علاء عبد الرحمن ضابط قوة وكان  بطل ويقتدى به واني جديد ملتحق
ولاحظت علاء عصبي جدا  وميتحاجه والكل يخافون منه يتقربون يمه لو يكلموا
بقيت الاحظ تصرفاته مثل الطير المذبوح ذكرني بنفسي لما كنت اتعذب وادور على الماس
اكيد علاء عنده سر بداخله .....
واحنا بمنطقة النخيب بالليل نتقاتل ويه الاعداء
علاء : شجاع اشلونك ؟
شجاع : هلا بيك هلا اخويه  اني تمام شون جرحك ؟
علاء : بصوت حزين الحمدلله
شجاع :  بيك شي علاء
علاء : لا شجاع مابي
شجاع :  احجي اني اخوك من نبرة صوته حسيته شايل هم جبير وجرح بداخله ويريد يفرغ ويحجي
الانسان بلحظات الموت ممكن يحجي كول الي بداخله الي اله والي عليه ميهمه لان هو اصلا مواجه الموت
علاء : شحجي
شجاع :  زيح همك واني ازيح همي وخلي  الدنيا متهمك ولاتهمني اليوم احنه سويه باجر انته مو يمي سكتت
علاء :  شجاع انت انسان قوي وسمعت بقصتك  من الولد شجاع : خلي احجيلك سالفتي والي ماسامعها من الولد حجيتله كل الي بداخلي
علاء : وين راحت ؟؟؟؟؟
شجاع  : ماادري دورت عليها بكل مكان واختفت

علاء : اسمع شجاع اني ربيت  بين عمامي يوميه مشاكل بيوم جيت للبيت شفت عمتي لازميها عمامي ورابطيها  وهيه تبجي  بوقتها كنت بالثالث ابتدئي ..جر حسره
شجاع :  كمل  .....
علاء : عمتي حامل وعمامي يردون  يقتلوها وسكت 
شجاع : عمتك غلطت ؟
صفن بيه
علاء : عمامي كالو تخلف ونخلص منها مشت اشهور وهي لا تاكل ولاتشرب ابدد لحد شهر ال9 بدايته  ولدت بنيه وهيه توفت  عمتي صغيره بلعمر وماتتت  والبنيه بقت طفله تيتمت
من اول يوم ولادتها
بعدهه طلعت عمتي مظلومه
لان واحد من عمامي مزوجها لشخص يطلبه  فلوس لان كلما يخسر بالقمار يتداين منه لحد ما اضطر يبيعله  عمتي وهي ورده مفتحه وبعز شبابها
زوجها استشهد وبقت عمتي وحيده واجتي وهي حامل
وره مماتت عرفنا بهذا الموضوع وان حملها كان شرعي لان
الشخص الي اخذهه تزوجها وعقد عليها يعني مو بالحرام
بس الي حمل الذنب الطفله الي انجبتها من اول يوم
والبنيه خالها راد يذبها ومرته مخلته جانت محرومه من خلفة البنات بعدها بقت بدون هويه وعمي طلعلهه هويه بأسمه وصار ابوها وصارت بنت عمي
وهيه ربت بيت عمي والعائله كلهم ميحبوهه ويبتعدون عنها اعتبروهه وصمه عار واني حبيتها حب حقيقي ومن كل كلبي  فكتلهم ايه اليه عمي ضحك كال اي خلصنه من عارها ضجت حيل وكتها مجنت اعرف معناتهه
كلمه عار  صعبه شاب بلخامس علمي يسمعها على انسانه حبها جانت بعمر المراهقه يووو جنت اعشكها عشك اوديها واجيبها مرات جانت تبات يمنه وتعلقت بيها اكثر وزاد حبها بكلبي اهلي ما خبروا اهل ابو ايه انو امها كانت حامل
يمكن الشاب لبعمره يفكر بشغلتين يدخل كليه
او يتطوع بالجيش
حبيتها  وافكر بيها خلصت السنه وايه تحلى كدامي  وتكبر واني  اتعلق بيها واحبها
دخلت الامتحان الوزاري  ومعدلي كان /  83
بقيت افكر وين اروح وجنت افكر بايه جانت ثالث متوسط عدت السنه وهي  هم نجحت فكرت بالجيش حتى اكدر احافظ على ايه محد تقبل الموضوع من اهلي واني كنت مصرادخل كليه عسكريه حتى اسبق الوقت واتعين واتزوجها لان ايه صارت حلم عمري وحياتي
داومت كليه هندسه بس مجان عندي واهس ادرسها لان مستعجل اريد اختصر السنين حتى اتمكن من الارتباط بحبيبتي واتزوجها 
عفت كليتي سنه وبعدها بسنه
قدمت عالكليه العسكريه وانقبلت مشت ايامي ومرت الايام واجت بيوم جنت مطوع بالجيش  وادرس حتى اترفع
بيوم نزلت للبيت شفتها عدنا رحت يمها
علاء : شلونج دنكت
ايه : هلى وابتسمت
الدنيا ابتسمتلي ويه ضحكتها ردت روحي تمنيت بذيج اللحظه احظنها وارفعها وافتر بيها
علاء : كبرانه وصايره حلوه شنو هالجمال
دنكت وضحكت
دردي ليش ماتردين
ايه : انت هم حلوووووو
ضحكت
علاء : اي اصيرلج فدوه
ايه احبج وشلعت الورده من المزهريه ونطيتها اخذتها ومشت ضلت ساكته  اندارت بتسمتلي
  مرت الايام وايه داوم يمنه وتبقى عدنا بالبيت
بس ماكنت اتقرب عليها او احسسها بتعلقي بيها كنت اخاف اعترفلهه اني اريد اتزوجها وتصدني
حبي الهه كان حب طفل متعلق بلعبته يخاف توكع وتتكسر مشت ايام وصرت ضابط  وهيه داوم وخطبتها  واني ابن عمها دفعت سياكها وذهب كامل اشتريتلهه مخليت شي بكلبها كل الي طلبته جبته الهه
حبيتها حب جنوني واريدها تتعود علي
وبيوم العقد عقدت عليها  وفتت يمها
اختليت بيها خلوه شرعيه بيومها  كانت حيل حلوه بس بستها من كصتها وهيه جانت دموع عيونها عفتهم وطلعت وسويتلها شقه كامله وكمت احاول ويه عمي
اقنعه اخذهه نطلع ونفوت سويه وعمي كال شسوي سوي المهم تزوجها جانت هيه متحجي على اهلها ابد
نطلع ونطب براحتنا جنت اغتنم فرص ابقى وياها واخليها قريبه علي بس للااسف هيه تشك بيه شك مو طبيعي ابد وكلما احديتصل هي تتخبل و تكلي هاي فلانه اي
لاحظت تصرفاتها مو طبيعيه ومتهوره وتتصرف بدون عقل بعدها تعرفت على صديقه بلفيس تغيرت شويه
لان كانت تساعدني بحل مشاكلنا وتنصحني اشلون اتعامل وياها شكرتها كل الشكر ساعدتني شويه
بس ايه زاد عنادها ويايه لان شافتني احبها والبي طلباتها لحد مابيوم كامت تغلط عليه وتشتمني وتكلي خاين انت حقير واخر شي كالته ( انت مو رجال ) اعرف جانت الدنيا شهر من شهور المحرمه كمت باابشع شي بحياتي لوثت صوره بريئه اغتصبت ايه بين صرخها وبجيها فزيت وحتريت شسوي  جان راسي راح يطك وايه متمدده ماكو حس ولوو شسوي تكربتلهه حضنتني وكانت تبحي واني هم كتلها كومي نروح دكتور اخذتها ورحنه للطبيبه
الدكتوره : كالت انت فاتحها ورجعنا اخذتها للبيت زوجه عمي حجيتلهه عالي صار هيه خالتي نفسها
خالتي : ضربت على خدها ليش استعجلتوا انت غلطت عجل بالزفه لاننفضح
طلعت من يمها وشفتها كاعده تراسل بتلفونها تقربت عليها بدون ماتحس بي وشفتها تراسل شخص
كسرت التلفون وضربتها ولويت ايدهه  
بقت تتوسل ودكول مجرد صديق ومره دكول اخو صديقتي
وكل شويه تألفلي قصة احترت مابين اتزوجها لو اتخلى عنها واني كسرتها واعتديت عليها
ترقبوا البارت القادم
اليوم اخذتكم شويه بعيد عن الماس وشجاع وشاركنا علاء همومه وهو بجبهه القتال ترقبوني بالبارت القادم راح نكمل ونشوف علاء شراح يتخذ قرار وليش شايل هموم الدنيا
وباجر احجيلكم على الماس وشجاع راح يلتقون لو يبقون مبتعدين شتتوقعون انتو كولولي
اعرف البارت قصير وكل يوم دكولولي البارت قصير لكن اذا تردون اطول البارت لازم التنزيل بين يوم ويوم لان ما اكدر يوميه اكتب اكثر من هذا القدر
احبكم فردوس عبد اللطيف