رواية #عيناك_واللحن_القديم الفصل الثامن 8 - بقلم Frdos El Sined

#عيناك_واللحن_القديم
بقلمي : فردوس عبد اللطيف
الثامن
لا تظلمنَّ إِذا ما كنتَ مقتدراً.. فالظلمُ مرتعُه يفضي إِلى الندمِ تنامُ عينكَ والمظلومُ منتبهٌ.. يدعو عليكَ وعينُ اللّهِ لم تنمِ.
شكيب : شجاع اشبيك احجيلي
شجاع : مابي شي جبتلك تقارير المستشفى
شكيب : ترى تعبتني باجر المحكمه ذولي الحيوانات الي جوه شراح نسويلهم ؟
شجاع : خليهم خايسين عساهم بالموت
شكيب : التسجيلات يمك ؟ حضرتهم
شجاع : لاتوصي حريص التسجيلات والتقارير الطبيه والماس هم جاهزه للشهاده
شكيب : خوش مرتب امورك
شجاع : اروح للبيت تريد مني شي ؟ ماوصيك عالجماعه
شكيب : اليوم ماكو ضرب لان باجر محكمه
******
رحت للبيت كلمن بغرفته
رحت لغرفتي وحدي صافن شسوي هسه شسوي ياربي
صفنت بالمرايه واباوع على نفسي
شجاع انت تحبها ؟
اي احبها واموت عليها
شجاع تكدر تعيش وياها ؟ باوع بعيونها ركز زين
جاوبت نفسي ...لا مراح اكدر
بقيت اصفن وارجع احجي ويه نفسي
محتار مابين حبي الي بداخلي ومابين امي والمجتمع
اندك الباب ...تفضل
الماس : اكدر ادخل
شجاع : هلا هلا تفضلي
سكتت دنكت خجلانه ....
هلا بيك اشلونك
شجاع : فدوه غمازتج اعشكها
سكتت
الماس : وره فتره صمت
شجاع بيك شي ؟ احجيلي اني الماس
شجاع : تقربي علي
الماس : شنو هاي الي بركبتك ؟
شجاع : ها ماكو شي يمكن كرصة بكه
الماس : فهمت اني كنت مع وحده نزلت دموعها وتبجي بشهكه وعافتني وطلعت
شجاع : اوووف شسوي بروحي اتوب وارجع
رحت وراها لغرفتها حبيبتي ....
الماس : تاليها شجاع شوكت تبطل سوالفك ويه البنات
شجاع : فدوه لكلبج الماستي لزمت ايدهه سامحيني اكيد ابطل هالسوالف واتوب بس تصيرين مرتي
الماس : ميفيد وياك انت ادمنت على الحرام
شجاع : الماس غلطه ومتنعاد وعيونج ردي فدواتج لا تديرين وجهج عني ...احبج والله احبج وانت وحدج كاعده بهالكلب
الماس : مو انت مؤمن وتصلي ليش تسوي بنفسك هيج الله ميقبل وانت من اتوب لخاطر نفسك مو لخاطري اني توب شجاع توب متدري الدنيا شضامتلك بعد
شجاع : من نتزوج اتوب وضحكت
سكتت ومجاوبتني
حبيبتي كولي احبك اريد اسمعها منج تذكرين من جنتي صغيره واجيبلج نساتل وحلويات واصرف مصروفي عالحلويات والجبس وامي تصيح علي ودكولي مخلص مصرفك على بنت مهند
حاولت اضحكها لكن هي رافضة بشكل قاطع ومامتقبله وظعي ودايره وجهه عني
عفتها وطلعت من غرفتها
رجعت لغرفتي
تمددت عالسرير وافكر بباجر
ياربي شوكت يصدر الحكم واخلص من هالقضيه فعلا قضية حياتي صارت
حاولت انام بس براسي الف حسبه
هنياله الي يخلي راسه عالمخده وينام وماعنده هموم
يمكن من التعب غفيت شويه
الوقت ٤ ونص فجرا فزيت صوت يمي
سحبت المسدس عبالي احد غريب منو
الماس : اني اشبيك فزيت ؟ شجاعي
شجاع : ولج شدتسوين ؟
الماس : شجاع ...احبك اسفة ....
بوستني وترجع دكول اسفه
شجاع : خوش لعد راح ازعل على طول مادام كل زعله وراها تبوسيني فديتج يالغاليه بعدني زعلان ومو راضي
رجعت تبوسني وجريتها وحضنتها (احبج يابعد روحي احبج ) اني شسوي بعيشتي بالدنيا بلياج يانظر عيني
الماس : خايفة اليوم اشوف الكلاب بالمحكمه تدري ماغمضت عيوني ولا كدرت انام
شجاع : روحي نامي حبيبتي واني وياج سندج وظهرج
الماس : ماشي اروح انام خو مو زعلان ؟
شجاع : اريد بوسه من الحلك وارضى
الماس : حاروح انام
********
شجاع : كعدت الصبح وكملت حمامي وبدلت ونزلت شفتهم متحضرين ومبدلين ينتظروني
الماس واكفه صافه وكأنها بعالم ثاني
الخوف مبين على وجهه مصفر
تقربت يمهه ولزمت ايدهه ...جفلت ..سم الله شجاع اشبيك ؟
شجاع : ابتسمت ... اليوم اخذلج حقج ...وحق هالعيون الحلوه ....
مهند : طلع من غرفته ها كملتو ؟
طلعنا للمحكمه امي وعمتي ممصدكين
شجاع : وين ولدكم ؟
سكتوا ومجاوبوني
وصلنا للمحكمه اكو قاعه انتظار
جابوا المجرمين
اول واحد صاحوا اسمه اخوي عضيدي وسندي
وليد
سأله القاضي على اسمه الثلاثي ومهنته وسكنه وشنو تقربله المشتكيه
بعد ما رد عليه وليد بالمعلومات
القاضي : وليد ما قولك في التهمه المنسوبه اليك من المشتكيه الماس
وليد : نعم سيدي اني خطفتها واني اخذتها بالسياره
القاضي : هل تعترف بالتهمه ام لديك اسباب للدفاع عن نفسك
دنك وغمض عيونه
الماس تراجعت وهي تباوعله
وليد : بصوت عالي اغتصبتها اني وليد اسعد اغتصبت الماس وبدون رضاها
القاضي : اعترافاتك موجوده بالقضيه هل اعترفت بمحض ارادتك وبدون ضغوطات
وليد : نعم سيدي اعترفت بما حدث وبدون اي ضغط
هل لديك اقوال اخرى
وليد : لا سيدي ماعندي شي اضيفة
نزل وليد والان دور صفاء
صفاء : سيدي وليد هو الي خطط وهو الي خطفها ولعب لعبته القذره
القاضي : انت اغتصبتها وبدون رضاها
صفاء : هو وليد شجعني اغتصبها سيدي
القاضي : هل اعترافاتك بمحضر التحقيق بدون اي ضغط او اكراه
صفاء : نعم سيدي اعترفت اني اغتصبتها وكل الكلام الموجود بالتحقيق صحيح
القاضي : هل لديك اقوال اخرى
صفاء : لا سيدي
وسرمد وفؤاد وفهد نفس الوضعيه حاولوا يراوغون ويزيحون التهمه عنهم لكن اعترافاتهم متسجله بتسجيل صوتي وسمعها القاضي
القاضي : اسمج
الماس : الماس مهند
سيدي تعرضت للاغتصاب من قبل وليد وصفاء والثلاثة الباقين اجهلهم وما اعرفهم وليد وصفاء اولاد عمي اغتصبوني وعلى الرغم من اني كنت خطيبه اخوه وليد
وابن عم صفاء
سكتت وتبجي تبجي
سيدي اريد حقي من ذولي خطفوني واغتصبوني وحبسوني بيت اظلم وقذر وهما يعرفون بي اخاف من الظلمه
سيدي هذه التقارير تثبت كلامي وادعائي عليهم
بقت تبجي
شجاع : بعد ما اشرلها القاضي بالعوده لمكانها رحت سحبتها
وكعدتها عالكراسي
القاضي : بما ان المتهمين اعترفوا وهذه التقارير تثبت التهمه عليهم
احكم بالسجن على كل من وليد وصفاء وسرمد وفهد وفؤاد
بالسجن سبع سنوات
الماس : فتحت عيونها لا سيدي لا فدوه سيدي اعدمهم اعدمهم
القاضي : رفعت الجلسه
مريم : شلون صلفة
فريال : ام لسان باعي لسانها شطوله فوك مكسورتها تريدهم ينعدمون
شجاع : من صدمتي بقيت كاعد بمكاني صافن مصدوم قرار الحكم مخفف ليش هيج بس ما اعوفكم الا اخذلج حقج الماس
التفتت ادور عليها ماشفتها
عمي وين الماس ؟
مهند : ماعرف يمكن انقهرت وطلعت
شجاع : اتصل بتلفونها مغلق عمي يتصل مغلق
وينك شكيب تعال الحكني سمعت قرار القاضي
شكيب : امشي للمركز وهناك نحجي
رجعنا للمركز وكلي الم وحسره حتى شكيب صديقي انصدم من قرار القاضي
وصلنا للمركز دخلوا المتهمين لحد ما نكمل اوراقهم وننقلهم للسجن الرئيسي
شجاع : ها شكيب هو هذا العدل شفت العداله مو كتلك خلي اخذ حقي بايدي
شكيب : كولشي بالعقل بس لا تستعجل
شجاع : لازم اقتلهم لازم ميبقون يشمون الهوى
بقينا للمغرب نرسم خطه الانتقام  ...رن تلفوني هذا عمي مهند
شجاع : الو هلو عمو
مهند : الماس يمك ؟
شجاع : لا عمي مو يمي ليش ما رجعت للبيت ؟
مهند : مارجعت وتلفونها مغلق
شجاع : الله واكبر اني كوه لكيتها وين اختفت وين ادور عليها
ركضت عالبيت لكيت امي وفريال كاعدات ويسمعوني حجي
ها الله يدري وين راحت متعلمه عالدياحه
مارديت عليهم اعرف يردون يستفزوني رحت على عمي مهند شفته دايخ ومدور عليها يم صديقاتها ماكو
ياربي الانسانه الي حبيتها تروح من ايدي مره ثانيه وين اروح ادور تعبت الماس لا تعوفيني
ضجت عفت البيت ورجعت للمركز اريد انفذ الخطه الي رسمناها للجماعه
شكيب : ها شجاع مستعد للتنفيذ ؟
شجاع : اذا جنت قبل متردد هسه مصمم لازم نخلص منهم واحنا نعاقبهم
دز على الولد الي راح يفرقون بيناتهم نريدهم يعيشون برعب
وخوف مثل ما عيشوهه
زرعنا بيناتهم جواسيس من المساجين وشعلوا فتنه بينهم
وصارت عرايك بيناتهم وبوكسات
تخاربوا بينهم وكل واحد صار يخاف من الثاني حتى وليد وصفاء ميتحاجون وهنا كدرنا نسيطر عليهم
كل يوم تجيهم مشكله وينبسطون
لحد ما الكل كرهم ونبذوهم
وبدينا اول ليله بتنفيذ الخطه باول واحد والي هو صفاء
عاقبنا بسجن انفرادي خلينا وحده بغرفة ظلمه يومين حتى للحمام ما نسمحله يروح والاكل صمون يابس وياه بالغرفه جريديه كبار بس يغفى ياكلو
بالليله الثانيه سمعنا يصيح
صفاء : اريد اموت قتلوني اريد اموت
شجاع : باوعت على شكيب .. ها نفذ ؟
شكيب : امشي هذا واير بايدي
دخلنا عليه منهار تماما
شجاع : ها ولك صفاء اليوم اخذ حق الماس منك
صفاء : مو بكيفك تاخذ روحي انت انتقمت مني ودوني للسجن ليش مبقينا هنا تردون تقتلوني مو
اخذت الواير من شكيب
وشكيب لزم ايديه كان تعبان ميكدر يقاوم ربطت الواير برقبته وخليت الطرف الثاني بالشباك وتحته طبله
تشاهد على روحك ياصفاء وسلملي على ابليس الي خلاك تاذي بنت عمك ولك انت ميصير تعيش وتشم الهوى
صفاء : هو هذا جزات ابوي اني ابن عمك ودمك ولحمك
شجاع : طير ولك مو الماس هم عرضك وبنت عمك وخطيبتي اشلون كدرت تغتصبها ولك انت القتل قليل بحقك
ودفعت الطبله ومسحنا الاثر ورحنا نمنا
الصبح جوي الشرطه وشافوا عبالهم منتحر وغلقنا ملف صفاء
بعد كم يوم استلمنا سرمد وسلطنا عليه احد المساجين الي يحبون المشاكل لحد ما تلفت اعصابه وسرمد انتل بالكهرباء
وطبعا كنا مرتبيها اله
بعد مرور اسبوع اجه دور فؤاد
انطينا مسهل لحد ما نهد حيله وصار عنده تسمم ومات بالمشفى وطبعا بتنفيذنا
وفهد : اجه دوره وجان يلوب وخايف لا ن الانسان من يقترب من الموت يكون متوتر
خلينا بغرفة وفتحنا عليه الغاز واختنك ومات
الي بقى وليد اخوي الي كسرني
كرهته جان يعرف راح يجيله الدور وهو الوحيد الي بقى
وبيوم الي كلفت بي شكيب يقتله لان اني ما اكدر مهما كان اخوي
راح شكيب لكاه ميت من القهر والخوف لان كل واحد منهم من نريد نقتله نخلي بحبس انفرادي ونفذ فهو عرف من خلينا بالحبس الانفرادي حا ينقتل ومرات الانسان يموت من الخوف من الموت بدون ما يتعرض لاي مسبب للموت
خلال شهر تمت تصفيه المتهمين وانتقمت منهم لكن الماس ماكو مختفيه وينج الماسي تعالي شوفيهم انتقمتلج منهم
من سلمنا الجثه لاهلي امي زعلت علي واعتبرتني اني السبب
بصراحه حضرت دفنه وليد والعزا لكن مانزلت من عيني دمعه كرهته مانقهرت عليه واعتبرت الي صار بيهم قليل بحقهم لان جريمتهم دمرت حياتي وحياة الماس
*******
شجاع : امي من القهر تمرضت وكلما ادخل عليها بالمستشفى تدير وجهه عني
بقت بالمستشفى شهر كلياتها وكفت وكال الطبيب بعد ميفيد بقائها بالمشفى طلعوها بالبيت وانتظرو موتتها
طلعناها للبيت
لؤي : الو شجاع امي طالبتك تريد تحجي وياك
شجاع : جاي جاي
رجعت للبيت عالسريع
شجاع : بوستها من راسها ها يمه كولي
مريم : يمه اني راح اموت وانت باقي وحدك بهالدنيا وصيتي اخوك لؤي امانه بركبتك تدير بالك عليه
شجاع : يمه
مريم : خليني اكمل مابقالي شي واودعكم
يمه اعرف انت كتلت اخوك والولد كولهم بس وين تريد توصل بعد الماس ماتفيدك اعرف بيها اختفت مدري هربت
وصيتي الك تتزوج وتعيش حياتك لاتبقى  تنتظر العمر يركض ركض جنت اتمنى اشوف جهالك حوليني يلعبون ويهوسوون واصيح عليهم لكن الله ماكاتبلي اشوف احفادي ولعنه الماس دمرت حياتنا وهاي وين وصلنا بعد هالدنيا ماتفيد ابقى بيها خلي اروح يم ابوك واخوك خطيه
حتى لو غلط يبقى ابن بطني
يمه دفنوني يم وليد وابوك
بقيت ابجي يمها وابوس بايديها
مريم : شجاع احضني وخلي راسك على صدري يمه اريد احضنك
شجاع : حضنتها وابجي وكعت ايديها الي جانت حاظنتني بيهن
يمه يمه لزمت ايديها ولج يمه ردي حاجيني فدوه اروحلج لا تعوفيني ولج يمه وين رايحه ليش مستعجله
بجيت وبجيت اخخخخخخخخ يا يمه راح مني حظنج الدافي
للحكايه بقية
******بقلمي فردوس عبد اللطيف******