رواية عــز الــدليم و(بنت الشيوخ) الفصل الثاني عشر 12 - بقلم ﮼ميم﮼الُِ﮼فُرج

عـــزالدليم

user38998647

الكــاتبه ... مـيم الـ فــرج

.
.
.
.
.
.
.
.
.
.
.
.
.
.
.
.
.
.
.

البارت الثاتي عشر

.
.
ابوالاكبر

تصفن وما تلكه نفسك
كلشي بيك اتغير وصاير ممل

تحس ما داعي لوجودك
شايل اجوبتك بديك
محضر و ما تنسأل

تحسب اخطائك تمل
تعترف بيهن تذل

تتعب وتلزم ضميرك من قميصه
تستفزه ويستفزك
توكف تضربه و يضربك
معركة وصعبة النهاية
بيها واحد ينكتل

.
.
.

قمراء ....

فزيت من نومي ... على صوت اهات وانين .... قريب مني ...

حاولت اتحرك وافر وجهي الاابو الاكبر بس ماكدرت ...

جان لازگ بضهري .. وجهه قريب على اذني يهمس بكلامات مامفهومه .... ويشد بأيده على خصري ...

ابوالاكبر "
بصوت تمتمه خافت

ابوي والله ابوي انه اشبهوو  ...... سكت وشويه

واردف ...

لالا خالي موزانيه والله موزانيه .... لالا ..... مناهل السبب

قمراء ...

حسيت بحراره ادموعه على ضهري  ..

رخت ايديه رفعتها من على خصري  ... صديت عليه

شفته كور نفسه مثل الجنين ... ويردد لالا ...

تقربت منه احاول اكعده ... ندهته بصوت هادى حتى مايفز ...

... ابوالاكبر  ..... ابوالاكبر ...

ماكو ماحس مستمر يهلوس ...

حطيت ايدي على جتفه العاري جان جسمه حارر  ... نكزته حتى يحس ...

فز وفززني وياه ... شهكت بخوف ...
من حركته 

كعد على حيله وخزني

لزم ايدي بقوه ويضغط عليها ...
... وعيونه ناطه عليه ... عتني حيل حسيت جتفي نشل ...

"ابوالاكبر "

.... مناهل اي انتي مناهل ... انتي السبب انتي كتلتي امي ......

قمراء ...

كلامه وگف گلبي ... ماتركلي مجال افهم

بحركه سريعه منه خلاني  نايمه على ضهري وگعد على صدري .... وجفه حاوط رگبتي ... يخنگني بقوه .... وعيونه ناطه عليه .... وعروگ رگبته باينه ... والعرگ الي ينفض من جسمه

موقف مرعب ... واني اشوفه هيج مثل الوحش الي انقض على فريسته بعد شهور جوع  واني جواه لاحول ولاقوه ادموعي الطفرت من عيني تشرح حالتي
محاولتي بالخلاص منه مستحيله
بهل لحظه جان كل همي اسرق نسمت هوه لريتي ... حسيت شكد الروح عزيزه .... وكل الكلام الاكوله وجنت اتمنى بي الموت تبخر من حسيت الموت قريب عليه .... 

احاول ادافع عن نفسي لكن محاولاتي عاجزه امام قوته ......

غمضت عيني .... مستسلمه للموت المحتم .....

ناديت بگلبي ... بصرخه مخنوگه
...

(اغثني يا علي  ....  اغثني يا علي )

لحظه وحده وحسيت ايده رخت من رگبتي ... وتحولت نضراته من الغضب .... الى الصدمه والخوف ....

"ابوالاكبر "

بصوت واهن ..

گمرتي ....

دفن راسه برگبتي واحتضني .... وادموعه تنزل 

جنت  بحالة ذهول وصدمه .... من الموقف كله ... فقدت ادراكي لحظات ...

بعدته عني بقوه وصراخ ... حضنت رجليه لصدري وصرت ابجي بصوت عالي

قمراء بصوت يرجف ...

... انت وحش وحش ... اني مو مناهل اني قمراء قمراء ....

ابوالاكبر ... حاولت اگرب يمها اردتت بخوف
دحكتلها باالم  ... كيف اذيتها لهل حد رعبتها مني

هذا الكنت خايف منه ... احلامي الي ماراضيه تفارگني  .... والدنيا الي بكبرها صايره ضدي  ...

لــسان ابوالاكبر

مو عن بطر شكيت زيجي وشرحته
زاد على صبر ايوب صبري الصبرته
.
.
.
كعدت من الحلم باجي
خسرتك بالصدك والطيف
.
.
.

تركتها وكمت .....

فتحت باب البلكون ... وطلعت لبره ...

ارتجيت على المحجر ... دحگت على الحديقه المهجوره  ...  سبب دماري ...

وبداخلي يدور سؤال يمته ارتاح ..

تنهدت وياتنهيده ... تطلع من روحي 

... آآآآآآآآه ....
صديت للسمه ... صافيه ....

ومنورها الگمر .... حسيت سواد وعتمت الليل يشبه حياتي ....

وگمره هي الي تنور هل ضلام ...

هي انتقامي
.
.

أنه ياما خرايط عطشت
من الليل
راسمها بشراييني

الــم حــيل على حــيل ويطيحني التعب گوه

.......................................

سـلطان "....  20 يوم مرن عن اخر لقاء ويه هيام

... ماعرف كيف لميت نفسي عنها بعد الحاله الجانت بيها .... 

شي قوي جان يمنعني عنها وعن اگرب ليها .....

واليوم مثل كل يوم .... متوجه للقاعه عندي محاضره بدال استاذ محمد

... دخلت بلشت اشرح  .....

....  سمعت صوت خبص گلبي

... صباح الخير استاذ ..

... جان ضهري على الباب وجهي على السبوره جاي اكتب ملاحظات ...

... صديت لناحيه الصوت ونصدمت ...

مو من عبث گلبي انخبص ....  يعرف صاحبه ... فهيت على شوفتها ...

عنك تبت والروح ردتني گوه
وتكلي اذا حبيت هم حبه هوه

طاح القلم من ايدي ... الي وعاني وخلاني اتلاحگ نفسي ... دنگت اجيبه

لا كيته وتغاضيت بس هوة يسوه
مثل النعاس دكول طب عيني كوة

... احم اهلا ... تفضلي لمكانج

اول مره اتوتر واتلبك  لهل حد معقوله

..... حسيت نفسي ثگل دكات گلبي زادت ...

بلعت ريگي وعگدت حاجبي ... شفت ايدي ترجف

يااهة معقله الشوگ يوجع الروح هل كثر

مو  گتلچ  يطوّلون  والفركَه   تاذيچ
يا روحي باول شوط رك حيلچ شبيچ

رجعت اشرح .... وجهي على السبوره .. حاولت تجاهل وجودها ... بس گلبي الي اقام حفله بداخل روحي خبصني ... يريد يملي العين شوف منها .... خلصت المحاضره وطلعت اركض للمكتب

ماعرف شلون شرحت  واصلا ماعرف شنو كلت .... كمت اشك بنفسي
كتبته اسمها على السبوره ...

كرهت ضعفي امامها ولعنت الساعه الي اجيت بيها ... لهل جامعه وشفتها

كلوله ثلث ارباع من كلبي منطيك ...
ضل ربع حته اشتاك واتذكرك بي💔

دخلت المكتب وضربت الباب بقوه ....
فتحت ربطت العنق اريد اتنفس  .... 

سرعان ما سمعت صوتها وراي

هيام "...  سلطان ممكن نحجي بخصو....

قاطعها سلطان" ...  بغضب وصوت عالي ...

نعم نعممممم شتردين خيرررر شكو جاي لاحگتنيي ما خلص منج اني ماااااخلص حرام ارتاح تعبتيني كرهتيني بحياتي ... ماريدج  ... ماررررريدج ...

هيام ... بصوت باكي

... بس اني مضلومه والله ... ماجنت اعرف .. بي قاطعني

سلطان بغضب مكتوم

.... كتلج ماريد سمع شي مايخصني مضلومه او لا انتي صفحه احتركت من حياتي ....  اطلعي بررررره  ...

هيام ... نضرتله بنضره على امل يقبل يسمعني ... لكن عبس ... عفته وطلعت ..

ودموعي ماهدت ابد  ......  خلص هيام خسرتي كلشي خسرتي سلطان وخسرتي گلبج وياه ..... ادمر كلشي بحياتي امشي وكلها تتهامس عليه نور اقرب صديقه الي بتعدت عني

.... تعبت الله يجازيج ياروان ...

مر يوم يشبه يوم  ....  نضرات الطلاب واستحقارهم الي وشكهم ماكو شي جديد  ... وسلطان اووف يسلطان اشوفه بس وكت المحاضره ... وطول الوكت مركز ماينضرلي واذا اجت عينه بالغلط عليه يخزرني  .... ويعگد حواجبه ...

جنت متأمله يرجع مثل كل مره اعرف بي يحبني ومايكدر بدوني ...

چنت اگلهم نار بيّه نار بيّه و چذبوني
ومِن بُقيت رماد گالوا ليش مَاگلت احترك !!

لكن بيوم سمعت كلام من الطلاب  .... قرر ينتقل من الجامعه ....

اهنا نهدم كلشي بيه يعني الكلام الكاله سلطان  جان قاصده مولحظه عصبيه ... بعد ميريدني ويريد يبعد عني ....

... خلص هيام ... هو شك بيج وصدك الغريب وماصدكج تركج بالمستشفى بين الحياه والموت ... المايوگف وياج بصعب مواقفج مايتساهل حبج ..... غيرت طريقي واتوجهت للمكتب مالته ...

جان يجمع بأغراضه ....

رفع راسه شافني ... گبل خزرني

سلطان .. بحده ... نعم شرايده

هيام " .. استاذ سلطان ... حبيت اكولك انو اني بعد كم شهر وتخرج ...

... وانه شعلي

... ماكو داعي ... تنقل من الجامعه ... اني رايحه ... واني اعرف شكد اصريت على هل جامعه وهي حلمك  ...

...

سلطان

...

تركت الاوراق من ايدي .. وكفت مقابيلها ...  تقربت يمها

وهمست بااذنها بصوت هادئ

... اصراري على هل جامعه كان اكبر غلط .... مثل اصراري عليج 
...

هيام ...هذا  كلامه كان كفيل بقطع كل طرق الرجعة سوه ... 

... تعرف بعد كل الكلته الي قبل فتره اني جنت متأمله نرجع ... وانطيتك الحق  وجنت ابحث بكل طرق على دليل يثبت برائتي كدامك ... بس هسه .... ما يهمني انت شنو شايفني ... تعرف ليش لان جنت تعنيلي اهواي بس بوقفك هذا ... اني الغلطانه بختيارك موانت .. جنت اضن حبنه اقوه بهواي ... بس للاسف جنت غلطانه ...

المايسئل علينه من نغيب ايام
لا هسة يحبنة ولا قبل حبنة

على العموم استاذ سلطان ... اني كلت العندي وانت بكيفك اني كلها ايام وراح تصادفني  بحياتك ....

متهمني لو مو تظل گدامي تتعذر
أذيتني بلا سبب
والثلج من ينچوي حتى أسمه يتغير

واها قبل لاانسى ... سحبت الخاتم من اصبعي .... وحطيته على المكتب ...

سلطان " ... بستغراب شنو هذا ...

هيام" ... خاتم الي جبته الي تذكره ... اعتقد بعد هذا ماكو شي يربطنه ... اشوفك بخير ... واتمنى مااشوفك بعد بكل حياتي ...  تركته وطلعت خلص من هل لحظه هيام جديده ... هيام ماتنغدر هيام الطيبه الي الكل يضحك عليها ماتت واليوم اول يوم بعزاها

وافيضكَ بالحچي وگلبكَ ولا چنه ،
يشالع گلبي من سنين .. هلبت تنشلع منه ،!٣

سلطان" .... حسيت بخنگه تذبح ... ضربت على صدري ... خلص سلطان شبيك موهذا الي تريده هل صار ....
هو هذا الصح لا اني اناسبها ولا هي اتناسبني

شلت الخاتم جان بي نقش ومحفور عليه اسمي من الداخل ..... اخذتني ذكرياتي لليوم الي جبته الها ....

من الماضي سنه  2015 ........

سلطان " ...

دگ منبه تليفوني ... على تاريخ عيد ميلادها ... كنت مسويله توقيت خاف انسى ...

هي اول مناسبه تجمعنا سوه بعد ماعترفتلها بحبي ....

طلعت من الجامعه وجنت مواعدها على الغده بالمطعم ....

سلطان " ... هيامي

هيام" ... يروحي سلطاني

... ولج ليش تقلديني

... بكيفي هو انت كلك الي عندك اعتراض

... لا كلي بين اديج
...هيامي غمضي عيونج ...

... يوو سلطان شكو مااحب المفاجئات تره ...

... ومرض من كالج اريد افاجئج ...

... لعد شنو

... ما عرف شي على عيونج غمضي

هيام " بفزع ..

شنوو وينه شنو على عيوني ...

.... اشش صوتج وشعرفني غمضي تااشوف ....
غمضت عيونها وهي ادردم

... يووو سلطان لاتحجي هيج اموتك

... اشرت للنادل .. يجيب الكيكه ويشغل المسيقى .....

... اي  موتيني ابوستج اموت

... فتحت اعيونها بغضب ...

فسيد انت متستــ...

قطعت كلامها ....
وهي متفاجئة  من  الكيكه الكدامها  وعليها اسمها والشموع ... والاغنيه الي حسيتها انكتبت الها .....

اغنيه الماجد المهندس ....

تحبك روحي واحسك نفس هل روح
وتوحشني بدون اسباب مدري ليه
يكيف اشرحلك احساس اكبر من البوح
..
.

عاينتلي بعيون مدمعه ...

هيام "... سلطاني

سلطان" ... عيونه
...
هيام ..  احـبك

سلطان" ...  سويتلها حركه باايدي على اعروگ رگبتي .... وهمست

انتي الدم الي يجري بيهن والهوه والي تارسهن .. 

شفتها .... بتسمت بخجل ... جنت طاير بفرحتها الي اشوفها بعيونها ....بعدها اخذتها على نهر دجله ... وهي تلمح  على هديتها عبالها ماجبتلها .. هههه

هيام ... اكول سلطان ...

سلطان ... كولي هيامي ...
...

.. ماناسي شي انت

.. لاشناسي يعني

... منا منا ...

... لامنا ولامن ذاك الصوب كلشي ماماناسي خيرج شتهيسين ...

... هههههه لا حبيبي ماهيس شي بس حباب سلطاني لاتحجي هيج ..

سلطان ... صار يروحي ... هيوم غمضي عيونج ...

.. ليش هم كول مومفاجئه ...

... لامفائجه غمضي ..

.. امممم تمام ...

... سلطان ...

طلعت الخاتم ... وخليته مقابيلها ... فتحي ...

هيام ... اووو فديت حبيبي يخبل ...

... هيامي ....

... عيوني ...
...

.. اني كلتج سلطان كله بين اديج ... وهذا بي اسمي ...

صار خاتم باايدج ... سلطان الج وبس

... هيام" .. سلطاني ...

سلطان ... اي اني سلطانج وبس

... احبــك

.. هــايم بــيج هـــيامـي
.
.
.

الحاضر  2018

....  مكتب سلطان ...

ههه بتسمت واني اذكر كلامها بيوم عيد ميلادي جابتلي خاتم محفور عليه اسمها وكالت اني مثلك اني  هيامك وبس ....

سلطان ... غمضت اعيوني بوجع واني  نزع الخاتم من ايدي .... وحطيته فوگ خاتم هيام  ....

... خلص جانت ايام حلوه وانتهت ....

قررت اسافر المزرعه جدي اريح بالي وارتاح من هل خبصه

تذکر چنت من تعتنيلي بلهفتك
مشتاك حتى تشوفني ؟
وتلكاني روح مشكگه ولمسات
ايديك اتروفني . . تترگني هسه قررت !
  يطيك كلبك ننتهي وبَس بالاحلام تشوفني ؟

................................................

قمراء"

....

بعد الي صار وياي مادري شلون غفيت حسيت على صوت ابوالاكبر ...

ابوالاكبر " .. گمره گومي نامي على فراشك ... 

... فزيت خايفه

... شكو شتريد مني  اني قمراء مومناهل

...

هدي هدي .... مااني رايد شي لاتخافين ... يگمره ... انه صاحي

... قمراء تركته ودخلت للحمام اسبح ......بعد ما طلعت دخل هوو

حسيت بطمئنان تجاها انوهو ماجان واعي على نفسه بالي سواه .....

صار عندي  بواهس ... خليت مكياج خفيف ... ورتبت نفسي لبست ... ثوب ارزگ بلون عيوني مطرز باااسود ... حطيت شال اسود  ....

سمعت صوت باب الحمام انفتح وطلع ابوالاكبر ...

ارتبكت ... وطاح الكحل من ايدي جنت اريد اسوي بي سحبه ...

شفته تقدم وصار مقابيلي ...

.... سبحان من صاغك ... مثل قطعت ذهب مرصوص ... شوف يگمره انه مو من عوايدي ابرر افعالي الشخص او اعتذر منوو ....

.
.
.
.
جسمج حجر منحوت اوبدقه مرسوم
اوخدودج اهلالين او الشفه تنوم
.
.
.
.
.
.... انه اسف على الي صار البارح ... وهذي صارت المره الثاني واتمنى تقديرين هذا الشي ...

... قمراء ... شيخ ابو الاكبر ... ماداعي تعتذر اني فاهمه الي بيك واتمنى اساعدك

... عجل متصافين .... تقربت منها رفعت ايدي دخلت خصلات شعرها داخل الطرحه ....

وبااصبعي رفعت وجها صدت لعيوني ...

... بس انه ابغى احلفك ... بحر اعيونك الي هد حيلي ... تنسين ابوالاكبر ... وتناديلي حيدر ... اسمي من ثغرج يزود على عمري عمر ...

دحگتها تبتسم بخجل .... هااا سمعيني يااها ...

قمراء "بخجل ... حيدر

... فداكِ طوايفوو ... اخذت يدها بيدي ... نحدر ...

قمراء ... امم يلا

نزلنه جوه جانو ملتمين على الاكل .... شافونه منها اوجوه فرحت منها غندبت ...

الجده خاتون " ... يا هلا بشمعه البيت

ابوالاكبر "هو يقبل راسها ... مافي غيرج ضي البيت يجده ...

الجد " ... اي كلوو حگ خاتون ...

ابو الاكبر " ... ولو جدي الخير والبركه....... كعدنه نتريگ وياهم ....

الجد "... ابو الاكبر

ابو الاكبر ... سم جدي ...

الجد ... تسلم يبني ... بغيت انشدك عن ولد خالك مهيمن ... متى راجع ...

... والله جدي حسب الي اعرفوو انو شغلهم خلص واليوم بكرا يطبو علينه

... يوصلو بالسلامة ....

الكل ... امين ....
قمراء ... انتبهت على جمانه ارتبكت ... وكامت من السفره من جابو طاري مهين شسالفه يرادلهم قوائم يلا اعرفهم

... يول اتصل على سلطان خلي يجي اشوفو...

... صار جده

...طلعت تليفونه تااتصل بسلطان ...

يرن يرن مايشيله مره ثنين ثالثه ثابته رد علي

... الو يول وينك اتصل عليك

... نايم يبو الاكبر وشتبي ...

... تعال حدر يمنه الخاتون تبيك ...

... ماني هنا انه مسافر بالمزرعه ...

..ودوامك ...

... تركته ...

... خير وشفيك ...

... ما فيني شي ابغى ارتاح ...

مع السلامه ....

ابوالاكبر ... حيرني سلطان اكيد صاير شي معاه مكدره وله هو ماوده يفارگ الدوام لخاطر هيامه ...

قمراء " ... طشوو الناس وكل واحد راح الشغل يلا بنات على الشغل ...

ابتهال ... هلاهلا صايره هي الشيخه

... اي عمري يلوگلي ...

جمانه ... انه اشهد ...

قمراء .. وعينها على جمانه

... ابتهال تعرفين منو مهيمن

... شعلامج هذا اخوي

... يااا زين وين جان اول مره اسمع عنه

... جان مسافر بشغل ...

... اها خوش ... مزوج ...لا

... ابتهال ... الله يسمع منج ويقبل يزوج  ونفرح بي ...

قمراء ... جاليش مايقبل يزوج

... طايح بحب وحده ملعووه گلبوو ...

جمانه جانت تشرب ماي ... غصت بالماي وصارت تگح بقوه

...قمراء ... اسم الله اسم الله شجاج

ابتهال ... وهي ادگ على ضهرها ...

شبلاج هي اميه غصيتي بيها ....

جمانه ... كسرتي ضلوعي كافي ...

ابتهال .. اي والله بس اعضام مثل الزوريه ...

قمراء ... عاينت عليها عيونها شايله حزن خاص من ابتهال ذكرت ... مهيمن واليحبها ... معقوله تحبه من طرف واحد ...

.........................

ابوالاكبر .... عجزت وانه اقنع سلطان يرجع او يگولي وشفي لكن عبس مايقبل .... ولا يقبل انه اجيه زاد حيرتي حيره ...

....

سلطان ... مر ايام وانه بالمزرعه صافي بالي ... بس الگلب مانوصافي ...

ابوالاكبر بزعني بعيشتي ... وشفيك وشصاير وليش ماترجع ...وانه جايك ...

خصمتها معاها ماني راجع لمن ارتاح شهر شهرين سنه وانه لح واجه اهج الغير ديره

....

ما كنت ناوي ارجع ... بس لمن اجاني اتصال .... من ابو الاكبر غير كل موازيني ماعرفت كيف رجعت اسرع من الهوه ....

...........................

لــسان حالـ هيام

وانا ذبني الوكت وعليك انتچیت
مادريت الدنيا گالبتک رمح

روح من كونك جرح چا شلي بيك
انه مااحطن جرح فوگ الجرح

.........

يتبـــــــــــــــــــــــــــــــع

صباح الخير لبات گلبي ....

لاتنسون التصويت + متابعه حسابي +تعليق برئيك بالقصه ....

تفاعلكم سر نجاحي
.
.
.

طلب منكم ....
اتمنى تدعولي انجح بالامتحان .... عندي درس بالدور الثاني ادعولي انجح دعوه الغريب مستجابه 🥺💔🙏🏻
.
.
.

توضيح بخصوص كلام ابوالاكبر ... هو بدوي كلامه والبدوي مايل للكلام السعودي ... واني مااستخذم كل المصطلحات الي بالبدوي لان مصطلحات صعبه الفهم وتحتاج تفسير ... لذلك احاول ابسط لهجته وادمجها ويه كلامنه العادي ... لهذا السبب تلاحظون الكلام غريب او مايل للخليجي
.
.
.
.