رواية عــز الــدليم و(بنت الشيوخ) الفصل الثالث عشر 13 - بقلم ﮼ميم﮼الُِ﮼فُرج

عـــزالــدليــم

M_meramahmed

الـكاتبــة .... مــيـم ال فــــرج
.
.
.
في الضياع لنا سنين
والانين لنا سنين

والعمر ماضٍ جُلُّه
متخبطاً بين الحنين

ــــــــــــــــــــــــــــــــــــــــــــــــــــــــــــــــــــــــــــــ

هنا....في القلب...
تقطن خيبتي.......
تنطوي فيها....
سراديب الحياة

         في....
كهوفي احتسي...
كأس الأسى....
والظلمة تحيط بي....
من جميع الجهات

إلا بصيصاً... من.....
أمل باهت......يرافقني
أسميه......الخيال
في عالمي...ولن يبلغ مناه

ماتت....
هذي المشاعر...منذوا أيام....
من جرعةٍ......من جوف كأس...
يدعى بالنبيذ...
واسمه عذاباً...يكنى بالفراق

فصار القلب مقبرةً........لموتاه
وأقفرت فيني......ربااااه

 

ـــــــــــــــــــــــــــــــ

قمراء ....

گعدت الصبح لكيت نفسي نايمه على الجربايه صفنت اني اجابني مونمت بالگاع تحركت اريد اگوم بس ايد ابو الاكبر الي التفت حول خصري منعتني
جرني حط راسي على صدره العاري

ابو الاكبر .. "صباح الخير

قمراء ... "صباح النور   ... جنت متقيده ومستغربه كلش من حضنه

بالحيف طلعت مني ...

"انت ما عندك دوام اليوم

ابوالاكبر ... "شنهو يگمره تبين تخلصين مني ..

قمراء ... "لا موقصدي

ابو الاكبر .. تنهد وكال

تراني ملاحظ عليك تركيزك معاي وانشغالك فيني وترتيبك لااغراضي

قمراء ... يضوجك هذا الشي

ابوالاكبر .. "لا بالعكس من وكت طويل ماحاس بهذا الشي

.. "بشنو

.. بواحد يهتم فيني مولجل غايه

نهضت من السرير ... يلاگمي تاانحدر تحت ....

.. كمل كلامه ودخل يغسل ...والله حيرتني بطبعك ياابوالاكبر تحب قربي لولا ...

نزلت للمطبخ حضرت صينيت ريوگ ملكيه سلكت البيض وقطعت ويه الخيار وسويلته صلصه حطيتها فوگه طلعت الاجبان صفيتهم  بالماعين ومربى وعسل سويت ماعون زلاطه وفواكه شكو ابداع عندي طلعته بهل صينيه حضرت الجاي والحليب وشلت الصينه وصعدتها للغرفه

لكيته جاي يلف بالغتره على راسه ....

ابو الاكبر ... ليه جبتي هنا كنت محدر

قمراء ... نضرتله بدلع

"اريد اوكلك باايدي

سكت وابتسم تك خد وهو يلبس ساعته

حطيت الصينيه بالارض نزعلت حجابي ونفشت الكشه مالتي ...

ابو الاكبر ... گربت يمها ابتسمت على شكلها ...

" طلعتي لفاليفك الحين يدبو في الاكل

قمراء ... نضرتله بزعل .. "لفاليف

ابو الاكبر ... حطيت ايدي على شعرها .. "اي لفالفيف ومو اي لفاليف ميدخل المشط فيهن ..

قمراء ... قهرني ... كمت واخذت شالي ... ماحس اله سحب طرف الشال وطحت على صدره .... لم  شعري بااادي الاثنين ورفعه ليفوگ حط راسه برگبتي وحجه

ابو الاكبر ..." بس امانت الله يجننو

قمراء ... " بعدته عني مرتبكه "احم خلينه نتريگ

ابوالاكبر... "اي نفطرو ليه مانفطر

... بلشت اسويله لفات زغار واحطهن بحلگه وهو ياكل مبتسم

واني ادلع عليه اله اخليك تموت بحبي

خلص اكل ولبس بدلته راح لشغله ... كمت الشغل البيت المايخلص ..

نزلت وكش هم اشوف شكول سميره جاي يتريكن هي والبنات

.. صباح الخير

ردن عليه بس سميره الاميره ماردت عشتو

كعدت يم جمانه وهمست

..  هاي شنو عدها بيت

... لاعدها

... لاصدك شوف عبالي عايشه بخيمه شوف الثوله

... شبيج گميره

.. حامضه ماتنبلع

... عجل هو ياهو البالعها خيه

سميره ... "اكول انتي والشيخ صايرين تاكلون بالغرفه مايعجبكم كعدتنه

قمراء ... " اي والله عندج مانع لان اكو ناس حامضه ماتنبلع من الصبح

سميره ... نضرتلها بنضره خبث وهي تشيل استكان الجاي تشرب منه

" كلمن يعرف نفسه يبت مناهل

سكتت شكول عفتهن وكمت للتنضيف كلمن كام يعيرني باامي

جان عليه التنضيف كنست البيت وغسلت الطارمه موكلش جبيره بيها ممرات ثنين  ...  ممر يوديك الباب الديوانيه معزوله وحدها وبيها كهوچي ينضفها ومسؤل عن الضيافه ... والثاني ياخذك الوره المطبخ للحديقه المتروكه

كملت غسل لميت الصونده واخذتها اخليها بالممر وره المطبخ اخذت نضره على الحديقة عباره عن ارض ترابه وزرع يابس وكلها وصخ  ليش محد يعتني بيها اصلا مااشوف واحد يعبر الهذا الكتر غير ابوالاكبر فززني صوت جاي من السرداب

اتقدمت بخطوات خايفه تقربت من باب السرداب حطيت اذني ماكو صوت هدوء حاولت افتحه مقفول ...خفت حيل ليكون جن مسكون هذا السراب ابتعدت عنه بخطوات راكضه واني افكر شنو ممكن يكون سبب هذا الصوت بس ابوالاكبر دائما يدخل هناك شعنده معقولة ساحر وعنده جن حابسه بالسرداب

هههههه يووه يقمراء الثوله شهل افكار الشگاگيه مره مجرم مره ساحر

دخلت للمطبخ لاكتني نرجس جاي تثرم خيار ..

تقربت منها واخذ اخياره اكرط

"نرجس حبي شنو قصة السرداب وهاي الحديقه ليش متروكه 

شفتها ارتبكت وذبت السجينه من ايدها تقربت مني وكالت بصوت هامس

" انتي دخلت للسرداب

... "لالكيته مقفول

صدت عينها الباب المطبخ ورجعت حطت ايدها على كتفي

بلعت ريگها بخوف  واردفت

"يخبله شعندك عند السرداب تبين موتك

عگدت حاجبي وسئلتها بااستغراب ..

" ليش ؟؟؟!

" هذا المكان خاص بالشيخ ابوالاكبر مافي شخص يگرب صوبه ولاحتى الحديقه ممنوع احد يدخللها بس هو وسلطان  وخالي الشيخ

قمراء ..." ليش كل هذا

... نرجس ..

" على حسب مايگولون بهذي الحديقه كتلو امو الابوالاكبر ليلى وروحها ضلت حبيست السرداب وقسم يگولون ندفنت بي ومنهم يگولون  ما ماتت وضلت محبوسه هنا بالسرداب وبس ابوالاكبر عند المفتاح

قمراء .. حسيت الحرار صعدت الراسي من الخوف بللت شفتي الي يبست وحجيت بصوت يرجف

"و منو يعرف الحقيقه

.. سوت حركه بشفايفها يعني مادري وردفت

... "بس الله وابوالاكبر

تركتني بحيرتي وراحت تكمل الزلاطه

صعدت الغرفتي فتت للحمام فتحت الدوش

وكعدت جوه الماي بملابسي لميت رجليه الصدري واني افكر ... شنو هذا الانسان الي اني عايشه وياه شعنده من اسرار شنو الغز الي يخفي شهل غموض والدوامه العايش بيها

ربي ويه شنو من بشر ذبيتني نهضت على حيلي واني انزع ملابسي

لاقمراء لاتخافين وتستسلمين انتي لازم تحلين هذا الغز لازم اخلي ابوالاكبر يحبني واكسب ثقته ويحجيلي كلشي عنه

وبنفس الوقت مالي غير ابوالاكبر سند بالغصب بالطيب مالي غيره اهلي وعمامي الشيوخ اهل المضايف الشاده الضهر بيهم  ذبوني اله مثل حاجه قديمه وذبوها بالزبل صار اشهر محد نشد عني ولاتواصل وياي

مالي غيرك يحيدر اله خليك خاتم بااصبعي

طلعت من الحمام واني انشف بشعري .... كعدت على ميز التواليت اخذت تليفوني فكرت ادز رساله الابوالاكبر بس اني ماعرف حساباته ولارقمه

دخلت على الفيس ابحث طلع مليون واحد ضليت اگلب بينهم لحد ماحصلت صورته على الحساب دخلت ماجان ناشر شي غير صوره وحده هو وجده وكاتب العود ....

دزيتله

*"مشتاگتلك

ماطول دقايق وطلع مرئي

..*"نعم منو معاي

...*"الگمره يحيدر

...*"هاا الگمره ومشتاگتلي من امته

...*"من زمان

...*"وش المناسبه

...*"زوجي وشتاقيتله مايحقلي

...*"اله انتي الي يحگلج  شبغيتي

...*"كتلك مشتاقتلك

...*"غيرها

..*"تجي على الغده

....*"اذا اطعميني بيدك جاي

...*"منتضرتك

انتضرت يرد دز بس لايك شكد ثگيل دم مايتفاعل ابد 

توجهت للكنتور اشوف شي حلو البسه الابو الاكبر طلعت فستان طويل اسود منقوش عليه ورد كبار بلون الوردي مابي ردن بي تعلاگه دلعته زغيره بي من الصدر سنسلتين ناعمات مثل اكسسوار للفستان تجي فوگه  جاكيته لونها وردي النص الضهر اردانها اطوال لبسته ... وكعدت ارتب بشكلي جبت الكاويه وسويت شعري حرير

وحطيت مكياج ناعم اني استخدم كونسيلر گبل بلا كريم اساس حطيت كحل داخل العين ...ورسمت الالاينر وصلته المدمع العين ورسمت المدمع بطريقه حلوه ... حطيت مسكاره وحمره لونها وردي ومورد خدود

سويت اديه لحد الاكتاف ورگبتي لحد فتحت الصدر لان الفستان صلوخ ... حطيتلهن مرطب وكريم اساس وهايلايت ملمع ومبيض للجسم .... كملت رشيت عليهم المثبت وعطري الماستغني عنه

باوعت النفسي برضى على شكلي لميت شعري ولبست الشال والجاكيته ونزلت اساعدهم بالغده شويه دخلو الشباب

حطينه السفره وابوالاكبر ماكو

الجده خاتون ... "گربي جاي  جد ارگدي اكليك لگمه

... لاحجيه اكلو بالعافيه اني انتضر الشيخ ابوالاكبر

بتسمت الي برضا ... زين العگل بنتي

خلصو اكل وشلنه الماعين واني عيني على الساعه صارت بالوحدة ونص ومابين

كعدو يشربون جاي كعدت يمهم كعدتهم الصراحه حلوه بس حجيهم نص افهمه ونص لا

انور ... اكول مرت الاخو مانشوفك الا كل عيد شدعو عليك ماتبينه منطوگنه مايواهلج لو الشيخ ماتاركلك  فكه

... ها شنو
... صفصفت بوجه مافهمت شي

اسمع صوت الضحك عله

ابتهال .... هههههههههه گصد انور غاطه ماتبينين شنو السبب مايعجبج حجينه لوابوالاكبر مايخليج ..... هااا شفت انور صرت مترجم الكم

قمراء .... لالالا بالعكس حلوه كعدتك وابوالاكبر ماعليه بس اني اخاف اقيدكم

خالد ابن خال ابوالاكبر ...

" لا والله مانتقيد بلعكس انك اخت وحده منه وفينه وبنت اصول

انور " ان اشهد ماشفنه منك غير كل طيب

قمراء ... "تسلمون من طيب اصلكم

جمانه ... هلا هلا اشتغل الصبغ يول كافي   ديرتنه خرتيه ونعرف جيرانه

كلها ضحكت على كلامها

انور .... ههههههاي انتي يالحاروگه اسكتي

جمانه ... "مقبوله منك يخوي

خالد ... "لا لاياناس اله جمانه الخير والبركه

جمانه ... " كفو يالنسيب

خالد ... "گص السانك فضحتينه

جمانه ... " على بنه محد داري الحين وفضحتك

خالد ... " والله دامك تناديني يالنسيب بعلو الصوت اشك حتى بجدي يعرف

ابتهال ... " لاتخاف موصلتها

خالد ... "ول يل برنو يامعثوره  كام وهد على جمانه  يريد يضربها

صارت وره ضهري تتحامه وتضحك عليه والكل يضحك عليهم
تقرب من عدنه خالد منحني يريد يلوحها وصرت اني بينهم
قمراء ... رفعت اديه احاميها

" هههههه الخاطري  خالد عوفها هل مره

مندمجين نضحك ونشاقه سمعنه صوت سكتهم وصارو عاقلين

...  وش صاير هنا

اباوع الابوالاكبر واگف باب الصاله بدلته العسكريه لازم مسدسه وبيريته والسويج بايده يباوعلنه بغضب

اباوع على خالد وكف على صفحه مثل العاقل وجمانه كعدت محترمة نفسها انور وابتهال لا مين حلوگهم بالگوه لايضحكون

اتقدم ابوالاكبر ودخل بينه

... " شعدنك خالد مع البنات

... " مافااي شي يطول العمر 

... انور " اي شيخ جان يمزح مع جمانه وقمراء

... اها كتلي يمزح

جنت گاعده قريبه على رجلي ... باوعلي بنضر وعيونه مليانه غضب وجه نضره الجمانه الكاعده يمي وانطانه ضهره وطلع 

.... "جهزي غداي وهاتي عندي يگمره

كمل خطواته بثبات وصعد للغرفه

طفرت بسرعه حضرت الغده

حميته وصيبته واخذت الصينيه و صعدت 

دخلت الغرفه لكيته بعده بملابسه  كاعد على كرسي الميز

مدخل اصبعه بزناد المسدس ويفر بي

لمن دخلت رفع نضر الي ورجع مركز على سلاحه ويفر بي

حطيت الصينيه بهدوء ...  نزعت الجاكيته الفوك الفستان وخرت شالي نثرت شعري وتقربت اتمايل بمشيتي حطيت اديه على اكتافه

"ليش لسه ممبدل ملابسك

فزيت بفزع من ايده الي تشابكت بشعري وجره بقوه

وكف مقابيلي حطيت ايدي فوگ ايده الكامش شعري بيها

باوعلي بغضب وحجه بنبره مخيفه

.."وش عندك مع خالد

... جاوبته بالم

.."ماعندي شي بس هد على جمانه ولبدت وراي

شدد على شد شعري

...."استخبت بضهرك ...وله لگاها حجه ليگرب صوبك

فلتت شعري منه

.. انت شنو هذا كلامك شتقصد بي

تقرب عليه واني ارجع خطوات لوره

..."شگصد شگصد يحرمتي شگصد ... ارجع الاگي حرمتي كاشخه على اخر حبه مكياج والعطر مالي البيت وجالسه مع الشباب وخالد شويه ويگعد بضحنك

.." بس اني لابسه حجاب وخالد ماقصده شي

..." لا زين والله لابسه طرحه اخلعيها ليه لابستها .... اسمعي يحرمه كلامن يوصلك ويتعداك ... هذي اول واخر مره اشوفك محدره تحت  بالمنضر والبس ذا  واخر مره تختلطين بالشباب وله گسم بعزت الله امحيك من الوجود يبت مناهل

كمل كلام وراح يبدل ملابسه

اخذت نفس استعيد طاقتي مدام سوه هيج يعني غار وااذا اغار يعني اثر بي شغلي ......

طلع من الحمام

اخذت نفس عميق وتقدمت وكفت مقابيله

نضرلي بطرف عينه

..." وشتبين

... " اني كشخت على مودك

..." خلي زينتك وكشختك يالغرفه

.. "صار  تتغده

..." ماابغى زحير

.... لميت شفايفه بطريقه طفوليه وسبلت عيوني

..." اني جوعانه ومنتضرتك

..."ماگايلك انتضريني انه

.... تقربت بدلع وحطيت اديه على صدره

... "حيدر حباب

..."اكل بشرط

..."شنو

..."بوسه

تقدمت بسته بخده واخذته من ايدي وكعدته على الصينيه

وبديت اوكله وادلع عليه

حط ايده على شعري

..." وين لفاليفك ليه مسرحتهم

.... "غير ميعجبوك غيرتهن لخاطر عيونك

..." امم الخاطر عيوني

باوعلي بنضرة العارف واردف

.." وين تبين توصلين يبت مناهل

تقربت عليه ومشيت اصابعي على صدره وصلت الجهت گلبه ....

سبلت اعيونه

..."الگلبك

... " ماتگدرين توصلين وتسكنينه

..."نتراهن

..." لاانه على جمالك ماكدر

دنكت بخجل ... نزلت گذلتي

رفع ايده وشالها ...

.." وين كشتك لاتغشينه بخيوط الحرير ذي لفاليفك احلا

نضرتله ونزلت راسي عضيت شفتي مستحيه

بعد هل حركه ماحسيت

اله واني نايمه على الارض بين احضان ابوالاكبر

ويوزع قبلاته على ملامح وجهي ماترك اي مجال للكلام

واخذني وياه العالم ثاني

مادري شكد عبر وقت

شالني وگام حطاني على السرير وهمس

..." اسف اذيتك على الارض

... " كل الاماكن وياك حلوه

.. هههههه كلتلك ماتكدرين على گلبي

تركتها وتوجهت للحمام غسلت رجعت تسطحت على السرير وغطيت بنوم

قمراء ... اباوع على ابوالاكبر نايم بهدوء صفنت بملامح وجهه ينطي شبهه كلش جبير العماد ماعرف شنو اكول ابوي لو عمي

بس شنو من لعز وراك يا ابو الاكبر شنو ضام بالسرداب ومانع كل البيت يقربوله قطع عليه فكاري صوت رساله ...

عدلت نومتي رجيت ضهري على التاج وفتحت التليفون

جانت رساله

....*"قمراء اني ابن عمج سلوان اريدج بموضوع ضروري يخص ابو الاكبر

...*" اهلا ابن عمي تفضل بشنو رايدني

رد عليه بسرعه

...*" عندي اوراق مهمه اريدج تساعديني يوقع عليهم ابو الاكبر بدون ميعرف هنه شنو

....*"اي نساعد ليش لا .. بس شنو من اوراق

.
.
.

ماغزرن وياك زاد وملح بيك،
نص الطريق اتريد تغدرني ثاريك

يتبــــــــــــــــــــــــــــــــــع

مساء الخير لبات گلبي هذا بارت على السريع لان اني وعدتكم انزل اليوم .... اتمنى يعجبكم

فضلاً ... متابعه حسابي والتصويت وتعليقاتكم الحلوه

حسابي الانسگرام انشر بي تصاميم على الروايه تنوروني

tr._nym

ودائما تفاعلكم سر نجاحي

           تصبحون على خير دمات كليبي بوساتي

     

    احبكــم ❤