"عـــزالدلــيم "
user38998647
للكاتبه ... "ميم ال فرج"
............................❤❤❤❤❤🍃🍃
عن يا #دمـــع ..
عن يا #بــچي ..
عن يا #حچــي ..
عن يا سوالف #غافيه ..
مغـــيم وأمطر #قـهــر ..
من ضيــمي أكتب #شـعــر ..
وكـ يا #شـعــر ..
ما بــين سطر و #سطـر ..
كلمـــاتي تطـــلع #حـــافــيه ..
گــالولـــي عوف #الحـــزن ..
وأنــه شگَـــلت : ؟؟
لو بـــيدي ما #عايـــفه ..
يردوني أكـتب #فــــرح ..
وشلون أوصف #الفـــرح ..
وأنه الفـــرح ما #شايــفه ...!!•
بعد ماشيل واحد فوك الجتاف
لان شفت اليوافي بسرعه ينعاف
ياكلبي احترم نفسك لا تطخ راس
خوفك من بشر ماشايف وشاف
البارت السابع ....
ابوالاكبر
استقبلونه احلا استقبال ... ودخلونه وانه مثل المبنج .... وشة ابأذاني ودكات گلبي العاليه ملت الديره
حقير يازمن وين رجعتني ..... لمكان حالف مااخطي لعندو خطوه لفيت بيه اسنين وردتني اله ....
هناك وجان يگوم ابوحمزه ....
ابو حمزه .. ياجماعه الخير انه ممنون لهل شهم بحفظ عشرتنه انه واخو دنيا ماضامتني بوجوده .. وانه اريد اجازي بشي ثمين وغالي على گلبي لكن مايغلى على الشيخ .......
ابو الاكبر ... ماحاجى يالشيخ ماعملت غير واجبي ....
ابو حمزه ... لايبو الاكبر انه مديون الك بحل مصيبتنه وكدام كل هل وجوهه الطيبه اتشرف بشيخ حيدر صهر الي وانه اهدي وحده من بناتنه
الكل .. والنعم منك
شيخ حيدر ... انه الي اتشرف يالشيخ
واخذ بنتك معززه مكرمه ويتم زواجها على احسن وجهه لان مقامها من مقامكم وبعدها راح يكون من مقامي ....
احد الشيوخ ..والنعم منك يالشيخ هذا يدل على طيب اصلك .... وخلصت الجلسه وكل واحد راح لبيتنه ...
وانه لمن اصعدت بالسياره يلا بلشت استوعب الي سويته بنفسي الحين يلا عرفت شسويت ليش مارفضت ياحيدر انت تعرفهم هذول وتعرف شسوو بيك وتريد تناسبهم كيف جمعتها بعقلك يارجل اوووف
رجعنه لديرتنا بعد مشوار طويل جانت الدنيا ليل ادخلت بدون ماشوف احد سيده على الغرفه ذبيت العگال من راسي وانه اضرب على جبيني شسويت شسويت يحيدر شسوووويت
......... .. .... . . . ...... ....... ...... .
انه المتعوب من صغري انه الكل يوم اتمنى انام بگبري انه الغريب انه الوحيد انه الشيخ حيدر ابن الدنيا العلمتني و الذلتني
أنعم الله عله الوكف والماوكف بالضيج
هنا ايام يكضن و القصص تبقى
بصرخه أبتديت العمر
وصرخات من ينتهي
ومحد يروح وياي
"؛ ١٩٨٩/٢/١٨. ٥:٤٥ ؛"
تاريخ وصولي للحياه او هذا العالم العايشين بي ومثل كل بدايه حلو جانت بداية حياتي بين ام واب متفاهمين
لكن دوام الحال من المحال من بعد ذاك العز والدلال العشته صرت مكفخه للرايح والجاي هذا الشي كد ماجرحني قواني وخلاني اقوه هيهات ارضخ الهم وقسمت اذلهم وادوس روسهم واحد واحد كلمن كان السبب بوجودي بهل مكان المايشبهني صرت هامش على طرف صفحه من طيات الحياه اشتغلت وتعبت وعتمدت على نفسي وكملت دراستي ودخلت مجال ماحبه ولااتمنى بس هو طريقي الوحيد للانتقام من الي ربيت مثل الايتاام بوجودهم انه حاربت وحاربت هل كون كله وحدي يصگعني وانه اغنيله بصدري شايل حقد بس الله يعلم بي جدتي وجدي الشي الوحيد الحلو بحياتي كسبت ثقة جدي وانه تربايته وستلمت المشيخه لو كامت الساعه وانه مومن عشيرتهم شلون اصبح شيخهم بس هم اصبحت اجبير بااسمي بعيد عنهم وكعداتي ويه جدي بالمضايف وبذكاي ومعرفتي زاد شاني وصارلي بكل ديره بيت ورفيج ومحب على عنادهم
كسرلخشومهم ......................
إلچم جرحك
إشما طاب تدري اشما تزيد الآخ
تكبر هيبة العطّاب
الي صار االيوم وياي خلاني افقد اعصابي شلون تورطت چدام الزلم والمشايخ عضيت على سبابه ايدي اخخخ وشدبره
ماعرف شلون مر الليل وشلون نمت صحيت على صوت هرجه وهوسه في البيت حدرت تااشوف شصاير
ابوالاكبر .. صباحج عافيه يجده
الجده .. مسيت العافيه عليك يمه ..
ابو الاكبر ... عگدحواجبو بااستغراب .. اذن الضهر
الجده .. الاكول اذن المغرب
ابو الاكبر .. هااااا !!!!!!!!!!!!!!!
الجده .. ههههههه نوم العافيه يولدي
اكول يمه ابو الاكبر ...
كولي يجده ...
الجده .... جدك يكول هادينك مره البارح بنص الديوان وانت قابل .. ،
ابوالاكبر ... اووف اي يجده قبلت وماعرف كيف اخلصو نفسي من هل وهگه
الجده .. عجل جدك يكول لزوم يخطبها بااسرع وكت عيب من الناس الشيخ يكول كلمه ويخلف فيها
ابوالاكبر ... دبريني يجده
الجده .. مافي دبره غير تكمل الي بديته وانه والله ماراضيه تزوج وحده مومن ثوبنه ...
ابو الاكبر ... اااااه الي في الخير والله كاتبو يتگدم يجده
صارت التحضيرات للعرس بعجله وسرعه وجدي متحمس اكثرمني كأنو هو العريس موانه وانه مطنش ولالي دخل في شي گاضيها من المركز للدواوين ونوم جذب اذا يطريني النوم بعد هل بلوه .جدي جان حالف تجهيزات الزواج كلها يتكفلها ويكول حالف مرتك اصوغها ذهب من جدمها لين راسها
..........
" سلطان "
نزلت من السياره متوجه للمكتب وانه امشي اناضر بين الطلاب
واشوفلك ذيج المزيونه الي لبسها ماشاءلله ماساتر شي وضحكتها النهايه الجامعه يسمعها انتقدتها لكن رجف گلبي الها ... لمن تقربت اكثر اتضحت الصوره هذي هيامي اي والله هي هذي تريد موتها شلون تتجرأ وهيج تلبس وتضحك فوگاها انه الج هين تجاهلتها ومشيت .. وطلبت من ممثل قسمهم يصحها الي للمكتب تأخرت يلا اجت طيب تتغلين علي مو
هيام ... نعم استاذ دزيت عليه .؟
سلطان .. اي دزيت عليج بصوت يقلد عليها
هيام ... لوسمحت لتقلد على صوتي اوك
سلطان ... بستهزاء وقلد صوتها ... سار اوك تردين عسير تفدلي ليس واكفه
هيام .. بعصبيه ... سسسسلطااااااان
سلطان ... ومرض
هيام ... سلطااان شبيك
سلطان ... گصري حسج ولج
هيام ... هوووف
سلطان .. وهفافه التلفج ... اووف موو هووف حتى هاي حرفتوها يالمايصاات
هيام ... المايصه ماعاجبتك ليش خطبتني بلا
سلطان ... دام تعرفيني مصخم وجهي وخاطبج شنو هذا لبسج
هيام .. شبي
سلطان .. شبي شنو شبي يبنت ال استغفر الله هسه من اغلط واحد يلومني
هيام ... يعني شبي ميعجبك ..؟
سلطان ... يعجبني شايفتني جاي من اوربا حتى يعجبني
هيام .. اي فديتك اوربي مالي
سلطان .. اوجعي انجبي لاروبي ولابشتي هيااااام
هيام .. هااا
سلطان .. صرت مقابيلها .... شنوو هل لبس مالج اسمعي لج اخر مره اشوفج بهل لبس والضحك والهيلگه واذا تسئليني شنو تغير صرتي بااسمي ومحسوبه عليه مفهوم ..
هيام ... بزعل ... ويوم اسود الي عرفتني بي مو ..
سلطان ... هنا علتج ومسويه كل هذا وماتردين على اتصالاتي وجايتني لابسه هل لبس ما نسيتي من كتلج يوم اسود ولج اشاقه وياج ياطرگاعتي
هيام ... هاا شفت تكلي طرگاعتي يعني اني طرگاعه
سلطان .. زين من عرفتي نفسج
هيام ... باوعت عليه نزلت دمعتي
سلطان ... لج هيامي تبجين خرب صدك عود تعالي الگلبي ياروحي لميتها بحضني ... اعتذر حبيبتي لاتبجين اشاقه وياج
هيام ... هو يحجي واني رحت بغير عالم سارحه بعطره ونضبات گلبه
هيامي حب وين رحتي هيام شبيج
هيام ... بخفوت هاا
سلطان ... ها يروحي عبالي متي من جمال عطري
هيام ... ضربته بخفه على صدره ... وخر عني وخر
سلطان ... تمسكت بيها هههههههه حبيبتي حطيت جبيني على جبينها صافن بعيونها هيامي
هيام ... بخجل ... هممم. سلطاني
سلطان ... عود انتي هيج حلوه لو اني اشوفج هيج
هيام ... شنو قصدك
سلطان ... قصدي القرد بعين امه غزال
هيام ... هااااا شهگت بألم من قوة القصف الي اجاني طير ام الخجل مني واني عبالي يترومس حضرته
سلطان حبيبي نسيت ام القرد غورله ياعمري
سلطان ... هههه تقصديني هاي
هيام ... ليش حبيبي انت حيوان ... هذا الكلام كله وهو حاط حبينه على جبيني ناسين نفسنه مدري هو يحاول يحجيني
سلطان ...ههههههه يااا حقيره ترديها مو اني الج مانطيتها مجال ترد طبعت بوسه رقيقه على ثغرها الينگط سم هههههه ابتعدت عنها وحطيت شفايفي على خدها وهمست هيج الغورله تبوس قرودتها حبيبتي
هيام ... ضليت مصدومه من عملته بعدين ستوعبت القصفه وسحگتت على رجله
سلطان .... ابتعدت متأذي اخخخ .... عرفناج قرده طلعتي مطي يزاگط
هيام ... سلطااااان وخر عني اريد اروح ...
سلطان ... تعالي صدك يمته نعلن خطوبتنه بالجامعه ...
هيام ... لمن تسويلي حفله وتخطبني كدامهم
سلطان ... دطيري
هيام ... لعد ماكو باي
سلطان ... ضربت على جبيني بخفه هاي شلون نستني ملابسها ... دزيتلها رساله ........
"" تروحين للبيت اتغيرين ملابسج فوراً قبل محاضرتي مفهوم "" طبعا بيتهم قريب على الجامعه
..............................................
ابوالاكبر
خلصت التجهيزات كلها بااسبوع ..... وصار الاتفاق هي خطوبه وهي ملچه (عقد قران) بعدها ب١٠ ايام العرس ..... جهزنه نفسنه وجدتي والنساوين وطلعنه من الفجريه
وبعد طريق طويل وصلنه عندهم وعينك وماتشوف الجهاز النزلو من السيارات وشجايبين ذولي استغفرالله ... تلگانه ابوحمزه وعياله يرحبون ..... تركتهم ورحت تااتصل بسليطين وين صار
ابوالاكبر ... سلطان وينك احنه وصلنه
سلطان .. وراكم انه يخوي وكفت اشتري شي اشربه وجاي
ابوالاكبر ... لاتتأخر
سلطان ... صار ياشيخ العرسان
ابو الاكبر .. انخرس
..............................
بعد التهليل والترحيب تمت المچله وتعالت اصوات الهلاهل والغاني والتبريكات وانه مالي خلگ نفسي
ابوحمزه .... الف مبروك ابو الاكبر ...
ابوالاكبر ... يبارك بعمرك شيخ
ابوحمزه .. انه انطيتك قطعه من روحي وشمعه بيتي وحيده ابني الشهيد ذكرى من ريحتو صونها وداريها تراها مدلله
ابوالاكبر ... بعيني يشيخ بعيني .... بس ابغى اكولك شي
ابو حمزه ... تفضل كول
ابو الاكبر ... حيدر عماد ... مايذكرك بشي هذا الاسم
ابو حمزه ... نزل راسوو وكال بحزن ... اسم ابني المرحوم مكتوب عليه ادفن ولدي وانه حي ....
ابو الاكبر ... الله يعين يشيخ ... عجل ولدك ماعنده صبيان
ابوحمزه ... لوجان عنده جنت اكول انت على كثر ماتشبه بي بشبابه
ابو الاكبر ... وانه هو
ابوحمزه ... شنو يعني
ابوالاكبر .. كمت وكفت بنص الديوان ... انه هو يالشيخ انه حيدر عماد مزاحم الهاشمي ...
الكل وگف مصدوم وابو حمزه بعد ماله حيل يكوم
شيخ حيدر ... انه الي من اكثر من١٨ سنه اجيت من هذا الباب وبنفس هذا الديوان طلع عماد ابوي الي هو ابنك بعد ماعتبرته ميت وطلع مكسور ودمعته بعينه هو رجال وبعد فتره اجيت وساومته برضاك لو خراب
لو خراب بيته وفرضت عليه يزوج مرت اخووو الي دمرت حياته وضيعت ابنوو الوحيد وضلمتو امي وتهمتوها زور وافترى وتبريتوو مني وربيت يتيم بوجودكم ،....،
سلطان ... گضبتو من ايدو حيدر كافي
حيدر ... تركني سلطان لاتگضبني انه تعبت خلي يفهمون هذول الضلام
ابوحمزه ... كام بعصبيه ... جذاااااب كافي جذب ابني عماد كال ماعندي ابن انت ابن حرام
حيدر ... لهنا وحدك گصر السانك انه حيدر ابن عماد من صلب ابوي موغيره والشبه اكبر دليل الي يحجي غير هل كلام يواجهني تااكسر راسو ...
ابوحسام ... احترم نفسك اجاوزت اهواي كلنه شيخ واحترمناك اطلع بره ومره مالك عدنه طلگها وروح
حيدر ... لالا ياعمي ياشيال همي مامقبوله منك ثانياً الهديه لاترد ولاتعطى ولاتباع يابوحسام
اسمعوو ياكل الموجودين ... انه شيخ حيدر الهاشمي ابن الدنيا العلمتني قبل فتره دخلت واسطت خير بين ثنين متخاصمين ونصدمت بيهم اهلي الي متربين مني ساعدتهم والشيخ مزاحم كدامك هداني من بناتهم وانه قبلت الهديه وصارات على ذمتي وبعد اسبوع العرس اودعناكم ....
......................................
.. ، قمراء ، .. اسم غريب ومختلف مثل حياتي اختارليا جدي لجمالي وانو اني اجمل وحده بالعشيره طبعا اكتسبت هل شي من وحده يسموها امي الي من ولدتني شمرتني على جدي والي اسمه ابوي سافر حتى ماسجلني على اسمه ولمن جنت اسئلهم ليش اسمي وعلى اسمه يكولون جدي وكتها حب يعيش اسم عمي الشهيد الي مجان يصير عنده جهال واصلا مايهمني اني هو ابوي ماكلف نفسه يشوفني وامي ذبتني بعد ماطلگها درست لحد السادس ابتدائي ممنوع الدراسه لان اني حلوه والعين عليه على كولتهم اني كلها تصيحلي ريحانه لان جدي كله يصيحلي ريحانتي وهم اسمي ماينهضم صعب وبسسب حب جدي عشت حياه ولااروع كلشي اطلبه تحت رجلي جدي صار كل حياتي
طبعا اني جمالي غريب ... شعري اسود ومجعد يوصل لجوه كتفي ... عيوني رسمه السمجه مسحوبات وكبار لونهن ارزگ غامق وبياضي طبيعي موكلش بيضه لكن ملامحي حلوه وتجذب
قمراء ... بعد كل الي صار صعدت اركض الغرفتي بعد الي سمعته ... وادموعي تتسابق على خدي ... معقوله جدي يرخصني ويهديني الشخص مايعرفه بس لان حل مشكلته واني ماكدرت ارفض لان جدي وبعد كل السواه الي ماكدر انزل راسه كدام الشيوخ ... حبست نفسي بغرفتي صاحولي على العشه مانزلت ومن كد ماندبت حضي دخت ونمت كعدت على صوت زينب بنت عمي
زينب .. ريحانه گعدي ريحانه هيييووو ولج ريحانه
قمراء ... ها ها ها زبيبه كعدت شكو ياهو مات
زينب ... صخامه ماتت تعرفيها كعدي جدي يرديج
قمراء .. وشيريد مني مزاحم
زينب ... احترمي نفسج ولج يلا كومي
قمراء نزلت اشوف جدي لكيتهم كاعدين جدي وعمامي بالديوان ..
قمراء .. نعم جدي صحتلي
ابوحمزه ... تعاي كعدي يمه بويه ... شوفي ابنيتي زواجج تم وانه ماكدر اتصرف صرتي حرمته وعلى اسمه وانه ماكدر ارجع بكلامي كدام الشيوخ
قمراء ... لاجدي مستحيل..
ابوحمزه .. شنو المستحيل بنتي
قمراء ... مستحيل ازوج اخوي
.......................
في أي لؤلؤة سكنتِ؟
في أي بحر تسبحين
في أيّ أرض بين أحداق
الجداولِ تنبتين؟
أيُّ الضلوعِ قد أحتوتكِ ..
وأيُّ قلب بعد قلبي تسكنين؟.
يتبــــــــــــــع ............................
مساء الخير والعافيه اعتذر جدا على التأخير لكن ضروف ..
هذا بارت واتمنى تفاعلكم سر نجاحي ..
تصبحون على خير ..،❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!