رواية عــز الــدليم و(بنت الشيوخ) الفصل السابع 7 - بقلم ﮼ميم﮼الُِ﮼فُرج

"عـــز الدليم "

الكاتبه ... ترنيم السماء

user38998647

.................................................................

#وأسولف_بيك

حسبالي السوالف وادم وتسمع

وحسبالي الوهم  ينفع

وحسبالي الطيوف تشوف

تجيب  عيونها  وتدمع

وحسبالي اليغيب يرد

وحسبالي الگلب يشبع

شمدريني اليروح يروح بس البشر مايقنع

أثاري مسودن وحنيت ومتاني الوكت يرجع~~

................

حسيت  الهوه وكف دگات گلبي العاليه مثل الصدى بااذني  ... لحظه لحظه وحده وكلشي بيه نبض بحقد وغل  ونار
ماتطفى للموت  ...... 
سيطرت على نفسي ورسمت ابتسامه حقد وتقدمت ارحب بيهم احر ترحيب

الشيخ  .....  "وعليكم السلام يا هلا وكل الهلا نورتونه "

ابوحمزه ... " ياهلابيك شيخنه منور بااهلى "

دخلو للكعده الي حضرناها وقدمنا الضيافه وننتضر جيت ابو جاسم ضلو يتناقشون باامور العشاير اما انه جنت بغير عالم سارح بالشخص الي مقابيلي  والله وجيتني برجلك ....

نص ساعه ودخل ابو جاسم وربعه كمنه نستقبلهم ونرحب بيهم كعدنه وصار الكلام بين مد وجزر وناس تشد وناس ترخي ....

انتم خوان واحنه نضرب المثل بخوتكم وشني فايدته الكشخه اذا موش بالخوه ..... صرت بنص الگعده  بين ابو جاسم وابو حمزه وكلت ...

الشيخ ..

"يالخوتكم  مثل الملح للزاد
وحلات الزاد كون ادحجه الملوحه
ومايبره العشت وياها مده سنين
وهم شايف عزيز تبره من روحه
الزادت والنگص محسوبه على الوياك
وشني نفع الجبل لو فارك سفوحه
" اخذ ملوحه من ماي الهور ".

رفعت ردن عباتي
بيديي لفوگ  ها ها اخذ الملوحه من ماي الهور .... اخذ املوحه ... صارت دبجه قويه (الكل يعرف الهوسه عند العراقين) ....  دحكت عليهم بعدهم للحين مختاضين ... رجعت حجيت

"يلخوتكم مضرب مثل للصحبان "
"وسفه يفرگ بينكم البطران"
"على وصخ الدنيا يختاضون كامو العربان"
"... وتره كشخت البشر خوان   ....."

كلها صاحت ... صح السانك يشيخ صادگ ياشيخ .... 

الشيخ ... توجهت لبره الگعده  كدامهم جانو الفلح محضرين اربع خرفان مبطحات مستعدات للذبح ... اخذت السجينه من الفلاح وذبحت الخروف ...  هاي عدنه سانيه بعشايرنه ... يسمها تجراوت دم اذا مزاعلين وصارت تجراوت دم لازم يصالحون بعد لان تعتبر راضيناكم بالدم تعبر،عن قدر ومعزت الشخص

رجعت للگعده وكفت بينهم وكلتلهم

الشيخ ... "انه اترك الراي الخوتكم بعد "

ابتسمت وانه ادحكهم تحاضنو وانتهى الزعل بينهم صحت على الولد ...

.... "نزلو الغده للشيوخ ياربع"

اجو الشباب شايلين ام العراوي ثلث عراويات حطوهن بنص الگعده

(ام العراوي صينيه جبيره مستطيله بيها اربع يدات يشيلونها اربع زلم مخصص حجم خروف كامل)

ابو حمزه ..." ليش مكلفين نفسكم يالشيخ انت فضلك علي ماعرف  شلون ارده الك مايحتاج "

الشيخ ..." مافي كلافه ولا شي من گيمتك وگيمت الشيوخ  مايزورنه اعز منكم والله  والفضل فضل الله يشيخ يقدرنه على تصفيت الگلوب والحفاظ على المحبه تانطيح الحطب الي تشعل النار بلگلوب " ...

انتهى الحديث وبلشو بالاكل ...

الا انه مثل الملسوع وكاعد على جمره اتگلب مثل السمجه المزوهره ...

الشيخ ... بينه وبين نفسه " اخخخخ يابه لو بيدي اخخخ تااسوي الماصار بس وكفني داخلين بساطي وانه واسطت خير مايدرون انه لوتتوسطله الدنيا مايصير خير بينه "
انتهت الكعده وكلمن اخذ دربه وراح
... انه دخلت الغرفتي ودايخ بزماني هههههه اووف نذل ياوكت شلون جمعتنه وياهلا بيك كل الهلا " غمضت اعيوني احاول اضيع من الالم الي ابداخلي"  ......

بعد مرور اربع ايام

مشت الايام عادي بس النار تاكل بگلبي شلون اخذ حگي وانه بين صفنه وصفنه اتصل بيه سلطان ...

الشيخ .. الوو ..

سلطان ... "هلا بشيخ الي يوعد ومايوفي "

الشيخ .." افا انه واعدك وماوافي "

سلطان .."اي والله "

الشيخ وهو يحاول يذكر ... "" ذكرني وانه اخوك على موت "

سلطان .." سالم ياابو الاكبر  الخطوبه الي وعدتني تمشي وياي "

الشيخ .."اخذلنه موعد من الجماعه وداعت شاربك غيرها ماتصبح حليلتك وانه خويك "

سلطان .." كفو من شاربك .. باجر يناسبك شيخ"

الشيخ ... "تم باجر "

سلطان ..." عجل باجر انتضرك الضهر نطلع البغداد"

الشيخ ..." خير ان شاء لله "

تسريع الاحداث شويه

ثاني يوم طلعنه البغداد وتمت خطبه سلطان على خير  وخالي من عرف گلبها عزه وزعل علي وبعد حتى تطليعه بوجهي مايطالع اخر هي والله  ....

.....................

جنه كاعدين انه وجدتي وجدي نتعلل  ..... وجدتي جانت شايله بخاطرها لان زعلت خالي ..

جدتي ... " يمه ابوالاكبر "

الشيخ .. "امري جده "

الجده ..." مته تتسامح من خالك واطيح على راسه"

الشيخ ...  " جده تسامحت منه الف مره ماناوي يرضى خلي على زعله ..."

الجده ... " بزعل
" جنك ماهماك زعل خالك"

الشيخ ... " لاجده هامني هامني جثير بعد ههه ضحكت بداخلي بستهزاء

الجده ..." عجل انه عندي خطه تخلي يرضى يسامحك "

حجه جدي ....

"نورينه يشيخه خاتونه "

الجده .." انك تطلب الگرب منه وتزوج وحده من بناته وماضن هو يرفض يصاهرك"

الجد..." وشحده يرفض بحلامه مايجي واحد مثل الشيخ البناته ابو الاكبر وشكلت وانه ابوك "

الشيخ ... وهو يگوم ويحاول يتهرب منهم ..." يصير خير جدي تصبوحن على خير " وطلعت

بس ماضنيت هذي الكلمه راح تصير سبب دمار حياتي الجديد الي حييت وياها  قبل ماتبدء حتى

.

.....................

هيام ...... بعد ماجفصت بالكلام وزعل مني سلطان مارجع وحاجني غير لمن اخذ موعده على مود الخطبه وتمت خطوبتنه بهدوء بدون حضور اهله بابا كان متفهم للموضوع وهو جان جايب وياه شيخ الكل تحلف براسه بحيث بابا كال دخلته لبيتي اخلدها بتاريخ حياتي ماجنت افكر شيخ معرفون بااخلاقه وخيريته ناذر حياته لزرع الموده بين الناس
اسمه مثل الجمر جوه  الدله والفنجان تطرب المضايف بااسمه يطلب بنتي مني وارد لا والله ....

الحمدلله من تمت على خير  ... وره ماطلعوو بكم ساعه اتصل بيه سلطان ....

هيام .... " الو هلاو سلطان "

سلطان ...  " كد الكلام لو لا "

هيام ... وهي متلبكه " سلطان يعني اني يعني موقصدي"

قاطعها  سلطان "كد الكلام لو لا"

هيام ... " كده والله كده اني اعتذر "

سلطان ... " حصل خير مبروك الخطوبه "

هيام ... ابتسمت ... "" مبروك علينه "

سلطان ... " هههههه حبيبتي اوووف هسه يلا انام مرتاح "

هيام ..  " اكول سلطان"

سلطان .." كولي يا بعد كلهم "

هيام .." بعده اليوم اسود الشفتني بي "

سلطان ... " ويبقى اسود النهايه عمري "

هيام ..." هااا سلطان صدك عود روح زعلت "

سلطان ... " هيامي حبيبتي "

هيام .." اني يوم اسود سلطاااان"

سلطان ..." اي يوم اسود وطرگاعه "

هيام. هي مدمعه ..."" سلطاااااااااان. اني طرگاعه لعد ليش خطبتني "

سلطان .." يروحلج فدوه سلطان اي يروحي طرگاعه وخطبتج حتى تضل ياي طركاعتي اني وبس وماطرگع على روس العالم يعني اني نقذت البشريه منج .."

هيام .. ببكاء" سلطااان روح روح من وجهي "

سلطان ..."هههههه رروحي فدوه سلطان واهلوو لدموعج جذب لاتبجين ""

هيام ..." يعني اني طرگاعه "

سلطان ... " غير اني صريح ياهيوم لو نسيتي "

هيام ..." لامانسيت باي " سديته بوجهه حقيرررررر اني طرگاعه مو خوش اعلمك

سلطان .... "" هاي سدته بوجهي هههههه بعد العمر والله طرگاعتي  وبلوتي واحلا بلوه دزيتلهم رساله

"ابغى انشدكم همَّ البغدادييّن حلوين كلهم لو لإن هيَّ منهم "
ردت علي

هيام ..." لاطبعا لان اني منهم "😎

الشيخ .... مر اسبوعين وانه على هل حال لاليلي ليل ولانهاري نهار انه الي اطفي نار بگلوب  الناس ماني عارف علتي وشلون اهمد الناري الي موجره وتاكل بصدري روحي ... مثل المحروگ السانه لاانه الي اكدر اكول اليوجعني ولا انه الي اكدر اداوي. وجعي  ......  وانه بين هل حيره طلعت الشغلي ولتهيت بقضايه الناس والي يشوف هموم غيره يهون همه  ....  رجعت للبيت وكعدنه على الغده ...

الجده ... " ابو الاكبر اتصل علي ابو حمزه .."

ابو الاكبر .." حسيت الگمه وگفت بزردومي " خيرو وشبغى الشيخ يجدي

الجد .." اتصل تايعزمنه ويشكرو من عندنه على حل المشكله "
من
ابو الاكبر ..يضيج " روحو انتم انه عندي شغل "

الجد .. " لايبو الاكبر الزلمه اصر واكدو انت لازم تكون موجود لان بفضلك تصالحو  وطلب رگمك بس كلتلو انه اخبرو"

ابو الاكبر ... "تم يشيخ تم ومتى انروح "

الجد ...  "باجر من الفجريه يجدي "

ابوالاكبر ..." تامر شيخ "

....  مر اليوم عادي  ....

جنت نايم بغرفتي وصحيت على ندهت جدي لي

الجد ... " يلا ياابو الاكبر ماضلو وكت جزت الصلاه ""

كمت من افراشي .... وحجيت بصوت على حتى جدي يسمعه وهو جوه بالربعه

الشيخ ... "" اي يجدي صحيت نازل " دخلت للحمام سبحت وصليت واخذت ثوبي النيلي وغترتي البيجيه لبستهم وضبطت اعگالي   ... شلت البشت تاعي وطرگتوو وحطيتو على ذراعي واخذت مسباحي  ... وطلعت  حدرت لعند جدي ...

طلعنه بعد طريق طويل ... وصلنه وياريت ماوصلنه ... تمنيت تنگلب بيه السياره ولااجي لهين ... وگفت بالباب وانه انضار هذا المكان الي صارت بي ابشع ذكرى اول ذكرى تالم كلبي وانه زغير ... اوووف حسيت خنگه اعتلت صدري وانه اذكر الموقف

قبل چم سنه عَدت مو بعيده
و مثل هالليله هم چانت رعيده
اول مَره بيها افتر بالفروع
چني الشايب وضيع وحيده
و اول مره بيها الزملي باكيت
و ادخن و انه چنت الما اريده
ذيچ الصدمة هزت ثقتي بالناس
و گمت ما اثق بالوجوه الجديده
ما اگدر اسولف و الحچي هواي
مو انه اليضم حجيه بجريده
مشكلتي العلاقة احفظها اسرار
مثل ما يحفظ الساعي بريده
چنت ما تدري ادري وما اهتميت
و ما گتلك ولا بيه انت حسيت
ما بين عليه انسان معيوف ؟
ما ركزت وجهي شلون مخطوف ؟
ولو شتركز وما يوم مريت

يتبــــــــــــــــــــع ....

هلا حبايب مساء الخير هذا بارت اتمنى يعجبكم
واسفه على التأخير بس ماكو اي تفاعل على القصه اذا بقى هيج راح احذفهم
😢💔