رواية عــز الــدليم و(بنت الشيوخ) الفصل الثاني 2 - بقلم ﮼ميم﮼الُِ﮼فُرج

عـــزالديــم
        
بقلم .... "ميم ال فرج"

هذا الليل يبدي وتبدي كل بلوه
واضل انفاسي حدر الضلع تتلوه
الغربه اجيس روحي واطلع المضموم
ليخلي الخدود بحرالدمع تتجوه
تعرض صورتك اكبالي واشاهد بكل اخخ
ويفزن النامن توهن بگوه
جي ميت ضميره الليل اسود صار
الماعنده ضمير افعاله بس قسوه
هسه هنه الگواغد سهله بالطويات
بس كلي البگلبي شلون تتطوه

.....

عماد ... انت صدك تحجي انت شبيك شبيك تخبلت

اسكتي لججججج صاااااقطه بنت الليل كل هل سنين جنت مخدوع بيججج ولج واني اني انتي اتخونيني وابيتي وبنص فرراااشي انيييي

.. ليلى ودموعها تجري ،،عماد والله فاهم غلط خلي افهمك اترجاك الخاطر ابنك

شال الطاوله وطگها بالگاع .. يتقدم الها وهي ترجع ليوره ،،،
اسككككتي اششششششش صوتج ماسمعه الخاطر ابني كلتي ابنييييي ومنو يكول هذاااا ابني مو نغل واني ملفيييي

ليلى ،،، لا لا لا عماد ابنك لاتنكره ابنك والله والله مضلومه والله مادري

عماد ،،هههههههههههاي كالو للحرامي احلف كالهم اجاني باب الفرج ولججججج حقيره لتحلفين انت نگسه طلعي برررره طلعي بره انتي وابنج وينه وهو وينه النغل وينه

يا ابن الحرام وينككككك

الطفل الجان لام نفسه وحاصرها بين الحايط والكنتور وحاط ايده على اذاني يمنع نفسه من سماع المصيبه الي صايره بره

دخل عليه الي المفروض يسمه ابوه جره من ايديه بقوه

عماد ... وهو يجر بي
كوم ابن الحرام كوم روح ويه امك يلا انوب عليه ولد الحرام والنغوله يلااااا شمره على امه
اخذي ابنج واطلعي ولاتخليني اشوف خلقتج بيوم لاانتي ولاابنج لاورب العباد اذبحج انتي وياه وافضحج يم اهلج يلاااااااا بررررررررررررره

....... ١٩٩٧/١١/١ ........

تاريخ بحياتي مراح انسى ولا راح انسه الصار بي كله يمر عليه مثل الشريط ينعاد وينعاد وينعاد

٢٠١٨  ..........

الشرطي ... حاضر سيدي

صحاني من تفكيري بذكرياتي المؤلمه صوت الشرطي وهو يضرب رجله بالارض بقوه تحي الي

الشرطي ...  سيدي هذا ملف القضيه الي طلبت (حطه على المكتب)

.... تمام انصرف آ آ آ آ آ آ آ آه جريت نفس بحسره وانه موراضي اتخلصو من جروح الماضي الي طولت فتره علاجهن هزيت راسي انفي الافكار الي بي تااركز بشغلي وبلش يوم من التعب والتحقيق

يومي خلص بين تفكيري وحيرتي  .... وبهمي الچاثم على صدري جنت جاي  من الشغل نزلت بفرع منطقتنه الزراعيه صفطت سيارتي ودخلت للبيت تلگتني نسمه العافيه وريحه الجنه بضحكتها

الجده خاتون .. ها يمه گواك الله يجده

.... كلتلها واني اقبل راسها هلاهلا جده گوالله حيلج شعلومج

الجده .. اعلومي تصبح زينه من ادحك عليك

.... هههههه الله يخليج جده اني صاعد فوك تاارتاح خلي يهيرولي الغده وان جهز نادوني احدر تره گارصني الجوع يجده

الجده ... يخس الجوع تأمر يالشيخ

... صعدت للغرفه والابتسامه على وجهي روحي تنترس راحه من ادحك جدتي هي وجدي كل دنيتي وهلي

دخلت الحمام وانه ازيح تعب اليوم الجوه جان بارد شهر الثاني طلعت لبست ملابسي وانسدحت على السرير غمضت اعيوني وسرعان ماداهمتني  الافكار ورجعتني للماضي ........

١٩٩٦ ....

طفل راجع من المدرسة حامل النتيجه باايده وفرحان كون ناجح الاول

.... يمه يمه شوفي ناجح الاول والمدير انطاني هديه

ليلى ... وهي تحضن ابنها يمه فدوه وليدي الرافع راسي الك احلا هديه بس يجي ابوك ويلاحبيبي ادخل بدل ملابسك وغسل  حتى بس يجي ابوك نتغده

.ً...... غسلت وغيرت ملابسي واني اتأمل الشهاده مالتي بفرحه ماليه اعيوني كاانما مسوي انجاز كلش جبيررر مو ناجح من الثاني ابتدائي ضحكت واني اسمع صوت امي تصيح بااسمي

....... طلعت يمها ...... ليلى يلاماما اجه ابوك تعال نتغده وبشره بنجاحك

عماد ..... وهو يختم صلاته بالسلام وباع لجهتهم ... هااا سمعت طاري نجاحك انطوك النتيجه ولك

..... عاينت الجهت ابوي الجان كاعد على السجاده مقابل القبله

رحت اله واني طاير بست ايده وراسه قدمتله النتيجه  المامفارگه ايدي من اجيت لحد هسه شافها وهو يتأمل درجاتي

عماد  بفرح ..... عفيه ابني البطل اريدك دوم هيج رافع راسي وتوصل وتصير مهندس لودكتور ....

...... قاطعته بعفويه وجاوبته بطفوله ..... لالا بويه اني اريد اصير ضابط مثل عمي جواد والبس نجمات على كتفي ويصير عندي مسدس صدگي واصير رجال .... حطيت ايدي على جتافي بحلاميه واني اتخيل شكلي

عماد ... لايابه حبيبي انت رجال بس تصير مهندس لو دكتور لان الضباط خطره عليك باباتي واضل مثل عمك لا تنام ولاتطلع واتگضيها بالواجب وصوت طلق وناس تكتل ناس شلك بهل دوخه ياوليدي

..... قاطع حديثنه دخول امي وهي شايله صينيه الاكل كام ابويه بهمه تلگاها كانها شايله اطنان مو صينيه وهو يلوم بيها ليش ماصاحتله يشيل الصينيه

اتجمعنه كلنه على صينيه الاكل جانت امي طابخه اكثر اكله يحبها ابوي تمن اخضر اوتمن باگله

خلصنه اكل وابوي انطاني افلوس هديه نجاحي ورحت حتى اشتري بيها مسدس من المحل  ....... وضليت ضهريه كلها العب بي  ....... وگفت العب من سمعت صوت امي تصحيلي اخذتني غسلتلي وبدلت

طلعت للصاله لگيت ابوي كاعد وگدامه الچاي والكليچه ام التمر وصحن فواكه وحاط الراديو يگلب بي وجانت وشت الراديو تصدر صوت جدا مزعج ضل مستمر بالتنقل بين موجه وموجه واستقر على محطه اغاني جانت مطلع اغنيه فيروز

كانت كلماتها حلو حيل

ابوي جان يدندن وياها

بكتب اسمك يا حبيبي عالحور العتيق
وبتكتب اسمي يا حبيبي عارمل الطريق
بكرا بتشتي الدني عالقصص المجرحه
ويبقى اسمك ياحبيبي واسمي بينمحى
بحكي عنك يا حبيبي الاهل الحي
وبتحكي عني يا حبيبي النبع المي

جنت اشوف الحب المالي اعيون ابوي الامي الي مخليها اميره بحياته

قدملها اكليجه وهو يقربها من حلگها رغم جان اكوحصار مالي البلد بس ابوي جان عنده افلوس واراضي وبساتين ماخلانه نحس بي كلشي متوفر ابيتنه حتى جيرانه يطلبون من عدنه

صحاني من شرودي صوت دگت الباب
...... اتفضل .....

نرجس .... شيخ جدتي كالت اناديك غداك جاهز

جاوبتها واني اكوم من افراشي
..... جاي جاي يبت عمتي ....

اوووف منج يجده ماتجوزين من اسوالفج اعرف بيها متقصده توديلي نرجس بنت عمتي فضه جان بخاطرها ازوج نرجس من زمان ويني وين الزواج انه
دار هل حوار بيني وبين نفسي وانه ادحك على وملامح وجهي بالمرايه. شكد طالع اشبهوو  .....  جريت حسره وعدلت شعري وطلعت
حدرت لجدتي ...... لكيت صينيه غداي يمها

جده خاتون ...  هلابشيخنه عسن ماطول عليك الغده

.... هلابيج تاج راسي لاجده هساع طلعت من الحمام كعدت اكل و جدتي تنطيني اخبار الديره كلها فلانه كالت وفلان سوه هههههه

الجده خاتون  .... يمه ابو الاكبر مادريت باابن خالك سلطان يريد يتزوج وحده من بغداد  موش منه ولابي

... شهل اخبار يجده متأكده

الجده خاتون .... اي يوليدي متوكده اموو جانت هينه وخبرتني وخالك جلال طارد سلطان من البيت وجت تنشد على ولدها ان جان جه لينه

....... هاايجده مقعوله خالي يسوي هيج بولده وانه اكول سلطان مختفي من الصبح مايرد علي

كمت من يم جدتي وانه بالي مشغول على خويه وعضيدي سلطان وينوو

جده ... يمه ماتشرب جاي

... لاجده تعرفيني مااشرب جاي بس الصبح انه صاعد فوگ لحد يصحيني صعدت لداري اتصل على سلطان مايرد مره ثنين بالثالثه يلا جاوب

..... الوو سلطان وينك يخوي مختفي وامك كتلها القهر

...سلطان .. شيخ شوي شوي علي انه بابغداد واضنك سمعت القصه كلها مااحجه اعيد اريدها واامخذ غيرها

.... سلطان شبيك يخوي تعرفها منهي تعرف اصلها فصلها وابوك موراضي ليكون ناوي تغضب اهلك

... شيخ لااغضبهم ولايغضبوني انه احبها واريدها ياامه الاسلام كفرت وبعدين بنت اشرف نسب اصل وفصل لو لان مو من ديرتكم ماتردوها

.... سلطان دامك معزم خلاص انه وياك بس بلهداوه لاتتسرع وادخلنه بمصايب

سلطان .. افا عليك يشخ انه احطكم بمصايب مشكور يشيخ

.... لالا سلطان لاتزعل اعرفك عگلك جبير ويوزن بلد بس الحذر واجب

سلطان .... صار يشيخ صار يلاانه اترخص

.... غالي يخوي غالي في امان الكريم

نهيت اتصالي وياه وانه روحي معصوره عليه الحب صعب وينهش راحت  الواحد  مثل المرض بس مو لجسم لالا يدخل بالروح .....

في مكان اخر  ....

سلطان .... يمه بويه احبها وماتزوج غيرها لو جانت حور العين

جلال ابوسلطان  ....  تعصيني وتاخذ وحده موش من ثوبنه دحك سلطان يوم التصير هذي البغداديه حرمه الك تنسى ابوك بعد

سلطان ... يابه لاتعسورها علي اكثر من ماهي معسوره لاتكسرون كلبي اريدها وهي بشر حالها حالنه لوهي لو مااتزوج للموت

جلال ... يعني تعصي كلامي يسلطان

سلطان  ...  انت مافاهمني انت ابويه وتاج راسي بس اني رايدها وماتخلى عنها للموت

جلال ... خلص يسلطان روح لها ونسانه يلا بره اطلع بررررررره

سلطان ... صدمني ابوي بكلامه جنت متوقع يرفض بس مو بهل حده كلامه كان صعب علي يطردني كدام اهل البيت كلهم انطيته ضهري وطلعت وانه الدنيا ضايگه بيه صعدت سيارتي  رحت البغداد مكان عملي وراحتي بيها العشگتها وخطفت گلبي من بين ضلوعي اووف شلعبتي بحالي يبغداديه

بتسمت واني اذكر اول لقاء النه بالجامعه  .....  تاريخ  ٢٠١٥ بدايت دوام المرحله الاولى

هيام ..... اووووف شنو هاي وكتها تمطر هسه دخيلك ربي ملابسي تنگعن غير ااوصل للجامعه وهاي اول اسبوع اداوم شكد فگوور   جنت احجي بصوت شبه عالي والدنيا جانت تنگط وجاي تقوه وملابسي تبللت وصار بالارض وجيحت مي مااحس الا سياره وطيري المي عليه ......
صحت بصوت عالي هيييييي اعمى متشوف گبر لهل خلقه

نزل من السياره شاب لاموشاب سييد الشباب بجماله ، جان لابس   قميص ابيض ويه ستره كحلي وارباط تقرب مني عباله ضربني بسيارته حجيت وياه بعصبيه

هياااام ... انت شبيك متشوف بشر نگعتني بمي من راسي لرجليه شلون اداوم هسه اني

سلطان ... اني اعتذر اختي مامنتبه حقج عليه تعالي اوصلج

هيااام .... شنوو هذا اعتذارك بيش يفيدني بلا

سلطان ... وهوويحاول يمسك اعصابه ... استغفر الله خويه اعتذر مابگصدي خلص فضيها سيره

هياام ... وانت شنو الهامك كاشخ على اخر حبه هسه احطك اعجنك بهل طينه تعرف شعوري ويلا روح منا يلا عديم ذوق

سلطان ... گصري حسك يبنت الناس انه ماغلطان انتي احماره تمشين  بوسط شارع خاص بالسيارات ويلاانتي الي روحي منا موش انه

هيااام  .... نععععمممم شتفضلت اني حماره شكد قليل ذوق والله كلمن يشوف الناس بعين روحه وشي ثاني  امشي وين ما يعجبني كيفي ليش شارع ورث الخلفوك واني ماعرف

سلطان  ... حدج لهنا واحترمي نفسج و يلا منا هو مو صوجج صوج الكاعد يتناقش وياج ناقصني هيج شكول انه ... توجهت السيارتي واعناد دست بانزين وخليت الماي يصب عليها استغفر الله فورت دمي شكثر صلفه انه مكدر ارد على حرمه

هيااام ... صعد سيارته  رجع بللني مره ثانيه صحتت خبيث اوووف درت وجهي ورجعت للبيت واني ادردم عليه حقير ميستحي وصلت  لبيتنه لاكتني امي

.... هايمه شو رجعتي شبسرعه خلصتي

هيام .. اوووف لا ماما ماخلصت بس اكو واحد قليق ذوق داس بانزين يم جيحت مي جنت امشي يمها وببلني ورجعت ابدل .

ام هيام ..  زين يمه روحي

هيام رحت الغرفتي لبست ملابس بيت وكعدت نسدت نفسي من الدوام اوووف

ثاني يوم داومت و عادي مره تقريبا اسبوع

جنت جاي اتمشي وحدي  بالحديقه وارجع محاضراتي مااحس الا شخص انضرب بيه وطيح كتبي ونضاراتي

هياااام .... بهجوميه انتت اعمىىى ماكملت كلامي واني اشوفه نفسه ذاك ابو السياره حاجيته بعصبيه اكبر

.. "هم انتت ادري هذا ثاني شي ثبت انت اعمى متشوف هاي مرتين

سلطان ..... هاي انتي شنووو من يوم اسود هذا

هيااام .. عصبني حيل ... لعد شنو يوم اكشر هذا الشفتك بي خاب طير طير يلا

سلطان ... احترمي نفسج لججج تره اسوي شي ميعجبج لالا قبل لاتحجين انه رايح عندي شغل مالي خلگ زعاطيط

هيااام ... عزززا بعينك فورت دمي عصبت عصبت يارب دخيلك يلايلااهدئي اهدئي هيام هيوم حبيبتي اني احبج ... اووف شبيه تخبلت دخيلك ربي العقل
نزلت اجمع كتبي الطشرهن هذا الجنه ثور تايهه اووف ... رحت بسرعه القسمي راح تبلش الحاضره .....وهنا جانت الصدمه

وكفت واني مذهوله وتقدمت بعصبيه
هيام  "انت انت شنو حضي الاغبر ملزكك بيه وين ما روح وراي هااا خاف لاحگني

سلطان ... وهو مستغرب .." انت شبيج لاحگج شنو  تره زودتيها حيل وصلت حدها وياج

هيااام ... وهو انت منو قاطعنه ممثل قسمنه
صادق ... "استاذ وين المختبر الي راح نسوي التجربه بي

هيام ... ضليت اباوع شمال يمين هههههه بذيج الحاله والموقف الي لااحسد عليه اذكرت ساجده اعبيد ،هههه استغفر لله شنو
يعني هذا دكتور ياخذنه معقوله واني صار ساعه واگف ارزببي يبووو حاولت انسحب وهم يحجون لكن حضي العاثر دومه طايح حظ

سلطان ... هااا ست متوحشه اشوفج خنستي

هيام ... اعمل نفسك ميت "هه استاذ اني اسفهه. حيل بعد سلامه "
وطرت حتى المحاضره مالته مادخلتها طلعت لبره وكعدت على المصطبه شسويتي هيام شسويتي ثوله ثوله جاي يلحگج وانتي منو حتى يلحگج طلع دكتور لاوالطامه الكبرى ياخذنه شلون راح اباوع بعينه عزززا هيام عزا

بس يلا هو هم استاذ مغرور

سلطان  .... لا والله انتي الطالبه المتوحشه ....

بعد ماعتذرت وطلعت بسرعه تهرول لحكتها اريد اشوف تليها وياها سمعتها وهيه ترزل نفسهاا هههههه العقل من الله

هيام ...وهي تكوم استاذ احم اهلا استاذ

سلطان ... ههههههههاي لالا مامعقوله وين راح السانج بويه

هيام ... انت استاذي لازم احترمك

سلطان .. تمام تمام يلا تعالي للمحضره تره احسب عليج غياب

عند الشيخ ...

بعد كلامي ويه سلطان توجهت للسرير ونمت شويه  .......

صحيت على صوت جعفر وهو ازغر فرد بلعائله

جعفر ... ثيخ ثيخ جدي ينادي عليك استيققق ....

... هو كال  هل كلمه وانه انفجرت من  الضحك الوحيد الي يضحكني هو .....

"  يلا ستيقضت حبيبي حدر لعند جدك كوله شوي ويحدر "

كمت من فراشي غيرت لبسي لبست لبس عربي ولفيت الغتره على راسي وحدرت لعند.جدي

.... دخلت المجلس ..." هاجدي ناديتني  امرني "

الجد ... "هل بالشيخ مايامر عليك عدو يولدي  ردت ترافجني للبستان نطمن عليه وعلى المحصول "

..." تامر يجدي" ....

الليل ......  

جنت كاعد بغرفتي  بعد يوم متعب گضيتوو بالمركز وبالبساتين  ويه جدي حطيت راسي وماعرف شلون ويمته غفيت

.... لكن سرعان ماراودني الحلم مثل كل يوم .... كعدت وانه بالحيله اجر النفس الهث جني جنت بسباق ....

اوووف كل يوم كل يوم نفس الحلم ...... غمضت عيني وانه استذكر مشاهد من طفولتي المؤلمه

١٩٩٧.............. الماضي

ليلى ..... لا لا لا لا خويه اني اخيتك دخيلك لاتصدك بكلامهم لاتقتلني خويه يتهموني زور وجذب وداعت اوليدي جذب

اخوها. وهو يضربها .......

انخرسي انخرسي سودتي وجهنه الله يسود وجهج يافاجره

... الشيخ ... زادت دكات گلبي وانه اذكر طيحتها على الحديده

بعد.مادفعها خالي نضرب راسها بالحديده وسلمت روحها بذيج الساعة وراحت حمامه بيضه تشكي الربها ضلم عباده

شتت افكاري وحطيت راسي على مخده وغمضت  استدعي النوم بس عبس النوم الي مجافي اعيوني سنين مايخلي انام براحه كمت من افراشي بملل وانه يائس من حالتي انو انسى ذكريات الماضي انسهه هههههه اانسى شنسى

طلعت للبلكونه اخذت نفس عميق ورجعت واخذتني روحي الهايمه بالماضي لجروحه وذكرياته  .......

يتبـــع ..............