رواية عــز الــدليم و(بنت الشيوخ) الفصل الثالث 3 - بقلم ﮼ميم﮼الُِ﮼فُرج

عــــز الــدليم ..

للكاتبه ...  "ميم ال فرج"
                                                              user38998647

يعجبني طبع الكَصب لو عاند المشحوف
والحيد لو دگ صدر ما گال عندي ظروف 
و مو من غريب القلق من الصديق الخوف
خليك  غامض يخي وأخرج عن المألوف
وإياك عند البعض تلعب على المكشوف
وإحذر حديث النعم واللي يمّسّح چتوف
ولا تظن قليل الأصل يحفظ لك المعروف

١٩٩٧  .... الــماضي

صحيت الصبح على دكت الباب جان عمي جواد قبل مايلتحق يجي علينه ماعرف واحد من عمامي غير بسبب خلاف جان بيناتهم ماعرف شنو هو اجاني صوت ابويه عماد وهو يرحب بااخو

عماد .. هلاهلا خويه كواك الله الحمدلله على السلامه

جواد .... گوالله حيلك الله يسلمك

عماد ... تفضل يخوي استريح انت من اهل البيت نورتنه

جواد .. الله يسلمك منور بيكم انه مريت  عليك اريد اطمن عليكم وهم اعزمك على عرسي لوماناوي تحضر عرس اخوك

عماد  .. بودي يخوي بودي بس شوفت عينك ماباليد شي ابوك مايريدني ولاحتى اخوانك بس انت من بينهم  الي توچي علي يخوي

جواد .... افاا صاروو ابوك واخوانك موش اهلك لاتكول هيج انه اصالحكم اصالحكم وعرسي ميتم اله بوجودك انت وابوي وكل اخواني 

عماد وهو ينزل راسه باالم ... ماخلو للصلح مطرح يجواد

كال جواد وهو يكوم ... اصالحكم اصالحكم ان شاء لله انه رايح للدوام  ١٠ايام اكثر اقل ونازل اخذك ونمشي الابوي عرسي ميصير اله بحضورك يلا اودعناكم

عماد .. وين يخويه ماضيفناك شي

جواد .. خيرك سابگ يخوي انه موش خطار

عماد .. بس ميصير هيج ياجواد هو انت صدفه تمر علي ترد الروح بيه من اشوفك

جواد وهو يحط ايده على كتف عماد ... غير مره ان شاء لله هسه مستعجل متأخر على الدوام

عماد ... الله وياك محروس

جواد ... فيمالا (في امان الله )

عماد ... وداعت الله

.............وهنا جانت هاي اخر جيه العمي جواد ...............

خبر استشهاده جان مثل الضرب  كسرت ضهر ابوي وخلته نصين

راح ابوي للعزه واخذني وياه وكانت اول مره اشوف بيها عمامي وجدي

والموقف الي صار بكل حياتي مراح انسى
تلگانه واحد من عمامي

كريم .. عماد انت اجابك هنا مووكلنالك تنسانه شعندك اجيت اذا شافك ابوي تدهور حالته بالزايد

عماد .. اجيت احضر عزه ابن امي وابوي  (ماهتم لكلام الراح يكوله عافه ودخل للديوان العزه )

اول مادخلنه للديوان ... كان متروس ناس
واكو رجال جبير بالعمر كاعد بصدر الديوان لمن شافنه كام مصدومه ومن الحديث الي دار عرفته هذا جدي

ابوعماد .. انت شعندك هنا جاي تشمت بكسرت ابوك ولك

عماد .. كسرتنه بخوي  وحده جاي اطلب رضاك وارد تحت اجناحك وانه ابنك

ابوعماد ... ما عندي ابن اسمه عماد انه ما عندي مات من سنيين

عماد .. بحزن لا تسوي هيج بويه

ابوعماد ... لا اسوي هيج ونص انت البعتنه وانت الخليت ابوك واخوانك وانه كدام الناس اكول ما عندي ولد اسمه عماد مات من زمان وهذا العزه عزه ولدي جواد وعماد راحو مني ثنينهم

بعد هل كلام الدار ابوي جر ايدي وطلع جان ضاغط على جفي بقوه ماحسيت بوجع مثل وجع ابوي بهل موقف والكلام الي نكال ورغم صغر سني بس گلبي وجعني على ابوي وهل وجع شي ماراح انسى بكل حياتي
بلسان عماد على اخو جواد

رغم عمري الكظيته جروح بجروح
اضحك من تمر شمات بيه
صرت مثل الشمع علكاع مطروح
وحجي الوادم شمس يطلع عليه
الجسد شيفيد لمن تطلع الروح
روحي انته ورحت من بين ادیه

دخلنه  البيتنه بعد طريق طويل ... تلگتنه امي ملهوفه شكلها رادت تسئل شصار بس باينه من اعيون ابوي المليانه حزن وخذلان  دخل للغرفه بدون مايحجي شي وامي لحگته

ليلى ... عماد حبيبي شصار وياك

عماد ... ابوي طردني واعتبرني ميت كدام خلگ الله كلهم

ليلى ... طول بالك ابوك بعده ضايج وماخذ بخاطر منك اصبر ان شاء لله مسئلت وقت ويطلبك تجي حتى يشوفك انت ابنه من لحمه ودمه

عماد ... شوكت شوكت صار اسنين وانه صابر يمته يخلص هل جفه ليالي  ابوي غضبان علي

ليلى ... لا حبيبي بيخلص ويصير كلام راح يحن الك

عماد .... اوووف ليالي محد مهون علي مصايب دنياي غير وجودج

ليلى ... واني دوم يمك حبيبي بكل الاحوال

عماد .. ويلوموني ليش احبج وعاندت الكل لخاطرج

ليلى ...  يبختي بيك

عماد جانت روحه من الدنيا ليلى الانسانه اليلگي يمها راحته

*بعد مرور اسبوعين ضبط ..*

كان الجدي وعمامي رئي ثاني بخصوص سماح ابوي

بيوم الصبح اندگ الباب وكان القادم جدي وثنين من اعمامي ابوي طبعا الگاع ماسايعته من الفرحه دخلوو وصار النقاش يتم الصلح بس بشروط ولازم ابوي  ينفذها

عماد ... جان فرحان مايعرف هاي الازياره والاشروط راح تكون سبب بخراب بيته ودمار حياته وتشرد ابنه الوحيد

حجه جدي وكال

ابوعماد ..انه وافقت اسامحك وارضه عليك بس  عندك طريق واحد لازم تنفذه ومااقبل اي رفض

عماد ... تأمر بويه شنو شرطك حاضر انه

ابوعماد ... انه اريدك تعقد على مرت اخوك جواد الله يرحمه البنيه ازغير وترملت واخوك كاسرها وماخذها وهمه بفتره الخطوبه وهسه الابنيه حامل واخوك راح انريد انلف السيره حتى متصير فضيحه

كان هذا الخبر بحد ذاته مصيبه وطاحت على راس عماد

ومايعرف شراح يكون مصير حياته

يتبـــع ................