عــز الــدليم و(بنت الشيوخ) الفصل الثاني والعشرون 22 - بقلم ﮼ميم﮼الُِ﮼فُرج

" بـَسـمِ اللٰٓه الـرَحـمٰنٓ الـرَحـَيم "

عــز الــدلـيم

بـقًلـم الـكاتـبه ﮼ميم﮼الُِ﮼فُرج

M_meramahmed

................................

من عبق لحن الغناء العراقي القديم من بين اوتار الخضر

تحديداً

ينطلق تفصيلاً للحزن والحنين يعلو تعبير الكلمات

آه يـاليل⁦ ⁠~⁠♪⁩

يـمته الـراح
يحن ويعاود الــحبه

جاشنهي الـيصبر الـروح

غــيـر ال آه والـونـه
مـغرب والـطريـق بعـيد
مـالحكـت اودعـنه
تالـيت العـمر ياحيـف
ضـعنه وكلمـن بـدربه

صـفناتـك حـزن يـالليـل
وانـه يهمـلن دمـوعـي
انـت تـون عـله النـجمـات
وانـي احـبابي عـافـونـي
سـلملـي عـليه يـالليل كلـه
حـبيبك بغـربـه

.
.
.

الـــماضــي عــام ١٩٩٧

عبد الكريم ..... بـأهتياج زمـجر بغـضب بعد الموقف الـي شـافـه

"" انت شسويت شسـويت لطمـت على راسـي شسسسسسسسسوويت ولك اختك اختتك ترباتي اشرف من الشرف

ادردف جلال بغضب ....... شبلاك ياااشيخ صخمت وجوهنه وزنت وشتبي تكول للناس وانت تاركها تتنفس لا والله مااني تاركها شرفي اغلى من نفسها

هجم عليه شده من صدر البدله العسكريه مالته الي امنلت دم

بنتي اشرف منكم كلكمم .... جلال تنر ايده ابو بقوه تراجع خطوات للخلف ختل توازنه وطاح يم بنته الي الدم ملاها وخفى ملامحها .......

جحض عينه ورفع ايدي الي ترتعش من هول المنضر الي كسركلب واخذ حيله يقرب اصابع المتراجفه منها رغم قرب المسافه لكن على ايده جانت ثگل اجبال

اخذ يردد بصوت واهن وكلمات متقطعه ....

بــ بـ ـنتـ تــ تي مممـو زا.ازا نـ.نـنـ .نيه

كمل كلامه وفقد إدراكه مثل الكانت روحه تحتضر بشهكات عاليه

ركضله جلال بهمه وهو خايف على ابو ويلومه على دلاله اليلى وتشجيعه الها على زواجها الي الكل رافضه ويردد هاي نتيجة دلالك ........................ احتضنه للداخل وهو يصحي تاركين الجثه الي وراهم

متناسين العيون الي تراقبهم بصمت وتحفر كل موقف مثل نقش الحجر غافلين عن ثأر هذه العيون وانفجار الصمت بحقد انفجار يحرق الكل بدون رحمه وبدون غفران

.... نهض وهو يراقب خاله الي انملى دم طاهر وبريئ تقدم بخطوات بطئ واقدام واهنه وصل قريب منها ......

دقائق مثل حبس النفس صدى ضربات قلب صاخبه ضجيج اصوات هامسه ....... سريان دماء حارقه اشبه بجمره في الوريده تحرق الفؤاد

ثغب بصوت هز اضلاعهه وزلزل جدار قلبه

لم تكن صرخه كانت ولاده حقد دفين كشتعال النار في الخصيف

لازلت صدمه ذلك اليوم واحداثه المروعه تحرق روحه البريئه

مـن انـت انـا ذنـوبهم
انـا انـتاج كـفرانهم

انـا لسـت مـن نـسل البـشر ...

انـا مـن نسـل الافـاعي ....

اسـمي طيفـا يترائى فـي الـظلمات
فأنـا مـن يـحرق الـنار كـي لاتـضيئ

انــا الــغصن الـذي غـادره الـشجره لــيعوده لـها فـائسـاً

وطـفقت لأخصـف هذه الدنيا بالدنيا ولطـمت البـحر ليتلاطم موجي في عيناك

................................................................................
⁦⁦✯

⁦ ✯

قمراء ..... نزلت اهرول ماعرف شلون وصلت النص الصاله انعگد الساني ورجفه سرت بجسمي واني اسمع كلام مرت خاله

ويلي عليج يمگروده ترملتي بصغر

اعيوني تتبع وجوهم واحد واحد جنت اتوسلهم بدون صوت اترجاهم بعيوني بعد صراع نطق الساني ورجف

فدوه مو ابو الاكبر نزلت دمعه چوت خدي واني اشوف جدهم يحجي بالتليفون وروحه مفرفحه وجهه محتفن

.. تكلم ولدي شصابو عايش وله سلمها .... شفته ضرب على جبينه بقوه هنا خارت قواي وباد حيلي
حيدر وينه خلي يرجع يكمل انتقامه خلي يرجع بعد عدنه حساب

ضلمت الدنيا بعيني وماحسيت بشي

..............

ابوالاكبر ... ايام وشهور وانه ناطر خبر عن سلمان ابررد فيه جوفي الگايد نار

راكب سيارتي ومحلگ بين السمه والگاع متوجهه المكان الرذيلي الي يلفي اصنافوو

دخلت وانه ماشوف شي غير انتقامي وماهمني اجلابو الي محاوطينو

هرولت تجاهو وهو رتد بخوف بس سرعان ماجو جلابو وامنو

تنفس براحه وهو يناضرلي بشماته

سلمان بتسم تك خد بشماته .....

" واخيرا شفناك يانجل عماد ابوك بزمانه ماكدلي انت تكدرلي

ابو الاكبر ..... انه گباض روحك يسلمان

ضحك بستهزاء ....... " صاير عليه رجال ابن ليلى "

ابوالاكبر ...... انه ماتمرجل على حريم عيب على شارب الزلم اذا تنعد انت منهن

ابتسمت واردفت

بنتك عندي في سجني وتحت يدي

نضرلي بـستـفهام مستغرب كلامي دقايق وجحضت عيونه باصدمه تقرب يبي ينطگ ودوي صوت سياره الشرطه ملى المكان تناثرو بخوف والطلق صار مثل زخ المطر

ركضت لطاوله كلبتها وستخبيت وراها ورفعت يدي ارمي بدون مااناضر لشي دقايق انتهى كلشي واختفو بلمح البصر

نضهت بغضب عاود مره ثانيه وهرب مني رفعت ايدي صرخت بوجع وانه اشوف الدم مالي ثوبي مثل النار تسعر بوسط صدري ..........

فقدت وعيي وانه اشوف ضياء جاني يركض كضيني ويلهج بااسمي .............

قمراء ....... فتحت عيوني بثگل وغواش واني تايهه مادري شبيه نعاد على راسي المشهد الصياح فزيت بصرخه. حسيت حنجرتي نزفت

حيدددددددددددررررررررررررررررررررررررررررررر

ابتهال ...... دخلت الغرفه مخروعه ركضت القمراء اهديه

حضنتي وتبجي بنحيب وتردد. حيدر حيدر

بسج يگمره بسج خلاص اهدي خلينه افمهج

ردت بصوت باكي

..... شتفهميني حيدر مات كتله سلمان

... مامات يگمره مامات متصوب في المستشفى جدي وعمي وراحو تيشوفنه

قمراء. ... صفنت عليها مامستوعبه ..... مامات يعني متأكده مامات

اي والله وداعت ابني هو مصوب بس

قمراء .... ضحككت ممن بين دموعي حضنتها وابجي

ابتهال ....... بعدتها عني بضحكه شبلاج يگمره انكلج مات تبجين نكلج حي برضو تبجين تناك هاويتو على كولت جدتي

ابتسمت بخجل وعيوني لمعت بحب

..... عااااااااا قمرا ليكون صح عاشكه حيدر وخجلانه ماعرفنالج

حجيت اتهرب من نظراتها ........ هو شبي كليلي وين متصوب

........ والله مااني عارفه الي اعرفه متصوب وبالمستشفى

بس تعالي منو سلمان

رفعت اديه بعلامه مادري واردفت ... لغز جديد من الغاز ابو الأكبر

ابتهال بعدم اهتمام ..... خير خير يلا كومي نحضر سرير الابو الاكبر بديوان

عكدت حاجبي بسائل. .... ليش بديوان

... بيجون له ناس يتحمدوله بسلامه والحين بتاكين عشيرتنه كلها جت

قمراء ...... كمت من السرير وانصدمت واني اشوف نفسي شلابسه ........

ابتهال منو جابني لهنا منو شافني هيج

بضحكه برتباك .....

شبلاج محد شاف حلال ابو الاكبر انه ونرجس عابلنه فيج

صعدت الغرفتي غيرت ملابسي لبست كلبيه ماروني مطرزه بذهبي

وشال اسود خطيت عيني بكحل وتعطرت ونزلت ......

دخلت المطبخ اشوف ابتهال ونرجس مخبوصات

شكو شبيجن ......

نرجس ......... نحضر الغده راح تلتم العائله الكريمه

...... ههههههه هي العائله الكريم بكل وكت ملتمه

رحت اساعدهن بالتحضير بس گلبي وعقلي بغير مكان ابتسمت واردفت صدك ماتحس بغلات الشخص الا لمن تريد تفقده اوووف الحمدلله والشكر الف مره رجع سالمه

سمعت من انور ومهيمن راح يطلعو لان معاند مايقبل يدخل مسشتفى كلبي طار من الفرح مامصدكه اشوفه واكف على رجليه

ضليت اشتغل وكل شويه امد راسي لبره اشوف اجه وبالي كله يمه قطع صفنتي صوت انثوي ناعم

رقيه بخجل .... مرحبا بنات محتاجين مساعده

صديت الها هذه زوجت مهيمن الي كرهتها واني ماعرفها جنت اباوع الها بكرهه

بنيه ضعيفه وملامحها ناعم وجهه طفولي والله ان جمانه تبين اكبر منها ههههه

جانت تباوعلنه خجلانه وتفكر بااديها اجتها ابتهال حطتها جوه ضراعها

ابتهال هلا بالعروس هلا بمرت اخوي تعالي هين نگع المخضرات وانتي گمره كافي راح ينشلع صماخج كل شويه وزاركته ركزي بالتمنات

اخذت صينيه التمن وتربعت يم رقيه الگط بالتمن وعيني عليها شلون متوتره جانت لابسه ثوب ازرك ربع ردن ولابسه ويه معصم وعلى راسها غطى لافته بشكل مضبوط

بشرتها سمره بس سمارها حلو حواجبها سود كثيفات شامرتهن شمره حلوه خشمها حلو وشفايفها كبار عدها شامه على خدها عيونها عسلي فاتح وجهه طولاني زغير هي كلها كد الفصمه فصلتها تفصال يمكن حلوه بس اني ماشوفها حلوه بنضري اخذت مهيمن من جمان

قطع سرحاني بيها وبتفاصليها صوت جمانه

جمانه ..... سلام عليكم

طفرت حضنتها شلونج جمان حبيبي

الحمدلله يگمره وانتي شعلومج

بخير ...... جاوبتها وهي عيونها على الكاعده وراي ومركزه بالخضره

كعدت وجريتها من ايدها تعالي لگطي وياي

كعدت واني مركزه برقيه جليت صوتي ..... هلارقيه اني جمانه بت عم مهيمن رفعت كفي اصافحها

ردت عليه بابتسامة و تموع ......... اهلا وسهلا جمانه

بغيت افتح حديث معاها
دنكت راسي الگط وسئلتها اي رقيه حدثينه عنك كيف حبيت ابن عمي شدددت على هل كلمه

ابتسمت الي وبلشت تتكلم عنهم وانه بكل كلمه ارفع راسي ابستم الها وارجع وماني حاسه بناري الي تحرك روحي

تحت انضار قمراء المصدومه من برود جمانه

قطع عليه استغرابي من المنضر الي كدامي صوت سيارات واقدام راكضه باتجاه الباب وتصيح اجه اجه ............

طفرت اباوع. .... ربي دخيلك منين تطلع هل بشر شنو عين دود

خذتني رجليه للباب المطل على الديوان خفگ كلبي بعجل وانه اشوفه دخل وهمه يذبحون الطليان تحت رجله

مثل الصگر يمشي بهيبته ويخبي الوجع الضهر بعيونه ..... المهيوب صدكت هو مهيوب كاعد عليه هل اسم

التمو عليه يتحمدوله ودخلو لديوان ......

تركتهم ورحت واني ايدي على گلبي اكو شي ناقص بيهم بوجوهم بصدق مشاعرهم معقوله خوف وله حب نفيت افكاري ولتهيت

خلص الوكت مابين الطبخ والشغل وااناس وماشفت حيدر وروحي ترفرف عليه بس خايفه خاف يذكر سالفه سلمان ويحقر وياي

وكفه اعزل بالصحون ودخل مهيمن

كل عاده نضره على ارض

شعلومج گمره كرت عينج برجعت راعي بيتج ........

من كال راعي بيتج نغز گلبي وماعرف شرد

كمل كلامه ..... حضريلو سوبه على عضم الخروف

ندار يطلع ستوقفه منضر رقيه وجمانه جالسات يتغدن خذن على بعض وتعالت ضحكاتهن

وجهت نضري المهيمن عاگد حاجبه مستغرب ....... لحظات وتقدم عليهن دنگ على راس رقيه حبه وطلع

نهضت جمان بسرعه لتفت على كاست الماي شربت وايدها ترجف

فزيت من ركعت. الكاسه على الكاونتر وطاحت دمعتها وياه
تركتنه وطلعت ركض ليفوك

تنهدت بحسره على حالها

صبيت الحيدر اكل والخوف تملكني بمواجهته

بتسمت بمكر على الفكره الاجت ابالي وطفرت ركض الغرفتي طوخت حمرتي

شلت العطر اليحبه اتعطر تذكرت كلامه احبه هين على نحرك

فتحت شعري اناضر على المرايه وارتب بي بتسمت واني اردد لفاليفك هههه

ذبيت الغطى على راسي بدون لف ونزلت بهدوء اترقب خاف واحد موجود حتى اغطي شعري دخلت المطبخ مالكيت شخص شلت صينيه الاكل وطلعت

على ماوصلت الباب الديوان حتى نسيت شلون ادعي غمضت عيوني ودفعت الباب ودخلت

حسيت ماي حار انصب على كلبي وانصهر من القهر واني اشوف سميره كاعده يمه وتتموعله

اجت عيني على حيدر خزرني بقهر وصد وجهه

كامت سميره تتموع ...

سميره ...... انطيني عنك قمراء انه اغذي بيدني

مدت أيدها تريد تسحب الصينيه مني بس ستوقفها صوت ابو الاكبر

...... مشكوره يبت خالي مانك مگصره بس ياريت انه وگمره لحالنه ...

خزرتي وتوجهت على الباب طلعت بدون ماترد

بتسمت وتقدمت نحوه بخطوات خايفه واحجي بداخلي شجاج قمراء هسه هو مصوب وطريح لفراش مايكدر يسوي شي ليش الخوف

جان. الديوان كلش جبير وفي جلسه عىى على طوله وصلت قريب سرير الاكبر قربت الطاوله ونزلت الصينيه عليها

تحت انضار ابوالاكبر الي تراقب خطواتي

جريت نفس وتقدمت نحوه دنكت عليه وشفتي لامست جبينه حبيت راسه واردفت

“ الحمدلله على السلامه يا تاج راسي ......... حطيت ايدي على صوابه المضبر ريتها الف سلامه عليك

ابتعدت عنه وهو يباوعلي بشك مضيگ عينه ...... مثل الي يخاذر من الوقوع في كيمن

صفنت بعيونه الي سوادهن مثل سواد الليل وجواهن خط مثل الكحل على رموشه ارموشه انتبهت لطبره قديمه بوجنته تحت عينه مثل النكره رفعت ايدي التلمسها باصبعي مثل الخسفه باين عليها ضربه قويه شالعه حتى الحمه

صحاني من صفنتي لمست ايده الدافيه وهو يبعد خصلات شعري عن عيوني

حيدر ......

جلسيني يگمره تاأكل تراني هدني الجوع

بتسمت اله نخنيت عليه وميدت نفسي اعدل المخده تحت ضهره شعري نزل على وجهه ركبتي صارت قريب وعليه حسيت بي يستنشق عطرها

كعدت اوكله بهدوء وهو مسلمني نفسه وعيونه ماشالها عني خلص اكل ........ كمت عدت نفس الحركه ونحنيت عليه اعدل المخاديد تحت ضهر بتعدت جرني من ايدي قربني اله

حط انفه على نحري يستنشق عطرها ويصعد وينزل عليها باانفه من تحت اذني لحد عضم صدري

حجه بصوت رايحه

لوين تبين توصلين يگمره

قمرا ... الك

... وش تبين من عندي

قمراء واني احط يدي على راسه

... گلبك اريد تحبني

حسيت نغزت شاربه على ركبتي وهو يبستم مستهزء

تخسين ....... طبعت بوسه على نحرها وبعدتها عني بقوه

قمراء حسيت نفسي طرت لنهايه السرير انضرب ضهري بقوه بالحافه مالته

ابو الاكبر .... حدري من هين

قمراء وكفت شلت الصينه ونفتح باب الديوان وشخص يمشي بهمه تجاهنه جان ضهري على باب

كمشني ابو الاكبر حتى ماندار ...... ورفع ايده بسرعه يستوقف الشخص القادم

عندك يسلطان عندك وگف

نتر بيه بخزر .... ستري نفسك

ذبيت الصينيه ولفيت غطايه على راسي وطلعت ركض حتى ماسلمت على سلطان اشهر غايب

دخلت المطبخ ذبيت الصينه وصعدت لغرفتي وتاليها وياك حيدر وتاليها

..........................

ابــو الاكــبر

الاول مره ماتمنيت المووت شـعور غـريب كـانو الحـقد

بداخلي يجدد ويكبر اكثر واكثر ماابغيت عيوني تغمض گبل

مااشوف الكسره بعيونهم تأحرگهم بنفس نارهم عطش يرتوي بذلهم ماابي موتهم بغيت عذابهم.

وقت خروجي من المستشفى وانه اناضرهم عارف مشاعرهم وخفايه گلوبهم

كان گلبي ناطر طلت لذه انتقامي ناري وراحتي الگمره اكبر تناقض بحياتي ابغاها ومابغها ابغى حرگها بدون حرگ جوفي عليها

دخلت وهي تناضرلي بعيونها الي تحي العليل وترد الحيل

كلشي بيه نبض بلمسااتها وجرائتها ههه ايه مهي خلف مناهل

تبيني احبها .... وانه نفسي ماني حابها ولاطايگها

بعتدها عني بقهر كلشي بينه نبض بحقد وغل بغيت موتها بغيتي اكون عذابهم وبغيتها راحتي وانه جحيمها

تركتني وراحت بتناقض اله اول ومالو تالي

دخل سلطان ملهوف علي

سلطان ....... بقلق

ابوالاكبر شصابك طمني عليك يعضيدي وحزام ضهري

ابولاكبر ... على مهلك يخوي تااتاخذ نفس مافيني الا العافيه

سلطان .... بغيت اموت يخوي الله يحفظك ويحميك

ابتسمت وحضته

سلطان ... صدك انت مامتت ضنيتك متت ولكيك باافتحه السابعه

ابو الاكبر ..... هههههه ولحين وش لكيت

..... لكيتك طامس بالعسل يخوي

ابوالاكبر... بخزر سلطططااان

لاسلطان ولاشي واضح بعيني محد كال تناكطحت يبوالاكبر

أبوالاكبر ...

ابوالاكبر مايطيح يسلطان

حركلي بحواجبه يضحك

ناضرتله وعيوني تتكلم وشبلاك يخوي ليه ذبلان والضحكه بوجهك طافيه انه خابر انووالحب بلا اي والله بلا

جليت صوتي

سلطان وين هيام

دنك راسه وعيونه لمعت بدمعه قبض عليه ايده بقوه رفع راسه يجاوبني بابتسامه زائفه رسمها تاخيبي خذلانه

سلطان .... كلمن راح بطريقه يخوي

ابوالاكبر بستغراب كبير ... ليه !!!!!!!!!

سلطان .... بدون ليه يبووالاكبر مامقسومين

كام ونفض ملابسه بقوه وعطاني ضهره وطلع من الديوان

بهت وجهي ونصطر راسي وانه اشوفه وشصابه ليه حارب الدنيا لجلها معقوله و تركها ماكنت اضن يجي ييوم وسلطان يترك هيامه على الاصرار الغريب الي شفته فيه

جريت نفس وتنهدت .... عز الله انوو بلا

قمراء ....

دخلت الحمام ازيل تعب اليوم صوت جريان الماي وشته القويه وتكالب الافكار على راسي

انتي منو قمراء لو ريحانه لو گمره كلمن يكول الي يعجبه بس انتي المن تنتمين لريحانه جدي الماسئل عنها ولافكر يذكرها

لو لگمره حيدر ونتقامه وكرهه حيدر مو طبيعي حيدى انسان يتغدى على عذابي

لو لقمراء بت جواد اليتيمه لو قمراء بت عماد الاتخله عنها ابوها

لو بت مناهل الي ماتعرف عني عايشه او ميته

اني منو اني المن اهم منو حيدر ...،؟

كرفصت بالحمام لميت اقدامي الصدري وشهكت بقوه

وجودي مهم بحياه حيدر الي اطلب حبه وهو يطلب قهري وعذابي

اطلقت العنان لدموعي الي اخذت مجراها على خدي

بعد مده طلعت من الحمام لبست ملابسي ونزلت ادور على جمانه اشوف شصار بحال هل مسكينه

فريت البيت عليها مالكيتها يمكن راحت لبيتهم احسن الها مادري وين تريد توصل لمن تجي لهنا تغث نفسها

ساقتني اقدامي للحديقه المتروكه كعدت على حجر تحت غصن شجره هزيل ويابس .....

ضليت اتأمل ااذبول الي ملئ هذه الحديقه كأنوو موجود عليها اثار حياه جميله لكن. استوطنها الضلام

مثل ابوالاكبر تحسه حديقه جانت خضراء وزاهيه باجواء الربيع لكن داهمها الخريف وسلب منها الحياه وذبل اغصانها خلاها تبين بصوره مرعبه ومخيفه رغم ذبولها لكن ضلامها وهجرانها يبث الذعر والارتعاب

شلون ارجع الحياه لهذي الحديقه الا اذا انطيها الامان واشوفها جميله رغم الجزع الي بيها

وماهجرها رغم ضلامهم اي قمراء اي لاتهجرينها حيدر محتاج الي يرجع صورته الزاهيه ويقضي على ضلامه

لازم اترك الالغاز وحلها واركز بس على حيدر واكون ربيعه

جليت صوتي وضليت ادندن بكلمات اغنيه

گلي شوكت تنتهي ياگلبي صفناتك
والناس وين وصلت
وانت الوكت فاتك
لاهي كسرت ضلع مني كلبي منشلع
وضليت اون وحدي ياونتي سكته

اتنخى بأ سمك صرت وانت الكلت عينك
لاهي دگت صددر وتكلي ها وينك
لاهي كسرت ضلع مني الگلب منشلع

ضليت اون وحدي
ياونتي سكته
ياونتي سكته

سمعت حركه قويه يم باب السرداب فزيت بخوف درت وجهي اشوف باب السرداب ماكو شي يمه يعني الصوت من داخله

مشيت ابتعد عن السرداب وادخل للمطبخ ..... لكن فضولي ستوقفني لتفتت على سرداب واصارع افكاري بين خوفي وفضولي

ستجمعت قوتي واتجهت بخوات متردده للسرداب تقربت للباب هدوء مخيف تقدمت وكلبي ينبض بخوف حطيت اذني على باب السرداب اسمع ماكو اي حركه

دقايق ورفعت راسي وياريت مارفعته يبس دمي والرجفه سرت من جدمي الراسي

وگف گلبي واني اشوف عيون جاحظه مطككه بكل قوتها تنضرلي من فتحه زغيره بگد الاصبع باب السرداب تبين منها بس العين
رجعت بخطواتي لوره بدوه مادير وجهي

فزيت من سمعت ضربه على باب السرداب ركضت بكل قوه

دخلت للمطبخ متجه للدرج مثل الطياره

حست خطوات سريعة وراي وايد جرتني من ضهري. صرخت بأعلى صوت صرخه طلعت من اعماق روحي

سمعت صرخه ثانيه اعلى من صرختي التفتت بخوف واشوف رقيه تصرخ كدامي

انهارات قواي وطحت بالكاع ارتجف وابجي

اجت رقيه حضنتي

رقيه .......رقيه ...... اسم الله الرحمان شبيج شجرالج ......

اتقربت احتضنتها اهديها ماكو ترجف

نزل مهيمن خايف وكف على الدرج

....... شكو شبيكم صد على قمراء شافها منهاره

شكو شكو شبيها ..... نزل يساعدني حتى نصعدها اني وياه لغرفتها هي ماكو ترجف ودموعها مستمره

سندناها اني ومهيمن وطلعنها لفوك

نفتح باب السطح ونزلت جمان من شافتها فتحت عيونها بصدمه ونزلت تركض

جمانه بخوف .... شبلاها رقيه شصابها

رقيه .... مادري دخلت تركض وتبجي وكفتها كعدت تصرخ وهذي حالتها

جمانه تققربت من جهت مهيمن بعدته عنها وسندتها واني احجي وياها

گمره حبيبتي شبلاج حاجيني

ناضرتلي ونزلت راسها

دخلناها انه ورقيه للغرفه ركضت رقيه بعدت الغطه وكعدتها على السرير ......... شالتها رجليها ومددتها

وركضت صبتلها كلاص ماي

كعدت يمها حطيت راسها بحضني واردد

اهدي كمره اهدي

كعدت رقيه تمسح على راسها وتهمس باايات من القران

هدئت گمره شويه ونتضم نفسها ونامت تحركت أبعدها وهي گضبت بي

قمراء لاتخليني لاتخليني

رجعت يمها

دحكت على رقيه تناضرها وعيونها دامعه

شويه وسمعنه صوت مهيمن من وره الباب

مهيمن .... رقيه تعالي

رقيه .... ها حبيبي جيتك

بتسمت بوجع على نفسي وطاحت دمعه چوتني حاره مثل نار گلبي .....

ماني عارفه احقد وله اكرهه وله وش ...... غمضت عيني

اطلب النوم واهرب من الم روحي

واجي نعسان لفراشي

وابد مانام هوسه براسي

ودوخه الصوت

واضن فكره قديمه

النوم

خلي نجرب نموت

يا آهي إشگثر تگبر
سحابة او لا لبگها الريح ولابيّها الوگت
حَدّر ولاصبر الصبرته أعليّك
نافعني أبگثر ماضر

سـلطان ....

راح أصبُر بدونك وأرهم بليّاك
وأذبح رمَش عِيني الچان يبچيلك .

دخلت البيت اهلي والخجل تارسني انه القبل كمن يوم احجي بزودي وهيام الخلگها ماخلگ غيرها وحاربت اهلي وعاندت ابوي وبجيت امي هزيت راسي باااسف وتنهدت ياتنهيده تطلع من روحي

دحكت امي كاعده على كرسي الصلا تقربت حطيت راسي بحضنها

شهكت بخوف ....... يمه وليدي شصابك طمني عليك فيك شي

تخاول ترفع راسي من حضنها ماخليتها

.... ابغى ارتاح بريحتك يمه

من سمعتني تكلمت لمتني الحضنها وأخذت تلوليلي بصوتها الحنين

دلـلـــــول الــولد يــمه دلـلول
دللول ريت الحبايب لاعدمهن
يربي يبريلي والمهن
ردت الحبايب الشدايد
لمن نميل اعله الوسايد
ولمن يصير الالم زايد
يمه جتني تتوجه بالحياطين
ولاعاگه مطر ولاطين

دلـلــــول ي الــولد يــمه دلـلول
يمه يتباشرون اهل المحنه
وجاي طارش من اهلنه
ماريد من جدرك غموس
ولاريد من جيبك فلوس
ردتك هيبه الي وناموس

دلـلــول يـسلطان يـابـني دللــــول

.
.
.

اووف يمه حطيتي يدك على جرح كاانك حاسه بالي بجوفي رفعت راسي اناضرها بعين دامعه

كطع صوتها الحنين دخلت ابوي طالعني بغضب

جلال ..... شجابك هين انت الي فضلت بنوت بغداد على ابوك واهلك

هميت اله حبيت راسه ونزلت الجتفه و جف ايده

السموحه يبوسلطان سامحني ......

جلال طبطب على حتفه ....... ارفع راسك مسامحك يبعد ابوك
وحتلو معزم على زواجك من البغداديه

سلطان........ ماني معزم يبوي خلاص مالي بطيب نصيب

جلال ... جعله خير يوليدي جعله خير. روح ارتاح بدارك تراها باهته من دونك

من رخصتكم ........ مشيت واني مدنگ راسي دموع امي وكلام ابوي خلاني ازيد من حقدي وكرهي على هيام خلتني احاربها واخسرهم وطلعت ماتسوه ........ محد يسوه تضحي بهلك عشانه كااني هساع رديت الهم مهو لها

وانه مو طبعي العتب
عالماحلاله يصون عهدي
يامناحة وحشتي
وليل الكضيته دموع وحدي
ويارخص ذاك الجدم
كون ع ياهو الجان يبدي

..... ............. ....

ستوقفني صوت سميره اختي وهي تتوسل بشخص بصوت باكي شدني لها تگربت تأسمع وشبلاها

سميره ...............

..
.
.

......................................

يـــــتــبـــــــــــــــــــــع

فضلاً دعم للقصه
تصويت على بارت
تعليقاتكم وارائكم على قصه

tr._nym انستا

احــبكم ♥️.