عــز الــدليم و(بنت الشيوخ) الفصل الثالث والعشرون 23 - بقلم ﮼ميم﮼الُِ﮼فُرج

بِسْمِ اللَّـهِ الرَّ‌حْمَـٰنِ الرَّ‌حِيم

عـــزالــدليم بــقلم : مـيم آل فـرج

M_meramahmed

نَـَسـدلَ سِـتـَار الــصَمـُت والــغُمـوُض فـيِ قـَلبِ أبـوالاكبـر مـُخبئـاً سـَوادٍ أشـبـهُ بــ ضـَلام ِ لــ يَنسـَلُ منـَهُ حـَقدٌ يـَمتـدُ عَـبَره الـزمـن

الصمت يكفي ويشفي صدر راعيه
لا صار كل الحكي ماله معاني
والقلب ما عاد تعنيه المشا ريه
والعين ما عاد تغريها الأماني
يا ليت حزني مجرد دمع وأبكيه
ما هو عايش معي بين المجاني
ما هو يظهر علي وأحاول أخفيه
وتصير نظرات حزني هي لساني
مدري ذكرني زمان كنت ناسيه
مدري ذكرت الزمان اللي نساني

قمـراء ....

صوت خطواته تتقدم تجاهي تضاهرت النوم خوف انو افتح عيني واشوف نفس المشهد نفس العيون المرعبه مجرد ماذكرتها حسيت لشتي رجفت حسيت صوت الخطوات صارت قريبه يمي مديت ايدي التلمس الفراش اطمن نفسي اني بغرفتي مو بالسرداب

شخص كعد يمي ادركت هو حيدر من عطره وصوت انفاسه خطواته وقع اقدامه الي اميزهن عن الكل

حط ايدي على شعري وكال بحنيه

حيدر .... " وشبلاج يگمره طحتي معاي وله وش بالله مااني خابر نفسي اتراجف من الخوف عليكِ ......... عيوني تناضر تباج نشدتهم عنج علموني انتي مهي طويبه وطريحه لفراش
نخرطت مصراني من الخوف

گربت منها وحبيت جبينها .......... وكملت كلامي

" بالف ياعلي يلا وصلت الهين عندچ تااطمن واشوف عيونك منهو الاذاهن اصحي تأشوفهن ""

قمـراء .....

كلمات ترسني فرح من كالهن فتحت عيوني بهدوء اشوف نضراته نضرات حيره خوف رفعت راسي شويه عن المخده وحطيته على رجل حيدر الي كاعد بصفي

حيدر "" صيحتي يگمره تسمعيني كولي وشبلاج وجهج منصفگ """"

قمراء ... كحيت وحجيت بصوت مبحوح من اثر النوم

"" احم مابيه شي بس تعبت من الشغل """

خفت اكوله الصار وياي ويعصب مادري شنو ردت فعله

سمعته حجه بصوت ضاحك

حيدر "" افاافاا حرم الشيخ ابوالاكبر روحها ارهيفه مهي حمل مواجيب هههههه

بس ولايهمك يگمره اطينلك عيشتو لشغل كلشي ولاتعبج يالغاليه

قمراء .... نطرشت اني لو اسمع صح هذا مصخن مضروب على راسه غاليه اني الغاليه عنده انفصام اقسم عنده انفصام

حيدر بضحكه ..... " هههههههه تصفني حگج ههههه احم غير نبرت صوتي من الضحك لجد ...... تراج غاليه

حطيت ايدي على شعرها

"" لفاليفك شحلوهم يگمره ريت مافي شعر سرح من بعد لفاليفك "

قمراء ....

ضليت خانسه اسمع كلامه هذا مو حيدر خاف غيره معقوله مانكر كلامه ترس كلبي فرح وخلاني انترس امل اي امل امل الباجر امل الحياتي وياه اي انتي تحبي فرحتي بكلامه رجفتي بلمست ايده اماني بوجوده حنيته المغلفه بالقسوه قاسي ومجروح

غمضت عيني واني فرحانه بقربه ولهفه عليه

راسي على فخذ رجله وايده على راسي متجي ضهره على تاج رفعت ايدي حطيتها على خده تلمست طرف شاربه ولحيته الي ادجج توها باديه تطلع نزلت ايدي على صدره الي يصعد وينزل بهدوء عكس دكات كلبه السريعه

حجيت بصوت مسموع .....

"" حيدر تحبني ؟؟

حط ايده وعصر أيدي الي على صدره وضحك بصوت عاليه

وماجاوبني ..........

جمانـــه .

........

انــا حــبـيـيت بـس مـا نـحبـيت

هذن الـكلمتين بس يحجن وجع سنين شلته بصدري انا مو الشخص الكافي للشخص الي اكتفيت بي عن الكون كله انا موو الشخص الي يهمه حتلو كتبت بي روايات ماراح يذكرني بنقطه

انا بالنسبه اله شخص لو كانت ملامحي بوجه الناس كلها ماراح ينضرلها بس انا ادور ملامحه بالوجوه كلها

رسمت حياتي وياه واله وهبته نفسي وكلبي بالخفيه بدون مايدري متت فيه ومتت عليه ومتت وهو يتزوج

كدامي ا٠شوفه محترك عليها وكلبي يحترك على نفسي اكثر واكثر كلشي سويت لجله نضمت حياتي على انو هو اساسها

تركت دراستي بس لان سمعت هو مايريد زوجته تدرس
تالي يتزوج وحده يحبها من الجامعه

غصبت نفسي قسراً على الاشياء اليحبها اطبقها وكلي ساعده

هذا كله وهو مامنطيني وجه ولا سمعني كلمه حبيبتي يوم اجيت اسمعها منه سمعته يكولها الوحده غيري

جريت دفتري والقلم ....... وتنهدت كتبت صفحه
جديده من الالم

عندما سمعته ينطق حروف حبيبتي شعرت بالماً ما لااستطيع وصفه تحديداً لكنه اشبه بالصعود لطابق الواحد بعد المئه في بنايه متعطل مصعدها

فزحفت نحو تلك النافذ في اخر الممر ورميت نفسي منها اثناء سقوطي هذا ارتطم كتفي الايمن في شرفه الدور التسعون مما ادى الى دوراني بحيث كانت هناك قطعه حاده من الحديد في شرفه الدور الثالث والخمسون انغرست بيدي اليسرى ايضا ممزقه بذالك احد الشراين الموجوده فيها

هذا كله ليس هو الالم المقصود ، بل هو انني عندما اصل الى الارض بعد ذالك آكون مازلت اتنفس

هذا ليس حب من طرف واحد هذا موت من الف طرف هذا غدر القلب بصاحبه

جمانه .... نزلت دمعه من عيني واني اكتب كل كلمه سهم بجوفي رفعت راسي ماريد ابجي بعد ماكو بجي راح اصير جمان جديده راح اعيش النفسي وبس

نزلت راسى بأسه واني اذكر اهتمامه بيه واني طفله

من ضربت واحد من ولد عمي براسه واجه يدافعلي ماخلهم يعاقبوني رغم ابن عمي دمه نزل من ضربتي اله بحجار

جنت وكحه والعب ويه الصبيان بالشارع لهل سبب يسموني جنيه ام صبيان هو جان وياي مايخلي الصبيان ياذوني

اذكر من جنت انطره يرجع من المدرسه وجايبلي بسكت ابو الولد الاحبه جنت اوكفله باب البيت

يجي يكولي "هاج جنيتي "

نحفرت بداخلي جنيته لحد ماكبر بطل وبتعد بس بقت ذكرياته تكبر بروحي

قطعت افكاري الي كلها ادور على مهيمن كمت من فراشي بملل طلعت للحمام غسلت وجهي ورجعت اكعد ويه اهلي اهرب من الافكار

...............................................

ســطان

بين اهلي احس نفسي رجعت السلطان القديم سلطان العاشق مات

طلعت من غرفتي شفت جنيه واكفه بالمطبخ صافنه

تقربت منها وصفكت فزت واجت تركض حضنتني

سلطان ..... " هههههه شبيج ولج خنكتينه "

جمانه ..... " بتعدت عنه وضربته على كتفه

شجابك هين ليشوفك جلال "

سلطان .... " ههههه انطمي كولي ابوي واصلا جلال هو رحب بيه وكال البيت كله تحت طوعك

جمانه " يعني صدك خويه رجعت ويانه"

سلطان .... اي خويه رجعت الكم

جمانه .... ابتمست وركصت حواجبي

.... """ والحب تجي وياك """

بهت لونه وحتدت ملامحه .....

سلطان ..... جنيه كافي سوالف اخوج جوعان روحي سويلي اكل

جمانه " تركني وطلع ستغربت منه شصاير وانه مدري

عفته مالحيت رحت سويت اكثر اكله يحبها مخلمه لحم

كملت الاكل وحضرت وياه جاي ...

طلعت اصيلحه مالكيته بغرفته ولابالحوش دخلت لصاله سمعت صوته بغرفة اختي سميره اتجهت لباب حتى اصيحله ياكل

...........................................

فتحت عيوني بصدمه واني اشوف سلطان هالس سميره من شعرها وهي تبجي

هاي شبيكم شكو

تقربت لزمت ايد سلطان

"" سلطان خويه هدها """

صاح بيه بصوت ......

اطلعي بره جمان مالج دخل

وكف كلبي على حالت اخوي وبجي اختي طلعت اركض على ابوي

شفته باب الحمام رحت عليه

حجيت واني كوه اجر النفس

"" بويه الحگ سلطان كاض سميره ويكتل بيها راح يموتها

بعدني مامكمله كلامي وصوت تكسير قويه مله البيت عافني ابوي وراح يركض الهم

بقيت متصنمه بمكاني اخاف اروح واخاف اضل شمسويه هل ملكوفه ربي دخيلك فززني صوت اخوي سيف توه كاعد يفرك بعيونه من اثر النوم

حجه بصوته الطفولي " جمان صار انفجار "

جمانه كعدت بمستوى وحضنته الي .... " لاحبيبي انفجاريش

سيف "" عجل شنو صوت قوي

جمانه " ماكو شي حبيبي ماعون طاح

تعال نلعب

شلته وصعدته بالغرفه فوك ماردت يشوف هل مشاكل ماريد يعيش شعور الخوف والرعب العشته بطفولتي من المشاكل

لهيته بالموبايل ونزلت اشوف شنو الصار .....

دخلت للغرفه

سميره حلكها يجري دم وشعرها منكوش وترجف بحضن امي

امي سبحتها باايدها وتستغفر .....

وابوي كاعد وايده على راسه ......

وسلطان واكف بنصهم روحه مفرفحه ويحجي بقهر

..............................

سلطان

شايل دليل برائتها بايدي مامستوعب الحقد والغدر يوصل لهل لمواصيل

جسمي كله يرجف احس كلبي يرتعش خوف وغيض

صرخت بيهم بصوت مذبوح

"" ليششش ولججج ليششش انتي اختي انتي دمرتيني كسرتيني ووووولج اني اطلع نذل من وراج

فتركت الابوي ....

" هي هاي بت بغداد الماتردونها ومو من ثوبكم وشاكين بتربيتها ولكم شوفو تربيتكم وين وصلتني وصلتها

سميره بخوف ..... "" مووووو اني مووواني ساره ساره اني مالي دخل

سلطان

صحت بصوت

اددددماااان ولج كبسله

طحت على ركبي حيلي باد

وووولج شكيت بيها ولجججج ماصدكتها

ضربته جبيني باديه

ولج عفتها بالمستشفى بين الحياه والموت عفتها تصارع الدنيا وحدها عفت عيونها وهي تتوسلني اهون عليها بكلمه

دكيت على صدري بقوه .... وردفت

ولج كلبي نشلع من شفتها ولج روحي نشلعت من ضلوعي من عفتها

طفرت دمعه من عيني واني اذكرها

غدرتها شكيت بيها جذبتها جرجتها

عفتهم وطلعت هايم على وجهي كارهه الدنيا

سقت سيارتي طاير مادري وين اروح عقلي مو ياي كاتلني القهر

وره مده طويله

باوعت على طريق مكتوب بغداد

وعيت على نفسي شلون سقت شلون وصلت

كلبي دلاني وجابني الها اشتم هواها

وكفت السياره ورجيت راسي ضغطت على ستيرن بقوه

انت نذل سلطان انت مو كفو كسرتها كسرت هيامك

.........

ابتهال ........

"" گمره وينج كل ذا سگي خلصت الغده وحيده فريده كل بنوه حازه مكان وكاعده فيه وانه افتر مثل الناعور ويلي ابني ويلي زلمتي وطلباتو

قمراء

جنت مدنكه اشتغل رفعت راسي بتهال واكفه باب المطبخ بيدها جفجير التمن وترطن براسي خطيه اليوم الغده طاح براسها

صحت "" جايه جايه اساعدج

هزت أيدها وعافتي ودخلت

ابتسمت وانه اشوف زرعاتي بلشن يطلع انترست امل وانو الحياه بلشت ترجع لهذا المكان

صار اسبوع من اخذت موافقت حيدر حتى ازرع الحديقه المتروكه

حيدر جاب عامل نضفها وحط بيها تراب خاص لزرع وكتبتله الزرعات الي اريدهن وجابهن

احس نفسي طايره كنت داىما احب الزرع والخضار

صديت ناحيه السرداب بسرعه درت وجهي واني احاول اتنسى الي شفته لازم اتخلص من هل افكار واعيش الحيدر وبس

اخذت نفس براحه اني اذكر اسمه حيدر مووحيدر اسبوع تغير وضعه كله وياي كام يحس بيه ويهتم ويدللني

هو اسبوع بس عشقته بي صرت اتنفس عطر

هوواني ذكرت عطر واحس هبت عليه نسماته غمضت عيونه من فدوه اروح لهل عطر

صديت اشوفه دخل من كتر الديوان يمشي برهاوه لابس زي العسكري

بتسم من شافني وكف و فتحلي جف ايده على كيف واشرلي تعالي

نفضت اديه ورحت اله واني انكث بملابسي من التراب وصلت يمه شاركه حلكي مسطوره من هيبته

تقرب عليه باسني من جبيني وحط ايده على جتفي

ابو الاكبر " كيفك يالغلا "

اباوع بعيونه مبتسمه مثل الهبله مو مصدكه تغيراته الفجاه صار سبوع

قمراء ..... " الله يساعدك

ابو الاكبر .... " ويساعدك يگمره " گرصت خدها المحمر من الشمس زادت ابتسامتها وضهرت غمازتها

" وينه الغده تره كصني الجوع كص "

گمره " يخسى الجوع يشيخ الحين نهيره "

ضحك بصوت عالي

ابوالاكبر.... " هههههههههههاي صرتي تتكلمي مثلي

گمره ... حجيت بدلع " ابغى اصير مثلك انه ابغى لمن يشوفوني يكولون ذي تاع ابو الاكبر شبهوووكلوو

ابو الاكبر ...... " هههههههه كد ذا كلامك انتي صايره بدويه رسمي "

گمره .... مثل زلمتي

ابو الاكبر " ونعم والله منج ومن زلمتج روحي هيري الغده الزلمتج

گمره .... بأبستامه ... صار

ابوالاكبر " انه طالع لغرفه اريح من تخلصين اندهيني احدر "

قمراء دخل ودخلت وراه وهو صعد للغرفه واني بلشت احضر الغده ويه بتهال

اجت رقيه توها نازله

استلمتها ابتهال رزايه وعرك وهي ضاعت من المستحه خطيه

ابتهال نافشه ريشاتها وذيج خاتله

ضحكت عليهن فتركتلي ابتهال

ابتهال "" انتي شمالج تتمضحكين طاكج الثول وانه ضهري مكسور "

گمره ..... شهكت وحطيت ايدي على ضهره

"" يمه إسم الله عليج سلامه ضهريج

ابتهال وهي تدفع بيها

"" ولي ولي تضحكين عليه والله مااااني مسوي شي لااسبوع

گمره .... شهكت مره ثانيه بس اقوى

خزرتني وشالت جفجيرها واجت ..... ابتهال اتضحكين علي يالعوره

گمره ..... ههههههه لالا لا بس هل مره صدك تفاجئت منووالنه بعدج شلون بينه

ابتهال .... " شنو راح اموت

كمره .... " لابس راح انموت من الجوع

دارت وجهه زعلانه وراحت تكمل الاكل

اندارينه اني ورقيه كل وحده الشغله كملنه حطينه السفره ولتمينه

ترئس جدهم السفره وحفاده بصفه واحنه كعدنه بنهايه السفره

نزل حيدر شايل ابن ابتهال ويبوس بي جان سابح لابس گلبيه جوزيه ويه لون بشرته البيضه ومسومره من الشمس روحي ذابت بجماله

اجت عينه بعيني ابتسملي وراح يم الجده خاتون الكاعده على كرسي واكلها كدامها باس راسها وحط الطفل بحضنها

جده خاتون ...... يمه يوم الدحگك حامل وليداتك بيدك جعلني ماني ميته گبل هل يوم

حيدر .... عمرك طويل يالغاليه ادحگيهم وتعرسيهم على يدك

جده خاتون ... ابتسمت ورفعت اديها لفوگ تدعي

" ربي يعطيك على عدد مفاصل كفك ويلاد ودحگ بزرك "

حيدر .......... ابتسمت كضيت يدها وحبيتها

" الله لايحرمني من دعائك جده

كلتها وكعدت على سفره

نط انور ..... " جده عجل انتي لو طخه لو طير مخه تبين له بزر گد مفاصل كفوو شيربيهم شيبي يوكلهم

يحجي والگمه ترس حلگه

ردت عليه جدته

" اگول انت اسكت وعبي بطنك بس ...... مادخلك بعيال الغالي

انور "" افااا يجده الحين نحن ماعدنه غالين

الجده .... ،" گاهرني ينوار عجل عندك صبيان ثنين وكفيت عليهم ماتبى غيرهم

انور ..... " الحمدلله جده تالحگ لعيشتهم

الجده رفعت العصى دغته بضهرو

" انخرس

انور سكت ودنگ يكمل اكله

ابتسمت عليهم الجده خاتون مثل كل الحبوبات تتمنى تشوف بزر وحفاد هواي ماتقتنع بواحد

ساد الصمت وماينسمع بس صوت ضرب الخواشگ بماعين التمن

كسر الهدوء صوت خالد ابن عمهم وهو يحاجي جده

خالد ..... " جدي انه بغيت شورك بسالفه

الجد ... " تكلم ياابوك

خالد ..... انه اريد افتح مشروع زغير على كدي دكيكين اعلى كد الحال ابتدي فيه مشواري بتجاره الجمله

الجد .... اومئ بيجاب .... واردف

وش عليه خوش رأي كون نفسك وشتبغى مني انه جاهز

خالد .... " خيرك سابگ جدي بس انه بغيت مخزن زغير تااخزن فيه البضاعه وانه اكول لو تعطيني السرداب يوالمني وگرييب جمب الدكانه

يحجي بتوتر وعينه على حيدر الي مدنگ يأكل مومهتم

لمن سمع اسم السرادب ترك الاكل

وشخص نضره على خالد ... ساكت منتضر رد جده

الجد ... " بس السرداب حگ ابو الاكبر

خالد .... " ابو الاكبر تاركه فارغ خل استفاد منه انه

رد الجد بحزم " انه كلت حگ ابو الاكبر وخلص

انتفض خالد ...... " بس انه اولى من حيدر بالسرداب بيت جدي ذا

حيدر .... شددت قبضت ايدي اهدء نفسي رصيت على اسناني وتكلمت بغضب .....

" خالد السرداب حگي والي ويگرب صوبو يعني گرب من موتو "

نفضت ايدي وكمت بعصبيه

قمراء ....

سكتو ونضراتهم تلوم بخالد ....... شنو سالفه خوفهم من السرداب وليش حيدر ينتفض من واحد يتقرب يمه السرداب ماطلع سرداب بس لايطلع بي كنز مدفون ويردون يورثونه

فزززني صوت ابوالاكبر

"" چايج يگمره چايج "

گمره .... تحمدت وكمت للمطبخ اسوي جاي ومصدومه انو حيدر يريد جاي بالعاده مايشرب ابد

واكفه اباوع للقوري فار خدرت الجاي وطفيته حضرت الاستكانات الهم من يخلصون وصبيت الحيدر اخذته وصعدت للغرفه

فتحت الباب على كيف خايفه من الاعصار الي راح اشوفه
عگدت حواجبي بستغراب واني اشوف الغرفه فارغه

دخلت ادور عليه بعيوني بنحاء الغرفه .....

انجريت من ايدي بقوه ونضربت بصدره طاح استكان الجاي طفر حيدر ينكث بثوبه محروك

بقيت بمكاني اباوع عليه اجت عيني بعينه ضليت مركزه بيهن اريد اقراه اريد افهم البيهن

نضرلي بنضره العارفه البيه كل عاده

تقدم لمني بحضنه وحط راسه بركبتي يشم بيها

حجيت بخفوت

" تبده الجاي "

بعد راسه عن ركبتي وبتسم " مابغيت الجاي انه بغيتك انتي صوبي مشتاك "

مارديت ضليت عيني بعينه

عيونه سوود فحم مثل سواد الليل ومثل غموضه مثل السرداب والأشياء المبهمه وراه

نضراته تتنقل بين ملامح وجهي احسه يقراني ويعرف تفكيري

جرني من ايدي للسرير بعد شالي وفتح شعري ضل يتنفس بشعري

حيدر " اخخخ يالفاليفك شكثر هايم فيهن انه

نزل الرگبتي يطبع بوساته وايده على صدري واني تايهه بفكاري

سحبني الحضنه وهمس بذني

" بسج حيره يگمره خليج معي وحگي حگ ابوالاكبر
نسيني حقدهم برائه عيونج وسوادهم بياض نحرج

تنهدت بقوه وحضنته احبه مووبيدي

بعد مده ارتاح وبتعد لفني بحضنه جر الغطه جوه رجلينه وغطانه

حب جبيني وهمس

" بعده حاير فكرك وفضولك شغال "

سكتت وكمل كلامه

" خليكي معي يگمره انسه همي معاج نثري افكارج كلها كوني بسلم لجرحي انه موجوع وماني لاگي الراحه "

قمراء ..... حسيت بعبره بصوته وهوويطلب الراحه وياي

نزلت راسي على وبست صدره العاري وح حطيت راسي عليه
گمره ..... "" احببك ابو الاكبر

حيدر ضحك بصوت عالي وشدد حضنته الي ولمني الصدر اكثر

گمره .... " حيدر "

حيدر .... " ياغلاه "

رفعت راسي اله حطيت عيني بعينه

" تحبني "

رفع ايده الراسي رجعه الصدره ضل يمسح على شعري ساكت

واني اغلي منتضره جوابه حرگني سكوته اني شنو بالنسبه اله شهوه انتقام ........

بعد طول سكوت نطق بصوت مليان حنين

حيدر .... " ميلي براسكِ على صدري وسمعي دگات گلب غير حبك لايعي تهادي على گلب بدوي مايعرف إلا الشعر وانتِ "

گمره ... " الله كلش حلو " رفعت عيني اسئله

" بس شنو يعني "

حيدر .... " يعني حطي راسج ونامي

گمره ... " يعني تحبني "

خزرني ورد عليه بحده ....

" گمره. تنامين وله شلون ابى اگيل شوي عندي شغل العصاري "

كال هيج وغمض عينه ونام حطيت راسي ونمت بس اكو

شي بداخلي مبتسم احس حيدر خلص صار ملك الگمره

....................................

سلطان

موعد الدوام ادحگ الطلاب تدخل للجامعه كاعد بسيارتي كدام الباب

رمشت بثگل رموشي ثگل الجبال وانه اناضر درب جيتها الجوه بارد والدنيا منديه كانو الزمن يعيد نفسه بكل نذل وحقاره يبى يثبت انو طريقه بدايتنه ذاتها طريقه نهايتنه

دحكت ضلها وكلشي بيه رجف بخوف انه جبان جبان امام محياها انه مو حمل عتبها ونضراتها انه موكد ذا الشي

حركت سيارتي وبتعدت تارك روحي هايمه بذاك الشارع وذاك الرصيف الوكعت عليه

انه بدون هيام چثه وماعلى الميت عتب

انتهى ثگل ارموشي تايصير سيل جاري من الدموع تحفر على خدي الوجع

اي والله إني على وضح النقى مهتويها حب بدوي لافيه شكه ولافيه مصلوح

(يعني حبه على الصدق والنقاء لفاه الشگه ومالفاه الصلح)

خنجر فاظهر جاء من محزم له ( يعني من حزامه هو اخو)
خنجر مادك ساحات المعارك

عضيت ايدي بحيفف طعنه جتني منك يابنت امي اخخخ

...................................

قمــراء

كعدت من النوم مديت ايدي تلمست الفراش مالكيته

ناضرت ملابسه مطشره تعلن عن خروجه

كمت بتململ من فراشي لميت الهوسه ودخلت للحمام غسلت ونزلت جوه

لكيت ابتهال ورقيه يم الجده خاتون

ابتهال تاكل حب شمس ......

"" هلاگمره صح النوم عزالله كلت طحتي بعرين الاسد تالي طحتي بعرين العسل ... "

گمره "" ضحكت. على كلامها وكعدت يمها وأخذت صم حب اكل وياها "

جده خاتون " جده گمره مافي شي مني مانك "

گمره ... " نعم حجيه مافهمت "

عوجت حلگها وردت

"" يعني مانك شايل بزر "

گمره ... دنكت. بحجل فهمت قصدها

لاحجيه ماكو

الجده خاتون ... " عمليلك همه تناج طولتي

گمره .... " سكتت عنها مارديت عفتهن وكممت للمطبخ اشرب ماي ....

سمعت صوت نتر وجن واحد يعارك ......

مديت راسي من الباب شفت ابو الاكبر وخالد واحد زانگ الثاني ويتمالخون ........

تيبست بمكاني خفت من منضرهم علت اصواتهم وطلعو الولد من الديوان يفاككون بيهم. ........

جنتي بتهال تركض

" شكو شكو شصار وش ذا العياط.""

مدت راسها تباوع وياي

طلع جدهم من الديوان

زمخ بيهم ...

الجد ..." گص الله وجيهكم حمحمتونه (فضحتونه)

جدامي داخل

دخلو كدامه مثل البراكين الي اطلع فقاعات تريد تنفجر

الجد .... " حيدر خويلد تعالو هين " ضرب عصا على الارض بقوه وگف

اجو يمه ووكفو واحد مقابل الثاني

الجد ... " اويلاه زلم مثل البعارين تتمالخ "

ابو الاكبر " جدي "

الجد " اس وكص ابو الاكبر تعاليت وتماديت بس ماتعالى على جدك يولد "

حيدر دنك راسه وسكت

كمل الجد كلامه

الجد ..." لاصار اساس البيت مبني على الطيب عواصيف الزمن ماتضره وانه كل ضني بنيتكم على طيب الگلوب والتصافي خاب ضني وانه ادحگكم متگاضبين واحد چاتل الثاني "

خالد .... " جدي انه ابغى السرداب ليه حيدر دومه حاكمنه بحلالنه "

رد عليه حيدر بغضب

" السرداب لووگربتو يعني حفرت گبرك بيدك سامع

خالد "" جدي راضي بذا الكلام "

الجد ... " لامااني راضي بكلامك ولابكلامه "

حيدر ... " من يشب النار لايزعل من دخانها يجدي "

رد خالد ...

" ايه نار يحيدر كتلك ابى السرداب ذي نار

حيدر ". شي ماتطوله لاتحوم حوله يخالد

خالد بحقد ... " مهو برايك انه حلالنه وحگنه انت مالك اي شي لفو عدنه وتصير ولينه لاباله ماصارت

صاح بي جده بغضب

" خاااااااااالددد تأدب وله العب العصى على جنالك "

رد ابوالاكبر

" لاجدي خلي يطلع الي في جوفه من حقد وغل ترماني طفل جدامك يبن خالي وانه خابرك وخابر علومك زين شيب راسي ماطلع لكبر سني كثر الجمايل بيضت لي سواده

التفت عليه وصاح .... گمره هيري غراضنه مالنه گعده هين

رجع نضره الخالد

حيدر "" كثر الطمع فجع ماجمع """ ياابن خالي

الجد ... " ابو الاكبر تهده انت وحرمتك هو الطالع وانت الداش

حيدر
" السموحه جدي لكن درب مايعز ممشاك اكصر خطاك عنه"

اودعناكم ....

الحقد فـي بعـض الاوادم وراثه
يظهر وفاه وسم الانياب مكبوت
من زود مافـي داخله من خباثه
يمكـن ليا مـنه بلع ريقـه يموت

يـتــبــــــــــــــــــــــــــــــع

هذا مارتبته اناملي اتمنى ان ينال اعجابك

لطــفـاً تصويت + متابعه + رايكم بالبارت

انستا tr._nym

an experience Dive into fantasy 🫶🏻♥️