تحميل رواية ابن عمي بقلم ناهد خالد pdf

_انتي بتقولي اي انا بجد مش مصداقاكي! أنتِ هتقولي لنهي فعلاً إن علي عاوز يرتبط بيها!.

_ايوه هو طلب مني ده....

_انتي عاوزه تجننيني! طلب اي يابنتي انتي مش المفروض بتحبيه!..

_ايوه يعني وهو مبيحبنيش وبيحبها هي ومش شايفني اصلا اروح اقوله والنبي حبني!

قالتها بعصبيه وخدت شنتطها ومشيت قبل ماتنهار في العياط.

_ها كلمتيها ياساره.

_لسه يا علي.. هقابلها بكره في الكليه وهقولها.

_طيب متنسيش بس تظبطي اخوكي وانتي بتكلميها عني وتقولي كلمتين حلوين كده.

_حاضر هظبطك متقلقش....

"علي" ابن عمي... متربيين سوا في نفس البيت وبحكم إننا سن واحد كنا دايماً مع بعض بنذاكر سوا ونروح الدروس والمدرسة مع بعض...لكن للأسف كالعاده لازم طرف فيهم يقع في حب التاني وانا كنت الطرف ده...

*************

_قولتي اي يا نهي..

_مش عارفه بس اصل علي مش ستايلي...

_مش استايل اي يا بنتي هو جزمه ماتتكلمي عدل!

قولتها بضيق من كلامها وانا بقالي ساعه بقنع فيها وكل شويه تقول حاجه تعصبني...

_مش قصدي ياساره.... بس أصل بحس علي مش شبهي خالص.. يعني انا بحب الحفلات والخروج وكده لكن بحسه عكس كده وكمان جد طول الوقت ومش حاسه اننا ننفع لبعض..

- بس علي بيحبك ده أولاً.. وكمان هو مش زي ما أنتي شايفاه.. هو بيهزر عادي وبيخرج عادي. بس انتي بتاخدي بالشكل الخارجي لشخصيته...

_طيب بصي خلينا نتكلم في الاول شهر كده نعرف بعض وبعدين نبقي نشوف.

**************

_يعني رايحه تحببيها فيه! انتي هبله يابنتي! من اول ما قالتلك مش هننفع لبعض كنتي سبتيها وقومتي وقولتيله موافقتش...

دي "نور" صاحبتي شغلتها في الحياه تهزقني....

_يانور هو مأمنلي اني اروح واتكلم معاها عنه.. اقوم انا اخون الامانه دي واروح اقضي واجب واول ما تقول لا اشبط فيها!......

_مأمنلي! طب قوليلي بقي حاسه بأي دلوقتي......

_حاسه بخنقه رهيبه، وان قلبي بيتفتفت ميت حته.... حاسه ان في ايد ماسكاه وعماله تعصر فيه... والاسوء اني مش عارفه اعيط.... مش عارفه اخرج اللي جوايا ولو جزء حتي.....انا تعبانه اوي يانور اوي...

~~~~~~

_اي رأيك بقي في اللي سمعته؟، علي انا كان ممكن اسكت وعارفه اني كده بخون ثقة صاحبتي فيا.. واني بقلل منها كمان بس انا مش هقدر اشوف ساره بتنهار كده ومعملش حاجه..

كانت الصدمه هي اكتر حاجه ظاهره علي وشه بعد ما سمع تسجيلي لكلام ساره لما كنت معاها... فضلت منتظره رد فعله وانا كلي امل انه يغير رأيه ويقرر يعطي علاقتهم شكل جديد...

* مش متخيل ان ساره ممكن تكون بتكن ليا اي مشاعر غير اني ابن عمها واخوها! حسيت عقلي وقف ومش عارف اتصرف... المفروض اعملي اي! اسيب نهي اللي بقالي سنه كامله من وقت ما شوفتها متعلق بيها وبحاول اقربلها.... واروح ل ساره اللي عمري ما شفتها غير بنت عمي وصحبتي!!

_انا اسف يا نور... بس انا تركيزي وقلبي مش معاها.. ومش هعرف اكون معاها ولا اغير شكل علاقتنا اكتر من انها بنت عمي وصاحبتي..

**********

بعد اسبوعين

_اي ده انت بتتكلم جد يا علي! ساره كانت بتحبك معقول!

_نهي انا بقولك عشان انتي عماله تسألي علي سبب بعدها عني وانها مبقتش تتعامل معايا زي الأول لكن الموضوع ده وكأني مقلتوش فاهمه؟

_فاهمه طبعاً هو انا عبيطه عشان اقول لحد!

_طيب جهزي نفسك بقي بكره هاجي اتقدملك اعتقد الاسبوعين دول كافيين احنا بنتكلم ليل نهار وانا مش حابب كلامنا كده من غير ارتباط...

_وانا موافقه هبلغ بابا وتيجي تتقدم..

همست لنفسها :

_بقي ساره بتحبك! دي جت في ملعبي......

 رواية ابن عمي الفصل الثاني 

أولاً شكراً جداً علي تفاعلكم القمر❤️واللي شجعني رغم البرد الي مدخوني😂 اكتب الجزء الجديد💖رأيكم في الجديد يهمني💕💕

اسكريبت ابن عمي ج٢

_لا ياماما مش هروح..

_لي يابنتي بس ده احنا رايحين نشوف عروسه علي وهيقرأو الفاتحه كمان وعلي اكيد هيزعل لو مروحتيش...

_قوليلهم اني تعبانه ياماما وبالله عليكي سيبيني بقي..

_هو انتي في اي مالك؟

_مفيش مرهقه شويه سيبيني انام وهبقي كويسه.

مكنتش عاوزه غير انهم يسبوني لوحدي.. مكنش في فرصه افضل من كده ليا عشان أنهار.. لعل وعسي اخرج جزء من اللي جوايا...

صوت عياطي مسمع في الشقه كلها وانا عارفه بس منتهزه فرصة اني في البيت لوحدي بعد ماكلهم راحوا مع علي عشان يتقدموا... فسيبت نفسي اعبر عن وجعي بأي شكل كان ومش مهم اي حاجه تانيه... ساعه... اتنين.. محسبتش قد اي بس حسيت وكأني بقالي يوم كامل بعيط... يوم!.. انا تقريباً عيط لسنه قدام!.....حطيت ايدي علي راسي بتعب حاسه بصداع رهيب ووقتها رجعت براسي علي السرير ومحستش بنفسي بعدها...

سامعه صوت دوشه قريبه مني ولا ده حلم ولا اي!! حاولت اقوم بس مش قادره وسامعه صوت ماما بيناديني.. هو اي اللي بيحصل؟

بعدها بشويه أخيراً قدرت افتح عيني وتأوهت بوجع لما حسيت بحاجه بتغرز في ايدي... بصيت جنبي باستغراب لاقيت بنت بتعلقلي محلول!.. و... اي ده هي دي مستشفي!... حسيت وكأني اضربت علي راسي انا اخر حاجه فاكرها اني كنت نايمه في اوضتي! هو اي اللي حصل!.... حاولت اقوم بسرعه فحسيت بدوخه وصوت الممرضه بيقول:

_براحه عشان متتعبيش..

_هو اي اللي حصل؟

رديت عليها بتوهه وانا بتلفت حواليا...

لاقيت بابا وماما داخلين من باب الاوضه واول ما شافوني جريوا عليا...

_حبيبتي عامله اي انتي كويسه؟

_انا كويسه ياماما بس اي اللي حصل؟

_معرفش انا جيت من بره دخلت عشان اشوفك لاقيتك نايمه قولت اصحيكي عشان تتعشي معانا فضلت اصحي فيكي مبترديش عليا فجبناكي وجينا علي المستشفي ع طول حتي علي هو اللي وصلنا..

_علي؟ وانتوا اي اللي خلاكوا تقولوله؟

قلتها بعصييه مقدرتش اسيطر عليها.. فبصولي باستغراب وبابا قال :

_اي يابنتي في اي؟ هو قابلنا علي السلم وانا نازل بيكي فطلب يوصلنا....

_كتر خيره.

قولتها بسخريه مبناتش اوي في كلامي فسكتوا وبدأوا يسألوني اي اللي حصلي...

_هم الدكاتره قالوا اي؟

_قالوا ان ضغطك وطي اوي والواضح انك اتعرضتي لإرهاق كبير... هو في حاجه حصلت معاكي يا بنتي وبعدين شكلك معيطه جامد..

_مفيش ياماما دي واحدة صحبتي من زمان عرفت انها ماتت...

كدبه بيضا متضرش! المهم اخلص من زن الموضوع ده.... ومعرفش ان كان قصدي علي صحبتي ولا قصدي عليا!...

اتفتح الباب ولاقيت مرات عمي وعمي جايين.. فضلنا نتكلم شويه بعدين لاقيت مرات عمي بتقول:

_بس ياريتك جيتي معانا يا ساره اليوم كان جميل اوي وعروسة علي قمرر.

_اه يامرات عمي مانا عارفه اصلها صاحبتي...

طبعا هم لو يعرفوا انا هنا دلوقتي لي مكنوش قالوا الكلام ده مانا مش ناقصه حرقة دم!.. بس نقول اي مهما تهرب من الحاجه هتلاقيها برضو بتجري وراك..

فضلوا يتكلموا ويحكوا عن الي حصل هناك وكأني طلبت منهم ده لاسمح الله! ناس غرييه اوي!.. قررت اهرب من حصار كلامهم فحطيت ايدي علي رأسي وعملتي نفسي بتوجع....

_مالك ياساره انتي حاسه بحاجه؟

_اه ياماما حاسه راسي تقيله وعاوزه انام..

_طيب ياحبيبتى ريحي شويه علي المحلول ما يخلص وهنسبقكوا انا وعمك علي البيت بقي...

_ماشي يامرات عمي تسلمي تعبينك معانا...

_بطلي هبل انتي عندي زي علي بالضبط...

أخيراً مشيوا... غمضت عيني فعلاً وانا حاسه بوجع في راسي وخملان في جسمي وكأن اليوم بكل تفاصيله كان اتقل عليا من اني اتحمله... هو فعلاً كان كده..

بعد شويه حسيت بالباب بيخبط بس مهتمش.. بس جسمي اتصنم لما سمعت صوت علي بيقول :

_السلام عليكم.

_وعليكم السلام اتفضل يابني...

يتفضل فين يابابا يتفضل فين يالهوي علي القر'ف اللي انا فيه... فضلت مغمضه عيني وانا بحاول مهتمش له أصلا..إن شاء الله هيخلي عنده دم ويمشي علي طول عشان ميرهقني....

_نهي صممت تيجي تطمن علي ساره.

يالهوي ده انا ملحقتش اكمل الجمله تقولي نهي كمان!.. طب اعمل اي اقوم اصرخ فيه واقوله انه السبب في اللي انا فيه عشان يبعد عني هو ونهي بتاعته دي!....

_مكنش في داعي تتعبي نفسك يابنتي..

_لا ياعمي دي ساره غاليه عليا اوووي.

كان نبرتها كلها خبث بس للأسف محدش فهمها وفكره انها فعلا ملاك بجناحات!..

اضطرت تفتح عنيها لما قرب منها والدها وصحاها... فتحت عنيها بكسل وهي بتحاول متفتحش اصلا بس هتعمل اي! مضطره زي ما هي مضطره لكل حاجه...اعتدلت في قعدتها بكسل مماثل وقالت :

-أهلا يانهي ازيك.

تجاهلت تماماً وجوده متعمده مش رغبه منها انه يحس بده أبدا بس بجد مش قادره تتكلم بحرف واحد يكون موجه له..

_ازيك ياساره الف سلامه عليكي ياحبيبتي..

_الله يسلمك.

_طيب يا ساره انا هنزل يابنتي اشوف الدكتور فين كان بيقول هيكتبلك علي فيتامينات وحبوب للضغط عند اللزوم.

_استني ياعمي خدني معاك.

قالها علي لما حس ان وجوده غير مقبول من ناحية ساره فحب يرفع الحرج عن نفسه..

خرجوا ومامتها قالت :

_طيب يابنات هستأذنكوا بس هدخل الحمام وارجعلكوا.

_طبعا ياطنط اتفضلي متقلقيش علي ساره دي في عنيا.

بعد ما مشيت قربت نهي من ساره وقعدت جنبها..

_اي ياساره اللي حصلك ده؟

_عادي ضغطي وطي..

_وياتري من اي؟

_في اي يا نهي هو تحقيق..

قالتها ساره بضيق وهي بتبصلها بحده.

ابتستمت بلؤم وقالت :

_اصلي عارفه السبب..

_والله وهو اي بقي؟

قالتها ساره بسخريه وهي متأكده مليون في الميه ان أي كان السبب اللي هتقوله نهي فهو بعيد عن السبب الحقيقي...

_ان النهارده علي كان جاي يتقدم لي ومش سهل أبدا إن الواحده تشوف حبيبها رايح تقدم لوحده تانيه لا وصحبتها كمان.

وكأن حد رمي قنبلة جنبها فتصمرت في مكانها لا عارفه ترجع ولا تتقدم ولا تعمل اي حاجه فضلت بصالها بسكوت وهي شايفه ابتسامه سخيفه مرتسمه علي وشها فنطقت بصعوبه وصوت مهزوز :

_أنتي بتقولي اي؟ اي الهبل ده؟

_لا يا ساره انتي عارفه انه مش هبل... انتي بتحبي علي وعلي كمان عارف وهو اللي قلي.. وتتخيلي مين اللي قله... "نور" صحبتك...

لما الصدمات كلها تيجي مره واحده.. بتحس ان عقلك وقف تماما ً ولسانك اتعقد.. وتفكيرك كله بيلف في دايره مققوله والدايره اصلا صغيره اوي لدرجه تخنق!... وبتبقي ردود الافعال بين السكوت المخيف.. او الانهيار العنيف....

#

حابه اشكركم جداً علي كلامكم القمر اللي قلتوه علي البوست ❤️وربنا يقدرني واكتب دايماً اللي يليق بيكم💖

ابن عمي الجزء الثالث

_ مش عيب اننا نحب بس العيب اننا نتزل للحب ده، وانا معملتش كده ولا عمري كنت هعمل، الحب مش ب ايدينا اه بس افعالنا بايدينا، زيك كده حقدك اللي جايبك لحد هنا مخصوص عشان تعرفيني انك عارفه سري الخطير مش بايدك بس الافعال اللي بتنتج عنه بايدك، كنتي فاكره اي؟ اني هعيط وانهار وتشوفيني مكسوره لاني مش طايله حاجه بقت في ايدك انتي! لا ياحبيبتي العنوان غلط، انا ادوس علي اي حاجه بجزمتي لو كانت هتقل مني، اما بقي بالنسبه ل علي فهو من وقت ما كلمني عليكي وانا رميته من بالي تماماً، ومبقاش فارقلي، لان مادام بص ليكي او لغيرك عمري ما هقبل في يوم اني اكون دور ثانوي في حياه حد، يبقي البطله يا مبقاش، فهمتي يا... يا خطيبه ابن عمي.

كانت جايه تقهرها وتشوف انهيارها فعلاً زي ما هي قالت بس اللي حصل ان السحر انقلب ع الساحر وبقيت هي اللي قاعده بتو'لع من كلام ساره وهي مش عارفه ترد عليها بايه ومش لاقيه كلام تقوله أصلا.... اتفتح الباب ودخلت ام ساره وابوها وعلي...

_صحيح مبروك ياعلي... معلش مقدرتش اجي معاكم رغم اني كان نفسي احضر مناسبه سعيده زي دي بس حظك وحش عرفت ان واحده صحبتي من زمان وعزيزه عليا عملت حادثه وماتت.

كانت بتتكلم بمنتهي الهدوء والبرود... فضل باصص لها شويه بيحاول يوصل لأي حاجه ورا كلامها ده زي حزن او و'جع اي مشاعر من اللي طبيعي تكون موجوده دلوقتي... بس ملقاش... ابتسامه هاديه وعيون واثقه وبرود غير طبيعي!....

_الله يبارك فيكي..

قالها بتوتر وهو مستغرب نفسه هو اللي متوتر! مش المفروض العكس! هو اي اللي بيحصل؟!

اتفتح الباب ودخل شخص جديد هتشفوه لأول مره "يوسف" ابن خالة "ساره" اللي رجع من السفر من يومين بعد غياب اكتر من ٥ سنين.. وعلاقته هو وساره متقلش عن علاقة ساره ب علي "زمان"...

_يوسف..

قالتها ساره بلهفه، فقرب يوسف منها وهو بيقول:

_اي يا ساره الف سلامه عليكي، انا اول ما عرفت جيت جري.

رفع "علي" حاجبه بغيظ وهو عارف كويس من ده بس عمره ما حب "يوسف" ببساطه لانه دايماً كان بيشاركه اهتمامات ساره قبل ما يسافر وكان دايماً بيلفت انتباها وواخد معظم اهتمامها وعلي ارتاح كتير بعد ما سافر... اي اللي رجعه ده! سؤال قاله علي في باله وهو بيتابع اللي بيحصل قدامه.

_تسلم انا كنت عارفه وكنت لسه هقولهم ميقولش لك عشان متجيش بليل كده.

_ده كلام ياهبله انتي... طب والله كنت ملصت ودانك زي زمان فاكره؟

ضحكت وهي بتقول:

_طبعاً فاكره ده انت كنت شر'ير خالص.

_انا! ده انا طول عمري ملاك وبحبك.

_ما اي بقي مش يلا الدكتور كتب ع الخروج مفيش داعي القاعده ولا اي ياعمي!؟

قالها علي وهو بيقطع كلامهم بغيظ اكبر بس بيحاول يبان انه عادي...

_ااه يلا بقي عشان منتأخرش...

قالت ساره ببرود :

_علي خد انت نهي وصلها واحنا يوسف هيوصلنا...

بصلها بضيق وقال :

_وده لي يعني مانا اللي جايبكوا!

_ايوه ومين هيوصل نهي؟

_خلاص ياعلي وصل...هي مين دي؟

قالها يوسف باستغراب باين لكنه في الحقيقه استهبال...

ردت عليه ساره بابتسامه :

_دي نهي يا جو خطيبة علي...

_بجد مبروك ياعلي أخيراً خدت الخطوه دي...

_اي أخيراً دي! انتي شايفني عجزت!

_لا مقصدش طبعاً عموما مبروك.

_شكراً.

قالها علي من غير نفس وهو مش طايقه..

_طب يلا ياساره..

_يلا يابابا..

حاولت تقوم فقال يوسف باهتمام:

_هتقدري تقفي؟

هزت راسها بهدوء وسندت علي مامتها وفعلا خرجوا من المستشفي...

**********

بعد مارجعوا البيت قعد يوسف وساره لوحدهم في الصاله وامها بتحضر العشا وابوها بيصلي..

_يا واد يا متفاجئ أنت.. قال متعرفش ان علي خطب.

_يابنتي مانا لازم اعمل كده عشان ميشكوش انك قايلالي حاجه...

_ميشكوا فيها اي..

_اه فيعرفوا ان الموضوع قا'هرك لدرجه انك حكتيه لابن خالتك اللي بقالك خمس سنين مشفتهوش.. انتي عبيطه يابه؟ احنا عاوزين نبين ان الموضوع مش في دماغك أصلاً...

_ماشي.

_وانتي عامله اي دلوقت؟

_الحمد لله..

_ومين هون عليكي الوقت؟

_يوسف..

_مانا عارف انا أصلاً مهوناتي...

_يوسف...

_يابنتي خلاص عرفت ان اننا مش محتاجه تأكدي.

_انت بايخ علي فكره...

_بس عسل ودمي شربات..

_يابارد...

_احترمي نفسك يابت ومتنسيش اني اكبر منك.

وقفت وحطت ايديها في وسطها :

_اكبر مين يابو اكبر... مكنوش سنتين دول الي هتزلني بيهم...

_ولو اكبر منك بيوم يعرف عنك بسنه.. ثم انتي هتردحيلي يابنت خالتي والله عال خالتي عرفت تربي بصحيح..

_متربيه غصب عنك احترم نفسك...

***********

من دقيقه

رن علي جرس الباب بس هم مسمعوش لانهم مشغولين بالخناق طبعاً.. فتحتله ام ساره ودخل سمع الدوشه وصوتهم العالي ومرات عمه بتقوله:

_ادخل سكت ولاد المجانين دول ولا كأنهم أطفال واستني اتعشي معانا...

********

لما دخل وقف علي باب الاوضه وهو شايفهم بيتخانقوا.. غصب عنه ابتسم وهو بيفتكر انه من فتره قريبه كان ده حاله مع ساره... كانوا دايما بيتخانقوا وتيجي مامته او مرات عمه تفض بينهم... بس الحال مبقاش زي الاول.. حس انه فعلا اشتاق لخناقهم سوي حتي لو كان علي كيس شيبسي زي اللي حصل قبل كده....

فلاش..

_سيب الشيبسي بتاعي يلا..

_يلا! طب تصدقي مش هتاخديه.. وانا هاكله كله امشي اعملي شاي.

_اكونش الخدامه اللي جبهالك عمي وانا معرفش!

_واي لازمه عمي بقي!

_ولو لازم احترمه..

_حوشي يابت وانتي محترمه اوي...

_انا محترمه غصب عنك يا صفيق...

_اي صفيق دي كمان!

_معرفش بس هي شتيمه سلمي قالتها ل عمر..

_سلمي مين وعمر مين؟

_تامر حسني ومي عز الدين ياجاهل أنت..

_اللهم طولك ياروح.... طب امشي من قدامي.

_يابجاحتك انا اللي دافعه فلوس الشيبسي ده هات فلوسه وانا اسيبه لك..

_وانا وانتي اي ياسو مش واحد اجري اعملي شاي.

_لا مش واحد... والشاي ده تطفحه قبل ما تشربه ان شاء الله...

_بتدعي عليا يابنت عمي!

_اه وان شاء الله تطفح الشبسي كمان لو كلت حاجه تانيه منه...

كان وقتها بياكل واحده فشرق وفضل يكح...

_اي ده ولا يا علي... ولا انت هتموت ولا اي.. يخربيتك هو انا الشيخ الشعراوي ده انا اول مره دعوه ليا تستجاب...

جريت عليه وهي عماله تخبط علي ضهره وهو بيكح جامد... بدأت عنيها تدمع وهي بتقول :

_انا اسفه والله مكنتش اقصد انك تطفحه فعلاً انا اسفه... علي مت''... موتش انا اسفه يلا والله...

حس انه هدي وبقي كويس بصلها لاقها بتعيط.... فضل يضحك عليها وهي بتبصله بغيظ :

_الله يخربيت هبلك يعني مانتيش قد الدعا بتدعي لي... بعدين اي مت... موتش دي هو انتي شايفني عندي ذب... حه!

_وسع يابايخ انا غلطانه اني خفت عليك...

قالتها وهي بتبعد عنه وطلعت من الشقه... طلع وراها وهو بيقول :

_بت ياسو بت خدي بس هقولك...

__________________

فاق علي صوت يوسف وهو بيجري وراها في اوضه الصالون وكله ده ولسه مشفهوش... او اعتقد كده..

كانت ساره بتصرخ وهي تلف حوالين الكراسي ويوسف وراها...سمعوا صوت علي بيقول بعصبيه:

_اي شغل العيال ده ماتبس انت وهي...

_وانت مالك ياعلي ياويكا انت...

قالها يوسف ب استفزاز... كالعاده كل ما يحب يضايق علي يقوله " علي ويكا"... رد علي بعصبيه:

_احترم نفسك وبطل سخافه احنا مش العيال بتوع زمان عشان نسخف علي بعض...

_اتكلم عن نفسك انا عن نفسي لسه عيل...

_ياختي احلي عيل ياناس...

قالتها ساره بضحك.. فسمعت صوت علي بعصبيه اكبر:

_ماتحترمي نفسك انتي كمان اي العيله الهبله دي!

_مانت من العيله ولا اي؟

_بس مش اهبل زيكوا... فكرت ان سفرك عقلك بس الظاهر لأ...

_لي محسسنا اننا عجزنا!

_اومال لو مكنتش اكبر مني!

_شوف انا اكبر منك بس اللي يشوفنا يقول اني أصغر منك بكتير... صح ياسوسو...

_سوسو!

رددها علي باشمئزاز

ردت ساره متجاهله علي تماماً :

_ حصل ياجو...

_علي فكره انتوا الاتنين اسخف من بعض اتحر'قوا بجاز انا اللي غلطان..

قالها بعصبيه شديده وسابهم ومشي... سمعوا رزعه باب الشقه فانهاروا في الضحك... قال يوسف وهو بيضحك:

_لسه زي ماهو بيتقمص ويسيبنا ويمشي، وبيقول علينا احنا عيال...

بطلت ساره ضحك وقالت:

_انت لي مصمم تضايقه وغرضك اي من انك تتعمد تتعامل كده معايا قدامه...

_ملكيش دعوه جاريني انتي بس وانتي هتعرفي في الاخر...

دخلت امها وهي بتقول :

_هو علي مشي لي قلتله يتعشي معانا؟

_سيبك من علي ياخالتي وقوليلي عامله عشا اي؟...

بعدوا عنها وهم بيتكلموا في الأكل... طلعت تليفونها وطلبت رقم نور.

_ساره ازيك

_كويسه... عاوزه اشوفك بكره...

_حاضر هجيلك..

_ماشي..

_ساره انتي كويسه بجد حاسه في حاجه؟

_هحكيلك بكره..

_ماشي...

**************

تاني يوم *

_اي ياساره مالك! بقالك كتير بتبصيلي اي الي حصل؟

_قوليلي يانور احنا نعرف بعض من امتي؟

_من ابتدائي لي؟

- اصل بعيد عنك اكتشفت اني كل الفتره دي معرفكيش.

_في اي ياساره اي الكلام ده؟

قالتها نور بتوتر فردت ساره وهي بتبص في عنيها..

_عمري ما شكيت ولو للحظه اني اقولك سر وتفشيه.. مش بس كده ده انتي كمان فضحتيني وسجلتيلي بالحرف اه احسن كلمه تقع منك كده ولا كده لو حكيتي...

بصتلها نور بدموع :

_ساره انا هفهمك...

وقفت ساره وهي بتصرخ فيها :

_تفهميني اي يا صاحبة عمري ها هتفهميني اي.. هتفهميني انك روحتي فضحتيني وقليتي مني قدامه روحتي فضحتي سري اللي أمنتك عليه، روحتي تتذلليله عشان يرضي يحب صاحبتك البايره اللي قلبها مكسور ياعيني... هتفهميني اي.. ده انا عمري ما توقعت الغد'ر منك... مكنتش قادره اروح انا اقوله.. مكنتش قادره اعملها ردي عليا...

صرخت بآخر كلمه بعنف اكبر.. فوقفت نور قدامها وهي بتعيط وبترتجف :

_أنا... انا اسفه فكرت اني بساعدك..

_مين طلب منك مساعدتي.. مين سمحلك تقرري نيابه عني.. انتي عارفه انتي عملتي اي!.. انتي قللتي مني قدامه وهو راح قلل مني قدام خطيبته وبقيت مسخره بينهم هما الاتنين...اي مصدومه! اه ماهو الحلو راح قال لنهي علي اللي قولتيه له.. وهي جت تشمت فيا وتعرفني انها عارفه... بس ماعاش ولا كان اللي يشمت فيا ولا عمري هعطيه لحد الفرصه لكده... بس للاسف انتي اللي عطتيها لهم من الأول.

_انا اسفه قصدي كان خير والله..

_وانا مش هعرف اثق فيكي تاني ولا هعرف اقبلك في حياتي تاني... انا كمان اسفه...

لفت وشها وهي بتقول :

_اطلعي بر....

سكتت لما شافت علي واقف علي باب الاوضه وملامح الصدمه علي وشه وقال :

_نهي قالتلك اي؟

بصت له بسخريه وقالت:

_كويس انك جيت عشان تاخد نصيبك انت كمان.....

ابن عمي الجزء الرابع.

_ ساره أنا....

قالها علي بتوتر فقاطعته ساره وهي بتقول بعصبيه واستنكار:

_اي هتبرر لنفسك ب أي! طب هي هنقول غرضها كان خير لما فضحت سري لكن أنت اي غرضك! اي اللي اجبرك انك تتكلم ولي اصلا تروح تقولها، اي نوغه انت مش عارف تخبي عن مامي سر عرفته ومرتحتش غير لما قولتلها!.. قالت آخر كلامها بسخريه ونظره استحقار... رد علي بتحذير :

_ساره خدي بالك من كلامك.

شاورت علي نفسها بذهول وهي بتقول :

_أنا! أنا اخد بالي من كلامي!.. يابجاحتك.. يابجاحتك يا اخي انا عمري ما شوفت بجاحه كده.. عينك جامده واقف تبصلي وعينك في عيني من غير اي كسوف لا وبتقولي خدي بالك من كلامك! كلام اي انا لسه قولت حاجه!.. أنت لو كنت راجل بصحيح مكنتش رحت فضحت بنت عمك قدام واحده غريبه.. لو كنت راجل بجد كنت حفظت السر لكن انت زي ال... اكيد عارف اقصد زي اي.. انا مش بلومك ولا بحاسبك انك مبحتنيش انت حر.. بس مكنش من حقك انك تروح تفضح سري لخطيبتك مكنش من حقك يا علي..... ولا كان من حقك انتي كمان..

قالتها وهي بتبص لنور وكملت :

_قوليلي رده كان اي عليكي ها..

بصت نور لها بدموع بتنزل من عنيها ونقلت نظرها ل علي وهي مش عارفه ترد...

_ردي..

صرخت بيها ساره في نور اللي اتكلمت بارتعاش:

_مش هينفع اقولك.

لفت ساره ل علي وقالت:

_طب قول أنت... بما إنك بجح قول أنت..

قرب علي منها ووقف قدامها وقال:

_قولتلها اني مش هقدر اشوفك اكتر من بنت عمي وصاحبتي...

ابتسمت بمرار وقالت:

_شوفتي بقي رخصتيني ازاي...

انهارت نور في العياط اكتر وهي بتشوف نتيجه تهورها... كملت ساره:

_اطلعوا بره انتوا الاتنين اندل من بعض ومش عاوزه اعرفكم تاني لاني عمري ما هآمن لكم تاني.

قرب علي خطوه كمان وهو بيحاول يتكلم :

_ساره أنا...

_قولت امشوا..

كانت بتقطع عليه اي طريق للكلام وسابتهم وخرجت من الاوضه تماماً... بصت نور ل علي بانهيار وهي لسه بتعيط وطلعت جري من الشقه كلها.. غمض علي عينه لثواني بيحاول يهدي نفسه وغضبه خصوصا من معرفته ان نهي واجهت ساره باللي عرفته منه وبعدها فتح عينه بهدوء وانسحب من الشقه هو كمان...

******************

بعد يومين...

_ها يا علي اي اللي حصل بقالي يومين اتصل بيك متردش وابعتلك رسايل برضو بتشوفها متردش في اي؟

_عشان كده كلمتك النهارده.

_ وانا سمعاك.

_انتي احقر واحده انا عرفتها في حياتي..

قالها علي بهدوء وبرود، وقفت نهي بغضب وهي بتقول:

_انت اتجننت ياعلي انت....

وقف قدامها وقال بغضب:

_جن اما يلغبطك محدش هنا مجنون غيرك.. بقي انا اقولك علي سر تروحي تفضحيه وتواجهي ساره بيه... لي؟ استفدتي اي لما عملتي كده...

_عشان انا مبحبهاش انا طول عمري وانا بتمني تجيلي الفرصه اللي ابقي احسن من ساره فيها واقهر'ها اني بقيت احسن منها.. بس معرفتش.. بس لاقيت الفرصه دي اكبر لما عرفت انها بتحبك وانت بتحبني انا.. حسيت اني حققت اكبر انتصار عليها.. كان لازم اشوفها واعرفها اني عرفت واشوف كسر' تها قدامي... بس للاسف امنيتي متححقتش لما روحت ولاقيتها زي ما هي جبروت لا وشعللت النا' ر في قلبي اكتر بكلامها.

_آه يعني كيد نسا... طيب بعيداً عن كمية الح'قد والغل الي جواكي انا مش هينفع اكمل معاكي.. لاني فقدت الثقه فيكي وعمري ما هعرف اتعامل معاكي عادي او احكيلك سر ليا مش بعيد تاني يوم الاقي البلد كلها عارفاه..

بصت له بسخريه وقالت:

_لا حوش انا اللي هموت واكمل معاك... عاوزه اقولك اني مكنتش عاوزه ارتبط بيك اصلا لولا الحاح ساره عليا وانها قعدت تشكر في محاسنك وكانها بتحلي البضاعه في عيني.. لكن انا من الاول قولتلها انك مش استيلي ومش الشخص اللي يملي عيني واتمناه زوج ليا... واصلا كده كده كنت ناويه مكملش معاك.

اتسعت عينه بصدمه "ساره"! ساره هي اللي خلتها توافق عليه! بصلها باشمئزاز وقال :

_انتي ارخص من اني ارد عليكي.

بصيتله بسخريه وهو بيمشي من قدامها وقالت :

_أخيراً ارتحت بلا قر'ف.

_____________________

_ساره ارجوكي اسمعيني..

قالها علي وهو بيمسك ايد ساره بعد ما كانت خارجه من البيت واول ما شافته حاولت تسرع خطواتها...

نفخت بضيق وقالت ببرود:

_نعم!!

بلع ريقه بصعوبه وحرج وقال:

_انا سيبت نهي.

عقدت ذراعها علي صدرها وقالت ببرود :

_وانا مالي...

عدل شعره بايده بتوتر وحرج:

_انا... يعني مكنش ينفع اكمل معاها بعد اللي عملته معاكي..

_اوووه.. يعني انت كده خدتلي حقي منها!

قالتها باندهاش مصطنع وسخريه...

اتنهد بيحاول يهدي نفسه وميلتفتش لسخريتها الباينه...

كملت:

_بص يا ابن عمي انا مشكلتي مش معاها... ولا هي ملامه ع اللي عملته هي حياله واحده اعرفها وزميلة دراسه مش اكتر.. لما تيجي تعيب علي حد وتشيله الغلط عيب علي اللي عطاها الفرصه عشان تهين بنت عمه الي من دمه ولحمه... انت الوحيد الملام هنا وانت الوحيد اللي العيب عليه.. فلو حقي عند حد فهو عندك انت مش عندها...

_وانا قدامك اهو ياساره شوفي عاوزه تاخدي حقك ازاي وخديه..

_لا الموضوع مش زي ما انت فاهم.. مش تار بقي ولا انتقا'م وكده لا... حقي اتردلي يوم ماوقفت قدامها وقدامك وقلت لكل واحد فيكم اللي فيه النصيب.. واتردلي يوم ما طردتك من حياتي وبقيت فيها زي الغريب.

_ساره انتي لسه بتحبيني؟

_اه لسه بحبك..

اتسعت عينيه بدهشه هو مكنش متصور انها هترد عليه بالصراحه دي..

_اي فاجئتك صراحتي! شوف اهم حاجه التصالح مع النفس.

_ساره انا طول اليومين اللي فاتوا وانا بفكر في كل اللي حصل وكمان لما عرفت انك الي اقنعتي نهي عشان توافق عليا متتخيليش كبرتي في نظري ازاي.. يعني رغم ان مصلحتك في انها متوافقش الا انك معملتيش ده وهمك شعوري انا رغم الو'' جع اللي انتي عارفه انك هتعشيه.. تضيحتك ليا وعشاني صحت مشاعري من ناحيتك وفهمت ان مفيش انسب منك ليا ولو لفيت الدنيا كلها مش هلاقي احسن ولا اجمل منك... ولو ضيعتك من ايدي هعيش عمري كله ندمان عليكي.. خلينا نعطي علاقتنا فرصه نشوفها بشكل جديد غير شكل القرابه والصحوبيه... قلتي اي يا ساره؟

بصت له شويه بسكوت بعدين قالت بابتسامه:

_يمكن من شهر لو كنت جيت وقولتلي الكلام ده كنت هبقي اسعد واحده في الدنيا... لكن دلوقتي ولا فارق معايا...

_لي انتي قلتي انك لسه بتحبيني..

_ايوه بس لسه ممضتش عقد التنازل عن كرامتي.. شوفي يابن عمي انا لو روحي فيك وهموت من بعدك عمري ما هوافق اكون معاك... لو انت مش مدرك اللي عملته معايا فدي مش مشكلتي.. دي مشكلتك انت... بس انا حقيقي اتقفلت منك رغم اني لسه بحبك بس مش طايقه اشوفك ولا اتعامل معاك... كل لحظه و'' جع حسيتها من اول ما قولتلي علي نهي لحد دلوقتي واقفه حاجز بيني وبينك وعمره ما هيتهد... في تنازلات في الحب... طبعاً في تنازلات لكن اي تنازل بعيد عن الكرامه وانا هبقي بدوس علي كرمتي وبضيع حق نفسي وحق التعب اللي تعبته الفتره اللي فاتت كلها لو وافقت اكون معاك...

_هسيبك تفكري ياساره.. يمكن تغيري رأيك.. والحقيقه اني معنديش خيارات هستناكي تيجي تقوليلي انك موافقه... سلام.

سابها ومشي وهي بتبص لأثره بذهول.. مصر يتعامل وكأن اللي عمله

ميستهلش ثورتها! اتنهدت بضيق وهي بتكمل طريقها...

________________________

_ازيك ياخالتو؟

_ازيك يا حبيبتي ادخلي.

_هو يوسف ماله؟ بقالي يومين بحاول اكلمه فونه مقفول والنهارده لما كلمتك قولتيلي انه تعبان ماله؟

_والله يابنتي عنده دور انفلونزا شديد بقاله يومين بسخونيه وو'' جع في الجسم مخلياه نايم مش قادر يقوم...

ظهر التأثر علي وشها وهي بتقول:

_ياخبر كل ده... طب راح لدكتور؟

_ايوه وكتبله ادويه وبياخدها..

_طيب ممكن اشوفه؟

_ااه طبعاً ادخلي هتلاقيه في اوضته وانا هشوف البوتجاز وجايه...

راحت ناحية الاوضه وخبطت بس محدش رد.. لقت الباب متوارب فبصت جوه الاوضه لقته نايم ومتغطي وشكله مش حاسس بالدنيا.. دخلت بهدوء وقربت من السرير وهي بتبص علي ملامحه اللي باين عليها التعب.. التمعت الدموع في عنيها اول مره تشوف يوسف تعبان هي متعوده عليه بيضحك ويهزر ويتكلم لكن شكله ده وسكوته وجع قلبها عليه.. لقت جنبه دفتر مقفول علي قلم فسحبته براحه عشان تحطه علي الكومدينو... فتحته عشان تشيل القلم الأول فلفت انتباهها كلمة "ساره"...

عقدت حواجبها باستغراب وفضولها دفعها تقرأ الصفحه دي والي عباره عن ٥ سطور :

" قلبي كان بيتنفض اول ماعرفت انها تعبانه.. رغم اني قررت مش هروح اشوفها عشان مضعفش بس غصب عني لاقيت نفسي بجري عليها.. انا كنت عارف ان ساره هتتأثر بخطوبة علي والموضوع مش هيعدي عليها بخير بس متوقعتش انها لدرجه تدخل المستشفي... عشان كده رغم عشقي ليها قررت اني هساعدها تكون مع علي.. هساعدهم يقربوا من بعض حتي لو كان علي حسابي وحتي لو كنت هتو'' جع اكتر واكتر... بس عادي انا اتعودت بقالي ٥ سنين عايش نفس الاحساس من وقت ما ساره حكتلي عن حبها لعلي وقررت اسافر بعدها وابعد... سافرت عشان مكنتش هتحمل اني "

من الواضح انه ملحقش يكمل ونام... فضلت تمرر عنيها علي الكلام بصدمه... يوسف!! عمره ما لمح ليها بحاجه.. ومن وقت ما اعترفت له فعلا من ٥ سنين عن حبها لعلي وهي دايماً بتحكي عنه وعن حبها وولها بيه.. ازاي كان بيسمعها ويجاريها في الكلام وهو بيحبها! ازاي مبانش عليه ولا مره في كلامه او في افعاله! رجعت في الصفح لورا ووقفت ايدها علي صفحه بالصدفه فقرأت :

" واهرب من قلبي اروح علي فين...

فعلاً هروح علي فين.. مشوفتش حد اوكس مني قال فكرت ببعدي عنها هرتاح.. اتاريني كل يوم بفكر فيها اكتر وشوقي ليها بيزيد، طلعت بعلق نفسي بيها اكتر من غير ما حس.. نفسي يوم يعدي عليا من غير ما ادخل اعمل سطو علي حسابها مية مره في اليوم.. ومن غير ما افتكر ذكري مرت علينا...من غير ما افكر فيها خالص!.. ده حتي يوم تعب بابا وفي وسط كل حزني وخوفي عليه فكرت انها لو كانت جنبي اكيد كانت هطمني وهتقف معايا و....، ياحزني ياما طب اي اللي ممكن يحصل يشغل تفكيري عنها!... منك لله ياساره... لا لا بعد الشر دي قلبي دي..... "

انتفضت علي ايد خالتها وهي تخبط علي كتفها بصت لها لقتها بتشاور لها انها تتبعها... حطت الدفتر براحه وخرجت وراها بتوهه...

_مكنش عندي حل تاني... لانه حلفني معرفكيش.. فسيبتك تدخلي له وانا عارفه انك هتشوفي الدفتر..

_خالتي انا...

قالتها ساره بتوهه وهي لسه مش مستوعبه اللي شافته...

_بصي ياساره ده ابني وانا عمري ما هجبر واحده انها تحبه ولا هدلل عليه وانا عارفه كمان انك في قلبك غيره.. بس عز عليا اشوفه بالحاله دي وبيتو"جع كده ومعملش حاجه... معرفش لي خليتك تشوفيه ولا عارفه انا عاوزه منك اي ولا مستنظره اي بس مفيش في ايدي حاجه تانيه اعملها...ابني بعد عني ٥ سنين بسببك ومعرفتش غير لما رجع... مش عاوزاه يبعد عني تاني... وبرضو مش عاوزاكي تقربي منه شفقه ولا انك بتنقذي موقف.. عشان ابني يستاهل واحده تحبه بجد وتكون بتقرب منه عشان عاوزاه مش عشان اي حاجه تانيه...

سكت... وطال سكوتي بس نهيته لما قلت:

_يوسف ميعرفش اني جيت هنا يا خالتي بعد اذنك.

سيبتها ومشيت وانا حاسه اني في دوااامه... منين بيودي علي فين!!! يوسف بيحبني وانا بحب علي وعلي معجب بنهي ونهي مش عاوزه علي... اي كمية الو"جع اللي في القصص دي! هو كل قصه حب لازم متكملش! لي اللي بنحبهم مبيحبوناش واللي بيحبونا مبنحبهمش! قد اي القدر غريب والدنيا سخيفه بجد!... بس من ضمن اللي خرجت بيه من اللي حصل ان نور معذوره رغم تصرفها الغلط... لكن خاالتي عملت زيها لما خافت علي ابنها ومستحملتش تشوفه كده وتسكت.. رفعت تليفوني :

_نور...

_ساره!

_محتاجاكي...

ابن عمي البارت الخامس

_ها مالك؟... قالها يوسف بتعب.

_ماليش انا كويسه بعدين خليك في نفسك وانت متبهدل كده..

_اخلصي ياس

اره انتي عاوزه تقولي حاجه.. قولي.. بصتله ساره شويه وقالت:

_وأنت للدرجادي بتحس بيا؟

ارتبك وقال:

_احس بيكي اي متكبريش الموضوع كل الحكايه اني شايف في عنيكي كلام عاوزه تقوليه..

_علي ساب نهي.. وعاوزنا نعطي علاقتنا فرصه جديده نشوف فيها بعض بطريقه مختلفه...

بلع ريقه وهو بينزل بعينه علي الارض وقال :

_دي حاجه كويسه انه فاق لنفسه وعرف انه مش هيلاقي احسن منك..

_يعني من رأيك اوافق؟

رفع عينه ليها وهز راسه ب اه :

_وافقي يا ساره وارحمي نفسك من و"جع القلب..أنتي بتحبيه يبقي لي لا!.

بصتله شويه بتركيز وقولت :

_بص يا يوسف انا فضلت طول الليل افكر ف الموضوع ده وخدت قراري الأخير.

سكت وهو سكت وكأنه خايف يسألني عن قراري وانا فهمت ده فكملت :

_علي لو آخر راجل في الدنيا مش هوافق عليه، حتي لو لسه بحبه وحتي لو روحي فيه.. بص يا يوسف انا ممكن اتنازل عن اي حاجه الا كرامتي.. وانا لو قبلت ارجعله أولا عمري ما هثق فيه وثانياً هبقي بدوس علي كرامتي وبمسح بيها الارض... ويحقله بعد كده يعمل اللي هو عاوزه فيا....مش انا يا يوسف مش انا اللي واحد يسيبني ويروح لواحده غيري بعد ما يعرف اني بحبه لا ويروح يفضحني عندها ده انا والله لولا اني مش عاوزه اعمل شوشره والعيله تعرف لكنت مسحت بكرامته الأرض.. بس انا عارفه علي.. علي مغرور ورفضي له هيو"لع في قلبه حر" يقه وهيحس انه كرامته اتهانت.. وكده ابقي خدت حقي.

مغفلش عنها ملامح يوسف اللي اتبدلت بين ذهول ل راحه لفرحه.. بس قررت تعمل نفسها مخدتش بالها وكملت :

_انا هشوف حياتي بعيد عنه والعرسان اللي كنت برفضهم من بره هقابلهم واشوف الانسب ليا مش عند فيه لأنه ميهمنيش بس لأني مش هوقف حياتي عليه...

_وحبك له؟

سألها يوسف بهدوء منافي تماماً لمشاعره...

_انا طول عمري مؤمنه ان ميمحيش الحب إلا حب اقوي منه وانا بكل طاقتي هحاول احب الشخص اللي هوافق يكملني ويبقي شريك حياتي.. واتمني اني الاقي اللي يحارب معايا ويساعدني اني احبه بتصرفاته وكلامه ودعمه ليا.. وعلي فكره لو وافقت علي شخص انا هحكيله كل حاجه قبل ما نخطي اي خطوه سوا..

ابتسم بهدوء مغطي علي قلبه اللي بيرقص جوه بس كمان في هاجس خوف احتله وهو بيفكر ياتري ممكن تتقبله ك زوج وحبيب؟ ولا هتفضل شايفاه يوسف الصديق والأخ بس؟...

خرجت من عنده وجريت ناحية المطبخ وهي بتتلفت وراها عشان تتاكد انه مخرجش..

_خالتو... خالتو..

_ها عملتي اي؟.. قالتها خالتها بلهفه وهي بتسيب الاطباق وبتبصلها...

_انا قولتله اللي فهمتهولك والباقي عليكي بقي..

_عنيا متشليش هم..

_ماشي بس ادخليله دلوقتي واضربي علي الحديد وهو سخن.

_ماشي، ماشي روحي يلا انتي.

مشيت هي ودخلت امه له.. لاقته باصص قدامه وسرحان دخلت وهي بتقول:

_تصدق يايوسف خالتلك بتقولي ان ساره قالتلهم ان لو اتقدم لها عريس هتوافق تشوفه.. انا اتصدمت ده انا فكرت ان لما علي ساب نهي ساره ما هتصدق وهيكون عندها أمل انه يتقدملها.

فاق من افكاره وسرحانه علي صوت والدته فقال:

_وانتي عرفتي منين ان علي ساب نهي؟

اتوترت للحظات وهي بتقول في سرها " يالهوي البت ساره مقالتليش اقول كده انا بنيل اي بس"..

_ماهو.. ما هي خالتك قالتلي في التليفون.. المهم سيبك من كل ده اعتقد بقي دي فرصتك..

_فرصة اي؟

_فرصة اي! فرصتك تتقدم لساره..

بصلها بقلق ظهر عليه وقال :

_انا قلقان اوي.. مش عارف ساره هتشوف الموضوع ازاي.. حاسس انها هتقولي انها مش شايفاني غير صديق وابن خاله وبس وساعتها مش هكون خسرتها ك زوجه بس لا هكون خسرتها كصديقه وهيبقي في توتر في علاقتنا..

قربت منه وهي بتحط ايدها علي كتفه:

_ولو مخدتش الخطوه دي وحد غيرك سبقك هتفضل طول عمرك تندم انك مجربتش يمكن كانت وافقت... تحب اجس انا نبضها من بعيد لبعيد..

بصلها بتوتر ونفخ بضيق:

_مش عارف ياماما مش عارف... سبيني افكر في الموضوع شويه...

-ماشي يا حبيبي فكر كويس وشوف انت عاوز تعمل اي...

_____________

_يفكر اي ياخالتي انتي هتهزري! هو هيتشرط كمان!

_لمي لسانك يا قليلة الر"بايه.. انا ابني يفكر براحته مش يمكن مش عجباه..وخايف يتدبس فيكي.

_والله!

_يابنتي افهمي يوسف قلقان مش عاوز يخسرك..

_ايوه يعني اروح انا اطلب ايده واخلص!

_بت يا ساره هو انتي امتي بقيتي مسروعه علي الجواز كده؟

_لا مش مسروعه ع الجواز.. انا مسروعه ع الجواز من ابنك بس.... مش عاوزه اعطيه فرصه يفكر لأحسن بغبائه ده يقرر ميتقدمش.

_يابت ده انا اصلا مستغرباكي ومش قادره أصدق انك اتقبلتي موضوع يوسف بالسرعه دي..

_سرعة اي يا خالتي! انا بقالي ٣ أيام بفكر ليل نهار عيني مبتغمضش غير ساعتين بالعافيه من كتر التفكير... أنا واحده عاشت من يوم ما عرفت الحب تحب في واحد مش سائل فيها.. يوم بقي ما تعرف ان في حد بيحبها باكتر من حبها للشخص التاني وقرر يضحي بنفس تضحيتها فكرك مش هيأثر فيها! يوسف بعد ٥ سنين عن أهله واتغرب بسبب حبي وفضل يسمع اشعاري في التاني من غير ما يعترض ولا يقولي في يوم انا مش عاوز اسمع حاجه.. ولما عرف اني تعبانه جه جري عليا من غير ما يفكر انه بكده بيهد كل اللي عمله في ال ٥ سنين.. اللي هو اصلا منسنيش فيهم... لا واخرتها بيقنعني اوافق واعطي لعلي فرصه جديده... ابنك اهبل زيي بالضبط تحسيه شبهي في الخيبه فهنليق علي بعض اوي خدي بالك...

_ربنا يقدم الي فيه الخير يابنتي...

_بقلك اي يا خالتي ماتجبيه وتيجوا تتغدوا معانا بكره.

_وبعدين؟

_لا سيبي بعدين دي عليا.... قالتها بابتسامه خبيثه وهي ناويه تعمل كل اللي ممكن يحركه...

______________________

_سااااره.

_اي يا هبله انتي..

_بقالي ساعه بخبط وانتي مش سمعاني مين اللي واكل عقلك؟

اتنهدت وقالت:

_هيكون مين غيره اللي لخبطلي حالي من كام يوم ومبقاش ليا تفكير غير في موضوعه.

_علي..

_قطيعه... يوسف ياغبيه.

_والله معاكي حق انا لحد الان مش مصدقه انه بيحبك الحب ده..

_عارفه يا نور يوم ما قلي بحبك في المستشفي مكنتش متخيله انه بيقولها بجد..

_بصراحه هو عمره ماعمل تصرف يدل علي انه بيحبك الحب ده...

_لا طول عمره يوسف بيعمل بس انا اللي كنت معميه بحب علي.

_ودلوقتي؟

_قفلتي من علي يانور خلتني اشوف عيوب كتير اوي مكنتش شايفاها فيه... علي اناني ومغرور ومبيحبش الا نفسه. حتي نهي كان مجرد اعجاب عابر.. وميحبش اللي يقوله لأ.. بدليل انه بيقولي انه منتظر مني الموافقه لانه مش هيقبل بغيرها... مش حباً فيا لا لان كرامته مش هتسمحله اني ارفضه...

_وانتي هتعملي اي؟

_أبدا عزمته بكره علي الغدا...

_مين علي ولا يوسف؟

_الاتنين...

#

_نوفيلا ابن عمي ( البارت السادس). والأخير..

_تسلم ايدك ياخالتو الأكل جميل..

_لا يا يوسف انا اللي عامله الاكل مش ماما كمان عملتلك المكرونه بالباشميل الي بتحبها دوق كده.. قالتها ساره وهي بتقرب طبق المكرونه من يوسف الي قاعد قدامها.. تحت نظرات علي اللي هيطق من تصرفاتها ومستغرب انه من وقت ما طلع موجهتش له اي كلام اومال لي بعتتله انه يتغدي معاهم مادام بتتعامل وكأنه مش موجود ده حتي مرحبتش بيه لما جه وعمه هو اللي قابله...

_ها اي رأيك؟ عجبتك؟

_تحفه تسلم ايدك ياسوسو..

نفخ علي بعصبيه وضغط علي ايده وهو بيقول لعمه:

_عمي عاوزك في موضوع مهم بعد الغدا..

_ماشي ياعلي..

فهم يوسف ان اكيد علي هيطلب ايد ساره من والدها فبص لوالدته اللي بصلته بمعني انها هي كمان فهمت... حول نظره لساره فلاقي ملامحها ثابته وبارده تماماً وهي بتقول لي علي بتحدي:

_لو الموضوع مش سر يا علي ممكن تقوله هنا كلنا عندنا فضول نعرف...

هي عارفه كويس ان علي من النوع اللي بيحب التحدي ودايما بيحب يبقي هو الكسبان ونظرات التحدي اللي كنت بتوجهاله فهمها بسهوله فقال بتحدي اكبر:

_لا خالص مش سر..

سكت شويه وبعدين بص لعمه وقال:

_كنت حابب اطلب ايد ساره ياعمي ولو حضرتك موافق هجيب بابا وماما ونتقدم رسمي بكره..

طبعاً باباها اتصدم بس قال بعد سكوت شويه:

_انا.. انا معنديش مانع يابني يعني ده انا اللي مربيك ومش هأمن حد علي ساره زيك.. بس اهم حاجه رأيها..

_وهي موافقه ولا أي ياسو..

قالها علي وهو بيبص لساره بتحدي انها ترفض! حقيقي بجاحه وغرور مفيش زيهم...

رفعت ساره حاجبها بتحدي وسابت المعلقه من ايدها وقالت :

_بص ياعلي انا فضلت كتير اوي افكر في الموضوع ده... تخيل فضلت ٥ دقايق بحالهم افكر في اللي قولته وفي طلبك.. وفي الاخر قررت..

رفع راسه بانتظار وجملتها انها فضلت ٥ دقايق تفكر اثارت الشكوك في نفسه.. بس محبش يظهر ده وفكر انها ممكن تكون مخدتش وقت لانها موافقه من الأساس فابتسم بهدوء وهو مستني يسمع ردها اللي هو عاوز يسمعه...

كملت: - مش موافقه ياعلي انا استاهل حد احسن منك في الحقيقه..

وقف بعصبيه وهو بيقول:

_احسن مني اي انتي اتهبلتي وهو في حد احسن مني؟! اظبطي كلامك...

وقفت ببرود وابتسمت وهي بتتجه ناحية يوسف:

_اه في... يوسف..

قالتها وهي بتمسك ايده فوقف بصدمه وهو بيبصلها وبقه مفتوح شكله كان مضحك جداً... كملت :

_يوسف اتقدملي وانا وافقت...

طبعاً بابا وماما سكتوا لان خالتي كانت كلمتهم وقالتلهم ان يوسف عاوز يتقدملي..

قرب مننا بعصبيه :

_نعم! يوسف! بس الي اعرفه انك بتحبيني انا مش يوسف...

لتاني مره بيثبتلي انه فعلا مش أهل للثقه... فضحني مره قدام نهي.. وبيكررها دلوقتي قدام أهلي.. ضغطت علي ايد يوسف وكأنها بتستمد القوه منه وقالت :

_ بس مش انت احسن حد بالنسبه لي... ولا مش الإنسان اللي انا استاهله انا زي ما قلتلك استاهل احسن منك ويوسف مش احسن منك... ده برقبتك.

قرب منها بعصبيه وشيا"طين الدنيا بتنطط قدامه وهو بيمد ايده بيحاول يمسك ذراعها:

_برقبة مين يابت ا...

لاقي يوسف مسك ايده قبل ما توصلها وبصله بتحدي:

_ايدك ياعلي عشان مقطع" هاش..

_تق"طع ايد مين يلا هي هبت منك..

قالها علي بعصبيه وهو بيمسك يوسف من قميصه...

_علي احترم انك في بيت عمك واتفضل انزل من غير مشاكل..

قالها والد ساره وهو بيبعد علي عن يوسف اللي قلب الوضع فبقي هو اللي ماسك ايد ساره ومبتسم ببرود.. نزل علي ايده مغصوب وهو بيتنفس بصعوبه وأعصابه شايطه وبصلهم بغضب وتوعد ومشي.. وصل لحد الباب فسمع صوت ساره بتقول :

_علي... ابعد عني وعن يوسف وشوف حياتك بعيد عننا وبلاش غرورك وعنتظتك تخليك تحطنا في دماغك عشان منخسرش قرابتنا علي الأقل...

بصلها بعيون مليانه غضب وسابهم ومشي ورزع الباب وراه...

اتجهت بيوسف وهي لسه ماسكه ايده ناحية اوضه الصالون ومشي معاها باستسلام...

_يوسف انا اسفه اني حطيتك في موقف زي ده بس.. يعني اكيد ماما وبابا دلوقتي هيفكروا انك فعلا اتقدمتلي و... بص انت لو الموضوع هيضايقك انا بكره او بعده هقولهم الحقيقه.

بصلها بسكوت وهي بيدور كلامها في دماغه.. كانت واقفه علي نا"ر وهي مش عارفه اي رد فعله بتتمني ان كل اللي عملته يكون وصله بالشكل الي سعت ليه وميفضلش غباءه مسيطر عليه...

_ها يا يوسف قلت اي؟

قالتها بلهفه وهي متعمده تقطع تفكيره.. بصلها ثواني وقال :

_ولي تقوليلهم الحقيقه ماتسبيها ماشيه زي مهي...

_يعني اي؟

قالتها بلهفه واستعباط في نفس الوقت...

_ماتيجي نتجوز...

بصلته بذهول مش صدمه من الي بيقوله بس من طريقته... يوسف هتفضل دايماً طريقته مختلفه حتي في عرض الجواز!

_طب يا اخي اعرضها بطريقه الطف..

بصلها وعينه اتسعت بذهول.. هي معقول موافقه ومعترضه ع الطريقه! ده كان بيهزر.. هو فعلا قالها بهزار عشان لو ردت باعتراض ميتحرجش....

_انتي موافقه بجد؟!

_بس هو انت فعلاً عاوز تتجوزني ولا اتدبست!

-اتدبست... طب ياريت كل التدبيسات زي التدبيسه دي...

_انت عاوز تتجوزني بجد؟

_اجيبلك المصحف احلف عليه!

_لا خلاص مصدقاك..

_طب بقلك...

_اي...

_موافقه فعلا؟يعني مش هتقولي انت زي اخويا وكده..

_فكك من جو الافلام ده ياجو.. ده انا لسه طالبه ايدك قدامهم بره..اخويا اي!... بس بص يايوسف في كلام مهم لازم اقولهولك الأول...

_سامعك...

_هتتحمل معايا؟.. يعني انا آه ربنا يشهد اني اتقفلت من علي ومبقتش طايقه اشوفه خصوصا بعد اللي حصل بره بس اكيد لسه في جوايا حب له... بس عاوزه اقولك ان قفلتي دي... فرصه كبيره اوي ليا وليك لاني بسهوله اوي هقدر اخرجه من قلبي بشويه اهتمام منك ع حبت كلام حلو هتلاقيني بنسي اي حاجه جوايا له.. بس هل انت موافق ت...

_ده انا مش هنسيكي علي بس... ده انا هخليكي تنسي جوز خالتي نفسه...

ضحكت وقالت:

_يوسف مش بهزر..

_ولا انا بهزر خدي بالك انا انسان غيور جدا علي اللي يخصني.. ومش هسمح ان يكون في حد بتحبيه اكتر مني حتي لو جوز خالتي الراجل المحترم ده...

_يا يوسف!!!! ...

_وكمان كل يوم الصبح تقوليلي صباح الخير ياحبيبي وبو"سه.. وارجع من الشغل حمد الله على السلامه ياحبيبي وبو" سه.. وبعد الاكل بالهنا والشفا ياحبيبي و....

_ايييي... كل ده بو"س قفلتني.. بعدين احترم نفسك عيب كده...

_طيب بصي نتكلم جد بقي.... عدي علي صوابعك الحلوين دول ٣٠ يوم لو مخلتكيش تعترفيلي بحبك ابقي...

سكت ومكملش فقالت:

_اعطيك بوسه...

ضحك وقال:

_شااااطره لا بتتعلمي بسرعه يابت...

_______________________

بعد شهرين...

كانوا واقفين في شقه فاضيه...

_بصي انا بقول نعمل هنا سفره وجنبها نحط الركنه وهناك كده نعمل كورنر كوفي و....

_بحبك...

التف ليها بصدمه فكملت وهي بتقرب منه :

_بحبك يا جو...

_وحياة أبوكي!..

قالها يوسف بلهفه فضحكت وقالت:

_تمو"ت لو مبوظتش الجو...

_انتي يعني بتقوليها من قلبك كده..

_تؤ... من قلب قلبي... انت في الشهرين دول مش بس خدتني من علي ولا من اهلي لا انت خدتني من نفسي ومن حياتي يايوسف... بنام واصحي علي صوتك وطول اليوم معاك سواء فون ولا وش ل وش.. مفوتش فرصه الا واثبتلي فيها انك بجد بتحبني.. مفيش مره احتجتك غير لما لاقيتك معايا وفي ضهري.. ودايما مهتم بأدق تفاصيلي بتعرفني وبتحس بيا من صوتي.. انت عظيم اوي يا يوسف ولو فضلت عمري كله اعد فضايلك مش هخلص.. انت عرفت تخلق جوايا مكانه ليك غير كل الباقيين مكانه مختلفه ومميزه مكانتش موجودة جوايا قبل كده ولا حسيت بيها لدرجة اني حاسه انها اتوجدت ليك انت... انت وبس..

عينه دمعت من اللي بيسمعه وهو مش متوقع انه ممكن يسمع الكلام ده منها فعلاً.... ضحك بسعاده فظيعه وقال :

_طب بقلك اي...

_اي...

_ما تيجي نسهل المواضيع واقولك كلمة علي بالي

في بعدك ليه بتوه وبضيع في قربك يتقلب حالي...

ابتسمت بفرحه وهي بتبص للارض وبعدين رفعت راسها ووشها في حمره خفيفه من الكسوف وكملت:

_شغلت البال وايه بايدي وغيبت وطلتك عيدي

هكابر ليه ودايبة انا فيك وقعت خلاص بقي يا سيدي..

_ماتيجي نبدل الادوار واشوف نفسي بعين منك

ومش قصدي يا حلوة هزار انا والله مآمنلك...

_ومين قالك هتعرف يوم تعيش لو روحي صبحت فيك.. دة م التفكير هتنسي النوم تلاقي حياتي واقفة عليك..

_تعالي وشوفي بعنيا ملامحك لما تبتسمي

يا وردة ونبتت فيا ونستني حروف اسمي..

_هشوف الكون دا كله جميل عشان بعنيك هبان اجمل... يوماتي ياخدني شوق ويميل ولا احتاج احكي ولا اسأل..

_بحبك ياساره... بحبك اوي..

_وانا كمان ياجو بحبك اوي..

_انا هروح حالا ل جوز خالتي ويا يجوزني ياارتكب جنا"يه..

_يوسف اعقل الشقه مخلصتش..

_مش مهم نقعد في فندق لحد ماتجهز...

_حبيبي اعقل فاضل شهرين علي فرحنا مش كتير...

_حبيبي كمان... يالهوي عليا وعلي سنيني لا براحه عليا لأقع منك...

_بعد الشر عليك.. اجمد كده ده انا لسه مقولتش حاجه انا بسخن بس.... غمزتله وضحكت فضحك وهو بيبصلي بذهول وكأنه مش مصدق اني فعلاً واقفه قصاده وبقول ده....

_______________

_بس ياستي ده حكايتي مع باباكي...

ردت "ساره" بنتي اللي عندها ٧ سنين واللي صمم يوسف يسميها علي اسمي بعد خناقه كبيره بينا :

_بابي حلو اوي...

_بابي اجمل حد في الدنيا واعظم راجل في عيني...

_وأنتِ الست الوحيده اللي شيفاها عيني...

_بابي... جريت عليه ساره وهي فاتحه ايديها.. رفعها له وهو بيبو"سها وبعدين نزلها وخد ايدها وراح قعد جنب ساره وبا" سها من راسها وبعدين باس " زين" ابنهم الصغير واللي عمره لسه ٣ سنين...

_بعشقك يايوسف.. انت عوضي عن كل حاجه عشتها..

_وانتي مكافأة صبري لسنين طويله ومهما وصفت حبك في قلبي مش هعرف...

اتنهدت بسعاده وهو بدأ يلعب مع ساره وزين.. بصيت لهم بعيون بتلمع بالفرحه وسعاده علي حياتي اللي عمري ما توقعت تبقي حلوه بالشكل ده.. بنتخانق اكيد وبنزعل اوقات.... بس مهما حصل عمرنا ماننام زعلانين من بعض حبنا وحب يوسف ليا بالخصوص خلي كل حاجه تعدي وتهون.. يوسف عظيم ومفيش كلمه تانيه بعدها..

بالنسبه ل نور اتجوزت برضو وخلفت يوسف... ايوه انا اللي غصبتهم يسموا يوسف... مش صاحبتي يبقي اسمي ابنها بمزاجي !..

اما علي.. فهو اتجوز كمان بس دايما في مشاكل مع مراته ومعظم الوقت بتسيب البيت وتمشي واللي مخليها مستحمله هو ابنها"حمزه" سمعت ان سبب المشاكل بسبب تحكم علي في كل حاجه في حياتها لدرجة الخنقه.. ولاسباب تانيه هو السبب في معظمها..

يوسف خلاني نسيت اي حد ومبقتش شايفه غيره فعلاً.. ولحد الآن ميعرفش اني قرات مذكراته.. غير لما هو وراهالي يوم الفرح... عارفين كل يوم ببقي فخوره انه بقي جوزي...

" ومهما قلت عن حبك كلام الكون ميكفيش.. ولو عشت عمري احمد ربنا عليك هحتاج عمر فوق عمري.. يا اجمل عوض جالي.. يا أعظم راجل في الدنيا ولو قلنا دي مبالغه.. يبقي يكفي إنك اعظم راجل في عيني" (ناهد خالد)

تمت♥️

نهض رضوان عن مكانه وتحدث "بنبرة عاليه"طب تعالو ياجماعه نقعد في الصاله شويه ..ونسيب العرسان مع نفسهم شويه ..

انفرجت اسارير أمير عند سماعه لهذا ....نهض الجميع بالتوالي ..تاركين أمير مع سارة بمفردهم ..

تسارعت دقات قلبه ..رمقها بوله ..ثم تحدث بلطف "ازيك يا أنسه سارة..

استدارت له بوجهها ورمقته بابتسامه عذبه "بخير ..ازي حضرتك ..

اقترب منها جالسا علي الكرسي المقابل لها ..تمتم بابتسامته"حضرتك ايه بس ..ياريت ميبقاش فيه ألقاب !!

تنحنحت بحرج.."أحم. ماشي"

انتي تعرفيني "قالها بتساؤل"

تأملته جيدا ..ثم عقدت حاجباها ..وقالت "لأ"

زفر ضيقا ..انا معيد عندك في الكليه ..!!

سارة"بثبات "انا معرفش غير الدكاترة اللي بيدرسولنا ..ومليش علاقات هناك كتير ..

تأملها قليلا "ثم هتف "تعرفي اني حاولت أكلمك كام مرة من ساعه ماشوفتك !! ثم تابع ..كتير جداا "وكل مرة كنت بحاول اقربلك فيها او اكلمك ..كان بيزيد اعجابي بيكي اكتر واكتر ..

اومأت برأسها بابتسامه ..وأصرت الصمت ..وضعها محرج .ونظراته لها تزيد احراجها ..

مش عايزه تسأليني عن حاجه "قالها بلطف"

تمتمت بخفوت "مفيش عندي اسئله حاليا ..

أمير:عموما مع الوقت هنتعرف علي بعض ونفهم بعض أكتر...

هتفته بنصف ابتسامه"انشالله"

.....دخلت عليهم هايدي بعد ان تنحنحت قليلاا ..وهتفت "ياللا ياعرسان العشا جاهز ..

.....................

أخذ سيارته وسار بها في الشوارع علي غير هدي..قاد بسرعه . ..يضرب علي المقود بغضب بالغ ..بعد أن وصل من الغضب اقصاه ..يتنفس سريعا من فرط غضبه ..صدره يهبط ويتصاعد بوضوح ..

"أصر علي أسنانه بغيظ" وهدر بصوت عالي غاضب "اما ربيتك مبقاش انا يابنت ال.... والله لاخليكي تذليلي يا.... "وتعالي صوته بالسباب "

وقف بسيارته بشكل مفاجئ ..اندفع للامام علي اثرها ..نظر للفراغ حوله ..اطبق علي جفنيه بغضب وهو يصر علي أسنانه .. شعر بألم شديد برأسه ..وضع يده علي راسه ..ثم نفض عنها يمينا ويسارا وأمسك المقود وأكمل قياده..

..............

دلف رضوان الي منزله بعد يوم شاق ..سواء بالعمل او ماحدث بمنزل يوسف ..استقبلته زوجته أروي علي الباب وخلعت عنه جاكيته..

تحدثت بلهفه"هاا احكيلي ايه اللي حصل من اول طقطق لحد سلامو عليكو"

زفر طويلا "احكيلك اي ..ده كان يوم مايعلم بيه الا ربناا ..دماغي هتتفرتك م الصداع..

تحدثت "بنبرة يملؤها القلق"قصدك اي يارضوان ..ايه اللي حصل العريس معجبش هايدي..

قهقه عاليا حين ذكر اسم هايدي"هو انا مقولتلكيش "وعلي صوت ضحكاته"مش هايدي دخلت وشايله العصير ..ع اساس انها العروسه ..تمام

هتفت أروى "بنفاذ صبر "هاا يارضوان اخلص ..

رضوان:جايلك بالكلام اهو ..المهم هايدي قعدت ..الاقيلك ام العريس والعريس بيقولو فين العروسه ..

هتفت اورى "بصدمه"نعععععم!!

اكمل رضوان "نفس اللي قولته بالظبط ..لحقت الموضوع واتاري قصدهم علي مين ؟!

علي سارة ..

اروى"بصدمه وفم مفتوح"نععععم!!

اكمل رضوان"اهو ده نفس اللي قاله يوسف بالظبط ..

اروى:وبعدين..

اراح رضوان بظهره للخلف واستند بساعده علي يد الأريكه ..بعدين ايه ..هايدي طلعت ندهت ل سارة ونزلت

أروي"بضجر"كمل يارضوان والله انت هتشلني ..

مفيش جناب المستشار ..طلب ايدها من يوسف وامك.. وامك قالت الرأي رأيها وسارة وافقت ..

أروى"باندهاش"وافقت !!ايه ده ..طب ويوسف ؟!!

رضوان: يوسف محدش يعرف راح فين ..فجاه كده قام وسابنا ومشي ..

كان يوم صعب اووي ياحبيبتي..

الله يكون في عونك ياماما "قالتها أروي بحزن"

رضوان "متسائلا"ليه؟!

اروى:كانت فرحانه اوي انهارده وانا بكلمها في التلفون ..نفسها تفرح بهايدي اووي..

رضوان "تنهد باريحيه"كان يوم غريب ولا الافلام الهندي ..

نهض عن مكانه وهو يخلع عنه قميصه بتعب ..

اما اروح اغير بقي ..اروي لو عندنا بنادول هاتيلي حبايه دماغي هتتفرتك ..

هتفت من خلفه "بكرة بدرى هاخد العيال واروح لماما ..عشان اعرف اللي حصل !!

اشاح رضوان بيده وتحدث بتعب "ماشي "..

...................

"عند يوسف" صفق باب سيارته بغضب بعد ان استوقفها امام المنزل وليس بمكانها 'الجراج'صعد الدرج الخارجي بخطوتين ..دخل المنزل ..الهدوء يسود المكان ..الانوار مغلقه ..نظر بساعة يده -وجدها الثالثه صباحا- ملامحه غير مبشرة -نظر لاعلي ..ثم صعد الدرج سريعاا ..نظر طويلا لغرفة سارة نظراته مليئه بالغل ..قبض علي كفه بقوة ..تسائل بنفسه

"اروح أكسر عليها الاوضه دلوقتي ..اكسر ايه ..انا لو شوفتها هقتلها .."

استدار بعنف وسار بخطوات غاضبه صوب غرفه أمه ..قرع الباب بعنف ..فزعت اميمه علي اثرها ..وفتحت سريعا ..

أميمه "بقلق"مالك يايوسف في ايه "صعقت من مظهره ..

وجهه محتقن اعصاب وجهه بارزه وايضا عروق عنقه ..

يوسف"ازاحها عن طريقه بخفه"ثم هدر بعنف "عجبك اللي حصل انهارده ده ..

فهمت أميمه مايرمي اليه ..لا طبعا مش عاجبني ..بس هنعمل اي !!اللي حصل بقي..

اكتظ صوته وصاح عاليا "يعني اي اللي حصل ..الخطوبه دي مش لازم تتم ..

اميمه:ملناش دعوة يايوسف ..طالما سارة وافقت ورغبتها كده هنعمل اي يعني؟!!

تحرك من مكانه بانفعال واضح وهدر بنبرة أعلي "رغبتها ..رغبتها دي تحت جزمتي ..غصبا عنها تعمل اللي انا اعوزه واللي اقوله هو اللي يمشي..

أميمه"وقد ساورها الشك"وانت مالك يايوسف اي اللي مزعلك ؟!

اغلق فمه لحظه ..انتبه لحاله

قال وهو يوليها ظهره كي لا تكشفه "مضايق عشان هايدي..اكيد زعلانه..

هتفته أميمه بسخريه"هايدي..ده هايدي معملتش ربع اللي انت بتعمله ده ..اي الحكايه بالظبط يايوسف ..

اشاح لها بيده وهو يخرج من غرفتها هروبا منها قبل ان يفتضح أمره"يوووه ..اللي قولته هو اللي هيمشي ..ثم ارتفع صوته بشكل متعمد وهو في الممر الموصل للغرف ببعضها ..وهدر بغضب جلي ..الخطوبه دي مش هتتم ..ويانا ياهي !!

دلف الي غرفته ثم صفق الباب بعنف ...

اما عن "سارة" كانت حاضره للموقف من أوله ..تسمعت علي صياحهم من خلف باب غرفتها ..شعرت بنغزه قلبها ..وضعت يدها صوب قلبها..وضربت بخفه عليه وهتفت ..خيير ..خييير ....ابتلعت ريقها بصعوبه ..وتوجهت صوب الفراش ..توسطته .. محاوله تجاهل كل ماحدث والخلود الي النوم .............

...........

في شركه "الزيني "بمكتب رضوان ..

تفاجأ بيوسف أمامه بعد ان دفع الباب بكل قوته ليصطدم بالجدار ..

انتفض رضوان من كرسيه ..ثم هتفه ببلاهه ..اومال انت فين يابني من امبارح ..

وصله الرد من يوسف بلكمه مدويه علي انفه .."انت السبب"قالها يوسف بعد ان لكمه بانفه ..

أمسك رضوان أنفه بكفيه واحني رأسه للأسفل كي يوقف نزيف انفه ..وهتف بوجع "انا السبب في اي يامجنون ..انا عملتلك اي..

يوسف وقد صدح صوته ..انت اللي جيبته ..زي ماجيبته ..مشيه ..خلصني منه !!

رضوان"مضيق عينيه "قصدك أمير..

هتفه يوسف سريعا "قصدي زفت "انهي معاهم الموضوع زي مابدأته ..

رضوان:انهي اي يامجنون ..منتا لو كنت قاعد معانا امبارح كنت هتعرف اننا حددنا ميعاد للخطوبه بعد اسبوعين ..

عقد حاجباه بصدمه وزاد خفقان قلبه ..ايه ..انتو حددتو كمان ميعاد ..

اقترب من رضوان بعد ان كور قبضته ليلكمه ثانيه ..ولكن رضوان لن يقع بفخه مرتين تفادي الضربه بمهارة ..

رضوان :اعملك ايه منتا اللي مشيت وسيبتني معاهم ..!!

هدر يوسف بغضب"مفيش خطوبه هتم ..

رضوان"نعععم ..هتصغرني مع الجماعه يعني!!

يوسف:واصغر اللي جابوك ..طالما معملتليش اعتبار..

رضوان :اعتبغر اي اللي اعملهولك سارة ..قطمت الكلام لما قالت انها موافقه ..

يوسف بعد ان جذب مطفأه السجائر وقذفه بها ولكنها لم تصيبه ..بنت ال...متفكرنيش هي قالت اي..

صدم رضوان من حال يوسف ..لم يسبق وان رأه بهذا الحال من قبل ..

هتفه بتساؤل "وانت مالك يايوسف اي اللي مضايقك !؟

يوسف"وقد نفذ صبره"هو كل حد اكلمه يقولي اي اللي مضايقك!! هايدي يااخي ..هاايدي اختي زعلانه ..مش هاين عليا زعلها ..

رضوان "وقد تبدلت ملامحه للاستغراب ..هايدي؟!!

قوس فمه ورمقه باستهزاء ..

"ده ع اساس اني مكنتش شايف هايدي امبارح ..

هاتها ع بلاطه يايوسف ..وقول اي اللي مضايقك ..رمقه يوسف بغضب ولم يجيبه..

تابع رضوان حديثه"اقولك انا اي اللي مضايقك ..اللي مضايقك هي ساره ..قولتلك قبل كده انت بتحبها ولا لا ..كابرت وقولت لأ..

انتفض يوسف بانفعال واضح ثم صرخ بغضب ..بنت ال... انا مستحيل احبها وانت عارف كده انا بكرهها بكرهها . بس والله لاوريها ..شرع بالخروج من مكتب رضوان ..

جذبه رضوان من ذراعه ..يوسف لو عرفت انك ضايقت سارة انا هزعلك ..

يوسف :"بنفس نبرة رضوان المحذرة"والخطوبه دي لو كملت كلكو هتزعلو!!

جذب ذراعه من قبضه رضوان وغادر والشرر يتطاير من هيئته ..

مال رضوان برأسه للخارج ..وجد الموظفون متجمعون امام مكتبه يتسمعون علي صياحهم ..

هتف بهم رضوان "بنبرة حاده"متهيالي كل واحد يشوف شغله أحسن ..

ثم استدار ورمق سكرتيرته يسرا "بحيرة" رمقته ب"ببرود متعمد"

دلف لمكتبه واوصد الباب ..وجلس علي مكتبه ليباشر عمله ..

..........

بمني كلية التجارة ..جامعه القاهرة ..

من داخل قاعه المحاضرات ..تجلس سارة وصديقتها رغد في اخر القاعه في انتزار دكتور ماده "مبادئ الاحصاء "

رغد"بابتسامه واسعه" ايه ده ولا الروايات اللي بقراها

سارة:اه والله حاجه غريبه فعلا ..

رغد :طب وانتي وافقتي ليه ؟!

سارة "لما بصيت ليوسف ولقيت الشر بيفط من عينه ووشه احمر ..محستش بنفسي غير وانا بهزلهم راسي اني موافقه ..

رغد:يخربيتك ..طب واي اللي حصل!!

سارة:الدنيا مقلوبه من امبارح ويوسف جه قبل الفجر وقعد يزعق مع مامته ..

يم تابعت بحزن "حتي طنط حاسه انها متغيرة معايا"

رغد:اكيد ..مش كانو مفكرينه جاي لهايدي ..

عموما خلي بالك بقي ..عشان يوسف مش هيجيبها لخير ..

وضعت ساره كفها علي قلبها ورددت "خيير ..خييير ""

دلف دكتوى الماده الي القاعه ..ساد الصمت وظهر صوت الدكتور الجهورى"بالقاء التحيه علي الطلبه ..!!

..يتبع!!

بمنزل يوسف..التوتر سيد الموقف ..الاجواء مشحونه ..حضرت اروي ظهرا كي تري امها وتقص عليها تفصيلا ما حدث أمس!!

اروى"تشير بيدها "والنبي ياداده فاطمه خدي رودي ويوسف وافتحيلهم اي قناه كارتون يتلبخو فيها شويه ..

حضرت فاطمه بخطوات بطيئه مالت علي الصغار وأمسكت بأيديهم ..وساروا معها صوب التلفاز ..

اعتدلت أروي بجلستها واتجهت بوجهها لأمها ..ها ياماما ..كملي..

تململت أميمه بجلستها :ومسحت بكفيها وجهها بتأني .."يوسف علي أخره ومصمم ان الخطوبه متحصلش.."

اروي "بنبرة استغراب"انا اصلا مستغربه ازاي سارة توافق ع العريس وهي شايفه انتو كنتو عايزينه لهايدي!!

أميمه"بغيظ"ماهو ده اللي مضايقني ومضايق يوسف . ايه للدرجادي مبتفهمش..

اروى"زمت شفتيها"معرفش حسيتها حركه لئيمه منها ..مش قادرة ابرر اللي عملته !!

أميمه "بنبرة هادئه"حرام ..انا اقول شهاده حق ..البت دي من يوم ما جت هنا وهي طيبه وف حالها ..عمرها لا اشتكت ولا سمعت حاجه منهاا..

أروى"انا كنت بحبها اووي ..بس بعد حركة امبارح وانا مش طيقاها ..لازم ترفض العريس ده ..منعا للمشاكل ..

أميمه:لاا ..ملناش دعوة ترفض تقبل ..هي حرة ..انا عندي بنات ..مقدرش اجي علي بنت زيهم ..

اخاف ربنا يقعدهولي فيكو

أروى"طب وهايدي عامله اي بعد موقف امبارح ..زعلت كتير؟!!

أميمه "اعتدلت للامام وهتفت باستغراب"اهي دي بقي اللي مش فهماها ..ده البت اول ماسمعت اسم سارة وانها العروسه والضحكه بقت من الودن للودن ..ورقعت الزغروده اللي تسمع للصعيد ..

أروي"غريبه يعني ..بس هقول اي الحمدلله انها متأثرتش اووي والا كانت هتتعب كالعاده ..

أميمه:يمكن ده اللي هداني شويه بعد موقف امبارح..

نهضت عن مكانها بعجاله هتفت ابنتها وهي تسير صوب المطبخ ..اما اقوم اطبخ الغدا..هتفتها اروي من خلفهاا..

هقلع الهدوم دي والبس اي حاجه من عند هايدي واجي اساعدك ..

نهضت من مكانها وصعدت الدرج متجهه صوب غرفة اختهاا ..

...................

بكليه الحقوق "خرجت هايدي من قاعه المحاضرات بعد ان انتهت المحاضرة ..ممسكه هاتفها بيد تضغط عليه للاتصال ..واليد الأخري تحمل الكتب والملازم ..وضعت الهاتف علي اذنها بانتظار الرد ...واخيرا جاءها صوت 'جمال'..

احتد صوتها وهي تهاتفه"انت فين كل ده ..مبتردش عليا ليه ..

جمال:.....

هايدي:يعني اي مسافر تتفسح مع اصحابك ..طب والكلبه اللي انت مرتبط بيها مش تعرفها ..بدل منتا سايبني مش عارفه راسي من رجلي!!

جمال:.....

هايدي:لا مش هوطي صوتي ولازم اشوفك ونتكلم وتحط حد للموضوع ده بقي..

جمال:.....

هايدي:طالما هتيجي بكرة انا كمان هجيلك بكرة بعد الكليه عشان اخلص..

انهت المكالمه معه دون ان تنتظر رد منه ..اغلقت الهاتف بعنف ..ثم ألقته بحقيبتها باهمال ..وتوجهت صوب الدرج للنزول ..

............

تقف سارة ورغد صديقتها أمام بوابه الجامعه ..تشير ﻻاي سيارة أجرة بالتوقف ..جائها من الخلف صوت أمير"

ساره ..أنسه سارة"

التفت سريعا هي ورغد ..مالت عليها رغد بمداعبه"ايه ده ..هو ده العريس!!

لكزتها سارة في كتفها ..

ابتسمت لأمير ..الذي اقترب منهم ..مد يده بالسلام لسارة ..مدت يدها له ..اطال بالسلام وهو يرمقها باعجاب..جذبت يدها من يده بحرج ..وهتفت 'رغد صحبتي'استظار براسه لرغد وابتسم لعا ابتسامه واسعه ..

ثم وجه حديثه لسارة"ها انتي خلصتي محاضراتك ولا اي؟!

سارة:ايوة ..ومروحين اهو..

أمير:طب ياللا عشان اوصلك!!

سارة"بامتنان"لأ شكرا ..مفيش داعي..

امير:لا ازاي دانا جاي وراكي مخصوص عشان اوصلك و..

اقتطع حديثه وهو يتنحنح بحرج

قصدي ..يعني شوفتك وانتي خارجه وقولت اوصلك ..

نظرت سارة لرغد ..اومأت رغد لسارة بالموافقه علي طلبه ..

رغد :طيب همشي انا بقي ياسو..

سارة :موجهه حديثها لأمير ممكن نوصل رغد في طريقنا ..

أمير"بثبات"طبعا طبعا "اتفضلي ياأنسه رغد..

رغد'بحرج'لا مش عاوزه اتعب حضرتك ..هاخد تاكسي ..

أمير "باصرار"اتفضلي نوصلك في طريقنا .مفيش تعب ولا حاجه ..

فتحت رغد الباب الخلفي للسيارة ..في حين ان أمير كان يستدير حول سيارته لكي يفتح الباب الامامي لسارة ..ولكنها احبطته عندما رأها تجلس بجوار هايدي بالخلف ..

قوس فمه بغيظ ..وتمتم ""ايه الورطه دي""..دلف الي السيارة وجلس علي مقعد القياده ..ظبط المرآه حتي ظهر بها وجه سارة ..

رمقها بابتسامه عذبه ..احرجت من تصرفه فأشاحت وجهها عنه بحرج..

وانطلقا بالسياره لايصال رغد اولا ..

.. ........

تجلس يسرا علي مكتبها بشركه الزيني ..مكتبها بجوار مكتب رضوان..كانت تتحدث بالهاتف بصوت منخفض مع سماح شقيقتها ..

يسرا"بصوت منخفض"يعني مش قادرة تصبري اما اجي البيت واحكيلك ..

سماح:.....

يسرا:طيب ..هو عموما م الصبح مش علي بعضه وكل شويه يندهلي ..هاتي ورق معرفش اي يايسرا ..خدي ورق معرفش اي يايسرا ..وانا مسقعالو ع الاخر"وضعت يدها علي فمها كي لايعلو صوت ضحكاتها"

سماح:......

يسرا:لأ هسيبه شويه كده .عشان يتلحلح شويه ويجي بقي ..

عارفه يابت لو الموضوع ده حصل ..داحنا هنتنغنغ ..انتي متعرفيش رضوان ده ..ده علي قلبه اد كده ..

"تم تأففت"يوووه اقفلي اقفلي بيتصلي علي تلفون المكتب ..اما اشوف عايز ايه؟!

أغلقت الهاتف سريعا مع شقيقتها ..وأمسكت بهاتف المكتب ..

"بنبرة جديه مصطنعه"ايوة يافندم ..

..حاضر هجيب الملف وادخل لحضرتك ..

اغلقت الهاتف ..فتحت درج مكتبعا وأخرجت مرآه صغيره ..نزرت لنفسها باعجاب قامت بتظبيط شعرها ..ثم اخرجت أحمر الشفاه من حقيبتها ووضعت قليلاا منه علي شفاهها ...

دخلت عليه بعد ان استأذنت بلطف للدخول..

ابتسمت بنصر ..فمجرد رؤيته هكذا يعتبر نصر لها ..

اتفضل يافندم الملف اهو .."هتفت وهي تناوله اياه"..

امسك منها الملف ثم جذبها من يدها سريعا ..قال بحزن..متغيرة معايا ليه ..

هتفت "حضرتك اللي عاوز كده ..

رضوان :بحيرة..ومين قالك اني عاوز كده ..استقام بوقفته مقابلها ..

انتي عايزه ايه وانا اعمله ..

هتفت بدلال بعد ان وصلت لمبتغاها ..انت عارف انا عايزه ايه ..

زفر بضيق نظرا لحاله"خلااص وانا كمان مبقتش قادر ..

وضعت كفها علي كتفه بدلال ومالت براسها عليه ..ولا انا كمان يا قلبي ..

"ليس لديه عذر ..متزوج من امرأه يحبها وتحبه ولديه منها اولاد ..متفاهمه معه وعلي قدر من الجمال ..قصة رضوان ليست قصه او روايه للتسليه ..واقع وحدث امامي ..لم يكن له عذر ..حاولت جاهده التماس اعذار ولم أجد"..

.................

قامت بتوديع صديقتها رغد من شباك سيارة أمير..ثم توجههت ببصرها اليه وهتفت مبتسمه..خلاص تقدر تطلع دلوقتي..

التف اليها امير برأسه وقال ..تيجي تقعدي اودام ؟!

هتفت سارة بحرج"لا انا مرتاحه كده.."

تافف بصمت ثم اندفع بسيارته ..

يتبادلون النظرات بمرأه السيارة ..نظرات تارة وابتسامات تارة اخري..

هتف بعد فترة من الصمت"انتي ساكته ليه ..

سارة:انت كمان ساكت..

أمير"يرمقها في المرأه"هو كل مرة انا اللي هتكلم ..

اتكلمي انتي بقي مرة من نفسي .

ابتسمت ابتسامه واسعه حتي بروت اسنانها"مممم ..طيب اقول اي..

التفت اليها وهتفها "ايه رابك ننزل اي مطعم نشرب حاجه ..او نتغدا سوا..

هتفت باسف"للاسف مينفعش ..مستأذنتش حد "

احبطته ثانيه..قال "انتي عايشه عند عمك من امته..

تبدلت ملامحها سريعا للعبوس علي ذكر سيرة بيت عمها ..انا في مصر بقالي سنه ونص قعدت حوالي سنه في بيت اخوات ماما ثم تابعت بحرج"ومرتحتش هناك"وبعدين مرات عمي طنط أميمه خدتني عندها ..

قال باستفهام"جايه مصر بس من سنه ونص..غريبه ..

تاملته بفضول"غريبه ليه"

انير "يعني لكنتك المصريه حلوة اووي ..كانك عايشه هنا بقالك سنين..

سارة:احنا كنا فعلا مهاجرين امريكا ..بس المنطقه اللي كنا عايشين فيها كان فيها عرب كتير ..وايام مدرستي كنت مصاحبه مصريين كتير وكنت بتكلم بلهجتهم ..حتي بابا الله يرحمه ..كان ف البيت كل كلامه مصري..

أمير :قولتيلي بقي..

مقولتليش ..ايه رايك فيا..

تفحصته باستغراب"مش فاهمه ؟!

أمير"احم ..قصدي يعني رأيك فيا بما اننا هنتخطب قريب وكده ..

سارة "اومأت له بابتسامه "وضحت له مدي رضاها عنه ..

تنفس باريحيه "يعني افهم من كده اي..

سارة :حلو كويس ..مبدأيا يعني. .

التفت لها وهو يرمقها بوله ..

هتفت مسرعه وهي تضرب علي الكرسي ضربات خفيفه ..استني هنا ..هنا..

نظر امامه مضيق عينيه بتساؤل ..هنا ..لسه البيت اودام ..

هتفت "لا هنا أحسن ..عشان بس محدش يقولي حاجه ..

ترجل من سيارته واستدار سريعا لها كي يفتح الباب ..ترجلت وقفت امامه وقالت "بامتنان "شكرا علي التوصيله ..

مال قليلا ليصل لمستواها ..مفيش بينا شكر ..ثم اخرج هاتفه من بنطاله :ممكن بقي رقم تلفونك ..عشان ابقي اكلمك ..

املته الرقم ..وتبادلو السلام ..ظل مكانه حتي غابت عن عينه ..صعد سيارته وغادر بها والابتسامه لا تفارقه..

..............

تجمعو علي المائده للغداء عند حضور رضوان ..

أروي:مش نستني يوسف اما يجي عشان نتغدا سوا..

رضوان:وهو فين يوسف ..انا فكرته هنا ..جه شويه الصبح ومشي ..والشغل علي بعضه..

أميمه:بتصل بيه الموبايل مقفول ..

"تورترت سارة اكثر ..تحركت علي كرسها بصمت ..ولم ترفع بصرها عن طبقها ..

اروى"بتهكم"وانتي ياسارة هتعملي ايه!!

سارة"مستفهمه"في ايه؟!

اروي"زفرت بحنق وهتفت"هو اي اللي ف اي؟!!ف العريس اللي جاي

تنحنحت سارة بحرج "ولا حاجه ..طنط وابيه رضوان حددو ميعاد الخطوبه ..

قاطعتهم أميمه قبل ان تتعقد الامور اكثر"خلاص يا أروى ..كملو أكل وبعدين ابقو اتكلمو..

رضوان"يلوك بالطعام بفمه"عامله ايه في الكليه ياسارة ..مرتاحه

سارة:اه الحمدلله ياأبيه

هايدي"متدخله في الحوار" دانا بقالي اربع سنين في حقوق ومش عارفه اصاحب حد ..

هي لسه مكملتش ترم هناك وليها بيست وزملا وكمان جابت عريس "وقهقت عاليا"

تبادلت هي ورضوان الضحك والمرح ..

وسط نظرات حنق من اروي لسارة ..وعدم اكتراث من أميمه..

..........

خرج يوسف من المصعد متجه صوب شقته الموجوده باحدي المباني الفخمه ..دلف للداخل بمفاتيحه الخاصه..منزل واسع عبارة عن بهو كبير وخمس غرف ومطبخ علي التراث الامريكي ومرحاض بغرفه النوم واخر بالخارج..

القي بجسده علي الاريكه بتعب ..ثم رفع قدميه ..تجول بعينيه في المنزل ..امسك هاتفه وضعط عدة مرات ..حتي جاءه الرد ...

ايوة ياعبده ..اطلع نضفلي الشقه دي دلوقتي..

اغلق الهاتف دون ان ينتظر رد الأخر..

قام بالاتصال مرة اخري ..

الو ..ايوة ياأمي ..

اميمه:....

انا في الشقه بتاعتي..

أميمه:....

يوسف:لا متقلقيش عليا ..انا هنام هنا ..استقربت المسافه م الشركه لهنا وكنت تعبان ..

اميمه:.....

يوسف:مش وقته ياأمي ..مصدع وعايز انام ..

غلق معها ثم القي هاتفه بأهمال علي المنضده المجاورة له ..اطبق علي جفنيه بتعب ..واخذ يمسح بكفه مقدمه رأسه ..ثم نهض من مكانه توجه صوب غرفة النوم الكبيره ..دلف لداخلها وقام بفتح خزانة الملابس واخرج منها ملابس داخليه وبنطال من القطن لونه اسود ..وسحب منشفه ..وتوجه صوب المرحاض الموجود بالغرفه بخطوات متعبه ..كي ياخذ حماما منعشاا ..يزيل به تعب وتفكير دام يوم وليله ..

...........

..يتبع..

بمنزل رضوان ..

بحجرة نوم رضوان واروى ..يدعي رضوان النوم وايضا اروي ..

زفرت اروي بضيق بعد ان تململت علي الفراش ..تحركت من مكانها بضيق وقامت بفتح ضوء المصباح المجاور للفراش.. توجههت بصرهها صوب رضوان الذي يوليها ظهره ..ضربت علي كتفه ضربه خفيفه ..

أروي:رضوان ..قوم انا عارفه انك صاحي ..

أطبق علي جفنيه بشده لاكتشاف امر ادعاؤه للنوم ..

استدار ببطء شديد لها ..واخذ بفرك عينيه .. تمتم بخفوت"في اي ياحبيتي"

اروي"عايزه اتكلم معاك شويه ..ممكن!!

رضوان "يضيق عينيه بدهشه"دلوقتي ده الساعه داخله علي 3الفجر!!

أروي:اه دلوقتي يارضوان ..مانا مبقاش بعرف اتكلم معاك كلمتين علي بعض..

ارتفع عن مكانه قليلا بعد ان اسند الوساده خلف ظهره..

تنهد طويلا ثم هتف...مممم خير..

بشكل مفاجئ هتفته اروي"انت متغير معايا ليه!!

رضوان:متغير معاكي ..مين قالك اني متغير معاكي..

اروي:انا حاسه انك متغير معايا ..متكدبش احساسي ..

رضوان :مفيش حاجه ياأروي ..ضغط في الشغل مش اكتر..

اروي :طول عمرك مضغوط في الشغل ..في حاجه غريبه!

رضوان:مفيش حاجه ياأروي متخليش الشيطان يلعب بعقلك ..

اروي:اوعدني متخبيش عني حاجه ..لو قصرت نحيتك بحاجه قول..

رضوان"استحقر نفسه الف مرة وهتف بحب صادق 'اناي عمرك ماقصرتي ولا هتقصري ..انا اللي مقصر ..

جذبها من راسها برفق ..وضعها بلين علي صدره اخذ يمسح شعرها بحنان ..ثم طبع قبله رقيقه علي جبينها ..

استكانت اروي في حضنه باستسلام واستجابت له بوله ..لم يكن مجرد زوج ..بل حبيب واخ وصديق ..تربت علي يده من صغرها ..حاولت ان تطرد احساسها وتكذبه حتي لاتعكر صفو اللحظه ..ف هي الي الأن لم تري منه غير كل حسن ..حتي وان قصر وتغير قليلا

................

هو انا مش هشوفك غير كل فين وفين زي الاغراب ..

قالتها سهر وهي تسير بخطي ثابته مستقيمه صوب يوسف الذي كان يوليها ظهره ..كان موجود بالنادي يشرب كوبا من الشاي ..

استمع لصوتها ..زمجر بخفوت ..وهمس"اصل انا كنت ناقصك انتي كمان"

جلست بجواره ..وترمقه بعتاب وشجن ..انا زعلانه منك اووي..تقريبا اسبوعين مشفتكش..حتي مبيهنش عليك تتصل تطمن عليا..

يوسف:اتصل اطمن عليكي ليه ..منتي كويسه اهو وبعدين منتي قولتي شايفين بعض من اسبوعين ..عايزه ايه تاني!

سهر"بخبث"وهي ترفع شعرها من علي وجهها "عايزه كتير طبعا ..انت ناسي اننا مرتبطين!

احتد صوته "سهر ..فكك مني ..انتي عارفه اني مش هرتبط بيكي ولا بغيرك..

بنفس حدة صوته اجابته"لا ياجو ..مش بكيفك ..تعلقني بيك بمزاجك واما تزهق ترميني!!

يوسف:ارجعي بذاكرتك لورا ياسهر ..وافتكري كويس ..انتي اللي عملتي اي عشان توصليلي .."ثم أكمل بوقاحه"

ومفيش حاجه عملتهالي الا وخدتي تمنها..

سهر وقد اهتزت نبرتها غيظا "واديك قولتها ..يبقي مش هسيبك لغيري بسهوله ..

يوسف" رمقها باستهزاء ..صدقيني انتي بتلعبي لعبه انتي خسرانه فيها ..

ضربت الطاوله بعنف ..بعد ان وصلت لذرة الغضب "انا مش هخسر ياجو ..وهتشوف بنفسك .. ازاحت الكرسي بغضب ثم مالت علي اذنه تهمس بفحيح :ابقي سلملي علي طنط ياجو ..لحد مااشوفها وقهقت عاليا وغادرت بخطي جامده تعبر عن غيظها منه ..تمتمت بخفوت وهي تغادر"تريدها حرب ..فليكن ماتريد.."

ظهر علي ملامحه الضيق والانفعال وخصوصا حين ذكرت أمه "لا يريد ان تتشوه صورته بنظرها "

نهض عن مكانه بضيق ..وغادر هو الاخر علي عجالة ..متجها صوب شركته ..

.............

لم تذهب الي الجامعه ..خرجت من المنزل وهي محدده وجههتها ..ان تذهب ل"جمال"وتتحدث معه بشأن علاقتهم المحرمه "زواج عرفي ولكنه يظل محرم ..ف أهم شرط من شروط صحه الزواج هو الاشهار..ولكن اين الاشهار في الزواج العرفي "

كانت تضحك علي حالها حين ضغط عليها ونصحها بالزواج منه عرفيا علي اساس انه يعتبر زواج مؤقت لحين ان يعمل ويتقدم بطلبها من اهلها بشكل صحيح .. مخطئه 'ف الحلال بين والحرام بين'

ترجلت من سيارة الاجرة ..والقت علي السائق حسابه..توجهت صوب المبني وصعدت الدرج مستنده علي الحائط المجاور للدرج ..ثم توجهت الي شقة جمال ..وفتحت بمفاتيحها الخاصه..

وجدته نائم ..زفرت ضيقا ..استدارت حول الفراش وضربته علي ظهره عده ضربات كي تفيقه ..

هاتفها بتملل وهو مغمض الاعين ومازال غير مدرك "اي . ف اي؟!

هايدي"بثبات"قوم ياجمال

تحرك علي فراشه بتثاقل ونظر لها بعين مغلقه والاخري مفتوحه ..يوووه ..انتي جيتي.

هايدي:قوم وفوق عشان عيزاك..

جمال:اصطبحي ياهايدي.انتي جايه تجري شكلي..!

هايدي:جايه عشان اتكلم مع...

قاطع كلماتها باشارة بيده "اعمليلي شاي اول عشان افوق ..ولا هتكلمي معايا وانا نايم !!

رمقته بضيق ..ثم توجهت للمطبخ كي تصنع له الفطور ..حتي لا يتحجج وتستطيع الحديث معه !!كانت تريد نهاية لموقفها معه ...

....................

بشركه الزيني للمقاولات.. يقف العاملون علي قدم وساق ..رؤيتهم ل "يوسف"تلزمهم العمل بصمت .وخصوصا وانه لا يتهاون باي شئ يخص العمل ..ولا يتهاون مع من يقصر بعمله ..

دلف لمكتبه لم يلق التحيه علي سكرتيرته "تعودت منه علي ذلك ولم تعترض" .

لحقت به تحمل االاوراق والملفات ليتطلع عليها ويقوم بتوقيع البعض منها ..

مدام هيام "بلطف"اتفضل يا باش مهندس ..ووضعت الاوراق والملفات علي سطح مكتبه ..

قاطع كلماتها وقال وهو يضع كفه علي مقدمة رأسه ..سيبي الورق وانا هشوفه دلوقتي ..اطلبيلي رضوان خليه يجيلي...

اومأت برأسها ايجابا "امرك يافندم ..حاجه تانيه !!

يوسف"يطبق علي عينيه بتعب"ولو عندك اي حاجه للصداع هاتيهالي لو سمحتي!

هتفت باهتمام"حاضر يافندم ..معايا نوفلجين ..هجيبه لحضرتك حالا ..

اكتفي بالايماء برأسه لها تعبيرا عن امتنانه وشكره..

....بضع لحظات عادت ومعاها بعض الحبوب وكوب ماء"اتفضل يافندم ..بالشفاء انشالله..

اخذ منها كوب الماء وقام بوضع العلاج بفمه وشرب الكوب دفعه واحده ..

ثم تحدث"طلبتيلي رضوان

مدام هيام:ايوة يافندم.

يوسف:طب اتفضلي علي مكتبك.

غادرت الغرفه وهي تمتم بنفسها "قليل زوق ..حتي شكرا مستكترها "

...

دقائق بسيطه وحضر رضوان ..مبتسم كعادته ..يوزع ابتساماته علي جميع خلق الله بصدر رحب ..علي عكس يوسف تقريباا ..ف بالامكان ان تحصي عدد المرات التي ابتسم بها لأحد ..

تغير كثيرا منذ وفاة والده ..وكل ما يتقدم به العمر ...كل ماكان التغيير للاسوأ..

رضوان"بمرح"يوسف باشا طالبني ليه؟!

هدر به يوسف بغضب"عملت اي؟!

رضوان"يهز رأسه بعدم فهم"ف اي؟!

زمجر غضبا وهدر به عاليا"عملت اي ف موضوع الواد اللي كان متقدم لهايدي؟!

رضوان"باستفزاز"قصدك اللي متقدم لسارة..

تعمد رضوان استفزازه ونجح بذلك ..

قال وهو يصر علي أسنانه بغيظ ..اقصر الشر يارضوان ..واخلص..

رضوان بلع ريقه بصعوبه ..يعلم يوسف ابن خاله عن وجه قلب ..ويعلم ان غضبه ليس له حدود..

تمتم بصوت منخفض يدعي الهدوء:هعمل اي يابني ..مانا قولتلك ان احنا اتفقنا علي ميعاد للخطوبه خلاص..

انتفض من مكانه بغضب واقترب من رضوان :انا مش قولتلك انهي الموضوع ده ..

رضوان:صدقني مينفعش يايوسف ..سارة قطعت الكلام لما وافقت ..والواد واهله فرحانين اووي وشكله مستعجل وبيحبها بجد..

بنبره صادحه هزت الارجاء :متقولش انه بيحبها عرفها فين عشان ينتيل ..

رضوان :وانت مالك يابن خالي بنت عمك قالت كلمتها خلااص ..اقصر الشر انت..

احتد صوته وهو ممسك بعنقه بعد ان تجهمت قسماته "هو اس اللي مليش دعوة ..قبل ماتكون السنيورة بنت عمي وبنت خالك هي عايشه عندي في بيتي وبتاكل من خيري ..ثم تابع بجمود..انا الوحيد اللي فتحتلها بيتي وقعدتها لما الكل قفل بابه ف وشها ..ايوة انا مبطقهاش انا بكرهها وبكره ابوها وعمري ماهسامحه ..بس ده ميمنعش انها عايشه معايا ..مينفعش تكسر كلامي وتوافق عليه وهي عارفه رأيي..

رضوان"بشك"وهي عرفت رايك منين ..ده الموضوع كله كان مفاجأه ..

يوسف"انتبه لخطأه"اهتزت نبرته وارتفعت اكثر "اكيد يعني هتبقي عارفه رأينا كلنا ..ماهو مش معقول ..هنبقي موافقين عليه بعد ماكنا فاكرين انه ل هايدي مش ليها..

رضوان"متأففا"يادي هايدي اللي انت واروي عاملين حساب لزعلها ..هايدي نفسها مبسوطه جدا ..

اقتطع حديثهم صوت هاتف يوسف ..

توجه يوسف لمكتبه ..وأمسك به راي اسم المتصل وكانت امه ..

يوسف "بعد ان فتح ووضع الهاتف علي اذنه..ايوة ياأمي..

أميمه ........

يوسف:لا انا ف الشركه دلوقتي..

أميمه........

يوسف :معرفش ياماما هرجع انهارده ولا لا!!

اميمه......

يوسف:ليه خير..

أميمه.......

يوسف:طيب ماشي ياحبيبتي خلي بالك ع نفسك..!

واغلق معها ..توجه ببصره ل رضوان وتناسي قليلا خناقهم وحدثه مشاغبا "امي جيالكو انهارده اروي عزماها"

رضوان "حماتي جايلنا ..لأ دانا استئذن بدرى بقي..عشان الحق الغدا والقعده من اولها ..

يوسف:ياللا علي مكتبك ..بدل مااخصم منك.

رضوان "ورفع يده لتكون بمحازاة كتفيه"لا خلاص خلاص ..هروح علي مكتبي اهوو..

.....

جلس مكانه أمسك بالاوراق ..ثم ازاحهها جانباا..

تحدث في نفسه"والتمعت عيناه بمكر"بما ان ماما هتروح لأروي ..انا اقدر استفرد بسارة لوحدها ..!

وارتسمت علي ثغرة ابتسامه عريضه ..امسك بالاوراق نرة ثانيه وامسك بالقلم كي ينهي عمله سريعاا ..ويذهب الي المنزل ..

..............

يوم عصيب ملئ بالمحاضرات عند سارة ..

وأخيراا خرجت من القاعه هي وصديقتها رغد تحمل الحقيبه علي كتفها..والكتب علي كفها ..

استندت بظهرها علي الحائط ..يوووه انا تعبت اووي ..وخلاص عنيا مش قادرة افتحها .

رغد:ومين سمعك انا كمان دماغي هتنفجر والله ..

سارة :ياللا تعالي ننزل نشرب اي حاجه ..

رغد :ياللا .

واندفعو بالنزول قاصدين مقهي الكليه ..

رغد :"وهي ترتشف من كوب القهوة خاصتها" اي مفيش توصيله انهارده .."غمزت بعينها.

لكزتها سارة بكتفها وقالت وهي ممسكه بكوب النسكافيه :لأ مفيش ياخفيفه ..

غمزتها رغد بشقاوة"طب اي ..اي اللي حصل بعد مانزلت ..

سارة "تبتسم بصدق "محصلش حاجه والله اتكلمنا شويه وبعد كده نزلت ..

رغد "بنفاذ صبر"ايوة يعني اتكلمتو ف اي ..متخبيش عليا احسنلك

رغد "قهقت بشده"حاضر ياباشا هقول ..سألني ع دراستي وع قعدتي ف بيت عمي وكده ..

وبعدين خد نمرتي عشان يكلمني ..

داعبتها رغد بمشاغبه "ايوة بقي ..العب ياعم ..

ده الواد مش صابر

اكتفت سارة بالضحك من حديث صديقتها ..

..

حمحمت رغد ثم أكملت كلامها .

احم ..طب وابن عمك ده ..معملش اي حاجه

..تقلبت معدتها وحست بقبضه بقلبها حين ذكر اسم يوسف ..هتفت "بتجيبيلي سيرته ليه دلوقتي !!لسه لحد دلوقتي مشفتووش ..قلبي مقبوض اووي ربنا يسترر..

رغد :ربنا يسترر..جمدي قلبك يابت ومتخافيش منه ..

سارة :كعادتها كي تطمئن نفسها ..وضعت يدها علي قلبها وهتفت وهي تطبطب عليه بخفه ..خير خيرر..

رن هاتفها ..ابتسمت لرؤيه اسم أمير منيرا علي الشاشه ..

توجهت لرغد بالحديث ..امير بيرن ..

رغد :ردي بسرعه .

امسكت بالهاتف ..تنحنحت قليلا قبل الرد ..

الو..

امير...

سارة: الحمدلله وانت.!

أمير.....

سارة :في الكافتريا مع رغد ..

..

سارة :لا مينفعش بجد ..شكراا

امير...

اغلقت سارة معه وتوجهت بضيق لرغد ..بيقول عايز يوصلني ومصرر..

رغد :اشطا وانتي اي مضايقك

ولا انتي خدتي ع مرمطه التكسيات ..

سارة"بضيق"ايوة بس ..انا خايفه حد ف البيت يضايق ..

رغد "بلامبالاه وهي تشيح بيدها"اللي يضايق يخبط راسه بالحيط ..

اكملو حديثهم وهم يحتسون مشروبهم ..

..............

بمنزل جمال بعد ان تناول فطوره وقام بالاستحمام كي يستفيق قليلاا..

هايدي"ها ..خلااص كده فوقت وخدت دوش ..ممكن نتكلم بقي..

جمال:متاففا" ف اي ياهايدي ..مالك م الصبح وانتي مش علي بعضك.

هايدي:تعبت ياجمال ..ابوس ايدك ..تعالي اتقدم ..ا

جمال:اجي اتقدملك ازاي يابنتي..مش لازم ع الاقل يكون معايا تمن الشبكه..

هايدي "بصدمه"نعععم ..دنتا ساحب مني لحد دلوقتي 13الف جنيه وديتهم فين ..

جمال وهو يشيح بوجهه عنها ..قولتلك دول سلف وهردهملك ..

هايدي:مش عيزاك تردهم ..اتقدم وانا مش عاوزه شبكه

قال مستهزأ ..ومعقول يوسف باشا هيرضي يجوز اخته بلوشي..

هايدي:انا هضغط عليه ..

جمال"بهدف انهاء الحديث"اقترب منها والتصق بها ..انا بحبك ومش هسيبك ..اظبط امورى واجي اتقدملك ..

اتفقنا ..

هايدي:امته؟!

جمال"يلف يده حول خصرها "قريب ..قريب اووي..

انتي وحشتيني ..

هايدي:مشمئزه من حالها "ولكن تريد مسايرته "وانت بردو ..

سحبها من يدها كالبهيمه خلفه وتوجهه بها صوب غرفة نومه ..للاسف..

............

ترجلت من سيارة أمير بعد ماقامو بتوصيل رغد بطريقهم ..ووصلو عند منزلها ..تبادلو السلام بالايدي وقف قليلا يتحدث معها ..

صدم يوسف برؤيتهم هكذا وهو يقود سيارته توقف كي يتفحصهم قليلا ويستوعب ما يراه ..ترجل من سيارته بغضب ..لم يستطع اللحاق بامير..من حسن حظ أمير بالطبع .. صعقت سارة عند رؤيته..استدارت سريعا حتي لا تتشابك معه ..وجهه لا يطمئن بالمرة ..بلمح البصر كانت امام غرفتها وهو يلحق بها..كادت ان توصد الباب ولكنه دس بقدمه ..مما اعاق غلق الباب ..

تراجعت للخلف قليلا ..قالت وهي تشيح له بيدها محذره :اطلع برة احسنلك

بخطوةواحده كان مقابلها ..شعرها بيده وجهها بجوار وجهه ..وكمان مخلياه يوصلك ياصايعه ..

تأوهت بشده من قبضته ..اااه سيب شعري ..وانت مالك

اخذ يهزها بعنف بعد ان تجهمت معالمه ..مالي ..انا هعرفك دلوقتي مالي!!

ترك شعرها وامسك بذراعها بعنف ..ثم القاها علي الفراش بقوة ارتدت علي اثرها ..ارتمي بجسده عليها كي يشل حركتها ..وامسك جيدا بذراعيها بقبضتيه ..

انتي هنا في بيتي ياروح امك ..بتاكلي من خيري وبتصرفي من فلوسي ..يبقي مالي ولا مش مالي

اطبقت عينيها بشده واشاحت بوجهها عنه .. ثم اكمل بفحيح كالافعي..

اسمعي البوقين دول ..الواد ده هتسيبيه والخطوبه دي مش هتكمل ..وده لمصلحتك ..

رمقته سارة باذدراء وظلت تدفعه بكل قوتها ..تعمد النظر لها بوقاحه ..كي يخيفها ..نهض فجأه ..ثم تحدث بنبرة جافه "الخطوبه لو تمت ياسارة هجيب عليها واطيها ومش هيهمني حد ..

هتف بكل انانيه ..انتي بتاعتي ..بتاعتي وبس ..وانا لما تزهق هرميكي ..

اشار بيده لها ..فاهمه!؟

لم ينتظر ردها ..وخرج غاضبا من غرفتها...

....يتبع..

ظل يدور بغرفته ذهابا وايابا ..جلس علي االاريكه الموجوده بغرفته مستندا بساعديه علي ركبته..ايعقل ان يخسر بالحرب امامها ..انتصرت عليه ببرائتها ورقتها ..أظهر لها مدي حقارته كان غرضه واضح ان يكسر انفها انتقاما من أبيها ..سبب غير مقنع بالنسبه لها..ولكن بالنسبه له ظل يشعل من نيران الحقد بصدره .. تذكر موافقتها بأمير ووقفتها معه يصر علي أسنانه بغيظ ..

اهي الغيرة؟!

نفض عن رأسه سريعا فكرة انه يغار "انا اصلا مبطقهاش ..هغير عليها ليه"

القلب يصرخ بانه بالفعل وقع بحبها والعقل يرفض هذه الفكره ..

من سيربح العقل ام القلب ..

كل مايعرفه انه يريدها بجواره ..يريد امتلاكها فقط ..عندما قبلها أول مرة أحس بشعور غريب لم يجربه قبل حتي وان كانت رغما عنها ..سيعترف بحبه ام يتجاهل الأمر ويتركها تضيع من يده!!!

.......

اتأخرتي كده ليه ياهايدي..

قالها يوسف بنبرة حاده وهو يقف أعلي الدرج الداخلي ..يضع كفيه ببنطاله الرياضي ..

تفاجأت هايدي من وجوده ..

وهتفت بتلجلج.:يوسف ..ابدا متأخرتش ..انا بس ..اا..كنت .بصور شوية ورق كده ..

رفع حاجبيه بعدم تصديق "انتي بتتأخري بره كده ..

هتفت مسرعه وهي تتجنب نظراته ..لأ دي اول مرة ..

مغيره للموضوع ..ومدعيه عدم الفهم ..

نادت بنبرة مرتفعه وهي تبحث عن والدتها ..

ماما ..ماماا ..

يوسف"بنبرة جافه"ماما مش هنا ..

تحاول تلطيف الحوار قليلا..اومال فين..

مازال علي وقفته ونبرته"عند اروي..

بتلك اللحظه خرجت ساره من حجرتها ..

زفرت ضيقا لرؤيته يتوسط الدرج ..مرت بجانبه بتجاهل..

وهي تهبط من علي الدرج بخطوات مرتبكه تحدثت ل هايدي: دودو ..اومال طنط فين ..

اجابها سريعا دون تفكير"عند اروي"

لم تعيره انتباها واكملت حديثها مع هايدي بعد ان وقفت امامها موليه ظهرها له ..انتي اتغديتي؟!

هايدي:تضع يدها أعلي بطنها بتحسس وخفه.."لا لسه وانتي؟!

قاطعها بكلماته ..بعد ان هبط الدرج سريعا ..ليقف مقابل سارة ..يشير بسبابته لها .."انا مش بكلمك "

تعلم ان هذا يغيظه فاجابته بلا اهتمام ..مختش بالي..

يوسف"بتحذير "لا خودي بالك بعد كده ..

تسحبت هايدي من بينهم كي تتفادي حديث اخيها ونظراته ..لم يشعروا بها من الاساس ..

ترمقه بغضب ..يرمقها هو الاخر بتحدي ..

قال "غامزا"شكلك عايزاني اربيكي تاني من الاول ..

فهمت مايرمي اليه ..نظرت حولها لم تجد هايدي "اللعنه ..تركتهم بمفردهم ..ولكن مهلا يقفون بمنتصف البيت ..بالتأكيد لن يفعل شئ وقح معها ..

ولكن لا تأكيد مع يوسف ..هو كل مرة يثبت لها مدي دنائته وانحطاطه ..فجأها بيده التي كانت تزيح بعض الخصلات الواقعه علي وجهها بعد ان اقترب منها لايفصله عنها سوي سنتيمترات بسيطه !!

عضت علي شفتيها بغيظ وهي تزيح يده عنها..

نظر لها بوقاحه تعودت عليها ..حركتها وهي تعض شفتيها حتي وان لم تكن مقصوده تثيره ..همس بها بعد ان مال علي اذنها .."لو شوفتك بتعضي علي شفايفك تاني !!متلوميش حد غير نفسك..

اتسعت حدقتيها من حديثه المنحط ونظراته الوقحه ..ابتعدت عنه قليلا ..حتي عجلت بخطوتها ..بلمح البصر هرولت الي غرفتها ..

ابتلع ريقه بصعوبه ومرر انامله من بين خصلاته الفحميه ..التفت حوله ليدرك انه بمنتصف المنزل ..دخل الي غرفة مكتبه الموجوده بمنزله ..وانار المصباح ثم جلس علي الكرسي المقابل للمكتب وامسك باحدي الكتب وهم بقرائته..كي يتناسي حالته قليلا..ف يوسف محب للقراءه ..

.............

بمنزل رضوان ...

اروي:خليكي شويه ياماما ولا اقولك باتي معانا انهارده ..

اميمه:ابات اي ..والبيت واخواتك ..وبعدين عشان جوزك ياخد راحته في ييته..

رضوان"متدخلا في الحديث"اخد راحتي ايه ياأمي ..ده بيتك قبل مايكون بيتي..

اميمه:ربنا يرضي عنك يابني ..من مقام يوسف والله

ونهضت من مكانها بعد ان لفت حجابها باحكام واطبقت عليه..

رضوان:بردو مصممه تمشي..

أميمه:ايوة ..عشان متاخرش بس ..انا جايه عشان من زمان مجتلكوش والله

اروى:بيتك واي وقت تيجي فيه ياماما..

رضوان نهض هو الاخر واهذ مفاتيحه وسار معها لايصالها ..

أميمه:ملوش داعي يارضوان توصلني هاخد اي تاكسي وخلاص..

رضوان :ودي تيجي يعني ..اتفضلي"واشاح بيده كي تسير معه ..

...........

دلفت اميمه الي المنزل وجدت ابنتها هايدي ممسكه بطبق ملئ بالسندوتشات وتحلس امام التلفاز ..تجولت بعينها في المنزل سريعا ..وجدت غرفة مكتب يوسف مضاءه ..علمت بانه يقرأ كعادته ....

"كان شارد ينظر الي الكتاب ولكن باعين ثابته ..كانت تشغل باله ..حتي القرأءه شغفه لم تستطع ان تخرجها من رأسه ..انتفض من مكانه علي صوت والدته

أميمه"بنبرة مرتفعه"يوسف !!

يوسف:ايوة ..

اميمه:خبطت ع الباب ومردتش عليا ..وبندهلك ومش بترد ..مالك

يوسف"وهو يغلق الكتاب ويضعه جانبا ..مفيش ..

اروي عامله اي؟!

أميمه:بخير ..بعتالك السلام

يوسف: الله يسلمها ..والعيال..؟

اميمه "وهي تضحك"بيقولو خالو وحشنا..

يوسف"ابتسم ابتسامه عريضه"وحشوني والله ..هبقي اعدي عليهم في اي يوم اشوفهم !!

أميمه:اتعشيت..

يوسف:ولا اتغديت والله ..مستنيكي ياست الكل ..

اميمه "بحزن"ياريتني ماخرجت ..مبتعرفوش تصرفو نفسكو..

نهضت عن مطرحها بتثاقل وتوجهت صوب الباب ..

هتفها يوسف من الخلف ..ماما هي هايدي بتتاخر برة؟!

ارتعبت من سؤاله ..والتفت اليه ببطئ "ليه هي اتاخرت ولا اي ؟!

يوسف"ايوة"

أميمه "تهز راسها رفضا "لا مش بتتأخر غير للضرورى.

وشرعا بالذهاب سريعا للمطبخ ..كي تتجنبه ..تعلم انه عصبي وتخاف من عصبيته علي ابنتها !!

........

سارت بخطي ثابته صوب غرفه زوجة عمها ..عزمت علي أن تتحدث معها بشان يوسف ومضايقته لها..قرعت باب غرفتها بلطف ..واستئذنتها بالدخول ..

أميمه ..وهي تشير بيدها لسارة لتجلس بجوارها علي الفراش..تعالي ياسارة خير!!

سارة"بتهذيب"خير ياطنط ..وجلست بمحاذاتها..حضرتك كنتي هتنامي ولا اي؟!

أميمه"بوهن"اه كنت بحاول انام جسمي وجعني بس دماغي مصدعه ..

سارة:سلامتك ياطنط ..

اميمه:الله يسلمك ياحبيبتي ..

تحمحمت سارة قليلا .."احم ..كنت عاوزه اتكلم مع حضرتك بموضوع كده!!

اعتدلت أميمه بمكانها وضيقت عينها بتساؤل وهي تنظر لها ..خير ..يابنتي انا سمعاكي!!

سارة"بنبرة مهتزه"اا ..يو .يوسف !

أميمه:ماله يوسف..

سارة :يعني بيضايقني شويه "وتململت بحرج"

اميمه"مضيقه عينها باستفهام"مش فاهمه بيضايقك ازاي يعني؟!

تراجعت سارة قليلا بشأن اخبارها بما يفعله معها ..

بيضايقنني ..عشان خطوبتي من أمير وكده يعني..

أميمه "متفهمه الوضع"معلش ياسارة هو يوسف عصبي بس قلبه طيب اووي انا أمه وعرفاه

"ضحكت سارة بداخلها علي حديثها عن طيبه قلب ابنهاا "

هو فكرة ان كان مفكر انه كان جاي ل هايدي وبعد كده ميكنش فيه نصيب مضيقاه بس..

سارة"بحرج "انا مليش ذنب ياطنط ..ربنا يعلم اناوافقت عليه ليه ..

أميمه"بحنان الام"مقدرش الومك انك وافقتي انا بتمني واحد زيه لبنتي . .فرصه كويسه ليكي ياسارة..

سارة':طب يعني..

اميمه"وهي تمسد علي ظهر سارة بحنان"هكلمه اخليه ملوش دعوة بيكي ..وربنا يتمها علي خير يارب ..

تنهدت سارة براحه ..رمقتها بامتنان بعد ان نهضت من مكانها واستئذنتها بالمغادرة..

..............

تجلس العائله علي مائده الطعام لتناول الفطور ..يوسف يجلس بالمقدمه وبجواره اميمه وهايدي ..اما سارة ففضلت المكوث بغرفتها ..كي لا تتشابك مع يوسف او تراه ..

هايدي"ترتشف قهوتها دفعه واحده"اتاخرت هقوم انا بقي عشان الحق المحاضرة الاولي ..

يوسف:استني هوصلك معايا ..

أميمه:لا روحي انتي ياهايدي ..انا عاوزه يوسف بكلمتين..

نهضت هايدي من كرسيها واخذت كتبها وشرعت بالذهاب سريعاا ..

يوسف"بقلق"خير ياماما..

أميمه:سارة!!

يوسف"يرفع حاجباه باهتمام "مالها ..

أميمه:بطل تضايقها يايوسف!!

ابتلع ريقه لثوان ..ثم تحدث بعدم فهم "مش فاهم قصدك اي"

أميمه:بطل تضايق سارة يايوسف ..خطوبتها هتم يعني هتم متحججش ب هايدي عشان تضايقها وخلاص ..كل واحد وليه نصيبه..

أصر علي أسنانه وتحدث بوقاحه "وهي بقي اللي قالتلك اني بضايقها عشان الخطوبه ..

أكتفت أميمه بالايماء برأسها ايجابا..

زمجر قليلا وهتف من بين أسنانه"وقالتلك اي تاني الست هانم"

زفرت أميمه ضيقا "مقالتش غير كده يايوسف"

تنفس الصعداء باريحيه لمعرفته انها مازالت تخشاه ولم تفتح فمها بما فعله ويفعله وسيفعله بها ..رفع حاجباه محدثا نفسه ..حتي ولو كانت قالت في كل الحالات انا مش هسيبها ..

نظر للأعلي محل غرفتها وهو يتوعد لها أشد الوعيد ..

حمل هاتفه ومفاتيحه الموضوعه امامه علي المائده ..نهض بعمليه ..قبل راس امه بحنان ..وغادر المنزل ..متجه لشركته