رواية ابو عدوان الفصل العاشر 10 - بقلم غير معروف

طبعا صار 45 دقيقة من نزلتو بس مابين عند الكل
قسم علقو وقسم يدورن عليه ف عدت النشر

العاشر

#ابو_عداووون

#مذاق_العشق

#بقلمي_نشوى _السلطانً

#عيني ما ملاها الانت حبيبي فدوتك عيني

.. صد عليه.. بنظره استغراب.. كال يول شبيج ..!

.. كتلو جابر راح يجي ياخذني احجي الصدك سمعتك تخابره

.. كال لا ماراح ياخذج جابر انتي مكانج هيييين ماتروحين ..
استغربت شنو الي ديكوله...كتلة يعني شنووو راح تبقيني وماتحجي الأهلي ...رد عليه بنتر كال

امشي اللبسي لبس راهم هسه احد يجي... ولا اتسألين جثيررر
مشه وعافني كتله دقيقه  شبي لبسي ليش اكو احد هين هو بس اني

وانت  صد عليه وكضبني من ايدي كال ول ياب منو اني حتى هيج تلبسيلي ليش اني طلال!!! باوعت عليه ماعرف شنو اردله وخر

ايدو مني بقوه واندار مشه كتلو انت راح تبقى تعيد بسالفه طلال كتلك مااااا .. جان يعيطط بحيل.. اشششششش سدي حلكج لا تحجين

ماريد اسمع شي منج الي سمعتو فووووك يكفي.. اسكتي لو تريدين اعلمج شلون تسولفين !!!! ،. بقيت بمكاني ادحك عليه صعد للدرج

وطب للغرفة... هسه شسوي. اني وين وكعت نفسي اوف شكد غبية اني هسه شلون هيج كتله لو كايلتلو ماحبك ومامتعودة عليك جان

اهون لكن دماغي اوف شكد ثولة اني.. كمت الحيلي خل اروح ابدل احسن لازم اسايره اذا بقيت اعاند راح يروح ويحجي الجابر وتصير

سالفه الاهلي..ومحد يكع بيها غير امي واني .. كضبت المحجل وصعدت... طبيت لكيت الباب مفتوح.. شفتو واكف ديلبس

بالدشداشه .. وكفت على صفحة وصديت مادخكت عليه .. كتلو راح تطلع لو باقي هين احاجي يسمعني لكن مايرد.. لبس الدشداشه وكف عالمرايه

شال المشط كام يمشط بشعرو.. بقيت لابده بمكاني ماتحركت
جة يمشي من يمي .. شال باكيت الجكاير..وكف مندار غادي

يحاجيني كال غيري لبسج يله تنزلين والبسي ملفع
كتلو اي ان شالله بس منو الرايح يجي..! وضحىً ماتجي

لو شنو..! صد عليه كال لا يجون يجون عجل غير يريدون يباركون للعرسان.. مشه راح شال العطر خله .. ومشى فتح الباب كتلو دقيقه

راح ابدل وحدر اسويلك ريوك.. صد عليه كال تريكت والله
خوش ريوك .. لا تعبين روحج ادبر حالي.. عافني وحدر

طلعت ملابس بدلت للست كلابيه حمرة طوخ موديلها مغربي حيل حلوه وكفت على المرايه طلعت كحل خليت لعيوني وتحمرت

وعدلت نفسي صديت الغرفه هوسة تبرمت وكمت عزلتها .. دحكت الكزاز بعدو بالغرفه هسه اليجي ويشوفه شيكول علينا

صايرغزو بالغرفه لو شنو. هههه عزه عليه شسويت اني خل انزل اجيب شي المة... شلت شالي لبستو وحدرت .. دامشي عالدرج

باوعت عليه فاتح الجرح ومدري شيسوي.. نزلت عليه وكفت غادي منو .. كتلو الجرح بعدو ينزف. .. عندك هين معقجم للجروح..!

رفع راسو دحك عليه .. بنظرات حاقده.. دنج وكام يلف بالجرح مارد عليه.. كتلو انت ليش احاجيك ماترد عليه.. رفع راسه

كال شتريدين ارد عليج واني موطايق شوووفتج..احمدي الله
تمالكت اعصابي وساكت عليج.. يول والله لومووو،.

العنود.. لموو شنو كمل كول لمو الخاطر جابر موو اعرف
كلشي واعرف اخذتني حتى اجيبلك الووولد... دحك عليه

وكال لااااااا اله الا الله يول ياب انتي هم لج عين تحجييييييين ها
يعني الي سمعتو منج مو گليل لو واحد غيري جان ذبحج بكاعج

ولج اكو حرررررمة بالدنيا تكول لزلمتها بيوم عرسه الي كلتي
ها تذكرين الي كلتي وهسه واكفه كباالي وتشالطين  بيه شتررريدين
كولي تريدين اعوفج ترجعين الطلال...! مووو احجي كولي 

..، العنووود شفتو صار نار وكام يصيح رجعت ليوره كتلو لا والله
انت تروح وترجع على طلال والله ماحبه ولا اريده

كام الحيله خلة الكطن عالقنفة وجة يمشي عليه اني عيني عليه
شلون جان فاتح عيونه عليه وينظرلي بنظره حاقدة ،، رجعت

صرت عاالباب مال المطبخ.. وكف يمي وكضب اديه بقوة لواهه
كتلووو وخررر ايدي شبيك .. كمت اسحب نفسي صاح لا تعاتجين

بيه لما تموتين تبقين هين وخلي ابالج شي ايام وجيب عليج حرمة
تكسر خشمج وعنادج هذا... هد ايدي بقوة ومشه راح وكف

عالمغسله... يغسل...عدلت نفسي.. ايدي توجعني ،، رفعت ارداني طبع اصابعه بيها.. حسيت صوت باب ينفتح.. مشيت وخرت الستاره

دحكت وضحى جايه هي وسعود.. اريد افتح الباب.. صاح ويييين
صديت عليه كتلو جت وضحى.. افتحلها الباب.. دحك عليه من فوك

لجوه.. كال وانتي شلابسه. . شنو هاللبس هذا.. باوعت على نفسي
كتلو ليش شبي غير انتو جبتولياهه..

.. دمشي انزعيها غير ما اشكگها عليج هسه..

.. كتلو شبيك تصيح .. اصلا مابيها شي

.. مابيه شي موو دنتبهي على رجليج وعلى صدرج المفروض
بدون مااكلج من شفتيها هيج ماتلبسها يله امشي جدامي

.. العنود.. اريد اصعد مالحكت صارو كبال الباب طبيت للمطبخ
فتح الباب.. اسمعهم يسلمون عليه..

- سعود... بالمبارك سيدي والله ماردت اجي وازعجكم لكن بالصدفه
شفت اخيتي وضحى جايه اتمشى عليكم وجبتها بالسياره..

... يبارك بعمرك اخوي لا تعال فوت .. كاعدين .. شلون اخيتي
على كيفك لا تكعين... هاي اشايله بيدج يمعودة

_ هلا بعد عيون اختك مبارك بعد عمري والله جيت جبتلكم ريوك
وينها العنود نايمه العروسه لازم

_ العنود اني واكفه بالمطبخ اسمهم بس ماكدر ارد.. ولا اكدر اكد راسي.. بقيت بمكاني.. سمعتها يكلهم فوتو تفضلو.. رجعت اركض وكفت يم الكانتر... طبو كعدو بالهول .. وضحى جت عليه عالمطبخ

لكتني لابده يم الكاونتر.. ركضت اخذت منها الصينيه خليتها عالكاونتر وسلمت عليها.. كالت خمو تريكتوو .. كتلها لا بعد بس ليش تعبتي نفسج اني اسوي والله..

_ ماكو فرق بنتي ابو عدوار غالي عليه وانتي بعد صرتي عزيزه
على كلبي .. شو احمي الجاي وخل نحط الهم الريوك،،،

كتله دقيقة اني اريد اصعد ابدل اذا اطلع خمو سعود كبالي..!
دحكت عليه كالت واذا سعود كبالج فوتي سعود ابن عمنه موغريب

كتله اي اعرف بس مو روكان مايقبل كال لا تطلعين هيج،.،
دحكت عليه كالت ليش شبي لبسج شو صدي خل شوف.. كتلها

مو قصده رجليه طالعه ودلع... كالت والله سعود خوش زلمه
بس مدام هو مايقبل روحي بدلي احسن... خاف يكوم يحجي

لان اني اعرف طبعه من يضوج من شي مايسكت بعد.. اني اروح اكعد يمهم بين ماتبدلين وتجين يله بنيتي... صحت عليها دقيقة

لاتروحين.. انداريت عليه .. ها بنيتي كتله اريد اصعد بس صعدي ويايه... خاف اطلع ويكوم يحجي... دحكت عليه وبتسمت هااا
تخافين من عندوو.، امشي ماعليج اني وياج مايحجي شي
-عدلت شالي كتلها يعني اسلم ل مااسلم..

_ لا يمه شلوون ماتسلمين طبي سلمي واصعدي ماعليج بي
اذا كال كوليله وضحى كالتلي بعدين اني اعرفه من سعود مايحجي

-ماشي عجل حل اسلم ونصعد..، طبت جدامي وضحى وطبيت وراهه روكان كبالي.. وسعود كاعد بصفة يكلب بالتلفون .. وكفت

كلت .. السلام عليكم... جان روكان يرفع راسه قبل سعود
واثنينهن انتبهو.. كام سعود وكف الحيله.. وهو مدنج ماباوع عليه

رد ياهلا وعليكم السلام .. بالمبارك عليكم.. ادحك على ابو عداوان خازرني بعينه بعد ماعرف احجي .. اريد اكوله شكرا بكد ماارتبكت كتله مبروك وجان سعود يضحك ويكولي هههههه الله يبارك بيج..

_وضحى.. ههههههه يله بلجي على هاي حجايتج ويلكه بنت الحلال

_ كتله والله ماعرف شلون طلعت مني ابتسمت ومشيت بس اهجس نفسي صخنتتتت نار وجهي.. صعدت عالدرج .. ورايه وضحى

اتوجهه عااالمحجل دتصعد انداريت عليه كتله لا خاله عادي روحي انتي ماتكدرين اني اصعد..

ضحكت كالت هساع اني خالتج لو حماتج .. يله حگج كبرنه وصرنا عجايز ههههه

.. كتله لا خاله بعدج شباب بس صعب اكولج بأسمج هيج احسن واذا ماتحبين اكولك خاله عادي والله

_ اي يبعد عمري شلون ماتريدن اني هين مثل امج

_ صعدنا اثنينا نسىولف ونضحك عالدرج وماصديت ورايه ابد
فتحت الباب وطبينا

_ وضحى بسم الله الرحمن الرحيم .. يابه والله رجليه تعبانات مو باقي حيل عندي ...

_ العنود تحجي وضحى واني انتبهت وراهه الكزاز.. بعد ماعرف شنو اسوي... كالت جن ابو عدوان مو نايم للصبح هههه

_ كتلها ها.. مادري اني نمت وعفته..

_ ليش يولي عجل اكو حرمة تعوف زلمتها وتنام وهاي ليلة عرسكم .. المفروض تبقين وياه ..

- صفنت عليها ماتدري بالي صار .. اوف شكد فشله مشيت طلعت دشداشه من الكنتور

_ وضحى.. اكول يمه هاي بدلتج عود علكيها لاتخليها عالجربايه واني راح انزل عود لا تبطين...

_العنود..   ماصدكت مشت خفت تسألني شصار بالليل ادحك عليها مشت  كتلها اي خاله مشيت وراهه اريد الحك اكف كبال الكزاز .. مالحكت حسيت بيها انتبهت .. وكفت دحكت عالكاع كالت اكول يمه شو الكاع كلها كزاز هاي شصاير هين يولي

_ كتلها ها اااا. اي صحيح مادري وكع من ايدي  قبل شويه هسه اللمه لما احيب المكناسه

- دلمي ياعيني لا تنجرحون بي ... يله هذا نكسر الشررر

_ اي  خاله راح اجي وراج واصعد المه هسه...
فتحت الباب وطلعت هوووف ياربي هم زين ماحست بشي ياربي

شلون بية .. طبكت الباب وراهه .. ذبيت الشال نزعت الدشداشه وجان الباب ينفتح بقوووة...انداريت روكان ورايه.

ومطير عيونه عليه  وكاضب بأيدو الباب  واكف شلت الدشداشه سترت بيها نفسي.. صرت ارجع ليوره لحد ما وصلت الكنتور فتحت الباب خليتوا كبالي.. اريد احجي وجان يعيط بيه

_ يول اني ماااكتلج لا تطلعين عالزلمه بهذا لبسج هااا..!

_ اي اني صعدت اريد ابدل منين اصعد يعني هو كاعد كبالي

\ اني كتلج لا تطلعين هيييييج شطلعج .. يول انتي ليش راسج
يابس ليش ماتسمعين الكلام  شو بعدنا بأولها وهيج يولي اركدي وجري عدل لا ترة والله .. انسيج العافية

\ لااا والله تنسيني العافية وانت ليش دفرت الباب وطبيت هاااا ليش مادكيته اكو واحد هيج يفوووت جفت ماتكول حرمة تبدل شي روح خل اللبس

\ هاا  حگج والله عجل مطلعه رجليج وتمشين كبال سعود وحجولج يطكن والجاكة للركبه ماستحيتي هاا وتستحين مني ..

يول تره انتي شايفه نفسج زاااايد منو انتي حتى ادحك عليج هااا  اسمعي يولي هاي الدشداشه ماتبقى اليوم احركهااا

_ رديت عليه بدله كتلووو مدام منو اني وشايفه نفسي انت ليش حارك كلبك

_ يولي مو اجيييي لا تخليني اطلع من طوري سدي حلكج احسن
تره زين ساكتلج

_ اي دطلع خل اللبس هسه راح ينتبهون الناس شبيك ليش تصيح

_مستحيه من الناس لا ينتبهون موو... ايييي خوش عجل
لا راهمه امورنا.. دلبسي وانزلي ولا تبقين تلاسنين تره اكصو والله

_ يحجي هو واني اللبس خايفه لا يجي ويشوفني.. لبستها عالسريع ..وطلعت وكفت كباله واني متخوصرة كتلو اي
شلون يعني تكص اللساني .. هاي بعدنه بأول يوم وهيج تعاملنيً

_ ههههههههه والله ضحكتيني .. يولي هو منو الخرب الاول والتالي.. راح انزل يم الناس بس ثقي اني مو روكان اذا ماخليتج ....،

_ اييييي دتهدد يعنييي كلو لأن حجيت حجايه وياريت صدك

_ يول يااااااب تحاجيني بكل عين برعةةةةةة
بس يصير خير الناس هين .. خل يمشون والله كريم

_ دقيقه اوكف وين رايح ليش دتهددددد... ركضت وراهه طلع ولطخ الباب بقوة... فتحته شفتها محدر شايل الدشداشه بأيدو ونزل

عالسريع ولا التفت عليه.. طبيت لبست شالي امشي واحاجي روحي كله منج نجمة كتلها مغرور خشمو. عالي لا النوب يهدد بيه

اني العنود وهو روكان وخل نشوف ياهو الي راح ينزل خشموو
فتحت الباب وطلعت... نزلت دنجت راسي دحكت ماكو احد بالهول
وينهم ..

_وضحى.. طبيت خليت القوري عالنار .. ونصيته .. شفت ابو عدوان واكف بالطرمة سعود ركب السياره وراح طلعت وراه

شفتي مجتف ويتمشى بالمممشى.. طلعت وراه كتلو ها يخويه
شو راح سعود... جان ماخليتو يطلع

_ لا اليوم يلتحق راح يجهز حالووو.. تا يمشي اكول وينه هالريوك الكشر ماصار .. شطلعت ماطلع ريوك هذا

_ وضحى بسم الله اشوفك ضايج اكو واحد عريس بمصباح عروسو يصوج على كيفك ياخويه

_ لا اخيتي ماكو شي بس اريد اطلع ..تأخر

_ وين تطلع انت مو اخذت اجازه سبوع من دوامك عليش تطلع
اليوم مصباح عرسك مايصير تطلع وبعدين هاي العنود مو جنت اتكول هاي الي جنت ادور عليها من اسنين

_اييي اخيتي اي... اريد امر عالبنوات اشوفهن

_ اسمع يخويه البنيه كالتلي روكان مايقبل اطلع وهيج لابسه
واني كتلها اطلعي خاف عبالك هي تره مالها ذنب اني كولتلها فوتي لان ادري بيك ماتحجي لان هذا سعود مو غريب

_ اني كتلها لا تطلعين ماشفتيها شلابسه مدلسه من الصبح
والجاكات طوال ليم اركابها والنوب محجله ولابسه الحجول واطك

بيهن عالدرج.. والنوب بيضة ولا بسه احمر والرجلين لصفن من بعيد ياختي هذا لبس ماتكليلي من جبتولها هالدشداشه ادحك عليها تضحك وتحاجيج واني اريد اشيلها من الكاع

_ لا يخويه غير مصباح عرسها عجل اذا بمصباح عرسها على كولتك مدلسه شوكت تخلي مكياج شو هيج اني كلت ويا العنود راح يختلف... وياهه مايصير تجفلهاا بمصباحها

_ لا اخيتي العنود ماهي بسهلة ملسونه وعناد عوفيها عليه

_ العنود.. طلعت مالكيت سعود رايح طبيت للمطبخ ماكو احد
دحكت من باب المطبخ .. شفتهم واكفين وضحى وروكان

بالممشى واكف مجتف اديه ليوره ويهزب ويحجي بس ماعرفت
شجان يحجون.. شفتهم تكلطو لجاي طبيت اركض كعدت بالهول

طب روكان وحدو.. وضحى مو وياه دحكت عليه جان يصد غادي كتلو وينها وضحى.. جان تصيح وضحى تعاي بنيتي هين اني

_ كتلو ابقى لا ترد من احاجيك  رفع راسو كال والتاااالي
كتلو شكووو شبيك عفتو طبيت.. سويت الريوك وياههه راحت

وضحى كعدت .. شلت الصينيه خليتها جدامهم.
ومشيت صعدت عالدرج .. جان تصيح وضحى وين وين

شنو ماتريكين اعگبي اعگبي حدري هين تريكي ويانه
كتله لا خاله ماريد شبعانه باالعافية عليكم

_ ابو عدوان.. يول هذي منهو الخاله عليمن تكول

_ مالك شغل هي تريد تصيحلي خاله ميخالف

_العنود.. ادحك عليهم يتبسبسون كتلهم شنوو شكوو
جان يدحك عليه وبيدو استكان الجاي .. كال اصعدي خاله الغرفتج
روحي تغطي ونامي... كتلووو شنووو شو انام شعندي انام هسه

_ ابو عدوان اني اكوم اطلع .. شو خيتي وراج باكيت الجكاير
انطينياه

_ مو سألتك العنود اشو ماترد عليهااا

_ انطيني اخيتي تره مالي مزاج ارد...

_ العنود.. شال الباكيت وطلع شفتو فات عالمطبخ فتح الباب وراح نزلت امشي كعدت يم وضحى.. كتلها شنو وين راح يروح

_ كالت راح على زينه هساع يجي مايبطي

_ هااا لا بكيفو خل يروح...

- اكول يمه اشوف انتي وياه مدري شبيكم .. خير يمه خمو اكو شي ..

_ صفنت عليها شريد اكول.. كتلها لا ماكو شي خاله بس بعدني مامتعوده عليه.. بس خاله هو عصبي كلش ومايتحمل

هاي هو هيج طبعه ويا الكل .. الله يساعدكم عليه حيل اعصاب
والصراحة احسو شوي خشمو عالي 😁

وضحى.. اكضبي السانج يمه ...اكضبي

_ كتله شنوو شفتها تحجي بصوت ناصي ودحك عالباب مدري شتإشرلي بحاجبها .. صديت ورايه .. لين هو واكف ورايه ومجتف اديه ويدحك عليه بنطره حقد

وكفت الحيلي جفلت ماعرف بعد احجي ... جة يمشي من يمي عبالي راح يجي يضربني لو يرزلني ..جان يعبر من جدامي

اخذ التلفون من الشحن ومشه.. وكف يم الباب بدون مايندار صاح
خيتي وضحى.. جثير ناس هين يحتاجلهم كسره خشم معدلة

كالتلو .. هاااا منهم هذوله.. صاح عليها يعرفون نفسهم كلش زين سهلة خيتي سهلة... خله التلفون بجيبه وطلع جان وضحى تضحك
كالت شماشوف حارمه الزلمه من ليلتووو ...

كتلها هااااا شنوو ..خجلت ماعرف بعد شردلها .. كالت لا يمه واضحة الشغلة اسمعي اكلج .. تره براسج براسج اذا مو اليوم

باجر .. لا تخبلين الزلمة بعنادج ..وتخلي ضايج شفتي شلون يحجي اني من جيت عرفتو زعلان .. لان جان يسولف بيج كبل

كلت عجل اذا اخذ العنود يمكن بعد عيونه ماتشوفه وتالي اجي الكاه يهزب ويزكح .. صيري عاگلة وافتهمي الزلمة لا تخلي يجيب

عليج حرمة الخ ههههه تره صفيه من يوم عرفت نفسها ماتخلف
زوجتو وراحت.. وزينه ماتعرف ادبر حالها لو غير وحده جان

كسبتو بعقلها .. بس انتي حشمنا بيج كلنا العنود عاگله فاهمه
اسمعي مني الزلم ماتملي عينهم الحرمة الفاهية .. وانتي عاد افهميها ..

_ تحاجيني واني بس اهز براسي ماتدري اتي شمصخمة وشحاحيه وياه.. صفنت عليه كتله زين هو ليش تزوجني
يعني هو يريد ولد علمود الولد اخذني...

_ لا والله .. مو سالفه ولد يامة حجينا وياه يتزوج بس هو مايقبل كال اخذت نسوان اثنين وماجاني عدوان يمكن الله مو قاسملي

يعني ابد ماقبل يتزوج شكثر كناله على نسوان .. بس بيوم وليله جاني كال اخيتي لكيت حرمة الي ادور عليها من سنين جان يحجي

بيج وهو متلهف ،. كال بنيه شخصيه وشكل .. حتى بعلامه كلي الشامه حدو اللثامها تخبل.. وصفلي شكلج ،. جن رسام ومتابهي

بلوحتو.. يحجي بيج وهو طاير.. ماريد تخربين عليه سعادتو
اكضبي رجلج لا تفرطين بي تره روكان مخبل الله وكيلج ان كال

سالفه يسويها.. يعني توقعي بيوم يجيب عليج حرمة حتى بس يكسر خسمج...

_ كتله اي مو كتلج خشمو غالي.. والله عاد هو الي يتزوج مره ومرتين ماتصور راح يبطل من النسوان

_ صدكي بالله لو لاكي مره حوگ تعرف طبعه وتفهمه ماتزج اني اخويه واعرف اني الي ربيتو. شدي حيلج يمه.. واني اكوم هسه اروح على بيتي..

_ لاااا خاله وين والله بعد وكت وراح ابقى وحدي

\ يبعد خالتج ولله ماكدر تا اكوم اسوي غدة .. وهسه مشوار النوب يجي يمج ابو عدوان.. وخاف تضوجين اطلعي تمشي تره المنطقه كلها كرابه وهاي كبالج وبصفج كلها بيوتنااا

_ كامت طلعت وصلتها للباب البره.. جان الجوو يخبل ..
نص بشهر العاشر .. حيل حلو الجوو والحديقه جيره ترد الروح

تمشيت بيها وفتريت... انتظرت بالحديقه شو محد بين ..
صعدت فوك الغرفتي..بقيت كاعده وحدي والضوجة فول

بقيت اعزل بهدومي ولميت الكزاز ،، حسيت نفسي تعبانه ..
شلت اللحاف تمددت.. وبقيت افكر بالي صار بالي راح يصير

شلون راح اطلع نفسي من هالورطه النوب هو صار يشوفني
دم اسنونه .. كام يكرهني .. يعنذ اكيد راح ينتقم مني.

بقيت افكر بيني وبين نفسي من كد التعب ماحسيت على نفسي غفيت...شوي وجان احس الباب نفتح .. بين النايمه بين الكاعده

مادري حلم.. ماعرف واقع... رجعت نمت... جان اسمع حس ابو عدوان.. يكول يولي اكعدي جاوبته هااااا شتريد صاح شبيييج

اصحي ...هين حسيت علو نفسي اني نايمه رفعت راسي... اندريت انتبهت على نفسي مكشفه هدومي

مرفوعه رجليه كلها طالعه.. دحكت ابو عدوان ورايه واكف وبس بالفانيله والسروال...كمززززززت الحيلي... كمت الملم بنفسي
..........................

يتبع... القصه احداثها بطيئة .. من اسرع بيها تكولون ليش
مختصرة .. القصه عن حياة متزوجين واثنينهم واحد معادي الثاني يعني مغامراتهم .. زعلو تراضو دانقلها بوقعيتها ..
وعلى كيفكم بالحكم على العنود 😁 خطيه هي معترفه بغلطها
لكن صبركم عليهاااا😋😉 اثنينهم راس يابس ياترى من الي
راح ينكسر خشمووو ويصير يتمنى ......!!

لا تنسون التصويت والتقييم للبيج حتى يقوة😍 اذا صارلي مجال ارجع اكمل الكم الحدث🙈