رواية ابو عدوان الفصل الحادي عشر 11 - بقلم غير معروف

الحادي عشر

#ابو_عدوان

#مذاق _العشق

#بقلمي_نشوى_السلطان

اليوم من الصبح كاعد وافكر بيك , انا ابتليت بعشك و ادعي الله هم يبليك ..!! هم مثلي تصحى الصبح ماتعرف انت شبيك
متورط بهالعشگ من راسك الرجليك
اعترف كله جذب لو كلت ناسيك...💔

مادري حلم.. ماعرف واقع... رجعت نمت... جان اسمع حس ابو عدوان.. يكول يولي اكعدي جاوبته هااااا شتريد صاح شبيييج

اصحي ...هين حسيت على نفسي اني نايمه رفعت راسي... اندريت انتبهت على نفسي مكشفه هدومي

مرفوعه رجليه كلها طالعه.. دحكت ابو عدوان ورايه واكف وبس بالفانيله والسروال...كمززززززت الحيلي... كمت الملم بنفسي ..

رفعت راسي دحكت علية صاد غادي كال اكعدي اهلج خابرو يسألون عليج... يولي مو عندج تلفون وينو هااا..!

_ كتله مادري بالجنطه جان وطافي دورت عالشاحنة ماكو
كال كومي خابريهم ام قصي نوبتين دكت.. واني ماجنت هين
كلتلها اصل البيت واخليها تخابركم..

_ كمت الحيلي شلت الشال حطيته على راسي شفتة راح يمشي
شال المنشفة.. كتله دقيقه انت ماتريد غده..!

صد عليه كال لا متغدي وشبعااان اذا اتريدين اتغدين الثلاجة مليانه
كتلو زين وين تغديت ..!

_ يعني وين اتغدة غير يم زينه .. ! تريدين تخابرين ام قصي لو بعدين.. كتلة اني اخابرها لما اشحنو.. تريد احظر الك ملابسك

_ اي حظريهن عجل شنو شغلج... !

_ اي عادي تره انت ليش هيج تحاجيني بنترر...

_ جهزي ملابسي هين اطلع الكاهن وحجي زايد لا تحجين

_ دقيقة خل احجي وياااااك... ديمشي وكف كال خيرررر بعد شرايده احجي.. مشيت وكفت كباله.. كتلو بس احجيلي اني شنو
مصيري هين يمك فهمني انت راح توديني الاهلي لو شنوو

_ صد عليه.. كال موزلمة الي يعوف حرمة ثاني يوم عرسها
شتكول الناس عليج.. لكن الايام جايه.. واني اعرف شتصرف وكتهااا..

_ يعني انت راح تبقيني فتره وترجعني الاهلي...

_ تره سألتي جثيررر تريدين اوديج الاهلج تهيري هسه اوديج
تره اني تحملت السانج الطويل وسوالفج الي سولفتيها
سدي حلكج وكافي .. لاحكة اتروحين الطلال...

_ هااااي هم رجعت حلفتلك اني مااحب احددد انت ليش متصدك
داحجي.. جان يطبك اديه الاثنين لوره.. صار واكف بوجهي رافعه

راسي وادحك عليه... جسمه قريب مني ..وجسمه جان مكشوف استحيت ادحك عليه 
خزرني وصار يطبك بأديه بقوووة .. تأذيت عطتتت بقوووة ايدي

ايدددي عوفني شبيييك.. كال.. شلون تريدين بعد اصدكج اونتي بأول ليله كلتلي اعشگ غيرك.. تدرين شنو مامهظوم عليه شي

لا بالله .. لكن هذا طلال .. لوزلمة حوگ جان مالمتج كلت ابن عمها وعشكتىوو واهلها جبروها .. يمكن جان تفهمت السالفه

الا هالحثااااالة الي متغزرة بي... مايسوه واحد يسولف بي
_ لا تهتمين يالعنووود ترديله ترديلة وداعتج

_ سحبت ايدددي منه .. ددحكت اصابعه مطبوووعه على ايدي
كتلة الف مررررة كتلك اني جنت اجذب عليك
ورررروح ابويه ماحبه انت شبيك شو كل شويه وكايل طلال
كتلك وشرحتلك السالفه...

_ هههههههههه يولي ... تحبي ماتحبي بعد كلج ماتعنيني
تفهمين شنو ماتعنيني... يعني هسه مدي اكلعج الاهلج

لكن جابر واكف بعيني... ماريد ابقيج هين لكن مجبور
اللسانج طووويل والعناد راكب راسج واني ماعندي حرمة

تلاسن ولا اريد اضربج .. تعرفين ليش لان موزلمة الي يطلع مراجلو على حرمة ..

ضربتج البارحة لان طلعتيني من طوري

ولا تصدكين مقهور عليج لا لكن لمت نفسي شلون ضربت حرمة

لكن انتي مو بس تستاهلين الظرب تستاهلين الهجر وكسرت خشم معدلة تعرفج منهو روكااااان

_ وشنو يعني عادي ودينيييي خليني اروح كلشي ولا شخص
يذلني يكومي ويكعدني طلال ورزايل

_ هههههههه ول يابه والله بعد ماشفتي. شي

هاااا يعني انت متحمل عليه بقيتني حتى تهيني عجل خوش مقدر جابرررر وانت هين تهين وتزكح ومامحترمني

- انتي احترمتيني حتى احترمج يول انتي دستي دوس على كرامتي وماكو حرمة بالدنيه تهين روكان افتهمتيتي .. لا عبالج
بيوم احن وكلبي يبرد عليج لااااا اليله هذي ماانساهه

_ ماحاجة تكولي انت واضح بعد من تصرفاتك تريد تذلني
واني اعرف غلطت بحقك لكن خاااني التعبيررر

_ يابه طلع خاينج التعبير هاي نكدر نمشيها بس انتي كلتي وبلسانج حجيتيها اني ماردتك اهلي جبروني يعني بكل الحالات
انتي مالج مكان يمي..

_ شو انت تحجي وكأن اني ميته عليك.. ومنو كلك اني اريد ابقى
شوف اني محد يتجرء يذلني انت بعدك ماتعرف طبعي اكدر هسه

اللبس واطلع الاهلي وعود خل يذبحوني  _ داحجي وياة كط المنشفه غادي وجة لزمني من حنجي بقوووة ... كال يولي

اركحي وصيري ادميه لا تخليني اسوي شي ماتنسي طول عمرج
تره اللسانج طووووويل زايد وماعندي حرمة تلاسن بيه
ادفنج وانتي عدلة والله... تره دافور عليج تعرفين شنو افورررر

_ وخرررر لا تلزمني ايدك وخرها مني منو سمحلك تلمسني  هااا
بعد لا تكضبني 

_ لاااا حگ والله حگ.. انتي تريدين اكسر عينج بس ماتعرفين شلووووون ... دفعني عالجربايه وكف كبالي... عدلت نفسي اريد

اكوووم .. دفعني اني مدده عالجربايه وهو بصفي ادحك علية مفعوول اعصاب انفاسه تتعاله اريد اكوم خفت منه ومن نطراتة

لكن هو مسيطر عليه ايدية بأيده لازمهاا.. وبأيد الثانية لزم وجهي من حنجي بقوووة.. كال.. مامن حقي مووو.. مامن حقي الزمج

ولا اكووون يمج .. يولي انتي حلالي يعني الي اريده هسسسسه اسوي .. وبكييييفي وماكو بشررر بالدنيه يمنعني...

\_ وخرررر داكلك وخرر منيييييي انت شبيك داكولك عوفني

_ بكييييييفي اني هييين وانتي بحظني عاجبني اكسر خشمج
شتكولين هاااا  نجرررررب..!

_ يعنييييي شتقصددد ادحك عليه عينو عليه وعلى جسمي وجهه احمر مفعوووول لكن يبين حيل ضايج.. كتله وخر مني انت شلون

هيج لازمني اريد اكوم وخررر.. اعاتج ( ادفع) حاولت اوخره مني لكن ضخم  .. ماكدرت .. رجليه نكشفت.. عيني عليه وعين

على رجلي.. بلحضتها جنت مستحيه من نفسي واني بهالمنطر
وهو بس فانيله حيييييل جان يبن منفعل ويدحك علية بنظرات

قاسية كتلو انت شتريد تسوي بالضبططط تره الي ابالك مستحيل يصير واذا سويتها الم عليك الدنيا...

لزمني من ايدي بقوووة لحد ماصرت اتألم كال كتلج لا تتحديني  اكدر اسوي الي اريده لا انتي ولا الدنيا كلها تمنعني... لكن نفسيتي مااااتقبلج .. فهمتي
.. فهمتي يالمغروررة.. كلج من راسسسسسج  لين اجدامج
ماتهميني.. ان جان عالنسوان عندي افهمي سحب نفسة    وخر مني وكف .. شال المنشفه وهو ناااار

وطلع... كمت الحيلي.. صرت اعدل بنفسي واني ارجف ..
انتبهت النفسي.. جسمي احمر جن نار بجسمي كلو احمررر

شبيه اني شلون هيج احاجي واعانده المفروض اسكت واسياره
اوووف من اللساني.. صدك طويل لو بس اكدر اسكت ومااعاندة كمت كعدت واني ارجف حسيت نفسي

برداااانة  رجف بجسمي اهجس صخنت مو بس خفت ..

يمة مجرد ماصار قريب مني الخوف نهاااني
شكد جانت نطراتة مليانه حقد... هالكد كارهني لا ويريد يضوجني

يكول عندي حرمة .. خل يروح عليها عجل ليش مهتم.. احجي وي نفسي والملم بروحي كمت الحيلي جان يصيح شكلتيييي يولي

شكلتي عيدي الحجيتي.. صديت وكلي خووف شكد جنت احس نفسي قوية ومايكدر زلمة يخوفني لكن اعترف كدامه اتخربط

واصير اخربط بسوالفي من خوفي .. رديت عليه بصووت كتلو مو وياااك احاجي روحي ...

_ مو ويايه مووو .. سهلة سهلة يولو يابه عجل نشوف تاليتج

_ طلع من الغرفه راح للحمام... كمت طلعت تلفوني من الجنطة
دورت على الشاحنة .. لكيتها وشكلتها خليت جهازي عالشحن

_ اتذكرت كال حظري ملابسي .. كمت دورت بالكنتور وبالجرارت لكيت ملابسة طلعتهن .. هاي فانيلته .. عزه عالماتولي شكبرها..عيني خل اخليها لا يجيني ويذبحني

.. فتحت الكنتور كله قمصان نوووم تخبل

واحد احلى من الثاني.. قصير وطويل.. الوان اتخبل.. اطلع بيهن واحد واحد وارجع اعلكة.. ادري هاي النسوان شلون يلبسهن هيج

ادري مايستحن.. هو صار قريب مني انتهيت النوب البسلو هيج
مخابيل هذول عقال جايبلي هيج قمصان.. بس والله حلوات رجعت

علكتهن وسديت الكنتور ... دحكت على نفسي بالمراية.. مكياجي رايح.. رجعت فتحت اللعلبة اريد اطوخ المكياج.. فتحت قلم الحمرة
وكمت ارسم بشفتي... جان اسمعه يكول المن محمرة .. هااا

_ دحكت عليه واكف بس بالمنشفى.. شهكت بصوت عالي وصديت غادي حاجيتو.. كتلو انت شلوون تجي لللغرفه هييييج...

_ شكووو شبيج تشهكين... شفتي شنو وحش جدامج .. لو شنو
على كيفج يابه .. تره مو جهال احنااااا

_ مندارة واحجي وياه كتلو ملابسك عالجربايه اللبسهم بسرعه ..

_ المن هالمكياج يولي... ادري شتسووووين محمرة كل دقيقتين

_ اللبس واني اكووولك بس اللبس...

_ لا يابة الي يشوفج يكووول فقيررره مايدري اللسانج برنو وكام يطلق.. للبست يابه... لا تخافين بعد ماكو بعبع..

_ انتطررت دقيقه ودرت  راسي على كيفي.. شفتو كاعد عالجربايه لابس فانيله والسروال.. كتلو اكول تره اني عروس ومن حقي امكيج

_ ايباااااااخ... منهو هاي العروس يولو..ماسمعت زين اذانة مسدودات

_ انت عاد خوش لاكيها عليه... وابقى صنف

\ لا ماصنف كطي هااحمر هاي من ايدج وكافي عاد الدنية ظهر
عليش مدلسه..

_ كطيت االحمرة .. انت راح تعيشني بجحيم اعرف.. بس تره كلشي اتقبل ومااتنزل شتريد تسوي بيه سوي حيييل بيه وابو زايد

اني الي اجبتها النفسي،. مشيت من جدامو هو ينشف براسه بالخاولي ويدحك عليه من جوه لجوه.. ماوكفت فتحت الباب

ونزلت... بقى هو فوك .. طبيت للهوول.. اهجس الدنية مغيمة
فتحت الستاره.. دحكت اي الجو كأيب وغيب. سبحان الله قبل شوة

جان الجو يخبل... بسرعه انكلب.. كعدت وكمت اسولف وي روحي الجو نكلب من صافي الى غيم ... حالو حال روكان

كمت افتريت بالبيت.. صار باب غرفة جدام عيني.. مديت ايدي
فتحته،. ضلال طكيت الدكمة صارت  كبالي غرفة توم .. جربايه

نفرين،. لكن الاخشاب قديمةةة وتبين متروووكة ومليانه تراب
يولو عاد محد منظفها.. وين اني بغرفة نوم لو بالاثار.. ول ول

اكيد هذي غرفتو ويا حرمتو الاولى.. ليش لا يكوم نسوان حجي متولي.. عبالو اخذني راح يرتاح... اقسم بالله الا اخلي يكره

النسوان .. هههههههه اي يبو عدوان عجل تاخذني علمود اجيبلك الولد.. هييييين يبو عدوان .. ان ماخليتك بغير دنية ماكون اني

العنود.. ولو هو عنادي ومو سهل لكن شكو ورايه صار بين اديه
خلي احاول وياه..

حيل عجبني المناكرر.. رغم يضوجني بسوالفه

بس اتحمل شنسوي.. طبكت الباب.. دحكت هو نازل عالدرج
والعطر يعط من بعيد لابس دشداشتو ولاف يشمغ على راسو

نزل وبيدو التلفون ... مشى عالمطبخ.. رفع البرده ورجع نزلها

طب كعد كبالي... شفتو اتصل بالتلفون لكن ماعرفت عليمن..
طبيت للمطخ .. ميتة جووع... هسه اني شأكل شسوي.. والله

استحي امد ايدي وافتح الثلاجة...بس الجوع طكني .. بقيت بالمطبخ اروح واجي واسمع صوته يخابررر.. ويظخك .. دحكت

عليه من الباب شفتو مرتجي وخال رجل على رجل يخابر والجكاره بأيدو.. صديت عالسريع فتحت الثلاجة.. دحكت اكو بيها جداري

فتحت وحده منهم بيها مرك.. ولحم.. رجعت سديتها.. مديت ايدي
شلت الموزه.. وطبكت الباب.. ضميتها ورايه.. ماردته يشوفني

واني اكل.. دحكت عليه بعدو يخابر... وكفت يم السنگ فتحتها
وكمت اكل عالسريع.. اكل وعيني عالباب.. من جوعي بسرعه

اكلتها.. ذبيت الكشر وغسلت ايدي... انداريت اريد افوت للهول
وجان انلطخ بي.. وكف بمكانه .. ورجع وخر على صفحة ..

سوالي طريق.. عبرت وهو عبر.. مد ايده عالباب.. كتلو
راح تطلع.. كال اي طالع .. انت هيج كبل طالع

_ ليش شعندي كاعد هين... اطلع اطب شعليج انتي..

_ اي بكيفك بس ردت اسأل واذا سؤالي ازعجك ياسالفه
ردي المجانج...

_ اي خل ترد ولاتعودين نفسج على هيج اسألة

_ تطلع اطب مايهمني تره .. بس لان وحدي كلت اسالك

_ تره الديره امان وماكو احد غريب يعني على شنو خايفه

_ موخايفة لكن الجووو شوفه شلونه

_ الجوو دحكت رفعت راسي شكو شبي الجوو !

_ اقصد مغيمة والجوو يخوووف ...

_ مافهمت الجووو شعليه بطلعتي يولو..

_ اني اخاااااااااف من البرق والكراركيع...

_ له له تخافيييين والله زين اكو شي تخافين منو وكاسر عينج
بلجي ترعد ليل ونهار وماتبطل...

_ تره مااااشاقه والله اخاااف..

_ زين واني شنو يعني دوري بالموظوع.. تريدين اوكف الرعيد مثلا

_ انت ليش تقلد على كلشي اكوله اني اقصد اخاف وحدي

_ هاااااا تخافين وحدج.. اي هسه اشوفلج وحده من بنواتنا تجي يمج لا تهتمين .. واقفلي الباب ورايه ..

_ ديحاجيني .. وجان اطب شمة تركض... صاحت بابااااا بابااا
جن يركضن هي واختها حظنو من رجليه... شال سلوى ورفعها

ليفوك.. كام يبوس بيهن.. يول اشجابجن هاا .. كالتلو ماما جابتنا
دحكت لين زينه جايه هي وياهن... دحك عليها روكان

كال الها .. هلا فوتي.. فتح الباب وطبت سلمت وكفت على صفحة .. ادحك عليه بنظرة غريبة.. كالت مبارك كتلها اشكرج
كالتلو جيت البنوات وره ماطلعت كامن يبجن خبلني عليك

_ شمة لااا مابجينااا بس اني كتلها وين بابا كالت اوديج عليه

_ جان زينه تحط ايدها على حلكها كالت لا مو هي هاي سلوى
ابتسم ابو عدران كال الها سهلة هلا بيكم يله فوتو اكعدو.. طبينا

نمشي كعد ابو عدوان .. جان تروح تكوم سلوى وتكعد بصفة
كمت شلت علبة الجكليت قدمت الهم .. وخليتها كبالهم ورجعت

كعدت ،. روكان جان ملتهي ويا شمه يحاجيها ويضحك كال الها
سعود يدور عليج اخابرو تحاجي..عفتهم يسولوفن كمت الحيلي

طبيت للمطبخ .. فتحت الثلاجة.. جبت ماي.. وطبيت .. هي كاعده
اول ماشفتني تقربت وصارت بصف روكان.. دنكت خليت الماي

عالطبلة كبالهم،، ومشيت كعدت عالطخم.. يحاجون سعود ويضحكون ملتهين وهي عينها عليه مركزه على كلشي بيه

اول مادحك عليها تتغير ملامحها ..

شالت ايدها خلتها على رگبة
روكان ،، اديها قريبه من راسه تحاول تتقرب او تحضنا هو مرتجي ويخابر ويضحك .. مامنتبه عليها.. عرفتها تحاول تغيضني

كامت الحيلهت جت كعدت بصفي .. حسيتها تريد تحجي شي
صديت عليها ابتسمت الها ..
كالت اليوم ابو عدوان تغدة يمنة..،

كتلها اي بالعافية..

_ الله يعافيج جة من وكت كعدنا سوالف اني وياه وضحك
البنوات من جة لكاهن نايمات.. وبقينه اني وياه عاد شاف

مسويه غده والباميه جاهزة.. صبيتلو تغدينا سوه.. وكعد لعب
ويا البنوات.. وطلع .. وره ماطلع تخبلن ينكزن وديني عل
بابا ،، عاد لبست عباتي وجيت هم كلت اسلم عليج واباركلج

_ الله يسلمج تسلمين لا اني جنت نايمه وجة كعدني اهلي
جانو مخابرين عليه ومغلق جهازي... صفنت كالت ليش

نايمه عجل كولي للصبح مو نايمين.. دحكت عليها مدري
شريد اكول الها .. كتله لا بس شو نعست ونمت.. لان وحدي

وضوجة..بقت كل دقيقه تسأل سؤال.. وروكان عينو علينا
بس ماحجة بقى يخابر صارت الدنيا عصر وهي يمنه .. بدت

الدنية تنكط مطر..والبنات يلعبون بالمطر بره.. روكان كاعد
هو وسعود بالربعه  وهي كاعده يمي بالهول.. اخذو النركيلة

وسيتلهم جاي .. داودي الصينه.. شفتهم طلعو.. فتحو باب الربعه
كتلها يااا هاي طلعو مالحكت اودي الجاي..، كالت طبعا تره انتي

بطيئة هاي لو اني جان من زمان مكمله.. كتله هو عالنار غير
انتظرتو يكمل.. داحجي وياهه جة ابو عدوان كلها تهير تا نروح
كالتلو وين يعني تجي ويانه اليووم...!

دحكت عليه كال الها امشي هسة جيبي البنوات وتعاي..
شو دحكت عليه مدري شلون عوجت حلكها وطبت شالت العباية

لبستها وطلعت لبسيارة.. بوست البنات وراحو صعدو همه وسعود
وروكان.. طبكت الباب وراهم .. صعدت الغرفتي واني ميته جوع

شلت التلفون لكيت مكالمه من نجمة.. كطيت الملفع( الشال)
تمددت عالجربايه.. خابرتها ... دك اول دكة وجان تجاوب
كتلها هلا نجمة شلونج..

\ كالت ولج وينج يولي لو ندري هيج ينسيج الدنيا روكان
ماجان زوجانج لو.. ادري وينج امي بالها يمج

_ اصبري ههههه اخذيني حاصل فاصل يعني ويني غير بالبيت
وشاحنتي جانت ضايعه .. المهم شلونكم امي شلونها

_ زينين كلنا زينين بس بالنا يمج بشري يووولي

\ هاااا يعني شبشرج شكو ماكو شي

_ خبلة اقصد اموركم بالليل شلون صارت

_ شلون صارت وداعتج بالكلاصات

_ يعني شلووووون يولي مافهمتج..

_ اكلولج عاااال العال شبيج ماتسمعين

_ هااا مىو اكول شنهي كلاصات شلونو روكان اكيد طاير بيج

_ اي زين شبي مابي شي

_ ولج خبله انتي شو مدي شون تحجين

_ مابيه شي قصاوي شلونو شخباركم

\ شلونو مجلوب مايركح بمكان.. عود تعالو حدرو هين
يمنه بالعوجة .. جيبي وتعالي..

_ اي الله كريم هو سبوع ويداوم جوز اخلي يجيبني يم اهلي

_ اي زين تسوين لا تبقين وحدج ..

_ اي ماشي راح اروح هسه وبعدين نتخابر سلميلي عالكل
وبوسيلي قصاوي وضي وكلكم...

\ ههههه ماشي خيه ديربالج على نفسج ولا تغثين روكان تره
الزلمة يستاهل اتدللي

_ اي اي صار تأمرين انتي وياه...

سديت الخط ومدري اضحك على نفسي مدري على الكلاصات
هههههه خوش دللتو دلال.. خل اكوم اغسل.. طلعت هدومي

وطبيت للحمام غسلت وتعطرت.. طلعت كعدت بالغرفه وحدي
فاتحة شعري دامشط.. جان يندك الباب.. كلت منو.. كمت الحيلي
جان يطب دحك عليه.. كال شدتسوين يابه

_ كتلو جنت اغسل وهسع طلعت..

كمت الملم بشعري

_ كال يولي جبت عشى وياي عود لا تسوين شيء

_ ليش مو اني توني اريد انزل اسوي عشى

_ هذا وضحى سوتو اليوم لا تسوين باجر سوي..

\كتلو ماشي.. دحك عليه دامشط .. عافني وحدر جوه
كمت مكيجت وخليت شعري مفتوح انتظرتو ينشف
..
ولبست  داشداشة فانيلة لون زهري .. خليت على راسي
ملفع صغير.. خفيف دحكت على نفسي بالمرايه حلوه

بس جانت ضيقه وبارزه تفاصيل جسمي.. لا خل ابدلها
ذبيت الملفع عالجربايه فتحت الكنتور اريد اطلع غيرها

جان يصيح ول يااااب اليوم مامتعشى.. فضينا عاااد
صديت عليه لين واكف باب الغرفه .. كتلو توني اريد
انزل بس...

_ بسسسس شنو فضينا عاااد انزلي صبي العشى..

_ شفتو ضايج كتلو اي جايه ..شلت الشال
ومشيت.. هو نزل كبلي.. واني نزلت امشي وراه

_ كعد بالهول.. شغل التفزيون.. واني طبيت للمطبخ

_ لكيت صينيه بيها لحم مشوي ودجاج ومقبلات جاهزه من
كلشي...شلتها .. وطبيت للهول.. لكيتو يسوي بالستلايت

كتلو العشى كامل خليتو عالطبلة.. كال شو هذا مايشتغل
واحد مايشوف اخبارر شي.. ساعتو سوده ماال اكوم
هسه اكسور بنص الطرمة.. مال الهجم لا هجم بلجي

وكفت غادي شفتو ضايج شو طلع يضحك رجع اعصاب
مدري شبي بس يصيح.. كتلو تره بره مطر اكيد ماكو اشارة
جان يصيح كال اني اشوف تره مو اعمى نزلي العشى جوه

_ يعني تريد تتعشى بالكاع اجيب جودليه

_ اي طبي جيبي جودليه من جوه شعندي معلك فوك

_ كتلو اي هسه .. طبيت للغرفه الجوه طكيت الضوة

لكيت ميز كامل كلو فراش.. سحبت جودليه مديتها صديت مالكيتو

مشيت لكتيو واكف عالمغسلة ديغسل..، رجعت وكفت بالهول

طب يمشي وكف دحك عليه وبيدو الخاولي.. كال يو واكفة
شكتلج اني موكتلج اكعدي تعشي ..

_ كتلو اي هسه.. تربع وكعد عالجودليه.. اني استحيت اكعد بصفه

رحت كعدت ع طارف الجودليه.. شال الخبزة صد عليه كال ول يابه
اليوم مانتعشى من وراج ماكتلج تكلطي وتعاي تعشي

_ انت اتعشى واني اتعشى وراك..

_ هذا العناااااااد الراكب راسج شنو.. ول ياب والله وريتيني ور
الف مره كتلج لا تعامدين.. دفع عليه الصينه وكام.. شال باكيت

الجكاير.. وطب للربعه..

بقيت وحدي.. اريد اكوم اودي العشى ماكدر اخاف يزكح بيه
انتظرت شويه ماجة شلت الصينه طبيت للمطبخ اروح واجي
ميته جوع.. وهذا منا زعلان.. فرطت صيخ لحم اكلت عالسريع
ورجعت الخبز مكانه.. ادحك عالاكل والله بعدني جوعانة..
غسلت ايدي... ومشيت.. وكفت يم باب الربعه .. دحكت عليه
مدد ويكلب بالتلفوون.. دفعت الباب براحة.. كتلو شنو ماتريد عشى

اشرلي بأيدو روحي.. بدون مايحجي

_ كتلو عشاك جاهز اني تعشيت تريد اجيبو هيييين

\ اني داكلج رووووحي يعني عوفيني وكافي تلحين

_ اي اروح بس عود شنو زعلان عليه لو عالعشى ههههه

_ كام الحيله وصاح ول انتي وتااااالي وياج..

_ ضحكت كتلو وانت وتالي وياك كبل كالب وجهك

_ يول روحي من هين تره مو ماقص سوالفج اطلعي وسدي وراج

_ برراحتك راح اصعد للغرفه لان نعسانه واريد انام انت راح تنام هين مووو .. من كتله هيج خزرني بعينه وعقج حواجبه كال اي هين انكبر امشي جيبلي فراشي من فوك واهم شي مخدتي

_ كتلو هسه اجيبهن.. بقى صافن عليه صعدت اركض جبت
مخدك ولحاف خليتهم يمه... وهو كاعد بالكاع يدخن

كتلو محتاح شي اخر...

كال اي ..

كتلوو اي كول شنوو

_ كال تصعدين لغرفتج وتسدين الباااب يله توكلي

_ هاااا هيج خوووش هسة اصعد.. طلعت وطبكت الباب بقوة

صعدت عالدرج اسمعه مدري شيدردم لان سديت الباب بحيل

طبيت للغرفه كعدت وحدي.. رجعت من الضو جة طلعت علبت
المكياج كلها.. وكمت امكيج من جديد.. مر الوقت

دحكت عالساعه.. هسه ضي نامت.. تمددت بفراشي وكمت
اكلب بالتلفووون... وهناااك وجان يصير ضوة عالشباك

جفلت.. شنو هالضوة.. كطيت التلفون غادي
كمت الحيلي واني اتلفت يمنه ويسرة

بعدني بأول خطوة وجان اسمع حس الكراكيع والمطر ..
وكفت بمكاني من الخوووف جمدت.. صديت اريد انزل

وجان تطفى الكهرباء..وصارت الدنيا من ليل الى نهاااار
البرق والرعيد والصواعق.. كمت ارجف رجف.. اهمي عالجربايه

اريد الكة التلفون ماااكو طار.. بقيت اتهمس عالحيطان وكل ثانيه
اسد اذاني من الصووووت والخوف.. تهمست وصلت باب الغرفة

فتحت الباب.. الصوت عالي ويجااااوب.. صحت ابو عدوان

ا.. وكفت ع الدرج وينو ياربي وين راااح ابوو عدوااان
يايمه.. بس لا طلع .. امشي واقرأ ايات.. نزلت اول درجة

جان يفتح الباب صاح العنوود اكفي لاتكعين يولي

_ كتلوووو وينننننك .. اصيح ماترد..

_ اكفي.. ابوي انتي لا تكعيبيين اصبري.. خليج بمكانج

_ كتلو ضوووي وين تلفونك.. صاح وينه المهجوم طفى
حسيت بي جة يمشي عليه.. وكف بصفي كضبني من ايدي
كال شنزلج لوو واكعه...

_ يمعوود دحك الرعيدددد هاي شصار بالدنيه

_ شبيج شنو رعيد يولي

\ خليت ايدي على عيني كتلووو ماتسمع صوت الصواعق

_ اي اسمع وشنو يعني .. بس لا تخافين منهن انزلي

\ اييييي اخااااف والله...من كتلو هيج كام يضحك بصوت عالي
كال عجل طلعتي بس اللسان .. العنود واني العنود ها يابه

\ اهووو تره اني راح اموت من خرفي..

_ اي وشسويلج .. انزلي ويايه اكضبيني..،
نزل هو جدامي واني مجلبه بالفانيله من وره يمشي ويضحك
خربان ضحك عليه... كضبني من ايدي وكعدني عالطخم
كال اكعدي هين .. يابه هساع اجي..

\ كمت الحيلي كضبتو كتلو وين اني مااشوف وين رايح اخاف

_ اصبري اشوف جداحة شي تلفونج وين

_ عفتو فوووك دورت ماشوف ..

\ هههههه اشبيج اتراجفين ول يابه طلعتي صدك جبانه

_ اكوولك تره اني ميته خوووف انت شدتحجي

_ ول يابه خمو بيدي شسويلج مطر خير هذا.. كون للصبح تبقى هيج وين الله وللصبح اليوووم

- لااااا عليك الله اخاف والله اموووت..

\ هههههه الحل يولي تره نعسان واريد اناااام

_ تنااااام واني شلووووون لا حباااااااب

_ هااااا هسة صرت حباب ول يابه انتن النسوان بلووووة
راح انام جوه تريدين تجين تعالي.. ماتريدين شسويلج عاد

وللحكاية بقية... اتأخرت لان بالغلط انحذف نص الجزء
ورجعت هسه كتبته ركض ...😭😭 تعبت واني اكتب وتالي راااااح .. الحمدلله.. كتبتو اسفه ع التأخير عيوني

لا تنسون التصويت وبداعة روكان غلسو عالسحك

ا