رواية ابو عدوان الفصل العشرون 20 - بقلم غير معروف

الثامن عشر

#ابو_عدوان

#مذاق _العشق

#بقلمي_نشوى_السلطان

زعلان بس يازعل
لمٌن تِرِد للصِدِكً
قبل المنادي أجي ... وشلون جية
أجي
أركض ركض محتركً
يالذتك إبمهجتي . .وين ألكًـه
مثلك هوى
لولاك والله أختنك
ًهيٌه شراكة نِفَس لو سكت
كًلبك سكت كًلبي
ويـِدِك لــو يـِدِك
َ لوما وكتنه صعُب ماجان أبد
نفترك
ًكِلمَنْ مِشه إل حالته
واحد سِكنْ بالغَرٌب ..واحد سِكن
ْ بالشرِك
ًكل هالمَسافَه .. البعد !!
وِسوالفَكْ تنسمِع جٌن إحنه
ًحلك إب حلك

اشكر كل من سأل عني وقدم التعازي بالخاص والعام وعذروني الفتره الراحت التهيت بوفاة عمي وماكدرت اقدم شي قبل ساعتين
رجعت البيتي وكوه كتبت 😔💔

والله مادري شو سعاد مسولفه الناس اتكلهم ابو عدوان يريدني
اليوم ردت اسأله كلت عايزه يجيب النه الخ..
بس صفنت كلت خمو بس اني تنزل عليه ظرة
خل العنود هم تضوكها .. ههههههههه

_ تحجيها وميته ضحك مثل واحد شمتااااان دحكت عليها
شريد اكول اللها.. ومنو هاي سعاااد ...عاد وضحى كالت اله
لااا ماتصور روكان يريدها شلج بهالحجي..

_ والله مادري الي يتزوج اكثر من مره كلشي توقعي منه
جوز عنده شس وياهه هاي روحته يمها اكو شي بينهم

_ كتلها كومي خاله وضحى خل نروح .. كمت الحيلي..
وكامت ويايه.. جان توكف زينه وكالت بعد وكت شوو رحتي
خاف انقهرتي يالعنود كتلها مدامي مرة حوگ اعرف شلون اكسب
گلب روكان الي واملي عينه وماخلي يدحگ لحرمة غيري
مديت ايدي وطبطبت على جتافهه وكتلها .. المرة المعدلة
وام بيت ماتخلي مكان الحرمة ثانيه...

دحكت عليه ينظرة حاقده وكالت شتقصدين هاا

كتلها الحليم تكفي الأشاره.. فتحت الباب وطلعت مشيت سريع وعفت وضحى هي وياهه واكفين بعتبة الباب مدري شدردم عليه

ماصديت .. فتحت الباب البرة وكفت ... على صفحة..
هيج اهجس نفسي مخبوصة ومنفعلة مدي اطب اطلع قهري بيها

بس تمالكت اعصابي مدري شلون.. تعوذت الشيطان وجت وضحى
اخذتها وطلعت للبيت.. بالطريق تحاجيني وضحى وتهدي بيه

لكن اني نار وشابة بداخلي.. ليش هيج سووه معقول دينتقم مني
بقيت الطريق كله افكر لما وصلت البيت

طبت وضحى كالت راح افوت اتمدد رجلي توجعني.. خليت الها
مخده جوه راسها.. وطلعت للمطبخ سويت عشى ونظفت

بس هيج اهسج واحد خانكني.. بالي وفكري كله يمه ويم حجيها
زين هو مدام هيج يحبها ليش هيج سوه ... صبيت العشى وتعشت

وضحى واني اكلت شوية وكمت سويت جاي.. عيني عالباب
ردته بس يجي ..صبيت الجاي واخذته وكعدت يمها بالهول

_ يمه ماتشوفيلي الساعه بيش.. فات الوكت روكان مابين..!

_ هسه شفت الساعه .. بال. 11 وربع ماتصور يجي...

هاا عجل دخابري شوفي وينه خاف اكو شي..

لا خاله مااخابر لو يريد جان هو خابر شفتي شكد دكيت عليه وتالي يطلع يمها..، كل الي سووواه اعرفه كلش زين.. دينتقم مني

_ يبوو لا تصيرين عقل جاهل شينتقم يولي. بس جوز صدفة
لا تستعجلين بالحكم.. خل يجي ونشوف...

لا خاله شفتي حجيها الزينه .. النوب سعاد مدري مني..
الله اعلم شديخطط جوز هم يريد يتزوجها قابل هاي سعاد دتتبله عليه

_ يولي والله هسه يطلع جذب لا تتسرعين بالحكم اصبري جوز جذب جوز زينه مفتهمه غلط اني راح انام شو مالي خلگ اذا جة روكان كوليلي واذا خابر هم كعديني ولو ماتصور بعد يجي

_ لا خاله جوز جة وهسه هو يمها .. نامي واني راح انام والصبح لازم يجي وخل يطلع الحجي صحيح .. عاد صدك اهج الأهلي

تصبحين على خير خاله... كمت الحيلي طبيت للمطبخ تأكدت من البوب مقفله.. ورجعت للهول طفيت الانارة وصعدت الغرفتي

طكيت الدكمه شغلت الاناره.. طبكت الباب اريد اقفله.. مديت
ايدي عالمفتاح.. وتذكرت ليله البارحة  .. دفعت الباب بقوه وقفلته

البارحة وين واليوم وين .. شكد حقدت على نفسي.. همه الزلم هيج
شبية صدكت بي... ماشي ياسيدي.. ان ماخليتك بحسرتي مااكون

اني العنود..سحبت القراصة من شعري... كطيتها عالميز.. فتحت الكنتور اريد ابدل هدومي... جان اسمع حس سياره .. صديت

عالشباك صار الايت قوي .. ركضت سحبت الستاره.. دحكت جوه
شفت طارف من سيارتو طابكة.. بالطرمة.. يعني جة.. ركضت

طفيت الاناره ماريده يحس اني كاعده واتنااه...جطيت على جربايتي
جريت اللغطى وتغطيت.. واني اتكرضم اريده يصعد حتى يعرف

منو هي العنود... عجل تالي ينظحك عليه ويطلع د يلعب على الحبلين... بقيت لمدة عشر دقائق احاجي روحي واني خانكة نفسي

بالغطى .. انتظرتو يصعد ماصعد.. وين راح ... صفنت
بس لا راح الزينه.. دفرررت الفراش برجلي وكمت.. جطيت

وركضت عالباب.. تبرمت اريد اليووم صدك اتجاتل وياه... واطلع حرگة گلبي... مديت ايدي عالباب فتحوو براحة...تصنتت .. اي هذه

حسوو.. بس شديحجي.. خطيت خطوتين وكضبت المحجل..
سمعت وضحى تحاجي وتعابته.... وكفت بمكاني اسمعها تكوله

هم زين جيت العنود ماخذه بخاطرها عليك.. اليوم اني وياهه

بالنا مشغول عليك .. وتالي طلعنا ولكتك يم زينه من شافتك انقهرت

كالت شوفي خاله صارلو الاسبوع تقريبا كله يمها ويكلي راح اطلع

للدوام ويطلع ديضحك عليه رايح يمها... كتلها اصبري خل يجي ونشوف...

تحاجي وضحى واني افور اريدها تكله وسعاد الي شافوك يمها

_ روكان.. خيتي موهيج السالفه .. هي وينها...

فوك گبل شويه صعدت.. جوز بعدها كاعده... بس هي هم حكها
خطيه خافت عليك .. والنوب انت جملتها ورحت الزينه

يابه والله ادري بس هي ليش تتسرع.. اني طلعت الصبح ويا سعود
للجلام وهناك نوبات ماكو شبكة المكان جوه شنو قابل اجذب عليها

من اريد اروح الزينه اكللها شنو خايف مستحي...
بس اليوم موجهات بالجلام وعنده جندي خطيه تصوب.. اني وين

وهي وين.. جنت بنص الموووت... للعصر ورجعنا وجهازي طافي
نزلت للبيت لان جان نزولي.. رجعت على زينه هي تدري الشاحنة

هناك... غيرت اهدومي اريد اطلع عليها وجان يتصلون عليه
كالو انتحاري على طريق الدور... وهم لبست وطلعت.. هو اني

غير لو ارتاحيت.. هاي شوفة عينج.. هاي رجعتي.. عفت سعود
بالدوام وجيت ..

_ الحمدلله على سلامتك يايابه مو كنالك عوف هالشغلة خطرة عليك

الله يسلمج .. خل اكوم اسبح..

اكف خاف مو متعشي اسويلك عشى

لا لا تعشينة ..

سمعتو كام وديمشي.. رجعت للغرفة ركض.. وعلى الفراش جطيت
سويت نفسي نايمه..صديت عالصفحة الثانيه..
انتظرت اشوي وجان اسمع خطوات مشية..غمضت عيوني
وجان يفوت يمشي طك الدكمه فات يمشي كام يكح .. يمكن متقصد
حتى يشوفني كاعده..كعد على السرير..همس بصوت ناصي..
عنود .. يالعنود..مارديت عليه .. كام الحيله .. نزع ملابسه..فتحت تك عين ودحكت عليه شفتو واكف يم الزاوية شايل المنشفه بيدو
رجعت غمضت عيني مدري شصار بيه كمت احوص اريد ااتحمل ماارمش ماكدرت..شلت اللغطى والفلفلت بي زين..
جان يكول.. كاعده كاعده ادري بيج لا تحاولين..

هو يحجي واني جوه اللحاف كوه كاتمه الضحكة..

_ هاااا يولي. مو احاحيج دحكي عليه ليش مغطية راسج

جة يمشي وكعد يم راسي سحب الغطى وكال.. هااا عليش
خاتلة مني...!

رفعت راسي علية خرت الشعر من وجهي خزرتو بعيني
كتلو لا تحاجيني ولا تكضبني بيدك

ضحك وكال دكعدي الحيلج هسه ..يبعد حيلي...

كعدت الحيلي وكتلوو هاا هسه صرت بعد حيلك موو..!

ابتسم وجرني جوه ذراعة.. خله راسي على صدرة كال
يولي ادزي بيج زعلانه حجتلي وضحى بس وعيونج فاهمه غلط

المفروض اتلكيني من الباب تكوليلي الله يكاويك الحمدلله عالسلامة

دفعتوو كتلوو عوفنااا من الشاحنة ومن الجندي المتصوب
ومن الانتحاري... اريد افهم شغلة

_ ول ول ههههههه انتي جنتي تسمعين حجينه عجل مدام عرفتي
وين جنت عليش زعلانه...

رفعت حاحبي كتلووو سعاد منو...!

دحك عليه بإستغراب كال هي سعاد..!

هااا هي سعادد موو.. عبالك اني مادري...

يولي شبييج ياسعاد تقصدين...

_ لازم هنة جثيراااات ... سعاد الارملة .. الحلوه .. الي كبل يمهم
عبالك ماادري.. وصلتني الاخبارر..

عقج حواجبه .. وكال هي اخباااار يولي ..! من وين الج هالكلاااام

هذا الهامك منين عرفت... يعني هية عادي عندك يوميه متزوج وحده  يعني .. هيج اللفلوس تسوي بيكم لان عندك فلوووس اتكوووم نسوووان .. !!!

يووووولي احجي عدل احسن مو داكلج منين جبتي هالكلام...

نزلت من الجربايه وكفت يم الميز.. كتلو الناس يسولفون عنك وعنها
وهي حاجيه تكول ابو عدوان متقدم الخطبتي..

كان الحيله وجة يمشي وكف بصفي.. كال عوووفي الناس .. وعوفي الي سمعتي .. اني اريد افتهم منو الي كلج...

اكولك والله بس تحجيلي انت ليش دتسوي هيج بيه ها..
تريدد تنتقم مني احجيلي حتى اعرف...

ولج انتي شتححين هي انتقاااام... إنتي صاحيه لووشبيج

_ زين اذا الحجي جذب انت شوداك يمها قبل يومين..!!
عندك علاقة بيها لو شنوو!!

كضبني من ايدي... وجرني بقوة.. يولي احجي عدل..
لا اقسم بالله اتشوفين  مني شي مو شايفتووو الكالج هالكلام منوو ..!

_ لاا اااا تصيح وضحى نايمه...!

_ استغفر الله يعني متعوده الا تغثييييني داكلج منو الكلج هالكلام شنو علاقة شنو رحت يمها .. يولي شلون تحجين بعررض حرمة..
فوووك ماهي فاين حظها.. تجين إنتي تحجين هالحجي..

_ ياااااا مقهورر عليه سوده عليه...

إنتي دتشوفين نفسج شدتحجين وشدتخربطين... يولي اكضبي اللسانج
واحجي عدل لا تره والله .....

لااا والله ابقى دافع اللها تره وااااضح عليك محاجة بعد تنكررر

ولج اللسسسسسسانج هذا.. شطوله .. الحرمة مثل اخيتي واكثر
منين لج هالكلام...

سحبت ايدي بقووة .. كتلوو مرتك هي الي حجتلي.. ..

-شحجججت... فهميني...؟

كالت انت تتررد هناك يم هاي اللي اسمها سعاد.. وكالت تهيري راح يجيب عروس اخرى عليج. ومن كالتلي واني شتعلت بنار
يعني رحت ولكيتك  يمها واني اتصل ومغلق النوب تلكتني بهالخبر
ليش هيج دتسووووي تريدها احجلي... حتى اعرف من هسه

_ دقيقه يعني زينه الي حجت هالحجي... وتهمت هالمسكينه..؟

إي اليوم كالت الي وال خالتي وضحى... داحجي وياه..
جان يصيح.. التلفوووون وين... ركض عالحربايه.. يدور..

_ دقيييييقة شتسوي بالتلفوون..

_ اسسسسكتي انتي ماعليج... جر الدشداشه من الزوايه..

وكفت كباله كتلو بس دقيقه انت وين تريدد تروح الزينه

_ كتتلجججج ماعليج وخري من جدااااامي... دفعني وفتح الباب وحدر يركض واني حدرت وراه...بس احجي وياك..
وين راح تروح... خالتي وضحى نايمه بالهول .. على صوتي كعدت الحيلها... كتلها خاله فدوه احجي وياه...

صد عليه وزكح بيه كال موكتلج لا تدخليييين اصعدي جدامي للغرفة

وضحى.. بسم الله خييير شبيكم.. ياستاررر

العنود خاله حاجي يريد يروح الزينه بهالليل راح تصير مشكله

_ انيييي موكتلج اصعدي ولا تدخلييين انتي ليش ماتسمعين كلاممممم،،،!!!

_ شفتوو صار عصبي.. صعدت لنص الدرج واشرتلي وضحى ييدها كالت اصعدي... عفتهم وصعدت بقيت واكفه يم المحجل

سمعتو راح للمطبخ ديفتح بالباب.. وخالتي وضحى ترجع بي

كال اللهااا شنو هالحجي الصاير على الحرمة.. شلون تقبلين
زينه جدامج هيج تحجي عليها..

منهي يايابه قصدك على سعاااد موو

اييي البنيه مثل اختي واكثر شلون هيج تهمتها الناس اذا سمعو
شراح يكوووولون اذا هو اقرب شخص الي ديبث هالدعاااايات
اذا اروح هسسسسسسه ادفنها منو يكلي ليشششش

والله كتلهم وحجيت مافاااد.. بس انت اصبر جوز احد مجذب عليها
هي شمدريههاا غير سمعت من الناااس..

لاااااا اعرف منو السوه السالفه هاي سمعت من اهلها لان شافوووني طبكت يم الباب.. الله اكبررر شهالبشر هذا .. بنيه فوك ما هو طايح
حظها .. تجي زينه تتهمهاااا... والله اليوم اكلب البيت عليهااااا

لا تصيح ياخويه استهدي بالرحمن وفوت ارتاح هسه زينه نايمه
للصبح روح تفاهم وياهه .. اني من كالولي كلت جوز مار على اخوها عرفت جذب ...

يااخوهااا اني صارلي من توفى المرحوم لليوم اني معيشهااا
اني كفلت هالعائله صارلي سنين ومحد يدري.. الا كبل جم يوم
مريت انطيت الفلوس الاخوها...من الباب.. يعني مره شافوني
راحووو حجوو بعرض هالبنييية المسكيييييينة ...

ادري والله بس بروح ابويه لا تطلع ارجع بداعة اخيتك هسه انت عصبي وهي هسع نايمه والبنوات نايمات ..

شلوووون ارجع الله يعلم المن حجت هالحجي ... والبنيه مالها ذنب

ماتحجي وداعتك هي رادت اتضوج العنود.. شو تعال ارتاح
انت هم تعبان دفوت ياخوويه...

العنود... بقيت واكفه واسسسسمع بحجيهم انصدمت من ردة فعلة
شفتو شلون صار ناااار عرفت حجيها كله جذب .. خطية النوب

طلع كافل هالعائله .. شكد حقيرررة زينه ... الله ينتقم منج
مثل ماشعلتي كلبي... .. دنجت راسي ودحكت من فوك

شفتو طب كعد عالقنفة .. ينفخ ويحجي على زينه صاير نااار
وضحى تهدي بي... انقهرت عليه خطية صوجي اني تلكيته

بالصياح المفروض اتأكد من عنده بس هاي كله هيج سوت
تريد تخررب علاقتنا... اااااني الج يزينه.. طبيت للغرفه ..

جهزت ملابسه.. انتظرتة يجي ماجة... بقيت كاعد جوه
كمت احووووص .. اروح واجي بالغرفة .هسة لو بس اعرف
شعندة جوة ... خل اكوووم اصيحلة... مشيت فتحت اليده..
لين هو بوجهي... دحگلي بنظرة حاقدة.. فات يمشي

كال وين الهدوم اريد اسبح...

موجودات جهزتلك الحمام.. - صد عليه وكال بعد ممنوع تطلعين
الباب بدون علمي .. لاتكوليلي وضحى ومدري منو..
اي مكان تخطي لازم بعلمييي....

هزيت راسي.. اي.. مشه شال المنشفى وطلع للحمام..

شفتو اعصاب ماحاجيته .. حدرت على خالتي وضحى لكيتها متمددة
بفراشها.. بقيت واكفه عالدرج مانزلت ..كالت تعاي انزلي
كتله لا اريد اروح .. شفتي خاله شسوت زينه ...

_ موكتلج يايمه كتلج تأكدي اول فال.. ليش ستعجلتي

بس اني هم حقي.. اصدكها شمدريني تريد تقهرني..

يمه نوب الخ لا تستعجلين .. تره روكان يحبج لا تغثي
شوفي نصيحة الزلمه مايحب المره الي تنگ .. خليج مرحة
جدامه لا تنكدين عليه .. وعلى كلشي ادققين...

لا والله بالعكس كلش احبه بس اوووف منها.. المهم خاله اخذي راحتج نامي .. خل اصعد هسه يطلع من الحمام...

اي يمه اركضي وعوفي الحجي تره مايفيد..

اي خاله... عفتها وصعدت اركض... وصلت اخر درجة
ولين هو جدامي متلفلف بالمنشفى.. ضحكت وخليت ايدي على حلكي ... كال خيررر شو اتمضكين...

ماااكو شي ... بس شنوو...

طبيت امشي جدامه وهو يمشي ورايه.. كعدت عالجربايه واني كوه كاتمه الضحكة ...

هساع غير نعرف شنهو الي يظحك بلجي تضحكينا وياااج...
ها يابه لو بس تعرفين تغثيناااا

_ لاا بس اتذكرت من طلعت من الحمام.. متلفلف بالمنشفى
ولبست وكتلي بعد ماكو بعبع هههههههه

هاااا اي .. من جان عقلج مو بررراسج...
كومي انطيني باكيت الجكاير...

جكاير بهالليل...

اي..معتلچ گلبي.. تدرين لو لا

وكف ديلبس.. مشيت رحت جبت باكيت الجكاير.. وكفت جدامه
كتلو .. بداعتي لا ادخن عوفها والله موزين ..

عوفي الجكاير سوالف زينه ماريد اسمعها النوووب... وهالبنيه المسكينه لحد يجيب طاريها

حبيبي اني هم حقي شمدريني ... غير عبالي صدك
كلت جوز تريد تجيب الرابعه خاطر اتطبق الشررررع هاااا

ابتسم وجرني .. وكعد عالجربايه.. ارتجة عالجربايه وجر راسي خلاني على صدرة كال يولي ... الي عندو مثلج ماتحله بعينو حرمة رابعه انتي كلهن ... بعيني...

رفعت راسي عليه... كتلو تحبني...! اني احاجي .. باسني
كال والله ما جربت الحب ولا عشته الا وياج يم راس يابس

ابتسمت كتلو بالة لو جنت سهلة وبين اديك راح اتحبني هيج

لااا طبعااا...

ممممم عجل راح ايبس راسي بالزايد... هههه

يول اذبحج ..

ههههه انت تحب العناد شسويلك..

مو احب العناد لاااا بس ماحب الحرمة تكون مثل فريسة سهلة

هااااا يعني اني فريسة.....

هههههه لا لكن القصد ماحب المره السهلة.. يولي
كومي طفي الكلوب وتعاي...
.

مااااا خلينا كاعدين...

ليش منو كال راح انام... كومي.. تره وريتي. گلبي ور

ههههه ليش...

يولي مشتااااااااگ ...طفي وتعاي بسدي.... وانسى الدنيا واهلها

خل ابدددل.. خمو هيج...

اي يم حجوول .. انتي تريدين تاخذين عقلي .. موبس كلبي ..
عوفي ماريد تبدلين... تعاي وماعليج...

ههههههه شكد ضايج من الحجول

لاااا بالعكس ويا كل رنة حجل كلبي يخفچ عليج... غير
لو تدرين شكثر يعجبني احجولج وانتي تمشين بيهن...
دكومي ... غيررر تحس عاااااد

ههههههه اعشقگ سيدي....

ريت محد كال سيدي غيرج ... دكومي يبعد عمرو السيدج

كمت طفيت الانارة... وتمددت بسدة.... !!!

اخذني وياه بليله مليانه حب وغزززل... لحد مانمت...

وكعدت الصبح ... اهمس بافراش .. ماكووو دحكت على مكانه مالكيته يمي... كعدت الحيلي... دحكت بدلتو العسكريه معلكة
وين راح... كمت لبست هدومي ولميت شعري... فتحت الباب وحدرت... دحكت بالبيت ماكو احد.. طلعت للمطبخ دحكت
من الجامة ... روكان واكف ويمه وضحى وسعود وعساف ..
دنجت راسي ..بدون حجاب... طبيت للهول شلت الملفع لبستو
غسلت وجهي.. وطلعت للمطبخً.. تلكتني خالتي وضحة ..
كالت صوباح الخير يالحلوة .. اريدلي سجين حاده ..

صباح النور .. شسويت بيها خاله... شكو واكفين بره

ماكو شي بس روكان جاب طلب وكال نذبحوو..

طلي شعحب يعني...

هو كل مره هيج يجيب طلي كامل احسن..

اي هسه... فتحت الجراره.. كتله اني راح اوديها...

اي خوش عجل اروح اصلي

_ العنود.. لفيت حجابي زين وطلعت اتهدزس.. ابو عدوان صار كبالي .. يدحك علية من بعيد.. الشمس بوجهي كوه ادحك ..
خليت ايدي على كصتي... وسلمت... ردو السلام وكفت على صفحة

كال سعود.. هذي للسجينه عميه لو حاده.. خطيه تره حرام
اذا مو حاده...

كتلو لا حاده بس خطيه شذنبوو الطلي تذبحوو

ضحك عساف وصد عليه... كال نذبحو خاطر انتي تاكلين

بس هذا يمعمع جوز يدور على امه...جان يصد عليه روكان
كال  گلبح ارهيف... روحي جوه خل يذبحوو

لااا والله خطيه...

يولي روحي عاد لا تأخرينا....

شفتو زكح بيه .. رفعت حاجيي ودحكتلووو بطارف عيني ومشيت
طييت للهول .. دحكت عالساعه عزززه هاي شنو الساعه وحده الا ربع اكول خالتي راحت تصلي واني عبالي صلاة الصبح
طبيت للمطبخ لكيت الغده عالنار... صديت لين خالتي وضحى
ورايه.. كتله خاله ليش محد كعدني والله ولا حسيت على نفسي
اخذتني النووومة...

نوم العافية بنيتي ميخالف عروس عليش تكعدين

الله يعافيج لا والله المفروض تكعديني روكان شوكت كعد..!

روكان من الثمانيه كعد .. وراح على زينة

_ صدددددك خاله شيسوي من الصبح

راح من وره سالفه سعاد ورجع ضايج جن متحاجي وياهه

يبووو راح تكبر السالفة اكوب ليش احاجي بره وضايج

اي يمه حگو سالفه جبيره ونحطت براسو هم عيب من اهلها اذا سمعوووا...

_ اي احسن راح رزلها خاطر تجوز من المشاكل .. بعدنل بأولها وهيج...

ماعليج منها يمه تره الغيره كلشي اتسوي منا وهيج اخذي حذرج منها تره زينه مو سهلة...

يعني شلون خاله ...

مادري يايمه بس انتي كوني حذره جدامهااا ..

كالتلي هيج وشالت الصينيه وطلعت يمهم ..

كمت ركبت التمن.. خليتو عالنار.. جابووو صينية اللحم..
كعدت قطعتها وخليتها بالمجمده...

بقو عالغده سعود وعساف.. صبينالهم الغدة .. تغدو

بقو للساعه 3 العصر.. عاد راحو وسعود اخذ وياه خالتي وضحى
روكان لبس الغتره والعكال كال عندي فصل  شغل السيارة وطلع هو

وعساف.. كمت شفت نفسي بية حيييل .. طلعت الزوليه ومديتها بالربعه .. سحلت الثانيه اريد امدها بالهوول.. وجان اطب

شمه تركض.. رفعت راسي ... لين وراهه امها ... كايدة بيدها
سلوى .. دفعت باب المطبخ بالحايط  بقوووة وفااتت... استغربت وجهه مو طبيعي...!!

وتستمررر الحكاية