رواية ابو عدوان الفصل التاسع عشر 19 - بقلم غير معروف

السابع عشر

#ابو_عدوان

#مذاق _العشق

#بقلمي_نشوى_السلطان

سحبني وقرب راسه... واني ذايبة بين اددديه رفع راسي
وباسني من شفتي... واني اتجاوبت معاه.. صار يوبس بيه
من كل مكااااان مد ايده وخلاهااا بصدري.. جمددددت كتلوو شدتسووي..
همس اششش خليج ويايه ولا تسألين
طلع المفتاح من صدري .. وكطه غاااادي....

شبكني بقوووة وكله لهفةةة.. اني احس نفسي
انتهيييت.. جسمي برد.. خجلت اول مره اكون بين اديه

وبهالطريقة... وخرت نفسي من يمه .. حاولت
اللهي نفسي عنه.. سحبني،، همس شبيج حبيبي
خجلانة مني..
دحكت بعيونه...ماحجيت رجعت دنجت

رفع راسي بطرف اصبعه.. همس
انتي مرتي ... شيلي هالخجل من راسج
وانسى الدنيا...  بهالاثناء

دگ تلفووونة ... وهو مرتجي عالجربايه
والتلفوون غادي منه...  كال هذا يابطران

يدگ عليه هالحزة .. مد ايده
انطة رفض  بدون  ماينتبه للاسم .. سحبني عليه....
واخذني وياااه .. لغيرر دنيا..

ماعرف بوقتها شكد جنت خايفه وخجلانه
جنت بمجرد مااسمع ليلة الدخلة ارتعش

من خوفي.. لكن هو بأسلوبه ،، خلاني
اسلم نفسي بدون خوف ولا تردد..
و و و و .... كعدت الفجر ..

على حس أشعارات الانترنت الي بجهازه
عفت الجهاز.. وانتبهت نفسي نايمه

على صدرة.. سحبت نفسي ونمت على ذارعه
سحبت الغطى وغطيت نفسي وهو جان

غارگ بنومة ولا حس على صوت الجهاز
بقيت اتأمل ملامحة... وهو نايم

رموش عيوونه حلووه  وهو نايم شكد حلوو
صفنت اني البارحة وين جنت واليوم وين

تغييرر كلشي. .. شسوالي هالزلمة وهيج عشكتوو
شبيه جنت اصده.. واكوول مغرور..

والله محد مغرور غيري.. اتذكررت
شلون جنت بين ادية.. وشلوون جان

واضح شوگه ولهفته.. ابتسمت وداخلي فرحااانة
ماتمنيت الصبح يطلع.. يمه يروح الزينه ويعوفني

شلون راح اتحممممل.. مديت ايدي وشبكته بقووة
وبدون مااحس على نفسي غفيييت

كعدت الصبح.. دحكت على مكانه ماكوو
صديت لكيته واكف يم الشباك وبيده التلفون،،

سحبت الدشداشه ولللبسته بسرعة وهو صاد
نزلت رجلي من الجربايه بهالاثناء صار صوت بالسرير

حس عليه وصد .، ابتسملي ورجع انخبص بالتلفون
كمت الحيلي رتبت السرير بدون ماادحك عليه اريد

ادحك بعيونه ماكدر مستحية صرت اتهزم من نظراتة الي
وكفت على المرايه سحبت المشط.. دامشط..

وادحك بالمراية شفتو جة يمشي خله التلفون عالسرير
وكف بصفي.، دحگ عليه بالمرايه.. كال صباح الخير

ابتسمت ورديت صباح النوور..ارتجة عالميز واني صرت كباله
امشط.. بيني وبينه مسافة كلش قصيرة.، واني امشط
وهو صافن علية .. ابتسمت ماتحملت كتلو شبيك صافن

_ شبيه غزال كبالي من الصبح.. شلون مااصفن..
تعاي تعاي.. جوني عليه.. وحواطني من خصري
همس.. بصوت ناصي. ليش هالخجل..،

لا ماخجلانه بس

بس شنوو..!

ابتسمت .. ماعرف... وخررت ايده ومشيت
فتحت الكنتور طلعت منشفة و ملابس،،

\ هاا تريدين تسبحين...

هزيت راسي اي..

جهزيلي ملابسي وياج...

وكفت وصديت عليه.. كتلوو وياي..؟!

اي اريد اسبح واطلع للدوام

لا كلمن يسبح وحده..

ليش يابه،،،

عييييييب

هااا عيب.. ههههه عجل باالليل شصار يولي...؟ جنة نلعب ختيلان

اهووو شبيييييك... كااافي 🙈حجيتها واني خجلاااااانة

ضحك وكال ولا يهمج كلمن يسبح

وحد بس خل اغسل كبلج
لأنو لازم اطلع... رفع راسه دحك عالساعه كال اوو راح اتأخر
جهزيلي الحمام يحلوة...

دقيقه وييين ترروح ...!..راح للباب يمشي واني امشي
وراه.. كال الوضع مخربط وخابروني لازم التحق...
مد ايدو عالباب،.، كال المفتاح وينه .. دحك عليه وضحك
كتلو انت مدري وين كطيته

_ تعاي دوري يمعودة لازم اروح هههه هاي شلون شغلة

دورت المفتاح .. وبالي مشوش .. راح يروح الدوامة يعني
راح ابقى على نااار.. لكيت المفتاح بالكاع جوه الزوايه سحبته
بأصبعي..كتلو لكيته... مشيت عالباب وهو واكف بسدو
مديت ايدي خليت المفتاح .. وصديت عليه.. كتلو يعني
اليوم تبات بالدوووام...

_ ماعرف خل اصل هناك والله كريم

فتحنا الباب وراح للممرر .. طبيت طلعت ملابسه الداخليه
والمنشفه.. ورجعت وكفت يمه.. هو واكف عالمرايه يزين بلحيتو
ارتجيت عالحايط.. وبقيت ادحك عليه كتلو..لاتروح حباب
ابقى هين..

_ لو يرهم مارحت بس وعيونج ماكدر لازم اداوم

_ علكت الملابس كتلو راح انزل اسويلك ريوك بين ماتكمل

لااا تعاي مو ممهم الريوك.. استعجلي شوفي البدلة العسكريه هين
لو يم زينه..،

لا موجوده الثانيه يمي... راح اجهزها...

طبيت ركض للغرفة جهزت الملابس.. خليتهن عالجربايه
طلعت للممر.. مالكيته فات ديسبح.. حدرت جوه غسلت وجهي

وخليت الجاي عالنار...فتحت الثلاجة حظرت الريوك..
واني بالي مشغول شكد جنت فرحانه بس خرب واهسي

خاف اكو شي بالدوام اللليل كله تلفونه مابطل ومن الصبح خابرو
كملت الريوك.. وطفيت الجاي.. وصعدت،، دحكت واني عالدرج

باب الحمام مفتوح يعني كمل.. طبيت للغرفه .. لكيتو لابس البدلة
وديلبس بالبيرية.. وكفت كباله.. شكد لايگة عليه صفنت عليه

شكد هو حلو طلع احلى بيها. . هيييبة يربي.. بقيت ادحك
عليه.. صد عليه وهو يرش بالعطر،. كال ها حبيبي ..

كتلو هلا سيدي.. واخذتلو تحيه بأيدي..

ضحك وسحبني..، على صدرة.. كال هلا يبعد سيدج
ريت كلمن ياخذ تحية انتي..

رفعت راسي كتلو ريوگك جاهزز.. وخررت نفسي ورجع كضبني

كال ها يم خشم العالي.. بعدج ماتحبيني

ابتسمت كتلو. ياريت يرجع الوكت من جديد

كاال..اي بالله .. مثل ماكال.. ليت لي انا في حياتي اختيار
ها يابه.. سامعتها موو..

مالت ماجد المهندس..

اي هذا المهندس يحجي عدل والله.. يله خل الحك اروح

دقيقة اتريك الاول... شال السويج والجكاير وحدر..
واني حدرت وراه.. كال يولي والله تأخرت مو مال ريوك
شو انطيني الجاي .. ركضت صبيتلو الجاي..
ونطيتهياه.. وكف كبالي كام يشرب بالجاي.. كتلو
هاي هم حظي بمصباح عرسنه تروح للدوام ..

_ هي مصباح يولي غير راسج گوي ااااخ شسويتي بيه
هسه عاد ضوگي اللوعه... يحجي ويضحك

كتلو يعني انت راح تبقى تسويها وحده بوحده

يولي تذكرين الحجوول والطگ مالهن موو..

ضحكت كتلو غير انت تحبهم واللبسهم الك..

اي احبهم واحب صاحبتهم.. يله اروح اني راح اخابر البنوات يجن يمج...

فتح باب المطبخ.. كتلو دقيقه ترجع هين لو يمهاا..

صد عليه يووولي وين طالعه طبي وسدي الباب

وكفت وراه الباب لان جنت بدشداشتي الكصيره كتلو
الحكك هيج اذا رحت يمها ومامريت عليه.. احجي من كفه الباب وهو بعد مترين عني صد عليه وميت ضحك كال يولي راح يمر سعود فوتي جوه عاد

مااااااا

مو اجي اذبحج يولي...

اذا تكدر تعااااال اذبحني... نزع البيرية وهو مبتسم جة يمشي عليه
رجعت ليوره واني خربانه ضحك.. كتلوو هااا تريد تذبحني
طب وطبك الباب برجله... شبكني من خصري وهو صافن بعيوني
رفعت راسي عليه كتلو اهون عليك...!

كال اذبحج بس على طريقتي...

هااا تذبخني...!!

قرب راسه وباسني من شفتي ... بهداوة همس..
كل مره راح اذبحج هيج...كرصني من خدي ومشة.،،

بقيت بمكاني ماتحركت..  اتلمس بشفتي واني مستحية من روحي دحكت عليه من بعيد طبكت السيارة العسكرية صعد بيها ومشوو.. سديت الباب وراه...

هيج شعورر بداخلي يخبل مامارني كبل .. صعدت الغرفتي
اركض..طبيت لغرفتي... اووووف.. عطرو بالغرفة.،

فتحت شعري وكفت كبال المراية.. وطميييت روحي
ماتنلام بيه نجمة ولا خلف.. اووف خلف والله مشتاكتلو

هالبذات هذا ولا يسأل.. شلت هدوميً وطبيت غسلت
وكشخت.. طلعت رتبت نفسي وسويت مكياجي..

صدك هسه فرحتي فرحة عروس..
خل احدر اسوي غده واخابره.. اشوف وينه

شلت تلفوني وطلعت بعدني باب غرفتي سمعت حس بالبيت
طبكت الباب وحدرت...
واني عالدرج جان اتلاكني وضحى..
سلمت وكالت جيت اتمشى اريد امر على زينه
بس بابها مسدود جن بعدها نايمه ومريت هين عرفت عروستنا كاعده ..

هلا بيج خاله كل الهلا هم زين جيتي... وحدي روكان اليوم التحق للدوام..

هااا شعجل الله اكبر عاد البارحة طلعت السبعه شجايهم
خلو يرتاح هالجم يوم.. والله بالي يمه

_ اي والله مدري منو اتصل عليه وكالولي الوضع موزين وعدهم انذار..

اسم الله يحرررسه .. اي سمعت اكو هجم بالجلام..

\ يااستار الجلام هاي ماتصفى زين هسه هو خمو يروح وياهم

اي يمه عجل شنهو غير هو الي يروح..

عجل خل اخابره كتلو لاتروح ماقبل..

يايمه شلون مايروح اووف والله مايروح ويجي الا واني ميته الف موتى..

العنود.. جهازة مغلق...!!

هااا خاف مابي رصيد..

لا خالة الرصيد شعلي مغلق يعني شبكة ماكوو

_ اي جوز طالعين واجب ان شاءالله ماكو شي.. اني اكوم اروح

لا خاله لا تروحين وين تعوفيني وحدي تعاي عليج الله
تغدي ويايه...

والله يايمه عبالي اشوف البنوات الي يومين ماشفتهن هسه زينه اتكول بعد ماتمرين علينا

دكعدي هسه والعصر نروح اني وياج يمها...

عجل خل اكوم اكعد بالمشراكة جو اهجس نفسي بردانه

ماشي خاله راح اسوي الغده واجي وراج... ركضت خليت اللحم عالنار دحكت عالساعه11 وين صار ليش مغلق .. غسلت ايدي

نشفتها رجعت اتصلت هم مغلق.. اوو شلون مشكله ..
شبكات مو زينه... مررر الوكت وهو جهازو مغلق.. للعصر وهو

مابين.. طبيت للهول لكيت خالتي وضحى توها مكمله صلاة
كتلها خاله.. روكان مابين للحزة .. وجهازو طافي.. خله بالي عندج

رقم سعود نخابرو.. كالت اي عندي اكفي يمه .. مدت ايدها بجيبها
كالت اوو والله بالبيت بقى ماجبتو..

عجل شلون خاله صارت العصر وهو مابيين..

_ والله يمه مادري دكومي انتمشى يم زينه وهم ناخذ الرقم منها

_ شلون خاف هو مايبقبل اطلع...

لاا ياامي ليش مايقبل تهيري وامشي ويايه هذاك بيتكم الثاني

عجل خلل اللبس عباتي والملفع وواجي..

_ لا تبطين يمه اني راح اكفلج باب الحووش..

لا لا هسه اجي... صعدت اركض .. جريت العبايه من كنتوري والملفع.. دحكت على نفسي . مكياجي طووخ،،
اوو شسويله خل احدر وضحى كالت لا تبطين.. طلعت شحاطتي من الديلاب وحدرت اركض... طبكت البوب.. وطلعت لكيتها واكفلي بالباب.. تمشيت عليها.. وطلعت اني وياهه..
اكول خاله هاي البيوت كلها الكم..،

اي يمه كلها النا هين بيوت عمامي وغادي هم عمامي وخوالي

بالشارع الورانه بيت اهل زينه.. وهاي الهين كلها ربعنه

اي يمنه هم هيج كلنا كرايب ماكو غريب بينا.. هذا بيتهم الحلوو

هذا بيت ابو عساف... هم عمامنه..

هاا يعني رواء هين ساكنه.. بس شكد حلو الشارع ..

اي رواء هين ساكنه ويا عيالها.. ابو عساف رئيس فخذ العشيرة
والكعدات كلها يمه..

هااا بس شكد حلو بيتهم.، البيوت هين كلها حلوه..

وهذا بيت زينه دحكي كبال بيتج عدل..

سميت بسم الله وطبينا.. دحكت عالبيت يخبببببل.. جبيره وحديقته ترد الروح.. طبينا نمشي بالممر..وصلنا عتبة الباب .. وصاحت وضحى

وينها شمه الحلووة.. دكت الباب وطبت.. بقيت اني بالعتبة واكفه
وهي طبت جدامي.. مشت خطوتين وكفت كالت ها يالعنود شو واكفه فوتي.. بالاثنااء..جت شمة تركض على عمتها كتلها وينها ماما..

_ ماماا جووه يم بابا...

واني دافوووت سمعتها كالت يم بابا.. وكفت بمكاني.. كتلها يعني بابا هين.. وضحى  صدت دحكت عليه.. راحت شمه تركض شالت

اللعابة مالتها وتشوف بيها الوضحى.. بقيت اني بمكاني واكفه
هيج احس انكسرررت كسرر.. نار وشبت بيه .. من الصبح
واني اخابر ويكلي عدنا واجب وهجوم تالي يطلع هين لابد يمها
كعدت بصف وضحى.. احس كاعده على نار.. كعدت بالهول
البيت رغم فخامته واثاثه .. لكن مخربطط وهووسة.. الهدوم
ملگحة بالكيعان.. بكل مكان صينية الغده بالكاع.. كتلها شفتي
خاله يكلي بالدوام وطلع هين يمهاا..

_ اصبري يايمه جوز اكو شي وجة بعدين هي هم الها حگ هي حرمتو حالها حالج يايمه

\ اعررف خاله بس ليش ماكلي بعدين هو الاسبوع كله يمها
هاي الكبالي غرفتهم...

اي غرفتهم هاي.. يولي شمه بابا هينه..

_ لا واضح خاله يمها ماتشوفين زينه جوه وعايفتهن وحدهن..
كومي خاله وصليني اريدد ارجع..

هاا اكفي شجرالج .. خل نفتهم السالفه..

لااا خاله واضح بعد ماحاجة نفهم شي.. كمت الحيلي اريد اطلع
وجان ينفتح الباب.. صديت .. طلع روكان لابس دشداشه ويدكم بيها. 
شافني صرت كباله.. حسيته انصدم.. جة يمشي سلم.. وكف قريب عليه كال شنو هالمكياج هذا شدعوه هالكد مدلسه

مارديت عليه صديت كتلها خاله اني اروح من رخصتكم.،

وين تروحين... دقيقه انتي شطلعج من البيت..!

_ اني كتلها امشي ويايه خمو تبقى وحدها.. يايابة

_ ماحجيت بقيت بس ساكته لكن احس نااار دتطلع من وجهي
كال اكعدي شبيج مستعجله..

ماااريد اكعد اريد ارجع..

ليش شجرالج اكعدي مو احاجيج...

كالتو وضحى شكثر خابرتك بس ماحصلت ليش تلفونك مغلق
خطيه خافت عليك

_ وين ماعندي شاحنه وجنت بالجلام والشبكة انقطعت ورجعت

باوعتلو صفح كتلو بس جان عالاقل جيت انطيتني خبر كتلي
اني رجعت مو تجي هين وماتكول..

كال اكعدي هسه بس خل اخابر.. شال الشاحنة كام يشكل بيها واني وكفت  بصف وضحى....

_ زينة.. مرررحبا.. شلونج يالعنود

رفعت راسي لينها جدامي  واكفه وتتمضحك.. كتله زينه الحمدلله

\ شو واكفه اكعدي. تره اعذروني من زمان احنا بالغرفه  غير روكان مايخليني اطلع .. وماندري بيكم هين..،

_ لا عادي اخذو راحتكم... احاجيها واني افور نار
هو ولا مهتم شايل التلفون ومدري شيسوي بي.. جت شمه وكعدت بصفي تسولف ويايه وتلعب واني بالي يم روكان..
كام شلع الشاحنه كال مادتشتعل هين.. هسه اجي..
اخذ الشاحن والجهاز وطب جوه.. كعدت عاد هي كبالي وكامت ادس
بالحجي.. كالت البارحة سبعتج موو ..

اي البارحة سوتلي خاله وضحى سبعه ليش ماجيتي

والله ماجيت هين جان يمي روكان.. كلت ياسبعه
مدام هو موجود يمي خل اخذ راحتي..

صديت على وضحى صافنه عليها وعليه..

كتله اي عادي هلا بيج بكل وكت.. كومي خاله تروحين
داحجي وياهه وجان يطلع روكان.. لابس بدلتو العسكريه..

وبيدو التلفون والشاحن.. كال اني راح رايح للدوام.
يمكن ابات ويمكن ارجع... من اصل اخابركم الشاحنه اخذتها

بقيت ساكته مارديت عليه..

زينه طلعت وراه هي والبنات...

كتله كومي خاله زينه كامت تحاول تقهرني مالي حيل سوالفها كالت اي يمه هسه نروح.. كمنا نريد نطلع وجان تفوت كالت اكعدو
امانه الله اكعدو هم ماضيفناكم بشي.. والله اليوم من الصبح
مطلعه الهدوم الشتويه اريد اغسلهن.. بس جة روكان ولهاني

كالت الها وضحى عجل كملي شغلج احنا نروح مانريد انأخرج

لاا اكعدو بس اسووي الجاي.. بقت تلح وضحى كالت اكعدي يمه شويه ونروح.. تعوذت الشيطان وكعدت..
راحت شويه ورجعت بيدها صينيه الجاي..

تربعت وكعدت كبالي.. كالت البارحة روكان كال راح اجي
البنوات ايتصارخن وراه ابين ماجة اتصل عليه ماحصل

كتله اي جان يمي... والبارحة سبعتنا ..

كالت اي هو روكان يوميه اله سبعه شكوو عاد كالتها وهي تتمضحك

كتلها ان شاءالله هاي اخر سبعه وماراح  تنعاد

جان تجرها بضحكة وكالت ماتصور والله .. من كالولي
الناس روكان يتردد يم بيت سعاد غسلت ايدي كلت هاي هي
حطها ابالة هههههه

صفنت عليها كتلها شنوو .. كالتله وضحى قصدج سعاد الحلوة
اليم بيت اهلج..

_ ايييي شلون جمال شلون حسن يربي  تدرين البارحة اهلي كالو الصبح مار يمها.. شايفي طابك بالباب مالهم.. وهي بعدها صغيره
من مات رجلها هي عمرها 20 بعدها شابه..
عاد من كالولي كلت هاي هي مدام يتردد يمها وهاي مو بس اهلي
نسوان بالديره هم كالولي ..

كتلها شكلولج... يعني..!

والله مادري شو سعاد مسولفه الناس اتكلهم ابو عدوان يريدني 
اليوم ردت اسأله كلت عايزه يجيب النه الخ..
بس صفنت كلت خمو بس اني تنزل عليه ظرة
خل العنود هم تضوكها .. ههههههههه

_ تحجيها وميته ضحك مثل واحد شمتااااان دحكت عليها
شريد اكول اللها.. ومنو هاي سعاااد ...؟

يتبع.... 😳

الي يحسون انو القصه مملة ومابيها احداث وعبره خل يتركها
فدوه العمركم القصه لا للتوعية ولا ابد كل اسمها مذاق العشق
يعني واضح اسمها 😘