رواية ابو عدوان الفصل السابع عشر 17 - بقلم غير معروف

الخامس عشر طبعا صار جثير من نزلتو بس بس الواتباد يخربط عدددت النشر

#ابو_عدوان

#مذاق _العشق

#بقلمي_نشوى_السلطان

الباب وطبيت.. ركضت على كنتوري واني مخنوكة.. من شفته
هيج ولا مهتم الي حسيت نفسي مذلولة.. اني الي جان يتمنى

رضاي هيج كام ولا يهتملي .. سحبت عبايتي من
الكنتور .. وصديت واني ادردم ويه نفسي .. لكيته ديسد باب الغرفه.. كتله شو جيت هين مو كتلك روح الزينة وخليها تشبع بيييييك...

جة يمشي عليه.. وهو يضحك... كال زينة شبعانة بيه
كبل يمهاا.. ليش هالاعصاب عليمن مهتمة

جة يمشي ومجتف اديه الاثنين ليورة وهو مبتسم.. وكف كبالي..
عبست وجهي.. وتخوصررت.. كتلو توديني الاهلي هسه

رفع ايده وشال شعري من عيني.. همس.. شبيج ليش
هيج اعصاب.. اريد احجي.. وجان نسمع صوووت

واحد يصيح... كال خيررر منو النوب هالحزة.. حسيته ضاج
وخر ايدة وصد..  كال خل اشوف منو... فتح باب الغرفه..

وحدر..مشيت وراه... وكفت على الدرج.. دحكت ماكو احد.
نزلت كم درجة دنجت راسي.. دحكت ابو عدوان واكف يمه

سعود...وعساف.. ركضت صعدت فوك.. طبيت دورت شال
لبسته ،، وطلعت.. حدرت.. جوه،،، سمعت حسهم بالربعه..

وكفت بالمطبخ.. واني نار.. اروح واجي .. مخبوصة خبص
طلعت ماي داشرب... سمعت خطوات مشية.. صديت بيدو

الدشداشة وديليس.. كال الجماعه هين سويلنا جاي كتلو
واني مو كتلك وديني الاهلي .. شوكت راح توديني..

_ اوديج وداعتج.. بس خل يطلعون ويصير خير..

كال هيج ومشة كتلوو هااادنشوف شلون ..اليوم اروح وابقى هناك وخل تفيدك زينه والدوام... صد عليه كال.. شكد تبقين شهر

لو شهرين.. الي يريحج.. ماعندي مانع.. تريدين تبقين عد اهلج
الخطية بركبتج... حجاهه وطب.. وخلاني افووووور..

عادي عنده يعني ابقى وماارجع.. وبكل برود يحجيها عجل
كتل روحة عليه وتالي طلع كلو جذب... كمت افتر بالمطبخ

مدي اعارك روحي اهجس مخنوكة اريد ابجي اريد انفجر
ليش هيج ديسوي ولا مهتم ليش هيج ديعاملني.. بسيطة

بسيييييييطة روكان... شلت القوري غسلته .. وخليته عالنار
اللحم كبالي عليش اطبخ لا والله ماطبخ هو مو يكول اروح يم زينه

خل يروح افتر بالمطبخ حظرت الاستكان وكمل الجاي.. واني
ادردم.، ونارر بدخلي.. شلت القوري .. اريد اصب.. وجان ينفتح

باب المطبخ.. دحكت جتي وضحى.. كتلها هلا فوتي..
كالت ها هين جماعتو الابو عدوان شفت باب الربعه مفتوح

كتلها اي هسه جوي كاعدين جوة  خلت عبايتها عالكرسي وكعدت .. كالت مريت اريد اكول
الابو عدوان.. يوصي سعود يجيب النه المسواك..

كتلها يامسواك قصدج الزينة ،

_ لا يمه يازينه يجيب هين مسواك سبعتج باجر وكلت اعزم
نسوان الديره طب روكان يمشي.. سلم وكال وين الجاي

كتلو جاهز.. كمت اصب وهو واكف يم وضحى .. كتلها
لا ماريد سبعه اني اليوم اريد اروح الاهلي.. كلتها بصوت عالي

هو واكف سمع وماحجة شي.. عاد هي كالت تروحين الاهلج
شلون يصير وين اكو عروس تروح الاهلها كبل ايام سبعتها

كاال الها.. شسويلها تريد تروح كتلها تهيري...

لاااا موراهمه البنوات متحظرات ايريدن يجن ماتروحين اليوم
موراهمة ابددد

_شلت الصينية انطيتها اله وهو يدحگ عليه كتلوو يعني اليوم
ماروح الاهلي.. كال بكيفكم كتلج الي تريدي يجرالج اخذ الصينية وطلع... يحاجيني بكل برود واني اكوم افور..

صديت على وضحى
كتلها عجل اذا ماروح اليووم شوكت اروح...،

_ اركدي يايمة شو بس تريدين تنهزمين غير الناس تجي تباركلج
واهلج المفروض همه الي يجون مو انتي اتروحين عليهم

_ بس اني طاكة روحي هييين هو عايفني دشوفي كبل يم زينه
ولا يجي وعايفني وحدي هم اكو هيج عروس لو بس اني

يعنل هو مدام هيج يحبها ليش اخذنيييي
ترة مليت والله اريد اروح الاهلي ماتحمل بعد هيج يعاملني

ضحكت وكالت والله يايمه لو شايف منج ريگ حلو واهتمام
ماراح الزينة الي جان هوه يعاني من طبعها.. عجل كولي انتي

شكثر شالعه كلبو وخليتي يروح الزينة...اتحملي اغلاطج
ابو عدوان مو بسهولة يقتنع بحرمة ومن شافج جة يسولف

بيج ليل ونهار .. بس اني نفسي مستغربة ليش هيج هاملج
الا اكو شي .. واني مادري عنه..

دحكت عليها شريد اكول الها.. شلت الوصلة ولهيت نفسي وكمت امسح بالكاونتر..

كالت.. ها يالعنود اشوف سكتي.. اني ماريد ادخل نفسي بينكم
انتي وياه مره ورجال بس والله يايمه انتي راح تخسرين ابو

عدوان فكري زين وشوفي هو ليش هيج كام مايهتملح وانتي
بعدج عروس..اكيد شالعه كلبو... كتله كومي خاله خل نكعد جوه

كالت هااا والله عرفت بذيالج عجاجة.. شالت عبايتها وكامت ورايه

طبينا اني وياهه كعدنا بالهول وسدينا الباب.. كالت احجي يمه اسمعج... تربعت وكعدت بسدها .. صفنت عليها اريد احجي متردده وخايفه،. ويمكن هو اذا
سمع حاجيه الها ماراح يرحمني.. كتلها خاله ابو عدوان تتوقعين
بحبني... صفنت عليه وضحكت كالت شبيج اكو احد يسأل هالسؤال تريدين بي يحبج هاي مايحتاج الها سؤال..

_ بس خاله هو اخذني علمود اجيبله اطفال اعرف كلشي
والدليل هو يوميه يمها وعايفني.. لو رايدني ماعاملني هيج

_ لاااا شوفي نفسج بشنو مقصرة وياه .. وراح تعرفين هو ليش
هيج سوه يايمه احجيلي شنهي السالفه بلجي اكدر اساعدج

اشو ادحگ عليج وعليه اثنينكم مو طبيعين وناس اتداهر بناس
ادري شبيكم مناكر الا اكو شي واني مادري عنه

كتلها والله مادري شحجيلج اني غلطت من ليله عرسي
وماجنت اعرف هيج راح يصير..
_ عادي يمه الانسان مو معصوم من الغلط كلنا بحزة شيطان نغلط
بس احجيلي خل اشوف شنهي غلطتج،،!

كتلها راح تحجيلج من اول ليلة شنو الي صار وانتي احكمي

كالت اسمعج يمه الله يستر منج بس لا مخبصه جثير ههه

والله ياخالة اني ابو عدوان ماعرفه تدرين بالصدفه شفته يم بيت اختي .. وجنت اشوفه مغرور متكبر.. وشايف حالو عالناس

\ هههههه اي كملي يمه كملي

_ المهم احجيلج الصدك من كلولي اهلي عليه هو جاي يخطبني
تخبلت.. كلت ماخذ واحد متزوج اثنين حتى لو الاولى عايفته
المهم هو متزوج.. وجنت مااطيق شوفته لان كتلج حسيتو مغرور
ومتكبر.. بس اهلي حيل يحبو ويقدروه لان الشهادة لله وكف النا
وكفات ماتنسي.. عاد اخويه من سمع ابو عدوان يريدني كال
بدون ماتناقشين انطيج بعباتج.. واني من شفت اهلي مصرين
على هالشي كعدت بجيت تخبلت...

_ هااااا عجل كولي انتي مجبوره هااا..!

_ اي والله انجبرت جيت هين على عمى عيوني

_ فجعج البين يعني انتي ماتريدين اخويه...؟؟

_ ههههه لا خاله خل اكملج ...

_ كملي فان حظج والله ماتلكين مثل روكان لما تموتين

_ اعرف خاله كتلج هالشي سابقا...

هااا يعني هسه ميته عليه موو

_ ههههههه موهيج بس الصدك خجلني بمعاملته تدرين اني شنو غلطتي..

بليلة عرسنا كتلوو اني مجبوره عليك وبكلبي انسان اخر

_ انفجعتيييييي ان جان صدك.. يولي صدك تحبين غير زلمة

ضحكت كتله عززه خاله لا يسمعنا.. نصي حسج
خلي افهمج.. اني من كتله هيج جنت اجذب علية وروح ابويه .. لا احب احد ولا احد يحبني بس خبلة مدري شجاني هيج حجيت
والنوب الصدفه ابن عمي جان يريدني وينهي عليه.. وطلع الحقير
رايح الابو عدوان كايلو ماريد العنود اخذها بس بالمقابل تنطيني فلووس...

_ ماتوووراهلي ان جان صدك يولي شو ابو عدوان ماحجالي
اي كملي كملي عزه عالماتلكم كل هالسوالف واني مادري

اووف خاله صارلي جم يوم داموووت الف موته روكان عايفني ورايح يتصور اني احب طلال لو بالي غير زلمة حجيتلو كتلو والله

ماحب احد وحلفتله.. بس هو مدري شبي ولا يصدكني
عايفني يكولي انتي هين وقتي علمود اهلج مايحسون فتره واوديج الاهلج وكلمن يروح الحاله...

وضحى.. اسمعي اكلج.. تره لو غير واحد من ليلته يكطج على اهلج والله يابه زين من عندو ساكت انتي تدرين بنفسج شمصخمة

ادري والله كتلج غلطت ماعرفت احجي وهسه اني واكعه بيها

_ واكعه بيها لو واكعه بحب روكان ها يولي احجي

_ ابتسمت كتله لا موهيج بس يضوجني وينرفزني بسوالفه
اني مشتعلة نار وهو مامهتم..

اي حگووو شلون تريدي بعد يتقبلج ويتقرب الج اذا انتي هيج كايلتله والله لحد الان مو مصدكة روكان سمع كل الي سمعه
وساكت والله يابه زين منه... حتى تشوفين انتي شلون وكعتي
يم زلمة اصيل...

اعرف خاله ادري بي خوس زلمة وكتلج كبر بعيني جثير من هيج عاملني وماحجة الاهلي شي تدرين لو يدري جابر يذبحني والله

_ بلجي يذبحج ههههه حيل بيج يولي انتي جبيره وفاهمة هاي سالفه من عندج خليتي الزلمة عافج وراح الزينه

_ شسوي بعد هو يريد هيج كتلو وديني الاهلي والي يصير خل يصير هاي هيه خل يسمع جابر

اشششش هذا حجي والله ليتين اطكين وتمونين وره ابو عدوان
هيان عينج تكوول كلشي..

_ لاااا والله عليش اموت الي مايريدني ماريده

_ ول يابه انتي عقلج بي شي.. غيررر انتي كتيله ماريدك شلون بعد ينزل نفسه الج

_ موووكتلج خاله والله وروح ابويه ماعندي احد

_ ادري ياامي بس المفروض انتي هسه ترجعي الج لان انتي الي غلطتي .. ولازم تصلحين غلطج

_ لاااا هو خشمو عالي ومامهتملي شسويله يعني خليه هيج

_ يوولي تحبي والله واضح عليج.. عليش تكابرين الحب واضح
وانتي بعد تزوجتي .. شغلي عقلج ورجعي الج تره تخسري

_ بس هووو مايردينييي شلوو اكون يم شخص موطايقني

_ يولي فكي عقلج زين .. مال مايريدج هاي سوالف والله عينو ماتشوف غيرج.. بس كرامتو ماتسمحله انتي اذيتي جثير بكلامج

لو مايحبج ماجان انتي للحزة هين.. تقربي من عنده وحاولي
تليينين راسج .. يولي والله خبلني للرجال

.تصدكين خااااله اني نفسي ماعرف شنو الي اريده مشاعري مخربطة فكري متشتت .. يجي يمي اكوم اتدلل عليه يروح يمها اكوم اكل بروحي...

\ ايييييي هو هذا الحب بعد خالتج دكولي هيج يابه اتدللين عليه
لان تدرين بي يحبج ويحب دلالج..عجل شمسويه بأخوية صارجم

ليله هو بتكرضم..

يالضالمة ههههه كومي ولا تفكرين تروحين الاهلج كومي سوي غده وتغدي واملي بطنج ها يمه وراهه
هيري روحج واللبسي هذا التلبسنه مدري شنو المهم انتي اعرف

لااااا هسه يكول متحظرتلي لاااا عيني

_ يولي انتي كاتلة روحج عليه تحبي وماتدرين بروحج
دكومي ولا تفكرين زايد... خل اكوم اصلي الظهر فاتت الصلاة

_ كامت خالتي وضحى طبت للحمام اتوضى .. كمت الحيلي
واني افكر بحجيها.، معقولة اني احبة .. معقوله حبيت ابو خشم

العالي.. لاااا يمكن تعودت عليه اي بس مو احبه... امشي واوزع ابتسامات واحاجي روحي .، شجاني يربي تخبلت.. طبيت للمطبخ

ماكو بي شي نظيف.. اريد شي الهي روحي اريد شي يشغلني عنه
افتر وعيني على باب الربعه.. انتظرتة يطلع ماطلع.. صعدت

الغرفتي مشطت شعري وشلته عالي.. دحكت على ملابس حلوات
ماعايزني شي.. صفنت اتذكرت الحجل.. اي الحجل يحرگو حرگ

شلت الحجوول لبستهن.. وتعطرت..  عدلت الفرشة.. طفيت الظوة اريد انزل.. وجان ينفتح الباب.. كال ها شو مطفية كلشي

طكيت الدكمة كتلو كملت شغلي كلت احدر جوه...

دحگ عليه وكال.. وين وضحى... شنو راحت

_ لا ماراحت بس دتصلي بالغرفة الجوة طب يمشي شال السويج
كتلو شنو راح تطلع...

_ اي طالع بعدج تريدين تروحين الاهلج

_ هاااا يعني حتى لو انسى انت تذكرني كوه تريدني اروح

- ههههههه لا بس اقصد وضحى ماقبلت وكالتلج باجر التسعه مدري الثمانية.. كلت اتأكد خاف تريدين تروحين

_ لاااااا عيني ماروح باقية هين على كلبك... ابتسم وكاال بصوت ناصي.. عفاااه الگلبي اي والله... كتلووو هاااا

كال لا هيج مو وياج محتاجة شي... كتلو رايح الزينة

صد عليه ورفع حاجبو كال ليش يهمج تعرفين وين اروح ..

_ لااا بس حبيت اعرف وين راح تروح

_ اي طبعا اروح يمها.. اشعندي غيرهاا..

يمشي ويحاجيني.. مشيت سريع وكفت كباله.. فتحت ادية الاثنين
وكضبت الباب.. كتلو ماتعبر... وكف جدامي.. ويفر بالسويج
كال ها يولي.. شبيج.!

_ لومن انت ماعندك غيرها عليش اخذتني.. عليش اتزوووجتني  ابتسم وكال هسه ماسويته شي مو راح ارجعج الاهلج

_ هيييج عادي عندك تاخذ نسواان وترجعها.. سهلة عندك

_ لااا طبعا..

عجل ليششششش اخذتني.. هااا احاجي واني منفعلة وجهي نار اهجس حتى صدري يتشنگ..  من اختجي وهو بكل برود يجاوبني
مد ايديه الاثنين وكضبني من خصري قربني عليه.. وهمس
ليش زعلانة..

كتلو لاا موزعلانة.. وخر

_ عجل ليش هيج وجهج احمر.. ومنفعلة... يولي محد يستاهل

_ انت شبييييك داكلك مابيه شي

_ قرب راسه.. على ركبتي.. وهمس.. عطرج ياخذ العقل تدرين لولا..

يحاجيني واني بس ساكته لكن كل جسمي يخفج.. يرجف رجف
نصة راسه عليه وباسني.. من ركبتي..

رفعت راسي عليه وخزرتووو ..، كتلو انت شسوووويت

ابتسملي.. وكرصني من خدي.. كال ماسويت شي..تره هي بوسة
ماتريدها رجعيهاااا.. كال هيج وحدر بقيت لمدة ثانيتين بمكاني
جامده ولازم خدي.. صديت ورايه لكيتو واصل الاخر الدرج
كتلوو ماسويت شي مووو..

صد عليه.. كال ماتريدها رجعيها..

_ هاااا وشلون ارجعه يعني...

كال من اجي اكولج شلون ترجعيها... فتح باب الربعه وفات..
بقيت بمكاني واكفه مدري اضحك على سوالفه مدري اضوج

طبكت باب غرفتي.. وحدرت.. تلكتني وضحى .. رفعت راسها عليه واني انزل.. كالت هااا .. شنو راح يطلعون

كتلها اي يريد يطلع...

_ عجل خل اتلاحكة... اوصي الغراض...

نزلت وهي فتحت باب الربعه وطبت..

صار الليل وبقيت بس اني وضحى كاعدين نسولف بتجهيزات

السبعه.. وهو مابين ولا جة... كمت سويت جاي وحظرت كرزات
وكعدت اني ويااهه بالطرمة.. الجو يخبل بي بروده بس حيل حلوو

مدينا المده وكعدنا.. جان اسمع صوت الباب وريه.. صديت راسي
لين هو جاي وياه شمه.. جت تركض وكعدت يم وضحى..
هو فات سلم وكال.. شو هين كاعدين اليوم

_كلتله اليوم الجو حلو وموناقص هالكهده بس انته

كاللها غير يوم ان شاءالله .. صد عليه وكال وين النركيله..
كتلو بالربعه نفس مكانها.. كللها شمه ابقي يم عمتج هسه اجي
طب يمشي وشمه كعدت يمنه. 

_ وضحى كومي وراه شبيج كاعده...

_ لااا عليش اكوم هسه يكول لحكتني..

_ ياربي لاتصيرين جاهله كومي وراه يولي ..

لااا شسوي اروح يمه.. داحجي وجان يصيح كال  وين المنقلة..
كتلة بالبيت غير..

_ ماكوو وين خليتيها

_ وضحى دكومي وياه شييج يحظي.. كومي شوفي شيريد

_ كتله اي هسه..كمت الحيلي..وطبيت للمطبخ ادور عليها
واني رافعة دشداشتي.. لان موديلها ضيقه ومن امشي اتعثر بيها

طب يمشي ورايه كال ماكو بالربعه وين وديتيها،،

كتلو والله مادري هسه ادورها.  

نزل راسه دحك عليه كال هااا اشوف ردينا للحجول

نزلت دشداشتي استحيت كتلو اي لبستهن ...

_ اي يابة اللبسي وتدلعي ورفعي ثيابج..شكو مابيها شي

يحجيها وهو مهضوم .. يدحگ عليه بطارف عينه.. كتلو
يله شو مارجعتها.. رجعها بسرعه  عبالك نسيت تره ماانسى

_ شنهو يابة شرجع ..!

_ الي اخذتها مني فووووك

_ شنو هيه يولي..!

_ هاااا تغلس مووو.. خله النركيله بالكاع.. وصد عليه.. شفتو اتقرب مني.. جة يمشي .. وحضني.. ورفع وجهي بأيده
كتلو شدتسوي الباب مفتوح واختك هييين كال شمسوي يعني بايك سالب ناهب.. شو حرمتي وبين اديه.. من منو خايف لو مستحي

\عجل وووخر وعوفني هسه صرت حرمتك

_ اي حرمتي عجب شنوو

_ حرمتك لوقت محدد انت محدده كال ماعلينا هسه.. موتريدين ارجعها.. هزيت راسي اي.. قرب راسه ورجع باسني برقه من نفس المكان.. دفعته .. كتلووو هاي شنو تظحك عليه

_ ماعاش الي يظحك عليج غير رجعتها بمكانها

_ هااااااا

_ اشششششش حسج شبيج

_ انت ليش هيج دتسوي..

_ شنوو ابويه انتي.. شمسوي..!

لااا مامسوي،. روح الزينه هسه مو ماعندك غيرها

_ اووو ذكرتيني.. دحگ على ساعتو كال دتنظرني.. وخر مني وشال النركيله..

كتلوو هاااا هيج موو..

_ صد عليه.. وكال.. باجر سبعتج نامي من وكت

_ تعاااااال...  وكف وكال لا اله الا الله وج هااا

_ راح تروح الهااا..؟

موكتلج اي شبيج دماغج بي شي..

مااااشس روح بس والله..!

_ بس شنوو.. (والله الي تحلفين بي قاريج قرايه .. طلع يضحك ويكهكه بصوووت عالي.. واني بالمطبخ عايزني انفجر وابجي

بقيت ادحك عليه من الجامه . راح وكف يم وضحى مدري شحجة وياهه.. كاد بيدو شمه ومشى.. طلعت وكفت باب المطبخ

ادحك عليه يمشي بالحديقه.. ويدحك عليه..  طلعت امشي واني رافعة الدشداشة بييدي  والحجل يرن رن خزرتو بعيني وصديت.. جان يصيح من بعيد.. يولي احتركووو عمامك يروكان...
دنجت راسي ماحجيت شي رحت كعدت يم وضحى
لكيتها تظحك علينا.. كالت هاا ادحگ عليكم اثنينكم واحد ميت عالثاني.. بس اثنينكم تكابرون..

كتلها لااا هو اصلا متقصد ديضوجني..

كالت هو عندو نركيله غادي بذاك البيت  بس جة حتى يشوفج

_كتلها خلي هيج شسويله خل يروح ماعليه بعد بي هو فتره
وكلمن يروح الحاله .. ضحكت وكالت والله يالعنود ماضنتي

عاد كمت لمينا الفراش وطبينا نمنه.. كعدت الصبح دزينا على رواء ورتبنه البيت.. وجهزنا الرربعه.. وصعدت اني ورواء

سوينا شعري ورتبت حواجبي .. ولبست فستان قصير لون قهوائي
ورفعت شعري عالي.. وخليت مكياج برونز.. نزلت رواء كالت

راح اروح اللبس واشغل المسجل .. راحت وطبكت وراهه الباب
شلت التلفون. خابرت اهلي كتلهم لا تتأخرون..

كعدت عالجربايه رفعت رجليه داللبس بالحجول.. جان ينفتح الباب
فات روكان.. صار جدامي.. الفستان قصير وجسمي مكشوف

كمت عالسريع وكمت انزل بفستاني.. ولملم بنفسي واني ميته خجل .. بقى واكف بمكانوو.. ويدحگ عليه من فوگ ليجوة

مشيت من يمه اريد اعبر للميز.. وجان يكضبني من ايدي
جرني علية.. كال.. هاي شطالعه..؟

رفعت راسي.. دحت بعيونه.. بقيت ساكته...

جرره حسررة وكال هيج راح تنزلين..؟

كالو اي غير عروس واليوم سبعتي.. احاجي واني ارجف صدري وجسمي كله مكشوف والفستان قصيرر..

كال.. اهلج جايين مو...

هزيت راسي اي.. سحبت نفسي.. ومشيت وكفت كباله

طب يمشي فتح الكنتور.. طلع الغتره والعكال..

كتلو راح تطلع..

كال اي اطلع.. كوليلي اطلع لان احتركو اهلي وعمامي الصووبين

كتلوو شنووو..!

كال.. يولي والله وريتيني ور.. ماتكللي شسالفتج
اتمايلين هين وهين.. ادري وتااااالي... 

ابتسمت كتلووو.. ماعندك غيرها مووو

ضحك وجة يممشي كال.. والله تعرفين وتخلفين
خل اطلع احسن ماسوي بلوووة..

كتلوو ها ماراح تلبس.. كال شلبس اروح يمها اللبس..

كتلوو يعني شنووو..

ضحك وكال..موشغلج.. عافني ونزل  نزلت وراهه امشي
دحكت اللييت هوسه والمسجل عالي.. حدرت عالسريع..

ادحك وادور بكل زاويه بالبيت ادور وماكووو. تلكتني رواء
تمشي وتركص كالت هاا يالعنود الناس جووي كلها تسأل عليج

كتلها وين ابو عدوان.. كالت شفتو طلع من باب المطبخ مستعجل
من كالت طلع.. حسيت نفسي ضجت.. مدري ليش .. احس نفسي

ادور عليه واشتاقله.. شسوالي والله مادري شسوالي هسه اني مو جنت اكرههه جاني كمت ادور عليه.. طبيت سلمت وكعدت بسد

وضحى .. جوي جثير ناس واصلو اهلي وعماتي.. وسولي سبعه
حيل حلوه .. لكن اني جنت طول بالي يمه .. اتذكر كل كلمه حجاهه

الي كل سوالفه تصير كبالي واعوووف الناس كلها واسرررح
اروح بغير دنيه.. ضي ورواء تكابلن نفس الخبال. ونفس الطبع

كضنها طگ اصبعتين وركص.. واني بالي يم روكان
زينه ماجتي .. معقول هسه هو يمها.. بقيت كاعده وافكر والف

حسبة ابالي.. صار الليل وصبوو العشى..وكعدو يتعشون
كمت كعدت يم امي سألتها على جابر وعلى طلال..
كالت ماكو شي من يوم السجن وطلال جر عدل ماهد ولا حجة
راحو الناس واهلي راحوو

طبيت  للهول وشايله بيدي الحذاء واحس جسمي متكسرر

لكيت وضحى دتصلي ورواء شاده رجليها بالربطة وكاعده وتون
كتلها هاا يولي وكعتي على صفحة ..

كالت ولج رجليه راحت من الدبج...

ضحكت كتلها احسنلج انتي وضي متخبلات عالركص شجايجن
راح اصعد ابدل هدومي..

_ اكلج تره راح اروح اني رجلي جاي بالطريق

صديت علية صدك عحل واني منو ينام يمي..

_ شنو السالفه اليوم غير ليتج ابو عدوان راح يجي

_ صفنت شريد اكول اللها.. كتله اي صحيح روحي حتى لو يمي
وضحى..

عاد وضحى كملت صلاة وكلتلي اصعدي يمه ماعليج
اكو من يبقى يمج...

_ رواء خوش عجل راح اللم ملابسي وارووح يمه متكسره والله

_ صفنت على وضحى شنو تكول اكو من يبقى يمج.. عفتها وصعدت الغرفتي اريد اذب ملابسي
وافوت اسبح.. كعدت عالجربايه نزعت الاكسسوارت..

ااااخ يمه تعبانه.. فتحت شعري.. دحكت على نفسي المكياج مخربط هاي شصاير بيه.. شلت المنشفه وملابسي وطبيت للحمام
سبحت وكملت.. طلعت بالممر امشي واني لافه نفسي،.
دحكت باب غرفتي مفتوووح.. اني طبكته وطلعت للحمام
عطر روكان بكل مكان بالبيت.. گلبي كام يدگ سررريع
معقول اجة .. معقول يكوون موجود بالبيت لو اني كمت اتخايله
مشيت على رووس اصابيعي.. دحكت من المحجل الهوول فارغ
معقول وضحى الي بالغرفه...

وتستمرررر الحكاية😁 ادري اكو اخطأ شسووي عيوني تعبو

لاتنسون التصويييييت احبكم 😊❤️_