رواية ابو عدوان الفصل السادس عشر 16 - بقلم غير معروف

\ شلون مااهتم وامي خابرت تصيح ويمها نسوان عمامي
وكلها تصيح ابو عدوان اعتقلة خليتني اخجل من نفسي

عجل بعدني عروس وهيج تسوي بأاهلي مو حرام عليك
كل هالشي دتسوي حتى تنتقم منييييي موو اعرفك

من هالحظة بعد ماابقى دقيقة هين.. وهسه توديني طب للهول يمشي واني امشي وراه كعد شال التلفون ويكلب ولا يرد عليه
بس شكله جان يبين ضايج... كتله شو سكتت مو داكولك وديني

رفع راسة .. كال موكتلج تهيري عايل بشي!

_ اي عايل هسه اطلع طلال من السجن،.

_ كاااااافي عوفي سالفتة ولا تجيبين اسمه تره هاي اكثر من مره عدتهاااا ولج اللياااااان لو شنو هذاااااا

_ اي ماعيدها بس طلعه من السجن... كام وكف الحيله كضبني من ايدي.. وصلني للدرج وكال يلةةةة جدامي.. تهيري مو تريدين
تروحين على اهلج ... يله جهزي نفسج خل اوصلج ..

_ وكفت عالدرجة الاولى وهو كبالي وكفت بوجهه واني متخوصرة .. كتلو اي راح اروح بس عااااط بحيل بسسسس شنو

ماكتلج ماريد اسمع كلمة .،، يله امشي خل اوديج انتي الظاهر حيل
متغزة بهالنذل هذا...الي باعج بيع

_ اريد اصعد جان اسمعه يكول باعج بيع مرتين صار يكرر هالجملة.. اندريت عليه كتلو ابن عمي ماباعني بس انت جيت
واخذتني غصب عنو،، الا هو ماعليه.،،

_ ماخذت شي بالغصب ولا يرهم على ولامي شي مغصوب
وماكو مره تنام بسدي وهي حجت الي حجيتي.. بس هذا

ابن عمج المحروك گلبج عليه خل عاد اسولفلج سالفتو وبعدها
توكلي على اهلج ...

\ اي هو انيييي مابقى يمك مو الا انت تكول...

_ وجععععع اششش خل اسوووولف لا تقاطعين.. بيدي اوديج
كتلج ماترهميلي بعد ولا تصيريلي حرمة...

اسمعي اكلج عاد.. هذا ابن عمج .. الي جنتي تحلفين براسو
وتكولين ابن عمي وابن عمي.. دحگي اني ماردت احجي شي

يأذيج... بس هساع لا بالله ،، خل اكتهن كلهن.. لان انتي
اول وتالي راح تعرفين.. بس ماردت اقهرج واحجيلج بنفسي

\ يحجي هو واني بس صافنه عليه شلون يحجي ومحموق
وجهه صار دم.. وكفت بمكاني بعد ماكدر احجي من شفته
شلوون اعصاب... وكام يحجيلي.. كال اجاني ابن عمج
واني بالدوووام.. كال بنت عمي انت تخطبها..،

. كتلو اي اني ادور حرمة عدكم.،،

كال بنت عمي اني مشيت عليها ومحجوزة الي..
بس اني مطلوووب كذا مبلغ... ومحتاجهن.. اذا تريد بنت عمي
انطيها الك مقابل هالفلوس.. وااني افگ االنهووة

العنود .. كتله دقيقه انت شدتحجي... عاط كتلج لا تسولفين خل اكمل..

بقيت ساكته مارديت عليه... بس مصدومة بكل كلمه حجاهه

ابو عدوان _ بحزززتها هاالرثع هذا من جة وكالي مااريدها انطيني فلوس وبالمبارك عليك.. يمكن حزتها لو طالب عليه اوزنج بالذهب وعندي ماراح اتردد لان حزتهاااا عيني ماتشوف غيرج..
بس عاد كلشي بوكتو هاا يابه..

_ اييي كمل.. اسمعك...

- دفعتلو ثاني يوم المبلغ.. وجاكم وكال البنيه ماريدها
يعني ابن عمج هذا البطل جان يبايع بيج تعرفين شنو...

_ العنود... حدرت اول درجة وكفت بصفة.. كتلووو عليك الله بداعة شمة انت دتحجي صدك لو شنووو،. رفع راسه وكال

ليش مصدومة.. ابن عمج ايسوي اكثر من اللي سواه اني انطيتو الفلووس لان كاال مطلوب واهلي براسي طلع هالنذل يلعب قمااااار

واني مادري..

طلع سكيررر يسولف للناس يكلهم ،، ردتها
بس ضحك عليه ابو عدوان وقشمرني بالفلوس ولازم اهل الديره

وماعندو شغل وعمل غير العنوووود والعنوددد..، عرفتي منو طلال الي متغزره بي هو هذا... من اعتقلتووو ،، اخوج بنفسو

اشتكة عليه.. لان جاب اخوته وفزع على جابر ولوه ولية..
من اعتقلتووو السبب جانت مشاجرة واخوج بنفسو الي قدم

الشكوة.. واني ماقصرت ادبتووو .. يتخسى شاربو الي
يجيب اسم حرمة ابو عدوان جدام الزلم بخير ولا بشرر..

اني من سمعت يسولف بيج مابقى عقل براسي يمكن لو سامعو بأذاني ثقي بالله اذبحة خلاااااص .. بحزتها خابروني جابر وابو

قصي.. شغلت السياره بلليل وحدرت للعوجة..
جبتو سحل من زياكو هو واخوووه اثنينهم هساع يسمعون حسج
بالسجن نايمين... هاا يالعنود.. عرفتي منهو طلال،،!

_ يحاجيني واني بس ساكته ... ادحك على جسمي كلو يرجف
مابيه بعد اكف على حيلي.. كضبت المحجل وتوجيت عليه وكعدت

عالطخم.. هو بقى واكف يدحك عليه.. ماتحملت الي سمعته
عجل كل هذا طلع صاير واني مادري طلعت مبيوعه بيع..

وابو عدوان مشتريني بفلوسه...،هيج رخصية عند ولد عمي
بتاجرون بيه مقابل الفلوووس... خليت اديه على وجهي

حاولت اتمالك نفسي ماردت ابين جدامة مهزوزة لكن ماكدررت
الي سمعته خلاني انهززز دموعي صاررت تنزل من حالها

تذكرت ليلة عرسي من جنت احجي واكول ابن عمي واتفاخر
بيهم.. هيج جان صاير من ورايه.. كمت الحيلي مشيت سريع

واني مدنجة راسي صعدت عالدرج واني ابجي واحجي ..
كتلوو كلكم نفس الشي.. كلكم متفقييين عليه... اركض وايدي

على وجهي ودموعي تجري.. فتحت باب الغرفة .. وطبيت
كعدت عالجربايه.. واني ابجي تخيلت نفسي جاريه.. وبمزاد

بايعيها ،. الله لاااااايرضى عليك طلال الله لا ينطيك العافية
واني ابجي.. دفع الباب.. فتحة وفااات،، مدنجة راسي بس
خطوات رجليه كبالي وهو يمشي ،. جة وكف كبالي وبيدو الجكارة

كال شبيج ليش دتبجين.. مسحت دموعي كتله ماكو شي عوفني بحالي...

_ مووو احاجيج يولي شجرالج.. شنو تكولين نفس الشي
يعني هسه اني وطلال خليتينه بخانه وحده.. هيج اني بنظرج
يولي انتي ليش ماتفتهمييين هااا...

_ رفعت راسي عليه.. كتلوو شلوو افهمك يعني كل هاي الي مسوي من ورايه واني اخر من يعلم،. طلعت مشتررريني

بفلوووسك ،، هااا بلفلوووس مشتريني،،، داحجي تلفوني دك
اريد ادحك عالرقم.. جرر التلفون.. كتلو جيبة هاي ضي..

انطينياهه.. احجي وياه ولا يصد طفى التلفون وشمره عالجربايه
وجة كعد على طارف الجربايه.. سحب النفاضه وكام ينفض

كتلو شو تسكت من اكووولك مشتريني بلفلوس هااا..
ماعندك رد... وليش طفيت التلفون

يولي . كتلج اني تقدمت الج وشرحتلج ابن عمج هو الي جة وكام يساموني واني ماعندي مانع ادفع عليج شداااات بس تصيرين الي
حزتها.. ليش تحسبيها مشترة ليش ماتكولين غاليه عليه واخذتج
ليش هيج تحسبيهااا ها...

_ اييييي غالية مووو .. الغالية انباعت الك برخص الرخص
اكول ليش هيج تحاجيني.. طلعت مشتريني بفلوس

_ شلون ييعني ليش شلون حاجيتج.. شفتي قصرة مني..
شو كل الي كلتي والي حجيتي واني ساكت ومتحمل الخاطر اهلج

وخليتج وكتلج مثل ماتحبين فتره وترجعين الاهلج..تعرفين
لو وحدة غيرج هيج تحاجيني وتسولف سوالف بكبر راسها

جان شسووويت اقسم بالله خل اسكت احسن.. وره كل الي سويتي
والي حجيتي وطلعت موخوش ...

_ اي واليوم كتلي تهيري اوديج الاهلج بعد عليش..

هاي هي راح الم هدومي الجبتهن من اهلي وكلشي من عندك ماريده..

مديت ايدي.، سحبت البتوت والمحابس.. هاك هذا الي مشتريني بي مو هاك اخذه ماريد شي منك.. انزع واكط عليه وهو مبتسم ولا

داير بال.. نزعت الكلادة شمررتها.. رفعت رجلي.. كتلو هاي الحجول الي جبتهم... هم ماريدهن،، كلشي من عندك ماريدهن

كال اييييي هالحجول.. جانن يدگن بكلبي تمايلين جدامي بيهن
يرحم اهلج انزعيهن.. تدرين دن شسون بيه.. ااااخ .. حركن جدي السابع عشر..، دنزعيهن عجل اني شريد...

_ هااا وليش يابه شمعنى الحجول.. لو كوة تريد تضوجني
ضحك كال ول يابه موذني لعبان بيه لعب...

هاااااا لعبان بيك لعب موو عجل راح اللبسهن انطيني
شو انيطنباهن... جريت واحد والثاني بقى بيده .. رفعت راسي

عليه كتلو جيب الحجل.. انطينياه... ضحك كال شتسوين بي
اللبسة غير انطيني اياه... عليش تضحك جر ايدي وسحبني

صار قريب مني.. واني خازتو بعيني.. ادحك عليه وهو عينو بعيني .. همس بصوت ناصي هسه انتي مو هاويه الزواج ومجبوره.. هاي افتهمناها احجول ليش تلبسين
مكياج ليش مدلسه.. جاكات وكلبيااااات ودلع واتمايلين جدامي وبحجلج طك لا طك عليش لابسة جدامي
ادري زلمة كبالج لو قالب ثلج.. يول والله وريتي كلبي ور
وكل هاي وتسألين... حسسسسسسيي.. تره الجدامج هم بشر

من كال هيج دنجت راسي كتلو هاك اذا عالحجل اخذوو ماريده
ضحك بصوووت عالي كال ايا ملعونه شكد لوتيه انتي..
ماريد الحجل.. اخذي كلشي تريدين اخذي.. وهسه تهيري
لان ورايه شغل...

توديني الأهلي...

اي لان عندي شغل واريد اطلع

_ دنجت راسي كتلو يعني اذا تاخذني راح تحجي الجابر وتكوله
على الي صار...

شنهو شحجي يعني!

اقصد على سالفة العرس والي صار بليلتها

_ وكف الحيلو كال كتلج وكلام ارجال ماراح احجي وااذيج
اوديج اي لان ماكدر بعد ابقيج هين....

_ وليش ماتكدر هيج اني عله على كلبك اني ..

_ اكولج منتبهه انتي على نفسج لو لا

كمت وكفت كباله .. وتخووصرت كتلو شنو شبيه النوب

_اثبتي على راي يحرمة.. انتي اتگلبين على گلبي لو شنو..

_ هاي كلها علمود توديني الاهلي.. اعرف تره اني موغبية
وهسه احظر كلشي.. خاف عبالك اكولك لا عفية وبقيني وخاف اهلي يحسووون لا هسه اتهير

_ اي عجل خوش لان حيل مستعجل،.

دحگ على ساعتو وكال بكل برود يله ستعجلي ورايه شغل
بقيت صافنه عليه هذا شبي كل عقله هيج بحجي وجماله يكولي

مستعد ادفع عليج .. شدااات طلع كل هالسوالف رغبة عرس
بقيت صافنه بمكاني واكفه.، وهو راح يمشي وصل يم باب الغرفة

وصد عليه كال ها شو واكفه مو كتلج ماكو وكت..،
كتله تره فتهمت شبيك.. مشيت سريع واني ضايجة منه فتحت

الكمنتور.. طلعت عبايتي.. انداريت عبالي بعده واكف ..
لما انداريت مالكيته.. بسيطة روكان بيسسسسيطة هيج عندك

عادي تاخذني وترجع تشمرني على اهلي ولا ولا مهتم يحاجيني
بكل برود.. عجل كتل روحه عليه وتالي طلع بس حجي ان ماخليتو

يموت بنظرة من عيني ماكون اني العنود... شلت العبايه لبستها
وفتحت الكنتور طلعت جنطتي.. شلت التلفون والشاحنة،،

وعفت كلشي بمكانه ..امشي واحاجي نفسي.. وداخلي بركان.. سالفه طلال ادگ بكلبي.. ومن هين هو هيج يعاملني

طلع كله جذب مايحبني..

اي كلاوات همه كلهم هيج الزلم
يحبون كل ممنوووع ومو يصير بين اديهم يملوووا..

بسيطة يروكان بسيطة.، فتحت باب الغرفة وحدرت ،،
امشي عالدرج.. دحكت ماكو جدامي.. وصلت للاخير واني ادبج وانزل بقووة .. صديت لين هو بالممر واكف وبيدو الخاولي ودينشف .. بوجهه.. ضحك كال يواش موهيج الله يساعد الدرج عليج .. شو مخبوصة وتدبجين شبيج ابوي انتي..

_ مابيه شي.. مو تريد توديني يله وديني..
جة يمشي وكف كبالي .. صار قريب مني.. استحيت رجعت ليوره

صار بظهري الحايط قرب راسة مني.. وخله يده على خدي.. والثانية لافها على خصري صار يمشي اصابيعه على وجهي .. على حلكي.. بهداااااوة واني بس جامده
ماحجيت شي..همس بصوت ناصي.. ها يالعنود.. اشوفج لنتي زايد
_يعني شتقصد لنت مافهمت.. حجيتها واني صوتي يرجف كال
يولي.. تره ماصارلج جثير يمي بس قريتج من جدامج لين راسج

وعرفت الي بداخلج شنوو.. لا تضوجين.. ولا تعصبين.. انتي الي
ردتي هالشي.. صحيح لو اني غلطان.. دحكت عليه.. رفعت ايدي

كضبت ايدو.. رجع هو وخرها بأيدو الثانيه...الجنطة وكعت من ايدي اريد ادنج اشيله ماكدرت ماحاوطني.. انفاسه تتعالى ويدحك

عليه بنطرات تسحر.. حاولت اصد عيوني عنة.. للكن ماكدررت
سحب خصري.. عليه.. جسيتة بده يقرب راسه.. كتلو هاا

همس.. بعدج متصوره اني اريد اشتريتج ..! وساموت طلال عليج

_ كتلو اي ماكو غيرها انت انطيت الطلال فلوس حتى تاخذني كال
يعني لو نفرض اني الي اندكيت بي وكتلو اريدها منك وانطيتو الفلوس انتي شنو الغاثج المفروض تفرحين تكولين هالزلمة شاريني ورايدني ..

_ تدري شنو .. كارهه نفسي.. هيج احس نفسي رخيصة
ومثل جارية ويتبايعون عليها...

لا طبعا.. اني ردتج تكونين ام بيتي،.يولي شبيج انتي شو دحگي عليه يحاجيني.. واني ماسيطرررت دنجت راسي  كتلو هسة اني بنطرك مثا جاريه مووو حجيتها ونفجرت بالبجي 

يولي.. مو احاجيج .. ليش هالدموووع .. ابوي انتي والله غلطانه ولج شنو جاريه 

كام يمسح بدموعي بأديه قرب راسي على صدرة .. حظني
بأدي الاثنين.. راسي على صدرة وايده على راسي ..

واديه متغلغلة بخصلات شعري.، بلحظته اهجس نفسي صخنت
وجهي نار اهجس گلبي يريد يطلع من مكانو...رفع راسي

همس.. وتالي.. لا تغثينا..، تره مامتعود اشوف دموعج
تعودت على اللسانج الطوويل والمناكر ... شو كافي
ماريد دموع... قرب راسه... وباسني من شفتي بهداوه

أريد احجي ماكدرت.. احس نفسي خرسيت مدري شسوالي
رفع راسي... دحگ بعيوني وهو مبتسم.  
كال ها...  نمشي..!
اني بقيت صافنه بعيونه ..

رجع عاد السؤال  يالعنود احاجيج..

كتلووو هااا.. كال مدري وين بالج .. وهسه شلون .. نمشي.. هزيت راسي اي..

سحب  نفسه من عندي..  بسرعه .. كال اللبس ونطلع ..!

من وخر .. حسيتو ضاج شاال دشداشتو وكام يلبس بيها
اني كمت اعدل بنفسي بس اهجس نفسي صخنت .، لابدة عالحايط

مدري شسوالي هالزلمة خلاني خرسيت ماعرف بعد شحجي كمت الملم بنفسي واني مستحية من روحي..اتلمس بشفتي مدري بوجهي .. عدلت الملفع.. دنجت شلت الجنطة..

اريد امشي... جان يندگ الباب...؟

كال اكفي خل اشوف منو.. طلع يمشي عالباب
فتح الباب.. اسمع يكلهم ياهلا ياهلا.. تفضلو.. مشيت اريد اشوف منو.. دحگت نجمة وابو قصي.. انصدمت شجابهم.. لفيت شالي وطلعت عليهم.. تلكيتهم...

نجمة.. هلا شلونج... شو لابسه عبايتج وين ..

_ دحكت على نفسي.. كتله عوفج مني شعجب جيتي خمو امي بيها شي...

لا بس جينا على ابو عدوان..

حتى يطلع طلال

_ دتعاي خل نكعد ... طبينا ،، لكيناهم فاتحين باب الربعه وكاعدين
سلمت على ابو قصي.. وكعدنا...
انفتح الحجي.. وصار صياح.، همه ديحجون واني انداريت على

نجمة كتله ليش ماكتيلي بكل هاي السوالف..
ليش ضميتو عليه.. كالت.. ولج والله كلنا ماندري شبيج

ابن عمج الحقير رايح عليه للدوام شفتي شلون خزانه ماخذ من عندم 35 ورقه..

_ لااااابربج صدك تحجين... 35 عجل شكد مايستحي

اي عجل شنو وياريت بس هيج يمشي ويحجي بالگهاوي وبالديرة
ايكلهم ابو عدوان قشمرني هو وجابر بالفلوس.. واخذو مني بنت عمي.. ابو عدوان من جة .. كلو بس تلفض اسم العنود
اكصووو للسانك كص..
وهااا تره  جابر مايعلم بكلشي.. جوي الناس وكلوله الجابر هذا هيج يحجي عليكم وسكران بالشراع تخبل.. كام شال المكيار وهد

عليهم.. همه كلهم فزعو على جابر.. وناس ضربت ناس
وهسه جابر ايدو جبسناهه.. ومايقبل يتنازل عن طلال.،
وتعاي شوفي كل شويه سالفه وامي من الخوف انتهت.. خفت يصير بيها شي بسبب هالكلب ابن عمج عاد كتلو لابو قصي خل نروح نحلها .. وركبنا السياره
جينا على ابو عدوان خاطر نحل السالفه.، وبلجي يطلع وينسد هالحجي..

_ اوووف شكد حقيررر الله لا ينطي.. والله مامدي يطلعه مدي يخلي بالسجن حتى يعرف شلون باعني بالفلوس هالنذل

_ وج كلنا مثلج بس المشكله ذوله اخوته ماراح يسكتون وجابر تعرفي اعصاب.. اذا بقى طلال بالسجن راح تصير مذابح

العنود\ اي صحيح وامي المسكينه تكع بيها.. لا خل يطلعه شنسويلهوالله ياخذ حقي من عنده..

هسه ماكتيلي عليش لابسه عباتج.. وين تريدين

_ هااا العبايه.. اي مو كتلو امر عليكم اشوف امي
عرفت راح تتخربط..

_ لا يولي اكو عروس تطلع.. اكول ماكتيلي شلونكم
ابو عدوان شلونه اكيددد بالعسل هاااا

تحاجيني وتسألني واني محتاره شراح ارد صفنت الها كتله لا ماكو شي وابو عدوان كلش حباب وياية خوش زلمة كالت مو كتلج كل واحد عصبي داخلو تلگين اطيب گلب.. ❤️

ابتسمت كتله اي صحيح..

بعد ما اجوي علية ابو قصي ونجمة
وبعد معنات وصياح .. وقنعو جابر.. صار تنازل من الطرفين

وفضينا السالفه.. واني انجبرت ابقى بالبيت بعد الي سواه الي ابو عدوان ماكدرت اطلع.. مر ايام على زواجنا واحنا بس نظرات

لا هو ينزل نفسه ويتقرب ويحاجيني ولا اني انطق وياه بكلمه
صررت من اشوفه ابقى ساكته وماحجي شي.. حتى المداهر بينا

قل.. لكن كبر بعيني بعد كل الي سواهه الأجلي لو غير زلمة
يشمرني ثاني يوم على أهلي..

نظفت البيت وصعدت سبحت  وخليت مكياج .. ونزلت ..  وضحى جانت بايته يمي وهو جان ليلتويم زينه  نزلت مالكيت وضحى جانت رايحة دحكت الساعه 11 ركضت طلعت لحم من المجمده و.. خليت الجدر  عالنار.،  دالف شعري بالمنشفة بعدو كله ماي  وجان ينفتح الباب طب يمشي.. لكاني واكفه عالطباخ ..  سلم عليه من گفة خشمه   مشة وصل لحد عتبة الباب وكال باجر لو بعد باجر اداوم.. عود جهزيلي ملابسي العسكريه

كتلو البدلة الي يمي جاهزه.. مكوية من يوم الي نزعته هين اني غسلتها وكويتها.. صد عليه كال  اي عفيه.. وينهاوضحى

- توها طلعت راحت لبيتهم،،  انت تتغده اليوم هين مو

_ لا ماتغدة هين.. اصعدي جيبي ملابسي..

_ كتلو بس انت الليله لازم هين تبات.. كال اي يابه ادري
بس رايح هناك راح ادزلج وضحى لو رواء  عافني وطب للهول
صاح كال وين النركيله.. راح يجي سعود ياخذها..

للمقر

_ مشيت وراه كتله موجوده بالطرمة.. بس انت صار ثلاث ليالي هناك يم زينه ورواء رجلها البارحة نزل من الدوام ماتجي بعد

وضحى المره خما ابتلت بيه.. انت مو كلت راح اكون عادل بينكم
صد عليه وضحك كال.. واني شمفتهم هين حتى ابقى..
كتلو يعني شنووو!!

كال.. ول هناك عندي حرمة  هين اجي شسوي .. يحرتگ جد حدي واروح تدرين لو لا
ا
_ ليش هين ماعندك حرمة بس زينه..

كال اي طبعا هناك مرتي .. بس الي هين زواج بس عالورق
مو لو نسيتي...

كتلو.. لا مانسيت انت تدسوي هيج اعرف ليش.. والله اعرف

_ كعد على القنفه وخلة رجل على رجل.. وشال التلفون ..
كال اي باله.. احجي شتعرفين..

كتلو خل اطفي الحم واجي.. ركضت طفيت الحم .. ورجعت
وكفت كباله.. كتلو.. عوف التلفون وانتبه الي..

كال اسمعج احجي..

كتلو .. باجر  السبعه مالتي.. مو..

كال سبعه خمسة مادري المهم هاي افتهمناهه كملي..

_ شبيك شو تحاجيني معلگ ..

_ خلة التلفون بصفة وكام يظحك كال ها ياابويه  شبيج.!

مابيه شي اني ماتحمل هيج ابقى البيت ضوجة  وحصرة وانت
ماتقبل حتى اطلع بره.. كبل محبوسه بين اربع حيطان
خلف الله على رواء مرات تجي تواسيني..

طلع الجكاره وهو مبتسم.. واني افور.. كال وبعدين كملي التريدي شنوو...

كتلو اريد اروح الاهلي.. هسه توديني...

_ ديله تهيري هم اني باجر عندي دوام وخاف اتأخر اقللها  بيت اهلج احسن...

من كال هيج صرت نااار ضجت ماتحملت.. كتله تريد تخلص مني
حتى تروح يمها مووو.. كول هيج.. وين اكو عروس تنهجر من

ثالث ليله بعرسها هاا.. انت كل الي دتسوي حتى امل واروح الاهلي اني اعرف .. واهنيك. صدك الي الي خططتله  نجح راح اروح الاهلي واعووفففففففففك ... كتله هيج واني اصيح
ومنفعلة وماعرف شنو بداخلي .. مدي اهجم عليه واتعارك وياه

مشيت صعدت عالدرج صديت عليه ميت ضحك.. كتلووو تضحك موو والله مابقى بعد يمك.. صعدت اركض على الدرج.. فتحت

الباب وطبيت.. ركضت على كنتوري واني مخنوكة.. من شفته
هيج ولا مهتم الي حسيت نفسي مذلولة..  اني الي جان يتمنى رضاي هيج كام ولا يهتملي .. سحبت عبايتي من
الكنتور .. وصديت  واني ادردم ويه نفسي .. لكيته ديسد باب الغرفه.. كتله شو جيت هين مو كتلك روح الزينة وخليها تشبع بيييييك...

جة يمشي عليه.. وهو يضحك... كال .....

يتبع.. الجزء هذا مختصرر حتى ماتكولون مطوله
رجاءا الي يشوفها ممله خل يلغيها من يمو ولي يسلمكم
خلوني اكتبها مثل ماهي ماريد استعجل بيها مثل قصة ايهم

توقعاتكم .. ولا تنسون التصويت على البيج ولواتباد

*********تحياتي ******* نشوى

اليوم كاتبه 3227 كلمة الي يكول قليل اذبحو😁👍🏻
عدلتو اثاري غلطانه بالرقم