رواية ابتعد عني 🔞🔞 الفصل التاسع عشر 19 - بقلم زينب علي

رجعني محسن بلطريق والبنات مخليتهن وره واني بلصدر وشبل بحظني ...
طبعا شبل اسمه هيج بس بلجنسيه علي ... .
.
بلطريق ....
محسن اني مقهوره علحساب بتي ....
فدوه الج حبيبتي . تعيشين وتحبلين وتجيبين غيرها .....
انت ما مقهور .....
لا الحمد لله قضاء هذا ولازم الانسان يصير مؤمن والحمد لله بهيج عمر مو لمن كبرت جان كتلت روحي وراها ....
ما فرحانه بعلاوي .....
هههه تذكرين حجايتي من كتلج البنيه خير لا تاخذ عزيز ومرزوقه . هسه هذا اول ما اجه طير اخته ههههه .....
اكلك بس لا هذا فكر ....
ها انوب راح تكابلين هلمكرود .....
اشو ما فرحانه بجيته ....
طبعا متحبيني لو تحبيني جان فرحتي .....
شدخل حبك بعلي ....
متكولين هذا راح يصير عون لابو من يكبر ويساعده تفكرين بس بلطفله الراحت . والله لو عايشه البنيه وميت الولد جان كتلتي روحج ....
اي طبعا بس مقهوره .....
شايفه ابليس انتن النسوان تخبلنه تخلنه يكعد عاى صفحه ويشرب جكاير يحتار وياجن .....
هههههه ليش ....
وداعتج محتار بيا طريقه احجي وياج منين ما اطبلج اطلعيلي ....
.
.
وصلنه للبيت كلي سلمي على هذا البيت ....
شنو....
سلمي عليه لوحي بأيدي ....
سلمت عليه ....
وطلع كبل . كلي بعد متشوفينه هذا ابد ....
طبينه لبيت صغير ١٥٠ متر جان كاي هذا يلمج انتي وجهالج وبس الله يرزقني اكمل بنيانه . شفرب على اهلي وقريب على بيت جدي .....
.
طبيت استلمت البيت تنضيف وشبل كل ساع يبجي شلع باااااب كلبي اخواتهةمو مثله جانن هادئات وحبابات . وهو يلوووع . وما عندي احد ..
محسن فدوه لعينك صيحلي ايه خل تجي يمي ....
اي ....
وره شويه اجتي ايه . كوتلها اني انضف بس عينج ع البنات واخوج حبابه كالت اي بعيني . جانت ايه حبابه مسالمه . يكول محسن نفس طبع امها الله يرحمها ابد متشيل بكلبها على احد ورجلها حالته تعبانه ومحسن كايله تعال وياي  اشتغل وهسه خير من الله وهيه هم ام بيت ولمته ومن هذني الي يدون بيوت وعقارات وذهب تفكيرها كوله شلون تلم وتسوي مستقبل هيج يعني ذكيه وحبابه ومؤمنه ...
.
كمت رتبت شويه سمعت صرخه حياه رحت اركض الها لكيت ابن ايه عاضها ومدميها يبوووو جهال ايه مينجرعون . سكتتها كوه صرخت رحمه وهم على هلرنه كل ساع واحد مجلوخ وجهال ايه خبلوني كعدت وسكتت بعد ما اشتغلت وضليت بس انيم بلبنات خاف ايموتوهن هسه انوب تورطت اريد ايه تروح لبيتها حته اكمل شغلي ساعه السوده يوم الي كلت لمحسن جيبها . بدل لا تساعدني بهذلت اخوالي . المهم بلموت يلا راحت . كملت شغلي وبيتي وتنضيفي بس كوله شلون ما جان مو كلش يلمع لان شبل راواني النبي عربي .....
.
ذبيت روحي غفيت ستوني فحط شبل . كمتله كعدن خواته . المهم طفوله شبل دمرتني خلتني جلد وعضم يبجي ويتمرض ويرضع حته من كبر صار عمره سنه ابدددد ميكعد ويطفر اطفر واذا طلعت عبالك مسجون ونفك اله الحبس يهمش وهذا بعده صغير كلش ...
.
اني ما سويت جهال بعد ولا شريجتي . طبعا ام سمر تخاف تحبل ببنيه فكعدت وسكتت ....
.
واني محسن ما يقبل يسوي جهال بعد يكول شبل راح يخبلني ...
.
مرت الايام والسنين تمشي بيه وضل محسن يموووت عليه واني تقريبا شغله الغيره بطلتها مو كلها بس نوعاً ما  بطلتها .... وشغله الطكع الزرك راحت لان كوتله مره ثانيه انوب انتحر اذا اجيت هيج ....
.
صارلي من زواجي ٥ سنوات واني عندي ٣ جهال وحامل . والي جبته هم ولد هم نفس طفوله شبل .
وسمو حسام ....
على اسم عمه اخو محسن توفه وسما على اسم اخو ..
..
صار زواج جدي من مره موالد ٦٤  . وصار يوم زواحها يوم ولاتي لحسام ....
.
.
سنه ٢٠١٠ حبلت بتوم ولد وجبتهم وام سمر جابت بنيه ... 
اني بلنسبه اليه قفلت الانتاج . الحمد لله صارو عندي ٤ ولد وثنين بنات وام سمر ٤ بنات و ولد واحد ...
.
.
اني صار عندي بيت جبير على كتر والولد هادئين زينين والبنات صار عمرهم ٦ سنوات والجهال البقيه كلها دك دك ....
.
بس المصيبه شبل كلش حرك يعني مراويني نجوم الضهر ....
.
مرت الايام واني ضلت حسره بكلبي كليتي حسره بكلبي اكمل دراسه . شكد توسلتله ما قبل ابد وجان الرفض قااااطع بكل شي . فتناسيت هذا الموضوع وقررت اعوضه بأولادي انشاااء الله اذا الله راد
.
.
.
جان جدي دائما يجيني خطار ويبوس بيه يكلي حققتيلي الي اريده . مره سألني متندمه لان تزوجتي محسن . كوتله لا ابد . هو يضحك وفرحااان والوحيد الي جان يكلي سوي جهال لتكطعين ... بينما محسن اذا واحد جاب طاري الجهال يمه يتخبل.  ميقبل بعد نسوي ابدددد .
علاقتي بأم سمر متصفه ابددد . بس سلام ما بيناتنه بس جهالنه لا زينين واحد يحب الثاني ودوم يجون ودائما يجيب ادم لبيتنه بس شبل مزعج وكح ميطلعه ....
.
صار عمر شبل بلاول ابتدائي هو مواليد ٢٠٠٦ . وخواته ٢٠٠٥ . لان اني جهالي كوولهم فوكه فوكه واحد وره الثاني ....
طب المدرسه كلها تصيح منه المدير والمعلمات . صدك من وره افشله كمت اتخسر ع البنيه وشكد هادءات بنياتي وحبابات ....
اذا رحنه لبيت اهلي يخلي كبلته وي مهدي يموووته . مدري شبي متوحش .....
روحي طلعها  كمت بس اكتله وحته محسن مرات يكتله ابد ميفيد الحجي ويا . واخوته هم صارو نفس الفريق ويا . كام شويه شويه يعلمهم وصارن راحتي يم حياه ورحمه يمه بعد كلبي يرحولجن فدوه ....
اييي هسه مو جنتي متردينه ....
عمت دارجن اني ما اريدجن .....
بابا كال ....
يجذب ابوجن صدكتن بي ....
مو كمتي ادكين وتلطمين ورحتي يم اهلج ....
رحمه انجبي لسانج صاير شطوله ...
.
يمه يممممه ....
وجعه وغمه شتريد ....
ابوي يصيحلج ...
امش ولي يلا هسه جايه .....
.
ها عيني . كول ...
شعندج وي شبل شبيج ....
خل يولي مو ابني هذا ....
هو عليمن طالع غير عليج وعلى اخوج .....
يمته احنه هيج .....
اذكرج لو ناسيه حسن شلون جان . اصلا احنه ما عدنه واحد حرك بلعشيره كلها ثكال  بس جهال عمي محمد هو هذا الياخذ بغداديه ابو ابوه يشتعل ....
ها هيج صار الحجي طلكني اذا ما عاجبك ....
شطلكج يا مره تتحمل هلسرب الي سويتي .....
حطيت عينك عليهم كول يا الله شبيك ....
قابل احسد ولدي ....
اي ميحسد المال اله صاحبو ....
هلووووو يا صحاابو تعاي اسولفلج شغله .....
شنو ....
تعاي بلغرفه نحجي .....
لا عيني ما احجي وياك اني متخاربين ....
مو ادزلج بهلسفراء وماكو شوفي مشتهي بنيه اريد بنيه حبابه ....
لا شكرا اني بلنسبه اليه ما احبل بعد ....
جا شلون ....
عندك ذيج مره تحبلك بنيه ...
اني اريد مخبله تطلع عليج ....
ما كفوك المخابيل الي عدنه .....
لا مشتهي بعد ......
ههههه ....
.
سنه ٢٠١٦ صار عندي بنيه مثل ما تمنه ابوها . وسماها فاطمه ...
وصارو جالي ...
رحمه ، حياه
شبل .
حسام .
حسن ، حسين .
فطومه ....
.
وبهلسنه بلذات توفه ابويه وصدك صدمه صارت اكبر صدمه بحياتي بوكتها بجيييييت لمن خلصن عيوني وكلش تأذيت وامي ملخت روحهاااا ورا . كامت تشيل من جسمها باضافيرها من التمليخ حته وجهه كام يصب دم حسيت بفقد الابو . وحته جدي بوفاه بيبيتي ما بجه بكد ما بجه على ابويه وهوووواي اخذو للمستشفى . شكل سكر  عد امي اني بهاي الاوقات تعبت حسيت مو مثل الاول وضلينه هووواي ابغداد ما. يقارب ٤ اشهر وي بدايه الدوام قررنه نرجع بس اشوف حاله امي ما تساعد فضليت اتوسله البيت الي ابغداد خل يخلي اليه . وكوووه قبل لان جان قريب على اهلي .
وخطيه من ورايه ضل متضعضع واول مره بحيانه يخلي فلاليح بلبستان مالته غربه يرعونه ونقل شغله هنا لبغداد جان معرض السيارات يروحله بس يحاسب ويجيب الوارد ويجي هسه لا حول شغله وصار سبوع هنا وسبوع هناك . .
وره دوره السنه كرار تزوج زواج عادي لانوالي يحبها تزوجت وضربته بوري فخطيه شبع قهر هسه هاي زينه بس احسه كلبه وي ذيج ... ساره صار عدها ٤ جهال وتوقفت لان حسن ما يقبل . هههه
ليوثي خريج كليه صيدله  ونضاراته اكبر من راسه هههههه
وامي لازالت تبجي على ابويه وتتذكره خطيه بكل شربه ماي واكل ... الله يساعد فراق الاحبه .. 
.
بلنسبه المشروع الاطفال ما اتمناه ينسد ههههه ولو امي متقبل اسوي بعد . وكالتلي اذا سويتي اتخارب وياج بس افكر مو هسه يجوز بعد جم سنه هههه اسوي بزر الكعده وكون بنيه ....
.
بلنسبه الشبل كل ما يكبر يعقل مو مثل الاول هو عمره هسه ١٣ سنه وكل ما يكبر يصير نفس طبع ابو بس يضل يدور عرك وطلايب كل يوم جاي متعارك بلمدرسه . وعدنه عقده من ولد بغداد هههههه ما يعجبوو .. بس بنات بغداد يموت عليهن هههه احسه هليام يحب بت خاله بس بعده صغير ما اريد اطببها اباله  . لسانه طويل مرات اتعارك ويا يكلي مو صوجج صوج ابويه الركض وراج وجابج هههههه . واخوته نفس طبعه بس حسام لا كلش ثكيل . بس محد مبين منهم بس شبل مخبل الامه وين ميروح يتناكر ....
.
.
يمكن الانسان يعيش تجربه يتوقع انو ميكدر يجتازها بس الله ينطي الصبر ويشوف حد الصبر وين يوصل ... اني هوووواي مريت بضروف مثل الغيره واليأس من رحمه الله وااحرمان وعدم الراحه بس جانت كلما اجتاز شي الله يختبرني بشي ثاني بعدين ايقنت ان الحياه دااار اختبار مو دار سعاده . عسى انو الله ميختبرنه اختبارات صعبه . الله ليحرم الجميع من الذريه ....
يا ريت تكونون استمتعتو بلقصه ....
صفااااا ....
ها شبيك محسن ....
عوفي القصه وتعاي عندي شغله ....
يبوووووو ... 😉
.
.
.
*وإن رأيتُكَ للمرّةِ الألف ، لَنْ تتغيّر تِلكَ النبضة الَّتِي أشعُرُ بِهَا حينَ أراكَ 💜~*
تحياتي للجميع ... زينب علي ...
احبكم ...