رواية أبي يعرف كل شي الفصل الأول 1 - بقلم الحساب مغلق

بسم الله الرحمن الرحيم
وخلقنا لكم من انفسكم ازواجا
صدق الله العضيم
العلاقات الاجتماعيه علاقه رتبها النا رسولنا محمد عليه افضل الصلاه والسلام اساسها الترابط والتراحم والتفاهم وقبل كلشي هدوء الاعصاب واخذ الامور بايجابيه
القصه اليوم تخص حواء بكل مواقعها لحياه ادم
كان تكون ام
زوجه
بنت
صديقه
او حتى كنه
طريقه تعاملها وي ادم باي موقع بحياتها كان اخوها او ابوها او زوجها اوصديقها او ابنها وكل علاقه الها حدودها نقاط ضعفها وقوتها ---
تعلمت من والدي اخذ الامور برويه والعصبيه عمرها مسوت حل لموضوع غير غلقه بدون حل وتعلمت هم انه الكلام والبسامير مثل منسميهم بالعاميه ابد متغير من نفسك شي كبر عقلك وي ضالعايش وياهم وغلس عن اي كلمه متعجبك ولتحرك بمشاعرك اي احساس حتعيش مرتاح بحياتك ----
السلام عليكم تعلمنا كل مره البطل او البطله تبدي القصه وياكم بس هالمره اني اللي راح ابديعا واتمنى اكون خفيف الضل والسرد والمنطق ---
وياكم محمد علوان من سكنه الشواكه عدي من المال مايحمد الله واشكره بكل لحضه ودقيقه ومن البنون اريج واماسي وزوجتي مثال للانسان الخلوق والحنان عاءلتي بسيطه بعد ماتوفى والدي مابقالي غير اخويه الجبير احمد الكاعد ورايه بفرع بضهر بيتي تمرض اخويه وتعبني بمرضه المديطيب منه  وجان داءما يوصيني بولده ينغدني كلبي من يوصي مات بعد سنه ونص صراع مع المرض وترك خلفه احلى الذكريات بس منكول غير انا لله وانا اليه راجعون احمد عده ولد ٢وبنوته وحده اسامه الكبير وباسم الوسط ونهى الصغيره حاله احمد الماديه ابدا موزينه عكس حالتي عملي ميكانيكي كهربائي تصليح المكائنالكبيره للمعامل هسه راح نسلم القلم لابطال الروايه وبقيه شخوصها متابعه ممتعه
اسامه- السلام عليكم اسامه احمد عمري ٢٠سنه توفى والدي واني صف سادس عمي متركني ومخلاني اشتغل شيكلي تخرج واشبعك شغل لهيت روحي بالدراسه حاليا عمري مثل مذكرت ٢٠سنه وخريج معهد تكنلوجيا الاول على دفعتي البركه بعمي محمد اللي كان مسوول عن ماكلنا ومشربنا
--------
يله باسم يمعود تاخرنا على عمي محمد امشي عاااد
باسم- جيت جيت يوم سوينا تشربايه عاجبني عالغده
امي اسامه- اي يوم ليش لعد بيت عمك ياكلون لحم واحنا كاضيها تشربايه وثريد
اسامه- يوم لتحجين هيج حرام عليج ممقصر ويانا بشي عمي لتنكرين
ام اسامه- غصبا ماعليه وصيه اخو وكومه فلوس عده ومينقص اذا شوي صرف
اسامه- استغفر الله امشي باسم امشي
امي سليطه لسان بس كلبها طيب لمتنا باقتصادها وسوانا زلم وكفتنا بوجه عواصف جكاره  ممخلين بحلكنا صارت النا ام واب رغم وجود عمي بس اكو شغلات بشكل يومي تصير خو موكلسا دازه عالرجال تعال على ولد اخوك هي جانت مسيطره ونخاف منها كلمتها مسموعه
وصلنا محل عمي اول مره نروح للمحل كملت امتحاناتنا واجتي العطله --- ها عمي الله يساعدك
محمد- ها عمي جيتو يله استلمو المحل باسم بابا نضفه واني هسه اجي رايح وي اسامه بشغله
باسم- صار عمي تدلل الا اخلي يخبل اليوم
محمد- هههه شكد لوكي يله بابا اسامه تعال شوف هاي البولبرن وهاي الكابسه مال كاشي وهاي التورنه وهاي كلها تفيدنا بعملنا تعلم اهم شي الزبون دائما على حق حتى لو كلك تصليحك موزين موله اي صار هسه ارجع اصلحه حتى لو مصلحه زين الاسلوب واليقافه بالكلام سيد العمل والوقت والموعد المضبوط حيسويلك اسمك وليدي لتنسى
اسامه- لا عمي ماانسى
محمد- عفيه وليدي هسه مره اللخ انت تجيب العده تندلها بعد
اسامه- اي عمي هاي ابو كرار ابو البولبرن وابو التورنه منا
محمد- اي الحمد لله جريت نفس اني الله مرزقني بولد والله عوضني بيكم
اسامه- والله عمو احنا هم الله عوضنا بيك
ولو ابويه عايش جان بطلني من المعهد وكلي اشتغل انت احن انسان بالدنيا علينا
محمد- ترحمله بويه
اسامه- الله يرحمه
علمنا عمي هواي شغلات اني وباسم مثل الشغل والاخلاق والاصول جان اسلوبه كلش حلو كصديق واب حنون يجيبها بالضحك حتى لو غلطنا يضحكنا ويا ويكول بعد لتكرروها عكس والدي بقساوته عليناوكل يوم وكت الغده لازم يدك الباب ويدزلنا من غداه بالنسبه لبناته اريج واماسي كلش مغرورات ومكروهات مافد يوم طبولنا ولو امي ممقصره بكلامها وياهم بس تبسمرهم بس همه يغلسون ميديرون بال جنت داءما اشوف اريج بالسطح تشر الهدوم نوبات تشوفني اضطر اسلم مرات انهزم ومتشرفني اخلص ماسلم عليها زوجه عمي كانت مثال للحنان والاخلاق كلما تشوفنا ترفع ايدها تدعيلنا وبيوم الاشوفها اشوف الخير كله علويه ودعوتها مستجابه خاله فاطمه ذهب مثل عمي عكس بناتهم مرت اشهر تعلمنا على الشغل لزمنا المحل اني وباسم عمي كام كلشي منخلي يلزم بحيث ختى ميتدهن ويرجع يلمع وانه مكيف انه مرتاح مثل مريحنا بس وكت الغده مسحتيل يعوفنا جواعه يكوم يجيبلنا غده وناكل سوه  ونسولف