رواية أبي يعرف كل شي الفصل الثاني 2 - بقلم الحساب مغلق

محمد- اسامه باسم تعالو عمي __ اني قررت اخذ المحل اللي بصفنا نفتحه بيع وشراء قطع غيار واجهزه ميكانيك واني اوكف بيه وانتو هنا عالتصليح شنو رايكم
اسامه- براحتك عمي عيوننا الك شتريد نسوي
جان عمي من ينطينا الراتب ياخذ نصه وينطينا النص الثاني يجمعه النه وممشي اسبوعيه لنهى  وشهريه لامي مافد يوم تركهن
محمد- اسامه وليدي ليش ماقدم عالجامعه انت اول على اقرانك حرامات تروح عليك
اسامه- عمي اخاف اقر عالمحل وباسم هالسنه خامس
محمد- يابه عود نجيب عمال عالاربع سنين حرامات شو فلوس وخير من الله  هاي الشهاده تفيدك بعدين
اسامه- صار عمي فعلا قدمت وقبلوتي فرحت كلش بحياتي الجديده وحسيت الي ضهر والله لو عايش ابويه يكولي عوف الدراسه وروح اشتغل الحمد لله الله يوفقني واجازي تعبه ويانه جنت حريص عالعمل وعلى دراستي نفس الوكت تعبت حيل هالفتره كمت الوب عالمحاضرات لان تفوتني ومالحك اطبع سوينا مروب بسيط من ٣ولد٣بنات وحده من البنات اسمعا رنا جانت نضراتها الي باعجاب عرفت وضعيتي من الولد وكامت تطبع بطابعتهم اللي بالبيت وتجيبهن اليسهلت عليه هواي من اموري شوي شوي كمت احبها وارتاح من اشوفها
رنا اني جدا اشكرج عالمحاضرات البارحه بس رجعت حفضتهن لاكتبتولا طبعت
رنا- انت عليك بس تقره
اسامه- هههه هاي شنو عمي خابرج هاي كلامه والله انتي ورده مال الله محد وكفلي وكفتج بالجامعه
رنا- تدلل يله عدنا دنمتحن
اسامه- عدت السنين بسرعه باسم صار صف سادس ونهى صف رابع عام رنا قوت علاقتي بيها  صارت طبه وطلعه ولزمه ايد وحبيات بالنسبه لمحل عمي ابدعت بي اكثر عمي لزمني حسابات المحلين جنت اسويها بدقه واطلع ٢بالميه صدقه من الوارد عمي مكايله عليها لان ادري راح يوافق ميهتم
محمد- واثق من اسامه بس اراجع الحسابات وراه لان شاب اخاف يعجبه ويمد ايده عالفلوس مو خوفا عالفلوس بس حرصا عليه خاف تتكرر الحاله وياخذها سوله جنت كل شهر الاحظ نقص ٢بالميه نقص بالارباح افتر راسي وين دتروح ضليت ادققق تقريبا السنتين الي استلم بيها الحسابات  كل شهر هالنقيصه اخر شي سالته --- تعال عمي يمي
اسامه - ها عمي كول
- عمي  اني مو داخونك بس باسم مراهق اخاف ديمذ ايده
اسامه- باوعت بعينه شفت الشك ابتسمت نصيت عمي اني اللي دااخذ اطلع ٢بالميه لهاي المره ام اليتامى صدقه كل شهر
محمد- جريت نفس مرتاح الحمد لله الله يبارك بيك. وليدي
اسامه- عمي احنا تربايتك وممخلينا محتاج شي انت قبل لنطلب يتنفذ انت الخير والبركه
محمد- دمعت عيني وطلعت من المحل تندمت شكيت بي رجعت فتت بعد فتره بسيطه الله يبارك بيك عمي ويخليك لامك ويعوضها بيكم
اسامه - يخليك الله عمي --- رنا حبيتها كلش وقررت اخطبها كلت لامي عليها وكيفت وكالت بس كمل كليه اخطبها الك-------
ميخالف تنطوني القلم --- مرحبا اني اريج محمد صف خامس علمي ابويه هو نفسي بهالدنيا احبه اكثر من امي بابا ماضم عليه اي شي
بصراحه اكو شاب لبيتنا منتقلين جديد صارت بيناتنا نضرات اعجاب وابتسامات ورسايل ورقيه واني طايره بعلاقته توني اسبوع بس من اباوع بعين بابا ضميري يانبني اول مره لضم عليه شي وادري هالشي مراح يتقبله الولد صف ثالث كليه  تربيه ايهم اسمه شكله يخبل طوله واناقته وفيكاته وسيارته ماكو هيج حلو ماكو بنيه تشوفه ومتنعجب بي من يباوعلي كلبي يكوم يدك سريع اني بالنسبه الي شكلي بيضه ووجهي بيضوي وحواجبي جوزيه  خشمي صغير وعدي شفافي متوسطه  مو كلش صغيره عيوني جوزي فاتح اتصور تخيلتوني طولي وجسمي ناعم على ماما شعري كاري كاصته وهم جوزي يعني طبيعيه لا اخبل ولا موحلوه بس بالمكياج اطلع اشرد المشكله البيه وين باااارده للاخير بحيث ادق المقابل ببروده اعصابي اماسي اختي تسميني الجامده وجوكر بكل مكان ارهم رحت بيت جدو شهر بقيت عادي تاالفت عالمكان رغم مو نفس دلال بابا وباي مكان ارهم احب الصبر كلش واحب اعاند روحي يعني ابسط شي راسي يون ويكطعني واني مستمتعه بالالم مفتخره اني دااتحمل مخبله الا طكه بابا اذا احجيلكم عنه متصدكون لعد اكو اب بالعرس يركص وي بنته بالعرس هاي صفه وحده من صفاته هو اعز اصدقاءي بس مدااكدر اكوله على ايهم خاف يضوج مني وينقهر
محمد- يله بابا كومي بال٧ونص تعاي تريكي يله تبدلين امج شوت بيض وباسطرمه
اريج- الله اكلتي المفضله
محمد- لشوكت حتضلين تاكلين هالاكله بابا غيري جبن كيمر نوعي
اريج- ماحبه متحمله ريحه الثوم لان امرت عالباسطرمه
محمد- ديله دتروحين تره تاخرتي
اريج- كملت وكما بدلت طلعت سلمت على بابا ناادري بيه طلع ورايه شفت ايهم بالباب ابتسمت ابتسملي مشيت على كيفي فات من يمي خله بايدي ورده ضحكت عافني وراح لجامعته انداريت بالصدفه شفت بابا ديباوعني عاكد حاجبه من شافني باوعت عليه طب جوه وعافني حسيته كرهني مكدرت اكمل طريقي للمدرسه رجعت للبيت جان كاعد بالحديقه صافن من طبيت لزم جريدته وخله عينه بيها يسوي نفسه ميشوفني -----
بابا حبيبي
محمد- مردت ارد عليها متغيره عليه منتبه عليها صار فتره صفناتها كعدتها كدام المرايه زادت منتضر تحجي مجتي هسه من شفتهم عرفت بينهم شي
- بابا بس جاوبني خل افهمك
-ماريد لوًماشوفج متحجين هاي واني وياج اصدقاء
- خفت امولك وتنقهراستخي منك
-ومستحيتي من الولد بابا ليش هيج تحبيذاكثر مني باباتي
- لا والله بابا انت اكثر واحد احبه بهالدنيا
- لعد سمعيني هو يحبج ؟
- اي يموت عليه
-زين عوفي عليه
-شتسوي بابا
- هو يرجع ب٤من دوامه مو
-اي بس كولي شناوي تسوي-
-اريج عدج ثقه بابوج
-
- انت قدوتي بهالدنيا

-زين تتراهنين انه ميحبج ولا يريدج بس لعب
- اي بابا اتراهن وياك واعرف بروحي اربح الرهن
- هااا هيج واثقه زين اذا ربحت الرهن شنو تنطيني
-تزوجني اللي تريده وماافتح حلكي
-ماشي موافقه كلتها بثقه
- اوك اليوم ب٤اكعدج واخليج باذنج تسمعين بعد
- شحتسوي
- لتخافين ماسوي شي يقلل من احترامج اني بابا اروجه روحي ارتاحي حبيبتي هسه
اريج - فتت نمت وكعدت ب٣ الضهر -- هلو ماما
- ام اماسي- هلو حبيبتي ليش مداومتي خاتون
اريج- مالي خلك وماعدنا شي
- كيفج يله تعاي فده اختج جتي وابوج بره هسه يطب
- طلعت وراه باوعت من زرق الباب شفته ديحجي وي ايهم خشيت بنص هدومي شويه وطب نسالته شكتلهوهو مكلي عدي طاقه صبر رهيبه واستمتع بالصبر
اماسي ام النكات الفرفشه مال بيت التصنيف والضحك كله وياها كونستنا كلش تغدينا وهي كامت عالمواعين
محمد- اريج بابا تعاي اكولج
- هاعيني بابا
- اي عيني كله اسرار.  اي بعد اي لج اي شي ينطيج بالنص اني وياج مو انتي تغيبين ويحلالج الجو وي الوالد
ابو اماسي -هاج ١٠وعوفينا خلصينا من لسانج
- اماسي- الله عشره خضره مزوره من العباس لازالسابفه جبيرهدااشتم ريجه سفره تايها اتجعوج ببيت جدو
ابو اماسي- اهوولج بابا انتي شنو بس لكلك راسي انسطر والله انعل ابوج يابوًالخلفج هههه بالعه مسجل
اماسي- حدك لجاي ابويه لتجي يمه وتحجي عليه
شوون اب
محمد- شون بت ههه تعاي اريج يابه شاورتها من تندك الباب فوتي وره باب البين الهول والصاله الحد الفاصل ينسمع كلشي من وراها اندكت الباب وكعدت ماما واماسي نامو دخل ايهم وكعد يمه بابا اني دااسمع كلشي
محمد ابو اماسي-- الله بالخير
ايهم- الله بالخير عمي
محمد- والله مااعرف شون ابدي وياك الموضوع بس اني يمكن العالم تعرفني ديمقراطي بتربيتي وصديق لبناتي اكثر من اب واريج جاييها نصيب تدري البنيه  خطار عد اهلها ومن كعدت اخذت رايها كالت اني عدي علاقه بابن جيراننا ايهم احبه ويحبني
ايهم- صفنت واحس جسمي قطره دم مبي لا عمي نكرت راسن اصلا حاسبها مثل اختي
محمد- اسمعني وليدي اني اهم شي راحه بناتي عدي اكدر اساعدك اكدر اخليها تنتضرك اذا شاريها صدك وحابها
ايهم- صفنت بوجهه وامي الخابصتني على بت ا ختها اللي مابدلها ببنات العالم بس حبيت سوالف الشباب --- لا عمي اني خاطب يمكن اريج متوهمه كم مره سلمت عليها يمكن عبالها معجب بيها 
محمد- ها خوش هو اني حاجيتك حتى يصير توضيح للامور هاهي وليدي اعذرني عالاحراج وانت هم عدك خوات استر عاللي شفته مننا واسف اهذت من وكتك هواي واحرجتك

اريج- من سمعت الكاله جسمي كله كام يرجف طبيعتي ماابجي ابد الا نادرا  بس بذيج اللحضه مو بجيت انهارين موقف سخيف كدام ابويه وخطيه بابا شصار بي كله علمودي ويبينلي انه ميحبني بس يريد يلعب لان لو كايلي عوفي طدري مراح اعوفه الا اسمع هالشي باذني منه  دخل بابا عليه يباوعني بقلق وخوف حضني كمت اشهك كرهت روحي خنت ثقاه علمود واحد ميسااهل اخون ثقه بابا علموده داءما اليكوله بابا صح ساكته بس ابجي
محمد- بابا حبيبتي لتنقهرين انت عدي بالدنيا موقصدي ائذيج بس ردت ابينلج الكلام شكد سهل من ينحجي حبيبتي الانسان بفعله بالصدك كلشي يبين على حقيقته
- بابا ماسويها بعد وماضن عليك شي بعد
- لتبجين انتو نضر عيني داموت من داشوف دموعج  واني اكول عليج انتي قويه باجر عكبه يجيج الاحسن منه ويبوس التراب التمشين عليه ويستاهلج روحي ارتاحي حبيبتي وابد لتبينيله امسح دموعها واحاجيها كلبي معصور هاي اريجتي تبجي لان واحد رفضها بس لازم تعرف الثح من الغلط حتى تتقوى --- مو من تشوفي تباوعيله ابد راسج مرفوع ومتباوعين بوجهه ابد
اريج- اي بابا
------------بعد كم ساعه الفضل -باب الشيخ
اسامه- رجعت من الجامعه تغديت عمي جان جايب غده كعدت اشتغل وره الغده بالمحل شوي واجه باسم عفت المحل ورحت عالبيع المحل ٢خاف عمي محتاج مني شي ---- ها عمي الله يساعدك
-هله ياب تعال هله  اشرب جاي ويايه
اسامه- اي عمي جيت كعدت يمه شربت جايي --- عمي كملت الصواني كلهن كبستهن ومريت كلت خاف محتاجني بشي
محمد- اي والله رايدك بسالفه جريت نفس  انت متريد تتزوج
اسامه- ابتسمت اي والله عمي باوعتله خجلان اكو بنيه ببالي خوش بنيه وبت ناس بس خل اتخرج كلت لامي عليها
محمد- انعصر كلبي عكدت حاجبي باوعتله ليش اللي ربيته يروح للغربه اني رايدك تبقى يمي ومتصير لغير بناتنا  امي الله يرحمها جانت تكول مركتنا على زياكنا  وهاي منين بعد
اسامه- نصيت راسي كلبي وكف خجل وخوف ومااكدر اثنيله حجايه ---ويايه بالجامعه عمي
محمد- ليش هيج عمي شبيهن بناتي اني رايدك لاريج اخاف اامن عليها غير عد اللي ربيته واعرف حيصونها ويحبها هلى حبه الي
اسامه- بلعت ريك نشف وجهي خجل من كلي هيج لا يالله هاي متنجرع ومغروره وتدور لبس وطلعه ابد مااهضمها بس مااكدر ارفضله طلب واكسرله حجايه مستحيل بقيت ساكت
محمد- نصيت راسي طلعت من المحل مخنوك وكفت بباب المحل اباوع عالماره وبالي بغير مكان هاي راح تضل تفكر بكلام حب وغزل مدام جربت هالشي وراح تضل تدور عالحب لو شكد مااغركها بحب حبي وعاطفتي تخالف وهاي اسامه راح من ايدي شون بله وين اامن عليها اني باوعت للسما ربي استر عليهن بحياتي مجايب سيره بنيه

اسامه- شفت عمي طلع وعافني عبالك زعل كلشي ولا هو اباوعله بره يباوع عالسما طلعت مكدرت بعد هالتعب التعبه علمودي يروح --- عمي بنت عمي اوله بيه حجايتك متصير ثنين مثل مكلت مركتنا على زياكنا
محمد- ابتسمت درت وجهي عليه يعني هاي هي
اسامه-اي عمي شتفصل البس اني هم بعدني صغير مااعرف مصلحتي اكولها وكلبي يكطر دم احب رنا ماعوفها بس راح ابدع اريج اخليها من يمها تطلب الطلاك وهي دلوعه متتحمل عيشتنا واقتصادنا وحتى اكلنا
محمد- حضنته مرتاح حمل وشلته من على كتافي  الخميس الخطوبه والمهر والخميس الوراه الزواج خوش
اسامه- فتحت عيني صافن امتحاناتي
محمد- اي حتى تمتحنون سوه هي هم عدها امتحانات واني عليه الذهب والغرفه خليت ايدي على كتفه اني مشتري رجال
اسامه- صدك هاي صارت اني شسويت رنا شون لا ياالله رنا مستحيل اطخ بغيرها هاي حبيبتي معافتني بوكت عازتي رجعت مخنوك تلكتني امي
ام اسامه- شبيك سومه يمه احجي هذا عمك حيل ديتعبك شنو مكاين لو بشر تره حرام عليه هاي لو ابنه ميكرب عليه هلكد
اسامه- يوم عمي معليه عوفيني رحمه للعباس
ام اسامه- شبيك يمه احجيلي
اسامه- عني كلي انطيك بنتي مقبل على رنا
- شنووو هاي المتكبره وين تكدر على عيشتنا مااقبل اني
- يوم اذا اخذت غيرها يطلعني من المحل اخاف وميرضى عليه
-ها لا يمه لعد عوفها عليه اني اهججها ازوجها ويصير خير
اسامه- اني هم داكول مراح تتقبل عيشتنا هاي مدلله واحنا اكلنا وعيشتنا تختلف بس يمه عمي ممخلينيه بعازه  شي مااكدر ااذي بنته
- لا يمه ميصير تاذيها بس هالتكدر عليه سوي وهي من يمها حتهج
- يمه ورنا اني اموت عليها شون
- هاي شتسوي لعد هو راعي لكمتك ويريدك لبنته حسبي الله ونعم الوكيل بيه الله اليعلم شمسويه ويريد يشمرها عليك حتى يستر الفضيحه
اسامه- اهووو يوم موهيج موعدج بنيه لتحجين مصير حرام لاله الا الله اكوم احسلي
ام اسامه- بتي متربايه احسن تربيه بس همه ماخذات راحتهن لبسهن يشهد
اسامه- شمدريني حضي غير اووف اروح انام احسلي صعدت فوك تمددت انام تذكرت رنا خابرتها حاولت احجي لكيت روحي اسولف واضحك وناسي الدنيا كلها مستحيل اعوفها مراح اكولها واقهرها مستحيل نمت وعفت كلشي وراي
ام اسامه- اني اعلمج فاطمه خاتون لعد ابني هيج ينكسر بسيطه
اريج- عده الاسبوع سلامات بابا يوديني ويجيبني شوي شوس كمت اشوفه ومادير بال لايهم نسيته بمساعده بابا اجه رمضان جننا مركبين تمن شعريه وميلحم بابا سوه صينيه وشالها صاحني وكلي امشي ويايه نوديها بيت عمج مجنت اعرف ليش ميزني عن اماسي وليش اني اللي اروح ويا عادي لبست وطلعت وصلنا لبيتهم وكف السياره محمد- نزليها بابا  - اي بابا نزلتها

دكيت الباب شوي وطلع ابن عمي اسامه
اسامه- فزيت من شفتها بالباب -- هها بت عمي شونج
اريج - هلو اسامه هاي بابا دزها
اسامه- احرجت لان طاني مهله  اسبوع واني كمت اتهزم منه حتى ماشوفه ولحد هسه مشايفني -- ها باوعتلها ابتسمت بتصنع اي تفضلي شويه ووينه عمي
اريج- هياته بالسياره
اسامه- ها عمي الله يساعدك  عاشت ايدك تفضل يمنا افطر
محمد- باوعتله بعتب لا يابه بالعافيه عود مرلي وره الفطور لمحل البيع لان كمنا منشوفك
اسامه- ااا صار عمي تدلل راحو بقيت صافن انسطرت اكيد حيرجع يفتح الموضوع  طبيت
ام اسامه- هاي شبيك هاي عمك دزها عفيه فاطمه ولا تعرف تركب
باسم- الله امن شعريه مال خاله اموت عليه باوعت لامي خزرتني ااا لانال امي اطيب والعباس
ام اسامه- شبيك يمه اسامه
اسامه- يمه عمي ماخذ بخاطره مني شنو الحل اكوله ماريد اتزوج هسه
ام اسامه- اهوووو هسه شجلب بالسالفه بارع اني دبارها يمي اكعد افطر كملو الفطور الولد وكلمن راح لشغله
---نهى كًمي عالبيت نص ساعه واجي
نهى- اي يمه كايمه
ام اسامه- لبست عباتي وطلعت رحت لبيت ام اماسي الضاهر ملكت غير ولدي تمسح عار بناتها بيهم
الله يساعدج ام اماسي
فاطمه- هله هله بام اسامه رمضانج كريم
ام اسامه/اكولج عيني لا هله ولا غله حبيبه من الاخير اسامه ميريد اريج يحب وحده ويا بالجامعه  ويريدها شوفيلج غير واحد ترسمون عليه واذا يريد ابوها يكطع رزقهم خل يكطعه وعقابه يم الله يتامى اخو هذوله
اريج- صفنت عليها واحنا شعلينا سكتت كالعاده
ام اماسي- اي عالخير شتردين اني حاضره وببطن عيني واريج شعليها
ام اسامع- شون شعليها وعمه شارط عليه اذا ميزوجها يطلعه من المحل يعني جيف مالهم غيره هيج ينضلم الك الله يالفقير
فاطمه- شنووو محمد هيج كال ليش شبيهن بناتي ميخالف ام اسامه بعينياني احاجي ليضل بالج وميكون خاطرج الا طيب
ام اسامه- مو توطو ببنتج الله اليعلم
---
فاطمه- قاطعتها مااتحمل كلمه بعد مو كتلج اني احلها السابفه ارتاحي وابنج ميبطله محمد ارتاحي ياعيني
اريج- معقوله بابا هيج يسوي النوبه هذا اسامه الحقنه معقد ومبهذل منو تباوعله ايع وريحته تخزي وفانيلته مزرفه وتيشرته المجلح ومدهن اهووو صدك يحجي بابامعقوله يعاقبني بي بس هوكال سامحني استغفر الله لليل اجه بابا وحاجته ماما وتعاركو وعله صوتهم صعدت اشر هدوم المغرب والصياح واصل للستار اول مره هيج صح بغرفتهم بس كلشي دنسمع مومفهوم بس صياح بابا وبجي ماما شنو السالفه واني اشر هدوم اسمع واحد بالسطح اكيد لو باسم لو اسامه
اسامه- رفعت راسي شفت اريج داانصي شافتني بعد تورطت ههلو اريج
اريج- هلو اسامه ودرت وجهي
اسامه- شنو عاي عمي ديصيح عكدت حاجبي
اريج- هزيت راسي باوعتله اتخيله كزوج ايع ياالله درت وجهي
-شبي عمو
- مااعرف وي ماما منتدخل باي
- هلاو صفنت ردت افتهم مفتهمت شي شوي ودك. عليه  عمو كلي تعال لبيتي

اريج- نزلت للغرفه صافنه على اماسي خانسه تخاف من الصياح ممتعلمين طب بابا عليه داحاجيج -- جان عصبي -- اي بابا جيت

محمد- باوعت لاماسي وجهه كام ينطي الوان طلعت ورايه اريج كعدتها بالهول -- بابا حبيبتي معليج بحجي مرت عمج تعرفين بلسانها
اريج- بابا ليش هيج تسوي بيه اني اكرهه لاسامه وهو ميردني. ليش تنزل من قيمتي علمود هيج سويت وي ايهم مو عفته وكمت مافكر بهالسوالف