رواية أبي يعرف كل شي الفصل الخامس 5 - بقلم الحساب مغلق

اريج- وهاي بت خالتكم هم تصنيف ولو خاف تزعلون
نهى- لا مااسمحلج هاي اني اقلد عليها جنها ابو جعفر المنصور
اريج- هههههه والله صح كاتلتني بلفه  حجابها
باسم- ههههه
اسامه- هههه متشبعون قشبه عالعالم بس اني مقشبتو عليه
اريج- باوعتله عمي انت انسان طبيعي اويلي عالاساطير العدنا
باسم- اسامه جان ميكوي هدومه  واصدقاءي كلما يشوفو يكلولي هذا ليش هيج اكولهم ميلحك دراسه وشغل هسه الحمد لله ذيج المره بس شافو عرفو بي متزوج
نهى- اي صح اني هم انتبهت
اسامه- باوعتلها حتى بالمليه انتبهو
اريج- عدلت ياخه شكر شكرا والله اني مو من النوع اللي ادور اناقه وكذا بس عدي الترتيب جدا مهم جننا اني وخالوًرافد داءما نتمالخ  يكولي ملامسج فلكلوريه يابه مرتبه هو ذاب نص الراتب عالعدوم والسياره والساعه والحذاء ذيج المره ترزل من بابا ميفهم مااعرف شون خيفتح بيت
نهى- من جابت طاريه راحت روحي وي اسمه بقيت اسمعها بتمعن صدك هو انيق
شفتها تكلب بتلفونها كمت شربت مي ورجعت كعدت يمعا شفتها دتكلب بصور ابوها شارده من العالم ميته قهر وكاعده تسولف وتصنف ولاجن هالقهر بداخلها شفتها دزت رساله لابوها احبك
وره شوي رجع دزلها رساله كعدت عدل فتحتها
---خيبتي ضني توقعتج حتوكفين ويا عالدنيا صرتي ويدالدنيا عليه الضاهر معرفت اربيج ودللتج زايد عن اللزوم للاسف غلطت بتربيتي
اريج- قريتها صعدت فوك راسن اختنكتمدااكدر طلعت للسطح اباوع على حديقه اهلي بس ردت اشتم هوا وابعد عن العالم ماريد احد يشوفني ابجي
اسامه- شوي وصعدت شفت باب السطح مفتوح عرفتها طلعت انقهرت عليها كلش طلعت لكيتها كاعده بالزويه الدنيا ضلمه مغربيه -----
ضهرها عليه صافنه عالسما--- اريج لتضوجين عمي كلبه طيب
اريج- انداريت عليه دمره كلبه الطيب اسامه بابا ضايج مني المن عايشه بعدنزلت دمعتي
اسامه- هسه ياذن صليلج ركعتين واندعي عسه يفك ابوج ماكو مثل كلبه
اريج- لعد اني منتربايه صح اني موكفت وياك اشرت على روحي ابجي
اسامه- لا والله محد وكف ويايه غيرج وانتي مرتي المفروض متقبلين هالشي لتبجين بداعت ابوج لالا اريج
اريج- راح اموت والله اختنكت والله بس هو يعد حيلي وينزل دمعتي علموده صابره والله
اسامه- تعاي بس داحاجيج لتفوتين اريج جريتها بلطف لحضني حضنتها قوي مسدت بشعرها جان قصدي اخفف عنها ضلت تبجي بحضني
اريج- هذا اللي ردته حضن يخفف عني وابجي عليه عجيب عمري مبجيت غير بحضن ابويه يجوز لان يشبهه بطبعه وماخذ من تفكيره واخلاقه هواي
اسامه- هاهي بعد راح اروح لعميداحجي كلشي مدااكدر اني السبب بكل هالشي ماريد تتاذه من ورايه بعد --- بقيت امسح براسها وهيدبحضني----- تحبي
- اي اموت عليه
- اني احبه اكثر منج لان رباني وعلمني واني مو ابنه وسلمني المال كله ابوج حنين اكثر من ابويه عليه حقج تموتين عليه باوعت بعينها اسف اريج عن قريب ينتهي كل هذا كافي صبرتي ٣شهور بس اذا تطلكنا نبقى ولد عم اني حزام ضهرج اي شي تحتاجين احنا موجودين
- ماعدي اخوه غيركم باوعت بعينه تتزوج رنا مو
- تنهدت ادعيلي
- انت هم ادعيلي
- بشنو ابتسمت وبعدها بحضني باوعت بعينها
- اتزوج واحد يحبني كلش مثل ماانت تحب رنا
- سكتت مااعرف ليش مااكدر اكولها ضجت انقبض كلبي معقوله تتزوج وره ماطلكها
اريج- ابتعدت عنه حروح اصلي مسحت دموعي
اسامه- بقيت اباوعلها راحت رفعت راسي للسما محد يحلها غيرك ماريد عمي يكرهني اخ ربي يتيم ويدعي على كوله امي مسيت غروب ياعليدالمندوب رنا شحيرجعها لازم اقنعها لازم مطرت الدنيا ماشاء الله كلش هواي عمي جان عده سفره لزاخو اليوم يستورد بولبرنات يطول ١٥يوم هناك خابرتي وكلي لتجي للفضل غركانه والمكاين تكهرب كعدت بالبيت شعدي عطلات صلحتهن باوعت على حايط الغرفه
- 
ديذب مي من السطح واريج بالدوام هاي اذا شافتها تذبحني خليت سطله وشلت الزوليه هسه تتخبل لازم اسوي جوي منكعين من الدوام وخربانين ضحك --- ها شكو ضحكونا وياكم
اريج- تطربسنا بالمطر الفرع غركان وهذا المطي نزل بالنهوله هههههه
- دمشي فوك شوفي الصدمه غرفتج هم راح تغرك
- لاااا الا غرفتي الزوليه تنكعت
- لالا شلتها ضحكت وخليت سطله ونشفت المي
- عفيه ام بيت اسامه
- هذا هم حضي اووف وباقي بالبيت
- صعدت بدلت وكمت اعطس
-ها عيني انشلتي دبلعي فد شي تروحين تتمرضين امتحاناتكم السبت
اريج- اي حروح ابلع بندول دك تلفونه ابتسم عرفت رنا صالحته نزلت جوه تغديت  وسولفت شوي وي نهاوي وبسوم وخالتي بس تبسمر مدرت بال صار عدي مناعه منها ههه  كمت اغسل مواعين عالسنك
شوي ونزل اسامه
ام اسامه- خو انتي معلمه بس من يجي رجلج تستغلين يعني ها شوف دااشتغل
-باوعتلها ودرت وجهي
اسامه- يوم هاي شبيج شنو السالفه تره مو وضعيه هاي باوعت لاريج حتى بالعا مو يمنا كملت شغل وصعدت ---- يوم بالعباس ابو فاضل اذا بعد سمعتيها حجي اخذها واطلع تره اكعد غير بيت محد يتدخل بيننا عرفتي وهي داءما تشتغل المطبخ كام يلمع على ايدها
هو هذا الراده عمك ياخذك مني هو وبنته راسمين عليه من زمان اني اربي واتعب وانطي لمحمد وبناته
باسم- الله يسمع منج يووم افييش وتصير اموسه الي
اسامه- انجب انت اكبر منك وبعدك صغير  صعدت فوك شفتها تصلي دزيتلي رساله رنا كاتبه ليش تزوجتها لعد فهمتها انه عمي الراد لا اني ولا هي هالشي حتى الذهب والغرفه هو جابه ولحد هسه بنته متدري بهالشي انكطع النت وبعد مااجه اني مخلي باسوورد عالفون فتت للحمام اسبح
اريج- كملت صلاتي دامشط شعري حبوبي اليوم مبلعتها راسن كلاتي كامت توجعني اكمل تمشيط  واكوم ابلعها نزلت جوه جبت دولكه مي جبيره عدي كرستال ترستها ميدالدكتوره كالت هاي لازم كل يوم تخلص وحده كامله خليتها عالميز هو بعده بالحمام صاحني --- اريج
- ها
- تكدرين تجين للحمام شوي
- هاا شعدي بالحمام  ههه
- شكد غثيثه دتعاي
- اجيت تره جيت حطب ياساتر يا الله
-هاي شبيج عابت لابس عمي تعاي باوعتله طيتها الموس اكولج تكدرين تاخذين ركبتي
اريج-ها كبت الدوده هاي شنو عود انت مزين لحيتك
- ايش شبيها باوعت بالمرايه رجعت باوعتلها
- جان لابس فانيلاسوده متضاربه وي سمار جسمه حاولت ماباوع على صدره --- باوع هاي منا خدودك لازم تناخذ خيط  منا ركبتك تاخذها موس وشسمه ليش متسوي سكسوكه تلوكلك
اسامه- ها زينت بعد ابتسمتلها
- اريج ميخالف مو كلش ناعمهتكدر انعم خدك اكثر وتعوف السكسوكه باوعتله بتوسل
- ليش تردين تشوفيني حلو
- لا والله انت شبيك قابل بس الترتيب حلو والتغيير حتى انت ترتاح
اسامه- ماشي ابتسمت اخذت خدي خيطواني الوب وهي تتمضحك الخبيثه--- هاهي عوفي ماريد ماريد
اريج- بقت بس هاي تضل تك وتك محلو
-لج يوجع والله مدااكدر
اريج- والله خلصت تلمست خده صار احمر بس عسه اخليلك قناع
- من لمست خدي غمضت عيني معت بلمستها همست يله كملي راح الالم
اريج- كملت عالسريع شو هذا خنس ها كملت يله نعم خدك سوي سكسوكه
اسامه- ماشي نعمتها وهي تباوعلي وتكولي بعد منا وبعد منا ظبطتها جنت ناسي نفسي وياهت واحد ثاني كانما متونس كلش حتى رنا نسيتها كملت لحيتي ---- يله سوي ركبتي
اريج-يله نصي شطولك مااوصل نصه وبديتاسوي ركبته غمض عينه اباوعله بالمرايه ---- شبيك همست فتح عينه باوعلي
اسامه- ايدج حلوه ناعمه همست وعيني بعينها اباوعها بالمرايه
اريج- كلبي كام يدك باوعت بعينههمست شكرا هاك كملت بقيت ىاكفه جامده اباوع عليه بلكن يكلي حجايه لخ حلوه
اسامه- يله ابتسمت اريد اسبح حتبقين هنا نزعت فانيلتي كمت اتقصد اخجلها اشوف حمار خدودها
اريج- اي حطلع عزه بعيني صدك مااستحي
اسامه- انتي غير يله كش ههه شكرا اريج
اريج- نعيما ابتسمت طلعت خليت ايدي على كلبي شون حلو يحجي يمه كلبي بس لا راح احبه غمضت عيني جريت نفس دك فونه رساله وره رساله عبالك توه كنك عالنت رحت شفت الرسايل مكتوب رنا بالانكليزي الرسايل تطلع عالشاشه  ماكو داعي افتح الباسوورد كاتبه
----
يعني ابوها اشتراك بفلوسه وهو يدري بيك تحبني وجبرك عليهاحتى الغرفه والذهب جابه لعد شكد رخيصه بته عده هاي شو شمسويه اللي هيج سوه بيها حسبي الله عليه دمر حبنا من وره بنته -- هنا اني وكفت الدنيا بعيني بابا هيج سوه كمت حتى نفس مااعرف اتنفس ضاق نفسي ونمل جسمي طلع من الحمام ينشف شعره
اسامه- يعني واحد من يطلع من الحمام يحس نفسه غاسل هه وخرت المنشفه شو هاي وجهه ازرك مو اصفر لازمه الحايط وايد الله على ركبتها -- اريج اريج شبيج يمعوده شدتحسينشمو يمعوده ارييج ابوج خابرج ارريج يبووو ارييج
اريج- باوعتله اني ابويه اشتراك بفلوسه همست باوعت بعينه نزلت دمعتي اني
اسامه- صفنت عليها باوعت لجهازي هذازالحجي اني كلته بس بس باسوورد مخلي صفنت عليها هزرتها لاعبه بتلي----
صحت كل حسي احجييييي -- اوكفي خل افهمج
اريج- افتح التلفون
- اريج هاي شبيج
- افتح التلفون اسامه افتح الباسوورد
- حالتها ابد مشايفها هيج دموعها تنزل وفاتحه عيونها كلها - بلعت ريك مافتحه
- شلت الدولكه مال مي وشمرتها بالكع تكسرت كمت اصيح افتتتتح داشوف ابويه شون باعنس كمت اصيح ومديت ايدي على شعري ملخته
اسامه- هاي شبيج تخبلتي همست اباوع عليها عالغرفه الكلها كزاز
اريج- صدك بابا صرف كلشي احجيييي
- اريج بس خل افهمج
- يعني انت كلشي مصرفت وحتى يدري برنا وبابا كال ضام لزواجه وهو الرادج
-اي اي صح اني ضام فلوس يم ابوج
- بس مو للرخيصه اشرت على روحي لرنااا اشرت عالتلفون
-اريج صوتج اهلي --- لالا اوكفي لتمشين انتي حافيه
اريج- نسيت كلشي رحت ركض للكناور اريد الم هدومي مدااكدر بعد ارفع رايه الاستسلام تزحلكت ووكعت على وجهي وعكسي من كل مكان تجرحت رجلي كلها كزاز وشفتي انشكت
اسامه- اريج خرب غيرتج لج خرب شلتها من الكاع ايدها تخر دم وشفتها بديت اوخر المزاز اباوعلها بارررده وترجف فاتحه عينها كلها وخرت كلدالكزاز اللي بجسمها والدم مسحته متباوع منصيه وصافنه بغير عالم
اريج- راح اروح لاهلي ماريد اشوف احد اشترك بهالمهزله
اسامه- الله يخليج اهدي وابقي شكول لعمي
اريج- بلعت ريك الحايط ديذب مي لازم تسوي كوله عدي بناء وخلص وذبها براسي بقت على هاي شو كلها وكعت براسي كمت لملمت غراضي هو صافن عليه
اسامه- حتكولين لاهلج
- شخيصتني بعمك صير رجال ولوًمره بحياتك واحجي
- اذا تردين اعوف رنا
- كل هذا ليش علمود عمك ميعرف تتخلى عن حبك
- عمي تعب ويانا هواي
- لتخاف ميطردك من المحل وميحرمك من الميراث
-شنو قصدج من دون عمي اموت جوعلو مااكدر اعيش
-والله شوف روحك شدتسوي حتى حبيبتك حتعوفها
اسامه- كعدت عالحربايه ايدي على راسي عفتها وفتت بدلت وطلعت للمحل حجيها هزني حيل جددت حسابات حسبت نفسي عامل مو ابو محل حولت الباقي لعمي كافي عاد اذيت البنيه وذليتها وانذليت اني هم
اريج- اخذت غراضي ورحت لاهلي طبيت طبعا بابا مسافر ماما تلكتني كتلها كلشي متسابيني ولا تمولين لبابا اي شي تره متلكوني بعد
سكتت خافت مني وعليه
فتت للغرفه اماسي حاولت تفتهم طردتها نمت واني ابجي احلامي كوابيس بيتنا طابقين ماعدنا سطح عالي بصف غرفتي باب السطح طلعت لان راح اطك ب٢ بليل جاني رساله من اسامه - شونج
اريج- زينه والله يخليك عوفني اريد ارتاح واني اللي راح اعترف بكل شي اللي بيننا خلصت منه اعتبر نفسك مطلكني
اسامه- كاعد بالسطح سمعت صوت تليفونها دك هاي تلفونها هاي بالسطح مديت راسي شفتها كاعده بالكع مخليه راسها بين رجلها -- اريج همست
اريج- فزيت رفعت راسي غمضت عيني كمت اريد افوت للبيت
اسامه- تعاي تعاي بس دا--سدت الباب وراحت خرب
بقيت الوب النوبه كمت اخابرها مترد عليه  بسيطه النوبه نسيت رنا رجعت نمت بفراشي ادور على غراضها اي شي بي ريحتها اريد انام اني شبيه صدك احجي  حضنت مخدتها ونمت صافن على حالتي دكت رنا عليه احاجيها بس بملل والله اني واحد مااعرف شريد عده يومين
-_ باسم داومت اريج
- اي داًومت
- مم شونها
- زينه ليش شكو شوو متعاركين لو علمود المي اللي دينزل راحت
- لا هو علمود العماله تنهدت كمت رحت لمحل عمي بلشت الامتحانات واحنا وره الثانويه الجامعات رجعت اخابر رنا بس بالي يم اريج  عمي بعده مسافر يخابر يسال عليه وعليها تعجبت عباله يمي اكيد مكايليله اليوم رجعت ب١٠باسم كمت ماخلي يجي لان سادس واريد معدل بي خير التهى بالدراسه لزمت المخل اني والعمال وصلت للبيت تعشيت وصعدت فوك سبحت وطلعت للسطح افتر جنت لابس فانيله وشورت كابوي سمعت صوت مشي بسطحهم رفعت راسي شفتها صار ٤ايام غايبه عني بقيت اباوعلها بدون مااحجي دتشر الهدوم شكد فاهيه ياعلي -- ارييج
- ها باوعتله ودرت وجهي
- شوكت ترجعين الاسبوع الله يجي عمي
- ماارجع
- شوون
- رحت بطرف الحبل البعيد عنه دااشر بهداوه
- مو كيفج باجر اجي عليج وتجين
- شنو مسمعت
- تعاااااااي هنا حتى تسمعين
- ماكو داعي كلتها ببرود اسامه ماارجع بعد ابقى وي رنا يجي بابا ونفتح الموضوع وكلشي ينتهي
- حلكج متفتحي وكلشي مينتهي
- شنوو
- تعاي هنا
- ماه مااجي
-اكلج انتي شبيج شنو هالاسلوب تعاي داحاجيج وراها روحي هناك
- ماريد دااشر كلتها ببرود
- تحجي ببرود واني دمي فاير ودتشر على كيييفها  تشليهت عالحايط ورحت عليها ركض
- وين اسامه شبيك ضل يتقدم عليه رجعت عالحايط بصفي القطعه الخارجيه مال السبلت خله ايده  عالحايط واني منتجيه حصرني بين ايده والحايط
ايده والحايط
- شنو زعطوط اني
- شكوو
- وشكشاكه مو داكولج ترجعين غصبا عنج
- مو غصبا عني مو غصبا مو كيفك ولا كيف ابويه
- لا كيفي كزكزت من العصبيه انتي مرتي
- لك بابا باع هذا يامره اني ٣شهور يمك وانت اخويه هذا ميتسمى زواج هاي مسخره
- هااا هسه فهمت باوعت بعينها هذا الهامج مو دتعاي لعد مااعرف منين جتني الجراءه لزمت فكها جريت وجهه بستها بقوه جريت شفته بالم تون وتدفع مدرت بال هدات بيدي رققت لمستي وقبلاتي ابتعدت اجر نفس نزلت نضري خجلان من السويته اتنفس سريع بعدت ايدي رفعت عيني شفتها مغمضه تتنفس سريع 
اريج- احلى وانكس احساس ميحبني ومعت بيده يمكن بيده هم هيج تموع تذكرتها دمعت عيني
بقيت مغمضه منتجيه عالحايط نزلت دموعي تذكرت من كلتلته رخيصه تذكرت والدي واجباره اله تذكرت خوفه من والدي تذكرت اني احبه واتمنى حبه اكدي الحب منه كديه
اسامه- مغمضه وتنزل دموعها بهدوء -- اريج همست سامحيني الله يخليج
- هزيت راسي اي مااكدر اشوفه ماريد كلشي ماريد بقيت ساكته
- اريج ليش دتبجين دمعت عيني اني هم اريج اختنك صوتي برطمت كامت تشهك كعدت مقرفصه قرفصت كدامها لزمتها من زندها بقت مغمضه عينها منتجيه عالحايط تبجي بحركه -- لتبجين كمت ابجي وياها والله بوفاه ابويه مبجيت اريج كمت اشهك ضميت وجهي
اريج- فتحت عيني شفته يبجي مسحت دموعي  كافي اسامه روح
ام اماسي- ارريج
- ها ماما هنا بالسطح مبيه شي
- خوش
اسامه- مسحت دموعي باوعت بعينها ضلت صافنه بوجهي
اريج- ليش تخونها موًحرامات حب سنتين
- لج انتي مرتي اني داخونج الج
- عمري مكنت الك اسامه هاهي انتهت ليانبك ضميرك بابا جبرك وهو حيدفع الثمن كمت امشي لزم ايدي
- لتروحين تنهدت حتفتحين الموضوع وي عمي
- اي
- وو ختكوليله
- استغفر الله راح اكوله اني مو خوش بنيه وخنتك وبعد شنو واكوله طلكني منه لان اريد اتزوج غيره
- ششش كافي بقيت اباوع بعينها حنتفارك يعني
- ليش احنا شوكت ارتبطتا ااخ باوعت للسما اريد ارجع لحياتي اريد تنهدت ارتاح شوف حياتك ويدالتحبها
- وانتي شنو
-اني شنوًاني هم اكمل دراستي وبلكن باجر عكبه اني هم يتقدملي واحد يحبني واكوم احبه انداريت عليه كاتف ايده صافن عليه
- اريج
- ها باوعت بعينه اول وحده ابوسها انتي
- مم خوش حتى واحد من يسالك شسويت وي مرتك كوله بستها
- تستهزاين برجولتي مو
-لا حشاك انت ابن عمي روح اسامه الله يخليك من يجي بابا نتطلك
- رجعت خليتها بين الحايط وبيني دفعتني بقوه
- وخر اسامههه كااافي عاد لعبت حتى روحي شتريد تلعب بيه لو خايف من عمك بابا ميطردك وميكطع المصروف لتخاف
-خرب بالفلوس خرررررب فقدتني اعصابي ضربت القطعه الخارجيه مال سبلت بيدي جانت حاده والضربه قويه غمضت عيني شاغت روحي
اويج- صخام الصخمني متكولي شبيك شتررريد فهمني شتريد ركضت عالحبل تيشرتي مشرور اخذته شكيته ولفيته بايده يباوع بعيني مفرفح مااعرف شيريد شو جنت يمه تلفونات للصبح وي حبيبته ومن رحت كام يلوب هذا علمو ًد متاكده ابويه يله حطب انام بقه صافن لازم ايده يباوعني بغضب فتت وسديت الباب اباوعله بقه واكف لحد ما طبكتزالباب وقفلتها سمعته كمز لبيتهم غمضت عيني اكرهك بابا اكرهك من وراك كل الصار من وراك تلمست شفتي شون احساس حلو شكد حلو لو يحبني يالله احبه يالله يالله بجيت واشهك فتت نمت اهلي الكلتلهم انه عدنا عماله وجايه هنا علمود بابا مسافر مشت
الايام عفت الادويه ادراري بده يقل الم كليتي زاد باجر اكمل امتحانات وعكبه يجي بابا رجعت من الامتحان فتت للحمام اشوف ادراري دم مكلت لماما ططزززز بقه الم بكلاتي موتني كمت ابلع مسكنات وارجع ليوره الم كطعني الليل كله اون منه اسامه مكطع اتصالاته نطيته بلوك من الشركه كامت نهى تتصل اسولف وياها عادي باجر يجي بابا كلت لماما اذا اجه خلي يجيني بيت جدو خابرت رافد اجه عليه شاف جنطتي جبيره
رافد- ها اروج سالمين شكو
- اريد اجي بييتكم
- ابوج يدري
- لا كارهته لتسالني شي خالو اريد ارتاح
- ماشي خالو امشي
- رحت لبيت جدو عدي خاله اسمها رند اكبر مني خريجه اداره جامعه المستنصريه قريبه على جامعه اسامه هاي صديقتي المقربه وبيبيتي ام امي وهاهي ورافد بيتهم بحي الجهاد مو بالشواكه بقيت عدهم بيبس من نضره عيني تعرفني كملت امتحانات مر. يومين على جيه بابا واجاني لبيت جدو
بيبي- اريج تره ابوج اجه
- بيبي عفيه تنهدت ماريد اروح
- هسه احاجي
- محمد- ها حجيه الله يساعدج بستها من راسها ها شنو وين اريج فاطمه كالت هنا خل اشوفها
- بغرفه رافد عوفها محمد لتجبرها على شي البنيه تعبانه
- شسالفه حجيه ها اروج توصيني عليها
اريج بابا وينج طبيت حضنتها مشتاقلج بابا شبيج منو وياج حضنيني بابا شبيج ارييج باوعت بعينها ميته بجي منو منزل دموعج بابا حبيبتي
- بابا انت تكرهني ليش علمود السويته والله كرهت حتى روحي
محمد- غمضت عيني جريت نفس سديت الباب علينا شبيج احجيلي ابي بابا لتضمين شي عليه
- تدري شيكولها يكولها ابوها اشتراني بفلوسه كمت اشهك وابجي اضرب بصدره ليش ترخصني ليييش تجبره
محمد- ياكل نعل هو وياها انعل ابو يابوً هسه اروح اطيح حضه بابا اني اسامه اعرف بيه اذا نطيتج اله حيهليج على راسه
اريج- لا اريدك ولا اريده عوفوني
محمد- عيب بابا همست عيب اني ابوج
- اذا تحبني عوفني بيت بيبي اني مو خذلتك مو دللتني زايد
محمد- والله بابا لو ادري هيج ماانطيج
-بابا انت منطياني انت اخذته رخصتني اني اروجتك كمت اشهك وابجي
- كافي بابا ابقي هنا يم بيبي بس تذكري شغله مشاكلنا بيناتنا منورجها للناس  واسامه اني اعلمه
- بابا وداعتك اذا رخصتني بعد وبينتله انه انت دريت صدكني حتى ببيت بيبي متلكاني بعد اني هنا لان عدنا بناء وخلص
محمد- اذاج
- انت اذيتني
-يجي يوم وتفهمين قيمته تنهدت لتستعجلين ياب هاج خلي هاي حوه ايدج
- ماريد كمت اكره الفلللوس ماريد درت وجهي عنه
- براحتج بابا براحتج مراح احجي شي ولا افتح موضوع ويا
- اكيد بابا
- وداعتج
اريج- رحت اخذ نتيجتي رافد جان ويايه تلاكيت وي نهى اخذت نتيجتي ناجحه الحمد لله
رافد- بقيت اباوعلها لنهى بسيطه ابد مو مودي تعجبني الكشاخه بس هاي يعجبني اباوعلها على طفولتها ووجهه البريء شكت عينها وابتسامتها الحلوه اندارت عليه ضحكت وطلعت سنونها هزت راسه وراحت اخذت اريج ورجعت شكد فطيره نهى
-اريج- كلش
اسامه- داومت جامعه بدت امتحاناتي شفت رنا لاول مره مالي خلك احاجيها هي من شافتني هيج جتي سلمت رديت بثكل ترخصت وراحت
كملت دوام رجعت للبيت اني قبل فتره جانت صاعده لامه كزاز وماسحه الغرفه
ام اسامه- حضر روحك تدور شغل بغير محل عمك هسه تنطرد انت واخوك دارت وجهه جانت كلش ضايجه مني  نصيت راسي سكتت
باسم- والله اريج تنحب ليش هليتها تروح من ايدك
كعدت عالجربايه احس شي ناقص بيه باوعت لمشطها لمخدتها تنهدت كمت بدلت الهدوم مكويه ومعدله رحت صار سبوع راح تخلص هدومي امي رجعت تغسلهن بس متكويهن ونهى مااكدر اكولها اكويها راحت ام الكشخه جريت نقس بدلت ورحت لمحل عمي اليوم المقروض يكون ببغداد وصلت داانضف المحل دخل عمي باوعني ببرود
محمد- ها عمي الله يساعدك ياب
اسامه - عيوتي عمي الحمد لله عالسلامه بوسته يباوعني بعتب بلعت ريك جان مبين عليه يعرف كلشي تربايته واعرف كل تفاصيله دار وجهه عني---
محمد- بابا راح يجوك عمال٢
اسامه- بداخلي هاهي انطردنا -- اي عمي يعني ماداوم بعد
محمد- دخل اكمل شبيك عكدترحاجبي تنهدت يعاونوك لان باسم ماريد يوصل للمحل
اسامه- ليش عمي باسم شعليه
محمد- شنو شعليه هاي شبيك اليوم اخوك عده امتحانات لازم يقره وانت هم لازم تقره بعد كم يوم امتحاناتك باوعته بعتب مااكدر احجي شي اريج مواعدها سكتت يله بعد وره الجامعه لتجي لل٨سوي حساب واطلع مااوثق بغيرك
اسامه- عمي ادبرها حتى لو اجيب الملازم لهنا
محمد- اني شحجيت اريد امتياز تفرح ابوك بتربته وامك  في امان الله
اسامه- طلع كعدت نص حيلي انهد هليت ايدي على راسي. جريت حسره وره حسره والله اني كلب وناقص ولا ذمه ولا ضمير بته موتت مشاعرها تالي حاير بينا ادري محتقرني واللي سوا كرهني بروحي اكثر كملت شغلي رجعت للبيت كلت لباسم كييف يريد يطلع هندسه ميكانيك حتى يساعد عمي كوم مشاريع بباله
اريج- بقيت ببيت جدي ريحت نفسيتي بس عافيتي راحت محد يدري بيه الم بالم الليل مانامه الادرار انقطع بده جسمي يورم وراها يرجه الادرار. وبي دم ويرجع يكطع اكل كمت مااكدر اكل كاضيتها نوم ورند تتداهر شاكه حلكي
مابين المي ابد بيبي انتبهت اكلي قللان كتلها داسوي ريجيم كضيتها مسكنات يله جريت عدل اسبوعين رجعت علاقتي ببابا كمت افتح كامره ويا وويه ماما نسولف ساعه ونضحك ويروح رغم المي واحتباس الادرار وتحويله دم اخذ الامور بكل بساطه مو يمي ولا عبالك عدي الم نهى بين يوم ويوم تخابر رافد ينلطش بيه يسمع حجيها وتصنيفها واحنا نسولف ونضحك اني وياها ابد متجيب سيره اسامه الحلو بيها تفهمني وتحترمني
اسامه- بقيت طول فتره امتحاناتي اتصل بيها مترد رجعت علاقتي برنا زينه يعني بس تفكيري ومن انام احلامي كله باريج  ضل بالي عليها كلش باجر اخر امتحاناتي وارجع لمحل عمي
اريج- مااكذب ضليت هواي افكر بي  ومن تقرب مني ولو موعلمودي لخاطر ماكول لابويه شي. والدليل كام يبجي من تقرب مني بس ردت اعرف بعده
وياها لو عافها الفضول كتلني مشتاقتله مااخفي هالشي تلفوني عفته بيت ابويه  جتي اماسي يمي ١٠ايام بقينا متونسينن وي رافد ورند وراها رجعت اني مرتاحه هنا بعيده عنهم بابا احترم رغبتي وعافني كل فتره يجي يتسوك اليت بيبي ويروح مكام يجيب طاري اسامه ولا الفلوس ولا بيت عمي شلع باجر اخر امتحان اله رند هم باجر اخر امتحاناتها
رند تكدرين باجر تمرين لجامعه اسامه
- ليش تردين ترجعين كملتو بناء
- ها اي باعي خليها بيناتنا اكو بنيه اسمها رنا بنفس كروبه بس شوفي واكف وياها لو لا وهاهي
- يعني الموضوع بي خيانه
- لا متعرفيني حتى بابويه اشك
- كبر هاي بعدج باعي هاي جيف بعيد عنج وتشتاقيله تحسين انه ديخونج
- يجوز بس باجر روحي وشوفي
- ماشي رحت ثاني يوم لجامعته وي زميل الي بالكليه مالته  دخلني وبقينا تمشى لحد مالمحت اسامه واكف وي بنيه وكم ولد يضحكون. سالت زميلي كتله هاي منو البنيه ام الشال الوردي
كلي هاي رنا ذوله من سنتين كبل افتهمت كلشي وعرفت بقيت اريج قررت اسوي نقسي مااعرف واكولها الشفته ماريد اكذب واخليها بامل رجعت وكتلها
رند- اي واكفه ويا ويضحكون
اريج- مااعرف افرح لو اضوج شو كمت اشتاقله
اسامه-نهى كومي بدلي اروح اشوف اريج ونجي
نهى- صدك اي حباب مشتاقتلها ابتسمت ونصيت نضرات امي تخجلني
باسم- اني هم اجي مشتاقلها كمزت بدلت رحنا كلنا
للعصر كمت الوب كلش طبكت حبايتين يله فك الالم رند دتسوي اختبارات بشعري واني مطفيه من الحبوب. الادرار رجع بس قليل وبي دم ونفخ رجلي بقه على حاله محد انتبه بابا جان مواعدني بسفره واليوم بلش بجوازيداني واماسي وماما كم يوم ونسافر تركيا
اهووووو رند دعوفي شعري
رند- ووجع شبيج ضايجه خلصتيح جريت شعري منها جانت دتسحبه بالسترايتر الكاويه صار كلش حلو من كويته بين اطول اندك الجرس
بيبي--شوفوًمنو بالباب
اريج -روحي شوفي منو خلصتي جريت شعري منها
صار يخبل وكفت اشوف منو باوعت من الشباك مااكدر اوكف عدل من الم كليتي باوعت نهى وباسم صفنت طب وراهم اسامه رفع راسه صارت عينه بعيني ابتسم  بالم ونصه اجتي نهى فاتت حضنتني جنت مشتاقتلها كلش وره شوي طب باسم باسني من راسي
طب اسامه رفع راسه باوع بعيني ونصه كلشي محجه كعدنا روحي فرحت لشوفته كيفت بيهم جنت مشتاقتلهم بقينا نسولف اني وباسم ونهى ورند هو ساكت يباوعلي كعدنا نحشش ورند ويانا كملت السبحه
باسم- يولو ضعفانه شنو ام زيتونه جتكم صافيه نصج
اريج- اي احسن هه لا مجتنا
نهى- اريج حتى وجهج صار اصفر
رند- اني ادوي شبيها كلشي متاكل الله وكيلكم
اسامه- بقيت صافن عليها طالعه تخبل شعرها يجنن طولان ومسرحته بس كلش ضعفانه عبالك مريضه وجوه عينها اسود ولو اني هم من يوم اللي اخذتلي خدي وزينتلي بعد مجيت يم لحيتي طولانه وصاير جني قرد اتذكر بوكتها ياهو الشافني تعجب عليه وهسه هدومي معقجه ومبهذل وهاي بت عمي  كدامي ردتها تشوفني شوني بعدها منرتاح بغيابها مخلي ايدي جوه خدي صافن عليها من تحجي وتحشش حتى عبالك مبيها حيل تحجي

رند- اي اسامه شو ساكت كملتو بناء رفعتله تك حاجب
اسامه- كعدت من صفنتي احم اي بقه  شويه اليوم كملت امتحانات باوعت لاريج القوطيه بيدي مال ايه الكرسي باوعت لايدها مذابه الحلقه واني هم من عرفت بيه رنا متزوج بعد منزعتها للحلقه هي كلسا تباوع على ايدي واني احرك بالحلقه كدامها
رند- صدك باوعت لاريج اليوم مريت لجامعتك
اريج- لزمت ايدها باوعتلها خزرتها
رند- درت وجهي عنها
اسامه- ايدليش مسلمتي لعد
رند- لا جان ويايه زميلي مضفر مكدرت اجي كروب كامل طبينا انت جنت واكف وي كروبك تضحك بس حلوه هاي ام الشال الوردي
اسامه- بلعت ريك منو ام الشال الوردي باوعت لاريج ورجعت باوعتلها
رند- باوعتله بمكر مااعرف حتى مضفر كتل روحه عليها كال تخبل يريد يتقدملها رفعتله حاجب باوعتله بمكر
اسامه/ ارتبكت نصيت رجعت باوعت لاريج نصت راسها صرت اعصاب كمت اهز برجلي شنو دتراقبني هاي رند مال دفن كوه الزك وهي تفتكلي فتك
تنهدت شفت اريج تباوعلي من جوه ليجًه تشوفني شكول --- ايدهاي زميلتي همست بقيت اباوع بعين اريج نصت عينها انداريت على رند
رند- ينطوها اهلها اذا مضفر تقدم يجوز نخطبها لرافد كلش حلوه تخببل
اسامه- خزرتها لرند سوتها بله ملح -- شمعرفني  احد كلج باقي اهلها اني صيحت بيها خزرتها
رند- وشدعوه هلكد فار دمك
اريج- شفته هيج نترباريج متحملت غيرته شو جسمي كام يرجف كمت اعرك كلش هواي اني اصلا صار فتره بس اعرك كليتي هاجت بس الم بعد مااتحمله ردت اكوم افوت مكدرت حتى امشي  كمت بالكوه عطت ااااخ باوعت لاسامه
باسم كمز شبيج اروجه لج شبيج
اريج- راافد صيحت ميجاوب كوه احجي رافد كمز اسامه من مكانه باوع بعيني
اسامه- شيوجعج فهميني
اريج -كليتي ااي اخ صحت بعلو صوتي مدااكدر بعد رند صيحي رافد
رند- ماما ولج توه طلع ماما ماما ماما شوفي اريج عفيه كمت ابجي وجهه صار يخوف
بيبي- شبيها اريج شو وينها اريج لج شبيج بيبي صارلج يومين كلشي متاكلين حتخبليني شبيج شيوجعج
اريج- بيبي خابري ماما لازمه كليتي واون اخخخ
اسامه- باسم جيب تكسي بسع
باسم- طلعت ركض وكفت تكسي وجيت اسامه جان ديلبسها يباوع بوجهه ويصب عرك صار وجهه احمر يلبسها حجابها وهي تصيح وجهها صار كلش اصفر  نهى ضلت تبجيرحا وي اسامه وبيبيتهم للمستشفى اريج اغمى عليها بحضن اسامه
اسامه- مكدرت تمشي للسياره شلتها وصعدتها بقت بحضني صافن عليها شكد خفيفه متت خوف الحجاب صار مي وشفافها زركت وجوه عينها اسود ترجف بيدي بقت تباوع بعيني لحد ما اغمى عليها وصلنا مستشفى كبل اخذوها طواري