رواية أبي يعرف كل شي الفصل الرابع 4 - بقلم الحساب مغلق

شفت اريج عالسنك
السلام عليكم هايمه شونج
ام اسامه- هله يمه خل نتغده صبن
نهى- اي يوم
- اريج- صبينا وكعدنا نتغده اني اكل على كيفي بارده بكل شي ههه
-ام اسامه- ديصعد اسامه تعال يمه رايدتك بحجايه فوتي نهى داحاجي اخوج
اسامه- ها يوم شبيج
ام اسامه- اليوم خابرتني ام اسامه تتعارك ويايه وتكولي ابنج مو رجال ليش هالشكل اني تالي وكتي انت رفعه راسي تخزيني لعد صارلكم شهر وكم يوم ومجاي يمها من امده بطن الجابتك عفته وفتت للبيت
اسامه- فتحت عيني ومن طبت امي مي وجهي وكع خرب صرت نار كايله لامها بسيطه طبيت لامي بست راسها يمه عذريني
ام اسامه- يمه ليش هالشكل هسه تصعد والعصر نيشانها بيدي
اسامه- صار يوم تدللي صعدت فاير دمي طبيت للغرفه جانت نايمه جيت يمها -- كومي هييي
اريج- ها شكو شبيك
- كومي نزعي دنفضها
- شتفض شكو اسامه شبيك
- فضيني لتسوين روحج زماله وانتي حاجيه كلشي لامج
- عزه بعيني والكعبه محاجيه شي بس خاله اليوم سالتني وين نيشانج اني صفنت كتلها مااعرف وين خليته
اسامه- زين زين ديله نزعي فضيها ارتاحيت شويه بتن امها وعمي ميعرفون ادري بامي تكذب ومتعايش وي هالشي -- دكومي يله مترهم بعد جريت الفراش من عليها ضلت تباوع بخوف طفيت الضوه وسديت البردات جان دنيا ضهر جريتها نزعتها بسرعه ضلمه ماشوف جانت مستسلمه بصوره غريبه
اريج- شنو الصار شداحس مااعرف بس مستغربه وخايفه
اسامه- نزعتها هدومها دفعتها مالي علاقه بجسمها ابد ولا متاثر ابد--- نامي  شوي نامي شبيييج استغفر الله تالي وياج
اريج- نمت  حسيته نزع هدومه تقرب مني توه ينام عليه
اسامه- جانت هادءه بارده كالعاده حسيت اثاره تجاهه ريحتها خلتني ابدي اندمج كانها اي وحده كوني كرجل ملازم مره  قبل
- توه يقترب اكثر همست باذنه الجانت قريبه على شفافي --- ليش دتخونها  انت مو تحبها
- فتحت عيني كلهامااكدر اشوفها بس اسمعهاوكفت الداسوي جريت نفس ابتعدت نمت بصفها سكتنا ثنيناتنا -- شون عرفتي
اريج- قريت بملزمتك رنا واسامه وكلب وللابد
-منو سمحلج تلعبين بغراضي
-بالصدفه والله
-تنهدت كلتي لاحد
-لا والله
- شون متحمله وليش فهميني
-احب اتحمل ولخاطر بابا اليوم طلعت وياها مو
-مجاوبتها كمت لبست هدومي شمرت هدومها عليهالبسي واذا امي سالت كوليلها يم اسامه   ليش قبلتي بيه
- باوع اكعد خل احاجيك بس بقي الضوه مطفي حتى متشوفني استحي
- ليش شمسويه
- خل اكون صريحه وياك قبل زواجنا بشهر صادقت بيت جيراننا توني اسبوع علاقه ويا كمت اموت عليه وهو سوالي البحر طحينه يكولي اموت عليج واموت دونج منو لكفني بابا
-اييي فتحت عيني
- شافني دينطيني ورده بس هو والله ايدي ملازمها بس نضرات واسبوع تلفون وبابا لكفني المهم ترزلت بس بنزاكه تراهن ويايه انه ميحبني الولد وكتله لا يحبني يموت عليه جابه للولد للبيت وساله واني جنت اسمع وره الباب الخشب مالتنا وكله عمي بتك متوهمه اني محابها واحب بنت خالتي اني تخبلت وضليت اعوي مثل الجلب
- هههه طاح حضج قشمر
- اي والله المهم جان الرهان اذا طلع ميحبني يزوجني اي واحد هو يختاره ولان اني واثق ببابا واعرف اختياره داءما صح ومستحيل يغلط وافقت عليك وداانتضر فرصه كلمن يروح لدربه من تتخرج واني اكمل سادس لان بصراحه اني احبكم مثل اهلي نهى وباسم وحتى انت مثل اخوتي والله  وانت جيت هديه لبابا ورحمه وواكفله بكلشي وبابا مكيف بيك انت ورده مال الله انت وباسم بس المشكله كلبك مو الي قررت اشوف تاليتها ولحد ماانت تروح وتكوله كلشي. يله اني اتنازل
اسامه- هزيت راسي يعني متردين تقهري بعد ومتردين يكرهج ولان سويتي علاقه صلحتي غلطج وقبلتي باللي اختاره هوو
اريج-  تقريبا بس خليها ببالك لا راح اروح لابويه واكوله مااتحمل بعد ولا راح اشتكي منك ايس مااطلب الطلاك  بس اني متاكده انك انت اللي راح تروح لابويه وتحجي كلشي وتنهي هالمسلسل المدبلج لعايشين بيها
اسامه- خليها على الله وين متوصل خل توصل
اسامه/ جريت حسره  شغلت التيبل لامب اشوف عيونها جنت ملابس فانيله
اريج- من شغل التيبل لامب بقيت اباوع على صدره وحولت نضري لعينه  ضارب عكس وصفحته عليه واني جوه الغطا ومطلعه ايدي نايمه على ضهري
- زين وهسه بعدج تحبي باوعتها بمكر وحيره
- لا اموت منه اصلا تلعب روحي من اتذكر السويته امداني احس روحي حمار خليت اصابعي على راسي مثل الكرون
- ههههه نمت على ضهري باوعتها بلعت ريك اريج اني ضلمتج موو
- لا عادي يله اطلع اريد اسبح
- ماشي نازل يم امي اشوف تاليتها وياها
- كيفك
-اي طلع من الغرفه وعطره وحركاته ودفو جسمه ببالي شكد حلو لو حبني
- اسامه نزلت حليت السالفه وي امي كتلها خلصت السالفه وفهمتها بطريقتي طلعت رحت لعمي للشغل وي اسامه مرت الايام بسلام لاعايف رنا ولا تدري بشي واريج لايمي ولا شي يجمعنا غير الماكل والمنام حالها حاله نهى  مرت ٣شهور على زواجنا واني بالسليم علاقتي بيها جدا بسيطه اوديها كل اسبوع بيت اهلها تضل كم ساعه وارجعها لبيتنا طبعا برود اعصابها مخليها تتحمل امي بكلامها تذبلها كرازيل تشيب الراس وهي مو يمها مخبلتني ومرتاح لهالسالفه كلش اليوم بليل رجعت من المحل والكه عمي بالبيت يمنا ومرته واماسي
--/ السلام عليكم هاعمي نور البيت
محمد- هله يابه شونك شو تتاخر يله ترجع مر كتبك ب١٠عزل بعد يابه
اسامه- ها لا مو نضفنا المحل ها اريج الله
يساعدج
اريج- هلو اسامه ابتسمتله كمت اكيف من يطب
ام اماسي- كومي تلكي رجلج امي اخذي من ايده
اريج- كمت ركض اخذت الجياسه باوع بعيني
اسامه- وزعيها الفاكهه اجيب بعد شي
اريج- لا سويت كيكه طلعت لساني اتشاقه ويا ضل يباوعلي ابتسم ودار وجهه
اسامه- هاي حركات الزعاطيط دتاثر بيه ابتسمت وغلست عمي يقره وجوهنا طاير بينا
محمد- تقدم اريج الفاكهه وعمتها مدري شون تباوعها --- يله اريج شدينا حيلج نريد نونو اريد اصير جد
اريج- الله كريم بابا باوعت لاسامه ابتسم حضي ميعرف يكذب وجهه كام ينطي الوان
ام اسامه- والله اني ابني بالسليم رجال بس اويلي على بتكم كومه التهابات وجراحه
ام اماسي- ماما بعدها الالتهابات عدج
اريج- مستمره عالعلاج ماما عادي
ام اسامع- اني خايفه تطلع عليج هاي اريج فاطمه انتي بزرج ضعيف وكوه تحبلين والولد ميثبت ببطنج
محمد- الحمد لله جونا اريج واماسي والله عوضني باسامه وباسم
ام اسامه- اذا انت الله عوضك ابني شون حيعوضه بيمن ابو اماسي اني اكول تروح لدكتوره ودهوها جيكوها
اسامه- اباوع لامي اغض شفه اخزر ميفيد من كالو فحص انجر بوشي
محمد- باجر تاخذها امها لدكتورتها فاطمه اخذيها باجر
اريج- ماما من انروح يفحصوني شون
فاطمه - ماما بس تشوف التهاباتج عن طريق التحليل وها هي
اريج - خوش صفنت لا اكيد متعرفني باكر اذا حللت ماما كالت بس تحليل كمت اغسل ايدي عالمغسله
اسامه- مصدكت كامت لحكتها  تقربت منها -- شنو سالفه الفحص شاورتها
اريج- لك لا ماما كالت بس تحليل وهاهي ميبين شي
اسامه- خوش لعد باوعتها مبتسم
ام اسامه- طلعو الخطار ولملمو البنات وصعدت ست الحسن فوك اسامه عاف تلفونه --نهى تعاي
- ها يمه
- هاج دوريلي اسم رنا
- ليش ماما
- اسمعي كلام دورته وطلعته وكتلها تدك وتكولها انه اني مرته وبعد عوفي لان تدمرت من وراج. وسواها نهى ومسحت كلشي ورجعنا كلشي بمكانه ساعه ونزل من فوك اسامه يركض اخذ تلفونه وصعد
اسامه- خابرتها لرنا مترد شنو السالفه بقيت اقره وكلسا اخابر مترد الليل كله منمت احاول احصلها ماكو  كوه نمت
اريج- البارحه اماسي وباسم نضراتهم تخبل حيموتون ثنيناتهم من وره الحب فدوه لاالله الصبح دنتريك كلما اني ونهى وباسم نزل اسامه ضايج من الصبح
----
لك باسم دكمتك مكطوعه
- شسويلها عوفيها
-اريج لك لالا كوم نزعه واخيطها الك حرامات مبهذل تبين
- ها يله كيفج هاج نزعته ومجنت لابس فانيله
اسامه- شفتهم هيج عيني صارت بكصتي --- شنو هالاستهتار هييي خزرت باسم
باسم- شبيك شكو اختي يمعود
اريج- مهتميتله اخذت القميص خيطت الدكمه ونطيتهيا ضل كلسا يخزرني ماريد اماسي تشوف باسم مبهذل خطيه
كلمن راح لدوامه التفتت عليه خزرني اشرتله باي غمض عينه ودار وجهه يطب هريش شكد شايف روحك رحت للمدرسه الحمد لله جاوبت بامتحاني كلش زين طبيت للبيت مكيفه توني اشرب مي من البراد طب اسامه وجهه مزنبر صاير نار خاله دتصب الغده توني اكعد صاح بيه

اسامه- اريجج
- شكو شبيك شصاير
- تعاي فوك بسرعه صحت بيها
- باعت ريك باوعت لاهله امه تباوع لنهى وتباوعله  وترجع تباوعلي سكتو صارت صنطه صعدت فوك طبيعتي ماخاف تعلوم بابا ممسويه شي غلط ماكو داعي للخوف بس الغلطان يخاف طبيت للغرفه تقدم عليه ----

اسامه- شمسويه انتي شمسوويه  مو عرفت برودج وراه مصيبه ليش هيج تقربت منها جيف ماخذتج لو جيف محبين غيرها لزمت شعرها مثل ماضيعتيها مني ترجعيها فهمتتتي
اريج- اني جنت هادءه كلش وهو نار باوعت بعيني جر شعري  خليت ايدي على ايده اني بت عمي محمد تمد ايدك عليه هيج يردون الجميل وخر ايدك اسامه فهمني اكعد على كيفك خل افهم شصاير
اسامه- خجلتني وخرت ايدي كعدت عالجربايه جريت نفس اريد اهدا مدااكدر جرت الطابوريه مال ميز التواليت كعد كدامي
اريج- احجي
اسامه- ليش مخابره رنا ومنو سمحلج تلعبين بتلفوني
اريج- اني لا مو اني على يااي اساس اسويها
اسامه- انتي وماكو غيرج المنطق يكول هيجوهي كالت بنيه صغيره وصوتها ناعم كالت متزوج واني مرته عًفي حرام عليج

اريج- هههه كل عقلك اخلي نفسي بهالموقف  بابا الميريدني ماريده بت محمد علوان اني الف من يتمناني دك عليها
اسامه- بقيت صافن على غرورها كل كلمه كالتها صح -- ليش ادك عليها شجنسوين وخري مادك
اريج- باوع اني كلشي مااكدر اسويلة بس اطلع نفسي من المشكله وبالنسبه لمشكلتك انت اللي تحلها اشو بخيرهم ماخسرونا بشرهم عمو علينادك عليها
اسامه- صفنت عليها طلع لسانها اخذت التلفون من ايدي دكت على رنا دكه دكتين ردت -- شتريد مني بعددد صيحت رنا رفعت عينها تباوعلي فاتحه عينها
اريج- صدمتني تصيح عليه--- الوًمرحبا  احس صارت نار بكلبي مااعرف ليش
رنا- ااهلا منو
- حبيبتي سامعه صوتي قبل
- لا
متاكده
- اي متاكده
- خليت التلفون على صدره لتذب مصايبك عليه بعد عفته ونزلت
اسامه- بقيت مصدوم بيها اول مره تطلع لسانها---الو ها رنا
رنا- كافي اسامه كافي عوفني اعيش حياتي الله يخليك حرام عليك التسوي بيه وبيها
اسامه- يصير خير رنا سديته ونزلت على امي
يووم يووم جانت اريج كاعده يم نهى يقرون
ام اسامه/ ها يمه
- مخابره رنا موو
-باوعت لاريج لا يمه مااعرف رقمها
اسامه- يوم وروحه لابويه اذا متكولون منو المخابر هسه اطلع وبعد ماارجع للبيت
نهى- وكفت باوعت لامي احجي يوم فدوه مااكدر اعيش بليا
اسامه- احجي نهى لتخافين تقربت منها كعدت يمها اريج صارت كدامي منصيه على كتابها
نهى- اامي خلتني اخابرها على اني اريج
اسامه- هزيت راسي ليش هيج يوم ليش
ام اسامه-باوعت لاريج ارتاحيتي هسه شعلتي بينا النار ارتاحي بت محمد
اريج- صفنت عليهم بداخلي والله صلفين انتو فوك معاشك عليه ومماخذني وابوي يصرف عليهم لسانهم شطوله عفتهم وصعدت فوك
اسامه- بهالاثناء تعاركت وي امي هي معليها انتي داءما تذبين حجي اذيتيها هواي واني اتعارك دك عمي اشرتلهم اش سكتو الو ها عمي
عمي اليوم جيب اريج للبيت امها خبصتني حتى توديها للدكتوره
اسامه- صار عمي شوي واجيبها يعني مافتح
محمد- لا تعال للبيت خلي باسم يفتح
- صار صعدت على اريج  فتحت الباب شفتها تصلي بقيت كاعد كبالها شكلها نوراني كلش بريء انتضرتها تكمل -- قبل الله
- منا ومنكم صالح الاعمال
- ابوج خابر كال جيبها علمود الدكتوره بدلي
- اوكً  
- اريج جريت حسره يمكن حتزوج رنا بالسر
- وليش تقبل البنيه انت شدتخربط بابا صير رجال وروح كول لابويه كلشي
اسامه- اوووف يله كملي دنزوح
اريج- اي هاك هدومك
- لا يابه البس تراكسود
اريج- لاعفيه خوالي هناك اتباها بيك اكشخ ذوله يدورن مضاهر
- ماشي يله لبست وعدلت روحي تعلمت اكشخ واخلي معطر كمت انتبه على روحي ريحتي شكلي علمتني على هالسالفه
- وصلنا لبيت ابويه باوعلي وين بيتهم اللي حبيتي
- هذا اشرتله واشرت على راسي الاصابع
- ههههههه دمشي خرب يومج صح حسيت بغيره لا ن بت عمي قبل كلشي بس حركاتها تخرب ضحك طبينا للبيت اخذنا اسامه للطبيب بسياره بابا كعدت وراه وامي بصفه كلما يباوعلي بالمرايه ااشرلي اصابع على راسي يبتسم ويدير وجهه ضحكته حلوه يمكن اول مره اشوف ضحكه اليوم طبينا اني وامي للدكتوره اخذت تحاليل وكلتلي نامي هنا اني كمت ارجف مقبلت تفحص داخلي باوعتلي ماما شبيج امي خل تفحصج دنشوف الالتهابات يا امي
اريج- شون تشوفها يعني
ماما- هاي شبيج صيحت خزرتها فضيها يله مرت عمج كلما روح تسممني
اريج- نمت بس ميته خوف توقعت مراح تعرف بس شوي شافت كلتلي كومي ماما انتي حتى ممشاورج ههه مو ماخذج باوعت لماما صارت اعصاب كلشي محجت
ماما بس سمعيني مديرلي بال ماما لتحجين لبابا شي الله يخليج كلشي متحجي اجه رافد اخذنا وهي ساكته الطريق كله رافد ياشرلي بالمرايه شكو شبيها امج واني حموت خوف اول موصلنا صاحت ابويه واسامه وجرتني من ايدي بقوه
طببتنا بغرفتهم
اسامه يباوعلي وجهه اصفر واني افرك بيدي
ماما عفيه ماما عيب استحي من بابا
فاطمه- انتي انجبي باوع محمد اني من اول مجنت موافقه بتك مطعجه وهذا ابن اخوك بيد امه شنو ذنبي كل ماارًوح تسمعني حجي يموتني قهر
اسامه- خاله الموضوع بيناتنا لتدخلين عمو عرفت انه هي مفتهمه كلشي
فاطمه- لا ماكو مااسكت
محمد- شكو خبلتيني متفهميني شكو
فاطمه- شكووو بتك بعدها بنيه وهالثلث شهور همه اخره كرت عينك هو هذا ابن اخوك سوي جاره لبتي
محمد- باوعت لاسامه لزمتني الدوخه كعدت ليش هيج اسامه ليش تخجلني كدام ام اماسي ليش شمسويلك قصرت وياك بشي ليش شبيها بتي متعجبك خو كول ماريدها وفضها هيج تحسسها مو مره كامله
اريج- نصيت وطلعت ماما اسامه شفت ايده كامت ترجف باوعلي دمعت عينه باوع لابويه
اريج- بابا بابا اسامه معليه كل ميقترب اني ماخليه ماريد
محمد- وكفت صرت اعصاب ضربتها وراشدي كل قوتي خدها انطبع خزرتها ادبسس شنو قصدج بالي تسوي تستغلين طيبته
اسامه- لا عمي فدوه لعينك اريج مرتي ومحد اله حق يمد ايده عليها
اريج- اول مره يضربني الالم جان بكلبي اكثر من ما على وجهي
اسامه- تقرب يريد يضربها بعد جريتها امشي اريج جريتها من ايدها اخذتها ورحت للبيت امشي واباوعلها كلشي محجت هادءه عبالك ميته وجهه احمر كبل صعدت فوك صعدت وراها كعدت عالجربايه تريد تنزع حجابها جلب الدنبوس جرته قوي للحجاب تشخط خدها
اريج- اي اي  كعدت ابجي
اسامه- هاي شبيج على كيفج بعدته علىً كيفي  ضلت تبجي اباوع لخدها اثر اصابع عمي وشخط الدنبوس كملها صار بوجهه كم قطره دم اخذت كنينس مسحتها على كيفي كعدت كدامها مسحت دموعها تبجي بهدوء --- اريج كافي تنهدت لعد ليش ذبيتها براسج  لزمت ايدها تلمستها اني اسف من ورايه تحسرت
اريج- خلي بابا يشوفني مطعجه وانت مدللني لان تحبني وتخاف تاذيني راح يفرح بعلاقتنا ولا يشوفك متكدر تتقرب مني لان امو بكلبك غيري ومتحبني وهالشي حياذي اكثر حيحس بعذاب الضمير احاجي واباوع لصوره بابا اللي بالمرايه
اسامه- هلكد تحبي
- اكثر من روحي مسحت دموعي وفتت للحمام غسلت وجهي وكعدت اقره

اسامه دااحس فوضى وحطام بداخلي رنا الانسانه الوحيده التفهمني وافهمها حتعوفني مستحيل اضحي بيها مستحيل نزلت كعدت بالهول نهى تباوعني وتدير وجهه عبالها زعلان -- نهاوي شبيج حبيبي تره مزعلان منج تقرب مني حضنتها وبستها من راسها يله رجعي اقري
اسامه- بقيت افكر بالصار  تذكرت حجايه عمي بت عمك ستر وغطا عليك سمعتها نزلت من عالدرج طبت للهول---
اريج- هلو نهى
نهى- هلو اروجه ابتسمت عزه بعينج هاي شبي وجج
اريج- مابي شي وكعت من الجربايه
نهى- كبر هههه
اريج- جبتلج قميص يخبل طلع زغير عليه
نهى- خوش بس خل اسال ماما 
اريج- براحتج باوعت لاسامه يباوعلي ويعز رجله ----شنو
اسامه- سوينا جاي وكليجه امي طلعت لبيت خالتي
اريج-خوش باسم لعد وين
باسم- هياتني اروجه تعاي لحكيلي دازين
اريج- لك هااا اوكف خل اخلي القوري عالنار عدي الك اخبار بشده
باسم- لا بربج تعاي يمعوده بيدي الموس حكتل روحي
اسامه- عكدت حاجبي علاقتهم متطوره --- انت مودتزين شرايد منها كمل وتعال
-لا حتى تاخذ ركبتي فد مره
-باوعت لاريج دتروح تعاي وين
- داسويله ركبته شبيك مسمعته
-ها عادي يعني
- اي جنت اسويها لبابا وباسم اخويه
-تعرفين تسويها
- اي عفته ورحت يم باسم---- عيني استاذ ناطي رقمك لاماسي متستحي هه اصلا هي عدها رقمك خامطته مني وجانت تنتضر منك تنطيها
انت
باسم- خجلت بربج اريج باعي لتتهورين الموس بيدج تروحين تذبحيني
اريج- لا ههه لتخاف بس اختي لتضوجها تره اموتك
باسم-ولج اماسي روحي بهالدنيا اموت عليها
-ولك بعدك صغير وهي اكبر منك بشهرين
- وشنو يعني حتى لو عادي اي شكلتلك
- مكالت شي كالت نطاني رقمه واني حركته
- ايا بت ال--- العم شبيج حتكتليني
اريج- تحبها ولك
-اي اموت عليها
-هي هم يمكن معجبه بس بعدكم نونو
-والله كومه عدي فلوس يم عمي وهسه عمري ١٨
من اتخرج اتزوج
- الله كريم هسه تريد تكمل وانتو ثنيناتكم سادس ديرو بالكم
- الله كريم طب اسامه علينا
- اسامه- اباوعها باوعت لايدها من تمشيها على ركبته معجبتني ابد صرت نار خزرت باسم
- باسم- هاهي اريج شكرا روحي
-دوكف شبيك بعد منا يم  اذنك وركبتك
-ديكولج كافي شنو هي كووه خزرتها وصحت بيها
-فزيت من صيح نصيت ورحت للمطبخ
كعدت اسولف وي نهى اجه باسم كعدنا نقشب عالعشيره شوي واجه باسم
باسم- خو هاي بت عمج مربيتلي عله بشاربها متوحمه برجال امها
اريج- اسكت وخليها النوبه امها عمتي تبسمرني تكولي اني بنتي ماخليها تحف لحد متتزوج معوده دخليها تحف بلكن يشوفوها بنيه عبالهم ولد
اسامه- ليش احجون عالعالم
باسم- يمعود يبطون الفاد ويسوون واهس واحد يلزمهم اكس مربع
اريج- والله صح وذيج الله جنها زيتونه مرت بباي طويله وضعيفه جنها اسبكتي خابصتني واني احب الرشاقه واحب الرشاقه وتكولي عفيه ضعفي شويه محلو هيج واني الثوله صدكت رجعت من بيتهم سويت رجيم وبابا يركض ورايه بالماعون
باسم- خهههههه خرب يومج
اريج- والله العضيم باوعت لاسامه كاتم الضحكه وجهه صار احمر يباوعلي من دااصنف  درت وجهي
نهى- لا اني اضوج منهاي هبه عبالك اله من تتحرك
اريج- خليت ايدي على وجهي عزززه بعيني هاي اسميها الرجل الخشبي لك باسم فدوه دتزوجها دنشبع ونسه هنا
اسامه- ههههههه خرب بلليسج
باسم- ليش يابه توكعيها براسي انطيها لرجلج
اريج- اووف كون اماسي هنا وتقلد عليهم المشكله يتفيكن لو ميتقيكون ماجيب طاريهم
اسامه- همه مغرورات كلش يدورون مضاهر باوعتلها ضلت تباوعلي متعجبه  يمكن لان اندمجت وياهم بالموضوع