رواية ادم وليان الفصل التاسع 9 - بقلم منال عباس

البلد كلها بتتكلم.

البرامج بتلمّح…

والصحف بتسأل من غير ما تذكر اسم.

حسام الدهبي لأول مرة يتحط تحت ضغط حقيقي.

لكن آدم كان عارف…

النوع ده من الرجالة ما بيخسرش بسهولة.

📱 موبايل ليان يرن.

رقم غريب.

ليان:ألو؟

صوت راجل رسمي: مدام ليان حسن السيوفي؟

حضرتك مطلوبة للتحقيق في قضية تحويلات مالية قديمة باسم والدك.

الدم ينسحب من وشها.

آدم ياخد الموبايل: أي تحقيق؟

الراجل: بلاغ جديد اتقدّم الصبح.

وفيه مستندات بتشير لتورط مباشر.

المكالمة تنتهي.

عماد يضرب بإيده على الترابيزة: الدهبي بيرد.

فارس: مش علينا…

عليها.

ليان تقف مستقيمة رغم الصدمة:

هو عايز يخوفني…

أو يخليني أضغط عليكم.

آدم يقرب منها:مش هتروحي لوحدك.

ليان تبص له بثبات: لا.

أنا هروح.بقلم منال عباس

لأن لو هربت… يبقى هو كسب.

ـــــــــــــــــــــــ

📍 مكتب حسام الدهبي – نفس الوقت

الدهبي قاعد بهدوء.

مساعده:

فتحنا بلاغ قديم باسم شركة أبوها.

الإعلام هيتشتت.

الدهبي بابتسامة سياسية باردة: اللعبة مش إنك تكسب…

اللعبة إنك تخلّي خصمك يدافع بدل ما يهاجم.

المساعد:

ولو التحقيق وصل لحاجات مش محسوبة؟

الدهبي يرد بثقة: أنا دايمًا بحسب كل حاجة.

ـــــــــــــــــــــــ

📍 أمام النيابة

الكاميرات واقفة.

الصحفيين بيتحركوا.

ليان نازلة من العربية جنب آدم.

رافعين راسهم.

أحد الصحفيين يسأل: هل صحيح إن اسمك مرتبط بتحويلات مشبوهة؟

ليان ترد بثبات: لو في ورق… نواجهه بالقانون.

إحنا مش بنستخبى.

التصريح ينتشر في لحظات.

ـــــــــــــــــــــــ

جوه المكتب…

المحقق يقلب في الملفات.

المحقق: التحويلات دي حصلت بعد اختفاء والدك بشهرين.

إمضاؤه موجود.

ليان تبص في الورق…

وتتجمد.

الإمضاء…

مش إمضاء أبوها.

ليان بهدوء مفاجئ:

ده توقيع متزور.

المحقق يرفع عينه:

عندك دليل؟

آدم يمد ملف: نسخة من توقيعه الأصلي في عقود قديمة.

الفرق واضح.

المحقق يبدأ يقارن.

الفرق فعلًا ظاهر.

المحقق: لو ثبت التزوير… البلاغ يتحول على اللي قدّمه.

ليان و آدم يتبادلوا نظرة.

يعني…

الضربة ارتدت.

ـــــــــــــــــــــــ

📱 في نفس اللحظة

مروة شريف تنزل خبر عاجل:

“مصادر قانونية: شبهات تزوير في البلاغ المقدم ضد ليان السيوفي… وتحقيقات موسعة قادمة.”

الضغط يتضاعف على الدهبي.بقلم منال عباس

ـــــــــــــــــــــــ

📍 مكتب الدهبي

المساعد بقلق:

في مقارنة توقيعات اتعملت…

الوضع بيتقلب.

الدهبي لأول مرة ملامحه تتغير نص درجة.

الدهبي بهدوء أخطر: يبقى نستخدم الورقة الأخيرة.

المساعد:تقصد فارس؟

الدهبي:

لا…أقصد ....

ـــــــــــــــــــــــ

🔥

الدهبي يضحك بسخرية باردة:

لا… أقصد الملفات اللي عند حسن السيوفي. واللى دلوقتي في أيدين ابنه ادم

لو وصلت للصحافة… اللعبة كلها تنهار.بس دا عشم ابليس فى الجنه

🚗 خارج المكتب

آدم وعماد وفارس قاعدين جنب ليان في عربية.

ليان ماسكة الملفات القديمة:

الدهبي واضح إنه هيحاول يضغط بالقوة…

لكن الورق ده يحمي حقوقنا.

فارس يرفع نظره:

إحنا مش هنسكت.

لو دهبي عايز يلعب، يبقى نلعب ذكاء مش عنف.

آدم:

المهم نثبت كل حاجة قبل ما يتحرك.

عماد:

مستعدين نطلق الضربة الصح؟

ليان بابتسامة حادة:

أيوه… نحط كل الأوراق قدام الجهات الصحفية والقانونية مرة واحدة.

ـــــــــــــــــــــــ

📍 اليوم التالي – مؤتمر صحفي

الصحافة كلها موجودة.

ليان و آدام واقفين جنب بعض، فارس وراهم كدعم.

ليان تمسك الميكروفون:

البلاغ اللي اتقدّم ضدي فيه مستندات مزورة…

وأنا هثبت الحقيقة كاملة قدام القضاء والرأي العام.

آدم يمد الملفات للمحققين الصحفيين.

عماد يراقب حسام الدهبي من بعيد…

وشه مليان غضب.

الدهبي جالس في مكتبه، بيشوف البث المباشر.بقلم روايات منال عباس

ابتسامته بتتجمد نص درجة.

مروة شريف تنزل تقرير عاجل على الهواء:

“الوثائق تؤكد وجود تزوير في البلاغ ضد ليان السيوفي… والتحقيقات الرسمية بدأت.”

ـــــــــــــــــــــــ

📍 مكتب الدهبي

المساعد بقلق:

الضغط بدأ… لو الأوراق وصلت للصحافة… الوضع خارج السيطرة.

الدهبي يقف فجأة:

يبقى نلعب آخر ورقة.

المساعد:

وهديتها دي؟

الدهبي بنبرة هادئة ومرعبة:

لا… آخر ورقة… فارس.

المشهد يتوقف على لحظة صمت قاتل.

الكل يعرف إن الضربة القادمة مش قانونية…

دهبي مستعد يحرك شخصيًا لإيقافهم.