رواية أفلا تغفري الفصل العاشر 10 - بقلم مريم السعدي

بارت ١٠

#افلا_تغفري

#مريم_السعدي

.
.

ايسر....
جنت اتعب واكول تستاهل التعب ميخالف حتى من اكبر ارتاح اتلفت عالممرات مال سوبر ماركت وروحي اختنكت يعني بالتالي يصير الها

وشلت وركعت بالرفوف فلشتها العالم ضلو صافنين الشرايه والباعه والبنلاكدش اعصابي فلتتت مني

نور وغيابها وابويه وسوايته وفضيحتنا انتهييت خلللص انتهييت فلشت السوبر ماركت ووكفوني الولد كوه ونزلت طاير رحت لبيت ابويه دكيت الباب كومه طلعت مرت ابويه

ابتعدت عني خايفه الظاهر جان شكلي متوحش بصياحي وعياطي طلعو سلوى ورضوى كالت

- شبييك متكولي
- ابووويه وووين رجلج وين اليوم البيت احركه

- طالع للنجف صاحبه متوفي
- من عساه طالع لدفنتج انتي شنوووو وباء سرطااان اخطبوط كوش على كلشي صاحت سلوى

- انت هييي احترم نفسك

واكمز عليهاا خنكتهاا بكل قوتي وصياح رضوى وامها فكني واصيح
- كله منج انتي هدمتي حياتنا بايدج كلله منج كتلج لتحجين تالي رحتي حجيتي يا جلللبه

كوه فكوني منها وصيحت تكح
- هاهي العين بالعين والسن بالسن خليها مكابلتك مثل الارامل خليها تكطع شوكها بيدها اني سكتت هواي لخاطر ماما وعمو بس هاهي بعدددد ويطببها طوب

رجعت اريد اكمز عليها املخها ابرد كلبي دفعتني مرت ابويه ورضوى ليبره صحت
- بيت مال ----
مرت ابويه كالت
- بيك خير روح دير بالك على بيتك اشرف من بيتك بيتي
- لا واللله ههه انتي متدرين انتي كلشي متدرين والله لا افضحكم فضيحه بسيطه

فقدت اصيح واعصابي تلف واهدد بيها افضحهم والمح عيونها من بعيد ميته بجي سكتت واني اباوعلها بغضب الصار عدي ارتطام الحقيقه والواقع سوه

اني هالفتره كلها مجنت احلم هاي حقيقه واصدق شي بحياتي واكف كدامي منهار يمكن مثل انهياري واكثر تذكرت قبل فتره تخابرني وتراسل تتوسل احاجيها واني مارد بقيت ساكت ومرت ابويه تحجي

- امشي اطلع من بيتي

سكتت وعيوني ورايه هديت واني اباوع خصلات شعرها عركانه لازكه بوجهه من العرك والبجي والانهيار ضعفانه حيل وتعبان وجهه مثلي ابتعدت عنهم واني العن واسب كالت

- علويش كاتل نفسك عالاسواق تره هذا دين ابو سلوى وديرجعه ابوك تره مماخذين شي منكم هذا حقنا وديرجعه ابوك ذابح نفسك عالفلوس

مكدرت اسمع بعد كذب صعدت للسياره واني اتحلف
اله افضحكم

طلعت ورجعت لبيتنا وحلفت للسوبر ماركت مالي علاقه بعد طبيت كبل لغرفتي

رضوى.....
بعيونه قريت كل الحب من شافها وهدأ
حب بعصبيه
بالم وحقد
ملكيت غيرها منفذ لاخويه اللي دا اخسره هاي الفتره المرينا بيها من تعب

سلوى و دلشاد الراد يموت بسببها ومتركها رغم كلشي يكولها لتخافين متصيرين لغيري وماعوفج

والدتي الصارت تخاف منهم كلش ومن اللي ديخططوله وتكول ابقى مره واخاف منهم عدي بنات

اني ودراستي والاصعب من هذا كله نورر
اكثر وحده دفعت الثمن اكثر وحده تاذت ليل ونهار تبجي وتباوع لتلفونها اني وسلوى حاولنا نطلعه من بالها مكدرت

تمرضت لدرجه متكدر توكف صخونه والم ومحد يدري البيها غيري اني وسلوى ونخاف نحجي لماما ليش هيج دتعاني بعد هالمواقف الصارت يمكن تملخها

ضعفت حيل كام تكضيها بس نوم وتشرب مي رسبت بالامتحانات بدرسين وتخبلت امي تعاركت وياها

انهارت بيومها تدعي على روحها بالموت وترجع ليوره

ايسر.....
كلبي واجعني اريد ااذيهم نفس مااذوني جتي امي يمي واني صافن تلمست وجهي غمضت عيني واهز رجلي بعصبيه كالت

- ماما لتنقهر طز بالاسوا ق اصلا انت الموكفه هسه تشوف شون يغدي وراك

جريت نفس ودرت ضهري الها محد يدري شكد تعبت اله
- لحد يحجي بيها اسكتوووو بلكن الله انام وبعد مااكعد كالت
- اسم الله عليك .. ماما اريد افرح بيكم
فكيت عيني توني اصيح عليها وكالت

- اخاف اموت وممزوجه واحد بيكم
مجاوبت صفنت كتلها
- اني اريد وحده كالت

- وبت خالك شون
- ههه اريد وحده انتقم منها بيهم

صفنت عبالها اقصد سلوى بقت صافنه عليه بخوف جريت نفس طلعت التلفون طلعتلها الصور
- باعي يوم هاي بنت اختها هي ربتها مثل بناتها

امي تكلب صافنه وتجر نفس باوعتلي كالت
- اذا طببتها هنا اني اطلع
دخل اخذها اطيح حضها وابرد كلبي بفضيحتنا بيها
- خو افضحها الها

صفنت عليها كالت
- خو روح كوللها اني بنت اختج تربايتج ماخذها وخليها تتلاطم افضحها وشوفلها الصور تحبك البنيه
- اي
- متعلقه بيك

- اي
- وتزوج غيرها وشوف شيصير بيها

فكيت عيني بلعت ريك خوف وانتقام وحقد ونزلت كفه انتقامي هزيت راسي لزمت الفون دورت دورت رقمها بالفايبر جانت تدزلي الطلبات عليه واني والشيطان بذيج اللحظه تخاوينا وامي ويانا لزمت شكو صوره عدنا سوه دزيتها لخالتها وحده وره اللخ واخر حجايه كتبت

- روحي فحصي بنت اختج شوفيها بنيه لو لا وكولي لابوها يلزمها والله لاافضحكم فضيحه

شوي ودك التلفون مرت ابويه رديت مبتسم ونفس الوكت خايف مثل اللي انتقم وخايف من اللي انتقم منه بس اني هسه خايف على نور

رديت
- الوو
- ايسر تعال للبيت داحاجيك وشتريد حاضره

كالتها بهدوء جاوبت
- السوبر ماركت يرجع

كالت
- سهله يرجع تعال نتفاهم

شوي ورحت لبيتهم استقبلتني بهدوء واني متشفي عيونها جانت مبينه عليها باجيه جنت اثأر بكل نظره منها الي كالت
- شون هيج تسوي

- ششش لتدوخيني ابويه يجي تحاجي باسلوبج هذا الحلو الخليتي بي يكتب باسم المصون بيت وباسمج السوبر ماركت تخلي يرجع السوبر ماركت

- جاوبني بس نور شنو الصار وياها بينك وبينها وهاهي التريده يصير

بقيت اباوع بعينها وايدها الترجف وتذكرت من بستها ومن حضنتني كل لحظه وياها تذكرتها غمضت رجف جفن عينها هزيت راسي بالرفض

- لا مماخذها مضاحك عليها لتخافين اني مومثلج

جرت نفس وارتجت كالت
- خلي الموضوع سر بيناتنا هاي بنيه ايسر ومالها علاقه بالديصير بيننا هاي يتيمه مالها ذنب بهوستنا

- هههه وليش اسكت ليش انتو سكتوا من توسلت بيكم متحجون تالي الجلبه راحت كالت لرجلها

- اختك مكعدت
- اااني طلبت منكم توسلت بيكم
- والله مجنت ادري من دزتها اخذت رقمه بالليل من تلفون ابوك ودزتله الصور لان عبالها دلشاد انقتل وعقل مضل براسها بس رادت تنتقم اني لو ادري ماخليها لان تبقى اخت رضوى واليمسها يمس رضوى

- هااا هه المهم اني اذا اسكت اريد ثمن اريد الاسواق ترجع مالج حق بيها الاسواق ترجع باسمي واسم قيصر متنسحب الوكاله وحتى بيت قنادر سلوى كالت

- ابو سلوى جان يطلب ابوك مبلغ جبير ومن توفى مسدده اله كام يسدد باقساط ويجيبها الي بعدها صار زواجنا وكتله ماريد ابوك ديحس روحه موزين يوميه بالليل وجع يصير عده بكلبه كال ابو سلوى يطلبني فسجل البيت باسم سلوى توفيه دين والسوبر ماركت باسمي حتى يضمن حق رضوى منكم لان خاف منكم خاف يصير بي شي وانتو تاذوها

بقيت صافن كتلها
- السوبر ماركت يرجع وكفت شلت سويجي وفوني باوعتلها مبتسم

- عود دير بالج على تربيتج خابصتنا بيها
نصت راسها منكسره
- عدي صور اذا اشوفها الج احتمال تشيلين من المنطقه كلها وشكد حلو لو شافها ابوها
التفتت مخترعه
- دخيلك ابوها ليشوفها دخيلك شتريد حاضره انطيك ذهبي
ابتسمت من كلبي
- لعد السوبر ماركت يرجع

رجعت للبيت حجيت لامي وضحكنا وحجيت لقيصر تشمت بيها سنا جانت كاعده شاركتنا بهالانتصار بس قيصر نبهني كال

- ابوها ليدري انت ردت تنتقهم من خالتها مومنها
- لا شعليه بيها
- يعني انت مجنت تحبها كل حبك كان علمود تكسر راس خالتها
جريت نفس
- ااي لابابا شحب منهم ذوله امي كالت

- يمه الباجر نتقدم لبت خالك
صفنت على امي كالت
- اي تزوج واكسر خشومهم والحنه مال ولد سويها ببيتهم مو بيت ابوك

لزمت راسي وعفتهم ورحت للغرفه لليل خابر ابويه كال تعالي للبيت
ورحتله جنت كل مااروح بيه خوف لااشوفها جان كاعد بالحديقه ومرته يمه كعدت واني ساكت سلام مسلمت ابويه كال

- بابا ليش هيج مسوي بالسوبر ماركت

مجاوبت بقيت اباوع بوجهه بحقد كال
- احاجيك جاووب
- لان ضيعت كل تعبي بي
كلتها بهدوء ونظرة الحقد على وجهي خلت ملامحه تتغير كال

- شتريد انت
- اريد حقي السوبر ماركت تعبي

- بابا هذا ضمان لاختك اني كمت اخاف منكم

هزيت راسي ميهم السوبر ماركت اريده مرته بصفه تتوسل بي ماريده خليلها بيت صغير هذا البيت الكاعدين بي كافي

ابويه يباوعلي حاير الظاهر صار ميعرفني ولا يحزرني هو اني نفسي ماعرف روحي ومااحزرها

كال
- ارجع الوكاله بسيطه بس توكف بي

هزيت راسي اوك
- واذا صار عليه شي مرتي وبنتي انت المسوول لتعوفهم

بقيت اباوعله بحقد
كال
- امانه عدك ذووله
اباوع لوجه مرت ابويه ماتت بجي وفات ابويه للبيت كمت اني كالت متوسله

- ايسر عليك القران لتفضحها لتكول لابوها والله يموتها هاي السوبر ماركت رجع الكم هسه يخابر المحامي والله

- اي زين
طلعت وعيوني التفتت على المطبخ بس ملكيت حتى خيالها الجان يراقب من اجي رجعت للبيت حجيتها بنصر

- رجع المال لاصحابه الحقيقيون

امي كيفت وحتى قيصر وسنا واني مدري شبيه روحي تلوب امي كملتها كالت
- خابرت خالك كتله باجر جايين على زينب نخطبها

الصار عدي صار كلشي عادي ولا عبالك اني اللي راح اقترن بيها واتزوجها هزيت راسي اي وطبيت للغرفه ب٢ بالليل دك تلفوني جنت كاعد اصلا كمت مانام

باوعت رضوى رديت
- ها
جان صوتها رايح من البجي وتردد
- ليش مو جنت تحبها ليش هيج تسوي بيها تعال شوفها نايمه مستشفى ومحد يدري علتها
سكتت كالت
- مراح تتهنه بحياتك ولا ترتاح

- ابوها دره
- لا بس ماما شوفتها الصور وكلامك وتهديدك وانهارت ليش بس كولي هي شعليها يتيمه ليش تاذيها

سديت التلفون منها ولزمت راسي
- رقم ابوها عدي جان يخابرني يكولي وصلت نور لو لا بوكت الانفجارت من تصير

من كد ما حتى اني معرفت روحي طبيت لرقم ابوها عالفايبر اتاكد داز الصور اله لو لا خاف دازها بدون ماحس لا الحمد لله ميدري

حسيت روحي بدون كلب واحساس وثاني يوم رحنا بيت خالي خطبنا زينب وتحدد موعد مهر يوم الخميس والخميس الوراه العرس

كل هاي واني ملتقيت بزينب الحجي كان بيني وبين خالي وقيصر واني متاكد زينب مكيفه لان مرفضت جانت خجوله وهادئه وابد متخلي عينها بعيني فقيره حيل ووجهه حزين من الفگر العايشين بي وضعيفه حيل ووجهه اصفر ومذبل جنت من اشوفها اشبع قهر طلعنا وخابرت ابويه حجيتله كالي عالخير ---

اتفقنا على موعد المشيه واني مكوك عبالك احس روحي دااخطب لقيصر مو لنفسي اغلب الاوقات اكضيها نايم تعبان كلش ومااشبع نوم ومن انام احس روحي منايم لو شكد مانام ودومها بتفكيري شسوت بيها خالتها شكللتلها شكالولها.
كرهتني؟؟
اكيد
زين صار بظنها انه اني تقربت منها علمود الانتقام؟

لو جنت بمكانها افكر هيج

غمضت عيني ونفضت راسي دنيا ومكضيه
اميي!!!
اخ ياامي
امي الكضت حياتها بصفنه ودمعه وعتب وغضب

هالايام طايره من الفرح وبس تبوس بيه
جانت تنقهر على حاله خالها الماعدها غيره من الاهل بقو جانت تتمنى تساعده وهو ميقبل مساعده من احد حتى ام البنيه مرت خال امي شكد جانت تنطيها امي فلوس وهي متقبل

تكولها خالج ميقبل رغم هو بكد امي بالعمر بس تحسه تعبان ومريض من الفقر والعازه عماله المسكين يشتغل حتى عد ابويه مقبل يشتغل

عدهم عزه نفس وكرامه رهيبه

صار المهر وابويه جهزني من الالف للياء جنت اتطلب بشغلات مالها داعي وجان يلبي
بتدلل من عيوني ويجرالك

اقترح عليه اطلع بيت وحد كال

هاي امك حتلعب طوبه بحياتك

واني رفضت رفض قااطع

- يابه امي من كدما شوفتها الدنيا ضيم ومرحمتها هيج جانت رد فعلها لعد متزوج ولاعب بيها جوله وهاجرها وتريدها انسانه اعتياديه هو احنا شخطنا من وراك شهر هنا والسنه كلها بره يابه الابوه مو بس كت فلوس اكثر وحده تضررت بينا
سنا وهاي النتيجه

- اسكت لك اسكت لا اني اول ولا اخر واحد يتزوج بس امك لاذمه ولاضمير ماريد احجي تبقى امكم ومره ثانيه لتحملني ذنب اختك اختك ذنبها تربايه امها الزفره
كدامي جان تكوللها بالعرس نزعي بس بالشارع لبسي للحجاب عدها المظاهر اهم شي وداخل الانسان خلي مضموم بي بلاوي وحقد وكره ونكاسه المهم عدها محد يشوف داخلها مثلها بالضبط كدام الناس شي وبداخلها شي لاخ

ايسر....
سكتت ماعرف شكوله ومدااكدر اعترف بالغلط مدااكدر احمل نفسي غلطها واذيتها وطلاكها ولااكدر احمل امي فوك همها ذنب سنا

اشتريت الذهب كيلو الا شوي الغرفه من مصر وصيتها ورممنا البيت ومصارله سنه من رممناه بس هيج بحلكي ولا بحلك اخويه الفلوس النا ولا تصير لبيت الثاني

حتى ملابس البنيه جانت ماركات يعني جننا نصرف بله وعي مع العلم البنيه غير متطلبه ابد. جانت بس ساكته. واني جنت وياهم بالمسواك. مال هدوم واني وسنا اللي متركتها بعد ذاك اليوم دقيقه اخاف اي اخاف منها

طلعنا اني وامي وسنا دنباوع عالهدوم وعفنا زينب وامها يكدرون اني بالي بغير مكان تماما والله كل ثوب الاشوفه اتخيله عليها شلون يتربع وهي نعومه ومربربه مثل ماكلبي يحب

انسى انسى وتصير سوالف وبعدني متلذذ بنظره مرت ابويه المكسوره وتوسلها امي طلعتني من تفكيري من كالت
- يمه شوفهم كملو

طبيت شفتهم سوه بالمنزع توني اصيح
خاله كملتو

سمعتها تنتر ببنتها

- بس انجبي والله العظيم اذا حس عليج لا اخنكج واموتج بيدي تموتين عالفكر بت الفكر باع الهدوم باع شجابولج لج بحياتج مشايفه هيج هدوم مو محطوطه على جسمج يعوبه

جاوبتها بقهر وصوتها مليان الم
- ماما اني كل الفلوس متهمني المهم انسان احبه ويحبني من عساني ميته قبل ليدخل عليه ويلمسني

ايسر....
جمدت بمكاني هاي متحبني تكرهني اني شمسويلها طلعت مكدرت ابقى طبت امي صاحتهم واني اراقب عيونها الذبلانه شاورت امي

- البنيه مجبوره شنو
ارتبكت امي كالت

- لالا اصلا مكيفه تعاي يمه زنوبه امشي وي خطيبج تتعرفين عليه

مقبلت ونصت راسها بخجل فهمت البيها خجل وكره الي متوقعه مني التكبر والغرور لان متريش رجعنا ومر الاسبوع شلون مادري عقدت بله حفله لان الحفله مال عرس قاعه والحنه مال ولد بيت ابويه الثاني امي الاشترطت ومن كتله لابويه لكيته مرحب بالموضوع اني كل الردته ااذي مرته واحرك كلبها ببنت اختها بس متروس خوف من عيونها اذا صارت بعيوني

وصارت الحنه والهوسه ببيتهم بالطرمه والحديقه والاستقبال اندمرت وابويه طاير قيصر جان يباوعلي يقراني احسه

قيصر : متاكد من قرارك
ايسر : فات الاوان تره باجر الزفه
قبصر : ممتندم
ايسر : لاعادي
جريت نفس
كلشي عادي

احجي واتلفت عالشبابيك مال بيت عسى ولعل المحها ونفس الاتمنى خوف بكده بالضبط
.
.

.
..
.
.
.
.
.
.
ن.
.
يتبع