رواية أفلا تغفري الفصل الخامس عشر 15 - بقلم مريم السعدي

بارت ١٥
.
.
#افلا_تغفري
.
.
.
#مريم_السعدي
.
.
.
اسعد الله اوقاتكم بكل خير
.
.
.
.

ايسر....
بعد ما ضربني براسي ورحت بغير عالم
محسيت اله واني حكه بجسمي رهيبه فكيت عيني كوه مدبكه ..
ايدي مااكدر اشيلها
حسيت احد يسحل بيه ويتنهد
من ركزت زين رجال عجوز هذا

ورجعت اغمى عليه بعدها حسيت بالم قوي باطرافي وراسي والريحه مال ديتول تذبح فكيت عيني شفته ديمسح بوصله مرطبه بجسمي

مااكدر احجي
وره فتره حسيت برطوبه بحلكي وحلاه
اختنكت كحيت ورجعت شربته بلهفه ريكي نااشف

جفني يابس
وعيني وارمه
واطرافي اماكن الاظافر مورمه احسها
وحراره وره فتره سمعت يحجي وي احد
كال

- لكيت الجريديه ناهشه بلحمه وهو بي روح كضيته وجبته ليجاي فد يطيب اشوفن وين اهلو

رجعت غمضت والم بفخذي قوي كتفي واظفري مال رجلي والافضع ررراسي هناك ركزت

جماعتي وين
اني صارلي كم يوم هنا
اهلي شنو حالهم هسه

اريد اتحرك مااكدر حسيت بابره بالعضله
فكيت عيني بالكوه صوت رجال كال

- واعي ابني دتسمعني
اشرت بجفني كال
- حمد الله عسلامتك تكدر تحجي اهلك منو اسمك شنو رقم تلفون اي شي منين انت

مكدرت احجي
- جر نفس كال ارتاح ابني ارتاح

رجعت نمت حسيت شي دافي بحلكي تلهفت واكلته ارتاحيت حيل ورجعت نمت

احس امعائي تتقلص وتفك الالم فضيع مرت كم يوم ومره الصبح صار بعيني ضوه الشمس فكيتها براحه بس هم مو كلها مدا اكدر شفت الرجال قرب وجهه عليه بي ريحه خرفان كال مبتسم

- حمد الله عالسلامه وليدي بيك شده تكوم
همست
- رجلي
- ههههه عمي دكول يا الله
الله ستر وماصارلك شي ولحكنا عليك الفضل لله

- جماعتي عمي
كلت وصوتي يخرخش كوه احجي
- ادعيلهم بالرحمه ذولي شهداء
- ثلاثتهم
- لافد اثنين لكينا
غمضت عيني

- عمي هلك وين تلفون شي اسمك
غمضت قوي راسي حيطك جاوبت كوه
- رقم قيصر دكه وطلع مغلق
- مغلق هاذ
تنهدت تذكرت رقمها

نوبات الظروف هي تلفك وتوديك لمكان حالف متردله بس كلبك دليلك والقدر يساعد ويمكن دعاء امي ووكفتي وي ابويه وابتعادي عن المكسرات شكد بقينا بتركيا شكد لحو الولد بارات ومكسرات مكدرت لعبت نفسي احس روحي محصصن غمضت عيني ورديت رقمها ردت بصوت تعبان

- الو
- الو بويه سلام عليكم

كاللها الرجال كالت
- اهلا منو
- بويه وليدكم عدنا
همست كولها ايسر

- ها يكول ايسر اسمو ايسر
سمعت صرختها
- عااايش وبجت عاايش حجي عاايش

- اي يابا عايش والله هههه الله لايشوفكم مكروه
- عمي وينه بس سمعني صوته
قرب السماعه يم حلكي همست كوه

- نور
بجت وتصرخ

- خااله خااله ايسر حييي
واسمع صياح رضوى ومرت ابويه ودموعي جرت سمعت قيصر صاح بس جيبيييي التلفووون جيبي هيج هيج منكم

صرخ
- الووو اخذه الحجي كال ها بويه وياك اخافن ينكطع تره رصيدي خلص
عمي اني اتصل بيك بس اخويه اسمع صوته
هاذ هاذ هو وياك

هم قربه يم شفتي همست كوه

- قيصر مابيه شي بجه
- لك وينك وييينك وللك ايييسنا مننننك
صرخ ودموعي نزلت وياه كال
- بس كولي انت وين وينه الرجال الحاجانه

تفاهم وياه ودلاه عالبيت بيت الحجي مالته اسمع صريخ مرت ابويه تصيح رضووى ماما رضوى مبي شي هياته عايش

دموعي تجري شهكات نور وصياح قيصر كلسا
خلللل اسسسمع روحو كولو لابويه روحوو
رجعت غفيت مدااحس بروحي من اغفى مثل الاغماء واحس ريتي مقبطه احس بيها سائل وراسي احسه يخرخش بي مي عبالك كلسا يصعد المي للمريء واريد اتقيا ويرجع وجع بامعائي رهيب

حسيت وصله مبلله على راسي بروده ورجعت غفيت مادري اليوم شنو وشكد بالشهرر وصارلي شكد مشمور

وره فتره حسيت واحد حضنني ويبجي على صدري توجعت وكحيت رخه حضنه همس ويشهك
- ايسر حبيبي واعي

- قيصر
- اي ياخويه اي كوم ويايه كوم ماضل حيل بيه كوم كوي روحك

- مااكدر قيصر
جبرني اكوم واذب من راسي دم على حاله بس بعدها صحصحت ابتعد قيصر صافن عالدم برعب باوعتله كوه افك عيني واسدها واجه وياه صادق شالوني ودوني للسياره ليوره ورجعو للرجال داباوعهم من الشباك مال سياره نطو فلوس لحد الان اذكرها صفطه ورق وهو تعذر ميقبل وقيصر باس راسه يله اخذها ورجعوا للسياره شنو طاير بالسياره جان مألف قليل وكلسا صادق اسمعه
علكيفك لتكلبنا

ويكوله
- الوضع يخوف اخويه طالع من حلك الموت شكله معاحبني ابد

نمت محسيت بروحي حسيت ديشيلوني فكيت عيني نايم على سديه وتحركت سريع هاي مستشفى بروده كبت بوجهي وصوت قيصر يحجي الحاله وسمعته كال
صارله ١٥ يوم مخطوف قبل اسبوع لكو عالزبل وديتقيا دم

طلبو تحليلات كامله احس نغزه الابره من تفوت وبعدها غبت عن وعيي اغيب وارجع ابويه رضوى تبوس بيدي وتبجي حبيبتي منتهيه صايره ضعيفه كلش ووجهه تعبان نصت على كتفي تبجي همست باذنها

- رضاوي
زادت بشهكتها وبجيها رجعت غفيت بعدها حسيت بعصرة ايدي فتحت عيني ابويه يمي حلكه منعوج شوي من فكيت عيني ابتسم نصه على ايدي باسها ورجعها وعيونه تجري

حسيت وره فتره مداحس اكو سوائل بداخلي راسي حسيته فرغ راحه عجيبه فكيت عيني اني ببيت ابويه ورضوى نايمه بالجربايه

دك تلفونها فزت دتحجي غمضت عيني مالي قدره افتحها شفتها كامت فتحت كامره وجهتها عليه همست دتشوفي

ردت صوت نور وهي تبجي
- سوده عليه

همست بالموت يله كدرت احجي

- اريدج يمي محتاجج
جاوبت بلهفه وشهكت تبجي
- اي اجيك والله
غفيت مره لخ حسيت مدري شوكت رضوى عالجربايه
اللي بصفي نايمه رفعت جسمي بايدي والله كدرت دااكعد عدل دخت رجعت ارتجيت شوي اتوزان

عطشان ميت عطش الكانونه بيدي ويمي مغذي ديكطر بيدي فصلته على كيف اريد افوت حمام وكفت كوه دخت وتلمست الحايط حدما وصلت لحمام غرفتها طبيت من داحاول انزع شفت روحي لابس حفاض تخبلت الاشوي ذبيت شمرته وكعدت عالغربي اريد اتوازن اتذكر شصار وتذكرت شغله شغله

قتلوهم لان قاوموا واني ورشيد صاحبي مناقشنا بس من دننهزم ضربونها ملخونا ضرب لحد الان احس بالالم من اتذكر رشيد حي الحجي كلي صاحبك حي بس هو بقه والاثنين البقيه كدامنا قتلوهم عالهويه
يمكن جنص طلعت من صنفهم للاسف صار القتل عالهويه

كمت على كيفي نزعت اريد اسبح وانصدم بمنضر جسمي عبالك ماكول بطني عبالك عضه بيها افخاذي اماكن عبالك ماكول منها شي بشع وكفت جوه الدوش مكدرت توازني اختتل كعدت بالبانيو سبحت بالدوش ماكو هيج ارتاحيت بس راسي ياذيني مكدرت افركه مفتوح اثر ضربه السلاح الدم ينزل وي المي مني حتى اذني تذب دم حلكي من ابسق دم

والاماكن الماكول منها يمكن جلب عاضني جسمي كله مطكع غسلت وجهي بالعشر مرات وفرشت اسناني وطلعت اتنفس براحه حرت شلبس بقيت ببرنص رضوى

جان وردي وبي قصر بس عريض حيل من طلعت والدخان ورايه فزت رضوى من نومها وركضت لحضني وتبوس بيه

- ولج هه كوه واكف والله
- عمري انت ياروح اختك اكعد اكعد ارتاح اجيب من بابا هدوم واجي
- اي جيبي اي

جابت الهدوم وطلعت شوي وطب ابويه بالكرسي المتحرك ومرته تقربت مرت ابويه بوستني وبجت
هزيت راسي مبيه حيل احجي ابويه يباوعلي ويصعد ايده ليفوك ويحجي بلغه ممفهومه يقصد الحمد لله

طب قيصر ركض يمكن رضوى خابرته
شافني ابتسم وسجد بالكع

قهرني حيل نصيت راسي ابجي مكدرت عشت الموت لحظه بلحظه

قيصر كعد بصفي ومسح دموعه جر نفس وخله ايده على فخذي همس
- الف الحمد لله
هزيت راسي بتعب نحل جسمي كال
- شتحس روحك
- زين احس بس شوي كوم دااتمدد
- مااكو نوم كوووم كوم خل تشوفك شمس حتكطن يول

- مابيه قيصر والله

جرني بالكوه واخذني بالحديقه وجوي اهلي ورايه حسيت روحي قرقوز بقاني بالشمس وجابت رضوى عصير برتقال باوعت بعينه كلسا تريد تبجي وتنهزم

ضحكت عليها شوي وطبت حور وعلي و نسمه قيصر وياهم خافت مني استغربت ناسيتني مادري ردتها بس تجي دااحضنها شالها قيصر وخلاها بحضني حضنتها بهدوء بجت مستغربه همست

- عوفها براحتها.
حور يمي كلسا ومنصيه تدمع عينها اباوع للمه شكد حلوه مابيها نفاق وحقد.

- مدااكدر بعد قيصر اريد ارتاح كوم اخذني للفراش

تمددت باوعت لرضوى بصفي لزمت ايدها طلعو كاللها
رضوى تعاي

طلعت والتفتت عليه تباوع وسدت الباب مديت ايدي جوه المخده انام توني اغفه تحسست شي جوه المندر جريته ماشه بيها ورده فص نازكه بقيت صافن وين شايفها قبل هاي كلبتها وتذكرت هاي مال نور شميتها نفس عطر شعرها من اتلمسه جنت

هاي نايم بسريرها الجانت تنام بي قبل لتروح شميت المخده وفززيت متذكر امي امي يمم منو عايفيها فزيت اريد اوكف مكدرت تلفون بصفي مال رضوى لزمته دورت قيصر دكيت عليه راساً طب

كال
- شبيك
- قيصر امي ويين ؟
- ببالبيت غير
- يمن عايفها مسالت عني
- لا سالت كتلها شسمه بعده مسافر
بقيت صافن كال
- ارتاح نام عبالي اكو شي

طلع وهو عيونه حايره يباوعلي وينصي رجعت تمددت غفيت ثاني يوم الصبح حسيت احد يمي بقيت مغمض النومه وماعدي مقاومه بعيني سمعت همستها

- خاله دقيقتين واروح
- يمه خاف يجي قيصر عيب منه شيكول
- لاخاله والله هسه اطلع بس خل اشوفه

رعشه سرت بجسمي احساسي بصوتها الخايف الحنين لعد ليش رفضتي ليييش
حسيت بلمسة اصابعها لكصتي قشعر جسمي بعدت ايدها خلتها على زندي تلمست جروحي القشعريره السرت بيه مدااعرف شديصير بيه لوتشيل ايدها لو لتوخر طول العمر

وكفت تروح واني مغمض طببت ايدي جوه المخده وطلعت الماشه رفعت ايدي اخذتها ايدها شهكت تبجي لزمت ايدي بيدها الاثنين فكيت عيني بثكل منصيه على ايدي وتبجي مسحت دموعها بيدي واباوع بوجهه اريد اشبع شوف ووكفت تروح اخذت جنطتها باوعتلي ورجعت نصت على وجهي قربت وجهه كبال وجهي فكيت عيني بلعت ريك همست

- اخر مره تسوي بيه هيج اخر مره تعيشني هالاحساس ماسامحك للموت ماسامحك
صفنت همست
- لوميت جان متسامحيني مو
- اني دااقصد اخر مره تعوفنيي

عيونها بعيني عكدت حاحبي گلبي انتعش بدكاته السريعه رجعت لاحساسي الدافي النقي ابتعدت وكفت
كالت
- اكل زين

ابتسمت بالم طلعت وصلت للباب والتفتت اشرت باي مبتسمه وطلعت من الغرفه

مر يومين واني نومي طويل ومن اكعد جسمي خدران كمت دااطلع سمعتهم يحجون وقيصر يحاجي خاله بسكوت وهمس

- المهم ميعرف بس خلي يطيب

بقيت صافن شنو الاعرفه خاله ردت

- خايفه عليه من الصدمه اخاف يصيرله شي والمسكينه لاخر لحظه تكول احس بي عايش

جمدت بمكاني اريد اتحرك امي امي دااطلع كال

- الله يرحمها خاله علمود الاربعين نسوي بييتها لوهنا
- يمه ثنينهم بيوتكم ولو هناك فارغ مترهم امي

اني مكدرت اوكف بعد كعدت بالكع وصحت
- قييييصر

ركضوا كلهم عليه اريد اتنفس مااكدر
قيصر يصيح
- شبيك
- لك اميييي شوووكت ماتت
وضربت على راسي هي ضربه وهي اغماء راسي صار ميتحمل اي ضربه و اني بله وعي ضربت قوي حسيت وره شوي بنغزه بيدي التفتت فاز وصار قيصر كدامي وابويه ورضوى بجيت بقهر

وروحي تلوب
- يمممه ولك امي راااحتتتتتتت
- ايسر اذكر الله استغفر ربك
- لك مشتاقلهاااا
بجيت بقهر كمت اركع براسي غلط قيصر عليه
لك راسك

الدكتور مدري شخله بالمغذي وراها ضربني بزندي دقايق وهدات ودموعي تجري مكدرت اسيطر على روحي رضوى يم راسي بقت ودموعها تجري ويايه

- احجيلي شون ماتت
شهكت بقهر
- احجيلي انتي صرتي قريبه منها اخر شي كالت
- والله بس وصلت جثث جماعتك وكالو لكوهم عالطريق مشمرين هي تخربطت ومصحت بعد بس تردد عايش وجلطه لخ صارت وراها غيبوبه وو

سكتت واني شهكت ابجي
- تدرين شون مشتاقلها بالي بس يم ابويه ويمها
- والله ارتاحت خطيه تدري كلما اسويلها رجلها تكولي ادعيلي اموت حتى اشوف بنتي

زاد البجي مالتي مدااكدر اسيطر وكمت انسطر شوي شوي غمضت قوي ومدري ليش صارت صوره نور بمخيلتي ذيج الكصيبه العاليه والشعر الجوزي النازل على ضهرها واكتافها والتفتت ابتسمت تباوع اخر نظره من اوصلها كمت اغفي همست

- نوارتي
هذا اخر شي اتذكر
حسيت الغرفه ضلمه

ورجعت نمت حسيت حجي بره بهدوء ونسمه بت قيصر تغني عالدرج وامها تسويلها

- شششش عمج اوا ... اش ماما
تسكت شوي وترجع تغني فكيت عيني اريد اوكف مااكدر ارتجيت وتذكرت بجيت بهدوء وانفتحت الباب طبت نور واني كاعد ومرجي ضهري باوعت لرضوى كالتها

- عوفيني وحدي وياه
طلعت رضوى

كعدت كبالي نور ابتسمت وخلت ايدها ببطن ايدي ميلت راسي على كتفي احسه ثكيل بقيت اباوعلها واغمض شالت ايدها بهدوء مسحت دموعي غمضت عيني للمسه ايدها

طولت بكعدتها وساكته واني هذا الردته هدووء ووجهه احس عيونها تحجي وتعرف الاريد احجي لذلك سكتت
نور : ليش مميل راسك

ايسر : احس بثكل والم بي هيج ارتاح
كامت من مكانها كعدت بصفي تبتسم بحنان مددت رجلها بصفي

كالت
- خلي على كتفي مثل قبل

ابتسمت مغمض وخليت راسي على كتفها التفتت باست كصتي هدأت حيل واحس عافيه ودخلت بيه كمت اغفي واسمع شهكتها المخترعه نترت

- ايسر ايسر بيك شي
فكيت عيني مستغرب
- ايسر حبيبي اذنك تنزف تحس بشي

- لا بالعكس ارتاحيت انفتحت اذني
وراها صار عدي اغماء

فتره مرت .. اشهر واني بين المستشفى والبيت حدما وكفت على رجلي بعد ماطلع النزيف اللي براسي من اذني ووقفوا نوعا ما تعافيت

نور متركتني ابد يوميه تجيني وبيوم قيصر جاب حلقات ذهب وطب عليه للغرفه كعد كبالي مبتسم كال
ابويه دزني اجيبلك حلقات رحنا لبيت اهل نور اني ومرت ابويه وحور وابويه وطلبناها ووافق ابوها وهسه جبت الحلقات تلبسوها

ابتسمت كتله
- خل تجي
- جايه عيني موجوده

شكالت
- والله حبيبي سالفه شكالت هاي هي تكولك

- احس روحي مريض بعدني
- هي تعافيك للك كافي تعلمت عالدلال انشكيت اربع شكات اصحى عاد عايفني وحدي لابوك لابو خوتك

طبت نور تبتسم ومرت ابويه وي ابويه وحور ونسمه ابويه اخذ ايدنا ولبسنا الحلقات جنت فرحان بس مقهورعلى امي وحتى سنا

ايام مرت تعافيت بوجودها دقيقه معافتني
مثل قبل اتغزل تسكت تضحك
مثل قبل احجي وياها واتناقش بس لكيتها فاهمه مو عقليه نور قبل ولو اشتاقيت لفهاوتها بس طاير بيها

ابد متقربت منها حد ما عقدنا بيومها من المحكمه عدل لبيتنا الفارغ اللي طبيته قبل فتره اشتاقيت لامي واخذني قيصر وحور نظفنا ورتبنا مقررين هنا نعيش رغم والدي توسل نبقى يمه واعدناه يوميه بليل يمه. ننلم هاللمه بالحديقه

اخذتها للبيت كالت
وين ايسر وين

تعاي جريتها بكل قوتي وادور عالدنبوس مال ربطه
هسه شدتسوي غير افتهم
ششش فتحي للحجاب ادري ضاربته قفل

نزعته بهدوء انفتح وبقه على راسها تباوعلي بمكر
واني ذايب بين نظره وعين

جربته من راسها بهدوء ومديت اصابعي بفروه شعرها غمضت قوي وبرطمت شمرت روحها بحضني
حضنتها وابوس براسها

كولي سامحتك ايسر
سامحتك
كولي مصدكتك
والله مصدكتك

لزمت وجهه بيدي واباوع لشفافها هزيت راسي وعضيت شفتي بحسره

تقربت منها غمضت بهدوء
تسمحيلي

هزت راسها و خدودها وردت
بستها بهدووء واخيرا واخيرا حسيت بهالاحساس اللي سنين اتذكره واكول لو بس بايسها ذبلت بيدي وانسندت بحضني حضنتها وشميت عطرها

لو وياج اعيش لو ماريد احد يشاركني حياتي
مكدرت اتقبل غيرك
شلت ايدها بستها بس سؤال اسالج بروح امج

عدلت شعرها تباوعلي تبتسم
نعم
يعني من صار الصار كلتي هذا كذاب محبني رادني بس انتقام
كالت

مشكيت ابد بس متوقعت حقدك حيسيطر على حبك ويتغلب عليه جنت متأكده انه حبك يتغلب على الحقد بس انصدمت من شفتك هيج سويت وراح حبك بس من شفت عينك بالزفه قسمت يمين انك محاس بروحك

عضيت شفتي اهز براسي
كون الوكت ينعاد
لا واليرحم والديك كوه عشت ذيج الفتره

احبج نور احببببج قزمه صحت بصياح

مرت ٧ شهور على وفاة امي والدي كال يابه تزوجوا مو اله تطلع السنه وهي مقبلت كالت الا سنه وفعلا مرت سنه وتزوجنا

علي تقدم لرضوى بعدما تخرج ووافقت عليه وتزوجوا وره شهر

سلوى دوم تروح وترجع وابويه الحمد لله احسن من قبل

ايام مضت عشتها احلى من العسل حور ونور اثنينهم يتامى واثنينهم توضفوا تقاسمو شغل البيت

جنت من ارجع للبيت اذا حور موجوده تصبلي هي واذا نور تصب مجانو ابد يهتمون لهالشكليات انلمينا بخيمه ابويه وحنانه

رضوى علي دللها دلال مصاير بحيث طباخ متشغل دمرته بدلالها وهو مكيف

ولحد اليوم جننا عد ابويه ملومين بالحديقه حتى دلشاد وسلوى جايبن وي ولدهم الصغار وكاعدين وابويه صافن علينا مبتسم يباوع على وجه وجه بينا ويجر نفس براحه

مرت ابويه اللي طلبت من عدنا تتوسل صيحولي يمه تمنيت يصير عدي ولد والله رزقني بيكم وان شاء الله مثل مدللتكم امكم احاول ادللكم

بس والله جهالنا لعبو بيها طوبه وحسها ميطلع

امي
وسنا

للاسف مكدرو يحسون باللي حسينا بي

يمكن اليقره ينتقد بس صدقا الحياة متستاهل حقد وكره حرامات تضيع لحظة واني شايل بكلبي

تعلمت من نور شغله كالت

من تحقد وتخلي بكلبك راح يبقى بكلبك
احجي عاتب كول طلعه ومن تفتهم وجه نظر المقابل راح ترتاح وذاك الوكت لو تتركه لو تبقى وياه لتضل حاقد وانت وياه حتكون بوضع المنافق

جنت اتمنى تتقبلهم امي رغم تقبلت رضوى بس من جانت تجي مرت ابويه تصدها

شيصير لو سنا متنعمه بهالنعمه وراضيه برضوى اخت وعايشه هالاخوه لان ماعدها خوات

شيصير لو باقيه ويانا وحابتهم ومتقبلتهم بدون مشاكل
تمنيت العدد يكمل بس للاسف اخذو حقدهم وراحوا

لكل شخص
راح يجي يوم مابي مجال تسامح بعد
نصيحه لحك لروحك سامح وانسى او تنااسى

وان كان غلطان انت سوي العليك سامحه واترك الباقي على الله وعليه

الحياة متعبه من تشيل بكلبك تعبها اكثر من تشيل بيدك

سيف ابني وروحي من الدنيا ربيته نفس ماربانا ابونه صار نسخه مصغره من قيصر
ونور محاوطته بحنان مفرط كونها انحرمت من امها

نوبات اغار منه عليها وتحس بهالشي وراساً تتراجع وتنتبه

نور صارت نور بحياتي يعني هواي شغلات نتعارك عليها وصدقا اكولها بالتالي حجايتها التمشي لان دومها على حقق بس هيج احب اداهر واضوجها ومن تضوج اراضيها

علي ويانا متركنا وصرناله اهل دائما من ننجمع يكول

يعني همزين قيصر دعمني ومن يضوجنا ويضوج قيصر ... قيصر يكوله
ساعه السوده يوم الدعمتك بي

رضوى بعدها تدلل علينا وعلي يصيحها فصليتي وهي تتخبل

لكون والدي بيوم الدعمه كال انطيك بنتي من خاله كال منو تقبل بي بعد وهذا مجلب بهالحجايه

ونوبات من نريد نضوجها نكولها
امشي لج انتي فصليه
وهي تتخبل

هواي امور مرت علينا

خطف قيصر
وتسليبي
انتحار سنا
موت زينب
وموت امي

لعد شكد تافهه الحياه وشكد سهل الموت وارواحنا رخيصه كل المرينا بيها

لحظات بكد مابيها ضرر واذيه لنفوسنا جان بيها صالح

لحظات بنيت حياتي عليها تقربت من ربي اكثر وتقربت من اهلي اكثر

و اهل قبل جانو يكولون

... الماله خير باهله ماله خير حتى بنفسه

الله لايحرم احد من عائلته ولمت الاهل
الله لايحرمنا صوت الضحك فد وكت
الله لايحرمنا ضحكه جهالنا وعركاتهم التضحك
الله لايحرم اب من اولاده
والله ليجعل خيط من الحقد بداخلنا

قصتنا لهنا انتهت اليوم بكعدتي وي اهلي بالحديقه كتلهم شكد حلو لو قصتنا كاتبه تكتبها والدي ضحك كال بس لتطلعني شرشبيل ابو سيف

ضحكنا كلنا بفد وكت وسكتنا واحد صفن بوجه اللخ اباوع لقيصر ابتسم نصه راسه ورجع رفعه جر نفس والتفت على حور نصفه الثاني وام نسمه وقريبا راح تصير ام للمره الثانية

وحور التفتت لعلي لزمت كتفه وهو باس راسها وابتسم يباوع بعينها اكيد هم عدهم هواي امور بينهم تفرح وتبجي مرو بيها سوه ويتذكروها وحدهم

وعلي التفت لرضوى مبتسم و كرصها من خدها بهدوء وباس ايده الكرص بي خدها

رضوى خجلت ونصت وباوعت لابويه حضنته بقوتها وابويه غمض عينه وتلمس بشعرها ومد ايده لايد زوجته

بقيت اباوعلها شنو البيج خليتي يرجع سنين ليوره خليتي يوكف بوجهنا وينهزم لحضنج التفت باوعتلي ابتسمت ونصت راسها تنهدت حسيت ايد تغلغلت تحت ابطي وحضنت زندي باوعتلها نور بست راسها وباوعت للسما

يمه دتشوفيني
يمه مرت ابونا مااخذتنا منج ولااخذت ورثنا
يمه انتي غلطانه سامحيني يوم سامحيني وكولي لسنا تسامحني عذروني اذا قصرت وياكم غمضت عيني حسيت سيف يتشلبه يريد يكعد بحضني شلته وقربته لگلبي همست باذنه

سيوفي احبك بابا
التفت حضنني بقوته

ربي ماارحمك صله الرحم من اسمك استاصلت الف الحمد لله والشكر

شكرا الكم جزيل الشكر

شكرا لله على هدايه اتتني تالي عمري
افلا تغفريي
نعم قد غفرت لانني ادركت انفآ
انني لااقوى على حياتي دون حبك
ولانني كنت اعلم مدى حبك ومتيقنه بما مررت به من ظروف قادره ان تغير ما بالبشر من نفسه
اعلم انك لست بحجر
وانك كومة من المشاعر
واذا بالحجر يتأثر بقطرة ماء فتحفر به
كيف بالبشر ان يتحمل كثره الكلام والجارح والتقليل من الذات والضغط المستمر

غفرت لانني ارى نفسي في مقل عينيك
بغضبك
وحتى في خيوط حقدك
وفي فرحك ايضا
قد غفرت .. لكي لاافقد عزيز اخر
فافقد معه نصف حياتي الاخرى
فقد فقدته بفقدان ولدتني

عديني ...
بم تريد الوعد

عديني ان تعشقيني
عشق طفله مجنونه شقيه مرتبكه خائفه وباكيه
عديني كلما اقترب منك اجد دقه القلب الخائفه واجدك اطبقت جفن عينيك مستسلمه متوسله
جعلتي من نفسي قيدا حولك
بعينيك المتوسله ضعفا وترجي

كنت قد اقبلت تقبيلك ولم استطع منع ذاتي
فمنعتني عينيك فتاثرت اكثر من ما بالقبله من تاثير لااقوى نسيانه

عديني بان اجده دوما فيك حينما اقترب منك
لاداعي فكلما حطت عينيك ببعيني نسيت مافي الحياة حياة حينها
كل مااتذكره
احمد الله الذي رزقني اياك
واحبك

غفرت لك حتى الموت
وانت شريك بنفسي ليوم القيامه

ايسر....

.
.
.
.
.
.

النهاية ...
.
.
..
.
.
السلام عليكم

هذا تعليق للكاتبة مريم السعدي على بعض المنشورات والتعليقات سواء كانت بالكروب او الواتباد

الكثير منكم تهجم على أبطال القصه بشكل عام وهذا الشي دينيا و اخلاقيا غير مقبول

لكن صعب جدا السيطرة على التعليقات وان صار نقاش يقال انها ضمن ( حرية الرأي والنقد الصريح)

اي قصة من اي كاتبه لما تختارها و تكتبها يكون لها هدف معين او فكرة بيها رساله موجهة للمجتمع وليس فقط التسلية وقضاء وقت

قد يكون الهدف والمغزى من القصة واضح وقد يكون مبهم .. و القله القليله توصل للهدف المقصود

لكن مع الأسف البعض الاخر يكون حكمهم سطحي ومتسرع

أتمنى نرتقي أكثر بلغة الحوار ونبتعد عن التجريح والسب والشتم لان بالأول والأخير شخصيات القصة بشر و البشر مامعصوم عن الخطأ وخير الخطائين التوابين
.
.
.

ردا على استفسارات متكرره

- القصه حقيقيه ؟
.. القصه حقيقية ومكتوبه بدفتر مريم السعدي من كم سنه ولان دار النشر بعد فوزها بمسابقة للدار طلبت منها كتابه القصة بوقت قياسي اختارت هذه القصه لكونها قصيره وكثفت الأحداث وصارت ١٦ بارت بالكتاب بس اثناء نشرها ع الواتباد صارت ١٥ لان دمجت بارتين قصيره

- منو ناقل للقصه
.. القصة نقلتها للكاتبه أقارب مشتركه بين الطرفين يعني مثل سالفة بس بتفاصيل والكاتبة صاغت الحوار والمشاهد بعد البحث والتقصي اكثر عن التفاصيل

- الابطال يعرفون بالقصة؟
.. نعم على علم بالقصه من نزلت كتاب

- اخبار الابطال حاليا
.. ماكو اخبار جديده لان المصدر الناقل غير متوفر حاليا

- ليش ماكتبت عن حور وقيصر تفاصيل اكثر
.. بسبب ضيق الوقت ركزت بالأحداث على ايسر و نور
.
.
.
شكرا لحسن المتابعة
ولنا لقاء آخر مع رواية جديدة

تحياتي الناقلة #ادمن_ام_اية
.
.
.

⭐