رواية أفلا تغفري الفصل الرابع عشر 14 - بقلم مريم السعدي

بارت ١٤
.
.
.
.
#افلا_تغفري
.
.
.
.
#مريم_السعدي
.
.
.
ايسر ....
بقيت انتظر رساله رضوى ودزتها ب٢ بالليل
متقبل وزعلت وعافتني وراحت ارتاحيت

ابتسمت   كتبت
- دزيلي رقمها
- لا حباب

- معليج انتي دزيلي الرقم ومعليج

- لا ماريد
- هاي شبيج
- اوك
دزته وراسا سيفته ورسلت رساله الها

- دقيقتين بس
ردت
- منيلك رقمي مداصدك رضوى طتكيا

ابتسمت وايدي تكتب من وحدها وي دكه كلبي كتبت

- والله معليها شافتني  شكد داريد احجي وياج واخذته منها بالقوه 
- شتريد مني
- اريد احجي وياج  دقيقتين

- ولا ثانيه

جريت نفس تعبتني وعزه نفسي وكرامتي ورجولتي متتقبل اهانه اكثر كتبتلها

- نلتقي بمكان نحجي بي وهاهي اخر مره
تفاجأت من كالت
- اي يله وين

كيفت حيل وكفت واني اكتب
- هسه اجيج وين انتي

- انت وين اني داارجع لبيتنا
- اني بالسوبر  ماركت

- جاييتك لعد اصعد للمكتب

انترست فرح وكفت كدام المرايه لحيتي املا الفراغات صايره ركض شكيت جيس مكاين حلاقه وكريم وطبيت لحمام المكتب وسويتها عشر دقايق طلعت جديد غسلت و تعطرت وكعدت افتر وارجع اكعد دزت رساله

- اني وصلت بالمكتب انت
- اي اي
طلعت من المكتب نزلت درجايتين شفتها بالمصعد تصعد المصعد جام رجعت لمكاني خابرت عثمان البنكلادش كتله كلاصين عصير صعده وبقيت بالباب واكف صوت المصعد يعلن وصوله وانفتحت الباب وصارت كدامي من جديد واني متروس فرحه وهي متروسه كره نظرتها تحجي رفعت عينها بشموخ كالت

- تحجي بالباب
- ها لالا تفضلي

طبت كدامي طبيت وسديت الباب كعدت بكل ثقه واني الضحكه مدتغيب  عن وجهي. كعدت كبالها والبيننا بس طبله جام

تباوعلي بشمخره خشم عالي واني ازيد بناري وعذابي مبتسم كالت
- تفضل احجي تعبانه داريد ارجع ارتاح
جرت بعينه ودارت وجهه

ارتبكت ماعرف منين ابدي كالت
- شبيك مرتبك مو عيب انت رجال
صفنت عليها تملكني الغضب جاوبتها

- اني بس ردت اكولج اسف وو
- وووو شنو كمل داريد اروح

فكيت حلكي صافن موهي يا الله موهي  نترت
- شبيج انتي 
- مابيه كلشي مابيه انسانه عاديه

- نور .. بلعت ريك .. نور اني اعتذر والله العضيم اني الاحتركت بنارج اكثر منج

- اكثرررر منيي!!!!
لتحجي شي ممجربه
ضربه  ورا ضربه
حبك واحلامنا سوووه اللي عاشتت هناااا
اشرت على ميز المكتب تنتر بعصبيه وكملت حجي

واول ضربه من كلت  لخالتي لككك تدري شسووويت انت شسووويت  عيشتني باكبررر خدعه بس والله عاشت ايدك خليتني مااثق باي احدددد ابد

بلعت ريكي لعصبيتها طبب عثمان العصير عافه ونزل  ساد الهدوء اريد اجمع حجي ارتب شكول رستت ماعرف شون ابدي

كالت

مااكدر اعذرك وفلنفرض عذرتك وسامحتك هسه شتريد

خليت ايدي على كلبي  ساكت وعيني بعينها كالت
احجييي شبييك تخااف
عكدت حاحبي نترت ترجعيلي ---وكفت

- ههههههه تحللم.  بعد. تحلم.
اني من شفتك صعدت بسياره الزفه انت متت بالنسبه الي من شفتت الصور بتلفون ابويه وانسحل من مطبخ بيت خالتي لباب بيتهم من شعرري وتكطع بيده

متتتت بعد وحلفت ليوم الدين ماانساها الك

دمعت عينها وغاديه ناررر نترت
لك  حبيتك  اني بكل جوارحيي تملكتني 

هزيت راسي نفسي يرجف باوعتلها متوسل

- الله يخليج فهميني
- مااافهممم ماافهم انت رجال انت انت رجال
- والله مواني الدزيتها
- ماصدك بيك بعد مو دزيتها لخالتي
هو كل الردته خالتج متضل تعير بيه  وتكولي ممربين بتكم وبناتي اشرف منكم

- وانييي شنو ذنبيييي
وحبك وخوفك كله تمثيل

بجت بقهر
اني شنو ذنبي ولك صارتلي ام تحرمني منها ليييش

تقربت منها ردت امسح دموعها كامت تشهك دفعتني قوي

- عوفني وخر اذا انت رجال لتوصللي
- نور فدوه والله دااتعذب

- شنوووو شنوو شتعرف عن العذاب انت لك مذللله وغددر وكذب وغييييره.
اشتعل نار واتوسل كون الله ياخذ امانتي ولااحس هالاحساس متت غيره متت واتخيلك تلزمها بالعرس لك لييش وختمتها تدز الصور هي حقيييير

- ملزمت ايدها ملازمها والقران وداعتج
احلف واهز براسي برفض وهي تبجي تقربت كلش صاحت

- كلللك متهمني مداشوفك ابدد مداشوف غير انسان بدون احساس شبه حيوان

سديت حلكها بيدي خزرتها سكتت فتحت عينها تقربت عليها بس ردت احضنها دفعتني ومبتعدت غمضت بقوه ردت حضنها ردت اتاكد اني متت بالنسبه لنور القديمه ولو ردت اصحي اي شي قديم يشفعلي ويخليها تسامح

نصيت راسي مغمض قوي وهي تدفعني بقوه وتكولي
وخررر ابتعد لتقترب اكرهك

بجيت مكدرت والتمت كلها عليه اليوم كلشي  تذكرت
سنا وخوفي عليها من عذاب الله
ابويه 
الحقد
وهي
وموتته زينب

اني شمسوي واذيت هلكد ناس خليت راسي على كتفها وابجي بقهر نادار ماابجي
بس اليوم التمت وكلشي رجعني  مره وحده لذيج الايام اللي جنت احس  روحي بيها بله حياه وهسه حسيت بصعوبتها من اذكرها

من شافتني ابجي بقهر هدات وتتنفس بقوه  واني اريد اسيطر اسكت مدااكدر
بس خليت  راسي على كتفها اشتم عطرها بقوتي وابجي اكثر وكانما جنت مخزن وهسه ضعفت حيل

همست
-ايسر

روحي فزت
- ها

كلتها واني امسح بدموعي كالت بهدوء

- ارتاح اهدا

هديت وسكتت ومبعدت من كتفها ولاريد تشوف عيني اخجل كالت

- اسفه
دفعتني بهدوء باوعت بعيني نصيت راسي ومسحت وجهي
- اسفه مااكدر بعد ارجع انساني ومحلل وموهوب

وعافتني واخذت جنطتها  ونزلت واني كعدت بقوه عالقنفه تقرفصت حيل لميت روحي و  تمددت ونمت واني  بين تعبي والم كلبي

مرت مدة طويله موصلت بعد الها اخجل من نفسي رضوى محمد يوديها واني اجيبها

انتبهت علي من يشوفها ينسى روحها ويضل يباوعلها  وهي تنصي مبتسمه سالتها

- علي شنو سالفته
فزت ملتفته عليه كالت
- ووالله مادري اني من يشوفني يبتسم

جريت نفس
- لتضحكين انتي
- لا والله انزل راسي راسا ماريد تجيكم حجايه من ورايه

هزيت راسي بتعب هالفتره العشتها عرفت روحي خسرت كلشي كمت اعيش لغيري لابويه وامي ورضوى اللي تعلقت بيها 

ساعدت قيصر كمت من الصبح لليل افتر بين سوبر ماركت الوالد وسوبر ماركته  وكل ميكولي ارتاح

اكله روح ارتاح انت روح لمرتك طلعها ونسها لتلتهي بالشغل ومتعيش يومك هاي احلى ايام

جتي فتره اخذت امي زيارات كل اسبوع ازورها امام ورضوى هم طباتها طلعاته مشترياتها ويايه ويايه.

حكمتها تلبس الحجاب ومخذلتني فاجاتني بيوم ميلادي سوتها بيتهم  كيك وهدايه مرت ابويه الطايره بيه واوبويه الرجع يمشي  بهدوء وامي الرجعت تحجي

شغلات هواي خففت تانيب الضمير والعذاب العشته يخف بس بقه وجع كلبي

هواي توددولي حاولن يتقربن مني والكاها بكل وجه بيهم وانهزم روحي حلفت لو طفلتي لو متريد

رضوى مكمت اضغط عليها بيها خطيه صارت تحير بيني وبينها وفجاه بيوم جنت بايت عدهم الفجر  وحسيت على بجي وضحك بان واحد فزيت طلعت شفت سلوى  جايه  من السليمانيه وي رجلها الثوله بس شافتني جتي ركض حضنتني ابتسمت وامها تكول
لج ماما حرام

- ماما عوفيني هو مثل اخويه

سكتت وحرت بيهم نسو كلشي السويناه وياهم السماح عدهم اكبر شيمه بس للاسف نور مااخذت منهم هالشي

تقربت من دلشاد هالفتره هواي حباب وعاقل  وتصنيف مثل سلوى واخو خيته جربته كم مره والكاه واكف  الي  ساعدني بالسوبر ماركت  هواي كم مره سوينا طلعه اني وياه وعلي وقيصر گهاوي وهالسوالف

رحنا يم علي بتنا عالبلي التمينا تونسنا كلش الفتره كدرت اجر نفس واطلع شوي من همي

وفجاه توني  طالع من بيت ابويه اروح لاهلي  وتذكرت الحسابات كلها هناك عفتها رجعت فريت السياره ورجعت الهم طبيت واتفاجا بوجود  نور دتتسالم وي سلوى صار شهور مشايفها

وكفت بمكاني جانو ينتظروني اروح حتى تجي
دارجع اطلع صاح دلشاد

كاكا  وين رايح
التفتت عليه وكلهم التفتو شافوني مرت ابويه وجهه ضرب الوان ونور  فاتت جوه طبيت وي دلشاد منصي بس كلش انكسرت متريد تشوفني حقها بالتسوي سلوى انتبهت عليه كالت

- هاي اوراقك نسيتها
باوعت بعينها جريت نفس بعمق هزيت راسي اي  باوعتلي بشفقه هيج وجهي مبين عليه الكسره اخذتها للاوراق وطلعت

وصلت يم الباب مال طرمه ودرت وجهي عسى ولعل الكاها تباوعلي مثل قبل بس ملكيتها صعدت وطلعت

بيومها منمت لل١ دزيت رساله لرضوى

- باتت عدكم لو رجعت
- كتبت لا رجعت ميقبل ابوها
- ها زين شونها
- زينه الحمد لله

- محجت شي عني

سكك شوي ودزت
- لا
شوي ودك تلفوني باوعت رضوى داكه
- ها رضوى
- الو ايسر اني سلوى

- هلو

غمضت عيني فشلان هلو سلوى كالت
- شبيك وي نور شنو تريد تحاجيها

جريت نفس
- لالا

- ها يله اوك تصبح على خير
- هله سلوى هلو بيج

سديته وكمت افتر بالحديقه وبالبيت وروحي مزاعله النوم والراحه مكدرت بعد لزمت التلفون دزيت رساله لرضوى

اريد احاجي سلوى
اوك
خابرت راسن
ها ايسر

ها سلوى ااكولج اا شسمه
احجي شبيك
تكدرين تساعديني
جرت نفس نور حالتها صعبه مستحيل ترجعلك
حاولي الله يخليج
كلتها بتوسل
مدتنطيني مجال وماعدي عذر مادري شكول وو
تنهدت بتعب
ومدااكدر اعيش وي غيرها او بدونها

كالت
بسيطه اني احجي وياها
شوكت
باجر
الصبح باجر عطله
اي اي شبيك باجر
سلوى حنني كلبها كوليلها ااني مجان قصدي ااذيج واعرف خالتج حنينه عليج وو مواني الدزيت لابوج ووكوليلها كوليلها والله احبها كلتها وعضيت شفتي مغمض قوي اختنكت
والقران احبها ولحظه حبها من كلبي منشال كل السويته ااذي امج سلوى

اسمع سلوى اختنكت بعبرتها كالت

المسامح كريم وانت انسان ميتكرر وكفت وياك بازمتك وعرفتك شنو من شي

غمضت خجلان من الصار بيننا كالت
ايسر جنت اتمنى اخ مثلك الله شاهد بس متفاهمنا وحقك وسنا الله يرحمها هم حقها موكل انسان يتحمل

سديته بوجهه غطيت وجهي احس تعبان كلبي يوجعني دزت رساله

راح اسوي المستحيل واحنن كلبها اخذها مني حجايه رجل

بلحظه حسيت روحي ماريد شي ماريد احد يتوسل بيها بعد وارجع واكول تستاهل السويته بيها هواي تستاهل ابوس ايدها هم مو بس اتوسل وادز ناس عليها

ثاني يوم الصبح جنت على اعصابي حتى الحمل ساعدتهم بالشيل والحط مادري  شون اكضي الوكت صعدت للمكتب كلسا عيني عالفون واخيرا دزت رساله سلوى

انساها ايسر متفيدك

كتبت خابريني
خابرت رديت
احجي الصار بالتفصيل

جرت نفس كالت
ايسر حجيتلها كلشي وبجت وعصبت وصيحت وعيطت وختمتها جاييني ناس وراح اقبل بيهم واذا هو صدك رجال خلي يحل عني

كعدت وكفه مبيه بعد كل ضلع مني ضغط على كلبي ونفسي

سلوى كولي غيرها همست اريد اتنفس
سكتت كالت

طلعها من راسك كانما كلشي مصار اعتبرها ماتت

شششششششش كافي كااافي
سديته بوجهه كمت اركع براسي عالحايط الورايه صافن بكل ذكرى مدااكدر شنو السالفه هيه مره حتموت من وره مره شبيييه اني

لاهاي مو مره هاي روحي اني هاي حبيبتي وبس الي خابرتها على رقمها وخلي شيصير يصير ردت قبل لتخلص الدكه بشويه.

ردت ساكته

احجييي مستحيل تصيرين لغيري
كالت
ليش مو انت صرت

نورررر

ايسر عووفني مااكدر اثق بيك بعد بلحظه تغددر علمود فلوس لو حققد ماارجع لو تنصب ذهب

نور فدوه

سدته بوجهي مبقه شي من كرامتي كرهت نفسي كمت اشيل واركع اريد ابرد ماكو طلعت بالسياره الشط صار بصفي نزلت ونزلت عالشط وبقيت كاعد كبال المي

كافي ايسر انساها كرامتك انسحلت كافي تتوسل عيب انت رجال طلعت فوني مسحت رقمها وكلشي يخصها ورجعت للسياره غمضت عيني
اثثبت وثثبت كلبك حاولت واعتذرت ومقبلت خللللص انتهت

رجعت للبيت وعديت الايام واني على غفلهه بالليل اكوم الوب اخابر رضوى احجي احجي احجي اتعارك واسده وهي خطيه تتقبل وحسها ميطلع ميت مره سالتها انخطبت خلص تكولي اي
عقدت

ها لا
شوكت تعقد
ها مادري
كمت اتقصد ادوس على جروحي اروح اخذ رضوى للكليه وارجعها شفتها مره من بعيد وانهزمت سويت روحي مشفتها دست على كلبي وابويه فتح موضوع الزواج

بابا تزوج مثل قيصر واني رفضت رفض قااطع وتركني براحتي شغلي اللي كمت ادوس على عافيتي بي مدري اعاقب روحي مدري متونس بي بس كل الاحسه بليل من اذب روحي وانام كلشي بيه يون حد مااغفى

مرت سنه كامله ومرت قيصر حملت جانت احلى فرحه ابويه جاب للبيت خروف وذبحه جوه رجلها ومرت ابويه  جتي وياه

وامي بعدها مقعده بس تحجي رغم مو هواي ودوم تبجي وتحمل نفسها الذنب مثلي
الناس عبالهم اختي ماتت موته الله محد يدري منتحره كلها عبالها ضغط هبط وماتت

وامي تاكل بروحها اكل تكول شون بله تروح للنار من ورايه تفكر مثلي بالضبط

الايام قربت مرت ابويه من امي حاولت هواي وامي تصدها بس مملت سوالف رضوى ولواكتها وتصيحها يمه مثلنا ملانت امي ابد

مرت ايام هواي ورضوى يوميه عدنا وابويه  سافر وي مرته وبقت عدنا شهر تداوم للكليه وباقيه عدنا  هالفتره علي مكام يجي لان رضوى عدنا بس اني وقيصر وحور نروحله للبيت

ورجع ابويه من السفر ورجعت رضوى يومين وامي سالت عنها
- يمه شومجتي رضوى

صفننا عليها اني وقيصر وحور ابتسمت ضميت ضحكتي كالت

- موو تمرخلي رجلي بالرجاج شوي ارتاح

واندكت الباب قيصر من مكانه بالمطبخ صاح منوو
ردت من الباب

- شايله بيدي خوش صينيه تفتحولي الباب لو اروح واخذها ويايه

صاح قيصر
- خطوه متتحركين وعلي اكولهم باكتني وركض للباب طببها وطبت ركض باست حور وبوست امي اللي ابتسمت من طبت

رضوى : عذريني يمه تأخرت عليج والله ماما دتركب وكالت اخذي الصينيه وروحي

قيصر : زين سويتي كومي حور جيبي خواشيك ليبرد

ايسر....
بقيت صافن نوبات انسان هو يجيب الفرگه بين الاهل وشكد متحاول  وياه يبقه يسويلك مشاكل مو بيده هو اسود
سنا بس راحت لكينا طريق نلتم بي وتحققت امنيه ابويه

الطلاق ابغض حلال الله
بس نوبات واحد مديكدر يعيش وي هالبشر خصوصا لو كانت بدايتها غلط بغلط واختيار مجبرين عليه بس مو معناه يقاطعه
البين امي وابويه احنا اذا تقاطعو معناها تقاطعنا

رضوى عرفت تلمنا وامها كذلك داسو على كل السوينا بيهم ومن كعدت وي روحي همه مسوو شي النا حذرو هواي وسنا متعضت الله يغفر الها جانت تزيد وتعيد جانت متخاف من عدنا ولاعلينا

من اشوف رضوى وطاعتها النا قيصر ودلاله الها وحتى حور تموت عليها اكول العيب مو بيهم بينا احنا

ابويه لكه حياته هناك وحقه بكل السواه الحياة حتى نعبد رب العالمين مو للعذاب نوبات العذاب هم يلهينا عن عبادته وابويه تعذب وي امي هواي وحتى امي وكلمن اخذ استحقاقه

بس سنا مجانت تكتفي الا تكون وحدها وللاسف من راحت يله ارتبطت ارواحنا حتى امي تعلقت برضوى

منظر اللمه حلو والعائله المتسامحه من اباوع بوجه مرت ابويه الكاها تبتسم بحنيه كأنما تكولي
نسيت كلشي ومشتريتك اخ لبنتي

عيون ابويه اللي كلما نبتسم  تدمع وتدور على اختي بيننا تاذيني واطلبلها المغفره والرحمه

نطيت صوم وصلاة الها بالجامع وكل خميس انطي صدقات بس اريد نار ي وخوفي عليها يبرد

كبرت بطن حور وكمنا ناخذ مراد ياهو الاجه ولزم بطنها واذا عجبها شي يصير استنفار عام 
مره اتذكر كالت ريحة فراوله وكمز قيصر راح جاب وامي خابرتني هم جبت ورضوى من جتي هم جابت وحتى ابويه ومرته

صارت كومه بيومها سوينا منها مربى

اخر فرحه صارت من جابت بنوته العائله كلها بالمستشفى ومرت ابويه السبحه بيدها كأنما بنتها علي اللي كلسا وتدمع عينه ويصيح وي صيحتها من تصيح

يمممه لحكيلي

- وهو يبجي يصيح وينها عنج امي وينج يوووم

بجانا كلنا وطبتلها مرت ابويه متركتها وجتي

( نسمة )

سماها نسمة  كثر ميحب رضوى وهي جانت تحب هذا الاسم

وهي فعلا نسمة الكل راضي عنها

نسمة كانت متنذب بالكع  واذا بليل بجت نصعدلهم اني ورضوى ندك الباب حدما قيصر رزلنا كال مو وضع هاي دترضعها نزلنا خربانين ضحك

نوعا ما التهيت وي نسمة
ورضوى عدنا ذبت اقامه
سلوى رجعت ببيت ابويه الثاني رادو يدرسون ماجستير هنا وابويه مكيف بيهم

رغم دلشاد يضوج مزعج بالصرف وميقبل مرته تاخذ من امها او عمامها بس تلافو هالموضوع بينهم

اخر مره سألت عليها رضوى كالت
عقدت واني بعد مسالت يوجعني كلبي

لااني الادور مكسرات ونسوان تلعب روحي ولااني الاكدر ارتبط بعد كلبي خلص

امي مرجعت مشت رغم تمارين رضوى بس شبه ايسنا منها

وبيوم من الايام دارجع رضوى ولمحتها من بعيد وي بنيه التفتت باوعتلي بنظره هزتني هز نصيت راسي ورجع وجع كلبي اجتي رضوى صعدت باوعت لمكان نظرتي همست

- شجابها اوكف خل اسلم واجيك
هزيت راسي بقيت بمكاني رفعت راسي بشموخ اباوعلها تحجي وي رضوى وتباوع لناحيتي شوي وجتي رضوى بعدما صعدت وطلعت مسالتها عليها لان صدك تعبت
وصلنا كالت

- شو مسالتني عليها
- ماريد نترت

- اوك براحتك هي جايه زياره انقلت غير جامعه

هزيت راسي موافق واباوع كبل
نزلت رضوى رجعت للبيت اتغده مكدرت نسوم بحضني كاعده والتلفون اكلب بي دزت رضوى صورتها عالفايبر فكيتها صوره نور نمل كل احساس بيه ونسمه كملتها كالت عليها بطريقه طفوليه
دادااا حلوو

ابتسمتلها حضنتها وبستها ونزلت من حضني طبيت للغرفه خابرت رضوى
شنو هاي الدزيتيها
كالت
- اا بالغلط
- رضوى بله كذب لان ميوكعلج

- ايسر تره جذب لامخطوبه ولاعاقده
- شنو صدك تحجين

- اي والله هي كالت كوليله هيج واني جان مكتلك جذب بس هي سالتني عليك وكالت مديجيب سيرتي بعد كلت هاي شتاقتلك يمكن بيها امل تسامح

جاوبتها ورجعت شعري ليوره بتعب
- شتريد تسوي خل تسوي سحلت روحي سحل

- اوك
- باي
- هلو

سديته منها وكعدت بالكع طب قيصر شافني بالكع بالزاويه كال
- لاحول ولاقوه الا بالله هاي الحاله كل شوكت تجيك ولك واني اكول نسمه عليمن طالعه من تطنكر هم تكعد بالزاويه وتسد البرده عليها خبله مثل عمها

ابتسمت ونصيت كعد بصفي كال
- شبيك داد
- مابيه
-

زعرور مو
- اهووو قيصر روح مووكتك
- ادري مو تزوجت
- جذب
همست وعيني عالكاع ضحك من كلبه كال

- خو ادري جذب
رفعت راسي فكيت عيني شمدريج لك

- رضوى كايلتلي ههههه قشممر ولك ثنين متقدميلها ورافضه يالاغم روحلها

- شسوي بعد سحلت روحي سحل
- اي تستاهل اكثر

- تخاف مني قيصر متامن بعد
- حقهااا بلي تسوي حقها غدرت بيها ولك من كالولي هيج مسوي كمت الطم واكولهم هاي سوالف نسوان واخوي زلمه

- كافي رحمه على اهلك لتزيدها عليها
- تريد ادز حور

- لالا بعد مادز احد حاولت ومقبلت عوفها براحتها
- كيفك

لليل مكدرت خابرتها على رقمها الي جنت حافظه على الغيب حتى بعد ما حذفته من جهازي

حجي نور من كالت يسأل عليه و نظراتها بيها اشتياق قواني وقوه موقفي كلت بلكن هسه بردت وهدات

خابرتها شوي وردت
- الو
- اسمعيني قبل لتسدي

سكتت
- اا نور والله العظيم ذيج الفتره فصلت فد نوب مكدرت

جرت نفس كالت
- شتريد
- اريدج

- واني اخاف ارجع وياك بعد اعذرني
- احبج همست بخجل

بجت وكامت تصيح
- ابتعد عوفني اريددد اعيش من الله لاينطيك طيحت حظيي لااكدر اتاقلم وي رجال ولااكدر اتقبل غيرك عووفنييي سويتلي عقده من الحب والزواج

- انتي الي و بس
- باي

لثاني يوم قيصر حاجاني كال اخطبها وشوف ردها
ابتسمت مااعرف ليش ارتاحيت دزيت حور وخجلت اكول لمرت ابويه مكدرت خجلان دزيت حور تطلبها وتنطي خبر واشوف ردها
ورجعت خبر ثاني يوم رافضه صدك فار دمي دزيتلها رساله

- شنو اسوي بعد كالت
- ابتعد اريد انساااك

واني هم سويت مثل مكالت سافرت لاسطنبول اكثر من شهر  غيرت جو ورجعت بري بطريق الرجعه اني وجماعتي صار الي مكنت متوقعه ولا متخيله بيوم

وكفونا قطاع طرق واتسلبنا بطريق الخارجي

بيومها شفت الخوف باصوله بيني  وبين الموت شعره وهو ياخذ هويتي يشوف من يا ديانه و يامذهب
واني اخاف اكوله سني لو شيعي لو صبي
اصلا مااعرف هو من ياصنف

واحد من جماعتي تقاوه وياه ضربه طلقه براسه بكل بساطه بيومها كرهت كلشي الدنيا طلعت من عيني
المسكين عنده اطفال وراح برمشة عين

فرفحت اني وجماعتي
الثاني ضربوا بجعب السلاح على راسه
واني هم كذلك
وكعت ومحسيت بشي غير الظلام ....
.
.
.
.
.
.
يتبع