رواية أفلا تغفري الفصل الثامن 8 - بقلم مريم السعدي

بارت ٨

#افلا_تغفري

#مريم_السعدي

.
.
.

نور....
عشت احلى لحظات من يوصلنا ويرجعنا عيونه تبتسم بعيوني حد منوصل غيرت لبسي طولت صدريتي وحجابي ضبطته جنت امشي بامرته باللي يكول عليه وعاشقه هالشي الببسي جنت مدمنه تركته لان ميقبل يكولي موزين قللت كهوه لان منعني صار
كلشي بحياتي واعشق اسمع كلامه حباً بي مو خوفا منه متعاركنا ابد ومن نريد نتعارك  نبتعد نهدا شوي ونرجع اربع شهور بالضبط احلى فتره بكل حياتي حدما فد يوم بالليل جان موعدنا بشكل يومي من ١٢ لل ٢
سديته منه وداانام رجع اتصل رديت همس جوه الفراش
- هاا ههه نسيت نعالك يمي كال بهدوء ولهفه
- اعشقج

صفنت وكلبي راد يوكف
- احبج نور
- احنا مو اتفقنا منحجي هالحجي
- مدااكدر اسكت اااخ ياكلبي شوكت العطله مالتكم

- بعد اربع ايام
- اريد اشوفج اريد نطلع
- شون عزه لا
- تعاليلي للسوبر ماركت نكعد بالمكتب عليج الله
- لا ايسر فدوه

- حبيبتي عمري انتي اريد اكعد كبالج واسولف ونضحك نور اني مطلك الدنيا صار اربع شهور حييتيني طفت بيه شكو طاقه سلبيه

- موكافي بالفون
- لا موكافي اريد اشوف شعرج اريد اباوع بعينج اريد اااخ ربي اريد اشم عطرج نوررر

- ايسر مااكدر
- تفتحين كامره اشوف وجهج فدوه من توج دتغفين اريد اشوف شكلج شون يتغير
- اوك حفوت الحمام
- يله انتظر

طبيت للحمام وقفلت الباب فكيت كامره وياه جان معصب وجهه وملابس فانيلا بس شافني ملامحه تغيرت ابتسم وعيونه مدري شون باوعتلي

خجلت حسيت وجهي حيطك كال
- فلي شعرج خل اشوفه
رجيت الفون وفليته كدامه
اشرلي رجعي ليوره حتى يشوف كل طولي جنت لابسه بجامه وتيشرت عض اسبعه وهز راسه متحسف

ابتسمت نصيت راسي لمستوى الفون نزل شعري على صفحه خليت تك السماعه باذني
همسست شبيك

- هاي يمي وهيج تميلين عليه اموت قبل لتوصلين
- ايسر لتجيب طاري الموت
- سكتت انعل ابو اليموت بعد
- هههه
خليت ايدي اضحك هو هم ضحك لضحكتي اشرتله باي وراح سديته ورجعت للغرفه لكيت رضوى كاعده تباوعلي نظرات متهمه خفت منها تقربت مني كالت

- ويامن دتحجين
ارتبكت ردت اتملص مكدرت كتلها على كلشي جنت احجي بحبه بفرح كالت

- اني اخويه احبه بس مواثقه بي اخاف عليج نور
- لا يحبني ومياذيني
- نور انتبهي خاف يطلع قهر ماما بيج
- مستحيل انتي متعرفين شون حنين متدرين شكد يحبني ويخاف عليه

- ان شاء الله
- الله عليج لتكولين لخاله
- لا بس لتسوين شي غلط ابد خليج نقيه
- طبعا اكيد اني تربيه خالتي

نور....
اعشقني واستوطن قلبي وعقلي
تغلغل داخل تفكيري
خذني من كل شي يعيقني لحبك
لا اعرف من انت
وماصلة القرابه
كل مااعرفه هو
انك حبيبي فقط

ايسر....
نسيت الدنيا بهالاربع شهور نسيت حقدي ضحكتي اللي ملازمتي اربع وعشرين ساعه حتى قيصر انتبه كال
- صاير ضريف يول
- لعد مثلك بومه

- رحم الله والديك طيني اسبوعيتي داروح اغاتي دينتظروني عالغده
-  هااه هههه عالخير
- اسكت بلله عيونك الجنها ساعات لتروح تصكرني

قيصر....
بيوم الي اجتني حور  اخذت التركيب ورحتلهم للبيت دكيت الباب والصينيه بيدي المناضر الشمسيه بكصتي دفعتها اندفعت بيدي مديت راسي شفته بالحديقه مالتهم الصغيره سماعات باذنه وكاعد عالكرسي المتحرك شافتني حور الفتحت الباب مال مطبخ تريد تشوف منو شافتني ابتسمت اشرت عليه هزيت راسي ادري  تقربت اخذت مني الصينيه همست

- اشكرك جزيل الشكر
ابتسمت ودرت وجهي العينتين منسسم عالسماعات باذنه   تقربت من يمه ضهره عليه وخرت تك سماعه شاورته

- مشتاقلك يوول
التفت متفاجأ ووكف كوه حضنني ضحكت برهاوه بس اختنكت  بعبرتي

- كافي علاوي صدك جذب
- اسف  قيصر  اعذرني
- يابه احنا اصدقاء مزعلان والله يله امشي خل نطلع عازمك على صينيه قيمه  امشي
- شنو مركبين

- اي
- الله يجعله واصل
- الله يسلمك 

اخذته دااطلع شفت اخته جابت الصينيه

قيصر : هاا لا مو دنطلع
حور : تغدو بعدين روحوا 

ابتسمت فرحانه جريت الكراسي الموجوده بحديقتهم الصغيره وكعدنا اني وعلي سوالف واكل  كملنا وحجينا بموضوع الاطباء

عاتبته  وواعدني يرجع عالعلاج الفيزيائي وواعدته ماتركه بعد نفسيتي ارتاحت كلش كمت يوميه اروح واجي عليه نكمل العلاج ونطلع نفتر ميقبل بطل مي اشتريله  نضل نفتر نسولف نضحك عالبنات حتى لاسواقنا اخذته مشيته كوه وعكاز بس يغير جو احسن من خنكه البيت

يوم وره يوم  نظرات حور اخته الي تغيرت رغم اخاف اباوعلها وتجيني حجايه بس احس بيها   وارتاح كلش من اول معجب بقوتها ورزانتها وحرصها على اخوها رغم يمكن مره او مرتين بالاسبوع كله اشوفها بس هالنظره بثانيه وحده تشرح عيونها حجي طيب عني

كمت اجي يمه الصبح لان ماعدي شي ب٤ افتر على شغلي  وابقه يمه لقبل جيه اخته بشوي اروح تدرب عالمشي هواي لحد ماضبطه  جبت لبلي وفلشني لان هواي لاعبه وفلشته وكمنا يوميه ننجمع عالبلي
الشارع الجنت دايح بي قبل نسيته وهو تونس هواي مقبلوا يمتحنو السنه راحت عليه كتله بس هالشهر شهر اليجي بعد لازم تبدي تدرس والحمد لله اقتنع بعد فتره عناد باي شي

اجيب حب من السوبر ماركت ونلعب وناكل من نكمل اندار الكه الهول مكلوب كلاب واحد يصفن بوجه اللاخ
هاي احنا ال سوينا هيج ونكوم ركض قبل جيه اخته ننظف البيت ونرتبه خربانين ضحك على روحنا
مره جيت وجبت ريوك تريكنا سوه
مره عزمني على باكلا بالدهن هو مسويها

علي رغم صغر سنه بس تحشيش ولاعبالك الفرق بيننا ست سنين كلبه ابيض وطيب حيل جنت ارتاح من احاجي احسه انسان شفاف واضح حيل تعلقت بي كأنما اخويه الصغير اعلمه وافهمه مشيته الحمد لله زينه. وتحسنت العلاج كملنا وبقينا طبتنا وطلعتنا سوه

نوبات ندز على ايسر اللي طول اليوم صافن مبتسم صار فتره حتى وي ابويه علاقته تحسنت

نور- الو

ايسر- عمري انتي

نور- حبيبي مكملت شغل
- لج روحي اقري امتحاناتج اسبوع اللخ
- مدااكدر اشتاقيتلك
- ليش حبيبي مو حجينا قبل شوي نونتي اريدج توصلين

- هففف اوك بباي لخاطرك
- سباعيه بنيتي

سديته منه مبتسمه
رضوى صافنه عليه معاجبها هالفتره يوميه تطلعلي سالفه تخصه تكرهني بي تتوسل بيه اتركه
واني اعاند وصلت لدرجه كالت لسلوى
وجتي سلوى طيحت حضي واني مصممه انه يحبني

سلوى - لج هذا واحد حاقد هو واخته وامه قيصر شوي بي مجال

نور - شششش خلوني اني اعرف اتصرف معليكم مني
سلوى - اذا ضليتي هيج اكول لماما اني اخاف عليج
نور - هسه اني شمسويه طابه طالعه وياه
سلوى - لا يابو بس الصور مالتج من الصبح لليل ريوك غده عشه طلعت للمدرسه رجعت شنو شكووو شبييج مشايفه ولد

رضوى - حتى من نصعد بالسياره ميستحي كلسا غامزلها وهي تضحك مكيفه شيكول على ماما معرفت تربينا
نور - شعليها خالتي اني مغلطانه حتى دائما يكولي افتخر بيج

سلوى - اي لعد كولي لماما
نور - لااا اني بابا خابرني حروح ببيتنا واذا كلتو لخاله واله العضيم ازعل ومتشوفوني بعد

وفعلا نفس اليوم رجعت لبيتنا ضجت من نكهم مدااخذ راحتي من رحت لبيتنا راسلته
- اني بيت ابويه
- ها شعجب
- بنات خالتي ضوجوني
- شبيهم وياج
- شمدريني ضوجوني طكت روحي عبالك بس اني احجي وي ولد افهمهم اني مطالعه وياه ومحافظه على نفسي وهو يخاف عليه ولحد الان ممتجاوز ميقنعون

- مثل خواتج همه ويخافون عليج ياعيني وانتي نيتج صافيه خافو عليج وهمه ماعدهم هيج شي. فدينصحوج

- اي بس زيدوها داكولهم البيننا شي محترم عبالك بس اني هسه سلوى مو تحب واحد بالجامعه وياها. وهم محترم روحه الولد وهم يطكون صور بس شي محترم مو علاقه تلعب النفس شو بس من يمي تخبلو

ايسر - اني اكولج ليش تدرين ليش لان العلاقه ويايه اني
- سكتت همست اي صح
ايسر - وسلوى ويامن عدها علاقه منو هذا
- ولد اسمه دلشاد تدزلنا صورهم عالكروب مالتنا مال بنات خالتي كلش مؤدب ويريد خاطرها
- شو شوفينيا

- دزيت الصور كلهن

ايسر - هاي شنو كله ورد احمر وكذا
نور - يموت عليها وكايللها بس يكملون السنه يخطبها

ايسر - الله يوفقهم وابن عمها

- ميدري خايفه لا يدري ويسويلها هوسه
- يوو شكد بطران هي اصلا سلوى مغروره منو يجرعها

- لا سلوى لك فد حباببه وكلبها طيب
- لك شنو ولج
- اسفه اسفه

- نور الا الاحترام بيننا ليتغير
- اوك جريت نفس ايسر باجر اروح وحدي
- ليش ابوج ممخليلج خط
- لا يكول قريبه المدرسه
- ها ززين شنو رايج نطلع
- لالا عزه
- دوكفي اوكفي شبيج انثبرتي نونتي فدوه اخذج وانروح نتريك سوه وعيوني متفارك عينج من صدك مو كامره
- لا ايسر حباب
- كيفج اني بعد مافتح الموضوع
- اوك يله حروح انام نعست
- براحتج تصبحين على خير ملاكي

- ههه وانت من اهل الخير حبيبي

سديته منه ونمت الصبح طلعت للمدرسه الفروع فارغه سمعت سياره ثكلت بصفي دنجت للكاع وكف بصفي كال

- كون الله خالقني كاع وهيج تباوعيلي
س

معت صوته ارتاح كلبي باوعتله ابتسم غطيت وجهي واتلفت خاف احد يشوفنا

كال
- اصعدي.
- لا ايسر
- كيففج
طلعتها بثكل ووجهي مغندب مشت سريع كالت
- اوكف
وكفت ابتسم فتحت الباب وصعدت وسدت الباب نزلت ليجوه
- هااا شموكعه

- اطلع عالسريع بس اطلع من المنطقه خاف احد يشوفني

- ههههه تدللي وطلعت كبل واغني
وين اخذك وين انهزم بيك دحكيلي رجلي بدربج ادري لشوكت تبقين بالكع
- اطلع من المنطقع يمعود
- صار -- نواره قلبي مروحه

شبعت ضحك طلعنا من المنطقه ووكفنا بمطعم كال
اظهر وبان عليك الامان يااحلى جاان بالخلجان

كعدت عدل واعدل بشالي باوعلي يبتسم جر نفس كال
- هلكد احببج
- شكرا ههه واني هم والله
- هاي هاي خدودج مال اكل انزلي دنتريك قزمه

- اييي هم حنرجع
- لج شايفه طولج جنج ثلاجه عشر اقدام والله كل ماافتح ثلاجه غرفتي اتذكرج
- حزعل عليك
-

شحدج تزعلين تعاي تعاي شون باكلا ودهن اويلي الله شكد طيبه يسويها

- ماحبها احب لبنه عدهم لبنه
- لبنه هاي عد خالتج الشكره اصعدي الدرجات فضيها معدتي حتطلع من مكانها من الجوع

- هههه يله امرك. طبينا وتريكنا صوت الاكل مالته ضحكته عيونه وحركاته والصور وي كل حركه اسرتني اسر واخر شي سوه لكمه وخلاها بين شفافي بعد متلفت خاف احد يلمحنا اكلت من ايده بعفويه نظرته تغيرت من تلامس اصبعه لشفتي واني تأثرت اكثر هدأت عاصفه الضحك والسوالف وعيوننا ذبلت هدانا ثنينا

سكتنا ونصينا عالاكل ساكتين كملنا الاكل بهدوء مفرط بعد هالحركه كملنا اكل وباشاره مننه لبو المطعم جابو الجاي كمنا غسلنا ورجعنا لاهو الحجه بعد ولااني

نظراته ابتعدت عني تضايق وجهه و عصب نوعا ما واني هم تخربط كياني وي خربطه كيانه كملنا الجاي وكام عدل بنطرونه وكفت ميباوعلي طبيت السياره جر نفس وذبه كال
- وين اوديج هسه
- اابيش الساعه كال
- ب١١ الا
- زين وين اروح لعد

تنهدت منهزم من عيونها اخذج للمكتب تكعدين حد ما يصير وكت طلعتكم ورجعي للبيت

- اوك
محجه بعد ولا باوعلي وبقه هاديء مو نفسه الجان يغني ويضحك ابد واني هم سكتت طبينا للمنطقه  ووصلني للاسواق بس من الباب الخلفيه طبينا باب العمال وصعدنا بالمصعد كبل للمكتب شافه عامل من العمال كاله بصوت عالي

- بطلين مي بارد وجاي لخطيبتي بالمكتب

كلبي رجف من سمعته كال هيج التفت عليه وبعد نظره مني كال

- ارتاحي نزعي حجابج محد يفوت عليج اني انزل اجيك القوائم وارجع

- اوك
نزل واني بقيت ذبيت الحجاب وضفرت شعري ورديت لبسته توني ادنبس الشال طب وسد الباب التفت باوعلي ماعرف شون اقترب مني

بقيت بمكاني وكف كدامي بالضبط مثل انعكاس المرايه راح وجهي كمت اشوفه ببوبو عينه الذبلانه وضايجه النبوس بحلكي بين شفتفي دااخلي بالحجاب شال ايده و باصابععه الاثنين بهدوء طلع الدنبوس ونغزه بالقنفه بصفه وعيونه بعيوني رجع اصابعه قريب شفتي يريد يتلمس شفتي ابتعدت رجعت ليوره خطوه منصيه راسي غمض وصك سنونه

كال من بين سنونه

- مددداسوي شييي ااذي روحي وماااذيج غببيه

وكفت بمكاني تقرب نفس الخطوه الخطيتها شال ايده يتلمس خدي عيونه قربت تنسد واني اني دااحس كهرباء تسري بضلوعي

خوف
ولهفه ورجفه
والم ببطني
ومدري ليش دموعي نزلت وهو يتلمس وجهي باطراف اصابعه وتفاحه ادم تصعد وتنزل ونفسه اشوفه كدامي بارتفاع صدره يرتفع
وبانخفاضه ينخفض

همس

- عذبيني
- هاه

غمض ورفع حواجبه يحاول يفتح عينه اللي انطبكت كال

- عذبيني بعد
- مداسوي شي

- نفسج يجووي

كطعت النفس شال ايده و قبضها قوي ولم شفافه لداخل فتحه حلكه بقوه ويباوع واني مغمضه وسحب نفس بقوة ودار وجهه كال بهمس

- نور اني ماريد ااذيج ولا رايد انزل من قيمتج بس تعرفين شنو يعني العذاب الممتع اني هسه دااحس بي

هزيت راسي موافقه جسمي كله يرجف تقرب ولزم فكي بحركه وحدده ويباوع لشفتي بعدت راسي
- لافدوه لا حباب

- ششش بس بس حسي بيه وعذابي بهاي اللحظه
- لالالا

- لخاطري مو تحبيني
يباوعلي بتوسل ويميل راسه عيونه انتهت وهي تباوع لشفافي غمضت و رجعت ليوره عالحايط وتقرب هو اكثر حسيته حيدخل لجسدي كثر متقرب حسيت تقرب نفسه لشفتي انخبطت انفاسنا فعلا تاثرت تاثرت حد البكاء نفسه يرجف حدما قريب يوصل شفتي ابتعد عني شال البطل مال مي وداره على راسه جان مجرش ابتعد كعد عالميز ودار الكرسي الفرار عالشباك مباوعلي بعد واني بوكفتي بمكاني تبسمرت نفس تااثيري

واتلمس شفتي صدك باسني لالا مسواها مكدر ياذيني لانه يحبني كعدت بالكوه وهو داير الكرسي ضهره عليه وساكت ساعه الا شوي مرت جر نفس كام وطلع من المكتب ومباوعلي

ردت بس يرجع لطبيعته اخاف منه من يتحول ويضيق عيونه ويصفن بالافق البعيد عن وجهي احس يباوع لمكان مموجود بس بعقله

بقيت انتظر صارت ب١٢ ونص دزيت رساله اله
- حطلع
صارت مراي دز
- اوك الملصق
عدلت هدومي وحجابي وشلت جنطتي ونزلت طلعت من الاسواق لبيتنا طبيت توني خابرت خالتي
جسمي كله رجف حسيتها عرفت كلشي حسيتها حست بيه وخذلتها ورديت بخوف

- ها خاله
- ها ماما وينج
- ها لاخاله ابقى هنا فد سبوع واجي
- ماما نور احد غاثج وحده من البنات ضوجنج
- لاخاله بالعكس والله بس اشتاقيت لبيتنا
- خوش براحتج يله حبيبتي روحي اقري
- اوك سديته منها وطبيت وبدت مشاكل مرت ابويه
اول مبدت
كالت

- التنظيف يوم عليه ويوم عليج من تجين مجاوبتها لليل تعاركت ويايه لان مماسحه الطباخ زين وشالت الدهن بعصبيه وديري عالطباخ مكدرت اتحمل خابرت خالتي ورجعت اخلص ابويه هو والماكو سوه

لليل ردت انام رضوى وسلوى زعلانين عليه كمت ردت اصالحهم مرضو وسلوى كالت
والله اني علمودج بس مو علمود شي
ودك ايسر رديت باوعتلهم وحجيتله الصار كال
فتحي سبيكر خل احاجيهم

رضوى - ها ايسر

- رضوى شبيج ششايفتني

رضوى - مشايفتك غير اخويه وسندي بعد بابا بس اخاف تجي حجايه على نور

ايسر - لتخافين انتي بس سدي حلكج ولتكولين لامج ميصير شي

سلوى - ايسر تسمعني

- اي داسمج كولي
- تكدر تكولي شنو اخرت هالعلاقه
- اخرتتها خير انشاء الله

- ومنو اليضمن
- اني مضمون اكثر من الاكراد واللبيب بالاشاره  يفهم سلوى لتاخذين ميانه زايد تدرين بيه لاطيقج ولا تطيقيني فلتقللين احترام زين حبابه

سلوى - ايسر كدامها اكولك اذا نيتك وياها موزينه فهي يتيمه حوبتها جبيره تسكططك
ايسر - لتخافين اخاف عليها اكثر من روحي نور وينج يابه
نور - نعم
- كافي سدي اريد احاجيج شوي واروح انام
- اوك

سديت السبيكر باوعتلهم باوعولي متضايقين ودارو وجوههم حاجيته كال

- نور حبيبي
- نعم
غمضت مرتاحه لان رجع لوعيه كال
- انسي كلشي  صار بالمكتب كانما مصار اعتبري

سكتت مغمضه واني ذكرى  وانحفرت براسي كلما اتذكرها كلبي يسيح همست
- اوك
- عفيه سباعيه حبيبتي يله تصبحين على خير والبيننا يبقى بيننا
- اوك
- باي

- باي عمري انتي
.
.
.
.
.
.
يتبع