رواية أفلا تغفري الفصل السابع 7 - بقلم مريم السعدي

بارت ٧

نور ....

رجعنا للبيت لليل يله دزيت رساله
هلو مرد عليه وره ساعه هم دزيت
ايسر وينك
مكتب شي مع العلم يستلمها ويشوفها ضجت وتركته شوي ودز

- موجود
- ليش متصلت
- ضايج منج
- ليش شسويت اني
- راح اخابر
- اوك
دك رديت بسرعه باوعت لرضوى غاطه بالنوم طبيت جوه البطانيه

- كلت الو
- ها نور
- شنو ليش ضايج
- اكولج نور هاي ليش اليوم فاله شعرج وتتباهين بي
سكتت مادري شكوله

- متحجين بس طيني سبب
- علمود تشوفني
- هاااه مو المشكله مو بس اني شفت الشارع كله شاف

مرديت بقيت ساكته
- صاح بعصبيه
- متحجييين. يعجبج الناس تضل تتفرج على طوله يعني

- لا والله شعليه من الناس اني
- اي لعد بعد لتفلي
- لا مافله
جريت نفس
- شوكت ناويه تتحجبين عمرج ١٨ سنه ادري خالتج المصون متحاجيكم انتي والجان ذيج اللخ رضوى وسسلوى شنو هاللعبان نفس شنو لا دين ولا ديانه

- تره ااني اصلي
- وشنو الفايده صلاتج يابه والناس تتفرج عليج هااه
- ااني من اريد اتحجب
- اي شووكت من يشبعون العالم شوف بيج روحي نورر درروحي حجي متعرفين تحجين هذا السبب عليمن يرجع يرجع عالتربيه خانم

- يعني اني ممتربيه قصدك
- والله شتشوفين نفسج
سديته بوجهه راساً دز رساله

- والله انتي وحده متستحين وفعلا ممتربيه لج تسدي بوجهي لو تنصبين ذهب ماحاجيج بعد

بقيت اباوع عالرساله صرت نار ضربته بلوك من كلشي وعفته مر يومين وبدت نار الاشتياق بيه مكام يوصلنا هو يدز السايق ومادري اذا ديخابر او لا لان ضاربته بلوك اسبوع واجه جاب المسواك عيونه تدور واني اباوعله من شباك الغرفه من فوك مبين علي يتلفت ويدور وماطل هواي علما كمل المسواك وراح

بيومها بالليل سلوى جانت تحجي وي خالتي بالمرجوحه وطلعت انحشكت بخالتي لفت ايدها عليه والايد اللخ على سلوى باوعتلي سلوى ابتسمت كالت

سلوى : ماما نور صايره تخبل كبرانه
ام رضوى : اي حبيبتي عينن امها الله يرحمها صايره

سلوى : اي ماما خل اكملج عاد اجه كال عفوا ممكن استفسار صغير كتله تفضل كال اني اليوم منقول من دهوك. واعرف انج الاولى بالقسم ممكن تساعديني
كتله اذا اكدر ماقصر كال
لغتي العربيه موزينه مكسر احجي فاذا تضبطين الانكليزيه لان ضابطها ياريت نتواصل فكتله اي ضابطتها كال لعد اذا توافقين اريد رقمج حتى اخاف احتاج شي بمجال الدراسه طبعا واذا طلع مني شي غلط حضري بقيت صافنه مادري شكوله بعدين انقهرت عليه فطيته رقمي فخطيه اي محاضرات هاي ادزها اله بعدما ادرسها وارتبها حتى يفهمها

ام رضوى : اي شكو منها بس كون لازم حدوده لان الجامعه عالم مختلف ماما كانما ابتدائيه باختلاطج هم تساعديهم ويساعدوج بس اكو هواي نيتهم موسليمه فاحذري حبيبتي احذري منهم

سلوى : لا ماما اني واعيه واعرف بس محبيت اضم عليج اني بعد سالفة ابن عمي كلش انكسر كلبي لان بالخطوبه وحجه وي غيري مع العلم تدرين ماما جنت اقصر بدراستي في سبيل ماقصر عليه ويشوف نفسه محتاج احد يحاجي وميلكاني ويصير لغيري المجال كل هذا وقبل يحجي وي غيري وحجي مكدرت اتقبله بعد ومكدرت اضغط على روحي وانساه فتركته والحمد لله عمامي كلهم طبكو ويايه ومحد عاتبني لان يدرون بيه عاقله

ام رضوى : يابختي بيكم من بنات ياعمري كله انتو نور حبيبتي يانور عيني الله عوضني بيج بمكان اختي وصديقتي وانتي الثانيه اوصلي ماما اوصلي حبيبتي اني قبل يومين ست ندى خابرت كالت تره نور متراجعه بدراستها ليش ياامي ليش اكو شي صعب عليج تره حال بناتي انتي اصلا بنتي

نور : لا خاله بس اني هالفتره شوي ركدت ان شاء الله اعوض وارجع لمستوايه لتخافين لا خاله اني الدروس الاخذناها اني ورضوى بالعطله كافيتني

سلوى : ماما عادي تتعرفين على امه للولد
- يا ولد
- دلشاد ماما الحجيتلج عنه
- لا ليش اني اخجل ماما
- ماما مو هي المره من دهوك وجاي وي ابنها يكمل دراسته هنا حتى ميبقه وحده ويدوس الحرام فكلشي متعرف فذيج المره دااحجي ويا عالمحاضرات كال ممكن والدتج تتواصل وي امي لان مدتعرف اماكن السوك الزينه ومدتعرف لبغداد ابد كتله هسه اشوف
- ها اي شكو منها خطيه

- ماما هي فد حلوه اني شايفتها مره جتي وصلت ابنها بسيارتها وحتي سلمت عليه وراحت

- خوش ماما مابيها شي بس مو كلسا يخابر على ابو محاضرات
-لا ماما اصلا ابد ميحجي بغير الدراسه هو تارك صار سنتين ورجع علمود تحسين معدل كتل روحه يله طلع صيدله بغداد

- الله يوفقه
جريت نفس باوعت لنور الصافنه واصبعها بحلكها ومنتجيه على جتفي واني لافه ايدي عليها
- ها نور حتنامين
- ها خاله لا
- لعد شبيج صافنه حبيبتي شنو الشاغل بالج

- ماكو شي والله
كمت من يمها وعدت الايام ايسر كمت ماشوفه كام يجي محمد علينا اللي يضل ياكلني بعيونه واني لابسته كرهت كل شي متعلق بالعلاقات والتلفون تلاحكت لدراستي نوعا ما مرت مدة واجه الصبح ديوصلنا مدري شبيه رجلي رجفت من شفته داريد اصعد وعثرت صاح
- اللله وثول

مباوعتله صعدت رضوى كمزت عليه بوسته تضحك هو بعد وجهه بغضب باوعتله ونصيت راسي ليوره كاعده رضوى كالت تضحك
- اشتاقيتلك كومه
نتر
- وين رايح قاببل للمريخ
ابتسم ضم الابتسامه وعيونه بالمرايه صارت عليه جريت عيني وباوعت للشباك وطلع وصلنا ونزلت راساً والظهر رجعنا ابد مباوعتله رجعت للبيت لليل اندك تلفوني رقم غريب رديت

- الو سمعت صوته الاجش كال
- الو نور فتحي الحضر داحاجيج

كاله بصيغه امر سكتت كال
- شبيج صفنتي
- ماريد احجي وياك

سكت جر نفس نتر
- ليش يابه بتمن
- مو بت ملك وماريد احاجيك

كال بصياح
- ويطططبج طوب
سده بوجهي ذبيت الجهاز ونمت دك وراها اربع مرات ومرديت دز رساله عالشبكه كاتب
- ردي لا اطب اكول لخالتج عدها علاقه ويايه
بقيت صافنه عليه كتبت روح كولها مخايفه الحمد لله محاجيتك بادب

مرد بعد خابر مرتين مشلته وضربته بلوك عالرقم الجديد وكلبي معصور عصر ثاني يوم الصبح اجه واني طبيت للسياره كعدت ليوره بثقه وابد ماشلت راسي حد ماوصلنا نزلنا شو للتسعه رضوى تخربطت مدري شبيها ودزو على اهلي وراحت واني بقيت وحدي كمل الدوام واجاني صعدت بالسياره ليوره صاح
تعاي هنا سايق عد ابوج شنو

ارتبكت منصيه راسي عفت جنطتي كعدت بالصدر سديت الباب وطلع كال

- تحضريني مو
- اعتبرني رضوى كاعده يمك حجيت وعيوني عالشباك ماباوعله

- همم باعيني شو

مباوعت
صاح
- بااااوعيييلي

التفتت باوعتله برطمت ملامح وجهه المليانه غضب راساً لانت باوع بقلق وتنهدت كال بهدوء
- شبيج
- مابيه دكافي عاد عوفني انسى انك جنت تحاجيني كال وغمض عينه وكف السياره بفرع من الفروع

- مااكدر مااكدر اشتاقيتلج كلش
كلبي دك متأثر ودموعي نزلت قرب ايده لزم ايدي قوي بايده الاثنين

- شبيها ايدج ترجف شبيها باعيها لايدي باعي شصاير بيه شوفي

باوعت لايده ومسحت دموعي جانت ترجف وي رجفتي بس هو عصبي وكوه لازم اعصابه بقينا واكفين بالفرع بعيد عن بيتنا كال وعيونه بعيني

- فتحي الحضر اريد احاجيج
- لا عفيه خليني ااني وياك مترهم بيناتنا تصير علاقه اني بت اخت ضرت امك

- وهسه ياله عرفتي بعديش بعد ماتعلقت بيج مااكدر اني تورططت بعد
وضرب عالستيرن دار وجهه وخله زنده عالباب والشباك مفتوح بقه داير وجهه دقايق واني اباوعله صافن مضيق نظر عينه التفت بهدوء فزيت من التقت عيني وي عينه شفته حاير اكبر من حيرتي خله ايده على راسه وعكسه علالستيرن كال بهدوء وغمض

ايسر : حبيتج

نور : شهكت فكيت كل عيني هز راسه بموافقه وبعده مغمض وايده على راسه رجع شعره ليوره ويردد

- تورطت تورطت ووحبيتج

بلعت لساني مكدرت احجي شي دك تلفوني باوعتله
- عفيه هاي خاله

هز راسه وشغل السياره جر حسره دااجر ايدي من ايده عصرها مخلاني حد موصلنا وهو يتلمس بيها حتى من يبدل كير تكون ايدي جوه ايده ويتلمس بس ميباوعلي ابد

جان ضايج وعصبي وكانه حبه الي اكبر معضله وشي يأذي ميفرحه وصلني وهدد ايدي نزلت اباوعله وهو ميباوع عاكد حاجبه وعيونه كبل بس طبيت طلع شحط السياره وراح

شنو البي وشنو البيه

ليش حايره عيونه ويكول حبيتج ووجهه مقهور حتى مباوعلي من كالها شنو نادم يعني طبيت للبيت وفكيت الحضر بس مخابرته ولا راسلت
يوم
يومين

اربعه
واسبوع
وايسر مو موجود بحياتي اشوفه متصل وميراسل تركني حتى توصيل كام قيصر يجي علينا

ايسر....
شي بداخلي نبض بيها مدا اكدر خفت حيل من تعلقي وعدم مقدرتي انام بله مااسمع صوتها والاقسى من هذا اعترافي الها واني محاس بروحي من شفت عيونها صحيت لنفسي

شدتسوي ايسر شدتسوي ليش بلشت انت نسيت جنت تريد تكسر راس مرت ابوك شوداها لكلبك شوصلها لدكته

بنيه زعطوطه حجي متعرف تحجي شسوت ب عقلك اكلته اكل تفكيري كله بيها ليش
حلوه؟؟؟
ميت وحده احلى منها
مودبه ورزنه
الاف اكو احسن حتى منها

شبيه تخبللت ابتعد احسن حل ابتعد واسبوع اني مواصللهم اباوع للمحادثه وايدي تروح تكتب كوومه حجي وتمسحه اشوفها متصل اتخيل عيونها تباوع عالشاشه وتنتظر مني ادري بعزه نفسها شنو من الشي ادري بيها متنزل نفسها الا اني ارسل يله ترسل

ابتعد معليه عمي تورطت وليل ونهار وافكر ولازم روحي اكول تبرد ناري افك على ساعه افك وانساها التهيت بالشغل نبشت ابو ابويه

بس كل حركه اتحركها اتذكر حجايه منها لو اتذكر

اتذكر شهكتها من كتلها حبيتج

شعرها ونعومتها وكصرها
هلكدوتها هلكدوتها سطرررتني سطر.

اني صوجي اننني

اشتغل واتعارك وي روحي ياهو الشفته عطت بي محد كام يحاجيني من العمال خطيه البنكلادش كرب كراب حتى مااعصب عليه واني ارزل بي بس اخر شي طيته خوش اكراميه

باجر عطله لان وفاه الامام منفتح للعصر يله الليل كله ارتب واعزل وحدي وقيصر يساعدني ذاك الثاني هم صارله مدة مرايح لعلي صاحبه وروحه طالعه وصاير نار ويغلط عالنسوان ويرجع ليوره

تلاكينا وواحد يكبس والثاني يربط تالي خربنا ضحك سوه ورجعنا للبيت ساعه ٣ بالليل وكعدنا نسولف. للصبح مكتله عن نور ابد بس هو حجالي الصار وياه نعسنا وكمنا نمنا

ثاني يوم لل ١ ونص الضهر يله كعدنا لكينا بيت خال امي عدنا خطار

خال امي حالته كلش موزينه ساكن منطقه شعبيه و٥٠ متر بيته خطيه دائما امي تدزله فلوس لان خالها الوحيد ومجلبتنا انه بنته لواحد من عدنا يتبرع يتزوجها

البنيه كمر مو حلوه وعاقله حيل مافد يوم باوعتلي بنظره ابد من نطب تنصي راسها وامها تلح
كومي سلمي على ولد اخت ابوج رفعي راسج عيب احترمي

ترزلها كدامنا وامي متقبل وهي احسها مكسوره لان فقيره مغلوب على امرها ملابسها بسيطه حيل ودائما تلبس من لبس سنا هدومها القديمه تدزها اله سنا من جانت بنيه لو تموت متكعد يمها

قيصر بس شافهم طفر يشيل هم لامي واني بقيت كاعد يم خالها حجي وسوالف احتراما اله ولعمره للمغرب يله راحو والبنيه كلمه محجت بس ساكته وعينها بالكاع

وراحو ثاني يوم هم جانت عطله بس السوبر ماركت مفتح اني تكسلت واني رادت تركب تمن وقيمه بس جدر صغير وجبنا الغراض وداساعد امي قيصر نايم بعده واني دااشتغل وي امي وسنا دتلكط بالتمن وعقيل رجلها ديخوط اندكت الباب واحنا كلنا بالطرمه رفعت راسي مستغرب صحت منوو

جاوبت بنيه
- ااني اني
طلعت فتحت الباب والوصله بيدي لكيت بنيه مرتبه حليوه عيونها ملونه وكبار ميته خجل وتفرك بيدها نصت راسها ورجعت رفعته تتلفت مرتبكه

- تفضلي اختي رايده شي
- االعفو هذا بيت قيصر

- اي تفضلي
بقيت مستغرب صافن منيلك هاي قيصر واني اكول اخويه عاقل كالت

- موجود لو طالع
- لا موجود جوه نايم خو ماكو شي منو حضرتج

- ااني اخت علي اللي ضربه قيصر
ابتسمت
- هااااا اهلا وسهلا تعاي تفضلي
عكدت حاجبها صفنت على حجايتي
باع اني ولد وداكولها اخويه حوه نايم واكولها طبي جوه ابتسمت كتلها

- تعاي تفضلي امي هنا تعاي يووم يووم
- ها يمه
- تعاي هاي بنيه
ودرت وجهي سنا وكفت مدت راسها همست باذنها
- فوتيها جوه

طبيت وفتحت باب الصاله طبت وي امي مرتبكه باوعت عالجداري دكتها بخجل ونصت باوعت لعقيل كالت
ينطيكم مرادكم وان شاء الله العوده بعافيه اهلكم

رد عليها باجمعين

طببتها اني كعدت يمهم توقعت تريد فلوس

وبدت الحجي كالت

- اني جيت على قيصر والله عدي حجايه ويا ياريت تكعده مااخذ من وكته هواي

امي كالت
- يمه شونه اخوج

- والله خاله الحمد لله
- يمه ممحتاجين شي قيصر كال ممحتاحين شي بعد يدز فلوس العلاج وتردوها
- لا خاله العفو ميحتاج بعد

ايسر..
كمت اكعد قيصر هذا من ينام نومته طينه اكعد بي لك كوووم خطار عليك

قيصر : يبووووو منوو منوو متكولي منو يجي بوفاه الامام ادري مشترك بجيش الكفار رحمه لربك

خربني ضحك كتله
- كوم بيت علي
وعفته وطلعت
رجعت طبيت يم امي والبنيه وسنا يمنا دتحجي امي وياها عالضربه وقيصر شصار بي علمود علي وسنا قدمت عصير
رفعت راسها تبتسم
- ممنونه منج

اخذت الكلاص وباوعتلي راساً كتلها
هسه يجي بعدني ممكمل حجي وطب للهول جفت دينزل بتيشرته نص بطنه طالعه ويصيح
- يووم وين تلفوني منو شايله من الصخمان

ايسر : شششششش ها قيصر

قيصر.....
نزلت التيشرت وانصدم بحور طلعت بسرعه وسديت الباب طلع ايسر خربان ضحك دفتره بجلاق عالريك وكع بالكع خربان ضحك

- حيوان غير تحجي
- ولك موكتلك بيت علي
- اني عبالي مخابرين نعلعلا ررسسك

وكفت كدام المرايه مال مغسله

- اللله باع شعررري ووجهي مطبع مال مخده خرب شكد عيب كله من وراك تضحك موو تضحك بسيطه مردوده مردوده

- دفوت تريد تحاجيك

- شعدها جايه هاي
- فوت اسالها بس مشط
- شعري واكف شينزله

بقيت امشط حدما نزل واعدل بي كلسا غسلت وجهي وفرشت اسناني وطلعت اكلت لكمه ورجعت طبيت للهول

- السلام عليكم
باوعتلها رافع تك حاجب بغضب وكفت جاوبت
- وعليكم السلام
- تفضلي
جريت نفس باوعت لامي صافنه عليه سنا وايسر ضربو ركن اشرتلهم طلعو حرنو يمي
استغفر الله شون بالفضول اني

باوعت للبنيه

- علي شونه خومبي شي
حور : ها لا مبي شي بس هيج ردتك بشغله

بقيت صافن منزله راسها وخجلانه باوعت لامي ولاخوتي

- زين شوي عوفونا ممكن
ايسر : ها اي يله يوم سنا تعاي يم رجلج ساعدي

طلعوا اهلي وبقيت وحدي وياها باوعتلها خجلانه ومنحرجه مو هاي الجانت عصبيه كلما تشوفني كوه تجرعني

- تفضلي اسمعج
- ااقيصر ااني جيت اعتذر منك

جريت نفس ودرت وجهي
- لا ها هي عادي راحت بوكتها
- قيصر علي قاطع العلاج الفيزيائي مديقبل وعلاجه مدياخذه

- ليش هيج سوه

- الله يخليك متعارك ويايه صار مدة وديعاقبني بعافيته والله حموت قهر

- مو ردتي ابتعد عنه هاي ابتعدت انتي ضلي وياه وحدج مو طلعت موخوش ادمي وابصبص عليج اي هاي هيه اني مافيده لان اباوع لاخته

عصبت واخذني الواهس نص كلاص عصير جان عالطبله عطشت شربته باوعت للكلاص ونصت مبتسمه

- الوش الضحك نترت
فركت وجهه تضم بضحكتها
بقيت صافن
- شو مادري شونج الوش الضحك بله
- تره هذا عصيري

- ها العفو والله ممنتبه عطشت وشربته
- لاعادي بس عفيه الله يخليك ديخابرك وانت مترد ارجع حاجي بس خلي يكمل علاجه والله البارحه تراجعت حالته ووجع رجليه زاد كام يعاندني

مضيق عيني اباوعلها بغضب وهي تتوسل عيونها مدمعه بقيت اباوع بعينها سكتت واني سكتت صافن بعيونها حفظت ملامحها اكثر من كل مره نصت راسها وهسه ثبت عيد اني داباوع الها

- عفيه قيصر حاجي ارجع احجي وياه
تنفست بعمق رجعت شعري ليوره وغمضت هزيت راسي بسيطه
- عفيه شوكت
- هسه اليوم تصير القيمه واجيبلكم واحجي وياه

- اشكرك كلش اشكرك
وكفت اروح رفع راسه باوعلي رافع تك حاجب وكف لوكفتي كال

لخاطر علي
اي والله الله يباركلك باهلك
قيصر- وصلتها للباب وراحت التفتت
لكيت
امي
ايسر
وسنا
وعقيل
متجمعين وكلهم متكتفين صافنين عليه

- شكووو

امي كالت
- شنو رادت
- شلج شغل امي اني فايت اكمل نومتي من يصير التركيب كعدوني

ايسر : صار باشا

ايسر...
صارت القيمه ووديت لبيت ابويه لان خابر وكال جيب وياك مااعرف ليش جانت ببالي اموت واشوفها ووصلت طبيت للطرمه دكيت الباب مال مطبخ فتحتها سلوى ابتسمت و اخذت من ايدي وجتي رضوى تركض حضنتني دفعتها

- دوخري متشوفيني غادي مي
- ميخالف عادي شونك ليش مدتجي انت علينا
- عدي شغل وين ابوج باوعتلها وباوعت لداخل البيت شفتها مدت راسها بهدوء وحيره باوعتلي وبقت بنهايه المطبخ صافنه عليه

باوعتلها وكلبي يريد يوكف درت وجهي احجي وي رضوى
- صصيحي دااروح وكلسا ابوك نظره الها وهي بمكانها جامده هناك وبرطمت وعافتنا وطبت تمشي سريع للغرفه

كلبي وجعني حيل اذيتها بس قبلها اذيت كلبي طلع ابويه ابتسم كال

- بابا ارتاح اليوم باجر روح للاسواق اني هسه حمر
- لا يابه رايح اني ماعدي شي
- مو تعبان مال تركيب
- لا متعبان احجي واباوع وراه بلكن اشوفها بس مطلعت بعد

يومين مرت ذبحني الشوك
- بليل رسلت الها

صوره الحلويات اللي تحبها المدرج كله دزيت صورته الها شوي وصارت مراي بقيت اراقب شحتدز دزت صوره حجابات شالات معلكه وربطات بقيت صافن معقوله تحجبت مكدرت خابرتها مردت تركتها

ثاني يوم اخذتني النومه محسيت لل١١ يله رحت للسوبر ماركت ومحمد رجع البنات دزيته

نور....
ثاني يوم كلت لخاله حروح بيت ابويه اشوف بابا وهو يرجعني وصلني السايق لبيت ابويه جنت اول يوم البس بي الحجاب وصل تفكيري انه لان اني ممتحجبه هيج ديتصرف يريد وحده متحجبه ولبسته طبيت لبيتنا باب الداخلي مقفول دكيت الباب خابرت بابا جاوب

- ها بابا
- بابا وينكم كال اني بكربلا حبيبتي وخالتج عد اهلها
- ها اوك

رديت رجعت لبيت خالتي بالطريق وصار اسواقهم كبالي بس اعبر الشارع ردت بس يشوفني بالحجاب هاهي عبرت وجنطتي. على ضهري كافي ضهريه والاسواق فارغ بقيت افتر بالممرات سوبر ماركت جبير وبي عمال هواي افتر شلت حلويات وعيوني تدور عليه

لمحته ديسجل مدري شنو ونطه الورقه للولد وكال
كوله هسه يجهزلي هالكميه تره وشلنا وعليه طلب هذا بقيت صافنه عليه بتيشرت موحد كلهم لابسين مثله يومر وينهي هز كياني بهيبته التفت حس احد يباوعله واني واكفه بالممر صافنه عليه التفت بالتفاته عليه مرتين ووكف نظره فك حلكه التفت فرك وجهه بيده باوع عالموظفين صرفهم كلمن على شغله اشرلي بعينه صعدي فوك طابق ثاني كان بي ادوات مطبخ ومنظفات

صعدت عالدرج بهدوء وهو يباوعلي ويحاول يخفي ارتباكه لا ينتبهون عليه كلبي يرجف مثل السعفه

صعدت واباوع ورايه واعدل بشالي سمعت صوت ورايه همس
- طبي بسع بذيج الغرفه طبي

باوعت كدامي صارت باب تلفتت وطبيت وسديت الباب سمعت صوته كال

- عمااد تعال نظف هنا هاي مكسور بطل زاهي بسع يله

بقيت واكفه وره الباب التفتت شفته مكتب ميز وقنفات وتذكرت من كال تصعدلي فوك بالمكتب يعني اني هسه مثلها توني اطلع الم روحي التطشرت دخل وقفل الباب بقه صافن بوجهي فاك حلكه يتأمل وجهي بالحجاب بلع ريك مبتسم كال همس

- سبحان الخلقج شكد بريئه

نصيت راسي افرك بيدي تقرب مني رجعت ليوره
- شبيج نور باعيلي
تنفست بخوف
رفعت راسي باوعتله لزم ايدي ترجف غمض قوي

- شكد مشتاقلج ليش لبستي الحجاب
ضيق عينه مبتسم. علمودي؟
بقيت منصيه راسي
نور جيتي تشوفيني روحج تحجبتي؟

بقيت ساكته

نونو باعيلي يا الله دباعيلي

رفعت عيني ابتسم تقرب مني اكثر ابتعدت احتميت بيدي كتله

- ااريد انزل اروح
- لعد ليش جيتيني
- لا ردت اشتري وواروح

- لا ردتي تشوفيني روحج متحجبه

بقيت اباوعله عيونه ذبلت جر نفس وعصر ايدي وقربها من شفته باسها يباوع بوجهي يقره التأثير الصار بيه

كتله
- ليش عفتني

غمض وفرك وجهه مبتسم
- احجي بعد احجي

برطمت
- لعد انت مو رجال موكتلي حبيتج ليش عفتني وراها ليش

ابتسمت من كلبي شحلو عتابها جاوبت
- ماعوفج بعد
- كذاب هم يومين وتتركني واضل اكل بنفسي واكول لان اني هيج عافني

- لا عيني انتي لا ماعوفج بعد امشي اوصلج
- ماه اروح وحدي
- دنيا ظهر نور
شددت بكلامي

هزت راسها موافقه نزلت كدامي ونزلت وراها جنت حيل فرحان ومرتاح ناسي هي منو بس اتذكر انها مسؤوله عن تغيير نبضات كلبي واحساسي بيدها
تعبي كله راح كمت اردد وي روحي عوفها للوكت شون متصير خل تصير يجوز على غفله امل واتركها من وحدي لو هي التترك خليني هسه ماعدي غيرها احاجي

نور....
وبدت قصتنا جنت احجيله كلشي بيومي ويحجيلي كلشي نضحك نسولف ساعات رضوى مره حست عليه جنت غاصه من الضحك كالت
- ويامن دتحجين جمدت والسماعات باذني همس

- شششش
وخربان ضحك رجعت الضحكه علكت بيه نزعت السماعه وضميت الفون جتي يمي كالت
- نور
- ها سويت روحي بنومي ضلت صافنه عليه كالت
- مخبله والله مخبله.

تركت الدنيا على موده اشهر مرت واذا طلعتلي حبايه اخابره ويحجي ويايه عادي باي وكت جان يكولي

اي شي تحتاجين كوليلي باي وكت تردين تخبارين خابري عسى ما الفجر عسى ما تراجيج ضايع قفلها وضايجه من وراها خابريني

طلعت حنيته كلها انترست حنان وحب بس محجينا بهالشي ابد جنت اغار من يكولي بيت خالي يمنا واصير نار مابينها اله بس بيني وبين روحي احترك لان حجالي امه شتريد

.
.
.

.
.
.

يتبع ...