رواية اجبروني فهمت فيه عشقا الفصل الأول 1 - بقلم *شغف الكتابة *

اجبروني_فهمت_فيه_عشقا
بارت 1
مرحبا اني نور عمري حاليا 35 سنه اني الوحيده لاهلي وعندي 2 اخوه مصطفى ومهيمن هم اكبر مني واني اخر العنقود وجنت مدللة ابوي لاني البنت الوحيده اله وجان بالمدرسه الابتدائية مختلطة جان اطو ولد اسمه حسين يوميه يجر جدولتي شكلي ابيض عيوني عسلي. وشعري جوزي طويل لان امي تحب الشعر الطويل طولي حلو مناسب لعمري

وجان مصطفى يوميه ضارب حسين بالشارع بسببي لما خلصت الابتدائيه دخلت متوسطه بس بنات الحمد لله يعني خلصت من حسين 😂😂😂اجتماعيه حيل واضحك على هذا وذاك والمدرسات يحبوني كلش لان متفوقة ابوي ضابط جبير بالدوله يعني طاگ حالتنه الماديه ممتازه بيتنه كولش حلو مثل القصر اني مجده حيل وادرس بكثره وامي متخليني احرك شي او اشتغل اي شي اهم شي عدهه دراستي لان هي انحرمت بسبب جدي جان ميقبل تكمل دراستهه وخالاتي كذلك عندي 5 خالات وخال واحد فديتهم امي وخالاتي وخالو كلهم شقر ويجننون اجانب على حالهم 😂😂😂صرت شابه فديتني وبدت علي ملامح الانوثه وصرت صف ثالث متوسط ابوي وعدني اذا نجحت بمعدل عالي يشتريلي. اي شي اريده او اسافر للمكان اللي اريد ابوي يسولفلنه اكو عنده ضابط محشش ووياه اخوه بس اخوه هادئ عكسه اسم الضابط حسين واخوه عمار هسه دوره ومن يجي دوري اكمل ☺☺☺
حسين واخيرا اجى دوري 😂😂😂 اني حسين ضابط جنت قبل اوگف يم كدرسة بنات واشوف بنيه تجنن يوميه اجر جدولتهه وتبجي ويصيرن خدودهه حمر ما اعرف ليش الا اجر جدولتهه خباثه يمكن 😂😂😂 اني كشكول احب التحشيش والتصنيف اضحك على هذا وذاك ابوي تعب مني ذبني كلية ضباط حتى يصير براسي خير وشمر وياي عمار اخوي ما اعرف ليش لازگيلي بيه وين ما امشي وياي اسمر وشعري اسود وعيوني جوزي غامق عندي 2 اخوات سمر اختي اكبر وحده متزوجه واني وراهه وعمار وسلمى احلى وحده بيناتنه ومنتظر الگعده جان الآمر مالتنه يوميه داگني عقوبه لان شالع گلبه اخر شي نطاني المقسوم جلده نزع جلدي بيهه 😂😂😂 لان دائما يحذرني واني ماخذهه شقه بس باليوم اللي جلدني بيه طفرت روحي گلتله اني الك ماجنت اعرف بيه ابو ام جدوله 😂😂😂 جان حبيته ومشيت كلمته نرجعلهه كملي كبداتي
نور ههههههههه عابتلك ابو حواجب لان حواجبه كلش ثخينه صار عمري 15سنه وصرت اجنن والدنيه زاهيتلي ونجحت ودخلت معهد معلمات كملت المعهد بمعدل زين رحت اقدم على تعيين اني ما البس حجاب يعني سافره بيومهه جنت لابسه كيلوت بنطرون عريض وقميص سمائي وجدولتي جانبيه وگذلتي على وجهي هم جانبيه ومكياج خفيف هاي بداية السقوط واني امشي وصلت قريب للتربيه حتى اقدم وما احس الا انصدمت بشي گعدت لگيت نفسي بالمستشفى قبل ماجانت اكو موبايلات بس الطاگين اني ابوي جان واعدني يجيبلي واحد يخاف علي طبعا ابوي استمر بشغله حتى بعد السقوط لما طلع تقاعد نرجع نكمل صحيت گلتلهم اني وين واشوف شاب يجنن اسمر گال الحمد لله على السلامه ملابسه ملابس ضباط گعدت بسرعه ليش شنو صارلي
حسين جنت ضايج لان استقطعوا من راتبي. بسبب الآمر حاط نگره من نگري عبالك بعمري ولا جنه بعمر ابوي وهذول الجنود حراكه حسره علي اسوي شي يرحون يشكوني بس ما اعرف منو لان كلهم گبالي يموتون علي وعلى شقاي ووراي يحمسوني حمس اولاد اللذين متت بدمي واني اسوق سريع شفتهه مثل الغزاله تجنن ماسيطرت فلت البريك ضربتهه وشمرت عالرصيف طبعا عطلت ما جنت حاسب هذا الحساب شلتهه وبسياره للمستشفى اني تعورت براسه شوي بس هي خطيه ما عرفت شبيهه وطلع الدكتور گال كسر بسيط باليد اليسرى وجرح طفيف براسهه شفتهه ضجت لان كسر ايدهه قوي شفتهه نايمه ملاك على حالهه اويلي يابه هاي شلون خلقه متعوب عليهه 😂😂😂 گعدت الحمد لله على السلامه وحجت ايا يابه صوتهه ناصي لا مصار شي بس اني صدمتج ☺☺ حاليا بالمستشفى ماجنت اعرف سيارتي بيهه عطل هسه اوصلج لاهلج بس انطيني العنوان واعذريني اني غلطان واعترف
نور اسلوبه كلش حلو يجنن وشلون يعتذر ما اعتقد ابوي يفوتهه سلامات اكيد راح يذبه سجن شلون سالفه نطيته العنوان واخذني للبيت رن الجرس وطلع صوفي اخوي حبيبي وبعده موني شافوني مصطفى لزمه وضرب لما خله دمه يطلع من كل مكان بوجهه واني بس اصرخ عوفه عوفه صوفي عوفه الله يخليك ساعدني لو ما هو جان اني بالشارع لسه
مصطفى اني مصطفى اخوهه لنونه ما اقبل اي شخص يحاجيهه لو يسوي بيهه شي لو يأذيهه من شفتهه بهاي الحاله فقدت وصرت اضرب بالولد بلا وعي وهي تصرخ شبگتهه وگلتله ولي منا ما النه حجي وياك اهلك وعمامك يجون ونتفاهم وياهم تحمي الوطن مو روح روح لا انهيك

اجبروني_فهمت_فيه_عشقا
2
حسين اخوهه شبعني ضرب حقه اخته وهي بهالحاله گمت نفظت نفسي من التراب وگلتله حقك خويه اليوم احنه يمك واللي تريده يصير العصر جمعنه عمامي وابوي متوفي الله يرحمه ورحنه اني وعمار وعمامي دگينه الباب وجانت الصدمه طلع ابوهه الآمر اويلي يابه الصبح عقوبه ونزل راتبي ودعمت بنته ليمسح بيه الگاع
ابو نور اهلا وسهلا تفضلوا
هذا انته ما تجوز من مشاكلك بسيطه لامسح بيك الاراضي
حسين دخيل بختك سيدي وداعتك هذا واحد شيطان لاعب بالسيارة ومخرب البريك البارحه من وصلتك للوحده مابيهه شي اليوم ما ادري ليش هيج صار
ابو نور ادخل ادخل يصير خير اني الك
حسين امري لله امسح بيه الگاع اروح فدوه لگاعكم ريتني وصلة مسح 😂😂😂
ابو نور ضربته براسه ادخل ادخل لا اسحلك منا عمامك عيب
مصطفى شفت ابوي يشاقيه عرفت هذا المحشش العنده بس عگدت حاجبي عليه واستقبلت عمامه ودخلتهم للاستقبال وگعدنه وبده الحجي
ابو كاظم عم حسين يابه يا جماعة الخير ابنه غلط واحنه جايين نعتذر منكم والاي تردونه يصير وبخدمتكم
ابو محمد عم حسين خويه ابو مصطفى ابنه غلطان ومبين عليك تعرفه زين احنه بخدامتكم واحنه عمامه وبمكان ابوه الله يرحمه ويرحم امواتكم
ابو نور يا جماعه الخير انتم الخير والبركه اني متنازل عن كلشي بس اريده شوي يثگل ويعقل واني حاسبه مثل ابني
حسين الله يخليك سيدي والله انته بمقام ابوي الله يرحمه بس اللي صار مو بأيدي واني شرحتلك الوضع زين اكو واحد لاعب بالسياره واذا فتحنه تحقيق راح يبين
ابو نور ماشي واذا ملاعبين بيهه احمسك بعقوبه انيمك بيهه سجن 10 ايام مع الاعمال الشاقه موافق
حسين 😃😃 موافق
ابو نور ماشي اني راح اطلع جماعه كشف ونشوف وحسابك عسير
ابو كاظم 😂😂😂 والاه ما طولكم تعرفون بعضكم براحتكم انتم خيطوا واحنه نلبس
ابو محمد. 😂😂😂😂واني گولي من گولك خويه ابو كاظم حسين بعد عمك حضر جلدك
الكل ههههههههه
عمار سيدي اذا تريد اني اتولى الامر انته تعرفني كلش زين ما اميل لو مو اخوي الحق حق وانته استاذنه وتربينه على ايدك
ابو نور اي وليدي انته تولى الامر اخوك حسابه يمي
مرت الايام وكملوا الاجراءات وطلع الجندي اللي مصنفه حسين هو اللي لاعب بالسيارة وفصلوه من شغله وسجنوه شهر بس حسين تنازل عنه وطلعه واعتذر منه لان حب يلطف الجو وياه بس هو اخذهه بجديه وابو نور انعجب باخلاق حسين

بعد مرور شهرين وحسين يراقب نور لان يريد يتزوجهه وقرر يحاجي ابوهه بالموضوع وهو بالطريق التفت عليه 3 سيارات محمله مسلحين سحبوه من سيارته وغطوا راسه حتى ميشوفهم وجتفوه وخلوه بسياراتهم وخذوه لمزارع باطراف المدينه
حسين لكم شنو هذا منو انتم فهموني شدتسوون لخاطر الله تركوني يا حثاله لكم لو انتم رياجيل صدگ خلونه واحد لواحد وشوفوا شنو اسوي بيكم والاه لاراويكم الامهات شتجيب انذاااال
احد افراد العصابه لازم قويان يابه وصايرلي رجال والله لاخليك عبره لامثالك
حسين منو انته اذا انته صدگ رجال خلي اشوفك الامهات شتجيب يا كلب
هي بله ما تسكت وتخلصنه جاي تبيع بطولات براسنه انته بس انتضر وراح يجيك اجلك يا ناقص والله لاطلع قهر الدنيه وتعبهه بيك يا نذل
هههههه اني نذل والاه ضحكتني بله ما تسولفلي مثل هاي نكتك بعد بروح امك حلفتك بالغاليه واجاني بوكس شل وجهي 😂😂😂هي هاي الرجوله مالتكم تتقاوون على رجال اعزل ومربط والله والنعم نريدكم بالشده 😂😂😂😂واجاني بوكس ثاني وگعت بالكاع وصارت الدفرات من كل مكان طبعا استفزيتهم حتى من تحركاتهم اعرف العدد عرفت اللي يمي 7 نفرات طبعا هالجماعه شفت اولي
افراد العصابه
اكلك ابو ايهاب ما اتصل
لا والله بعده كال لا تتصلون الا اني اتصل لو اجيكم
وهظا البلوه وين ناخذه وسن نوديه
ما ادري انتضر لما يجي ونعرف شنو نسويله ونحلهه
اگلك هذا هسه يطلع بيه الثار كله
العلم يم الله
اجبروني_فهمت_فيه_عشقا
3
حسين اني بهالاثناء سويت نفسي مغمي علي وسمعت كل كلامهم بس ما عرفت منو ابو ايهاب خليته براسي بله من يجي اتعرف على صوته لو لا اكيد مار عليه صوته لان هواي من امثاله حجزوهم يمنه بالمركز وبقوا هواي وبعدين طلعوا
نور رجعت من التقديم فرحانه لان قبلوا يعينوني جنت لابسه تنوره سوده وقميص بيجي ومسويه شعري جدوله لان متعلمه اسويه جدوله ما اغير شوي وفجأه ويه طلعتي طبكت سيارات بيهه ملثمين واني اصرخ يا ناس يا عالم الحگولي خلصوني الله يخليكم والناس بس تتفرج محد يحرك ساكن واني اصرخ ضربوني براسي فقدت الوعي
ابو ايهاب هاكم شلون غزال والله لاطلع ضيم ابوهه بيهه اني يسوي بيه سوايته وعلى باله انساهه اله والله لاندمهم هالكلاب
حسين سمعت صوت شخص بس صوته مو غريب اعرفه من رن باذني يمكن هذا اذا اشوفه اعرفه
ابو ايهاب ها كلب جابوك اليوم انته حصتي والله لاطلع القضه والمضه بيك يا حيوان
حسين سويت نفسي نايم ومغمي علي بس صاروا مثل لدود هواي ما اكدر اعدهم وهذا يحجي وضوته يرن باذني اريد بس اتذكره وين سامع صوته حتى بلكي اعرف دليل اي شي ومنو هالغزال اللي يحجون عنهه يا مسكينه راح يدمرون مستقبلهه بس الا ادمرهم الغلط الوحيد اللي سووه ربطوا ايديني بحبل واني مخلي سجينه باسفل حذائي العفو للطوارئ
ابو ايهاب هذا اشو ميتحرك شسويتوا بيه
والله يا ابو ايهاب استفزنه وضربناه لما جنزناه وهذا كدامك صارله ساعتين على هالوضعيه

خوش تسوون عقيل وينك
نعم ابو ايهاب
رشه مي لهالسافل خلي اتونس بيه 😂😂😂
عقيل جبت سطلة مي ورشيتهه على وجهه فز
حسين رشوني مي خنكوني الحقراء صحت ها يا نسوان لازم متعبتوا
ابو ايهاب 😂😂😂😂 لا تخاف ما نتعب راح نتعاون عليك لانهيك انته وهذا السافل النقيب مالتكم صايريلي استاديه مو اكلوهه وضربته على وجهه وبطنه بوكسات لما صار يجري دم من كل وجهه يله ارتاحيت
حسين 😂😂😂 ضحكتني والاه انته دتتشاقه اكيد شايف من اعرفك الا اسويك زلاطه واجيب احباب گلبك هالمناصرينك وافرجهم عليك واشوفهم بطلهم شلونه مسويلي نفسك بول سبنسر لو بروس ويليز روح ارضع ممه ونام امك تخاف عليك طبعا الامر ترقه وصار نقيب هنا انكتلت كتله ولا بالاحلام استاهل لساني المتبري مني ما يخليني 😂😂😂😂
ابو ايهاب هذا الكلب يبقه بلا اكل ولا شرب لما يموت هنا قفلوا الباب يله
واحد من العصابه سيدي والغزاله وين تبات 😂😂😂😂
ابو ايهاب ابن الكلب عينك عليهه محد يتقرب منهه واللي يتقرب افرغ مسدسي براسه اني اريد اذله لابوهه هالكلب مسوي نفسه زين ويحافظ عالقانون الا اربيه وهاي اشمروهه ويه هالحقير
نور شمروني بالكاع وگعت على ايدي اللي انكسرت قبل مده وگامت توجعني حيل واني بس اتوسل فدوه الله يخليكم طلعوني شنو تردون مني فلوس اتصلوا بابويه وينطيكم ذهب ننطيكم بس اتركوني وين رحتوا بابا مصطفى مهيمن الله يخليكم تعالو اني بحاجتكم يوم وينج ولج يمه لحگيني
حسين اسمع صوت بنيه تتوسل مردت گلبي مرد بس صوتهه مو غريب يمكن هاي ابوهه مسوي بيهم شي ويردون ينتقمون منه اني الكم يا انذال لا تتوسلين انتي ما عندج كرامه
نور يا كرامه هم خلوا كرامه شالوني بنص الناس ومحد حجه وياهم احجي واصيح فقدت
حسين متت بدمي شلون هالناس تشوف هيج منظر وتسكت اهدي اهدي انتي وين بيتكم
نور وانته شكو تعرف انته واحد منهم
هههههه ليش شفتيني
لا وليش تضحك حجيت نكته
يعني عيونج معصبه
اي
واديج مربطينهم لو لا
اي بحبل وايدي مكسوره قبل مده وهسه يله التأمت وشمروني عليهه ورجعت توجعني
يا ربي ايدهه خطيه يا مسكينه اكلج انتي لا تتوسلين بس اتقربي مني وافتحي عصابة عيني حتى اگدر اطلع شي افتح بيه نفسي وافتح اديج وعيونج
يعني انته مخطوف
لا جاي اتونس طبعا مخطوف حتى نفخولي وجهي 😂😂وسمكن حطولي مكياج
😒😒😒 مبين عليك اللي نافخين وجهه ما يحجي مثلك وليش افتحك شكو بيك اني ومنين اعرفك
اسمعي يبنت الناس اني ضابط بالوحده.......نحمي المنطقه.......مسؤوليتي السجن.......ومر علي اشكال والوان وهذا صوته موغريب يمكن اعرفه واذا عرفته لاراويه نجوم الظهر بعده ما يعرف شنو حسين وشنو يسوي
كافي مدح منيلك ضابط اكيد جنت دايح بالشوارع ولزموك على فديه
😂😂😂😂😂لا بربج انتي تونسين احد گالج هالشي
😭😭😭😭اي اخويه وابويه
لا تبجين ما ناصبين فاتحه منو ابوج وشنو يشتغل
ابوي النقيب توفيق مسؤول الفرقه.......بالمنطقه ........
انصدمت هاي نور شنو اسمج
نور ردت اتأكد عندج كم اخ
انته تريد تطلعلي بطاقه لو شنو
لا بس ردت اتاكد اعرف بنيه بهذا الاسم وابوهه توفيق
عندي 2 اخوان مصطفى ومهيمن
نور انتي بنت النقيب توفيق اللي دعمتج بسيارتي وانكسرت ايدج اليسره
هذا انته شنو جابك هنا
يطلبوني ما ادري بشنو هسه لو مسوي مشكله جان ارتاحيت گلت اكيد عليهه صراحه جنت اراقبج وفجأه التفت علي سيارات واخذوني لان صارلي مده اشوفج من تطلعين لما ترجعين لبيتكم لان الوضع مو امان واني جنت ناوي اتعرف عليج واخطبج من ابوج
😂😂😂😂😂😂تراقبني وشعرفت عني هسه ومنو كالك اني اوافق
😂😂😂😂😂كلشي وحتى الله جمعنه بخطفه وحده 😂😂😂😂

اجبروني_فهمت_فيه_عشقا

4
نور 😒😒😒 بايخه
حسين اش اش سوي نفسج نايمه اجو الحثاله
ابو ايهاب عقيل كريم تعالو بسرعه
نعم ابو ايهاب كول
شوفولي هالحقير گاعد لو بعده مدد
كريم صارعمي گوم لك حقير كوم
حسين اني اسمع صوتهم وكلامهم كله ومن اجاني هالكلب يدفر بيه سويت نفسي مغمي علي حتى ما تحركت
نور سمعتهم يحجون واني گلبي راح يوگف يمه بس لا اجوني يا ربي فدوه خلصني منهم انت مو گلت ادعوني استجب لكم بحق نبيك محمد بحق حبيب رسولك الحسين خلصني بسم الله الرحمن الرحيم «وجعلنا من بين ايديهم سدا ومن خلفهم سدا فاغشيناهم فهم لا يبصرون »يا ربي يا كاشف الضر ابعدهم عني بعد فرعون عن موسى يا رب وابجي وارجف بس سويت نفسي نايمه حتى ميحسون بيه مثل ما وصاني حسين
كريم عمي هاي اثنينهم ما يتحركون هاي بجت لما سكتت وهذا ضربناه لما اغمي عليه اني راح ابقه اراقبهم واذا صار اي شي اني اتصل بيك
ابو ايهاب خوش حجي هاك هذا التلفون توصلي اخبارهم اول باول واياني واياك تتعاطف وياهم لو تمد ايدك على البنيه اكتلك بمكانك وادفنك ومحد يدري بيك
كريم حاضر تؤمر امر
حسين. حسيت صوت سيارات تحركت امنت گلت الحمد لله راحوا بس بقوا جماعه يراقبونه من سدوا الباب وماكو يمنه حركه معناها طلعوا بغير مكان وبقونه بحدنه لج نور نور اصحي نور
نور ها عفيه خلصني الله يخليك واكون ممنونتك دنيه واخره بس خلصني فدوه صرت ما احس بايدي الوجع حيموتني
حسين بقي بالج وياي ما اريدج تخافين اريدج مثل ابوج گلبج صخر لو مهما يصير مفهوم
نور اي
حسين طلعت السجينه اللي خافيهه للضروره وبديت اكطع بالحبل لما انقطع الحمد لبه وفتحت عصابة عيني ما تكدر اشوف بس ظلام شوي وبديت اشوف زين ركضت اكو فتحه صغيره شفت بس 4 ولد گلت خوش اربعه مكدور عليهم رحت لنور فتحت اديهه وعيونهه وگلتلهه غطي عيونج وخلي اديج وره ظهرج راح ارتكب بيهم جريمه هالانجاس
نور فتح اديه حسيت براحه قليله لان ايدي موتتني يومين هي وره ظهري متت سويت كلشي گال عليه بس شفته يمه يجنن شوارب ولحيه خفيفه هيبه وضخم اويلي صدك فارس احلام بس هذا ضابط احلام 😂😂😂 سويت مثل ما كال وسويت نفسي نايمه ضرب الباب
حسين ضربت الباب ضربه لا خفيفه ولا قويه يعني تنسمع اجه واحذ منهم گلت اي جابته منيته دخل للغرفه ولزمته كسرت رگبته مات خلصت من كلب وراه بربع ساعه اجه الثاني دخلت السجينه ببطنه وسديت حلگه وما خليته يتنفس لما مات واخذت تلفونه خابرت نقيب توفيق لان نور حافظه الرقم الظاهر جان بطريقه يدفع الفديه حتى يستلم بنته خطيه يا مسكين الو سيدي اني حسين
ابو نور ها حسين شكو وين مختفي ما بينتله بيه شي
حسين سيدي لا تدفع الفديه بس استدرجهم نور بأمان وياي اني وياهه مخطوفين ونفس الخاطف يريد يذلك وايذلني اسمه ابو ايهاب بس ما عرفت اسمه الحقيقي خلي الفرقه تلحگك ولزموهم اني هسه قتلت 2 منهم وباقين 2
ابو نور حسين يحجي واني متفاجئ حافظ على بنتي حسين نور بأمانتك اريدهه
حسين من عيوني سيدي وقفلت الخط اجه واحد ثالث بعده صغير لحيته وشواربه خفيفات كلش جنه بنيه ما كتلته بس ضربته ببوري يمي فقدته الوعي وانتظرت الرابع يجي وهذا ربطته وشديت عيونه حتى احذه وياي نحقق وياه ربع ساعه وماكو نص ساعه واجاني الاخ سكران هله بيك تعال اول ما ضربته بالبوري مات موتت الكلاب اخذت نور وهذا شلته على اكتافي وركض للسياره جانوا مخلين سياره احتياط الهم اخذت مستمسكاتنه اني ونور وگبل اسوق بسرعه لما وصلنه نقطة تفتيش طلع بيهه ولد عرف شافني وشرحتله الوضع وطوقوا المكان واتصلت بعمار ها عموري
عمار ها ولك وينكانته خابروني جماعه يگلولي خاطفيك وهسه انه ماخظ الفديه ورايح الهم
حسين ارجع عمار ارجع يم امي اني جايكم
عمار انته وين بس فهمني
حسين من اوصل افهمكم كل شي بس عندي شي لازم اسويه واذا تگدر الحك نقيب توفيق وهناك ملتقانه
عمار حسيت حسين متاكد من كلامه مجاي يضحك لو يمزح وياي گبل للسياره ولنقيب توفيق
ابو نور اتصلت بالوحده طوقوا المكان من بعيد حتى نلزمهم ونشوف منو المخطط بس هالمره داسولي على طرف لاوصلهم للاعدام هالحقراء ولا اخلي العفو يشملهم