رواية اجبروني فهمت فيه عشقا الفصل الثاني 2 - بقلم *شغف الكتابة *

اجبروني_فهمت_فيه_عشقا

5
ابو نور ملازم عون بشر
سيدي قبضنه على الاربعه اللي جاي ياخذون الفديه وحلناهم للتحقيق ان شائ الله نوصل للمدبر
ان شائ الله
مصطفى بابا وين نونه مو گلت حسين جايبهه
اي بابا بالطريق وحسين زلمه وكدهه وراح تشوف
مهيمن ان شائ الله
حسين سلمت اللي وياي للعقيد مقدام وقدمت بلاغ ونور وياي اخذتهه للمستشفى صاير عدهه رضوض بسبب الكلاب لان دفعوهه ووكعت بالكاع رفعوا ايدهه ونطوهه مسكنات واخذتهه لبيتهم
نور شفت كلشي بعيوني بس من يقتلهم ما اشوفه لان اخاف لا اصرخ واخرب كلشي ومن هربنه من المكان نسيت مستمسكاتي ورجعت اخذهم سحبني من ايدي وكال هاي مستمسكاتج وصعدني بالسياره ورحنه قدمنه شكوي واتصل بابوس وطمنه واخذني للمستشفى اعتني بيه بشكل صراحه حبيته وصرت اميل اله ولا كأنما هذا اللي ماخذ الحياة مزح جدي بشكل اخذني لبيتنه ودخلنه
حسين سيدي هاي الامانه لا تخليهه تطلع بحدهه الدنيا مو امان البنيه شابه والعيون عليهه وهالكلاب اليوم اني الهم لو بس اعرف منو ابو ايهاب جان ارتاحيت
ابو نور مشكور عمي اول مره اشوف حسين يجدح نار اوكف لني اروح وياك
نور حضنت ابوي وبجيت وامي طلعت تبجي حضنتني واخذتني جوه البيت ومصطفى ومهيمن مگابليني وبس يبجون ويعتذرون لان تركوني ومحد راح وياي بالتقديم وقررت بعد ما اقدم اكعد بالبيت لما الله يفرجهه هالمره بيه بخت ونجيت بفضل رب العالمين وحسين لو ما حسين جان قتلوني
حسين يله سيدي نتوكل
ابو نور يله وين خليته للكلب اللي جبته وياك
سلمته للعقيد مقدام لان جان باول مفرزه شافونه وهاي سيارتهم رحنه واستقبلنه العقيد مقدام وبدينه نتفقد التحقيقات اللي سووهه بس ما جان يعرف هذا الولد بس كريم لان نسيبه وما يعرف ابو ايهاب واني قتلت كريم يا ربي شلون سالفه هاي شلون نوصله تذكرت التلفون بيه السيم كارت رحنه للشركه طلعوا اسم عمران ......سيدي تعرف شخص بهذا الاسم
ابو نور هذا الاسم مار علي بس ما اتذكر بالضبط هسه نروح نتفقد اسماء المساجين تفقدت اسماء كل المساجين اللي عندي ولا واحد بهذا الاسم
حسين سيدي خلي نشوف اسماء المفصولين من العمل بسبب المشاكل يمكن يكون واحد منهم والا ليش يريد ينتقم منك ومني اكيد مطرود بسببي وانته طارده لو عندك غير رأي
ابو نور اكيد وهذا رأيي الزم شوف هذا السجل واني هنا ادور بلكي الكه اسم او دليل يوصلنه لهذا واندمه والله
حسين مكتوب اسم كل شخص وسبب طرده ولمحت الاسم قريت السبب هو اللي عطل سيارتي واصطدمت بنور لان جانت غابته يقتلني بطريقه غير مباشره سيدي هذا لكيته شوف منو
ابو نور منو
هذا اللي عطل سيارتي وبسببه صدمت نور
ابو نور لا يا كلب هذا ما كفاه الي سواه بينه بسيطه اتصلت باخواني وعمامي ورحنه گاومناهم واخذت ورقه من المحكمه القاء قبض بحقه طلعوا جماعه تلعقيد مقدام لازمينه وجابوه يمي اليوم اني اله ها ولك ما شفنه جهرتك تريد تنتقم مني واحجي بعصبيه
ابو ايهاب ليش اللي سويتوه بيه سهل بهذلتوني وخليتوني بغازه الفلس لما مشيت بهذا الطريق بسببكم
ابو نور انجب اك كلب انته جبتهه بايدك بسيطه اذا ما اخليك تتعفن بالسجن اني مو توفيق
ابو ايهاب ههههههههه شيجي لبدك سويه ما يهمني اهم شي ذليتك انته وهذا اللي وياك كدام الناس وكلهه شافت بس لو كاسر خشمك جان ارتاحيت
ابو نور عرفت قصده ونزلت عليه ضرب لما فقد الوعي صحتلهم جيبولي سطلة مي بسرعه جابوهه ذبيتهه على وجهه گعد ورجعت عليه ضرب لما كسرته تكسر حسيت نفسي شفيت غليلي بيه بس ما خليت حسين يتقربله دزيته لاهله يشوفوه ودزيت وياه حمايه خاف يتعرضله احد بالطريق
حسين شفت ؛ابو نور شلون يضرب بهذا تفاجات اول مره اشوفه يستخدم ايده ودزني لاهلي رحت اشوف امي خطيه لكيتهه هي واخواتي ناصباتهه مناحه وتلكوني هلاهل وبجي وجكليت عبالك جاي من الجبهه بس صدك نجيت من الموت حمدت الله وشكرته بس صوره نور بقت ببالي وقررت افتح الموضوع ويه امي حتى تروح عليهم تسياره
نور امي خطيه حضرتلي الحمام وسبحت ومشطتني وتبجي كافي يوم ما بيه شي والله شوفيني گدامج ماكدروا يلزمون شعره من راسي لان جان وياي شاب مبين عليه ضابط هم خاطفينه وهو اللي خلصني منهم وجابني لهنا وسلمني لابويه سالمه بعد ما اخذوني هالكلاب وكعت على ايدي وانرضت تدرين ماما شلون هذا الشاب هيبه ومؤدب ما رفع عينه بعيني ورغم شلون جان وضعنه صعب يغيرلي جو ويخليني اضحك وما اخاف ولا افكر بالخوف وبس يداهر 😂😂😂😂 وتدرين شنو گال
اي ماما ينطيه العافيه اكيد ابوج يعرفه وهسه هو وياه بقيت انخه رب العالمين واهل البيت يرجعونج سالمه الي ونذرت نذر وان شاء الله اوفيه اي شنو گال احجي
بطبيعتي ما اخفي شي عن امي لان اني وياهه اصدقاء تدرين كال جنت اراقبج فتره من بعد ما صدمني بسيارته ويريذ يخطبني اني متت ضحك عليه
ام نور 😂😂😂😂 هذا بعقله شي وابوج ينطيج لواحد انخطف وياجما يعرف شنو اصله ومنو اهله
لا ماما يعرفه تتذكرين هذا اللي جان بابا يسولف عنه يگول بس يتحارش بالجنود
ام نور اي

اجبروني_فهمت_فيه_عشقا

6
نور هو هذا يحبه بابا يموت عليه شفته شلون حضنه وتحمدله على السلامه من وصلني
ام نور وانتي شنو رأيج بيه
استحيت من كلام امي بس لازم اجاوبهه اي صح هو حلو وهيبه بس ما اعرف شنو اگولج
يعني انعجبتي بيه لو شنو
😂😂😂يا اعجاب فدوه اروحلج اكو اعجاب احنه بهيج وضع بس بصراحه حبست رجولته شلون خايف علي لما وصلني للبيت
بيهه الخير يمه الله يجعله من نصيبج اذا كان صحيح يريد يتقدملج
حبيبتي مشتهيه برياني لان ميته جوع يرمين بدون اكل
اوي يمه من عيوني اني اليوم مسويه برياتي وهسه بس اصب الاكل يخسه الجوع.
فدوه لگلبج حبيبتي
ام نو. يله گومي حتى تاكلين وتاخذين علاجج وتنامين
نو. اكلت لان جنت حيل جوعانه وامي تضحك علي لما شبعت حمدت الله وشكرته لان عندي هيج اهل يهتمون بيه ويخافون علي رحت صليت ونمت گعدت بالليل شفت ابوي يتفرج تلفزيون بسته بخده شلونه الحلو شو صافن وين اعترف😂😂😂
ابو نور اتصلوا عمامي وكالو انطيناهم يومين ويفصلون النه ولاهل حسين اني كلتلهم ما اريد فلوس اريد يسلموه للعداله حتى لو هرب او طلع براءه وافقوا واهله تبروا منه وصعدت اوراقه للمحكمه بنفس اليوم بالليل جاي اتفرج تلفزيون سألت ام نور كالت نايمه خطيه كسرت خاطري من شفتهه شلون نايمه حقهه اللي شافته مو قليل بس بنيتي قويه وراح تتخطه هالمحنه اللي شافتهه گعدت واجت باستني وتشاقيني فرحت بشوفتهه 😂😂😂 افكر بيج وبامج وباخوانج تعالي اگعدي يمي نتعشه اني وياج
ها اي عبالي. ليش الجماعه متعشين
اي
لا يا خونه هاي ليش ما گعدتوني
اني ما خليتهم يگعدوج بقيتج نايمه وهاي جبتلج كباب نتعشه اني وياج.
مهيمن اي عني اي دللوهه بخت النسيب 😂😂😂😂
نور غيار على عنادك 😜😜😜
ابونور 😂😂😂😂اسكت منهه شعندي غيرهه حبيبتي وحيده ابوهه

بعد اسبوع اجت مره بس مو جبيره زينه لابشه اسود استقبلتهه امي وگعدوا نزلت جنت لا بسه تراكسود ازرق والرياجيل يم ابوي بغرفه الضيوف 2 واحد صوته مالوف بس ما ركزت بصوته سلمت عالمره ورحت للمطبخ الظاهر هاي ام حسين وجايه تخطبني لحسين
حسين مر اسبوع ويوميه صوره نور متفاركني حجيت لعمار كلشي لان جان اقرب شخص الي وحجينه لامي ووافقت تخطبهه الي صادف يومهه خميس اتصلت بابو تور وحجه وياه عمار ووافق العصر نزورهم ونطلب ايد نور ورحنه واستقبلونه وحجينه بالموضوع والوالده حجت ويه امهه وطلبوا اسبوع ويرجعون خبر حتى يشوفون عمامهه
نور بالليل اجتي امي وحاجتني بموضوع حسين اني خجلت
ام نور ماما حبيبتي هذا الولد جايب اهله وجايين وابوج موافق ينطيه بس بموافقتج انتي ويسال عمامج ويرجعلهم خبر بعد اسبوع فكري براحتج هاي حياتجانتي تعيشينهه
نور ماما اني حجيتلج عنه قبل بس لازم افكر.
ام نور براحتج ماما كدامج اسبوع فكري زين وانطيني جوابج

نور مر اسبوع واني بس افكر بحسين وشلون موقفه وياي حلو وافقت وابوي رجعلهم الموافقه وحددوا يوم الجمعه الخطبه رحنه اشترينه ذهب وحسين ويانه اشترينه كلاده وحلقه ومحبس وتراجي وسوارين حسين اشتراهم الي
حسين عمار هو وينك كوم
عمار اهمداك شتريد جايني من الصبح بالواجب احنه خليني انام
حسين كابي يحوص
حوصتهم واني شكو
خاف ما يوافقون
يا فتاح يا عليم بدينه ولك مو هريتني صارلك اسبوع ولا يهمك واذا ما زوجوك ياهه اني اتزوجك 😂😂😂😂
گبر لفك انطمر انطمر لا افلش راسك
شايف اذا ما وافقوا اضحك عليك سنه كامله واشمت بيك تدري ليش
طيح الله حظك ليش
مقبوله منك اخوي الحبير وعلى راسي 😂😂😂تدري ليش لان ابوهه يعرفك هتلي ومحشش ومخربط وسوالف المزعطه البيك عامه عليك
😂😂😂😂گبر حتى گبر بدل ما يكول ان شاء الله تكون من نصيبك يفاولني بالشر انخمد انخمد رجعت نمت بفراشي غفيت وحسيت بشخص شبگني ولك
شفته نام شبكته وبسته ونتفت شواربه
تعال تعال اليوم اسحلك سحل والناس اللي تشوفك تكول رزن ما يدرون بيك خفه تعال.
😂😂😂😂😂😂😂 ومنكم نستفيد
حسين اركض وراه وهو يركض تعبني القزم عفته ورحت للحديقه گعدت بالمرجوحه ما حسيت نفسي الا نمت وگعدت على صوت امي
حسين كوم وين نايم
عمار ركضت حيل واختفيت حتى ما يشوفني وشفته طلع ونام بالحديقه رجعت نمت بفراشي وگعدنه نتريك
ها غضب تضحك علي
ههههه صباح الركضه الزينه مو زين رياضه صباحيه اش اش هذا ابو حبيبة الگلب
لا بربك 😳😳😳رد
لا ما ارد ما بيه حيل بوش راسي وايدي يله
لا ياخبيث بس رد واللي تريده يصير
عمار الو نعم سيدي
ابو نور صباح الخيرات وليدي عمار حسين يمك
اي يمي تريده
اي لنطيني اياه خلي العب باعصابه شوي 😂😂😂
هههه ماشي سيدي حسين هاك
حسين الو صباح الخير سيدي شلونك شخبارك
صباح النور هلا بالخفيف شلونك
الحمد لله سيدي گول
والله يا حسين ما اعرف شأگلك
خير سيدي اكو شي
اي اكو احنه فكرنه بالموضوع اللي اجيتوا عليع بس البنية يريدهه ابن عمهه
😳😳😳 ها بيهه الخير ان شاء الله محتاج شي سيدي
انطيني عمار
الو نعم گول سيدي
هذا شصار وجهه 😂😂😂😂
ينطي الوان ليش خير سيدي اكو شي

😂😂😂دست باعصابه

150 تعليق اكمل ااتفاعلوو فدوئ
توتةة
اجبروني_فهمت_فيه_عشقا

7
ابو نور گول للوالده موافقين وتشرفون باي وقت
عمار شكرا سيدي ان شاء الله
حسين حسيت الدنيه ظلمت بعيني يعني رفضوني لبست وطلعت من البيت رحت لمكان قريب لنهر دجله گعدت عالرصيف ما حسيت الا دموعي نزلت بجيت بحرگه وضحت حيل ليش ليش شنو ناقصني بقيت شاعتين لما هدأت ورجعت للبيت تلطاني عمار
ها ولك وين جنت خوفتني عليك واخابرك مترد
عوفني بحالي ما الي خلگك
الك عندي بشاره شتنطيني من اگولك
اي انته ابقه جذب علي جذب منو لازمك كول وفضني
ما اكول الا تكول شتنطيني هديه يله مد ايدك على جيبك
جيبي بيه عقرب ما ينطيك شي لو تگول لو تكرمنه بسكوتك
ايا جلف ايا قحف اكول وامري لله عمك وافق

ياعم وشنو وافق
گبر حتى كبر انته تبقه مطفي وافق عليك يعني نطوك حبيبه الگلب
جذب 😳😳بروح ابوك كول الصدك
والله وروح ابوك شبيك ما تصدك هاك اتصل وشوف
تعال تعال خلي ابوسك واحضنك واليوم نتعشه بره بعد تطلبني
اي هذا الاخو الزين ولك منتظر هوووووي وينك ابو البنات تبقى تركض وراهن اهمداك ولو اني شحجي اذا اخوك راحت رجليه انحتن وهو يركض وراهه 😂😂😂😂
لا يا ما تستحي مو قدرتك وعزمتك هاي لان انته محد تگلبك راسك بده يشيب وانته اعزب بله لو بنيه مو جان امي زوجتك وخلصنه منك
😲😂😂😂😂اي والله وجان خلصت من جهرتك ولا مكابلني ليل نهار بالبيت وبالشغل عابت هسه لو اعرف شنو شافوا بيك ونطوك بتهم خرب بالحظ بس هي حظوظ ينطي الجوز للما عنده سنون 😂😂😂
انجب انجب واكرمنه بسكوتك خلي اروح اشوف نبع الحنان على عنادك الشايب
دولي من خلقتي خلي اشوف دربي ساد علي رحمة الله وخر اهمداك
غمه بعينك الغيور
يوم وينج يوم
تعال يمه اني هنا بالغرفه
ها يوم خيرج اشو مدده
لا يمه ما بيه بس رجلي توجعني
وراح تجيج اللي تساعدج
صدك يمه وافقوا
اي يمه هاج تلفوني شوفي شوكت يحددون الخطبه ونشتري الذهب
اي يمه بيهه الخير يله خابرهم واني احجي ويه امهه
امي اتصلت بالجماعه وحددوا الاسبوع الجاي نشتري الذهب والمشيه بعد يومين ونعقد بسرعه لان طلبت منهم شهر ويصير العرس لان كلشي مجهزي

اجبروني_فهمت_فيه_عشقا
8
حسين صارت الخطوبه وطلعت حبيبتي تجنن وصورنه استوديو وكاميرا عاديه اشتريتهه قبل الخطوبه وسلمى اختي تصور بينه بس تغمز ولا تستحي😂😂😂وكل شوي وصاحت بوسهه بوسهه وهاي نور ميته خجل همست نور نور
نور صارت الخطوبه ولبست فستان تركوازي وبيه شذر ذهبي وتسريحه مرفوعه واافستان مفتوح من ظهره بس من صدره شبه مستور 😂😂

اختاره حسين همس باذني نور نور ن ن نعم
حسين شبيج خايفه
نور ها لا لا خايفه ولاشي
حسين خلصت الخطوبه بعد ما خلصت روحي طفت الكهرباء وهاي نور ماعت من الحر صرت اهفيلهه من الحر والمكياج بده يسيل وشغلوا المولد يله ارتاحيت شوي لان خطوبتنه بتموز تحمس حمس حر 😂😂 ونتزوج ب آب يعني على گولة اهلنه قبل بگ وسوادين 😂😂😂
نور مرت الايام واشترالي تلفون جديد يصور يوميه يتصل بالليل ويبقى يحجي رومانسيات للصبح نصلي الفجر وانام مر شهر وكملنه كل التحضيرات كم مره ابوي عزمه وسوه بيه مقلب دمره وكل شوي يگله الا اذلك اذا ما اطلع ضحكك على الناس بيك بسيطه الى ان اجه يوم الحنه وسويت حفله بالبيت ولبست 3 فساتين واجو حسين وامه حنوني وراحوا لان وراهم حنه وتعب لليل نمت من التعب
حسين مرت الايام وبيوم الحنه حجزنه قاعه اني وعمار لان نريد نسويهه ليله من العمر والعصر رحنه حنينه نور ورجعنه وكملنه الحفله ونمت تعبان حيل ثاني يوم العرس لگيت عمار ملتهي بالتعديلات والترتيبات هو ومنتظر وولد المنطقه وياهم وولد خالاتي طلعت من غرفتي والهلاهل يمكن زرفت طبلة اذني عندي خالتي حمديه مو هلهوله تسوي لا صفارة انذار ما ادري جدي شمخلف عبالك مصريات بالهلاهل والرگص تريگت ورحت للصالون اخذت نور وعمتهه وخالتهه ولزكت وياهن سلمى اختي نزلوا من السياره بست ايد نورة حياتي وگلتلهه اليوم انتي الي لو ابوج يجيب الفرقه كلهه
نور من اخذنه للصالون باس ايدي يبقه كشكول اني ضحكت ونزلت سويت تسريحه نازله مو مرفوعه كلش لان اني مو محجبه والبدله ايدينهم تور خفيف اجانه صوفي رجعنه للبيت ساعه واجت الزفه اني هنا گابي يرجف حيل وبس ابجي ابوي باسني واول مره هيج يبجي حبيبي وحضني حيل وبوسني
ابو نور باباتي حبيبي ما يردج الا لسانج هذا بيتج حتى لو تزوجتي اني ابوج وابقه سندج وياي اخوانج وامج كلنه يمج وشوكت متردين بس انطيني تلفون تلگيني يمج
نور :عيوني. وكل حياتي الله لا يحرمني منك
حسين :صار وقت الزفه طبعا بحكم الوضع اللي يمر بيه البلد ما اجرت قاعه حسب رغبة ابوهه سويت العرس بالبيت طلعنه الزفه والكل تركص عمار يسوق وامي يمه واني بالخلف وصلنه وهلاهل ورگص ودموعهم عليهه كلتله سيدي انته بس خليهه يمي ولا تدير بال
😂😂😂😂
ابو نور :اسمع لك اذا صار لنور اي شي بسببك امحيك من الوجود
حسين بويه بويه متوازي واسوي بيهه شي اهاف بعدين تستقطع من راتبي وتخليني اشتغل عماله وبنتك تموت من الجوع 😂😂😂😂
ابو نور ولك مهتلف انته تبقى طول عمرك هيج 😂😂😂😂توكلوا بابا عينك على بنتي وليدي حسين هاي الغاليه ووحيدتي
حسين لا توصي حريص بعيوني
نور ساعه ابجي ساعه اضحك شلون يتداهرون ابوي وحسين وبعدين طلعنه وطول الطريق لازم ايدي ويسويلي بوسه بالهوى اني اخجل وانصي
عمار احم احم نحن هنا لا تنسه نفسك خويي
انجب وسوق غيار
نور هههه شنو هالاخوه يربي
اگلك حسين اكو طريق مختصره بسرعه نوصل البيت شتكول
علواه 😍😍😍😍
نور حجلت من كلامهم استغفر الله ربي
ام حسين لا يمه خلي الناس تتونس نلحگ نوصل للبيت
عمار لا يمه خاف ابنج متوازي 😂😂😂
حسين
😍😍😍اي كلش
ام حسين يايمه هسه نوصل وروح للحمام بش شوي اصبر
عمار 😂😂😂😂😂قصفتيه وروح الحجي
حسين اي يمه هو اريد اروح للحمام بس حمام غير شكل
نور متت بدمي صار وجهي ينطي الوان