رواية أجهضتني ألما الفصل الخامس 5 - بقلم الحساب مغلق

سليم- الحمد لله اني طفيت حنام
فاطمه- اي اني حروح للغرفه انام
سليم- ام عبودي
فاطمه- نعم
اخذي دواج باوعتلها بحنان
فاطمه- اي ماشي
سليم- كالعاده كعدنا الصبحولكيتها دتسوي ريوك كمت صليت وبدلت ويايه عبودي وكعدنا نتريك هي جانت متتريك ويانا كملت الريوك اخذت عبودي وطلعنا للمحل جتي مره اشترت مني هواي شغلات جمله ونطتني رقمها هي مبينه شقاجيه هواي واني عادي اسولف واضحك بحدود بس اخذت رقمي كالت حتى من تجيب هاي النوعيه مال المواد الرايدتها تخابرني تبادلنا ارقام عادي كعمل كملت شغل عزلت ورجعت وكت الغده لكيت فاطمه بالصالون صبيت وكعدنا ناكل اني وعبودي مر شهر من طلعت من السجن مرتاح لتغييري حيل المحل استرد عافيته اخويه معافني اريد ازور والدتي بالنجف حيل مشتاقلها قررت باجر اطلع شوي ودخلت فاطمه
فاطمه- ها الله يساعدك
سليم- الله يسلمج
تاخرت عليك جعت مو
لا عادي صبيت واكلنا اني وعبودي جنت منصي عالتلفون  من احاجيها كمت تمددت
وخليت التلفون يمي عالشحن نمت مرتاح وعبودي بحضني
فاطمه - كاعده اكل دك تلفونه كمت اباوع خاف نايم بالفعل نايم جيت سويته صامت لكيت رقم سميره قطبت حاجبي هاي شنو رجعنا رجعت للمطبخ الاعوج اعوج مينعدل رجعت للصالون اكمل شغل واعصابي تلف كملت شغلي وفتت للبيت دخلت شفته ديسوي جاي
غاطمه- باوعتله ودرت وجهي
سليم- شبيها هاي مدلغمه ردت احاجيها تشربين جاي
فاطمه- لاماريد جاوبت ببرود تره تلفونك دك من جنت نايم سويته صامت
سليم- مممم زين سويتي
فاطمه- عدك هدوم وصخه
سليم- غسلتها شكرا
فاطمه- لعد شكو عدك مره بالبيت كلتها بنتره وعصبيه
سليم- تعاي ضربيني كلتها بصوت ناصي صافن متعجب من عصبيتها
فاطمه- تقربت منه انت تبقى رجلي وابو ابني والاهتمام بيك مسووليتي
سليم- قطبت حاجبي صافن فاتح حلكي اي زين مااغسلها بعد كعدت اشرب جاي جانت كاعده تكلب بالتلفون وتهز برجلها

شنو اكو عكوسيات عدج بالشغل
فاطمه- لا ماكو شي مرفعت راسي
سليم- باعي اني باجر طالع للنجف
فاطمه- ويامن كلتها راسن جنت متوقع حيطلع وي هاي المره اللي دكت عليه
سليم- هاي شبيج بس اعصاب ملازم مااحجي اذا هيج كارهتني  وممتحملتني ببيتي عمي اطلع من البيت اخذت السويج من يمها دااطلع
فاطمه- لالا اعتذر لزمت السويج تلامست ايدي وي ايده بعدت ايدي وبعدها هو هم
سليم- دجيبي داروح للمحل
فاطمه- لا ضميته ورايه اعتذر صيحت عليك
سليم- تنهدت زين ميخالف بي بعد لتصيحين تره البيه مكفيني تنهدت باجر اخذ عبودي ويايه
فاطمه- ويامن حتروح
سليم- ااوحدي ليش
فاطمه- هااا اني هم اريد اجي
سليم- ويايه تعجبت
اي اكو اعتراض لو تريد تاخذ احد معين
لا والله ماعدي احد ماشي شكو بيها تره من ال6اطلع
اي اوك
فاطمه- شون بله مصدكت تغير تجي وحده تاخذه عالبارد بس اذا هو حابها مااكدر احجي شي
وره كم ساعه جوي جنت محضره العشا
الله يساعدكم
هله ام عبودي
تتعشون
اا والله شبعان جابولنا مال ثواب
عبودي- ماما خاله جابت صينيه بيها تمن وعشا
فاطمه- قطبت حاجبي شمرت الوصله جانت بيدي وفتت للغرفه
سليم- هاي شنو شبيها ليش هيج تتصرف عفتها شسويلها بس بقت ببالي
فاطمه- انتضرته ينام يله طلعت من الغرفه ب12صار هدوء اكيد طلع المطبخ بينه وبين الهول شباك
سليم- مكدرت انام بقيت اتكلب افكر بباجر مشتاق لامي سمعتها طلعت كامت تطكطك بالمطبخ
فاطمه- صبيت وكعدت دااريد اكل
سليم- ها شو كاعده
مجاوبته
فتت للمطبخ فتحت الثلاجه طلعت تفاحه جنت بالفانيلا والبجامه ناطيها ضهري طبعا هذا موخوش تفاح قشمرني بي التفتت عليها هاي شدتاكلين ابتسمت
فاطمه- رفعت عيني باوعتله حميسه تريد
سليم- خاف متكفي
فاطمه- لا حاسبه حسابك بس جانو معشيك خزرته
سليم- ابتسمت الامام عازمني
فاطمه _وبيدمن دزها الامام
سليم- استغفر الله عهههه وين الحميسه
هنا بالطاوه
خوش كعدت كدامها اكل صارلي شهر وكم يوم اول مره ننجمع فد ميز  الله كلش طيبه
فاطمه- بس مومثل اكل الامام
سليم- هههه هاي شبيج جلبتي
فاطمه- لتاكل بره بعد
سليم- رفعت عيني متفاجا صار همست وعيني بعينها كملت الاكل وكعدت اسولف احتمال حنسوي قسم كهربائيات من المحل
فاطمه- خوش شغله الله يوفقك
سليم- دتعبين بالصالون
فاطمه- يعني نوبات ونوبات
سليم- عوفيها الشغله اذا ردتي اني شغلي زين
فاطمه- ليش
سليم- علمودج حتى متتعبين
فاطمه- لا متعبانه احب اكون مسووله عن نفسي سليم- براحتج بعد دك تلفوني منو ديخابر ساعه 12ونص
فاطمه- يمكن اللي خابر الضهر
سليم- منو خابر الضهر ليش الو منو ها اهلا تفضلي شو هسه مخابره
لا ماعدي نترت بيها الله وياج سديته
فاطمه- صوت اعصاب
سليم- مكتوب سميره الدكت عليه الضهر
فاطمه- مرديت
مو داحاجيج
مااااذريً صحت
صوتج لتعلي نترت بيها عفتها ورحت نمت
فاطمه- كعدت الفجر صليت وكعدته تقربت هزيته 
سليم- مممم اي كعدت باوعتها جان شعرها مفلول شكلها يخبل كمت فتت للحمام وتحضرت تريكنا وكمنا طلعنا للنجف
فاطمه- اجيت اكعد بالسياره عبودي غلبني وصعد ليكدام
سليم- عبودي متعلم يكعد يمي بس انتبهت تريد تكعد ليكدام شفتها محاجته سكتت طلعنا وكلسا اباوعلها من مرايه السياره وتخلي عينها بعيني
شفت عبودي غفه
ام عبودي هذا نام
يو ركبته انكسرت
وكفت السياره حولته عالكشن الوره باوعتلها اذا تريدين حولي يمي
فاطمه- اي كعدت ليكدام باوعت عليه باوعني مبتسم
سليم- تونا مشينا جرها بنومه
فاطمه- هو يحب ينام دااكعد عدل صارت ايدي يم الكير وهو اجه يبدل كير صارت ايده على ايدي باوع عليه مشال ايده بقه يباوع بعيني حابس نفسه حسيت كلبي راد يوكف درت نصيت عيني بقيت اسمع صوت نفسه المتسارع شوي وعافها دفو ايده وخشونتها لاول مره اتاثر بلمسته
سليم- بالغلط صارت ايدي على ايدها مديهلي  اوخرت من خليت عيني بعينها تاثرت بعدت ايدي وطلعت وره ساعه وصلنا للنجف زرنا الامير وراها توجهنا للمقبره كملنا زياره حيل تاثرت من زرت والدتي ضليت ابجي واتوسل بيها تسامحني عالاذيه الشافتها مني
فاطمه _ كملنا زياره صعدنا بالسياره
اا ابو عبودي نروح شوي لاهلي صار شهرين مشايفتهم
سليم- لا ماريداخجل
فاطمه- ليش انت شمسوي
سليم- تنهدت شمسوي بعد سكران ودعمت واحد كتلته ودخلت للسجن وطلعت بعفو ماريييد
فاطمه/ ماكو واحد ميغلط بس اليفهم يصحح الغلط ويستفاد من اغلاطه بعدين هاي صله رحم واهلي بسيطين وميدورون هالسوالف
سليم- تنهدت ماادري باوعت بعينها والله اخجل اروح اوديج واروح اتغده وره ساعه اجي عليج
فاطمه- اي ماشي وداني لاهلي تلاكنازابويه بالباب ومخلاه يروح كبفت طب بالبيت نطيت الشهريه لامي ضلت تندعيلي خطيه ضل سليم يحجي وي ابويه وحجاله عالسجن شصار وشون تعرف على هذا الرجال السيد تغدينا وره شوي طلعنا
فاطمه - اشكرك خوممحرجت
سليم- لا الحمد لله باوعت بعينها واحد لازم يواجه خطاه
فاطمه- صحً ابتسمت دك تلفونه
سليم- اهوو
فاطمه- شفت هم سميره باوعتله بطرف عيني ودرت وجهي
سليم- الو ها اي اني طالع مافتح لا ارجع تعبان طالع وي عائلتي زياره باوعت لفاطمه جانت دايره وجهه عالشباك سديت المكالمه بقت وجهه عالشباك مديت ايدي لزمت ايدها وعيني عالطريق
فاطمه- لزم ايدي مره ثانيه سحبتها برقه مباوعلي كملزالطريق وصلنا لبيتنا وفات سبح راسن وعبودي رجع نام غطيته بقيت كاعده بالمطبخ اكلب بالتلفون
سليم- طلعت من الحمام جانت كلعده بالمطبخ كعدت يمها هالميز كدامها متسوين جاي
فاطمه-بعيني ابتسمت شنو رايك تشرب كهوه
سليم- تسلم عيونج اوف هي شون عيون بداخلي  كيفج
صبت وشربنا سوه 
فاطمه- شو اقرالك الفنجان
ليش تعرفين
اي اعرف جننا نقره اني وخالتي الله يرحمها
اي بله اقريلي
شوف عيني عدك جمل يعني صبر على شغله ببالك
اي خوش وبعد
اكو مره دتحوم حواليك وانت مهتم بيها رفعت حاجب باوعتله
مامهتم باي مره ابتسمت اي بعد
شوف هنا عدك صعود يعني مقامك راح يرتفع اكثر انشاء الله وعدك زياره لامام مااعرف ياامام بس اكو قبه
ياالله بعد ماكو زواج شي
زواجيش تريد تتزوج قطبت حاجبي
يابه غير واحد يكمل نص دينه صارلي 3سنين
عفته ورحت مدرتله بال بعد
تعاي وين
انام
ها يله تصبحين على خير
فاطمه- كعدت الصبح مشفته جان رايح للشغل ومتريك وطالع وحتى عبودي عايفه ضليت صافنه وين راح مدام عايف عبودي لعد عده شي
ضليت الوب يمكن متزوج اوهاي سميره مرته ودتسال عليه ضليت انتضر للغده مااجه تخبلت هاهي لعد متزوج اني من كلي ماكو زواج شي عرفت للعشره بليل يله فات
سليم- اليوم جان عدي كومه شغل ودزينا بضاعه للموصل تبرعات من غير بلشت بموضوع المشروع الجديد تاخرت توقعت حتتصل بيه تسال عليه ابد يابه الحب كوه مو كوه دخلت للبيت جانت ماعده بالهول
سلام عليكم
فاطمه- عبودي جان نايم 
وين جنت جان منصي ينزع حذاءه رفع راسه باوعلي رافع تك حاجب
انتي شعليج ليش ضل بالج عليه تباوعلي بعصبيه
لا مصل بالي متعشي
لا ممتعشي
اصبلك لو ترجع تطلع باوعته بغضب روحي حتطلع مني
وين اطلع متشوفيني توني طبيت عاي شبييج
باوع انت اذا متزوج عادي كول
واتزوج وانتي شعليج
يعني متززوج عطت
اي متزوج شحتسوين  باعي اذا طلعتي من البيت طلعي وحدج عبودي متجين يمه ارفع قضيه واكول خطفت ابني
ضليت صافنه عليه دمعت عيني ليش تزوجت
ليش مااتزوج صيحت اذا صار 3سنين  ممتقرب من مره وشهرين اني يمج لا سالتي لاكلتي حرام  عليه اعوفه ومترديني اتزوج
انت ماقربت همست وكلبي احترك ابد مغايره عليه قبل هالوكت
شنوو طبعا مااتقرب اذا طيتيني انذار من ثاني يوم جيت بي هنا تذكرين لو اذكرج لو من طبيت عبالك شايفه ملك الموت شويه وخري اريد افوت اسبح
فاطمه- فتت للغرفه ابجي وراها نمت وعفته هو صب واكل
سليم- اني ليش هيج كتلها اصلح واخرب بيدي ليش هيج تنهدت اوف ربي اذا هي تستفز شتزوج خل اوكف على رجلي  الصبح كعدت عبودي جان زعلان اصالح بي ميتصالح  بدلتله واخذته ويايه هي ابد مطلعت من الغرفه
كعدت ابي وافكر اجاني شغل بالصالون وصار حجي عالزواج ال2
كتلهم شون وحده تخلي رجلها يحبها اني من صدك مااعرف
كلولي لبسي ومكيجي هايدانتي ام صالون متعرفين وصدك كملت شغلي لبست عباتي ورحت للسوك تسوكت كم غرض ملابس دشاديش تراكسودات كصيفه اله اخلي يتوسل
رجعت للبيت سشورت شعري ومكيجت ولبست دشداشه كيمونه وقصيره رجلي بيضه وناعمه جنت اخجل اطلع هيج بس لازم اندمه نت محضره الغدا من الصبح انتضرت لل3فات وعبودي نايم بيده
سليم- دخلت ركض خليت عبودي عالقنفه انداريت عليها جيبي غط--- انصدمت هي انهزمت مني جابت الغطا وجتي جنت متخدر صافن على جسمها وبياضه مكياجهه وشعرها ماكو شي مو حلو انصدمت لاول مره بكل حياتي اشوفها هيج غطيت عبودي وكعدت الشفته حتى وكفه مخلاني اوكف
فاطمه- اصبلك همست عينه مشالها
سليم- هزيت راسي مبقه صوت تصب واني اباوه على ضهرها مرايه زنودها ورجلها حاير وين اباوع
خلت الاكل كدامي وكعدت تاكل نسيت نفسي مسيت حتى اكل بس اباوعلها
فاطمه- ليش مدتاكل
سليم- ها اي اكلت لكمتين وشبعت
فاطمه- شنو متغدي هناك
سليم- صافن عليها وين همست
فاطمه- ببيتك ال2
سليم- لا
لعد ليش مااكلت
شبعت تنهدت طالعه حلوه همست
شكرا نصيت
كمت للحمام  سبحت وطلعت كلسا اباوعلها وادير وجهي تمددت عالقنفه
فاطمه- طبعا عيني شبعان من ست الحسن متتقرب بداخلي كملت شغلي ورحت للغرفه
سليم- شون اروح للغرفه وراها ناطي عهد لروحي مااتقرب منها الا اذا هي تقربت او اي شي يبين انه تريدني مو كافي النضره اللي بعينه من جيت  بقيت الوب تالي طلعت حجه بالغطه رحت دكيت الباب
منو
ااني اريد غطا
تعال اخذ
فتت للغرفه جانت متمدده ومتغطايه بقيت اباوع عليها تنهدت
اني ضهري يوجعني
فتحت عيني شنو تريد اسويلك
اريد ارجع انام هنا تعبتني القنفه
تنام يمي قصدك
لا مو قصدي يمج
تريد تروح تبات هناك روح روح الله وياك كمت دفعته من الغرفه وسديت الباب
ابتسمت هاي تغار عليه اخذت الغطا ورحت نمت