رواية أجهضتني ألما الفصل الرابع 4 - بقلم الحساب مغلق

فات للبيت سلم وكعد ينزع حذاءه
سليم- ضلت تباوعلي مثل الوحده عدها حجي
تردين تكولين شي
فاطمه- بلعت ريك اي اريد احاجيك
سليم- ماشي بس اصلي واجي احاجيج لان اذن
فاطمه- اني هم فايته اصلي صليت وكملت طلعت من الغرفه سمعت صوته يقره قران بالهول انصدمت صوته يقشعر من الخشوع رحت للمطبخ اسوي العشا شوي واجه للمطبخ
سليم- ام عبودي اني ماعدي شي كملي البيدج وتعاي احجي التردي
فاطمه- طفيت الطباخ ورحت كعدت كباله تنهدت نصيت ماريد اباوع بعينه اشوف احراجه
---
شوف ابو عبد الله اني ردت افتح موضوع وياك
سليم- كللي اذان صاغيه اباوعلها منصيه وبالكوه تطلع الحجابه
فاطمه- اا ردت اتطلك منك
سليم- قطبت حاجبي ونصيت ممم بس اخذ عبد الله تره كلتها ببرود نصيت راسي
فاطمه- مستحيل اقبل
سليم- تنهدت مااوصل يمج لتخافين اليجمعنا عبودي بس احتمال منا لسنتين اتزوج مره ثانيه بس ماطلكج لان اريد عبودي
فاطمه- تنهدت اي هاهي تفاهمنا بس تره اي شي يخل بالاتفاق اعوفلك البيت واطلع واخذ عبد الله ويايه
سليم- تسويها قابل اول مره رفعت نضري بعينها خزرتها
وين رحتي بذاك اليوم لو مطالع وراج مجان صار هالشي بس الحمد لله جان منهديت
فاطمه- هو انت جنت تشرب وترجع بالسياره اني شنو تذبها براسي رحت للكاضم وبتت بالحسينيه عفته ورحت للغرفه
وره شوي دك الباب
فاطمه منو
اني بس ردت غطه انام بدون غطه
ماشي فتحت الباب نطيته الغطه باوعتله داير وجهه
وراح كعدت على الجربايه وعبودي يمي معقوله السجن غيره لا ابو طبع ميغيره طبعه خليتزوج اخلص منه تذكرت شون جان يعاملني تذكرت المذله نمت وكعدت الصبح
وطلعت للمطبخ جان مرتب الفراش ومخلي على صفحه ضليت اباوع شوي وطلع من الحمام كان مزين طلع كلش مرتب مشط شعره بقيت اباوعله اندار شافني اباوع نصه تنهدت يله اني رايح
فاطمه- تريك وروح عبودي يريد  يتريك وياك
سليم- ها بابا تتريك ويايه ابتسمتله شلته حضنته وغمضت عيني الحمد لله ربي
اليوم اخذه ويايه
فاطمه- وين
سليم- اباوع لعبودي وابتسم للمحل بسته من خده صار رجال لازم يساعد بابا
فاطمه- خاف يضوج
سليم- اذا ضاج ارجعه باوعتلها ها نتريك
فاطمه- صافنه عليه ااا اي اي هسه
سليم- تريكت باوعتلها اني تره اجي الضهر ارتاح وارجع اطلع العصر ماكو مشكله
فاطمه- لا لا عادي اني شغلي بالغرفه مو هنا
سليم- لا موهذا قصدي ااايله هيج يله عبودي ببا
اخذته ورحت للمحل جان طلير عبودي ويايه طلعنا الموجر وكعدت بمكانه واشترين منه البضاعه وراسن بديت البيع الحمد لله الله وفقني للضهر رجعت للبيت وعبودي شايله على كتفي
عبودي- ماما ساعدت بابا بااغراض شلتهن وياه
فاطمه- عفيه بالسبع يله جوعان تاكل
سليم- اي والله جوعان ها العفو عبالي ويايه تنهدت
فاطمه- يله  كعدو اصبلكم صبيتلهم وعفتهم ورحت للصالون جان عدي شسوار بنيه وحفيفه وره ساعه جيت طبيت لكيتهم نايمين ثنيناتهم وسليم حاضن عبودي منضرهم يخبل طكيتلهم صوره بتلفوني وخليتها واجهه ضليت اباوع لسليم بعدني اخاف منك مااعرف يجوز ترجع مثل قبل كلتها بداخلي
تغديت وفتت نمت بالغرفه وره كم ساعه اجه عبودي يركض ماما كعدي ماما بدليني حروح وي بابا
فاطمه- اي حبيبي هسه بدلتله وراح وره شوي طلعت جانو بعدهم مطالعين ها ماما شوكت تروح
هسه مو بابا ديبدل
سليم- طبيت بدلت بالحمام وطلعت جنت مشتري كم تيشرت وبنطرون من طلعت ضلت فاطمه تباوع عليه باوعت بعينها ودرت وجهي مشطت وطلعت كالعاده
فاطمه- مشتري هدوم خطيه رجع للحياه همزين الله هداه لخاطر ابنه
مشت الايام كل يوم هيج ابد مطلب مني اي طلب  نوبات عيونه تراقب مر سبوعين
ماجده- ام عبودي محتاجتني
فاطمه- اي والله مجوده عدي 4حفيفهزامشي ويايه كملناهم سمعت صوت عبودي يصيح فتت للبيت وفاتت ورايه
ماجده- ماكو احد ليش لابسه الحجاب
فاطمه/ لا هيج راسي ياذيني
سليم- باوعتها ودرت وجهي اخر همي
ماجده- بس لا تلبسين من ابو عبودي ولج اي شنو لا
فاطمه- لا ام علي صدك تحجين هاي الربطه وذبيناها
سليم- صفنت بلعت ريك تذكرت شكار شعرها بقيت اباوع عليها نسيت  روحي عدلت شعرها باوعت عليه شافتني صفنت عليها نزلت عيني مرتبك
ماجده/والله كلت لا بسه من رجلها هههههه ادري بيج حتى من عبودي تلبسين
فاطمه- لتبالغين تاكلين هذا عبودي جاع هسه
ماحده- لازيمه اروح اصب للجهال خيرج سابق  هسه رحومي هم اجه
فاطمه- ماشي وكفت اسوي زلاطه شفته وكف يصلي وعبودي واكف يمه  فدوه لكلبه يقلد ابوه
كمل صلاته
ابو عبودي اصبلكم
سليم- التفت اي والله اذا ماكدرين عادي اني اصب
فاطمه- لا شعدي صبيت ودافوت
سليم- ااا وانتي متاكلين
فاطمه- شوي معدتي متخربطه مااكدر اكل
سليم- ماشي براحتج يمكن متريد تشاركني بفد كعده براحتها فاتت للغرفه وراها كملت اكل وشربت جاي ونمت وعبودي بحضني بس يحجي
لك بابا نام نعسان خل ننام حتى العصر نروح نفتح
اي بابا حسكت
نمت وكعدت العصر ولبست وهي ماكو
عبودي بابا روح بدل
بابا ماما نايمه تكول مابيه حيل
سليم- تنهدت وين هدومك
عبودي- بكنتور ماما
سليم _كول لماما بابا حيفوت يطلع هدومي
اي بابا كالت على راحته
طبيت باوعتلها اخذت هدوم عبودي والتفتن عليها مغمضه عينها وايدها على بطنها شنو توجعج
فاطمه- فتحت عيني باوعتله شويه همست
سليم- ليش متروحين طبيب
فاطمه- ميحتاج هسه تطيب
سليم- يله بابا امشي تقربت منها هذا رقمي اي شي خابريني
فاطمه- ميخالف الله وياكم دير بالك على عبودي
سايم- رجعت نامت راقبتها بقلق شبيها هاي طلعت للمحل ساعه ورجعت ضل بالي اني محللي عالشارع وصلت للباب شفت نسوان2ديدكون الباب
فتحت الباب وفتت كبل للغرفه بعدها بالفراش
ام عبودي ام عبودي
فاطمه- مممم
سليم- شتدحسين جنت خايف عليها تلمست كصتها جانت مثل النار ركضت جبت الخافض حراره والكمادات عبودي صافن عليهه كمت اسويها كمادات شويه وخفضت بس نايمه محاسه رحت جبت اكل تغدينا اني وعبودي ونام رجعت للغرفه سويتلها كمادات لحد ماخفضت تمددت عالسرير يمها مجان قصدي شي بس خاف يصير بيها شي وصدك كعدت وتقيات وراحت ركض للحمام
رحت وراها لتقفلين الباب مافوت ضلت تتقيا شوي وطلعت دايخه غسلت وجهه صار اصفر باوعتها من صدك خفت عليها --
شدتحسين شنو دايخه
ماادري ممتزنه ومعدتي حتموتني
امشي بدلي اخذج للطبيب
لا ماريد
شنو المتريدي نترت بيها
حنام حنام
ام عبودي فدوه لتشلعين كلبي حاجيتها بهدوء امشي حتى تطيبين
اوكي هسه حبدل عفت الحايط ردت اروح للغرفه حسيت روحي دخت ردت اوكع
ها ها يمعوده تقربت منها ركض لزمتها انسدت عليه وصلتها للغرفه خليتها عالجربايه وين هدومج
روح عفيه
اي حروح والله تنهدت بس داخلي يمج هدومج حتى تبدلين
ذيج الجبه معلكه
هاج وهذا حجابج
شكرا باوعت بعينه بتعب
طلعت من الغرفه وكفت وره الباب انتضر انتضر ماكو دكيت الباب محد يرد فتحتها لكيتها نايمه
هاي شنو يمعوده شفتها فاتحه الدكم ونامت منضر صدرها عذبني متت تذكرت من جنت اتقرب وشكد جنت احرجها وااذيها
ام عبودي ام عبودي تقربت منها خليت ايدي على كصتها صخنت هاي شون بله صفنت فكرت اجيب الطبيب بس كون يقبل يطلع من العياده هسه دكمت الدكم ولبستها الحجاب وغطيتها لملمت الهدوم بالغرفه ورحت همزين قبل يجي فحصها وكال التهاب امعاء ونطاني علاج كعدتها من راح نطيتها عصير برتقال لزمت الكلاص بيدي وهي تشرب جانت دايخه
سليم- سندي راسج عليه همست
فاطمه- خليت راسي على كتفه وكملت العصير التفت عليه نضراته حلوه كلها قلق اني مريضه ودايخه حسيت بي بقيت اباوع بعينه
سليم- ضلت تتامل عيوني عبالك دتباوع لكلبي كملت رجعت جسمها للفراش تقربت من وجهه عضيت شفتي درت عيني وغطيتها تنهدت
ااني حطلع اخليج ترتاحين
فاطمه- عبودي وينه
سليم- بعده نايم
فاطمه- كعده موزين ينام وكت المغرب
سليم- اي والله هسه حكعده لزمت كصتها بقت تباوع بعيني صعدت ايدي على شعرها تلمسته تنهدت الحمد لله راحت الصخونه
فاطمه- اي احس روحي احسن شكرا ابو عبودي
سليم- علشنو شكرا عبودي محتاجج باوعت بعينها
فاطمه- يعني انت علمود عبودي
سليم- هزيت راسي اي بقيت اباوع بعينها الصفار البعينها وداني لغير دنيا حسيت على روحي اترخص عفتها وطلعت
فاطمه- ليش عيج دااتاثر بعينه بحياتي محبيته  بحياتي مبينلي حبه وليش هلكد خايف عليه اوووف هو عادي النوبه اني حذب روحي عليه بقيت متمدده وهو اسمعه يسولف وي عبودي وراح جاب عشا شوي ودخل للغرفه
سليم- ام عبودي تاكلين شوي شوربه دزت ام علي 
فاطمه- لا عفيه ماريد من فرغت معدتي يله ارتاحت
سليم- باعي مو تره موزين العلاج تاخذي ومتاكلين
فاطمه- تنهدت ماشي هسه حطلع ضجت من الغرفه
سليم- تكعدين يمنا بالهول
فاطمه- اي شوي عالتلفزيون
بيج حيل تمشين لو اساعدج
لاالحمد لله احسن كمت مشيت وهو ورايه
سليم- اريد الله يغفرلي كل ذنب ذنبته بحقج بداخلي احجي واباوعلها اريدها وارغب بيها بس مااقربلها الا اذا صلحت الصوره الي بعينها قبل خمس سنين كعدت بالهول وسغلنا التلفزيون عبودي كاعد يمي كلسا اباوعلي واضحك تمددت ضليت العبه
فاطمه- كلش حلو يلعب ابنه هواي متغير غيره السجن بقينا نتفرج عبودي نام غطاها وكعد هو بالكع لان عبودي عالقنفه نام ضليت اباوعله  تلفوني  دك
سليم- هاي تلفونج
فاطمه- اي بالغرفه
سليم/ كعدي كعدي اني اجيبه داجيب المخده ويايه رحت جبت التلفون خلصت الدكه باوعت مخليه صورتي اني وعبودي خلفيه ابتسمت وديتلهازالتلفونً مبينتلها شي كعدت بمكاني
فاطمه- هاي مجوده تنهدت شوكت بديت تصلي رفع نضره باوعلي
سليم- تنهدت اول مفتت للسجن تعرفت على رجال وصادقته خوش ولد تنهدت سيد علمني كلشي عن الدين كللي تلحك لروحك حرامات تخسر دنيا واخره
فاطمه- متخسرها انشاء الله بقيت اباوع بعينه وهو منزل عيونه
سليم- عيونهز تجيب اكبر واحد للدرب اني صارلي 3سنين بدون مره تنهدت ليش مزرتيني بالسجن
فاطمه- ااا مكدرت نصيت نضري
سليم- تكرهيني
فاطمه- جنت
سليم- وهسه ادري من شفتيني طلعت انصدمتي وصار شهر قالق راحتج درت وجهي عنها بس خلي ارجع اجمع واعوفلج البيت
فاطمه- هسه انت ابو عبودي لا مقالق راحتي اصلا جدا عادي اريد يرجع عيني بعينه