رواية أجهضتني ألما الفصل الثالث 3 - بقلم الحساب مغلق

فاطمه- ما انت متحبني شكو جاي عليه
سليم- انجبي وسكتي  هو انتي هم تنحبين جنج طابوكه لا احساس بيه ولا ابد
فاطمه- انت مخليتني احس بيك انت متخليني ااحبك
سليم- متنحبين كوه اصلا ميعجبني حتى ابوسج لو احضنج ذوله العواهر يعجبوني اكثر منج
فاطمه- من سمعت كال هيج ضليت ابجي لحد ماصيح عليه
سليم- سكتييييب خليني ارتاح واعوفج بس تطلع اربعين امي ارجع للنسوان والشرب
فاطمه- عوفني اشهك وابجي واكوله عوفني وخر عني ضل يضرب لحد ماتعب وطلع من البيت كمت وكفت اباوع على روحي بالمرايه مدمايه غسلت وجهي  لميت هدومي اخذت ذهبي وطهب خالتي واخذتي عبودي وطلعت من البيت شبعت ذل مااتحمله بعد ومن بعد مابقو عدنا بيت اخو رحيم شفت معاملته وي زوجته صحيت ليش اني موهيج يعاملني قررت اعوفه واطلع ومااعرف وين
سليم- ساعه 1رجعت للبيت لكيته فارغ جنت شارب ونص طافي ضليت اصيح فاطمههه وهي ماكو شفت كنتورها فارغ كعدت بالكع وين ولت ابني وين خسرت كل حياتي ابني راح لا هسه ترجع وين تروح اخذت سويج السياره وطلعت ادور عليها بالشوارع الادبسز الا اموتج بيدي ياسافله دورت لحد  ما ايست غوشت عيني ارتطمت شي مااعرف شنوه نزلت شفت رجال بالاربعين وكعت بالكع اصيح من خوفي طلعو العالم من بيوتهم بديت احس على روحي واحد منهم كال هذا مات والثاني اسمعه يكول هذا سكران ودعمه اخذوني للمركز وحسيت مي بارد ذبو عليه فزيت حققو ويايه وانحكم عليه سجن موبد لان الضربته مات واهله مقبلو الفصل
فاطمه- طلعت من البيت رحت للامام الكاضم لليل رادو يطلعوني كتلهم ماعدي مكان ابات بي ودوني للحسينيه مال علويه حسنى  وره يومين اتصلت باهلي اني كنت دائمه الاتصال اسال عنهم بس مااحجيلهم شبيه مبيه بس اسال عن خواتي وامي وابويه اتصلت اسال عنهم تلكتني امي هايمه شونج بالي يمج ميخالف انتي المره وسبع رياجيل اذا شفتي نفسج متكدرين تعاي يمنا
---
يمه شكو لتخبليني
لا يمه مو سليم بالسجن
ياسجن ااا شمدريج
ليش متدرين
لا يمه ادري بس ردت اعرف شون عرفتي
والله يمه خابرت الجيران اسال عنج تلفونج مغلق كلولي كتل واحد وجان شارب وهسه انسجن موبد
فاطكه- سديت الخط ضليت صافنه افرح لو ابجي بس خطيه والله شكد اذاني بس انقهرت عليه رجعت للبيت لكيت اخوه موجود
شونك خويه رحيم شونج ماجده
هله ام عبودي متكوليلي وين جنتي
رحت بيت عمتي تعاركت شوي وي سليم
رحيم- خويه خو ما اذاج من ضربج
فاطمه- ابو علي شدتشوف باوع عيني واحكم الله يخفف عنه سجنه  تنهدت عبود ماما تعال اسويلك اكل
رحيم- باعي خويه اني حبني بالحديقه العقد مالتي خلص اخذ حصتي من البيت وابني محل سليم يتاجر وتعيشين من اجاره واي شي تحتاجين اني بالخدمه
فاطمه- متقصر ابو علي الله يخليلك ماجده والجهال جانت عدي كومه طموحات ادبرلي شغله اعيش منها وصدك بلشو العماله بالبيت ماجده عاقله وهادئه وجهالنا توالمو عبودي صار عمره سنتين كملو بناء وكعدو ببيتهم واني بقيت ببيتي مفتوح باب بيناتنا الله ينطي العافيه كان نعم العم لعبودي بديت اتعلم حفيفه وسشوار ماجده ساعدتني هواي كمت شوي شوي اقنعه بسنه وحده انعرفت بمنطقتي اني ام صالون وكامو يجوني بهالسنه قويت شخصيتي وكمت ادز الفلوس لاهلي شهريا حطيه شوي ارتاحو بنيت غرفه بالطرمه مالتنا مربعه وياها حمام سويته صالون رجعتلي الثقه بنفسي عبودي حبيبي كمت اعلمه قراءه القران بليل من اعزل رحيم خطيه ابد معافني شاريد يسوي وساعدني هواي ماجده كامت تشتغل وياي مشيت الايام ورحيم كل اسبوع ياخذ عبودي ويروح لابو يزوره بالسجن
سليم- من انسجنت وبقيت وحدي ايام وي ناس مااعرفهم مايسين من الدنيا فكرت بكل سوالفي الشرب والنسوان معاملتي الحقيره بمرتي وباهم شي عبودي ابني مدتروح من بالي موقف من اجاني ركض بعدها استغرب مني عباله رحيم جان رحيم يجيبه بالاسبوع مره ابقى ويا ساعه بس مااشبع بده يتعود عليه ويكبر كللي رحيم زوجتي فتحت صالو ورجعت للبيت تعرفت على شخص بالسجن مكتمل دينيا ودخل السجن قبل عشر سنين وكام يقره عن الدين عده معلومات  هواي  عن كلشي  تريد تعرفه تقرب مني فد يوم شافني ابجي بليل عبد الحسين اسمه وهو سيد بس للاسف قتل ومحكوم موبد وراها تاب لله تقرب مني وبده ينصحني واني جنت كل ما اختنك اجي يمه
سليم- سيد خايف من عداب الله اني اذيت امي هواي وقتلت شخص وشربت بشكل يومي علاقات ولعبان نفس ومن غير مرتي اذيتها جنت اضربها ضرب مصاير
السيد- كلشي اله حل ربي حبيبي غفور بعباده ابدي من الصفر ابني لتخسر حياتك واخرتك  انت تصلي
سليم- لا دمعت عيني اباوعله احس روحي خجلان من الله
ال سيد- شوف اول نقاط التوبه الندم  على الذنب وثانيها العزم على عدم العوده الى الذنب
توكل هلى الله وكوم صلي ورافقني بكلشي اسوي الك واهس
سليم- باوعتله رجيت راسي عالحايط بس طلعني من عذاب الضمير دمعت عيني
السيد- تربيتك صالحه ابني والتربيته صالحه مرده لربه ثق بالله كوم صلي ويايه
سليم- تتوقع حيسامحني
السيد- وتوبوا الى الله جميعا لعلكم تفلحون اكيد يغفرلك الله ارحم الراحمين هسه نكمل صلاه واحجيلك قصه نوح وشون ربك غفرله الله رحيم بالعباد
سليم- والنعم بالله كمت توضيت وصليت ويا كضيتها ابجي وللصبح منمت ومشيت يومي بالقران والصلاه ردت تجي فاطمه وي رحيم ردتها تسامحني صارلي سنه بالسجن ومزارتني ولا مره كانها خلصت مني لازم تسامحني ماريد تربي ابني بكره وحقد عليه من اجه رحيم هالاسبوع ترجيته يكولها تجي وواعدني انه يكولها
رحيم- خويه ام عبودي تره سليم توسل بيه حتى اخذج تشوفي
فاطمه- ابو علي لا اروح ولا شوفه ماريد
رحيم- لا خويه هيج حاقده
فاطمه - واكثر من ما تتصور عوفني براحتي تره متلكوني هنا اخذ ابني وانهزم  بي
رحيم- لا كيفج وره اسبوع رحتله وكتله متقبل تجي عوفها براحتها
سليم- تنهدت ماشي ماشي بالسجن كمت العب حديد وخفف وزني ولزمت عبادتي كلش التزمت كمت مااكدر انام اذا مااقره جزء قراني كامل
مرت سنتين وجانه خبر انه اكو عفو بعد كم شهر لزمت الله واهل البيت انه يصير النا العفو ونطلع جان عدي امل انه الله مراح ينساني كمت اعرف كل القصص والاحتديث بديت احفظ  القران
فاطمه- عمت ابويه الصغيره عمرها 38سنه ساكنه الصالحيه معلمه وي اخوها وعدهم شقه وجوه محل صغير ماجري للعالم شغلها معلمه كامت نجيني كل فتره للعلم كان اكو مشاكل بيننا وبينهم بسدالحمد لله من جيت لبغداد ماعدي غيرها بلغداد واحس روحي غريبه كمت اروح دائما الها اني وعبودي اغير جو وارجع اخوها كاعد بصف شقتها يعني عم ابويه مو جد ابويه متزوج 2 وهاي مو من بيبية ابويه اللح لا من الثانيه المهم بعدهم صغار هو اخر شي تزوج وجاب عمه تماضر ومن توفى امهم جابتهم لبغداد لا ن مرت جديداصلها من بغداد المهم راحت الله يرحمها وبقت عمت ابويه  وعم ابويه جنت ارتاح من اروحلها تحبني من كل كلبها اهلي كمت كل شهرين اروح بيت مايان جهال اخويه وابويه خطيه بعده صغير بس تعبان عده الكلى فانطيهم الوارد وابقه شوي ازور وارجع
مرت الايام مرت سنتين على سجن سليم
سليم- وبالفعل صار العفو ومن طلعنا امشي بالشارع وابجي مكلت لرحيم ردت افاجءهم اخذت رقم السيد حتى ابقى على تواصل وياه
رجعت للبيت من فتت منطقني مااعرف شصار بيه اباوع محلي ماخذه غير واحد هم فاتح جمله دكيت بابنا
فاطمه- ماما عبودي شوف منو خاف خاله ماجده
عبودي- اي ماما
فاطمه- ها منو
عبودي- صافن مبتسم
فاطمه- لبست حجابي وطلعت باوعت فتحت عيني رجعت ليوره خطوه دمعت عيني
سليم/ باوعتها انصدمت من شافتني رجعت ليور نصيت متوقع منها هالاستقبال نصيت اجه عليه عبودي لزم رجلي حضني شلته على كتفي حضنته ابجي بلعت لساني من شفته
فاطمه- دخل للبيت ودار وجهه عني فتت لغرفه الصالون صافنه شجابه هذا شون حعيش وياه شون اروح لعمتي ابقى يمها عدي فلوس  اكدر اعيش منها نص ساعه وطلعت فتت للبيت جان كاعد عالقنفه وبحضنه عبودي من دخلت رفع نضره باوعني
سليم- باوعتها ودرت وجهي نضراتها موتتني
تحسسني بكراهيتها
فاطمه- كعدت كباله بس بعيد محجيت ولا حجايه كام عبودي من حضنه وطلع يلعب بره بقه يباوع بعيني مكسور رفعت عيني بعينه نزلتها بقينا هيج هو منطق ولا حرف ولااني شكول مااعرف تنهدت حمد الله على سلامتك
سليم- الله يسلمج ام عبودي بقيت اباوعلها شكد جانت حلوه هاي السنتين زيدتها حسن ونضوج وكبرانه من فوك ليجوه
تنهدت هاي بيت رحيم اليمنا
اي بيته وهاي الغرفه صالون سويته الي
بالعافيه عليج بقيت اباوع بعينها
تاكل شي جوعان انقهرت عليه نضراته تقهر مكسور موذاك المرعب ابو السهرات --
اي والله جوعان حيل  ولو حتعبج
لا هسه اصبلك بس يحمه الاكل
زين فايت اصلي
هاااا
نصيت نضري خجلت وعفتها فتت اصلي
فاطمه- اباوعله من يصلي بخشوع تام انصدمت بي كمل صلاه واجه للمطبخ كعد ياكل دقايق واجه رحيم حضنه ويبجي حمد الله  عسلامتك يبن امي وابويه
جان حاضنه ومغمض عينه
رحيم- اكعد خويه كمل اكلك اني شوي واجيك
سليم- رحيم اريد ازور
رحيم- اي حويه صار كمل اكلك واخذك
فاطمه- فاتحه حلكي صافنه هذا سليم وينج خاله الله يرحمج كون تشوفي شون مكسور مو هذا الجان هارج البيت بصياحه والضرب مالته
سليم- واكفه مثل الطاووس بفخر وصلابه بميت رجال بقيت اباوع عليها صبتلي جاي شربته وطلعت ماريد اضيع دقيقه مو كافي ال3سنين
بالسجن  اخذت رحيم ورحنا زرنا الامام الكاضم وجامع براثا والخضر ورجعنا رجعت بليل جنت كلش مرتاح طبيت للبيت السلام عليكم
فاطمه- تنهدت وعليكم السلام الربطه ممت ماانزعها جنت شايله هم اله ومنتضرته يجي اريد احاجي اني مو فاطمه الضعيفه اني ام عبودي الواثقه من نفسها